المساعد الشخصي الرقمي

مشاهدة النسخة كاملة : الهجرة الي السويد



الصفحات : [1] 2

ادولف هتلر
08-10-2007, 03:46 AM
انا شاب ليبي ضاقت بي سبل العيش في بلدي الحبيب
اريد الهجرة الي السويد لتحسين وضعي واستكمال دراستي الجامعيه
ارجو اخباري طريقه السفر والحصول علي تأشيره وماهي الخيارات المتاحه امامي

بيكر
08-10-2007, 03:53 AM
عليك وعلى طريق النباك

أول فتحة على اليسار

تجيبك مع ساليطة مصيف شاطئ الأمان

تجي في البحر على طول

ومن غادي شوف من يوصلك للسويد

ras_bras
08-10-2007, 05:39 AM
انا شاب ليبي ضاقت بي سبل العيش في بلدي الحبيب
اريد الهجرة الي السويد لتحسين وضعي واستكمال دراستي الجامعيه
ارجو اخباري طريقه السفر والحصول علي تأشيره وماهي الخيارات المتاحه امامي

أولا أرجو لك التوفيق ولكن حسب من سمعت من أناس حاولوا الهجرة الى السويد ومن ثم رجعوا والبعض منهم حاول بعد ذلك الى بريطانيا وكندا ...يشبهون السويد ودول السكندنافيا بالظلمات الى النور بالنسبة لبريطانيا وكندا ....فهناك سترى القوانين الصعبة للهجرة والكثير منهم تزوجوا من هناك زواج مصلحة فباعوا دينهم وخسروا دنياهم وتركوا اطفالهم وخسروا كل شئ . ناهيك عن شهور الظلمة التى تستمر لستة أشهر فالصائمون هناك ومن يعضون على النواذج يصيمون هذه السنة أكثر من 13 ساعة ويتوقع العلماء حتى سنة 2010 ستزيد لأكثر من عشرون ساعة ويطالبون العلماء بوجوب وجود فتوى وهل يستطيعون تتبع امساكية رمضان لأقرب الدول التى تقع فى خطوط الطول ةالعرض " العادية " ...ومن ناحية أخرى يلجأ الكثيرون هناك حتى من السكان الأصلين الى الأنتحار بسبب الكآبة والأمراض النفسية بسبب البرد والظلام المادى والروحى المعنوى ....

هذا رأى ..:devil: فك روحك وقعمز وريض والسلام

ابو العز السلمي
08-10-2007, 06:02 AM
أفضل دولة بريطانيا وتذهب اليها عن طريق مدرسة لتعلم الانكليزية .

SuSpEcT
08-10-2007, 11:43 AM
أني الأول نجري عليه موضوع زي اهوا ...

المهم حسب ما قصقصت اني .. لو انك في ليبيا ..
راهو سفارة مافيش ... يعني بتحاول تاخدها التأشيرة من مصر ...
و عندك تبي تأمين صحي و كشف حساب ...

و فيه طريقة تانية ...
أل و هي ...

انك تاخد فيزا متاع دول شينقن .. ومنها السويد... دولا شنقن هاذو فرنسا و اسبانيا و السويد و البرتغال .. يعني فيه سفاراتهم اهني ..

و من شنقن .. تمشي بيها السويد .. و غادي ادير اجراءات متاع القعاد فترة اطول..
هذا على حسب ما سامع ...

و زيد شد الموقع اهوا ...

فيه كل شي تبيه ...

www.studyinsweden.se


و بالنسبة لبريطانيا .... من الأخير تبي حد عنده جهد و فلوس... هما صغار الأنجليز نفسهم ايكملو في قرايتهم في استراليا على خاطر ارخص ..


>>OVER<<

davidbeckham
08-10-2007, 12:40 PM
يا ودي فك روحك .. وخليك في العظمى .. أريحلك واكرملك ..

السلام عليكم

astartelo
08-10-2007, 12:56 PM
اسمع السفر متع التمرميد ميصيرش منه ومش حدير منه لا فلوس ولا مستقل..
الا لو حصلت عقد عمل من هني وهده شبه مستحيل تحصلهــا.

الطريقة الوحيدة النــاجحة هي الزواج من سويدية فقط لا غير .!

moada
08-10-2007, 02:28 PM
بلدك احسن لك من كل الدنيا
اخي صدقني !!!!!!!!!!!!!!!

ger80e
08-10-2007, 03:08 PM
اسمع السفر متع التمرميد ميصيرش منه ومش حدير منه لا فلوس ولا مستقل..
الا لو حصلت عقد عمل من هني وهده شبه مستحيل تحصلهــا.

قعمز ياخوي ودور علي خدمه في بلا دك خيرلك

mo7ammad ma7moud
09-10-2007, 02:25 PM
السلام عليكم
اخي الكريم انقل كلام اخوة كانوا يعيشون بالسويد نعم انا لم اذهب الى السويد و لكن انقل لك كلام اناس عاشوا بالسويد سنين طويلة و حصلوا على الجنسية السويدية و كانوا يعملون في وظائف جيدة و كثير من هؤلاء الذين احدثك عنهم جاءوا للعيش بمدينتنا و عندما سألت احدهم لماذ تركتم السويدو جئتم الى مصر بالرغم من ان الظروف المعيشية في السويد بالتأكيد افضل من مصر ؟
اجابني قائلا صحيح ان كل شئ افضل في السويد (الرعاية الصحية,التعليم,الطعام ,.....الخ) و لكن لا يوجد دين اى انه من الصعوبة ان تحافظ على دينك في مثل هذه البلاد؟؟
و لا تنسى اخي الحبيب ان الدول الاسكندنافية(السويد,الدنمارك,النرويج.فنلندا) هى الدول التي خرجت منها مرتين الرسوم التي تسخر من رسول الله صلى الله عليه و سلم فان كنت اخي الكريم ترغب في سماع سب رسول الله فمرحبا بك في السويد!!!!!!!!!!!
و اخيرا اخي الحبيب اقول لك اننا جميع ضاقت بنا الدنيا في بلادنا الاسلامية و العربية و لست وحدك فصبرا حتى يطلع ضوء الصبح أو يقضي الله امرا كان مفعولا
و بامكانك ان تجرب السفر الى دول الخليج صيح ان الاوضاع هناك لا تختلف كثيرا, و لكن بامكانك ان تحصل على اجر اعلى مقابل عملك و وفقك الله لما يحب و يرضى

أحمد الشفتري
25-11-2007, 06:43 PM
السلام عليكم
والله يا جماعة الخير انا موجود في السويد من فترة مش طويلة هلبة لكن كافية اني نعرف نظام الحياة في السويد ومن باب السعيد من وعض بغيره فانا ننصح كل شخص يفكر في السويد انه يعيد النظر في الموضوع هذا وما عنديش مانع اني نشرحلكم بالتفصيل عن السويد ومش عارف تبو نبدالكم بمساوئ السويد اوحسناتها يتهيالي المساوئ هيا الاولى يكون احسن:
قبل كل شيء دير في بالك ان اللي ينطبق علي شخص ما ينطبقش على اي شخص تاني لانه كل شخص عنده عوامل معينة على اساسها يقيم في الامور لكن فيه امور مشتركة بين الشباب الليبين.
الشعب السويدي شعب منغلق بكل ما تحمل الكلمة من معنى يعني ما عندهمش اي استعداد انهم يحتكو باي واحد اجنبي حتى من داخل اوروبا؟؟؟ولما تسمعهم كيف يحكو على سكان جنوب اوروبا تقول ياساتر امالا شن بيقولو علينا؟
طالما انت داخل السويد مستحيل يوقفك اي بوليس او يسالك حتى لو ان وضعك مش قانوني تعرف ليش لانهم يستعملو في مبدأ اللي فاها حليب تصيح وهما عارفين كويس جدا انه مستحيل الواحد يطول عندهم الا باقامة قانونية وما بينك وبين الاقامة القانونية سبعة بحور.
الحصول على عمل في السويد مع السويدين ضرب من الخيال واذا كان حصلت عمل فحيكون مع واحد اجنبي وما نحكيلكش على الحقوق الي بتحصلها معاه لانه حيستعبدك عبودية الجاهلية الاولى واذا كان مش عاجبك اشرب امية البحر وما دا بيك من بحر ليبيا لان بحر السويد مش مالح هلبة!!
الصلاة في السويد تريح منك عيني عينك اذا كان صيف المغرب والعشاء والفجر في ظرف 3 ساعات بس واذا كان شتاء الظهر والعصر والمغرب في 3 ساعات كذلك وشوف روحك كيف بتلحق.
اللغة السويدية ويا عيني على اللغة السويدية لو تقعد تتعلم فيها 700 سنة مش حتقدر تتقنها وخاصة النطق لانه عندهم حروف صوتية ما سمعنا بها في آبائنا الاولين والسويدين بدونها مش حيقبلو طلبك لاي عمل ان وجداصلا رغم ان 99 في المية من السويديين يتكلمو الانجليزية بطلاقةكبيرة جدا!!
كل شخص مقيم او مواطن في السويد يحمل اربعة ارقام زي ما تقول( الرقم القومي) وبدون هالارقام حتقعد عايش على هامش السويد ومش حتقدر تدير اي حاجة حتى لو كانت استلام طرد بريد مثلا جاي باسمك؟؟ وباش تحصل هالارقام (بالنسبة لليبين) الحل الامثل هو الزواج من مقيمة او مواطنةسويدية وتوا تذكر اول حاجة قلتها عن انغلاق السويدين والى الآن ما شفتش زواج اجنبي من سويدية استمر لان المرأة السويدية رغم الجمال غير العادي اللي عندهم فانها لا تطاق وعلى فكرة السويد من الدول اللي منتشر فيها ضرب النساء بنسبة كبيرة والحقيقة انها تستاهل الضرب وعندنا قصة شاب ليبي مشهورة في السويد تزوج وحدة سويدية وصارت بينهم مشاكل سببها الرئيسي الكلب في نهاية المطاف شد المراة وعطاها طريحة نباش القبور وحطلها كلبها في الميكرو ويف وخلالهم السويد واسعة وعريضة... مع التحفظ الشديدعلى عملة الشاب لكن شوف الى وين ممكن يخلوك تفقد اعصابك؟
الدوة مازالت هلبة لكن توا والله مش فاضي لكن ان شاء الله حنكملكم الباقي مرة تانية وقبل لاانصطر فيه معلومة مهمة جدا: السويدين واوروبا عموما عندهم حلوة (المارشمالو) ويسمو فيها بالسويدي (قوديز) تقول تمضغ في شبشب صبع.. المهم الحلوة هاذي تحتوي على جيلاتين خنزير الفالطة الكبيرة انها موجودة في سوق المهاري في طرابلس اول ما تخش السوق تلقاها على ايدك اليمين بعد محل العطرية جنب متاع القهوة مش عارف كيف يبيعو فيها هل لانهم مش عارفين؟ الله اعلم
وللحديث بقيةوالسلام عليكم

أحمد الشفتري
26-11-2007, 06:24 PM
السلام عليكم
حبيت نكمل اسطورة السويد اللي بديت فيها.. ان شاء الله نعطيكم صورة واضحة عن الحياة في السويد بأدق تفاصيلها وبما اني نكتب فب الموضوع ارتجاليا فممكن تكون المواضيع مش مرتبة وفيها شوية حوسة لكن المقصود حاصل باذن الله
ملاحظة: مما عرف عن العرب استخدامهم للرقم سبعة, سبعين, سبعمائة للتعبير عن الامور بنوع من المبالغة وبما ان( الدي ان اى) متاعي عربي مية في المية فحتلقو الارقام هاذي موجودة في الكلام اللي نكتب فيه ولنفس الغرض طبعا
الشهر الماضي كان فيه موضوع عامل بلبلة في السويد يخص موضوع الشغل وهوا حيوضح معنى العبودية اللي قلت علاها في المشاركة الماضية.. المهم فيه واحد هندي فاتح شركة نظافة خاصة بمطاعم الوجبات السريعة زي الماكدونالدز والبرجر كنغ المهم الهندي هذا يخدم في الطلبة الكحتانين اللي جاين على حسابهم وطالبي اللجوء اللي يراجو في ادارة الهجرةامتى تديرلهم حل ويستغل في ظروفهم ويعطي فيهم في مرتبات زي الزفت ويشغل فيهم في عدد ساعات اكثر من المسموح بيه واحد من الطلبة اللي يشتغلو عنده ما عادش قدر يصبر اتصل بالتلفزيون السويدي وقاللهم تعالو شوفو العبودية على اصولها في دولة تحتل المراتب الاولى في العالم في حقوق الانسان!!!التلفزيون السويدي ما كذبش خبر اصلا هما قاعدين لاخدمة لاقدمة لمو بضاعتهم وبدو في التحقيق وبعثو واحد مجهز بكاميرا ومايك مخفي على اساس انه يدور في شغل وتفاهم هو والهندي بنفس الشروط غير الانساسية خش (المحقق كونان) المطعم وصور كل اللي صاير وبعدها نشرو الموضوع في التلفزيون والسويديين قالو ياناري شن هالحالة مساكين والله لازم نديرو حل.. تعرفو الحل طبعا؟؟ الهندي خربو بيته خاصة وانه ما يدفعش في الضرائب( آآآه من الضرائب, موضوع الضرائب يبي تقعميزة بروحه) والناس اللي كانو مش لاقيين شغل الا المكان هذا قعدو يذاوحو من غير خدمة وانتهى الموضوع, يعني كلاها من كلى واحتزت.
طبعا اصحاب شركات النظافة التانيةاللي يخدمو في نفس الخدمة نبهو الناس اللي تخدم عندهم لو انه حد سالكم عن عدد ساعات الشغل والفلوس فقولولهم كذا وكذا يعني كذب في كذب والعامل الكحتان يا اما يقول هكي يا اما راحت عليه الخدمة اللي مش حيصل غيرها.
يا عيني على السويد وشغل السويد اللي احتلت المرتبة الخامسة في تقييم الهيومان ريسورسز التابع للامم المتحدة في عام 2006 في قائمة احسن الاماكن عيشا في العالم(معلومة صحيحة) زورو موقع الهيومان ريسورسز وشوفو التفاصيل
مش بعيد عن موضوع وسائل الاعلام السويدية السنة الماضية نشرت الجرائد السويدية خبر يرفع الراس بالنسبة لليبين وهو ان البوليس القى القبض على 23 شاب ليبي كلهم من مدينة( ... ) بتهمة بيع المخدرات في محطة القطارات الرئيسية في استوكهولم الخبر شاع وسمعة الشاب الليبي في استوكهولم زي الفل؟؟؟؟؟
الفترة هاذي العالم الغربي بادي في التجهيزات للكريسمس(اليول) على قولة السويديين والاسواق مدايرة تخفيضات وفيه منهم يوزعو في حاجات مجانية في بداية الافتتاح لو تشوف زحمة السويديين على الحاجات المجانية تقول هاذيمة ميتين بالشر ومش لاقيين ما يصرفو ..الله يرحم الليبين وعزة نفسهم تلقاه محتاج فعلا ويتحشم ياخذ حاجة مش دافع حقها.
انطلاق من مبدأ رفع مستوى المناعة فالسويديين ما يعطوكش دواء الا لما يشوفو روجك قريب تطلع الكلام هذا في الاطفال ماشي الحال لكن يا جماعة واحد عمره فوق الاربعين بالله شن المناعة اللي مازال بيكونها هو اصلا بادي في العد التنازلي؟ يبدو يمشو فيك بالبانادول لين تدره كبدك من المعاينة وتروح وتسيبهم؟؟؟ ياناري على شكاير الدواء اللي تطلع بيهم لما تعاين في ليبيا؟؟
لواندينو اللمية في السويد ما يمشيلك اللمية لما تغسل الصواني لين تفد انا في البداية كنت شاك في اللواندينو اللي عندي الى ان اكتشفت ان كل لواندينوات السويد هكي هذا طبعا من باب ترشيد استهلاك المياه في بلد اكثر مت ثلث مساحته امية؟
من كثر ما الشعب السويدي يحب الاندماج مع الاخرين ليا سنة نخدم في مكان مع سويديين ما يعرفوش انى من اي دولة جاي؟؟تصور؟ باهي شوف هاذي ما يعرفوش اسمي؟؟صدقو والا ما تصدقوش هذا كلام واقعي.
لمايركب السويدي في الباص يقعمز جنب الروشن ويعطي وجهه للشارع باش ما تجيش عينه في عيني حد حشوميين ياناري ومستحيل واحد يقعمز جنب التاني تصور لو ما لقاش كرسيين جنب بعضهم فاضيات يقعد واقف ولا يقعمز جنب واحد تاني حتى لو انه سويدي زيه الله الله على افيكوات ليبيا.
ما عليش ياجماعة عندي ضيف بيجي نستأذن وحنكملكم الباقي باذن الله تعالى

dr fajer
26-11-2007, 10:14 PM
الله يبارك فيك
وياريت كل من هاجر لغير غرض الدراسة يسمع و يفهم

لأن معظمهم يتخيلوا أن الجنة وراء البحر



و نستنى فى البقية


السلام عليكم:good:

أحمد الشفتري
27-11-2007, 10:06 AM
وفيك بارك الله يا دكتورة فجر ومشكورة جدا على اهتمامك وهاذي الحلقة الثالثة من اسطورة السويد:

وضع اي شخص في السويد قبل حصوله على اقامة لايوصف.. يعني فيه مرة واحد بيسجل في نادي (صالة حديد بالليبي) قالوله يفتحلك ربي.. طبعا هما مستحيل يغلطو معاك باي كلمة, والا يوجعوك بحاجةو لكن المبررات دائما موجودة.. قالوله احنى ما ناخذوش في رسوم النادي كاش.. لازم يكون عندك حساب في البنك باش نسحبو منه الرسوم, وهما يعرفو انه بدون اقامة مستحيل يفتح حساب في البنك يعني شرط النسيب الكاره
واحد صاحبي مسكين كان عنده( بواسير) عافى الله الجميع ومدايرات فيه البهاذل قبل لا تطلعله الاقامة خريط مريط على المستشفى والله مسكين قاللي كل ما يكشف الدكتور ويلمس مكان الاصابة الدم ينزل على طول يعني محتاج عملية ضروري لكن قالوله بدون اقامة ما نقدروش نديرولك عملية وفعلا بعد ما اخذ الاقامة الدائمة داروله عملية على طول يعني قبل الاقامة ما كانش يعني اي حاجة بالنسبة ليهم؟؟عجب؟؟
نحكيلكم شوية على حياة الشباب السويديين بسيطة جدا جدا هما اصلا ثلاث حاجات ما فيش غيرهم الديسكو في الويك اند ومطعم الماكدونالدز اسوبر ماركت( الايكا)تحديدا لانه سوق سويدي صرف... بس بس بس اصلا ما عنده وين يمشي من غير هالاماكن هاذي يا اما يندفن في حوشه هو والكلب متاعه اكرم الله القراء جميع انعم الحياة.. صح؟؟
وعلى ذكر المطاعم تعرفو ان السويد ما فيهاش مطاعم وجبات سريعةمن الاسماء العالمية الا الماكدونالدز وشوية برجر كنغ وماكس فقط فقط حتى البيتزا لو كان مارحموهمش السريان والاكراد وفتحولهم مطاعم بيتزا راهم قعدو بلاها والله يا جماعو بلاد تحير
يعني لو تجيك مرة نية في تعشاية (حلال) في مطعم مش حتلقى (الا في حالات نادرة جدا ممكن تلقى واحد عربي يبيع في طعمية)حتى البيتزا اللي يديرو فيها المسلمين معميين على قلوبهم ويديور فيها بالخنزير واللحم اللي مش مذبوح..والله حاجة تبغدد.
في البداية كنت نتوقع ان كل العقبات مرهونة في الحصول على الاقامة لكن ان شاء الله حنحكيلكم على ظروف المقيمين وحتى اللي يحملو الجنسية في حلقةتانية.
تم رسميا تسجيل 2333 حالة انتحار في عام الفين وستة وكلهم سويديين طبعا المشكلةلو تعرفو اعمار المنتحرين ؟؟؟اعمارهم بين 15 و 19 سنةيعني تقول شن عرف من الدنيا باش ينتحر؟ يقولو ان المشكلة الرئيسية هيا وضع البيت البو يروح سكران والام (حاشا كلمة الام منهم) حتى هيا تروح سكرانة ويتلاقو بيك بربيك يصير فاها الكفخ والضرب على اتفه الاسباب والولد يتفرج على عائلته كيف يتماضغو شن بيدير بالله عليكم مش الموت خيرله؟ والسويديين فرحانين قالو نسبة الانتحار نقصت هلبة!!! يا طيح واللله سعدكم اكثر ما هوا طايح. وعلى فكرة من النادر جدا ان الواحد يشوف عائلة ما شيين مع بعضهم في السوق والا الشارع كل واحد بروحه يا لطيف الطف.
20 في المية من السويديين بس يكملو في قرايتهم بعد الثانوي والباقي كل واحد وشن يقوله دماغه؟؟ اذا كان فيه دماغ.. والله تحير في هالتطور التقني في السويد كيف وصلوله؟؟؟ الشركات والهيئات تضغط على البرلمان باستمرار باش يدبرلهم في حل.. الناس اللي امشيين البلاد كلهم رجل في القبر ورجل برا والبلاد محتاجة كوادر شابة على شان تستمر في نفس المستوى وطبعا هما عارفين ان الكفاءات الاوروبية ما فيهمش واحد مضروب على راسه باش يجي يخدم في السويد وعندكم علم ان دبي بس فيها 2000 مهندس سويدي يخدم غادي يعني حتى الطريفات اللي عند السويديين بيهجو ما عندهمش حل الا الاجانب وعلى راس قائمة الاجانب المسلمسن طبعا لكن البرلمان السويدي واوروبا عموما ضد (أسلمة اوروبا)يعني الى وين بيوصلو في النهاية الله أعلم؟
نختم حلقة اليوم بموضوع( الميديا)او وسائل الاعلام في السويد برامج التلفزيون السويدي اميركية 90 في المية والباقي شوية نشرات بالسويدي ومرات برامج (ترفيهية ) سويدية وياعيني على الحضور المميز وخفة الدم اللي عندهم صحيح ان الانسان ابن بيئته وتصور واحد عايش في فريز حجم كبير شن بيكون نوعه؟
اذا كان فيه واحد سويدي بيغني فاكيد لازم يغني بالانجليزي لان لغتهم لا تصلح لشيء (حسب رايي)وعندهم واحد كردي من مواليد السويد يشبحوله ويشبحو للقمرلان السويدي لما يغني لاصنة لابنة.
نلتقي ان شاء الله مرة تانية

dr fajer
27-11-2007, 02:34 PM
شكراً أخى


أنا متابعة

أبوذرالليبي
28-11-2007, 12:28 PM
واني متابع ايضا

jsp
28-11-2007, 12:37 PM
إللي ماجاش لي ليبيا فاته الجو

ras_bras
08-12-2007, 07:34 AM
وينك يا أحمد ؟؟؟ كمل ...

saffo
09-12-2007, 02:59 AM
اخي العزيز السلام عليكم و رحمة الله و بركاته
اشكرك على الايظاحات الكبيرة اللي تفضلت بيها عن المجتمع السويدي و لكن احب اسالك اللي ما عندة وطن وين يروح و اللي وطنه ما احتواه شلون يعيش اخوك من العراق و ذاق الامرين بالعيش في وطنة من زمن صدام و الحروب المتتالية الى زمن الامريكان و انتهاكات حقوق الانسان باسم حقوق الانسان .. انا في رايي بالرغم من مساويء المجتمع الغربي بصورة عامة فيبقى احسن من المجتمعات العربية المتخلفة و التي لا تحترم الانسان كانسان و لا حتى الحيوان فاعتقد انه بالرغم من كل السلبيات و لكنها تبقى احسن من المجتمع العربي و لكم جزيل الشكر ... التوقيع عراقي يبحث عن وطن

أحمد الشفتري
09-12-2007, 06:25 PM
السلام عليكم ورحمة الله جميعا
اخوتي الكرام اشكر صبركم على قراءة ما كتبيت لاني عادة اطيل الكتابة وحقيقة ان الموضوع يحتاج الى الكثير واقبلو اعتذاري عن التاخير في الكتابة لاني احضر لامتحان مهم ان شاء الله الشهر القادم
بنغير عالفلاقي اريح
اخي العزيز سافو والله الكلام اللي قلته صحيح مية في المية وانا شفت اخواننا من العراق الجريح وشن شافو من ظلم ومآسي اسال الله العلي العظيم ان يفرج عنهم قريبا وبالنسبة للمقارنة مع وضع الدول العربية مع كل اسف لا يسعني الا ان اقولك: الم ترى ان السيف ينقص قدره... اذا قيل ان السيف امضى من العصا وبس... والعاقل يفهم
اليوم ما عنديش وقت هلبة فلذلك مش حنطول:
منور جدا يا خوي راس براس والله شجعتني عالتكميل
اليوم بنحكيلكم على موضوع الجامعات السويدية (الجانب السلبي بس) والله من باب احقاق الحق المفروض الواحد يحكي الحسنات والسيئات لكن انا قررت نخلي مزايا السويد في النهاية
تفتح الجامعات السويدية باب تقديم طلبات الدراسات العليا ابتداء من شهر اطناش من كل عام يعني ديسمبر( توا باديين في قبول الطلبات) واخر يوم لتقديم الطلبات هو نهاية شهر واحد يعني يناير.. المعنى ان المدة شهرين بس بس بس ويفتحلك ربي اذا كان فاتك الموعد فترة دراسة الطلبات تستمر الى نهاية شهر اربعة ابريل والاعلان عن الناس اللس قبلوهم يبدا من نص شهر خمسة مايو والي قبلوهم من الناس المقدمين يبدو في الدراسة شهر تسعة سبتمبر
شوف بالله عليك عام كامل يمشي باش تقدم لجامعة واذا كان ما قبلوكش تراجي الى شهر ديسمبر اللي بعده باش تقدم مرة تانية يعني يا هكي تضييع الوقت يا بلاش يعني ممكن الحصول على قبول ياخذ منك 3 او 4 سنوات هذا لو قبلوك اصلا.. لان عدد المقاعد المنوحة للطلبة الانترناشيونال محدود جدا وبالنسبة للطلبة اللي من خارج الاتحاد الاوروبي لازم الجامعة متاعك هيا تبعث الاوراق بنفسها مباشرة الى الجامعة اللي قررت الدراسة فيها وما نحكيلكمش على الجامعات الليبية الواحد باش يطلع افادة تخرج وكشف درجات لين يكوي عند زازية العورة فمابالك لو تقوللهم ابعثولي الاوراق الى السويد في ظرف رسمي مختوم( ممكن يتهموك بالهرطقة) للاسف هذا حال جامعاتنا واللي عنده غير هكي يقول!!!!!
الدراسة في السويد بالبلاش بالبلاش بالبلاش لكن يشرطو عليك يكون عندك مصروف ستة الاف كرونة وشوي كل شهر يعني حوالي الف دينار وشوية.... زي من جاه وليد و مات!!!!! من وين ياحسرة
خبر الختام
الحذاء من اهم الاشياء اللي تبين ذوق الشخص في الملابس.. معلومة صحيحة عند الخبراء في هالمجال... حيه لو كان تشوفو السويديين شن يلبسو في رجليهم ياوالله حالة وبس اول فرصة حتشوفو الصور باذن الله واحكمو بانفسكم ... آآه ياناري على شارع الرشيد وجماعة الاحذية كان يجو هنا يديرو شوارع في السويديين.. وما نحكيلكمش على بقية الملابس وسراويل التوتة اللي يلبسو فيهم اوسع من السروال العربي من فوق ...على قولة حاتم الكور ( من الاخير ناس ما يعرفوش يلبسو ).
هذا غير مستعجل وما نبيش نطول لكن شكلي بنوقف اجباري لاني حاط حاجة في الكوشة والصنة وصلتني الى هنا وعلى ذكر الكوشة ذكروني باش نحكيلكم على موضوع الكهرباء في السويد واللامبات اللي مركبينهم في الشارع اللي زايدات الكآبة متاع البلاد (من باب توفير الكهرباء طبعا) في امان الله والسلام عليكم

dr fajer
10-12-2007, 12:19 AM
مشكور أخى أحمد و عذرك معاك

و أنى مازلت متابعة, الحديث شيق

فى أمان الله:waw::waw:

saffo
10-12-2007, 02:57 AM
السلام عليكم و رحمة الله و بركاته..
اشكرك اخي العزيز على ردك لما كتبت وعلى تواصلك مع قراء ما تكتب في المنتدي و حبيت ان اسالك عن ليبيا ما دمت انت من هناك بالاصل كيف هي الحياة هناك و ما هي المناطق الجيدة للسكن فيها حيث اني معروض علي عمل هناك و انا حائر بالجواب لاني ليس لدي ادنى فكرة عن الحياة في ليبيا و طبيعة المجتمع هناك و لا الى مبلغ المال الذي قد يكفي لعائلة مكونة من شخصين و طفل للسكن و المعيشة و اذا عندك مواقع على الانترنيت توضح بعض الشي عن الحياة هناك او صور للبلد فاكون شاكر اذا تبعثها لي و بالنسبة لموضوع السويد انا معاك في كل كلمة قلتها عن سلبيات هذا المجتمع و لكن ما اقوله ان هناك اناس اجبرت على اللجوء الى هناك هربا من اوطانهم التي لا يستطيعون العيش فيها و ان السويد بالرغم من كل المساويء التي فيها فهي على الاقل تمنح حق اللجوء و تساعد الاجيء في العيش ولو في مستوى منخفض و لكن على الاقل يعيش بامان اذا كان فاقدا له في وطنه ..
اشكرك مرة اخرى لسعة صدرك لتعليقاتنا و ردودنا و تشرفنا بمعرفتك:good:
و انتظر ردك
صفو ابو كرم

المتشلفح
10-12-2007, 03:32 AM
مشكور يا احمد على الشرح وننتضر ردك


33..33

أحمد الشفتري
10-12-2007, 08:43 AM
السلام عليكم ورحمة الله وبركاته
اسعد الله صباحكم بكل خير
الاخت الكريمة د. فجر شكرا جزيلا لقبول عذري (والعذر عند كرام الناس مقبول) وشكرا لتفاعلك مع ما كتبت
الاخ العزيز صفو ابوكرم اؤكدلك تعاطفي الكامل مع ابناء الشعب العراقي الذين يعانون اوضاعا معيشية صعبة ونسأل الله لنا ولكم صلاح احوالنا جميعا
لم اتوقع انك في العراق لاني ظننت انك تعيش في ليبيا واستغربت من تمكنك من فهم ما قرأته لاني عادة اغرق في استعمال اللهجة العامية فهذا يدل على نباهة كبيرة منك (زادك الله مما عنده)
قبل ان اجيب عن استفسارك اسمح لي شوية... ( والله تلقائيا نلقى في نفسي نكتب بالعامية سامحني.. على الاقل تتمرن على اللهجة قبل لا تمشي الى ليبيا يوصلك ربي بالسلامة ان شاء الله الى حيث خيرتك)
حبيت نسلم على اخونا المتشلفح ونقول شكرا على المتابعة
بالنسبةلاستفسار اخونا صفو والله بالنسبةالى ليبيا اذا كان معروض عليك عمل بعقد (مغترب) يعني عمل رسمي في جهة حكومية توكل على الله لان مرتبك حيكون خمس اضعاف مرتب المواطن الليبي وهاذي من مفارقات الحياة في ليبيا؟؟؟؟؟؟؟؟؟؟؟؟ اضافة الى شوية ميزات اخرى يعني مكافأة نهاية خدمة وتذاكر طيران يعني نوعا ما حيكون وضعك احسن من الليبين اللي يحملو نفس مؤهلك ويشتغلو في نفس وظيفتك
لكن اذا كان العمل خاص ريح نفسك احسن لك!!! انت ممكن تتخلص من ظروف العراق الصعبة لكن حتفتح لنفسك جبهة تانية مش عارف تقدر علاها او لا؟
بالنسبة للعراقيين حاليا الملاذ الآمن والسريع بالنسبة ليهم هو السويد لانها اسرع مكان حاليا يكمل في اجراءات اللجوء بالنسبة للعراقيين يعني باذن الله لو توصل هنا في ظرف اشهر قليلة حتكون عندك اقامة رسمية وهاذي تفتحلك باب كويس جدا وبعدها زي ما يقول المثل الليبي (هذا حصانك وهاذي السدرة )والمعنى: انت وامكانياتك وشن تقدر تعمل في السويد والتوفيق من عند الله وحده
ان شاء الله يكون كلامي فيه فايدة بالنسبة ليك... وبالفصحى ارجو ان اكون قد افدتك باجابتي واذا كان لديك اي استفسار بامكاني الاجابة عنه فانا في الخدمة لاي اشعر تماما بما تمر به من ظروف. تقبل فائق شكري
سامحوني ياجماعة اليوم ما كتبت شيء عن اسطورة السويد ما عليش اليوم على شان اخونا صفو الله يصفي ويحلي ايامه ان شاء الله
لكن باذن الله ما زالت الشكارة مليانة هلبة والي جاي اكثر من اللى فات اذا كان ربي اعطانا عمر لكن قبل لانصكر بنحكيلكم لقطة حلوة شفتها:
انا واقف نستنى في الباص ومقابلتني مكتبة جايينها طابور اطفال متاعين الروضة ومعاهم ثلاث ابلات ( يعني مدرسات يا صفو ) الولد اللي واقف تاني واحد في الصف يشح في اللي قدامه يبي يوقف هوا الاول في مكانه فجتهم الأبلة تبي ترتبهم الولدالثاني ما عجباش الوضع شد الشنطة متاعه وبد يخبط في الابلة بيك بربيك وهيا ولا كأن الموضوع تالاها خلاته لين طيب خاطره من الضرب وفش غله رداته في مكانه في الطابور وهيا تبتسم ( على فكرة الأبلات في السويد لما تتكنطى من طالب تطلع برا تبكي تبكي لين ريقها ينشف وبعدين تخش للفصل ولا كأن شيء صار؟؟ علاج كويس صح؟ )
سؤال: ماذا يحدث لو ان الموقف صار في ليبيا؟؟؟ ياناري على صف الصغار كله من الاول الى الاخير قداش بياكلو من كفوف وشلابيخ وممكن حتى طوبو الغاز يحضر لين ينسوهم في الصقع اللي واقفين فيه... اصلا في ليبيا شن بيطلعهم من الفصل لا مكتبة لاسو حتى الفصل سادهم ..على فكرة قريب فاتني الباص وانا نتامل في الموقف..
التقيكم غدا باذن الله لاني موتي دحيتين بنقليهم مازلت ما فطرتش

saffo
10-12-2007, 05:33 PM
مرحبا سيد احمد اتمنى ان تكون باتم الصحة و العافية, اشكرك على اهتمامك و مشاعرك اتجاه العراقيين و معاناتهم و انا رديت على الموضوع اليوم صباحا و لكن لم تظهر المشارة فلهذا قررت ان ارد مرة ثانية عسى ان تظهر هذه المرة ..
بالنسبة للهجة فخذ راحتك العراقي يفهم على كل اللهجات العربية لكن محد يفهم لهجتنا العراقية فقط الخليجيين و بالنسبة للعمل في ليبيا فهو في شركة خاصة لاحد الاصدقاء العراقيين و مرتب 1000 دولار و العمل قانوني و فيزا عمل مع اقامة و لكن لا اعرف في اي منطقة بالضبط قد يكون مكان العمل و السكن في بنغازي ارجوا منك التواصل معي على الايميل الخاص بي اذا حبيت و اذا كنت من جماعة الياهو فقد تتنسنى لنا فرصة التحدث مباشرة عن طريق الياهو ماسنجر عنواني هو ksa_saffo@yahoo.com و ارجوا ان نلتقي قريبا مع الشكر الجزيل لكل ما تبذله من جهود لبيان الحقائق التي تغيب عن اذهان الكثيرين و لكن مع هذا كله ارجع و اقول تبقى دولهم و مجتماعتهم افضل من مجتمعاتنا المنغلقة على نفسها و هذا رايي بالنسبة الى السويد فان الوصول اليها غير سهل و مكلف حيث انه لا توجد طريقة شرعية للوصول الى هناك فلا توجد طريقة غير الطرق الغير شرعية و هي مكلفة و محفوفة بالمخاطر و انا لست بمفردي معي زوجتي و طفلي و لا يمكن ان اقوم بمجازقات السفر غير الشرعي و لا املك الامكانية المادية لذلك وانا في سوريا حاليا و ننتظر رحمة الله و المفوضية السامية لشؤون اللاجئين عسى ان نحصل على مكان امن نعيش و نعمل فيه و نستقر و من الله التوفيق و اتمنى لك الموفقية في غربتك اعانك الله على مصاعبها .
اخوك صفو (ابو كرم)

dr fajer
10-12-2007, 07:00 PM
السلام عليكم و رحمة الله و بركاته

مساء الخير صحيت و الله يبارك فيك عالمتابعة
بالنسبة لحكاية ألأبلات فكرتنى بأبلة ليها الفضل عليا ,زمان...مش زمان هلبة؟؟؟صف الخامس جانا موجه ,وأسألنا وما جاوبناش لما مشى ألأستاد مكلمتناش لكن طلعت برة الفصل تبكى تبكى و منها تربينا.

بالنسبة للأخ صافو أنى أساتذى اللى درسونى فى الجامعة عراقيين نفهمو فيهم ونحترموهم.



وأنى مازلت متابعة :waw::waw:

saffo
10-12-2007, 08:39 PM
هذه من الصدف انه يفهم احد الاخوة العرب على اللهجة العراقية لانها صعبة شوية و مختلفة عن باقي اللهجات العربية و اعتقد ان الاساتذة كنتم تفهمون عليهم لان اكيد يحكو معكم بلهجة قريبة عن لهجتكم او بالعربية الفصحى لان انا في سوريا و كنت في الاردن قبل فترة ما فهمني احد بالشارع او من الجيران اذا تكلمت باللهجة العراقية البغدادية و لهذا نحاول ان نتكلم لهجة قريبة عن لهجتهم حتى يفهمونا و اشكر اهتمامك و ملاحظتك د.فجر

nour1981
11-12-2007, 06:40 AM
كان الله في عونكوم
واية الي رماك علي الدراسة في السويد مش كان ممكن في جامعات غربية اخرى ولا السويد افضل في مناهج العلم
والله الموفق

ras_bras
11-12-2007, 07:05 AM
السلام عليكم

أول حاجة بنوققضك على موضوع الياتريك فى السويد ولامبات الكآبة ...ومعلومة القراية بللوشى والله أول مرة نسمع بيها لكن المشكلة حتى لو بنادم حصل قبول مش عارف كيف بيقرى فى جو الكآبة والظلام ؟ الله يكون فى عونكم ...وكمل ماشاء الله عليك فى السرد والكتابة

أحمد الشفتري
11-12-2007, 08:45 AM
السلام عليكم ورحمة الله جميعا
والله ياجماعة الخير بديت كل يوم أول ما نفتح الكمبيوتر أول حاجة نشوفها موقع الهندسة قبل حتى لانشوف ايميلاتي باش نقرا تعليقاتكم..!! حاجة حلوة ان الواحد يلقى ناس يتفاعلو مع مشاعره او على الاقل مع الكلام اللي يكتب فيه الله يخليكم جميعا طبعا ضروري نعلق على كل واحد كتب اليوم بالترتيب:
الاخ الكريم صفو مادم ما عندكش مشكلة مع اللهجة الليبية شد روحك امالا اناما نتريحش الا لما نكتب بالفلاقي وزي ما يقول جبران خليل جبران ( او ممكن يكون واحد تاني غيره) الانسان لايكون مبدعا الا بلغته الام طبعا هو يتكلم على ادباء المهجر الل يكتبو بغير اللغة العربية لكن انا حرفتها شوية ما عليش.
بالنسبة لليبين واللهجة العراقية كل الليبين اللي دخلو الجامعة يفهمو عراقي مية في المية لان جميع الجامعات الليبية فيها عدد لاباس بيه من اعضاء هيئة التدريس عراقيين وعلى فكرة يستعملو في اللهجة العراقية الصرفة غالبا الا اذا تازم الامر واضطر الى الايضاح يعني فيه كلمات عراقية نعرفها ممكن لو نقولهالك حتتفاجا بيها !!!
يعني لو ربي يسرلك امورك ووصلت الى ليبيا ما تفكرش في موضوع اللهجة اطلاقا.
انا نفضل ان التواصل يكون عن طريق المنتدى لانه كان هو البداية فمش حلوة ان نسيبوه.
وبعدين خوتك الليبين يعجبوك في اللهجات العربية الاذاعة الليبية هرتنا بالمسلاسلات من جميع الدول العربية اردني سوري مصري لبناني خليجي يعني اذا كان بتقول ان ليبيا منقتحة على اللهجات العربية قولها وانت مطمن (يعني مطمأن)
بالنسبة لبنغازي والله بعيدة عليا الف كيلو وممكن اكثر شوية لكن نعرفهاشوية مكن نحكيلك علاها هي تاني اكبر مدينة بعد العاصمة طرابلس هيا والبحر الحيط في الحيط... (تطل على البحر المتوسط مباشرة) و سكانها مشكلين من كل المدن الليبية تقريبا (مع اهل البلاد الاصليين طبعا) وهذا عاطاها ميزة التنوع نتصور لو ان عملك حيكون فيها حترتاح خاصة وان المرتب اللي حتاخذه (الف دولار) ما ياخذش فيه حتى جراح القلب في ليبيا يعني حيغطيلك مصاريفك وانت متريح ولو ان اسعار بنغازي اغلى بشوية من طرابلس لكن ماشي الحال يعني مش حينقص عليك لا انت ولا زوجتك ولا ابنك( ربي يخليهم) شيء باذن الله الى ان ربي يفرج امور العراق لان الواحد ما خيرلاش من بلاده مهما كانت الظروف اللي حيحصلها برا من بلاده...!!!
وانا في الخدمة قدر استاطعتي اخي صفو (كيو اند اى كل داى) سؤال وجواب كل يوم!!!
وعليكم السلام الاخت د.فجر ( على فكرة دكتورة شنو من غير مؤاخذة) وفيك بارك الله... والله الموضوع حيستمر ان شاء الله بفضل متابعتكم ,وما تقوليليش ان مدرستكم الي صار معاها الموقف ليبية مية في المية؟ حالة غريبة شوية! لكن ربي يعطاها الصحة ...شفتي الاسلوب الراقي كيف ينفع..!!! أصلا المدرس اللي يستعمل في العنف يفش في غله لا اكثر ولا اقل تلقيه عنده مية حاجة في راسه والكيد يجي عالطالب لما يغلط ومرات والله بدون ما يغلط ...والله انا واكل من الطرايح في المدرسة ما كتب الله (رغم اني كنت شاطر جدا في المدرسة)
قولي الحق يادكتورة قداش واكلة طريحة مرة في المدرسة والا نقولك في اي كرسي في الفصل كنتي تقعمزي اذا كان في الكرسي الاول في الصفة الوسطية معناها شاطرة ( اصلا لو انك مش شاطرة شن خلاك دكتورة) ربي يحفظك من صفة الحيط وخاصة الكرسي الاخير اللي حتى العنكبوت معشش فيه والمدرس ما يعرفش منو اللي مقعمز فيه .. اصلا ما عنده ليش يعرف؟؟؟سامحيني اذا كان بصرت هلبة لاني والله مستاحش هدرزة الليبين وجوهم القنين ( ما تقوليش يا صفو انك فهمت كلمة قنين كان هذا بنعطيك الجنسية الليبية على طول)
اخونا الكريم نورمن ام الدنيا والله صدقت في كلمتك ايه اللي رماني في السويد لانها فعلا رمية!!! الله غالب لكن من ناحية الدراسة والله الجامعات السويدية ما عندك فيها ما تقول عندهم جامعة من اقدم جامعات اوروبا كلها يعني في الخمس الاوائل في القدم وفيه ميزة تانية ان كل الجامعات السويدية حكومية يعني ما فيش قطاع خاص وبالتالي مستوى كل الجامعات السويدة راقي جدا جدا وزي بعضه مش زي ما صاير في امريكا وليبيا مثلا !!!!!!!!! والله يصرفو في صرف مش حتتصوره وياناري اذا كان لقوك ممكن تطلع بطلعة قوية في البحث متاعك مستعدين يفتحولك قسم على حسابك غير اطلع بفايدة ( وهذا الكلام حصل فعلا مع اتنين طلبة في مجال الربوتيكس _ما عنديش استعداد نغير اللغة متاع لوحة المفاتيح كل مرة لاني مركب هلبة لغات عالكمبيوتر فحنمشاها كلها بالحروف العربية_ الاثنين متاعين الروبوتيكس باديين في موضوع قوي شوية ومحتاجين معدات ما كانتش موجود في الجامعة, فتحولهم قسم فيه كل المعدات الي يحتاجوها خصيصا ليهم) وعلى شان تعرف مقدار صرف السويديين شوف الببيونة والسورية(القميص) اللي يلبسو فيهم في توزيع جوائز نوبل سعرها تالاتينت الاف جنيه على قولة محمد هنيدي( وقائع توزيع الجوائز تنقل حاليا على التلفزيون السويدي)
السلام عليكم اخونا راس براس منور جدا عالمتابعة بالنسبة لليتريك ان شاء الله في اقرب فرصة حتشوف الصور بروحك وانت احكم لاني نفكر بنطور الموضوع ونخشش فيه الصور على شان الموضوع يكون اقرب
والجامعة لما تخش داخل والله ماعاد عندك علاقة بالعالم الخارجي سوا ضي والا ظلام, بنقولك مثال ممكن يكون ابصر كيف لكن يوضحلك مستوى الجامعات.. تصور الجامعة اللي في المدينة اللي انا ساكن فيها لما تخش للحمام حتلقى اول شيء كلينيكس فيه مادة معقمة باش تمسح بيه التواليت ( سامحوني على الالفاظ ) وتقعمز وانت متريح ان المكان نظيف وبعدين الكلينكس العادي اللي لما تلوحه في المية يذوب وفي الاخير لما بتغسل ايدك فيه كلينكس تالت باش تنشف بيه يعني دخول التواليت يحتاج دورة فما بالك ببقية مرافق الجامعة الهوت سبوت مثلا في كل مكان في الجامعة, قعمز تحت اول شجرة( اذا كان قدرت تقعمز اصلا من الصقع) وافتح اللاب توب وخش عالنت من غير خيوط...!!!! وبالنسبة لمجانية الدراسة فخوذ المعلومة هاذي الدراسة في كل دول اسكندنافيا وفي المانيا وفرنسا مجانية بدون اي رسوم باستثناء انه ممكن في بداية التسجيل تدفع مبلغ رمزي جدا (حق الاوراق ممكن اللي بيبعثوهملك) لكن الفرق بين اسكندنافيا وغيرها ان الدراسات العليا عندهم بالانجليزي يعني مش لازم تتعلم لغة البلاد لكن فرنسا بالفرنسي والمانيا بالالماني وبالتالي اسكندنافيا افضل بالتاكيد من الناحية هاذي
الباين اني طولت لكن صبركم اطول بالتاكيد
على فكرة الايام هاذي ي السويديين يستعدو للكريسمس (واسراب الضي غير تعالى ارفع بجميع الانواع وبسوم التراب) وينكم يا جماعة لوازم الافراح؟؟؟ وسبحان الله العرب والمسلمين لما تقرب اي مناسبة وبالذات تكون دينية تشيط الاسعار يعني في شهر رمضان حتى المعدنوس يتغير سعره يجي عيد الفطر وتشوف النار مشطشطة في سوق ابوسليم وجامع الصقع يجي العيد الكبير حتى الخروف المشفشف يبدو يساومو فيه بهاذاك السوم مش عارف ليش؟؟؟ على عكس غير المسلمين ونقصد اوروبا كل ما يكون عندهم مناسبة يبدو يزايدو على بعضهم في التخفيضات وكتالوجات البضاعة يعبولك بيها الحوش غير تعالى اشري بس وتوصل التخفيضات الى نص النص يعني يبعو الحاجة بربع سومها !!!!يا جماعة احنى حتى الفول يغلى في عاشوراء من وين جايبين الثقافة هاذي الله اعلم ربي يصلح حالنا ان شاء الله
التقيكم غدا باذن الله تعالى وما تبخلوش علينا بتعليقاتكم لانها تحفزني اكثر اني نكتب
السلام عليكم

ليبي متغرب
11-12-2007, 05:33 PM
http://us.i1.yimg.com/us.yimg.com/i/mesg/emoticons7/41.gif
استمر يا شفتري..تعرف متابعك لين خلاص,,لأن ندير في مقارانات بين غادي و هني و بعد ما تكمل بنبدا أنا,, فشد روحك:devilsmil

أحمد الشفتري
11-12-2007, 05:46 PM
السلام عليكم
نورت المكان يا ليبي يامتغرب... اسمع مادامه الشكارة مليانة عندك ما عندك ليش تراجي فيا لين نكمل لاني نحس في روحي مش حنكمل مازال يا دوب في فم الشكارة قاعد فلذلك شد انت من عندك وانا من عندي بالك نالفو كتاب !!! ومنور جدا على متابعتك
لكن يا جماعة محيرتني حاجة..؟؟ (ادولف هتلر)الي بدا بالموضوع وسأل عن السويد اختفى وما قالش حتى كلمة !!!على قد ما كتبت ما لقيتش منه اي رد رغم اني توقعت انه ا اول واحد يكتب تعليق وينك يا اخونا سمعنا رايك لو تسمح

dr fajer
11-12-2007, 06:38 PM
السلام عليكم أخى أحمد
أنى دكتورة بيطرية ونشتغل فى مستوصف بيطرى
ألأبلة اللى حكيت عليها ليبية100فى 100
حتى أنى كنت شاطرة بلا فخر فى ألأبتدائى الأولة على المدرسة لكن خديت حصتى من الضرب لأنى نتكلم هلبة فى الفصل......كانت أيام حلوة.
مع كل صعوبة الدراسة لكن مازال خاطرى نكمل قرايتى (حلم) لذلك تجدنى منتبه للى تحكى فيه

وياليبى متغرب كلنا أذان صاغية


ومازلت متابعة:waw::waw::waw:

ليبي متغرب
11-12-2007, 06:47 PM
السلام عليكم
نورت المكان يا ليبي يامتغرب... اسمع مادامه الشكارة مليانة عندك ما عندك ليش تراجي فيا لين نكمل لاني نحس في روحي مش حنكمل مازال يا دوب في فم الشكارة قاعد فلذلك شد انت من عندك وانا من عندي بالك نالفو كتاب !!! ومنور جدا على متابعتك
لكن يا جماعة محيرتني حاجة..؟؟ (ادولف هتلر)الي بدا بالموضوع وسأل عن السويد اختفى وما قالش حتى كلمة !!!على قد ما كتبت ما لقيتش منه اي رد رغم اني توقعت انه ا اول واحد يكتب تعليق وينك يا اخونا سمعنا رايك لو تسمح

أنا المليان عندي مش شكارة حاشى السامعين.. بالعكس مخزن كامل يكفي احتياجات دولة متوسطة المساحة من الهم..غر كمل إنت بعدين ساهل ;)..و بالنسبة لأدولف هتلر بالك انتحر لما خشت قوات الحلفاء للموضوع:devilsmil

saffo
11-12-2007, 10:06 PM
مرحبا اخ احمد و صدقني انا اسوي نفس الشي اللي انت تسويه اول ما ادخل على الانترنيت افتح موقع الهندسة نت قبل ايميلاتي لان من الممتع التواصل مع ناس طيبين و مثقفين مثل حضرتك و الاخوان المشتركين معانا بالموضوع الله يديم تواصلنا و معرفتنا لبعضنا ان شاء الله.
اخي العزيز بالنسبة الى اللهجة فانا فرحت لما سمعت انكم تفهمون اللهجة العراقية مما شجعني على ان اكتب باللهجة العراقية و يمكن بالسطور الجاية راح تشوف اكو كم كلمة عراقية و مع الاسف ما فهمت كلمة قنين ههههه و لكن نتعلمها منكم ان شاء الله, بالنسبة الى موضوع الايميل الخاص فانا اقترحت موضوع المراسلة عن طريق الايميل حتى لا نزعج الاخوة المشاركين بمشاكلنا الشخصية يعني خفت لا اضايق المشاركين بكلامي و اسألتي اللي قد تكون خاصة و شخصية بعض الشيء و كذلك حبيت ان اتكلم مع حضرتك بشكل مباشر عن طريق الماسنجر ليتسنى لنا التفاهم اكثر و لكن مثل ما تحب يبقى اتصالنا عن طريق المنتدى و اطلب من الاخوة المشاركين ان لا ينزعجوا من اسئلتي و طروحاتي لاني فعلا بحاجة لمعرفة الكثير من الامور عن ليبيا و استغليت كونك ليبي فسامحني على ازعاجك و لكني في امس الحاجة الى النصيحة بخصوص هذا الموضوع فالعمل معروض علي صارلة فترة مو قليلة و لكني لا اعرف مذا اجيب حيث انني مقدم على طلب اللجوء عن طريق المفوضية السامية لشؤون اللاجئين التابعة للامم المتحدة و منتظر ان يتصلوا بي و مضت 6 شهور و لم يتصلوا بي الى حد الان و يبقى موضوع السفر عن طريقهم غير اكيد و لكنه وارد حيث انني لا يمكنني العودة الى بيتي و بلدي في الوضع الراهن و اذا رحت الى ليبيا ما راح اقدر ان احصل على اللجوء يعني راح اضيع فرصة السفر عن طريق الامم المتحدة هذا من ناحية و من الناحية الاخرى لا املك اي معلومات عن المجتمع الليبي عن تقاليدهم و عن عاداتهم و عن المصاريف هناك و الايجارات و لكنك وضحت لي بالنسبة للمرتب جزاك الله الف خير و لا عن علاقتهم مع العراقيين او مع المسيحيين حيث اني من الطائفة المسيحية و ليس من المخفي ان في بعض الدول العربية هناك تفرقة و حساسية في هذا الموضوع و احب ان اسال عن الحرية الشخصية هل ان كل شخص حر في ما يلبس و ما يفعل ام ان هناك محددات مع شكر و تقديري لكل ما قدمته و تقدمه و ممنونلك انا.
اخوك ابو كرم

barcagermany
11-12-2007, 11:03 PM
شكرا اخي احمد علي موضوعك القيم واللي نتمني انه يجد اذان صاغية من كل ليبي يفكر في الهجرة.
بالنسبة لبرود الناس فهو موجودة في كل الدول الاوروبية ما نحكيلكش واحد نلعب معاه في كورة يومين في الاسبوع يشوفني في الشارع يدير في روحه احول بش ما يقولش هالو

أحمد الشفتري
12-12-2007, 09:07 AM
السلام عليكم جميعا
والله يا جماعة كل ما نلقى رد او تعليق من حد جديد نفرح هلبة ربي يكثركم ويخليكم ان شاء الله
الاصول اني نرد على الناس اللي اول مرة يعلقو عالموضوع يعني الكلام موجه الى اخونا برشالمانيا مرحبتين بيك ونورت الباين ان كل الليبين اللي خارج ليبيا مضروبين بعصا وحدة يا اخي مش عارف رغم ان الاوروبيين اصولهم مختلفة تماما وينحدرومن سبعين الف عرق وقومية لكن( الصماتة )اللي عندهم مشتركة تحسهم باهتين لا طعم ولا لون!!! يا ناري على حرارة الليبين وخاصة لما (يطربو) يعني يكون الواحد منهم مصفي النية حتى وين تاكل معاه يفتحلك نيتك في الماكلة... وفزعتهم وقت الشدة والله حاجة تقيم القلب رغم كل الاشياء اللي عكرت صفو الامور هاذي لكن الاصلي يقعد اصلي مهما كان ادعو معاي ربي يصلح حالنا.....آمين
يا ساتر يا ليبي يا متغرب معقولة عايش في( الدريم لاند) و( لاند او ف ابورتيونتي) والمكان اللي يقولو لما يمشيله الواحد منتف لافوقه لاتحته ممكن يولي ملياردير مش حتى مليونير وتقول عندك من الهم ما يسد بلاد...!!! لا لا يارجل مش معقولة ( نحفز فيك باش تتكلم وتحكيلنا بس) وبعدين مازلت صغير على الهم يا راجل... تعرف نكتبلك في الكلام هذا ومقابلتني الدعايات متاع (فيزا لكندا) و(هجرة لابصر وين ) نتذكر كيف كنت نشوف للحاجات هاذي لما كنت في ليبيا وكيف نشوفلها توا ...سبحان مغير الاحوال. أكيد حاس بنفس الشعور يا ليبيى متغرب والا لا؟؟؟
ربي يعاونك يا دكتورة فجر وان شاء الله ربي يسهلك امورك وتكملي الماستر والدكتوراه من (هارفرد) والا اذا كان فيه مكان احسن منها ( ما ضنيتش) وبالنسبة لكثرة الدوة كان تعيشي مع هالباردين شوية توا ينسوك حتى في الهدرزة وتقعدي كلمة وقص ( ربي يحفظك منهم) بالنسبة للقرايةاذا كان عندك واسطة من الوزن الثقيل تطلعي وتقري برا بكل بساطة واذا كان ما عندكش ما عندك كان الصبر.. الشباب ممكن الواحد يطلع بروحه ويخبط راسه في الحيط ياباها جاب نتيجة ياباها كلاها في عظامه وخلاص لكن البنت ما يمشيش معاها الكلام هذا
اليوم على خاطرك لانك الوحيدة من (الجنس اللطيف)في موضوع (الهجرة الى السويد) حنتكلم على موضوع يهمك اكثر من الشباب باش تعرفي المكانة المحترمة اللي تعيش فيها البنت في ليبيا اصبري عليا شوية الى الأخير
طولت عليك يا صفو شوية ما عليش
والله لا اخفيك الحقيقة انت في مفترق طرق صعب شويةرغم انه من الحكمة ان الواحد ما يسيبش الحاجة المضمونة على خاطر حاجة احتمال انه ما يصيرش منها اكثر من انه يصير.. طبعا فاهم قصدي؟ الذهاب الى ليبيا او انتظار قرار مفوضية اللاجئين ،الحقيقة انك لو حصلت لجوء عن طريق المنظمة فاكيد حيكون احسن من انك تمشي الى ليبيا وخاصة اذا بعثوك الى دولة ناطقة بالانجليزي زي كندا او بريطانيالكن زي ما قلت الموضوع في علم الله مازال مش معروف فالحكمة تقتضي انك تاخذ المضمون والباقي على ربي
بالنسبة لشباب المنتدى انا ناكدلك انهم مش حيقلقو ( يتضايقو) من اسئلتك بالعكس انا فضلت ان التواصل يكون عن طرق المنتدى على شان لو حد يعرف حاجةيفيدك بيها مش حيقصر، احسن من ان الموضوع يبقى مقتصر عليا انا بس! والليبين يعجبوك في الفزعة( يعني الوقوف مع الشخص المحتاج).
النظام في ليبيا زي اي دولة في العالم الثالث يعني لازم يكون عندك حد في ليبيا على شان يستقبلك ويساعدك في البحث عن بيت للايجار ويفهمك امور الحياة في البداية يعني لافيه انترنت تفاعلي ولا حجوزات عن بعد ولا (إي تيكت) ولا هم يحزنون وانت حسب كلامك عندك ناس تعرفهم في ليبيا فلذلك حيوفرو عليك هلبة(هلبة يعني كثيرا)
المجتمع الليبي مجتمع مسلم سني بالكامل فلذلك الليبين مش متعودين على النعرات الطائفية ولا مشاكل التنوع الديني.. اطمن مش حيكون فيه اي تمييز باعتبارك مسيحي.. طريقتك في التعامل هيا اللي تحدد كيف يعاملوك الناس, وبالنسبة للحرية في اللباس اوالتصرفات فيه اختلاف كبير جدا بين المدن الكبيرة والمدن الصغيرة والقرى لكن بالعموم الليبين محافظين جدا في لباسهم يعني المكشوف والقصير ما يمشيش اطلاقا في الشارع باختصار الاشياء المقبولة في المجتمعات الشرقيةعموما تلقاها مقبولة في ليبيا وكذلك الاشياء المستهجة حتكون كذلك مستهحنة وبشكل اكبر في ليبيا اعتقد ان الصورة واضحة؟ بخصوص مصاريف الحياة ليبيا رخيصة جدا اكثر من ما تتصور ( واللي مش مصدق يجي الى السويد ويشوف النار المطلوقة) يعني لو بتعيش في نفس مستوى غالبية الليبين حتوفر نص المرتب اللي حتاخذه بدون ما تشعر انك مقفص (باخل) على روحك (نفسك)او اسرتك نتمنالك كل خير وتوفيق.
مازلتي تستني يادكتورة فجر والا قلقتي ؟
تعرفي ( والكلام للجميع) ان المرأة السويدية اكثر مرأة مضحوك علاها في العالم (على الأقل من وجهة نظري) قولي علاش؟ ............................ قلتي علاش والا مازال؟
فيه يوم كنت نعبي في بنزينة ( مازال سريب البنزينة بروحه) مدرسة جنبي شاحنة بالجرار تسوق فاها بنت عمرها اقل من الثلاثين يعني صبية مازالت !!!طبعا من باب المساواة بلعتها وسكتت بعدها خشيت لمول مش بعيد مني يديرو في صيانة لجزء منه نشوف فيه واحد واقف عالسقالة يستك في الحيط لابس قامجو ومعبي جيوبه بالعدة لكن الجسم مش جسم راجل لفيت باش نتاكد لقيتها بنت وصغيرة في السن!!! دف حتى هيا من باب المساواة لكن الاخيرة ما قدرتش نبلعها طريق( اي18 ) هو طريق اوروبا الرئيسي الى اوسلو يديروله في توسعة فايت جنبهم وهما يقطرنو في الطريق ياجماعة معاهم بنت تساوي في القطران ....هاذي والله ما قدرت نتحملها...!!!وفوق من هذا كله يضحكو علاها بالتفاهات التانية (توب موديل اوف سويدن) او (سويدن ايدول) او( بيرفكت بودي) باختصار من باب المساواة حرموها من انوثتها ورقتها يا جماعة حتى رب العالمين خلقها بقدرات ومواصفات مختلفة عن الرجل شوهولها تركيبتها وجبروها تعيش حياة مش حياتها.
المرأة في السويد تخدم في المطاعم الى نص الليل، وتوزع في الجرائد قبل لا ينوضو الناس (وتصور توزيع الجريدة والحرارة ناقص عشرة)، وتسوق في الباص، والكاتربيل، وتزوق، وتخدم في مصنع بوفوش (اكبر مصنع للاسلحة في السويد وممكن في العالم لان حتى امريكا تستورد منه) وتعربن في الزيتون قصدي الشجر لانه ما عندهمش زيتون ،يعني اعمال تتنافى تماما مع الانوثة..... ياناس حرموها من اكثر كلمة لما تسمعها المراة تهتز وتبكي من الفرح.... كلمة (ماما) اصلا من اللي بيسمعها الكلمة هاذي لا ولد لابنت لانها عايشة باش تخدم بس ما عندهاش وقت للاسرة ( على فكرة السويد من الدول المهددة بالانقراض على المدى البعيد بسبب تدني معدلات الولادة) تصور الواحد في ليبيا يشوف بنت رافعة حاجة تقيلة وتعاني فاها بروحها من يقدر يتحمل اللقطة هاذي بدون ما يحاول انه يساعدها مش السويديين الي ماصين دمها من باب ما فيش تفرقة بين الراجل والمراة... الله يرزيهم في هالمساواة.
التقيكم غدا باذن الله مع التكملة
في امان الله والسلام عليكم

dr fajer
12-12-2007, 03:20 PM
السلام عليكم و رحمة الله

الله يجبر بخاطرك,مش ضرورى هارفارد أنى متواضعة أى جامعة يمشى حالها:p

أكيد معنديش واسطة ومانقدرش أندير زى الشباب ,وماعندى ألا الصبر.وربك أن شاء الله يعدلها.

أصلاً اكبر كذبة فى هذا القرن هى المساواة بين الرجل و المرأة ,حتى العرب أندهبت شيرتهم و يستوردوا فى البرامج اللى قلت عليها و يحولوا فيها لنسخ عربية.

وتحياتى



و أنى مازلت متابعة:waw:

أحمد الشفتري
12-12-2007, 03:49 PM
وعليكم السلام ورحمة الله د.فجر
تعجبيني يا بنت بلادي آهو الكلام الحقاني والابلاش ..
تعرفي المدة الماضية حضرت برنامج على الفروقات الذهنية بين الراجل والمراة جابو عشرة متطوعين نصهم نساء ونصهم رجال وكل مرة يختبرو واحد في نفس المكان(مكان الاختبار كان مطبخ عادي في بيت) يطلبو منه انه يقوم بمجموعة اشياء في نفس الوقت وفي وقت محدد جدا الاشياء اللي لازم يقوم بيها تخص تنسيق اشياء داخل البيت يعني يكلفوه بخمسة اشياء في وقت واحد ..... تبي تعرفي النتيجة... المراة تفوقت بكل جدارة على الرجل!!! يعني واقفة في المطبخ تدير في الفطور وفي نفس الوقت سورية واحد من الصغار مش محددة كملتها وهيا واقفةوعندها شوية نواقص للحوش كتبتهم في ورقة وعلقتها عالثلاجة وجاها تلفون من ابصر منو ردت عليه بدون ما يضيع تركيزها عالحاجات التانية اللي تدير فيها يعني كملت المطلوب منها بدون ماتتلخبط.. وما نحكيليكش عن الرجال هاذيكا الحوسة والتمرميد.. الدراسة هاذي طبعا اوروبية فتصوري لو داروها عالفالحات الليبيات والله يديرولهم سبعمية حاجة مش خمس حاجات وانا واثق من قدرتهم على التحدي.... مش يبعثوها مسكينة تقطرن في الكياس!!!!!
المسلمين مش محتاجين ابدا للدراسات هاذي دستورنا رباني وموضحلنا ادق التفاصيل غير الواحد يتقيد وبس ومش لازم الواحد يشيط ريقه عالفاضي بالتدوير على حلول من مصادر تانية.
نعرف واحد عربي يهدرز هلبة عالطلبة السويدين اللي معاه في الجامعة ويحب يبينلهم تناقضات حياتهم.. بعض منهم يصرح ويقول على الدفء الاجتماعي اللي هما محرومين منه ويشوفو فيه واضح جدا عند المسلمين.. الراجل من واجبه ( مش بجميله)انه يكافح على شان يوفر متطلبات بيته واللقمة يمدها لزوجته وصغاره قبل لا يفكر ياكلها هوا ( مش يخش هوا ومرته الى المطعم كل واحد يطلب ماكلة حسب ميزانيته ويخلص بروحه) والمرأة مهنية راجلها على بيته وصغاره.. حتى لما يطلعو يدهورو في السوق والا الحديقةمع بعضهم منظرهم يفتح النفس مش زي السويديين فرادى فرادى.. ومرات مثنى مثنى (ما تمشوش بعيد كل واحد والكلب متاعه نقصد)
حل معادلتنا المتلخبطة بسيط جدا جدا جدا مقالة عمر بن الخطاب رضي الله عنه: (نحن قوم اعزنا الله بالاسلام) تعرفو لو نطبقو الكلام هذا الاوروبيين يحلمو انهم يحصلو اقامة عندنا!!!!!!!!!!!!!!!!!!!!!
مداير سلاطة مشوية في الكوشة صنتها وصلت الى حوش الملك جوستاف (ملك السويد).. بالاذن واللي يقدر يجي يتغدى معاي يتفضل على الرحب والسعة
السلام عليكم

zicomoot
12-12-2007, 08:00 PM
السلام عليكم جميعا
اولا اشكرا كاتب الموضوع وكل من اشترك لكى نساعد بعضنا البعض.
انا بحثت كثيرا عن موضوعات الهجرة والدراسة وعندى خلفية كبيرة عن الدراسة فى الخارج
فى غالبية الدول.
لكن بالنسبة لى اخترت السويد لكى ادرس فيها الماجستير فى الادارة
لذلك انا سعيد جدا لكى اجد اخوة مقيميين فى السويد
ومن معلوماتى :
ان السويد افضل دولة سواء للتعليم او للهجرة لكن الهجرة اجرائتها مشددة جدا
وغالبا بطرق التهريب وتؤدى الى فى الغالب الى قصص ماساوية ومحزنة
لكن من يستطيع الدخول الى السويد ويفلت من الاجراءات بذكاء وخبرة يحصل على الاقامة بسهولة
فى اسوؤ الاحوال تقريبا 2 او 3 سنوات.
انا تحت امر الجميع فى اى استفسارت عن التعليم فى الخارج.

وانا لى بعض الاستفسارت عن العمل فى السويد و السكن؟

بالنسبة لى سادرس ماجستير فى الادارة لمدة سنتن وساحصل على اقامة دائمة لمدة الدراسة.

بالنسبة للمدينة التى اختارتها هى مدينة lund فى جامعة lund univerestte

هل من السهل ايجاد سكن رخيص فى مدينة lund او malmo القريبة منها
اقل من 2000 كورونا؟.

ماظروف العمل فى السويد حيث اننى يمكننى ان اعمل براتب قليل لكى استعيد جزء من المبلغ الذى انفقتة على دراستى ؟ .

وهل اللغة مهمة للعمل حيث اننى يمكننى ان اتعلم اللغة السويدية ؟ وما درجة اهميتها



ارجو افادتى ولو بقليل القليل.

dr fajer
12-12-2007, 08:42 PM
أنى منبيش نطلعوا من الموضوع الأساسى

لكن معليشى تعليق جانبىمع كل اللى قلته يعنى من غير الحوش و الصغار لازم تخدم و تجيب

فلوس و فى موضة توة طالعة تشرى فى الخضرة واللحم على طريقها ,مش المراءة تظلم فى روحه
ا
لما تقول مساواة؟؟؟؟ياناس كل واحد فى مكانه .فى مثل يقول ..كل واحد فى صنعته عمّال. (أن شاء الله تعرفه.)

و السلام عليكم

أحمد الشفتري
12-12-2007, 08:59 PM
وعليكم السلام ورحمة الله اخونا احمد
مرحبا بيك معانا في موضوع الهجرة الى السويد
واضح جدا من اسئلتك انك يا اما ما قريتش كل الكلام اللي انكتب او انك ما اقتنعتش!!!
(بذكاء وخبرة يحصل على الاقامة بسهولة
فى اسوؤ الاحوال تقريبا 2 او 3 سنوات.)
اول مرة نستعمل اللون الاحمر في الكتابة لاني مستغرب جدا من المعلومة المضللة جدا هاذي مش عارف من وين حصلتها؟؟؟
على العكس تماما اسهل شيء (نحكي عالليبين بصفة خاصة) انهم يوصلو الى السويد يعني الواحد بامكانه يفطر في بيتهم ويتغدى في استوكهولم كل ما في الامر انه يقدم لاي تاشيرة شينغن ويركب على اي خط طيران يساعده وما دا بيه يمر على الدولة اللي خذا منها التاشيرة من باب الاحتياط وينزل في مطار استوكهولم ولا فيه اي واحد حيساله او حتى يكلمه.. لكن المعمعة الكبيرة من يعطيه اقامة وقصة السنتين والثلاثة هاذي معلومة غير صحيحة على الاطلاق ( اللهم الا في حالة العراقيين والصوماليين لان دولهم تحت الحرب هاذيمه ياخذو الاقامة في شهرين او ثلاثة مش سنتين) لكن الباقي يفتحلك المولى.. تبي تتزوج سويدية (اذا كان حصلت) تاخذ اقامة صح وبسرعةلكن غير هكي..نجوم السما...!!
الف مبروك لانك حصلت قبول في جامعة لوند، لوند مدينة مش كبيرة لكن جامعتها كبيرة جدا ومعروفة في السويد وقريبة جدا من مدينة (مالمو) ثالث اكبر مدن السويد وفيها اكبر جالية عربية في السويد تقريبا (قصدي مالمو مش لوند).

طالما حصلت قبول في الجامعة بامكانك تسكن في بيوت الطلبة الاسعار تبدا من 1200 كرونة الى عند 3700 كرونة حسب نوع السكن والمشاركة معاك في السكن، الكهرباء والانترنت عالي السرعة (انكلودد) مع الايجار وكذلك الغسالة والمجفف!!! بحبح يا عم..
لما تكون طالب ما يعطوكش اقامة وانما فيزا طالب (ستدي بيرمت) صالح طيلة فترة الدراسة بس، وبعدها (هي دو) على قولة السويديين.يعني مع السلامة.
موضوع العمل مش زي ما تتخيل فيه اطلاقا الطلبة اللي محتاجين يشتغلو عمال نظافة في الليل وموزعي جرائد وغالبيته عمل غير قانوني وفلوسه مش ولابد وبهذلة جدا. لكن العمل مع السويدين صعب جدا ما نبيش نقولك مستحيل والشرط الاساسي اتقان اللغة السويدية حتى لو كانت لغتك الام الانجليزية...!!!
ييسرلك ربي ان شاء الله وفرصة سعيدة وجودك معانا وما تغيبش عن النتدى حتى بعد ما تمشي الى السويد على شان نسمعو رايك بعد ما تشوف بعينك وليس من راى كمن سمع
السلام عليكم وفي حفظ الله

zicomoot
12-12-2007, 10:36 PM
بالنسبة للجملة الحمرة دى من كلامى مع الاخوة اللائجين العراقين
لكن انا لا اعرف انها سهله جدا لللبيين هكذا

لكنك لم تذكر لى هل اللغة السويدية تنفع ولا متنفعش؟
ادرس ولا لاء يعنى

اين انت تقييم فى السويد فى اى مقاطعة


انا online حالــــــــــــــــــــيا

شكرا جدجداااااااااااااااااااااااا

zicomoot
12-12-2007, 10:54 PM
Who can work in Sweden?
If you are enrolled at a Swedish university or university college you can work in Sweden without a work permit. You do, however, need a residence permit. Nordic, EU and EEA students need to get a residence permit
if they are staying in Sweden for longer than three months.
All other nationalities need to get a residence permit before they arrive in Sweden.

For information on obtaining a residence permit, contact your nearest embassy or consulate or the Swedish Migration Board directly.

وفى السفارة resdient permit =1000 korana
هذا فى مصر

ما رايك فى هذا الكلام ولا فى مشاكل

zicomoot
12-12-2007, 11:43 PM
المرتبات كام فى الشغل البهدلة والزبالة والجرائد ؟

ياريت تقول المريب بارقام لو سمحت

البوب مارلى
13-12-2007, 03:04 AM
كيف الحال صاحبك ليبيى الى فيها البواسير قوالى بيش نبعثلها الدواء
باذن الله يشفا كالك السويد قالك

ras_bras
13-12-2007, 07:15 AM
منور يا حمد على الرد الشافى المفصل وبالذات موضوع الواش رووم ...مانحكيلكش هو صحيح عندنا منه الكلينكس المعقم والحركات لكن برضوا قاعدين نفتقروا لحاجة تانية تخلينى لو اضطريت وأنى بعيد على شقتى انى لازم نشرى شيشة أمية ؟ فهمت ؟
المهم أنى مش بعيد على الليبى المتغرب ...منه غادى شوى ..ومروح بعد ما استغليت الأسعار اللى قلت عليها واللى توصل فيها التخفيضات الى 50 % ومروح نبى نحضر العيد الكبيرة لي" تلت" سنين لا صمت ولاضحيت فى ليبيا وتو مروح بنضحى خروفى مع العويلة ...حنكتبلك مش بالعامى بس ولكن بالزمنى ولا يهمك ...

أحمد الشفتري
13-12-2007, 08:32 AM
السلام عليكم جميعا
خطر عليا خاطر اني حنحاول نرد على مشاركاتكم كل واحد بروحه على شان ما يكونش الموضوع ممل وحتى اللي بيقراه تدره كبده قبل لا يكمله
السلام عليكم (زيكوموووت) تعرف الفرق بيني وبينك شنو؟..........قول شنو!!
انت تتكلم من الناحية النظرية وانا نتكلم من الناحية العملية والواقعية، اذا كان الكلام بخصوص القانون السويدي في الحصول على تصريح العمل فشد عند:
يحق لكل مواطن ومقيم وطالب وحتى اللاجئين اللي مازال ما نظروش في مشكلتهم التقدم بطلبات عمل الى مكتب العمل، يعني عادي جدا تمشي لمكتب العمل وتعبي بياناتك ويحطو اسمك في الباحثين عن العمل، وعندهم ما كتب الله من الكمبيوترات محطوطة خصيصا للبحث عن فرص الشغل المتاحة (افتراضيا) بامكانك تستعملها في اي وقت يساعدك، وبالبلاش.
الكلام هذا من الناحية النظرية البحثة، لكن الواقع يختلف تمام ،يعطيني دعوة (دعوة خير ان شاء الله) كان فيه واحد استفاد منهم بحاجة . السنة الماضية سجلت عندهم تعرفو شن قالولي آخر حاجة، قالولي: هو احني حنحاولو نساعدوك لكن الموضوع يعتمد بشكل اكبر على نشاطاك في البحث بنفسك واتصالك باصحاب العمل يعني التسجيل عندهم ماخذة خواطر لا اكثر ولا اقل.لما تشوفهم كيف يديرولك (إي سي في) -سيرة ذاتية الكترونية يعني- ويوزعوها على اصحاب العمل ويشوفو المؤهلات اللي عندك ويسجلو حتى اذا كنت تعرف تسوق والا لا( ماهو مرات العمل يجي بعيد شوية) تقول جي الفرج، لكن هيهات هيهات.ما ابعد مكة على بوحمار (متاسف هذا لفظ المثل زي ما يقولو فيه).
شفت الفرق يا عزيزي بين القانون باش يسمح والواقع شن يوفر؟؟؟ الفرق واضح جدا.
اكثر من هكي ما عندي ما نقولك واذا كان فيه حد من الاخوة الكرام الحاضرين يقدر يزيد يوضحلك (مرات تكون عندك مشكلة مع اللهجة الليبية) فجزاه الله خيرا مقدما وبالنسبة لمرتبات الاعمال اللي قلت علاها لما تحصل واحد منها توا تعرف المرتب بروحك!!!
موفق باذن الله وفي امان الله

أحمد الشفتري
13-12-2007, 08:52 AM
السلام عليكم اخونا ( البو ب مارلي)
والله صاحبي اللي عنده المشكلة مش ليبي، لكن ما فيش باس، قوللنا عالدواء ما تعرفش الظروف مرات الواحد يلقى حد غيره محتاجله!! واجرك على الله.
ما تبخلش علينا بمشاركتك ونسمعو منك عن قريب ان شاء الله
في امان الله

أحمد الشفتري
13-12-2007, 09:06 AM
السلام عليكم خونا (راس براس)
واااااااك قداش حسدتك على مرواحة العيد (حسد غبطة بس والله) تمشي وتولي بالسلامة ان شاء الله وان شاء الله طريقك زراعي (على قولة شركة المرعبين المحدودة اذا كان شفته).
ما تقوليش انك في آلاسكا والا مازال ابعد؟ وين بتكون يعني؟ في جزر الهاواي مثلا ..؟؟حسب علمي ما فيه شيء بعدها كان المحيط والا بتكورب عالكورة الارضية من الجهة التانية!!!
على العموم الباين انك في كندا والله ياريت نلقى واحد يمصمصلنا كندا تمصيص حتى شن ياكلو وشن يشربو ما يخليش حاجة الا ما يكتبها... والله شكلك انت اللي بتقوم بالمهمة هاذي ياراس لانه واضح من كتابتك (ولو انك ما تكثرش مش عارف ليش) لكن قدها وقدود ..ان شاء الله عيدك مبارك انت وعويلتك والله حاجة كبيرة بعد ستة اعياد وانت بعيد عليهم انك تعيد معاهم مرة تانية ربي يدوم افراحكم جميعا وكل اللي يقرا في الكلام هذا.
بعد غيبة (تلت) سنين اكيد ما قصرتش في تخفيضات راس السنةالمشكلة الواحد في المواقف هاذي يتذكر المثل ( الراس سبعة والاحباب تمانية) لكن ان شاء الله ما نسيت حد من احبابك واصحابك.
سفر ميمون وعود حميد ان شاء الله نراجو فيك ما تطولش... السلام عليكم

zicomoot
13-12-2007, 04:52 PM
شكرا جزيلا يا اخى على المعلومات الجيدة
يسر الله طريقك وفتح عليك

انا عارف ان الحياة غالية فى السويد لكن التعليم ممتاز جدا
انا كنت عاوز اسئلك عن ظروف العرب هناك اقصد مع بعضهم البعض
هل الحياة فى الغربة تودى الى الجفاء والانقطاع ام هناك علاقات حميمة بين العرب فى الخارج

او مثلا الليبين مع الليبين

انا لى عمى عاش اكثر من 20 سنة فى الدنمارك وهو الان متواجد فى مصر

لكن يتصف بصفات الوحدة والانعزال ؟

ياريت تقولنا طبيعة المجتمع العربى او تجربتك الشخصية من وقاع الحياة

واكرر شكرى للتواصل

اخوكم zicomoot

أحمد الشفتري
13-12-2007, 06:31 PM
العفو يا اخونا (زيكومووت) وربي يسمع منك الدعاء ان شاء الله التوفيق للجميع..
والله بالنسبة لسؤالك الاجابة عنه تحتاج الى شخص عايش في السويد هلبةهلبة، يعني زي حالة عمك مثلا!! لكن الصورة العامة انه صعب واحد يعطيك اجابة محددة بالزبط لان طبيعة الحياة في السويد ما تسمحش انه يكون فيه( كونتاكت) كبير بين الناس الموجودين سواء اهل البلاد الاصليين، او المهاجرين على تنوعهم، يعني لوكان الواحد يشتغل اويدرس مش حتكون عنده فرصة للاحتكاك بالناس بشكل كبير( احتكاك من الناحية الاجتماعية نقصد طبعا، واكيد هذا انت اللي تسال عليه, اما احتكاك الشغل فهذا مؤقت ومربوط بزمن العمل او الدراسة وبس.. وبعدها كل واحد يمشي في حال سبيله) وبالتالي مش حتكون فيه فرصة لتكوين علاقات قوية ولا فرصة لحدوث جفاء او شقاق. الكلام هذا طبعا كلام عام وفيه استثناءات كثيرة يعني ممكن تكون محظوظ وتلقى زميل دراسة او عمل ويكون انسان محترم وانت واياه نفس الميول والافكار فساعتها حتكون اسعد واحد في السويد اكثر حتى من ملك السويد نفسه (لانه واضح النكد على وجهه، الباين ان الالمانية اللي متزوجها -ملكةالسويد يعني- منكدة عليه عيشته) والشيء اللي حاصل لعمك حاجة طبيعية جدا وخاصة اذا كان متزوج اجنبية ودار منها صغار ساعتها وين المفر؟؟؟ يشوف اسرته تتفرط قدام عيونه وهوا يتفرج ..والمحترم من اولاده لما يلقاه في الشارع يقوله (مرحبا) فكيف ما تبيشي يتنكد ويتوحد (ينفرد يعني)؟؟؟؟
الحوش اللي مقابلني ساكنة فيه وحدة سويدية كبيرة في السن راسها وراس السياج متاع حوشها يوم تحط المزهريات على الروشن اليمين، وتاني يوم تغيرهم عاليسار، وتالت يوم تحط الكرسي اليمين عاليسار، وبعدها تغيره مرة تانية، وتوا بمناسبة الكريسمس شادتها على اسراب الضي مخلية حوشها زي سيارة الزينة ( ما اقدمها ) من الكساد طبعا، والشقة اللي تحتي تسكن فاها وحدة تانية راسها وراس كلبها هوا يمشي قدامها وهيا وراه، اضني حافظة الشارع بالصانتي ،لاخدمة لاقدمة...عندي شعور ان السويدين ما يقولوش اكثر من خمسة ستة كلمات في اليوم وبس.. ليش الفساد؟؟؟ اصلا لمن بيقولهم؟؟؟ وحدة من شركات الموبايل في السويد تحاسب في المكالمات بالمكالمة مش بالثانية او الدقيقة!!! يعني لما تطلب مكالمة زي تتكلم خمس ثواني زي تتكلم ساعة نفس التكلفة.. ممكن يشجعو فيهم باش يحكو لكن لا حياة لمن تنادي!!!
مدرسة لغة في مدرسة اللغة قالت انها حتتقاعد الايام الجاية و اول شيء حتعمله انها حتشري كلب!! تعرف ليش؟؟ مش على شان يسليها في البيت بس.. لكن حيجبرها على الطلوع من الحوش كل يوم باش يــــ...... انت عارف.. والا ممكن تموت في الحوش وتعفن ولا من يندري علاها، وياما حصلت حالات زي هاذي في السويد. بئس الحياة..!!!
انا عارف انه اللي يهمك وضع العرب مع بعضهم مش السويدين، لكن الانسان ابن بيئته، يعني كل ما الواحد يطول معاهم ويشرب ماهم.. ينعمى بعماهم.. نسأل الله العافية.
تعرف يا زيكو (يا اما حتصير خبير في اللهجة الليبية والامثال الليبية، يا اما حيجيك صداع مزمن) سامخني ما نستمتعش في الكتيبة الا بالفلاقي (العامي) والكلمة اللي ما تفهمهاش (قوقلها)يعني حطها عــــ (القوقل) وانت والنصيب شن يطلعلك!
الخلاصة اذا كان الهدف من جيانك للسويد الدراسة وبس، وحصلت قبول، ووضعك المالي يسمح، توكل على الله وتعالى مش حتندم.. واذا كان الدافع هو الهجرة او الاستقرار او الحصول على فرصة عمل محترمة فالفرار الفرار... اسكن في ثلاجة (الامم المتحدة)متاع مسرحية واد سيد الشغال اريحلك!!!
بالتوفيق ان شاء الله وفي امان الله

barcagermany
14-12-2007, 01:24 AM
كيف تميت تنضيم الدار غدوة جايني صديقي من مدينة تانية وفيها تقعميزة وهدرزة باهية طول الفوخن اندا (عطلة نهاية الاسبوع) اهو تقعميزات نتذكروا اجواء ليبيا اللي الواحد محروم منها,ومنها انسقوا للعيد كيف يصير فيه حني قاعدين في مدينة ولا تقدر تسميها قرية ريفية وصعب الواحد يشري خروف ويذبحه تعرف الذبح عندهم منافي لحقوق الحيوان ,المهم مرات نمشوه زي الاعياد اللي فاتوا لحم دجاج وخلاص. والله الواحد يركبه شعور ابصر كيف (تخايله بس يا ادولف هتلر وانا متاكد انك حتقعد في ليبيا) المهم خلاص هانت المرواحة والعودة قربت لانه مناقشة رسالة الماجستير يوم العيد وربي يسهل(ادعولي) وبعدين طول اول طيارة وبدون رجعة ان شاء الله
نتلاقوا في ردود اخري
تشوز

Ghali Alia
14-12-2007, 01:26 AM
مشكور اخ احمد على الشرح الكافى و الوافى على ما يلاقيه البعض فى السويد ...بس انا عندى تعقيب للاخ زيكوموت بالنسبه لوحدة...

انا انقوللك شى واحد انه لو فيه مسجد وتقدر تمارس فيه شعائرك يعنى تصلى فيه صلاة او اثنين على الاقل .. فصدقنى موش حتشعر بالوحدة ... لان الجاليه المسلمة على تنوعها تنسيك شوىة الغربه .. وهاذا الحمدلله اللى متمتع بيه لحد الان.

انا موش عارف ظروفك بس السويد اعتقد زيها مثل زى اى بلد اوروبى فيها شئ من العنصريه وممكن فى المدن الكبرى اكثر من القرى

انا نسكن فى قريه صغيرة مقارنة مع مدن كندا الكبرى .... بصراحة معاملتهم ما شفتهاش فى اى مكان اخر مع انى ماشى لاغلب دول اوروبا ... ما يقدرش حد يوجهللك تهمة التمييز العنصرى لانه بروحه مرات يكون مهاجر

ثانيا على حسب ما تقدم تلقى ... فى الجامعة يحترموا فينا و يهيئوا لنا فى الجو اذا نبوا نصلوا او نحتفلوا بالاعياد و بالعكس يشاركوا فينا حتى فى مناسباتنا الدينيه.

انا نذكر مرة اننا نبوا نتاخروا على المحاضرة علشان نبوا نصلوا الجمعة .. فقالت الاستاذة انها حتاجل المحاضرة عشرة دقائق كبريك علشان نلحقوا .. فصبى واحد وقال مش لازم علشان الصلاة اننا ناجلوها ..فقالتله .. اذا انت ما تصليش فى غيرك يصلى ... وللعلم هى لا دينيه ماعندهاش على الدين ...فممكن هاذا الاختلاف اهم ميزة فى المنطقة اللى عايش فيها

صحيح ان الكنديين ما يحبوش يصرفوا و كل شى عندهم غالى و مافيش شئ بلاش ...بس احترامك تاخده اذا كنت محترم ... حتى المرور لما يوقف فينا ... اول حاجة يقوللك سير.... ولما يلقاك مش امداير حاجة يقوللك انا اسف و يوم جميل.

المهم الروابط الاجتماعية ترجعللك انت ... اذا حبيت انك تحييها تقدر ... وممكن تشوف اصحابك اكثر من مرة فى الاسبوع ... وهاذا اللى صايرلنا نمشوا للقهوة .. ونتلاقوا فى المباريات ... ونتغدوا مع بعض و اهم حاجة نتلاقوا فى المسجد

صح انك حاتفتقد الحميمية اللى فى بلادك ... بس تقدر تخلى جزء منها موجود فيك بتواصلك .. وحتى اللى ما تشوفاش كلمه بالتلفون.

فى العيد صلاة العيد جماعة فى اكبر مكان فى المدينه .. والبوليس ينظم المرور ... تقدر تمشى لاى مزعة وخصوصا جماعة المينونايتس وتشرى حولى وتذبحه وهم يتكفلوا بالباقى .... على فكرة .. الذبح قانونى فى كندا وخصوصا بعد قصة جنون البقر .... المهم ... تقدر تمارس شعائرك الدينيه بكل راحة .... نذكر مرة فى واحد جاينى زيارة من دوله اوروبيه و بعدين مشينا لشلالات نياجرا ... فلما جاء وقت الصلاة توجهنا للقبله وصلينا فى وسط البارك ... فلما كملنا استغرب قاللى كيف ما فيه حد كلمنا او ركز علينا او قعد يشبح فينا .. فقلتله هنا مايقدر حد يقوللك شى دابينك ما ضريتاش


انا مازال عندى ما نحكى على كندا بس الموضوع بالاخص على الاخوة اللى يبوا يمشوا السويد .. نسمعوا منهم قبل

barcagermany
14-12-2007, 01:35 AM
كيف تميت تنضيم الدار غدوة جايني صديقي من مدينة تانية وفيها تقعميزة وهدرزة باهية طول الفوخن اندا (عطلة نهاية الاسبوع) اهو تقعميزات نتذكروا اجواء ليبيا اللي الواحد محروم منها,ومنها انسقوا للعيد كيف يصير فيه حني قاعدين في مدينة ولا تقدر تسميها قرية ريفية وصعب الواحد يشري خروف ويذبحه تعرف الذبح عندهم منافي لحقوق الحيوان ,المهم مرات نمشوه زي الاعياد اللي فاتوا لحم دجاج وخلاص. والله الواحد يركبه شعور ابصر كيف (تخايله بس يا ادولف هتلر وانا متاكد انك حتقعد في ليبيا) المهم خلاص هانت المرواحة والعودة قربت لانه مناقشة رسالة الماجستير يوم العيد وربي يسهل(ادعولي) وبعدين طول اول طيارة وبدون رجعة ان شاء الله
نتلاقوا في ردود اخري
تشوز

saffo
14-12-2007, 01:37 AM
اخي العزيز السلام عليكم و رحمة الله و بركاته ..
اشكرك على اجاباتك التي والله استفدت منها كثيرا و اعتذر عن تاخري في الرد لاني البارحة كنت طالع مع اصدقاء لي و رجعت متاخر فما صار مجال ان ارد انا في الحقيقة سوف ابذل قصارى جهدي حتى اصل الى بر الامان اي الى القرار الصحيح بشان السفر الى ليبيا او اليقاء تحت رحمة من ليس عنده رحمة( المفوضية) و ادعيلي ان اتوفق بالقرار مهما كان و بالمناسبة حضرتك اعطيتني نظرة جيدة جدا عن الشعب الليبي اللي اخذت فكرة عنه بانه شعب طيب و خدوم و مساعد للاخرين من خلالك و من خلال تواصلك و مساعدتك لي بالايضاحات التي تفضلت بها .. شكرا اخي العزيز و وفقك الله و اعانك على غربتك و اعادك الى بلدك و اهلك بالف خير ..
اخوك ابو كرم

أحمد الشفتري
14-12-2007, 08:31 AM
السلام عليكم
مش معقولة... احسن كاتب واحسن عضو في المنتدى معانا في نفس الموضوع.. آنست وشرفت.
العفو يا اخونا (غالي) ومشكور جدا على مشاركتك ،وتوكل على الله وابدا احكينا على كندا لاني متشوق جدا اني نسمع اخبارها بالتفصيل.اي معلومة تخص الدول اللي العالم يحلم انه يهاجرلها حتفيد الكل بالتاكيد خاصة ان كندا من الدول اللي محطوطة على راس قائمة (ارض الفرص والاحلام) بالنسبة لاي شخص يفكر في الهجرة.
نستنو فيك....في امان الله

أحمد الشفتري
14-12-2007, 08:42 AM
العفو... ياصفو (طالعة زي الشعر)
ندعيلك بالتوفيق ان شاء الله، ويارب تنتهي حيرتك عن قريب وتتبينلك الامور بسرعة.. احرجتني بكلامك لكن انا ما درتش الا واجبي.. لما كنت في ليبيا كنت نتمنى اني نحصل حد يشرحلي ويوضحلي كل شيء (انا من النوعية اللي يهتم بادق التفاصيل،واكيد لاحظت الشيء هذا من خلال الكلام الل كتبته) وكل ما نسال حد يقولي كلمتين وقص، وفيه اللي مايبيش يفتح معاي اي نقاش في الموضوع اصلا!! الى الآن ما فهمتش ليش؟؟؟؟؟؟؟؟؟؟؟
وتوا نحس انه بامكاني نوضح بعض الامور لمن يحتاجها، على الاقل الغافل ينتبه، والمصر عالجيان يجي وعنده علم بالشيء اللي بيلقاه قدامه.
في النهاية التوفيق من عند رب العالمين، الواحد ممكن ينجح في مكان فشلو فيه الآخرين، وممكن جدا انه يفشل في مكان نجحو فيه ناس غيره!!! (نصيبات) زي ما نقولو بالليبي.
ان شاء الله نسمعو عليك الاخبار الطيبة سواء من ليبيا او من وحدة من دول المهجر.

أحمد الشفتري
14-12-2007, 09:01 AM
السلام عليكم
فيه مرة انحرقت عندنا لامبة في الحوش فمشيت شريت وحدة جديدة لقيت مكتوب علاها 45 واط قلت خلي نجرب ، ركبتها في الدار ولما خشت امي (الله يصبحها بالخير) وشافتها قالت: اللطف ياربي.. شن هاللامبة تنس (مش عارف شن معنى كلمة -تنس- لكن المعنى العام واضح) تنس زي الشمعة غيرلنا هاللامبة وجعتلنا عيوننا!!!!مش عارف لو تجي الوالدة الى السويد شن بتقول؟؟؟ لان لامبة المية واط( اللي الليبين في كل دار مدايرين منها واحدة على الاقل وفي المربوعة او وسط الحوش مش اقل من تلاتة) اللامبة هاذي فيها خربان بيوت في السويد.. لوتدير زي ماداير في ليبيا وضي الحوش كله يضوي سواء فيه حد او ما فيش كان هذا شركة الكهرباء السويدية تقعد يومين وهيا تتطبعلك في فاتورة الكهرباء!!!!!!
ما كنتش متصور انه يجي يوم ونركب لامبة 15 واط ونعتبرها اضاءة ونمشي اموري علاها؟؟؟
طبعا فيه حل بديل... اللامبات (الاقتصادية) او الغازية تستهلك 11 واط وتعطيك ما يعادل اضاءة 60 واط من لامبة عادية لكن سعرها مش اقل من عشرة دينار للامبة الوحدة اذا كانت ماركة كويسة... رخيصة صح؟؟ بعشرةدينار في ليبيا تشري لامبات سرب عرس كامل من امتاعات الكمشة بربع..!!
الحمد لله ان الغسالة خارج الحوش والتدفئة والمية الساخنة مركزية كان هذا راحت ليل!! ياريت يركبولنا الثلاجة والفريز حتى هما برا ويوصلولنا خيط للتلفزيون والغاز والكوشة (جميع غازات السويد كهربائية) مش عارف اسمه غاز لكن يخدم بالكهرباء كيف جت مش عارف؟؟؟
التقيكم غدا باذن الله تعالى ... في امان الله

saffo
14-12-2007, 11:25 PM
مرحبا اخي احمد و الله بالحقيقة انك تكلمت بالتفاصيل و ما قصرت و انا راح ابقى اتابع المنتدى لان احس انه صار عندي صديق فيه و هو الاخ احمد الشفتري و اتشرف بمعرفتك و ان شاء الله تدوم الصداقة اللي بيننا و الله يوفق الجميع
اخوك ابو كرم

ras_bras
15-12-2007, 12:36 AM
السلام عليكم

أخى أحمد مادام خش الدكتور غالى الموضوع معناها حيحكى المفيد على كندا , وصح انى فى كندا لكن والله ما عجبتنى هلبة ...اجراءاتهم معقدة ومن ضمن 10 تلقى 3 فاهمين الشغل فى الدوائر المختلفة الخاصة بأى اجراء المهم أنى ملقيتش أحسن من العظمى بخيرها وشرها

أحمد الشفتري
15-12-2007, 09:03 AM
السلام عليكم
والله زدت حمستني اني نسمع من الدكتور غالي عن الحياة في كندا... وعلى فكرة حالكم باهي قدام الناس القدم في السويد!! يعني عندكم ثلاثين في المية من الناس فاهمين كيف يمشو امورهم..انا شفت ناس هنا الجديد فيهم ليه خمسطاش السنة لوتساله عن سيارة الفولفو وين مصنوعة ممكن ما يعرفهاش!!!!!! فكيف بيعرف الروتين الاداري متاع البلاد كيف ماشي؟؟؟ من حسن حظهم ان السويد من الدول اللي واخذة مراتب متقدمة في العالم في القضاء على البيروقراطية وتسهيل الامور الادارية ( النرويج تحتل الترتيب الاول على العالم حاليا) يعني عندهم معاملات من كثر بساطتها لين ما تصدقش انها ممكن تتم... تلت ارباع امورهم تتم بالهاتف والبريد بس بدون ما تشوف اي مخلوق. بينما في +++++ يقولك احسن وصفة لتخفيف الوزن هيا انك تكمل معاملة في ++++ لانك كل يوم حترقى وتنزل اربعة او خمسة طوابق والله اعلم لمدة قداش؟؟؟ ممكن لين يشوفو وزنك وصل للمعدل الطبيعي بعدها يكملولك معاملتك. ربي يفرج عن جميع المؤمنين.
الحلقة الجاية من اسطورة السويد توا نبدا فاها ان شاء الله... نكمل فطوري بس

Ghali Alia
15-12-2007, 09:11 AM
العفو ياراس براس.. انت الخير و البركة .. وينك زمان ماعاش سمعنا صوتك

المهم

زمان كنت نحساب ليبيا متخلفة من ناحية الانظمة الاداريه بس لما جيت هنا الله لا تروعك ... تحس انه مافيش موظف فاهم شغله او انهم علشان فلوسهم من الدوله امشيين الموضوع عادى وظيفة وخلاص...بالنسبة لقصتى مع الاوراق فى النقابه امتاع الاطباء و الكليه العامة ...قصه ... كيف قصص الف ليله وليله تبيللى كم مجلد

نحس فيهم مايعاودوش فى الاوراق و الورقة يطلبوها منك اكثر من مرة ..... وحيه عليك حيه ان كان زرقللك حرف زايد و الا ناقص ماعاد تفض الحكايه .. وانا صارتللى .. اسمى فى الشهادة بالعربى رباعى .. وفى الجواز ثلاثى ...قاللوا لى هاذا مش انت... جيب ما يثبت ... وخودلك من الجو اهوا بيش يجيك التاكيد من ليبيا ... حلنى عاد

بالنسبة للدراسه ... صعبه جدا .. وتحسهم يحطوا فى الرز عظام ... بالنسبة للاطباء من الصعب انك تحصل مكان وممكن تراجى حتى سنتين بيش تحصل... وللاسف هاذى مشاركة فيها حتى دولتنا .. لما نقارنوا ارواحنا مع الطلبه السعوديين او الكويتيين تحس انك عايش ماساة هم يجوا وكل شى مرتب وجاهز .. وتعاملهم مع المكتب الكندى لطلاب العالم CBIE مريحهم .. الا جماعتنا دايخين مش لاقيين من يساعدهم

بالنسبة للتخصصات الاخرى فالقبول فيها اسهل حاجة ... اذا عندك مايثبت مصدر دخل او منحة داخليه من احد الاساتذة الكنديين وفيه جامعات مشهورة ... زى واترلوا و ماجيل و تورونتو و ماكماستر... وعندهم جامعة ولفريد لوريير من الافضل فى العالم فى الادارة .. وجامعة غويلف فى الزراعة و البيطرة

الاسعار تتراوح من منطقة لاخرى اغلاها فى اونتاريو و فانكوفر و ارخصها فى مقاطعات الساحل الشرقى و مانيتوبا ... حتى العنصريه تختلف باختلاف المقاطعة او المدينه .. يعنى سكان كويباك عنصريين بكل يجوا بعدهم جماعة اونتاريو بينما اهالى الساحل الشرقى و مانيتوبا ... اطيب نوعا ما .... كذلك السكن .. اذا ساكن فى تورونتو او مونتريال .. مش كيف ما ساكن فى قريه صغيرة او مدينة متوسطة حتى الامان يختلف .. يعنى انا مرات نسيب فى السيارة فى السوق مفتوحة .. والله ماعمرها نقصت منها حاجة ما حد يقربفيها

بالنسبة للسكن الاحسن تحصل كل شى انكلوديد يعنى الاجار فيه كله اميه و ضى و انترنت و تلفيزيون ... فاذا طالب بروحه تختلف الاسعار من مدينة الى اخرى يعنى فى مانيوبا ممكن تحصل غرفة من مجاميعه ب 200 دولار او تاجرلك باشلر سويت ب450 فى الشهر .

بالنسبة للخدمات العامة من ضى وطرق .. الواحد يحكى الحق .. البلاد دايما ضيها شاكع .. وان كان على الحوش .. انت و ما تحب ... لمبة 100 و الا حتى شماعى .. وبالعكس لانه الضى عليهم فى الاجار ... مادبيك تركب لمبات 100 وات كلهن

العلاقات الاجتماعيه انت اللى تحددها ... ومشكلتنا نحن كا ليبيين كاشين فى بعضنا ... المفروض انه الواحد يعتز بدينه و يحاول يخالط على الاقل تتغير الصورة شويه .. وهاذا اللى صاير و الحمدلله يعنى نذكر فى طالب قال انه ما كانش يحساب المسلمين هكى ... يعنى يهدرزوا ويخالطوا فى الناس .. واخدين علينا فكرة من التلفيزيون من بيلومهم

التليفون انت وجهدك ... فيه اكثر من شركة بس نار الله لا تروعك يعنى المكالمة بالدقيقة و فى اللى منهم لما تستقبل يدفعوك و فيه الشركات اللى مهونى العقود امتاعها يعنى عندك كم دقيقة فى الاسبوع و الويك ايند زى شركة فايدو ...بس التغطيه امتاعها تعبانه .. تخطر عليك وحدة من دول العالم المتحنط ... باقى الشركات زى بيل و تيولس نار .. وروجرز اسعارها فى النص ...بس تلقى روحك دافع دايما زيادة

اسعار المتطلبات الاساسية من الاكل رخيصة فى اونتاريوا .. وانا جربت كم مكان تعتبر اونتاريوا ارخص من فانكوفر و مانيتوبا .. والاكل ماعليش ضريبة الا اذا كان حاجة دلع زى الشكلاطة او الاكل الجاهز اما اى حاجة اخرى تشريها فتدفع عليها 14 فى الميه ضرائب يعنى اللى بدولار تدفع عليها دولار و 14 سنت وقيس عليها

البنزينه نار ... توا لهم تقريبا سنه و نص ما نزلش سعر الليترة عندنا فى المتوسط عن 97 سنت الى دولار و خمسه سنت .. يعنى بيش تعبى سيارة سته فالفلى ... راح مصروفك ... فيه باصات صحيح ..بس فى هالتلج من المهبول اللى يبى يراجى باص

مستوى التعليم راقى بصراحة .. والشهادة منهم لها دورها .. يعنى عندهم جامعات تنافس جامعات امريكا العريقة زى يال و هارفارد ... وتعرفوا حاجة بالنسبة للطب ما يعترفوش بالشهادة من بريطانيا ... يعنى بيش تشتغل غادى تعاود من جديد اما اذا جاى بتقرا وتروح ... يقروك وبعدين يقوللولك مع السلامه.. وعلى فكرة اكثر الطلبه اللى فى الدراسات العليا وافدين قليل ما تلقى واحد كندى يحضر فى ماجيستير او دوكتوراة .. كلها هادة على الشغل

بالنسبة لعلاقتهم مع بعض ما شفتش فرق وانا نحكى على المكان اللى عايش فيه ممكن تلقى الشايب و العزوز مع بعض و العيال يجوهم مرة مرة ... ومرات تلقاهم لاصقين .. يعنى نذكر زمان فى مريض كندى فى المستشفى ... ولده معاه من الساعة ستة فى الصبح لحد الليل بس حتى هوا جاى من قرية مش من مدينه

اهه خطرها عندهم ناس يقوللولهم المينونايتز و الاميش ... ما يركبوش السيارات و لا يستعملوا فى التلفون و ما يستلفوش من البنك و لا ياخدوا الربا ... وهم طيبين حتى فى المعامله ... اكثرهم مش متعلمين و حتى فى السوق يعاملوك بالثقة على اساس انت اللى تحسب و انت اللى تعطى ... هاذوم شفتهم عايشين مع بعض ... اجيال الجد و اولاده و احفاده فى مكان واحد.

اكثر المهاجرين فى كندا معروفيين ... من الصين .. يعنى نين تدخن من كثرتهم حتى فانكوفر يقوللولها هونغ اوفر من كترتهم ... يجوا بعدهم الهنود و الباكستان ... وبعدين بقايا الدول الشيوعية ... الاخيرين اكثرهم من غير شغل هومليس ... تصرفهلم الدول 850 دولار فى الشهر ... يحطهن فى البار

العلاج فى كندا كويس ...بس هات بيش يطق فيك الدور ... ان كان مهاجر يعطوك بطاقة و العلاج مجانى اما اذا كنك على حسابك زى حالاتى :waw:.. تشرى تامين صحى من غير ما يغطى تكاليف الاسنان بحوالى 800 دولار فى السنة.. وبالنسبة للمستشفى .. ان كانهى حالة طارئة وبتموت تخش بسرعه .. ان كان ماهاذا تقعد متمسر على الكرسى نين يجيك الدور .... مرات حتى 8 ساعات .. ومن غير ما نحلف صارت مع واحد صاحبى عنده المرارة ويرجع ويطرش قدامهم .. قالو لنا حالته مش خطيرة خلوه يراجى من الساعة واحد الظهر خش الساعة تسعة فى الليل

المشكله اللى تحدد فى خطورة الحالة هى الممرضة اللى فالانتظار... قول للجماعة يرحموا على ليبيا ... وين ما يجى الواحد منهم يخش يدف الباب برجله و يحط المريض على السرير :lol:ما حد يقوله وين ماشى

المهم هاذا اللى فيه توا ..بس الشهادة .. انه لو تمشى مزبوط ماحد يغلط فيك وكيف ماتعامل يعاملوك .. وانا عندى الكثير من الاصدقاء الكنديين ما تتوقعهمش زى اصحابك المسلمين او العرب او الليبيين بس يسالوا علينا و يفرح فى وجهك لما تجيه

اذا كان فى منطقتكم مسجد .. فانا نقوللكم اموركم هانيه ... ونحن عندنا جامع كبير ... الواحد يشعر بالراحة و الامان لما يشوف اخوانه .. فى رمضان ... الفطور يوميا فى المسجد مجانا للى ماعنداش من يطيبله ... كل يوم خمس او ستة اشكال غير الحلويات ليبى .. سورى .. هندى .. تركى جميع الجنسيات .. والايام الاخيرة ... يقيموا فى التهجد .. وسحور جماعى مع الاخوة ..بصراحة نعمة المسجد الواحد ما يشعرش بالغربه واجد

طولت عليكم وان كان راس براس عنده مايزيد على جماعة البرتا لانى مش ماشيلها ومش شايفها.. يخش و يقوللنا شنو فيه

أحمد الشفتري
15-12-2007, 09:36 AM
السلام عليكم..
الايام هاذي السوق متحرك والمحلات تنشط وكتالوجات البضاعة كل يوم بالرباطي في البريد، لدرجة انه فيه نسبة كبيرة من الناس تلقاه كاتب على صندوق بريده (ممنوع الدعايات) باش يفتك من كثرة الورق لانه بعدين بيحصل فيه ويضطر انه يجمعه ويلوحه في المكب الخاص بالورق.. مش هذا الموضوع اللي بنتكلم عليه طبعا.. القصة وما فيها انه كل الكتالوجات اللي فيها صورة للحوش من داخل سواء كانت دعاية اثاث والا لوازم مطبخ (غاز، ثلاجة،...الخ) او ان شاء الله دعاية لامبات المهم فاها صورة حوش جميعها بدون اي استثاء متفقين على فكرة واحدة وهيا:
تلقاهم مصورين راجل واقف في المطبخ ولابس المريقة او المريول متاع الكوجينة ويا إما يقرض في خضرة يا اما يطيب... والمراة يا سادة يا كرام مقعمزة في الصالة وفاتحة اللاب توب وجنبها فنجان قهوة كبير ولابسة نظارات متاع وحدة قارية هلبة، والا فاتحة (تكست بوك) من النوع اللي وزنه عشرة كيلو وجنبها كدس ورق ومش فاضية بكل !!! هذه الفكرة الاساسية وتختلف حسب كل كتالوج وفقا لرؤية المصور او مخرج الدعاية المهم كلهم متفاهين: الراجل في المطبخ والمراة تدير في (حاجة كبيرة وفق اعتقادهم)شن الفكرة اللي يبو يوصلوها بالزبط الله اعلم؟؟ وهل يضحكو على الراجل او على المراة؟؟ كذلك مش عارف؟؟؟
اذا كان الموضوع من باب ترسيخ فكرة المساواة فعلى الاقل مرة تلقى الصورة هكي ومرة بالعكس، لكن ديمة محافظين على نفس الوضع!!! واذا كان يبو يقلبو موازين الحياة اللي ماتغيرتش في جميع حضارات وثقافات وديانات العالم فالله اعلم شن بيحصلو وراها من نتيجة؟؟؟
باهي ياسيدي مش تقولو ما فيش اي فرق بيناتهم علاش لما الراجل في السويد يضرب راجل تاني ( اصلا مستحيل تصير) يشوفو شن سبب المشكلة ويعاقبو اللي غالط ، واذا كان ضرب مراة (ديمة تصير) يحولوه لطبيب نفسي ويقولو معقولة واحد عاقل يضرب مراة؟؟؟؟؟؟؟؟؟؟ آهي المساواة والا بلاش.
يا جماعة اللي ما تجيش ما تجيش...
الرسول الكريم عليه السلام ثبت انه كان يساعد اهل بيته في بعض امورهم، والفرق واضح جدا بين المساعدة وبين تبادل الأدوار، والمساعدة هاذي تكون ضرورية اكثر في بلاد الغربة طبعا.. لانه المراة تمر بظروف صحية ونفسية صعبة شوية وفي الغربة ما عندهاش الا راجلها لكن انه هوا يستلم دورها فهذا ما ترضاشي اي مراة عندها بيتية، فضلا على ان الراجل يرضاه لنفسه، وبرا قول الدوة هاذي للسويدين...يا جماعة مش عارف كيف فيه ناس متزوجين سويديين... قصدي سويديات ؟؟ كان الله في عون الجميع
للحديث بقية... السلام عليكم

zicomoot
15-12-2007, 09:02 PM
والله الموضوع هايحلى و الحكايات من كل مكان رائعة جدا جدا

واهلا بيك يا دكتور Ghali Alia والمعلومات الى حكتها اكثر من رائعة و ربنا معاك.


بنسبة لموضوع اللمبات احنا عندنا هتركب لمبة 1 واط زى 100 واط وشركة الكهرباء بتولع الاسعار كل شهر دا غير ان اللمبات انواع شكلها اصلى لكن صوتها ولا كفائتها تكفى تنور حجرة مترين فى مترين
اما الدعاية والاعلانات وكلة التليفزيون كله.

اما احلى حاجة عندنا البنزين مدعم واللى عندو سيارة اللى بيوفرة فى البنزين بيدفعوله مكانيكى السيارات دا غير طبعا المخلفات بتاعت المرور يعنى وفر 1 جنية و خد 10 جنيه هدية على افاك او على جيبك.


ولا الصنيي يعينى عليهم
1- خبرة فى اللغة العربية
2- خدمة عالية الجودة فى التعامل مع المصريين فى البع والشراء وبيفاصلوا مع كل زبون

كل يوم يطلعلك واحد صينى انشالله لو انت ساكن فى الدور 10 ومافيش اسانسير
ويخبط بزوق ويقول -------- تتفراج-----حاجلت حلوة كتير.


بس من كلامك يا دكتور
Ghali Alia ان الحياة غالية لكن ما احلى حاجة فى صفات الكندييين!


يادكتور عندك فكرة عن معادلة الشهادة بالشهدات الكندية؟


سلامى للاخ الشفترى ras_bras ,saffo


ما معنى الكلمة الجامدة دى

تقعميزة

zicomoot
15-12-2007, 09:44 PM
ياريت كل واحد يقولنا على البرامج المفضلة لة فى التليفزيون وهل فى قنوات زى art عندكم
بتنقل اخبار عن بالادنا ولا كله اجنبى * اجنبى

لان فعالا التلفيزيون فى الغربة اهـــل دا لو بينقل اخبار وبرامج اهالينا.


انا فى رايى ان 95 % من الافلام تنقل الافكار السيئة لكل بلد

يعنى افلام امريكا كلها اما جريمة او جنس او مخدرات.
مصر بلدى كلها افالامها اما جنس مخدرات وشوية هبل--(كومديا)--
وأفلام عن **** ودى مضرة لصورة المسلمين فى الخارج فى افلام الان action مستواها عالى جدا.

لكن من خلال التواصل مع المغتربين وجدت ان الافلام تنقل الاوضاع التى تشد انتباه المشاهد
علشان يخش ويدفع......

علشان كدا فكرة الاجانب عندنا احنا كعرب انهم سكر قمار وعربدة

لكن الحقيقة مختلفة تماما.

وللحيث بقية........................فضلى يومن وتكلم لبيىىىىىىىى:):):)

أحمد الشفتري
20-12-2007, 09:21 AM
السلام عليكم ورحمة الله
تقبل الله منا ومنكم وإن شاء الله عيد سعيد وعصبان لذيذ وحبل معبي قديد وشواء يفحفح من بعيد
بما ان السؤال الرئيسي في الموضوع كان حول الهجرة وليس الدراسة والفرق ما بينهم كبير جدا فانا حبيت ان كلامي يكون مركز حول موضوع الهجرة يعني الكلام يخص واحد يبي يقعد فترة طويلة وممكن تكون طويلة هلبة اذا كان قدر!!مش يكمل قرايته ويروح..
فيه موضوع في السويد واكل على كبدي وشارب.. وكل ما نتذكره نمرض..الموضوع يخص المدارس السويدية باختصار ..لما الواحد يدير صغار في السويد (وهذا الكلام يشمل حتى الطلبة وخاصة اذا كان من جماعة البي اتش دي الي يطولو شوية) اول ما يوصل عمر العيل الى ثلاثة سنوات يبعثولك رسالة ان ابنك وصل الى عمر( الداقز) الروضة يعني.. ولازم تبعثة للروضة زيه زي بقية الصغار وهنا تبدا الكارثة....الروضة ما فيهاش هاذيك القراية يعني لعب وتلوين ورسم وتم الموضوع، لكن الفالطة الكبيرة في الاكل...السويديين عندهم حلوة (المارشمالو) الشهيرة او زي ما يسمو هما فيها (قوديز) فرض عين على كل طفل سويدي انه ياكل منها ..ومش بالشوية ..عادي انه يطلع من كيس كامل بروحه ما فيهاش اي مشكلة وتعرفو ان حلوة (المارشمالو) تكتسب في قوامها المرن من جيلاتين الخنزير..يعني عيلك من اول ما يوصل الى ثلاثة سنوات يبدا ياكل في الخنزير..البعض يقولو انهم يوصو في الروضة انهم ما يعطوش ولده قوديز لانه مسلم والمسلم حرام عليه ياكل اي منتج من الخنزير..لكن تصور عيل في الروضة (وما نحكيلكمش على الطرحات اللي يديرو فيها في الحلوى هاذي اشكال والوان مغرية جدا جدا) يعني الكبير ما يشد روحه علاها الا بالسيف ما بالك بواحد صغير ويلقاها مكدسة قدامه؟؟؟؟ عارفين الباقي طبعا برواحكم؟؟؟
يكمل العيل الروضة ويخش المدرسة..الاكل في المدارس السويدية مجاني..الوجبة الرئيسية توزعها المدرسة على كل الطلبة..لين يكمل الثانوي والطالب يتغدى في المدرسة (في الجامعات السويدية القهوة بس مجانا)..سالت الجماعة القدم باهي كيف مدايرين في اللحم (اللحم السويدي- يصطادو فيه- قصدي يضربوه بحاجة زي المسدس على راسه وما يذحبوش فيه لان الذبح ممنوع في السويد) قالو ياسلام ..المدارس السويدية تعطي في الطلبة المسلمين وجبات حلال.!!! ما نحكيلكمش قداش فرحت، قلت معقولة السويديين يقدرو في المسلمين الى الدرجة هاذي؟؟؟ الى ان اكتشفت الفالطة... المقصود بوجبة حلال انه ما فيهاش خنزير اما اللحم كله لحم سويدي يعني (جيفة) حاشاكم.
بالله ولدك لما تبدا توكل فيه في الحرام من صغره شن مازال بتراجي منه من خير؟؟؟
هذا كله وياريت المدارس السويدية تستاهل... في دراسة الالفين وستة حول مستوى التحصيل العلمي لطلبة المدارس.. السويد خذت ترتيب متاخر مقارنة بجارتها فنلندا مثلا (كوريا الجنوبية خذت الترتيب الاول) على فكرة شاشات سامسونج الاولى مبيعا في العالم وهواتف سامسونج الثانية مبيعا على مستوى العالم خذوها بجدارة..يستاهلو.. طلعنا من موضوعنا ما عليش..
الخلاصة مش متصور واحد يعيش في السويد ويشوف في حالة اولاده بالطريقة هاذي وساكت شن يقوله دماغه؟؟الله اعلم!!!طبعا انا نتكلمت على موضو الاكل بس ما نبيش نقوللكم على الامور التانية..يعني الملابس (اللي مش عارف الواحد يسماها ملابس او لا.. والاحضان الدافئة و و و ...الخ)وحصص التربية الجنسية فائقة الصراحة والوضوح ( اوضح من الفل اتش دي) ياما بناويت سويديات حملو في سن 16 !!!!وعلى سيرة الموضوع هذا نبي نختم بقصة وانت قررو هل هي مؤلمةاو لا..
شاب ليبي تزوج واحدة سويدية عندها عيل جايباتها وهي صغيرة هلبة..مرة مرة يعزر فاها ويقوللها معقولة وحدة تجيب عيل وعمرها 16 ..المهم بعد فترة جابت منها بنت..تعرفو شن قالتله؟؟؟ قاتله بنتك هاذي حنخلاها ترقد مع اولاد الشارع كلهم .. يعني عرفت كيف تعذبه بالزبط....الله المستعان
التقيكم غدا باذن الله
السلام عليكم

أحمد الشفتري
20-12-2007, 12:47 PM
السلام عليكم
بالله ما تبخلوش بتعليقاتكم.. وشن رايكم في الكلام هذاحول السويد؟ وهل فيه اي علاقة بين الكلام المكتوب والصورة الخيالية المرسومة في اذهان الليبين عن السويد؟ لدرجة ان البعض يحسابها الجنة الا خمس دقائق...؟؟؟؟؟

abdoamcig
20-12-2007, 03:12 PM
الموضوع حلو ويحتاج وقفة أكبر

afreet
20-12-2007, 06:06 PM
اولاً كل عام وانتم بخير شباب وشبات !! و الصحة تسلم عليكم والجو اهو .

تانياً والله ماك عادى يا شفترى :lol: من الاخير الوحيد الاضحك فى والله لي فترة معاش ضحكت من
الاخير جووووووو. بالله زيد متاعنه بالقصص اهو من الاخير يعرف شنو صاير فى الدنيا وحتى انا بش نحكيلم شنو صاير معى فى الدنيا متعى الا على اساس بريطانيا الجنة وخمسة دقائق على قولتك!! لكن على شرط لما نفضى لان هنا مافيش فضوة حتى بش تحك راسك !!! لان الاصاير توه زى ايامات مسلسل الكواسر لما ناس بديت تتفرج عليه لكن لما طلعت شخصية ابن الرومية و بدى
يحكى فى القصص متاعه بديته الناس تسستنى فى هو !! مش المسلسل مانكدبش عليكم نحب المنتد العام اكثر حاجة لكن لما طلعت اسطورة السويد تغيرته الوجة المهم راجو منى اسطورة بريطانيا وعار ----------------- استنونى قريباً مع العفريت

و ا خيراً منورين كلكم

أحمد الشفتري
20-12-2007, 07:03 PM
السلام عليكم
والله آنستنا جدا يا اخونا (العفريت) وان شاء الله عيدك مبارك ومن العايدين الفايزين
بما انك في بريطانيا حنحكيلك على حاجةعندها علاقة ببريطانيا شوية مش هلبة زي ما يقولو (صنة المرق في الطاسة.. والطاسة مطلوبة) يعطيني دعوة كان واحد من الاخوة العرب فهم حاجة من هالمثل!! هما الليبين وان شاء الله لانه قديم هلبة.
على العموم الموضوع يتعلق بالاتيكيت وبما ان الانجليز يعتبرو في انفسهم هما اهل الاتيكيت والتعامل الراقي ويتبعو في العزّيز متاعهم (الملكة) كيف تاكل وكيف تشرب وكيف تمشي حتى بطمة الكبوط كيف تبطم فاها يديرو زيها ...فيه واحد صاحبي في السويد كان يخدم مع واحد انجليزي وكل يوم في الصبح يسلم عليه الانجليزي (هوا صاحب الشغل) ويسأله: ديد يو سليب ويل لاست نايت؟؟ كيف حالك شن صار معاك في موضوع كذا وكذا.. الاسئلة هاذي بالتأكيد اجابتها مش مهمة للشخص اللي سأل، لكن مفعولها هوا اللي مطلوب لانها تكسر شوية حواجز وتخلي الاتصال بين الاشخاص اسهل والخشوش في الموضوع الاساسي يكون مقبول اكثر .. والليبين مش عاديين في الموضوع هذا مرات لين يحمضو فاها..شن حالك؟ ،شن حال الصغار؟..وشن حالك مرة تانية؟.. صار حالك باهي؟.. يعني المقدمات تاخذ اكثر من الموضوع الاساسي واذا كانها مكالمة من ليبيانا الى المدار يتم الرصيد قبل لا يخش في الموضوع اللي اتصل على خاطره!!
على العموم صاحبنا هذا طلعتله اقامة دائمة في السويد المدة اللي فاتت..وقف الشغل مع الانجليزي وبدا في التعامل المباشر مع السويدين واول مكالمة كانت مع المسئولة في البلدية(كل مواطن او مقيم في السويد عنده مسئول يتولى الاشراف على اموره)الو..الو .. كيف الحال ؟؟ ما ردتش المراة على السؤال الثاني..استغرب صاحبنا شن هالفضاضة في التعامل واخذ على اسلوب صاحبه الانجليزي.. وستر ربي انه ما سألهاش نفس السؤال (نمت كويس البارح؟؟) كان هذا راحت ليل.. ممكن يسحبو منه الاقامة بعدين ويردوه لبلاده لان السؤال هذا يعتبر اعتداء سافر على الخصوصية !! اصلا شن علاقته باها رقدت والا ان شاء الله عمره ما يجاها النوم!!
مرة تانية يكلم في مسئول المدرسة صارله نفس الموقف..سأل بعدها شن القصة يا جماعة..تبو تعرفو شن القصة؟؟؟
السويدين اكثر من كلمة( مرحبا) في بداية اللقاء او الاتصال الهاتفي ما تسمع منهم شيء خش في الموضوع اللي تبي تتكلم فيه على طول ..عندهم حق مش فاضيين ياناري...وحتى كلمة مرحبا ماعودوهم علاها الا بهوتك..اصلا يعتبرو فاها جزء من الشغل بس!!! يعني لما تخش لاي مكان.. بنك، والا سوبر ماركت، والا محل، هوا اللي يبدأ عليك بالتحية رغم ان المفروض العكس..في البداية تقول يا عيني عالادب والرقي تحسابه طبع فيهم لكن الحقيقة ان اي واحد يشتغل في مكان يستقبل فيه ناس لازم يفهموه النقطة هاذي والدليل انك لما تلقاه في الشارع وتعرفه ويعرفك ولا كأنه شافك أصلا ..ما أصح وجوههم هالباردين،ياراجل واحد والا وحدة تقري فيك العام بطوله وتعرفك عز المعرفة تتلاقو في الشارع ما كأنهاش شافاتك قبل ولا يتحرك في وجهها عرق يا سبحان الله( لاحظو اني نستعمل في الضمائر النسائية اكثر من الرجالية لان السويد يمشو فاها النساوين بس،رجالهم اشباه الرجال)
بالله عليكم لما الواحد يقروه قراية كيف يسلم عالناس شن تتوقع منه؟ تصور مثلا لوانه ما قراش كيف بيتصرف؟؟؟؟ ويقولو العرب تعاملهم نص كم..والله هما حتى الكيمو ما لحقو عليه.. كاناتيرة وان شاء الله!!!
التقيكم غدا باذن الله
في امان الله

أحمد الشفتري
23-12-2007, 04:10 PM
السلام عليكم
تنبيه هام:
د.فجر
أبوذر الليبي
راس براس
صفو
المتشلفح
نور
ليبي متغرب
زيكومووت
بارشالمانيا
د.غالي
العفريت
ان شاء الله ما نسينا حد!!
اللي يقرا منكم مخصوم منه درجات اعمال السنة متاع الفترة الاولى
واللي يشتغل عنده لفت نظر... واذا كان عاودها ايقاف مرتب!!
وذلك بسبب غيابكم المتكرر عن موضوع الهجرة الى السويد ولو تكرر الغياب ممكن يتطور الموضوع الى عقوبات اكثر( على فكرة كنت نخدم في مكان في ليبيا اول ما يبدو بايقاف المرتب على طول.. ما اسهلها عليهم!!! لا لفت نظر، لا احم لا دستور.. هما قرشين ناقصات ويرزوك فيهم بكل بساطة، وما نحكيلكمش على ردة المرتب قداش تبي من وقت)
ما تحرموناش من حضوركم وتعليقاتكم لانه بدونها الموضوع حيبهت ويولي بدون نكهة

لكم مني جزيل الشكر مقدما وفي امان الله

م / ليبيا
23-12-2007, 09:04 PM
السلام عليكم ورحمة الله وبركاته :

لا تبخل ... لا تتقاعص ... لا تتردد ..... اركض ولا تلتفت الي الوراء ..... من الاخير بكل والله انت ماك عادي ..... تعرف اليوم من الساعة 11 الصبح لهذي اللحضة كنت نقرأ في المواضيع اللي فاتت كلها .....

والله شيني تبيني نقولك ..... يا ودي منور بالهلبة ...

علي فكرة اني بعد ممكن 6 او 7 شهور نبي نمشي لي كندا او بريطانيا باش نكمل قرايتي ( الماجستر ) .... بشيني تنصحوني ... وين الدراسة احسن ... في كندا و لا في بريطانيا ..... بالنسبة الماجستر .....

من الاخير بكل يا احمد يا شفتري راك شفترتها ....... خليها تخش بعضها ... راك قلبتها قلبة شخشير .... بعدين قولي انت من وين من ليبيا ......


والسلام عليكم ورحمة الله وبركاته

م / ليبيا
23-12-2007, 09:09 PM
السلام عليكم ورحمة الله وبركاته :

شكرا اخي الغالي يا دكتور غالي ........ مش حاجة جديدة منك .... معودنا بالحاجة الباهية .... صحيت علي كل اللي درته ..... وياريت تقعود معانا في التريبونا هذه ........


والسلام علسكم ورحمة الله وبركاته

dr fajer
23-12-2007, 09:12 PM
السلام عليكم و رحمة الله
وكل عام و أنت بخير و بصحة وسلامة(هذا تكثير دوة بالليبى)

أخى أحمد ليوم العيد وأنى مو جودة ونتابع فيك من بعيد (تو أنقولك عللاش)

و بعدين رصيدى تم ,لحد اليوم و لأنك سألت قررت نتكلم و نسجل حضورى ,لأن لحكاية عندنا متسبلة على الخطان بالأحمر

معاش رديت لأنى حسيت أنى غريبة فى الموضوع
اللى من كندا و اللى من المانيا
واللى من امريكا
انى ماعندى مانضيف ألآ نسمع و خلاص
(على فكرة التفاصيل كانت رهيبة)





و أنى مازلت متابعة حتى لو مارديتش:waw::waw::waw:

م / ليبيا
23-12-2007, 09:18 PM
السلام عليكم ورحمة الله وبركاته :

شدوا عندكم هذه الصورة ...... هذي كانها دلت علي شيء دلت علي جو الليبين :



http://www.m5zn.com/uploads/336fe4fc38.jpg (http://www.n-vb.com/vb/)

أحمد الشفتري
24-12-2007, 09:32 AM
السلام عليكم ورحمة الله أخونا ( م/ليبيا) بارك الله فيك على الكلام الباهي اللي قلته، وعجبتني هلبة كلمة(شفترتها)... مشكور جدا على مشاركتك، وما تغيبش علينا الموضوع بدون مشاركاتك الشباب وتعليقاتهم ما فيشي بنة.
الف مبروك على موضوع الدراسة، عطاك ربي اذا كان حصلت منحة دراسية، واذا كان على حسابك ربي يعاونك ويصبرك لانه الواحد لازم يتحمل التعب شوية...نقولك الحق هلبة مش شوية!!!! لان الواحد لازم يخدم باش يغطي مصاريفه، وقراية مع خدمة مشروع فاشل الا شوية..والشوية هاذي انت اللي تحددها..يعني انت وجهدك..نعرف شخصين في السويد واحد بنغلاديشي، والتاني كاميروني، يحضرو في ماجستير في (إي قوفرمنت) حكومة الكترونية (شن بيديرو باها في بلادهم الله اعلم) على العموم يخدمو من الساعة اطناش في الليل الى الساعة 3 في مطعم (عمال نظافة) وبعد ما يكملو يوزعو في جرائد الى الساعة ستة الصبح ومرات اكثر شوي ،والساعة تسعة يكون في الجامعة باش يقرا..!!!! شفت الدق والا بلاش..امورهم في القراية مش مية في المية لكن ماشي الحال.
اختيار مكان الدراسة.. بالنسبة للسويد... اهرب مادام الطريق قدامك (الا اذا كنت بتقرأ على حسابك ،بعدين فيه حسابات تانية) اما كندا وبريطانيا الله اعلم نسمع سمع بس ،لكن د.غالي موجود ويحيكلك على كندا مشكوراً.
عموما ربي يعاونك ان شاء الله ...وموفق باذن الله..مع السلامة

أحمد الشفتري
24-12-2007, 09:51 AM
وعليكم السلام ورحمة الله وبركاته د.فجر
تقبل الله منا ومنكي، وان شاء الله عيدك مبارك.
كونك في ليبيا مايعنيش انك غريبة عن الموضوع.. الكلام يخص بالدرجة الاولى كل الليبين اللي غالبيتهم واخذين فكرة غلط عن (اوروبا والدول المتقدمة)
(ونتابع فيك من بعيد (تو أنقولك عللاش)) بالله لما بتقولي علاش، بالمرة قوليلنا شن درتي في اماليك في العيد لما بيذحبو..باعتبارك دكتورة بيطرية اكيد شيطيلهم ريقهم بالملاحظات، وانهم لازم يتبعو المواصفات القياسية في معاملة الاضحية قبل الذبح وبعد الذبح وقبل لايبدو في الشواء لازم تتاكدي من سلامة اللحم وخلوه من الامراض...الخ، اذا كان هكي المفروض يجيبولك خمسين ربطة معدنوس ويقولولك قرضيهم توا (وقت الذبح يعني) لانه اليوم نبو العصبان، على الاقل تلهي في المعدنوس وتخليهم يديرو عرفهم برواحهم.
ان شاء الله ربي يدوم عليكم الايام الباهية، وبالنسبة للرصيد (اذا كان تقصدي رصيد الال تي تي )ان شاء الله تديري (دي اس ال) وتفتكي من دوة الرصيد..والا نقولك ان شاء الله تديري (انترنت فيا ساتالايت تو واي) تفتكي بعدها من سريب الال تي تي مرة وحدة ،ومن القصص متاع التليفونات وخدمات شركة البريد التعبانة... زي التليفون الي في حوشنا، لما تندي الدنيا شوية يتحول الى نظام (شفرة مورس) تقيم السماعة ما تسمع الا تك تك بس من كثر الجونطات اللي فيه واذا كان صبت المطر في امان الله تريح الحرارة بكل ... وفي احسن الظروف تفوت وطانطة من الشارع وترفع الخيط معاها!!! وراجي جماعة البريد امتى يجو يصلحوه... وراجي حتى الزيت امتى يجي من غريان.

أحمد الشفتري
24-12-2007, 10:31 AM
السلام عليكم
اليوم بنحكيلكم على حاجة صايرتلنا في السويد, لكن السويديين ما عندهمش بيها اي علاقة, الموضوع يخص المسجد والصلاة في المسجد.
المسجد الجامع متاع المدينة في وسط المدينة، معناهاشارع رئيسي وزحمة، يوم الجمعة زحمة اكيد... وانتم عارفين العرب(وغير العرب) لما يتلقطو يبدو متعمرشين على بعضهم ومصكرين الرصيف حتى اللي بيفوت يتضايق ،والسويديين ما يتكلموش يكتم يكتم لين تجيه سكتة والا مصيبة ويموت ومرات مايراجيش السكتة ينتحر وخلاص، وفي شهر رمضان بعد التراويح باعتبار الصلاة تكمل في وقت متاخر والسويديين وقتها راقدين يقعدو الجماعة متكدسين قدام الجامع (في الشارع العام) ولا تعرفهم يهدرزو لا يعيطو؟؟ دوشة وصوت عالي بدون اي مبرر،صاحب المبنى تكلم مع جماعة المركز اكثر من مرة بسبب الشكاوى اللي تجي من السكان بسبب الازعاج...ما فيش فايدة، ودروج الجامع (باعتباره في الدور التاني) ضيقات ،والمصلين وهما خاشين وطالعين وبالذات في الطلوع يمزطو في بعضهم بطريقة غريبة يذكروك بالزحمة ايام الاسواق المجمعة في ليبيا علاش مستعجلين وهما طالعين مش عارف ،اصلا لما يوصل الى الشارع بيقعد واقف,واذا كان الواحد مالقاش مكان لكندرته (قصدي اسبيدروه لانه السويد ما يمشيش فاها الا السبيدرو) وحطه على الارض..يا ناري كيف بيلقاه من كثر التعفيس؟؟؟؟؟
صابرين على كل هذا لانه قريب ننتقلو الى جامع جديد شراه المركز الاسلامي بعد حملة تبرعت بدت من ايام قراصنة الفايكنج وهذا وين ربي سخر وتمت وكملو ثمن الجامع الجديد وبالمرة خلي نعطيكم فكرة عنه:
الجامع عبارة عن كنيسة تتبع (شهود يهوه) خادمينها بارواحهم يعني النجار والبناي والكهربائي كلهم من اتباع الطريقة، وعلى قولة المثل شن يدير الصناع في سرج ولده !!! مبنى من اجمل ما يكون حديث وواسع ومجهز باحدث التكنولوجيا (كان قعدت) يعني قاعة المحاضرات مجهزة بنظام صوتي متتطور وبامكان اي شخص انه يستمع للمحاضرات اللي تتم فيها حتى وهوا في بيته عن طريق الهاتف!!!!
وفوق من هكي (شهود يهوه) ما يحطوش في تماثيل ولا صلبان في كنائسهم يعني المكان جاهز للصلاة مباشرة!!ومكان المسجد جنب الحي اللي يسكنو فيه غالبية الاجانب وبعيد عن الزحمة وفيه بركيدجو واسع يعني المسلمين متاعين المدينة جتهم حمراء وجراية وما تاكلش في الشعير... لله الحمد والمنة(على فكرة سعر المبنى 2 مليون دولار) لكن يستاهل اكثر.
اول مرة نصلو فيه كان صلاة العيد الكبير (يعني قبل ايام قليلة)،والله ماشي للصلاة ورافع معاي مصلية لونها سماوي ،وفرحان قريب نطير لاني متوقع ان المأسآة تمت ..لكن يفتح ربي!!! اللي فيه طبع ما يسيبه، نفس الزحمة ونفس التمزيط والدفان...ليس بس؟؟؟؟؟ المبنى فيه سبعين الف باب لكن فاتحين باب واحد للرجال وباب واحد للنساء !!!!!ذكروني بشيباني في جامعنا في ليبيا عاطيينه مفاتيح الجامع يفتح في باب واحد من اليمين وباب واحد من اليسار رغم ان الجامع فيه 11 باب!!! ستر ربي ما اعطوشي مفاتيح مصرف ليبيا المركزي!!!!!
الباين ان جماعتنا حتى لو يفتحولهم (القولدن جايت) يصلو فيه لازم يزاحمو ويدفو بعضهم.. الى الله المشتكى وبس.
يعني مش عارف الواحد بيلقاها من اهل البلاد السويديين والا من الاجانب؟؟؟ الواحد يندب في الشارع ويشرك شلاتيته (يقولو الولية اتجننت) والا شن بيدير؟؟؟؟
لما سمعت كلام د غالي عن المسجد متاعهم في تورنتو وعندي صاحبي حاكيلي على جامعهم في فانكوفر وجعني خاطري هلبة، لكن نقوللكم السبب:
الفرق بين مهاجري( امريكا وكندا) ومهاجري (اوروبا ) ان غالبية الناس اللي تهاجر الى كندا واميركا من اصحاب الكفاءات(يعني ناس متعلمة وواعية) لكن جماعة اوروبا الله لاتروعك... لم وبس، الكُرديس عالبُرديس!!! الا من رحم ربي. يعني يا جماعة كندا لو تقرب كندا شوية من العالم (الثالث) ويبدا الحرق بالفلوكة ساهل, والا تخش في منظومة (شنغن) حتشوفو اللي عمركم ما شفتوه!!!!!!
نلتقي غدا باذن الله...السلام عليكم

م / ليبيا
24-12-2007, 03:13 PM
السلام عليكم ورحمة الله وبركاته :

تشيني حالك اليوم ... ان شاء الله كويس ...

تعرف شيني يا خوي حمد حسستني بالذنب .. ووجعتني هااااالبة .. لما ما جوبتنيش علي سؤالي ...
( بعدين قولي انت من وين من ليبيا ؟ ) .... حسيت انه تعدي علي الحرية الشخصية ..... ما تأخدنيش هذا حال الليبين .... واسف جدا جدا مرة ثانية .. السؤال كان بس من باب حب الاستطلاع لا اكثر ولا اقل ...

وبعدين حسيت نفسي زي ما صار مع صاحبك .....

على العموم صاحبنا هذا طلعتله اقامة دائمة في السويد المدة اللي فاتت..وقف الشغل مع الانجليزي وبدا في التعامل المباشر مع السويدين واول مكالمة كانت مع المسئولة في البلدية(كل مواطن او مقيم في السويد عنده مسئول يتولى الاشراف على اموره)الو..الو .. كيف الحال ؟؟ ما ردتش المراة على السؤال الثاني..استغرب صاحبنا شن هالفضاضة في التعامل واخذ على اسلوب صاحبه الانجليزي.. وستر ربي انه ما سألهاش نفس السؤال (نمت كويس البارح؟؟) كان هذا راحت ليل..

كان هذا واخذ علي اسوب الانجليز وداه هيكي .. امرا شن تقول علي اللي ليبي الاب والام والجد من الاخير ( ليبي قح )

م / ليبيا
24-12-2007, 03:41 PM
السلام عليكم ورحمة الله وبركاته :


ذكروني بشيباني في جامعنا في ليبيا عاطيينه مفاتيح الجامع يفتح في باب واحد من اليمين وباب واحد من اليسار رغم ان الجامع فيه 11 باب!!!


بالنسبة لي كلامك اللي فوق صحيح ما نزيد عليه كان بالعسل ... مثلا ( جامعنا فيه بابين يفتحو في واحد ويسكروا في واحد ( السؤال علاش بانيين اصلا زوز بيبان ) .... اعتقد انه كان صارت شكورتا يستعموا الثاني ... علاش الاصراف !! ...

بجد بجد ... نقولك علاش .... قولي علاش ... لانه القيم متاع المسجد لما يكملوا الناس من الصلاة ... مدابيه يروح فيسع فيسع ( صح ؟ ) ..... كان بيفتح ال 11 باب .. معناها يبي نص ساعة قبل الصلاة ونص ساعة بعد الصلاة .... من غير العكسة اللي في الشارع علي المرشبيدي ( نعاند اي واحد مش ليبي فهم الكلمة هذي ) ....

مش هيكي بس ... هات وذنك خكيني نقولك ......


ستر ربي ما اعطوشي مفاتيح مصرف ليبيا المركزي!!!!!

انت كان اعطوله مفاتيح الحمامات اكرمكم الله ( بالليبي حشاكم ) ... حيه عليك .. كان هاذا معاتش تحيز ..... مازال معاك باذن الله ........


والسلام عليكم ورحمة الله وبركاته


http://www.lovely0smile.com/g-img/Libya-19.jpg

dr fajer
24-12-2007, 03:54 PM
بعد السلام

أنى شكلى أخطأت التعبير لماقلت رصيدى تم لأن أنى عندى دى اس ال بس الشهر تم و سكروه عليا,و القيقات اللى فضلو بالصحة عالشركة.

فى العيد الكبيرة الشهادة اندسوا فيها مقعمزة (نخرط فى الدواوير)زينى زى الطيبة,يام الطهقة راحت مع ايام الدراسة,فى حاجة واحدة ديمة مصرة عليها هى أن الشوا لازم يكون تام الطياب مش نص طياب خصوصاً الكبدة لأنه مصدر لنقل المرض و بس .

عالعموم الجهاز الثانى متاع خوى فيه كرت ستلايت و العقبة للجهاز هذا مع أن التكنولوجيه عندنا غاليه لكن أحنى عيلة تحب التكنولوجية.

التخلف و التقدم ينبع من داخل ألأنسان يعنى وين مايمشى يمشى معاه ,وميستناش القوانين هى اللى تعلمه التحضر و التقدم,و الطبع يغلب التطبع(هذا تعليقى على حكاية المسجد)




و أنى لازلت أتابع:waw:

م / ليبيا
24-12-2007, 04:12 PM
السلام عليكم ورحمة الله وبركاته :



بعد الاذن بنتكلم بجدية شوية ( بالفصحة ) ... فعلا يا اختي الدكتورة قالت العرب الطبع يغلب التطبع ...

الطبع يولد مع الانسان بالفطره اى يولد به مثل ( طريقة تحركاته طريقة كلامه اسلوبه الاساسى فى الحياه ) ..

اما التطبع فهو شىء نكتسبه من حياتنا التى نعيشها مثل ( انسان يعيش مراحل حياته الاولى فى اصوله ومع جذوره وعائلته فيكون طبعه ما ولد به .. ولكن ان حدث وسافر الي بلد اخر اذا كانت أجنبيه ام عربيه فهو مع مرور السنين ياخذ طبعهم ( مع مرور السنين ؟ ! )

شد عندك الحكاية هذي :

كان فيه أعرابي رأى صغير ذئب بجانب أمه الميتة في الصحراء

فأخذ الصغير وأتى به إلى شاة عنده لترضعه

فأرضعته حتى كبر

فلما كبر الذئب

استيقظ الأعرابي يوماً ووجد الذئب قد افترس الشاة التي أرضعته ؟!!!

فقال ... :

بقرت شويهتي وفجعت قلبي .......... فمن أنباك أن أباك ذيب

إذا كانت طباع المرء طباع سوء ........ فلا لبن يفيد ولا حليب

في البيت الي فات ( فرخ الذيب هو الطبع الليبي )

...................... ( والنعجة هي الطبع السويدي )


ومعاك ان شاء الله ..... والسلام عليكم ورحمة الله وبركاته ...

أحمد الشفتري
24-12-2007, 04:23 PM
السلام عليكم ورحمة الله
والله متأسف جدا يا خوي م /ليبيا اذا كان سببتلك اي احراج او وجعتك.. والله ما نقصد اي حاجة، وبعدين انا ليبي وعارف ان السؤال اللي سالته طبيعي جدا عندنا، لكن ممكن المكان هذا (المنتدى) مش مناسب للتفاصيل الشخصية،هذا كل ما في الموضوع ما تديرش اي حاجة في بالك.
مشكور جدا على متابعتك واهم حاجة التعليقات الحلوة اللي تكتب فاها

م / ليبيا
24-12-2007, 05:04 PM
السلام عليكم ورحمة الله وبركاته :

عذرك مقبول ....... واسف مرة ثانية ...... وشكرا علي الاهتمام .... ومازال مقعمز معاك لين تقلق مني .... وتقولي باااااااهي نفاختهم شني هالعش ؟؟؟؟ .......


والسلام عليكم ورحمة الله وبركاته

أحمد الشفتري
24-12-2007, 05:10 PM
السلام عليكم
ذكرتيني يا دفجر بالعصبان وخرط الدوواير الله يعطيك الصحة، من كثر ماني مستاحش العصبان مستعد نشري عصبانة بعشرة يورو..لكن وين ياحسرة..رغم انه بعض الاسواق الشرقية يبيعو في الكرشة لكن شن بيعاندها ووين بنلقالها الوقت. عجبتني جدا معلومة اهتمامكم بالتقنية ربي يزيد ويبارك..انا لما نمشي للمحلات اللي تبيع في الامور هاذي لين تجيني حساسية ويصيرلي زي النعجة الجيعانة اللي حطوها في شراك صفصفة ماعادش عرفت من وين تبدا لين ماتت بالجوع!!!
على العموم باش ما نطلعش من الموضوع الاساسي..اليوم بنحكي شويةعلى الموال اللي تغني بيه السويد باستمرار وهو نظام الضمان الاجتماعي.
تفتخر السويد بكونها تمتلك نظام الضمان الاجتماعي الاكثر صلابة في العالم ،وشكّارة العروس امها وخالتها،ما نبيش نخش في تفاصيل (ضمانهم) الاجتماعي لكن الخلاصة ان اي شخص في السويد عنده مبلغ معين لازم يعيش بيه في الشهر، يعني حاطين الحد الادنى لمعيشة الفرد في السويد، وهما يوفرو المبلغ هذا للاشخاص اللي ماعندهمش مرتبات(ما يخدموش) واللي يخدم بفلوش شوية هما يكملوله الباقي باش مايكونش اقل من الحد اللي هما حاطينه..هذا الموضوع باختصار يعني ظاهر الامر ان الواحد مستحيل يتشرد او تنقص عليه اي حاجة من احتياجات الحياة الاساسية،سواء خدم والا قعد راقد في الحوش، لكن لقمة الذل قلّتها خير..طريقة التعامل في المصالح السويدية راقية جدا، باستثناء مصلحة الضمان الاجتماعي يمارسو في سياسة تدريه الكبد وتوا نعطيكم مثال...المدة الماضية واحد صارتله مشكلة مالية مع الضمان الاجتماعي (تفاصيل المشكلة مش مهمة) اتصل بيهم، قالوله حنحددولك موعد تجي فيه ونناقشو مشكلتك...اتصلو بيه قبل العيد وقالوله موعدك يوم كذا (نفس يوم العيد بالزبط) الساعة عشرة الصبح (وصلاة العيد تبدا الساعة تسعة ونص)،قاللهم يا جماعة انا مسلم وهذا يوم عيدنا غيرولي الموعد، قالو لا لا.. احنى دايرين موعد مع مترجم (لان صاحبنا ما يتكلمش سويدي) ولازم تجي في الموعد كان تبي فلوسك، اضطر صاحبنا انه يسيب صلاة العيد باش يمشي في الموعد...تعرفو شن صار .. اتصلو بيه الساعة عشرة الا شوية وقالوله لغينا الموعد... ولما نحددو موعد تاني حنتصلو بيك...بالله شوف المهزلة الى وين توصل في اصلب نظام اجتماعي في العالم؟؟؟؟؟؟؟ لاحلوله مشكلته، لا خلوه يلحق على صلاة العيد!!
واحد تاني صارتله مشكلة معاهم ..مشالهم وهوا يناقش في مشكلته قالوله مش عندك سيارة؟؟؟ بيع سيارتك واحنا نكملولك الباقي...يعني ما ناقص الا يحسبولك بقداش تاكل وتشرب ومن وين تشري لوازمك وممنوع تمشي للمحلات الغالية...توقع منهم كل شيء.
انا شخصيا ضد ان الواحد يعيش عالة ويقعد يراجي امتى السويديين يحنو عليه ويعطوه باش يصرف،اللهم الا اذا كان مضطر جدا، لكن اللي واجعني كلام السويديين وهما يتبجحو بنظامهم الصلب!!! هو صح صلب لكن على روس الناس !!!
من باب الانصاف الاجانب في السويد مساهمين في الموضوع هذا مساهمة كبيرة جدا، حسب اخبار الاذاعة السويدية خمسة وسبعين في المية من الاجانب في السويد يعيشون على نظام الضمان الاجتماعي!!!! وهاذي كارثة واول نتائجها السلبية ان السويديين واخذين فكرة عن الاجانب انهم مش متاعين خدمة وما يصلحو لشيء، يدقو في النوم في حياشهم وعيل ورا عيل ورا عيل ومع كل مولود جديد يزيدو الفلوس وهذا فاش فالحين, للاسف كلامهم واقعي مية في المية.
يستر الله علينا...نلتقي غدا باذنه تعالى

م / ليبيا
24-12-2007, 05:59 PM
السلام عليكم ورحمة الله وبركاته :


خمسة وسبعين في المية من الاجانب في السويد يعيشون على نظام الضمان الاجتماعي!!!!

مش الاحسن الواحد يكون عالة علي بلاده ..... احسن ما يكون عالة علي بلاد ثانية ...... نتلاقو غضوة باذن الله

dr fajer
24-12-2007, 06:03 PM
وعليكم السلام

بالنسبة لحكاية الضمان يمكن تكون السويد مواردها مش كبيرة لذلك تتبع فى سياسة معينة.

اللى ماشى مع مرته هى تقراء و هو مرافق (محرم) هل يشمله نضام الضمان ألأجتماعى؟؟


(انا لما نمشي للمحلات اللي تبيع في الامور هاذي لين تجيني حساسية ويصيرلي زي النعجة الجيعانة اللي حطوها في شراك صفصفة ماعادش عرفت من وين تبدا لين ماتت بالجوع!!!)حاشاك منعرفش منين تلقى فى هالتشبيهات!!!!!!!!




و انى لازلت أتابع:waw:

م / ليبيا
24-12-2007, 09:40 PM
السلام عليكم ورحمة الله وبركاته :

شد عندك يا خوي احمد قصعة العصبان هذي ... معليش كول حتي بعيونك ؟! ....... اللهم ما لا شماتة .....


http://www.libya4ever.com/Images-1/Aussban.jpg

......................... ماااااااااااااااازااااااااااال كاعد معاك .....................

أحمد الشفتري
25-12-2007, 10:15 AM
السلام عليكم ورحمة الله
الاخت الكريمة د.فجر شكرا جزيلا على مشاركتك وعلى اللمسة الحلوة منك ((حاشاك منعرفش منين تلقى فى هالتشبيهات!!!!!!!!)) واسميحيلي نجاوبك على اسئلتك:
بالنسبة لموارد السويد تعرفي ان ناتج الدخل القومي للسويد في الفين وخمسة هو ( 267 مليار دولار أمريكي)!!!! يعني مبحبحين وما ناقصهم شيء (سفارات بعض الدول الفقيرة في استوكهولم ياخذو في مرتباتهم من الحكومة السويدية .. يعني اعطي بنتك وزيد عصيدة)
بالنسبة لموضوع الضمان الاجتماعي... خدمات الضمان الاجتماعي في السويد خاصة بالمواطنيين السويديين و الحاصلين على اقامة دائمة في السويد فقط ..اما الناس الحاصلين على اقامات مؤقتة لغرض الدراسة او العمل فموضوع الضمان ما عندهمش بيه علاقة.بالعكش الطالب قبل لا يكمل اجراءاته لازم يثبت قدرته المالية على تغطية مصاريف الحياة في السويد من سكن واكل..الخ ،ومقدرين القيمة بحوالي الف دينار ليبي شهريا!!!!!

وبالنسبة للنقطة الاخيرة فنحاول نوضح وجهي نظري في الموضوع هذا:
استخدام الامثال والتشبيهات في جميع ثقافات العالم لايقصد بيه المعنى الحرفي للكلمة وانما تشابه الحالة بين المثل والموقف اللي صاير، فقط لزيادة تقريب الصورة ،وتوضيح المعنى..ولا يؤخذ المثل بحرفية الفاظه.. نعطيك مثال:
يقول الرسول الكريم عليه الصلاة والسلام : ( انما يأكل الذئب من الغنم القاصية) ... هذه دعوة صريحة من الرسول عليه السلام للتكاثف في صف المسلمين ونبذ الفرقة والخلاف وبيان ضعف من ينفرد او ينعزل عن جماعة المسلمين، وبالتاكيد لايعني ان الشيطان ذئب ولا ان المسلمين غنم، وعادة ما تكون الفاظ الامثال والتشبيهات نابعة من الحياة اليومية والبيئة المحيطة، واشهر مثال على ذلك قصة الشاعر (علي بن الجهم) مع الخليفة (المتوكل)......( يروى أن الشاعر الفحل علي بن الجهم جاء من الصحراء وحياة البدو، ودخل على الخليفة المتوكل، وأراد مديحه بأبيات شعر، قال فيها:
أنت كالكلب في حفظك للود
وكالتيس في قروع الخطوب
فلم يغضب الخليفة، ولم يعاقبه على ما قال، لأنه بحصافته عرف أن هذا البيت ما كان يقصد منه الشاعر الهجاء ولا الذم، بل كان حقاً يقصد المدح، حيث إنه جاء من بيئة لا ترى مخلوقاً أكثر وفاء من الكلب، ولا مقداماً عند الخطوب مثل التيس، فأمر أن يخرجوه إلى مدينة الرصافة في بغداد عاصمة الخلافة العباسية، عندما كانت بغداد في أوج مجدها وسؤددها، فعاش فترة من الزمن في تلك الحضارة الراقية، ثم جاء بعدما تشبَّع بالبيئة الجديدة فأنشد بين يدي الخليفة رائعة من روائع الأدب عندما افتتحها بقوله:
عيون المها بين الرصافة والجسر
جلبنَ الهوى من حيث أدري ولا أدري... الى آخر الابيات)
ورغم كل ما ذكرت فانا لااستعمل هذا النوع من التشبيه على اي شخص آخر خوفا من سوء الفهم!!!
انشاء الله نكون قدرت نوصلك الفكرة اللي في راسي؟؟ ومشكورة جدا مرة تانية ودائما في انتظار ردودك.

أحمد الشفتري
25-12-2007, 10:48 AM
وعليكم السلام ورحمة الله
الله يسامحك يا خوي م/ ليبيا... انا ناقص بالله عليك؟؟؟
لكن ما عليش!! مش قلت انك بعد شهور حتسافر للدراسة؟؟؟ بعدين حتستاحش صنة التطييب الليبي ووقتها حتشعر بنفس شعوري لما شفت الصورة(اللهم الا اذا كنت متزوج، فبعدها بحبح يا سيدي، الامور هاذي مش حتنقص عليك بكل)
ما نحكيلكش على المصران اللي عاليمين (أطول واحد) شكله كان في قعر الكسكاس!!! يبي حطّان في الكوشة ربيع ساعة بس وبعدها......والعصبانة اللي في الوسط مبعوجة شوية(في نص الصورة بالزبط) ممكن الكبدة مقرضينها كبيرة شوية!!!!وبعدين مش مزبوطة حاطين اكلة زي هاذي في صونية بلاستيك متاع قرشين ونص المفروض يحطوه في مترد كريستال تشيكي من ماركة (بوهيميا)
شكرا يا اخونا م/ ليبيا مرة تانية ..ومن باب العين بالعين والسن بالسن حنبعثلك صورة مش حتتوقع انها في السويد، عازمني واحد ليبي جاري مرة على اكلة لكن للاسف اني ما ناكلش فاها لكن الصورة كانت مش مفهمومة شوف انت و احكم بروحك

م / ليبيا
25-12-2007, 11:18 AM
السلام عليكم ورحمة الله وبركاته :


اولا مشكور خوي حمد ( الغاية والغرض ) بس كنت نبي حسسك بالجو متاع الليبين ....


لكن ما عليش!! مش قلت انك بعد شهور حتسافر للدراسة؟؟؟ بعدين حتستاحش صنة التطييب الليبي ووقتها حتشعر بنفس شعوري لما شفت الصورة(اللهم الا اذا كنت متزوج، فبعدها بحبح يا سيدي، الامور هاذي مش حتنقص عليك بكل)


........ لحد توي ما نيش متزوج ولكن الباين قبل ما نسافر بنشوفو بنت الحلال ........


ممكن يا خوي حمد تحكيلنا شويا علي مواقيت الصلاة عندكم وعن طول الليل ......... ومازال معاك





والسلام عليكم ورحمة الله وبركاته

م / ليبيا
25-12-2007, 11:25 AM
ستنا نقولك .............. المبارة يوم الخميس ( ديربي كورة القدم الليبي ) .... شوف جمهور الاتحاد



http://img441.imageshack.us/img441/5043/tehaay1.jpg


http://img403.imageshack.us/img403/1703/dsc00bkioz2.jpg

barcagermany
26-12-2007, 02:57 PM
السلام عليكم
حبيت نرد علي الاخ م/ليبيا بسؤاله عن افضل مكان للدراسة
طبعا انا ادرس في المانيا والحمد لله انهيت الدراسة ومناقشة الرسالة يوم العيد وكانت الفرحة فرحتين.وانا نفضل الدراسة في بريطانيا بشرط تكون الجامعة معروفة لانه في جامعات خاصة وشهاداتها مشبوهة وانا ننصحك ببريطانيا لانها قريبة لليبيا امتي ما تحن اول طيارة علي جربة 5 ساعات تكون في الحوش وتدفع 100 يورو لكن كندا حليلي بش توصل.
والله اعلم برنامج القبول في الجامعات الكندية لكن عندي صحابي اطباء واجهتهم مشاكل في القبول.
وربي يعاونك

م / ليبيا
26-12-2007, 04:34 PM
السلام عليكم ورحمة الله وبركاته :

........... اولا مبارك مناقسة الرسالة وان شاء الله عقبال الدكتوراة ..... و منوّر يا خوي barcagermany علي النصيحة ..... لكن انت قولت :


اول طيارة علي جربة 5 ساعات تكون في الحوش وتدفع 100 يورو


هل انت متأكد من المبلغ ( 100 يورو فقط لا غير )


والسلام عليكم ورحمة الله وبركاته

barcagermany
28-12-2007, 03:34 PM
السلام عليكم
طبعا يا اخي الاسعار تتغير فهي ترتفع في الموسم السياحي والعطلات لكن انا اشتريتها ب 100 يورو في الصيف الماضي وبعد يومين صديق لي اشتراها ب80 يورو علي نفس الطائرة والرحلة كانت من برلين الي جربة ةهادي زي ما قلتلك احدي مزايا الدراسة في اوروبا.

أحمد الشفتري
28-12-2007, 03:35 PM
السلام عليكم
ما عليش يا خوي م/ ليبيا تاخرت شوية في الرد عندي شوية مشاغل
على العموم بالنسبة لتوقيت الصلاة في السويد يختلف من مدينة الى مدينة بشكل مش عادي وكل ما تتجه شمالا تشوف العجب!!!
انا ساكن في مدينة في الثلث الجنوبي من السويد يعني تعتبر معقولة مقارنةبالشمال، وحنعطيك مواقيت الصلاة عندنا في اطول يوم في السنة واقصر يوم في السنة وانت قارن:
مواقيت الصلاة في 22 ديسمبر:
الفجر:06:46
الشروق:08:50
الظهر:11:58
العصر:12:54
المغرب15:03:
العشاء:17:00
يعني ما تجيش الساعة خمسة لين تكون مكمل صلوات اليوم كلها!!
ومواقيت الصلاة في 22 يونيو:
الفجر:02:00
الشروق:03:37
الظهر:13:01
العصر:17:41
المغرب22:22:
العشاء:23:51
يعني شوف لو يجي شهر رمضان في شهر ستة كيف بتكون الحالة؟؟ ساعتين وتسعة دقائق فقط افطار .. تفطر فيهم وتتصحر فيهم وتصلي فيهم المغرب والعشاء والتراويح والفجر!!!!!! ودير في باللك اني مش في الشمال...جماعة الشمال في الشتاء الخطيب يخطب في الجمعة ووقت صلاة العصر يكون دخل!!!!!
الايام هاذي مثلا (زي اليوم) بمجرد من انكملو الاذكار بعد صلاة الجمعة (ومرات قبل لانكملو) يأذن العصر يعني الجمعة والعصر في تقعميزة وحدة!!
على شان تحافظ على صلاتك في السويد لازم تكون راد بالك ديمة من المواقيت، وورقة المواقيت تكون في جيبك باستمرار، لانه ممكن بكل بساطة تلقى صلاتين فايتاتك من غير ما تنتبه، وخاصة لما تكون جديد ومتعود على مواقيت الصلاة في ليبيا.
ان شاء الله اجابتي تكون وافية..واذا كنت محتاج لمواقيت مدينة معينة ما فيش اي مشكلة، القوقل موجود (قوقلها بس)تاخذ المواقيت واتجاه القبلة كذلك من قوقل!!!

السلام عليكم

م / ليبيا
28-12-2007, 04:01 PM
السلام عليكم ورحمة الله وبركاته :

الاجابة وافية بالزايد ... ومنور علي الايضاحات .... وبعدين قولي معقولة المعاملة هذي يا خوي حميدة ... تخلينا يومين و لا ثلاثة نستانوا فيك ... غير ان شاء الله ما في شيء ( الا الخير ان شاء الله ) .....

ومازال قاعدين معاك ......



السلام عليكم ورحمة الله وبركاته

أحمد الشفتري
28-12-2007, 04:10 PM
السلام عليكم ورحمة الله
اليوم بنحكيلكم على وحدة من افجع الكوارث اللي تصير باستمرار بين الاجانب في السويد
مشكلة الموضوع هذا انه يحتاج الى تفاصيل ذكرها مش مناسب في منتدى!! لكن اللبيب بالاشارة يفهم يعني زبدة الموضوع حتكون واضحة باذن الله.
اول ما جيت الى السويد سكنت مع شخص (مؤقتا) كبير في السن ومحتاج فلوس (رغم انه يحمل الجنسية السويدية من عشر سنوات،وانا كنت نحساب ان الجنسية مفتاح الفرج)على العموم الراجل مضطر انه يسكن في غرفة من بيته ويأجر الغرفة التانية، استغربت في البداية كيف واحد في العمر هذا يعيش بروحه بدون عائلة!!! بالشوية بالشوية حكالي على قصته، خلاصتها انه جاء الى السويد هوا واسرته، كان محظوظ في البداية اخذ الاقامة الدائمة في اقل من شهر والجنسية في اقل من سنة (ايام زمان) على العوم ما مروش ثلاث سنوات لين كانت العيلة متفرطة كل واحد في حاله، المراة اطلقت!! والاولاد طولهم طول عصاتهم (اي واحد في السويد يوصل 18 سنة الدولة مجبرة انها توفرله بيت) وهما ما كذبوش خبر!! سيبو بوهم (رغم انهم لما جو الى السويد كانو واعيين او المفروض انهم يكونو واعين)وفوق من هكي الولد عايش بنظام (السامبو) يعني (بوي فريند وقيرل فريند) المشكلة مش مع وحدة سويدية، لا لا مع وحدة مسلمة!!!!!!!!!!!!!!!!!!!!!!!!!!!!!! ياعطيك دعوة باهي مادامكم تبو بعضكم تزوجها خيرللك! لا لا لازم يعيش زي السويديين..ما فيه حد خير من حد.
الموضوع الاساسي اللي بنحكي عليه مش الاولاد انما الزوجة.كيف مراة تعيش مع راجلها فوق من 15 سنة وبكل بساطة تقوله طلقني؟؟؟
اول ما سمعت قصة الراجل (ووقتها انا مازلت جديد في السويد) اعتبرت القصة حالة فردية.. لكن مع الوقت اكتشفت المأساة الي صايرة.
بمجرد حصول الشخص على اقامة دائمة في السويد لازم يمشي لمدرسة اللغة السويدية ويقرأ اجبار ي لمدة سنتين، ولما المراة تمشي للمدرسة قبل لايعلموها اللغة، يفهموها حقوقها (زعموا) في السويد، وان راجلها ما يحقّلاش انه يمارس علاها اي ضغوط!! ولو شعرت باي اضطهاد فالدولة تتكفل بحمياتها وتعطاها حوش خاص بيها وبعنوان سري باش ما يوصل فاها حد، وينزلها مرتبها كل شهر ،ما علاها الا تستعمل بطاقتها الذكية باش تسحب الفلوس!! ايييه وفاها حتى بطاقة بنكية؟؟
مع احترامي لجنس النساء اكتشفت فعلا ان المراة عقلها صغييييييييييييييييييييييير( الا من رحم ربي وقليل ما هم) يعني بشوية حاجات تافهة تبيع العشرة، وتسيب حوشها وصغارها وراجلها!!!!
الكلام اللي نقول فيه مش بناء على حالة فردية، القضية هاذي لقيتها حاجة طبيعية ومتوفرة بكثرة بين اوساط الاجانب في السويد ، ولما الراجل يبي يضحي ويتحمل على شان اولاده بدل من انه يطلق مرته يستلم مهامها في الحوش ويخلاها طولها طول عصاتها!! يعني حاجة عادية ان الراجل هوا اللي ينظف الحوش ويرد باله من الصغار، والمراة.... اللهم اعلم وين تذوح. ما تلوموهاش، حتى هيا في بلاد الحرية، وحقوق المرأة فوق كل اعتبار في السويد!!!
شخص جاري كانت بينه مشاكل هوا وزوجته ووصلت الامور الى الطلاق( وهما مازالو في بلادهم)..بعد فترة جاء الى السويد هو واولاده (المراة سيبت الاولاد بعد الطلاق!) وحصل اقامة، ماهانش عليه وضع اولاده الصعب في الغربة وبدون ام.. قرر انه يرجع زوجته.. حكالها، وهيا ماكذبتش خبر، لمت بعضها وجت الى السويد..في بلادها لما تلقى فردة الخبزة تصور جنبها!!! بكل بساطة لقت روحها في السويد تفطر في الكورن فليكس والكرواسون الفرنسي الاصلي..يعني الراجل على شان اولاده وباش يلم شمل اسرته دار اللي عليه وزيادة.. بعد شهور بسيطة من المشي الى المدرسة المراة خذت شنطتها ولا احم لادستور سيبت الحوش والصغار .....بعد مدة اتصلت وقالت انها بتشوف حياتهافي مكان تاني!!!!!
الليبين لما يقرو الكلام هذا يشعرو ان القصص هاذي بعيدة عن مجتمعنا وعاداتنا، ومستحيل تصيرلنا ... لكن الناس اللي صايرلهم الكلام هذا مسلمين وعرب وجيراننا..والحي لاتؤمن فتنته..ويا عيني على السويد.
في امان الله

أحمد الشفتري
29-12-2007, 10:32 AM
السلام عليكم ورحمة الله
امس والمصلين طالعين من صلاة الجمعة (واذا كان تتذكرو في وصف الجامع متاعنا) الجامع في الدور الثاني والمبني زي غالبية مباني السويد مبني في الف وتمنمية وشوية، ودروجه ضيقات يغمو القلب، المهم في نص الدروج فيه استراحة صغيرة ومعبية بالاحذية لان مكان الاحذية فوق ما يسدش، زوز نساوين جايات متاخرات عن الصلاة ويصلو في الاستراحة اللي هيا المنفذ الوحيد للجامع!!!! والناس واقفة مكدسة على بعضها تراجي في رابعة العدوية ورفيقتها امتى يكملو صلاتهم باش يفتحولهم الطريق...اول حاجة خطرت في بالي بسبب الموقف هذا القصة اللي طلعو باها مجموعة من مسلمات بريطانيا اوامريكا (مش متذكر كويس) ان المرأة يحقلها الامامة والخطابة!!!!!! وعلاش لا مادامها في بلاد الحرية..حتى جماعة السويد شكلهم بيديرو ما في روسهم واولها يصلو خارج مصلى النساء وبعدها في الصف الاول خلف الامام وبعدها بشوية تركب على المنبر وتخطب ومرات فيه دروس للشباب بعد صلاة العصر!!!!!!!!!من بيشد فاها ؟ راجلها كان يقول اغ فوق تشوطه تيرو، القانون معاها وبالذات في الشطحات اللي من النوع هذا يفرحو باها السويديين لين خلاص. وخاصة ان المدينة هاذي فاها اكبر تجمع لليهود في السويد، وعلى فكرة الشخص اللي يمللك مبني الجامع يهودي!!!!!!
لما كنت في ليبيا كنت ديمة نتبع في برنامج (وصلة) في قناة الجزيرة للاطفال..اللي ما عنداش فكرة عن البرنامج، البرنامج يجيب في اطفال عرب ومسلمين عايشين في المهجر وناجحين في قرايتهم وزعماته يمارسو في حياتهم الطبيعية حتى في الغربة... لما كنت نشوف فيهم نحسد فيهم.. عائلة ملمومة على بعضها ولوازم معيشتهم متوفرة بالكامل والطفل عايش في ظروف محترمة جدا ويتكلم ثلاث لغات وممكن اكثر (اي واحد يقرا في السويد اقل شيء عندها ثلاث لغات) يعني (حيزت لهم الدنيا بحذافيرها) وكنت دائما نتمنى انه تواتيني نفس ظروفهم..لما شفت الواقع...شفت الجانب اللي ما يبانش في التلفزيون ومهما كتبتلكم عليه مش حيكون زي الواقع فليس من سمع او قرا كمن شاف بعيونه.اللطف يارب.حتى مدرسة الفرقان في الهضبة باهية!!
صنة القهوة فاحت خلي بنطفي الماكينة خير ما يذبحوني جماعة الكهرباء... على فكرة الحاجة الوحيدة اللي صنتها فايحة في السويد هيا القهوة والباقي مش عارف كيف بنوصفه اعتقد كلمة (ساهي) تفي بالغرض، كل شيء في السويد ساهي!! الخضرة في البداية توقعتها بلاستيك نظيفة جدا وتلمع وما فيهاش اي اثر للتراب لكن لابنة لاصنة، ربطة المعدنوس زي تاكلها زي تحطها في جيبك نتيجة وحدة!! الله الله على معدنوس ليبيا بالقاز تشمه من اول ما تخش السوق، شكله القاز هوا اللي يفوح فيه!!!
الألعاب النارية معبية السوق هالايام استعدادا للعام الميلادي الجديد وعندهم خط ولوح كبره زي طوبو البوليشي ونص!!(ممكن اصغر شوية) كان يحصلوه الليبين في الميلود يفتحو بيه جبهة.

السلام عليكم ورحمة الله

أحمد الشفتري
29-12-2007, 04:18 PM
السلام عليكم ورحمة الله
كل شيء في السويد ينباع بالتقسيط (الا الاكل) ولما يكون الواحد يشتغل في اي عمل حتى لو كان مرتبه بسيط، بامكانه ان يتمتع بكل شيء، مثلا بامكانه يشري (هوم ثياتر مع ال سي دي 42 انش) ويدفع في الشهر فقط خمسين دينار، او يشري سيارة موديل 2007 ويدفع حوال 400 دينار في الشهر، او انه يأثث حوشه بالكامل كذلك بالتقسيط فوق المريح(تقسيط يفدد)، وممكن جدا يشري فيلا ويدفع في الشهر حوالي 700 دينار (الارقام هاذي تعتبر بسيطة لشخص مرتيه2500 دينار في الشهر ) حتى السفرات السياحيةفي مواسم الصيف فيه منها تندفع بالتقسيط.. يعني راحة بعد هكي ما فيش ..لكن اغرب نوع من البيع بالتقسيط شفته في السويد هوا بيع الاولاد بالتقسيط؟؟؟؟؟؟ يعني اي واحد يجيه ولد في السويد غصبا عنه حيبيعه بالتقسيط الى الدولة..كيف؟؟؟
الاجانب في السويد فرحانين بالمبالغ اللي تدفع فيها الدولة للمواليد، وفيه كذا نوع من الفلوس اللي يدفعو فيها (بدل حضانة...الخ) تفاصيلها مش مهمة.. المهم انه كل ما تجيب اولاد اكثر تاخذ فلوس اكثر لكن ما فيه حد الباين مفكر في عقابها ، لان مواليد السويد هم ملك الدولة السويدية شئت ام ابيت، وقبل حوالي سنتين صارت قصة كانت عبرة لمن يعتبر ودرس قاسي للجميع.
فيه واحد عربي مسلم عنده تقريبا 4 اولاد واكبرهم بنت عمرها حوال 18 سنة ومحجبة لكن صاحبتها السويدية ديمة تسأل فاها على موضوع الحجاب( صاحب الاسرة كان يجاهد في اولاده انه يخليهم مرتبطين بدينهم وتقاليدهم الشرقية) المهم مع كثر اسئلة البنت، قالت لصاحبتها ان بوها فارض علاها الحجاب ومانعهم في البيت من اكل الخنزير او شرب البيرة...الخ السويدةعلى طول من باب الوفاء لصديقتها الحميمة قامت بالواجب واتصلت بالبوليس (ورقم الطوارئ في السويد ساهل جدا واحد واحد اتنين وممكن تتصل بيه حتى لو ما عندكش رصيد وحتى لو مش مركب سيم كارد في تلفونك) البوليس على طول لمو بعضهم ، اربع سيارات بوليس دفعة واحدة!!!كيف؟؟ انتهاك حقوق الطفل في السويد مستحيل!!!بكل بساطة خذو منه اولاده الاربعة وهوا يتفرج وقالوله شن علاقتك بيهم تفرض عليهم نمط الحياة اللي انت تبيه؟؟؟ وبعدين احنى اللي نصرفو عليهم، انت شن تكون بالنسبة ليهم؟؟ حتى حضانتك ليهم ورعايتك ليهم نخلصو فيك علاها؟؟ وهما فعلا يدفعوله مقابل الحضانة
شفتو كيف باع اولاده بالتقسيط؟؟؟؟؟؟؟ومنها الواحد بدا خايف يقول لولده هاذي حرام وهاذي حلال ..الكويس يقوللهم، ويخليلهم حرية القرار!!!
يعني اللي يفكر يدير عائلة مسلمة كويسة متعلمة ما يخطاش السويد!
في امان الله

dr fajer
29-12-2007, 10:32 PM
السلام عليكم و رحمه الله و بركاته

(الليبين لما يقرو الكلام هذا يشعرو ان القصص هاذي بعيدة عن مجتمعنا وعاداتنا، ومستحيل تصيرلنا)
شكلك ليك فترة على الليبين لأنى من فترة سمعت حكايةشبيهة المراة بعدأكثر من عشرين سنة وبعد ما دارت سيارة و عبت رصيدها و حسب مصدر قريب اللى تبيه عندها,و قفت فى المحكمة و طلعت عيوب الدنيافيه ,و من فترة دارت عرس ولدها و بوه ماسمعش و ربك يسترنا وخلاص.

الناس يعتبرو أن أحسن مافى الدول هاذى المعاش الللى يعطوا فيه للمواليد ميزة وأنت تعتبرها بيع للأولاد, لأن ليك مرجعية فكرية خاصة بيك, معضم الدول الغربية تحمى الطفل من أى أضطهاد حتى من بوه و أمه.

أنى كنت نشوف فى برنامج موعد فى المهجر و نشوف فى ناس نجحت و بصعوبة ووصلت للى تبيه كلنا نحلمو أنانتكلموا أكثر من لغة لأنه فتح أفاق جديدة, ونحلموا بالدكتوراه,و نحلموا بمكان يقدر علمنا, و نحلموا بتطور أنفسنا ..بس كل وا حد فى داخله مبادىء و قيم تحضر و تغيب حسب تربيته و دينه.



و فى أمان الله

الرجباني
30-12-2007, 11:15 AM
موضوع اكتر من رائع و أني من اشد المعجبين بموضوعك الرائع أخ احمد و نحن ننتظر فس المزيد

أبوذرالليبي
30-12-2007, 01:18 PM
شكرا ليك اخي احمد الشفتري.....عدت لموضوعك بعد غياب كنت في بعض ايامه خارج البلد ولم ادخل للمنتدى..

واعذرني يا اخي...
وانا متابع لكتابتك لك قلبا وقالبا....

أحمد الشفتري
30-12-2007, 04:29 PM
السلام عليكم ورحمة الله
يا ساتر استر على هالخبريةيا دكتورة فجر ،ولو اني مش قديم في السويد لكن الباين انه بيصيرلي زي واحد ليبي مشى لكندا من ايام بو عنبة، وبعد مدة مش قصيرة قرر انه يتزوج من ليبيا لان الجو اللي شافه في كندا لقاه ما يمشيش معاه، بعث لاهله باش يشوفوله عروس، وهوا طالع من ليبيا من ايام العروس تلبس فس السروال العربي والقمجّة والمريول، والزينة كحل، وقشرة بس... لما وصلاته العروس انصدم !!! فيلو وماسكرا من ماكس فاكتور...الخ..سأل اهله قاللهم شن صار فيكم؟؟قاللو له عهدك بالدنياز مان! هذا الموجود توا.
(معضم الدول الغربية تحمى الطفل من أى أضطهاد ) بالله اضطهاد شني ياواخيتي؟؟ فيه بو والا ام يضطهد ابنه؟؟
على فكرة كلمة اضطهاد كلمة مطاطة وكل واحد يقصد بيها حاجة، قريت تقرير المدة الماضية عن ارتفاع نسببة اضطهاد الاطفال،(هما ما قالوش اضطهاد قالو ممارسة العنف مع الطفل) في السويد مقارنة بالنسبة الماضية!!! لما شرحو العنف اللي يقصدوه قالو ان الاب او الام يمسك الطفل من كتفه ويهزه بشدة ويقوله علاش درت هاذيك الحاجة!!!!!!!! اصلا لو يضربه حتى ضرب خفيف ماعادش يحلم انه يشوف،بينما في دول اوروبية اخرى الضرب الخفيف ما يهتمولاش.
كل واحد فينا مر بمرحلة مراهقة، ولو الواحد يتذكر الافكار اللي كانت تخطر في باله لكن ما يقدرش ينفذها،لانه ممكن يخاف من بوه والا امه، اومداير في باله ان الحاجة هاذي عيب او حرام او مش مقبولة ما بين الناس...تصوري لما الواحد تكون عنده الحرية المطلقة انه يدير ما في راسه.. وفعلا في عدة حالات في السويد وصلت شكاوى من مراهقين كل واحد يقول ان بوه يضرب فيه ويبي يسيب الحوش( باش يلعب بذيله براحته) وما كانش فيه اي دليل على الضرب لا أثار ضرب ولا اي شيء!! وفي الاخير المراهق هوا اللي ييرببح القصية ويطلع من الحوش وهما مقتنعين انه يكذب لكن القانون هكي في السويد..وشوفي بعها شن بيصير؟؟؟؟
(لأن ليك مرجعية فكرية خاصة بيك) المرجعية اللي نرجعلها في غالب المواضيع ما هيش خاصة بيا انا بس، بل تشمل اي واحد مسلم يهمه قبل كل شيء انه يحافظ على دينه في البداية وبعدين يشوف بقيةاموره. واللي عنده الامور كلها زي بعضها، وسوا تطيب والا تنحرق ما يهماش فهذا بالتاكيد ما يمشيش معاه كلامي!
من صغري وانا مش مقتنع بشهادة من ليبيا، ومش ماليه عيني بكل، ومقرر من زمان اني نغيرها براس الموس والا بقعره! وبالذات لما نتفرج عالبرامج اللي تحكي على الناس الناجحة في المهجر زي موعد في المهجر اللي حضرتك قلتي عيله،( ولو اني عمري ماريتهم جابو واحد من اسكندنافيامحقق حاجة ثمرة )، حتى برامج الاطفال اللي في المهجر ما تفوتش فيا، لكن في التلفزيون الواحد ما يشوفش الا الجانب المشرق من حياتهم، والانسان مش ماديات وبس، يعني الحكاية مش شهادة قوية ووظيفة مرتبة وندوات ومؤتمرات وتكنولوجيا حتى في تسخين الاكل...الانسان عنده جانب روحي واجتماعي وعاطفي لازم يحطه في الحسبان باش المعادلة تكون موزونة.. لكن يروح الواحد منهم من عمله في شركة مرموقة والا جامعة او مستشفى كبير ويلقى بنته جايبه صاحبها معاها فوق في دارها وما يقدرش يقول بغ، والا يلقى المراة عندها جمعية خيرية والا ماشية للمركز الثقافي ويطلب عشاه ديليفري من اي مطعم وياكله بروحه ومرات عالواقف، فالحقيقة انه نجاح من وجه واحد بس وبصراحة حيات النوعية هاذي من الناس حياة القهرة والعازة.
مش عارف الكلام اللي نقول فيه ينطبق على كل دول المهجر والا لا؟؟لكن هاذي الحقيقة في السويد، وللاسف انه طيحتي جت هنا!! يعطوني شهادتهم وبعدين يدير الله مية طريق.
نتمنى التوفيق للجميع والسلام عليكم

أحمد الشفتري
30-12-2007, 04:39 PM
السلام عليكم اخونا الرجباني وبارك الله فيك على كلامك الباهي وسعيد جدا بمشاركتك. خليك معانا واسمع العجب عن مملكة السويد!!
الحمد لله عالسلامة اخي ابوذر الليبي ان شاء الله سفرة ميمونة، عذرك مقبول يا خوي وشكورجدا على مرورك، ربي يعاونك انشاء الله.
في امان الله

أحمد الشفتري
30-12-2007, 04:40 PM
السلام عليكم اخونا الرجباني وبارك الله فيك على كلامك الباهي وسعيد جدا بمشاركتك. خليك معانا واسمع العجب عن مملكة السويد!!
الحمد لله عالسلامة اخي ابوذر الليبي ان شاء الله سفرة ميمونة، عذرك مقبول يا خوي وشكورجدا على مرورك، ربي يعاونك ان شاء الله.
في امان الله

freebalad2003
30-12-2007, 07:28 PM
بسم الله الرحمن الرحيم
السلام عليكم كل عام و الجميع بالف الف خير
و لو متاخرة شوية بس عذرونا لان الخدمة كانت عندي مقطوعة في ايام العيد السعيد
و مشكوور اخينا احمد على ها الشرح
و كان الله في العون
اخوكم
ابن العراق

أحمد الشفتري
30-12-2007, 08:46 PM
وعليكم السلام ورحمة الله اخي ابن العراق...ان شاء الله كل عام وانت بخير ومش مشكلة عيد امتى ما تبي، ايامنا كلها اعياد.
العفو يا اخي... بس والله مستغرب حاجة، هيا انك كيف تفهم في الكلام المكتوب باللهجة الليبية الصرفة؟؟؟؟ لاني نعرف ناس عراقيين هنا نضطر في اغلب الاحيان اني نستعمل معاهم مصطلحات فصحى على شان يفهموني!!! حاجة غريبة والله.
شكرا على مرورك وربي يجيبلك الفرج عاجلا غير آجل..أميـــــــــــــــــــــــــــــــــــن

أمجد spr
31-12-2007, 01:52 AM
والله كلامك جميل يا أخي
واشكرك عليه مع انني لم افهم بعض الكلمات
ولكن صدقني كلامك جميل ولغتك اجمل
واحييك على كتابتك بلغت بلدك
واتا احترم ذللك واحترمك

mysterious
31-12-2007, 07:54 AM
كل عام و انتو بالف خير

و الله موضوع شيق جدا جدا ...... يعطيكم الصحة انشالله ..

سلام

أحمد الشفتري
31-12-2007, 08:30 AM
العفو يا اخي امجد..بالنسبة للكلمات اللي ما قدرتش تفهمها بامكانك تقوللي علاها ولا يهمك نعطيك الترجمة على طول.. شكرا جزيلاعلى مرورك وعلى كلامك اللطيف.

أحمد الشفتري
31-12-2007, 08:35 AM
السلام عليكم
وانت بالف خير يا اخونا الغامض..والله يسلمك،شكرا جزيلا على مرورك الكريم.
نتمنى من الشباب اللي يقرو الموضوع هذا يعطو تعليقاتهم عليه.. يعني هل مستغربين انه واحد يقول كلام زي هذا على السويد (اللي بعض الشباب الليبي يقولو انك اول ما تنزل للمطار يبدو يدّاعكو عليك!!) اوانه كلام متوقع او عندهم بيه علم من قبل؟؟

mysterious
31-12-2007, 10:34 AM
اللي بعض الشباب الليبي يقولو انك اول ما تنزل للمطار يبدو يدّاعكو عليك!!)

أني الاول هدا اللي كنت نعرفه على السويد ..!!

سلام

م / ليبيا
31-12-2007, 11:09 AM
السلام عليكم ورحمة الله وبركاته :


.... عدنا والعود أحمد .....

... أسف يا خوي حمد علي الغياب الطويل القصير ..... ( لانه القيقات تموا قبل وقت التجديد ) ... ولكن علي كل حال .... والله موضوعات الاخيرة مش عادية بجديات ............ ومشي امورك ... أني مازال قاعد معاك ...



السلام عليكم ورحمة الله وبركاته

م / ليبيا
31-12-2007, 11:12 AM
السلام عليكم ورحمة الله وبركاته :



(اللي بعض الشباب الليبي يقولو انك اول ما تنزل للمطار يبدو يدّاعكو عليك!!)

كلام موجود ومتداول ..... ( ممكن لانه السبب نسبة النساء الي الرجال في السويد عالية نوعا ما ) .....



السلام عليكم ورحمة الله وبركاته

أبوذرالليبي
31-12-2007, 02:04 PM
شكرا ليك اخي احمد على قبول عذري....واستمر في المواقف والقصص اللي شفتها او سمعتها...

وما زال نستنوا في الجانب المشرق والمميزات اللي موجودة في السويد...

وممكن المدة الجاية ندير زيارة خفيفة للسويد متاع اسبوع هكي .ونديرولك زيارة ونعرفوك اكثر لو أمكن.

المتشلفح
20-01-2008, 03:55 AM
منور يا خوى احمد كفيت و وفيت

تعرف عندي ولد شارعى شادلى كلمة تعالى والجو مليح وماشية الامور طرحته يجرى بيا ولا هوا شدت معاها


وعلى فكرة بالنسبة لخوى غالي عليا يا ريت الى بيكتبه على كندة يكون في موضوع بروحه يكون افضل



33..33

البوب مارلى
10-02-2008, 07:54 PM
ايه بس فى شى انتا ما قولت على وهوا ان السويد طالبة ومشجعة عمالة مهارة وهدهما عندهم قوانين بروحهم ولا ان الغلطان يعنى مش اى واحد يهد وبيد شوررررررر السويد
وهيا توة مع السلامة

abdo2010
14-02-2008, 01:14 AM
أحمد الشفتري

:good::good::good::good::good:
على فكرة دهشتنى ...

java4
21-02-2008, 12:34 AM
موضوع جميل جداً
اشتركت في المنتدى بسببه
أتمنى ما ينقطع ويكون فاتحة لعرب المهجر يخبرونا عن أوطانهم الجديدة على شان نعرف حقيقة الواقع

تحية للجميع وتحية خاصة للأخ أحمد الشفتري لقصصه الجميلة

أحمد الشفتري
24-02-2008, 07:29 PM
السلام عليكم ورحمة الله وبركاته
الحمد لله بعد غياب مدة طويلة عن الموضوع...اخيرا حصلت وقت مرة تانية اني نكمل الباقي باذن الله.
المدة اللي فاتت كنت حاصل في موضوع ومن الضيق كنت نحس في روحي مصكرين علّيا في شيشة بوفاس..لكن الحمد لله فرجت،وبدي عندي فضوة توا.
تحياتي لكل الناس الي مرو عالموضوع وباذن الله الحكاية مستمرة
في امان الله

sweden lolo
25-02-2008, 12:13 AM
السلام عليك أخي أحمد ومشكور جدا على توضيحاتك الجميلة مع أني كان عندي صعوبة بالغة في هم لهجتك الليبية لإني فلسطيني فرجاء وطلب يارب تقبلو مني انك لو كتبت بعد كدا إنك تكتب لهجة عربية فصحى علشان الفكرة توصل أكتر وأتمنى إني أزور ليبيا أخي أحمد وأتكلم لهجتهم بس أنا الأن في السويد ووصلتها قبل خمس شهور ولحد الآن ما حصلت الإقامة وحابب أحكي شي واحد لكل الي حابين يغتربوا إنو احسنلكم وافضل ليكم أنكم تضلكم في بلدانكم الأصلية لأنو اكيد انتم حافظين الاسطوانة الي بتقول الغربة مرة بس كلنا بنحكي حكي ولما نجرب بنسير نقول يا ريتنا مادخلنا متل هيك بلاد وأنا بصراحة ينتابني شيء من الندم اني هاجرت على السويد ولو ما أخدت إقامة أنا مش زعلان لإنو السويد مو هالبلد الي بينبكى عليها ، لإني عشت خمس شهور من حياتي فترة بجد أنا بعتبرها خمس سنين وممكن غيري يحكولي بسيطة وانو في ناس عاشوا سنوات كتير بالغربة بس أنا عمري 19 سنة وأول مرة أسافر وبجد حاسس حالي انتقلت من الجنة للأرض ومابدي اقول النار لأنوالسويد فيها اشياء كتير حلوة بس مشكلة هاي الاشياء انك ما بتنولها بسهولة ولازم تدفع الثمن قبل ما تحصل عليها وتدفع دم قلبك منشان تحاول تسعد نفسك ، وأكثر شي أثر فيا العرب الي هون بجد ما شاء الله عليهم ومع احترامي للأخ أحمد أنا لما وصلت السويد ولا أي عربي حاول يساعدني أو حاول يقدملي المساعدة هون يعني بالعربي البسيط العرب الي موجودين بالسويد ما عندهم نخوة أهل البلد ويمكن في ناس عندهم نخوة بس المشكلة الناس العرب الي بقابلهم بيكونو بجد ما عندهم نخوة وشهامة وما بدي أحكي كلمة تانية احتراما لمشاعر الاخوة الاعضاء في المنتديات ، الواحد فيهم بيكون مع الشخص السويدي متل الورقة وبتحسوا إنو رقيق وبيكون طيب وكويس أما مع أخوه العربي فبيكون عدو وحاقد وربنا يسامحهم بس ، مرت عليا أيام سودة بالسويد وبجد مرت ايام ما كان بالتلاجة شي آكلو حاولت أروح أبحث على شغل عند بعض الإخوان العرب المحترمين ، بس للأسف لا حياة لمن تنادي وواحد فيهم سألني إنتا لسا سنك صغير ليه بتدور على شغل ما رضيت أحكيلو إنو ما في لقمة أكلها اليوم رغبة مني في إنو يفهمها لوحدو بس ياريتو فهمها وياريتو حس بيا للأسف أصبحوا مجردين من الاحساس أكتر واحد حس بيا يومها راجل كان عاوز يشغلني بس حكالي انا حتصل عليك حكيتلو ما في معي ولا كرون حكالي خد هي ستين كرون ومدهم عليا أنا اتطلعت فيه حكيتلو لو سمحت أنا جيت أطلب منك شغل مش صدقة ولو سمحت أنا كرامتي أهم من فلوسك حكيتلو حتشغلني حكالي لاء حكيتلو خلي فلوسك الك ومشكور كتير ، ومع احترامي الك اخ احمد بس انا هدا الي حصل معي ،بجد بدت أحس نفسي بموت شوية شوية حاولت أعمل صداقات وروابط اجتماعية مع بعض الناس هنا بس الناس والاخوان العرب بجدكنت أحسهم يتهربوا مني لإني جديد عالبلد فهما عاوزين واحد يخدمهم وينفعهم مو عاوزين واحد يخدموه او ينفعوه وأنا ماكنت عاوز منهم شي غير أني أكون صديق ليهم وأقضي أوقات الفراغ الرهيبة مع اي أحد يكون ونيسي وأكون في نفس الوقت ونيسو ولو احتاج أي مساعدة أنا حكون في جنبو ، وللأسف الحكومة السويدية ودائرة الهجرة ما راعت السن بتاعي ووضعوني في مدرسة لغة كل الي معي بالفصل أولا عراقيين وثانيا أنهم في عمر والدي يعني لا يوجد هناك أي تقارب في المستوى الفكري ولا العقلي ولا في الثقافة حاولت أصنع منهم أصحاب ليا بس للأسف كلهم أكبر مني وكل واحد عندو زوجتو وأطفالو والأعزب الي منهم بيشتغل او عندو أصحاب ومو محتاج أصحاب ، بجد أنا هلاء قاعد بموت شوية شوية ما في أي روابط اجتماعية والجو كئيب جدا في معظم الأيام تقريبا ، وأنا اليوم حاولت إني أخرج وما كنت عارف كيف الجو برات البيت المهم لبست ملابسي وخرجت وتفاجئت إنو الجو ماطر ورياح قوية فلذلك قعدت بالبيت واتفرجت عالتلفزيون وصليت وطلبت الفرج من الله والحمد لله على كل شيء الحمد لله على كل شيء ، وماني معترض على قدر الله بس في ناس وهمانين كتير بالسويد كتير كتير كمان ، ومعتقدين إنو الانسان بيروح السويد وبينام بالبيت بس مو عارفين إنو السويدين مش هبلان أو إنهم ناس نايمين عى ودانهم ، والفلوس الي بيعطوك اياها بيستردوا اضعاف اضعافها في حال لو درست لغة واشتغلت شغل شرعي يعني ابيض بمفهومنا العربي فساعتها بالضرايب على مدى سنة او سنتين حيستردو كل شي اعطوك اياه وفي حال لو انتا كسلت ومادرست اللغة او اظهرتلهم انك انسان متقاعس وكسلان فساعتها دور على حدا يعطيك فلوس ، السويديين ناس عارفين شو بدهم ، فمثلا نقول يعني هاجر رجل عالسويد عمرو 50 سنة وعندو اطفال خمسة مثلا في اعتقادكم ليه السويد بتعطي مثلا اقامة لهدا الرجل هل هدا الرجل الي حيبني السويد ويعطيها تطور ويعطيها بناء ويخليها متقدمة ويشارك في التطور الحضاري الي بتقوم بيه السويد طبعا الجواب حيكون لاء لإنو السويديين مو عاوزين الراجل ، السويديين عاوزين اولادو منشان يكبروهم ويخلوهم سويديين وينسوهم ابوهم كمان ويخلوهم يعيشوا متلهم متل السويديين ويصنعوا منهم ناس بتقدر تنفع السويد على المدى البعيد ، وطبعا هدا مع احترامي لكل الآباء وكل الأمهات الي بيهاجروا عالسويد بس أنا كإنسان عايش بالسويد أنا شايف إنو هدا الي بيسير ، بجد ربنا يعينا على السويد وبتعرفوا بجد احساس الندم والحرقة ما بيفارق قلبي وبديت بصراحة اقول انو اختياري كان غلط لما جيت عالسويد بس ياربي يكون خير النا وربنا يعينا ويكون في عوننا ويكون الي اخترناه هوا قدر ربنا وخيره ، ومشكور أخي أحمد وسنكون على تواصل بإذن الله وسامحني لكلامي الفظ وسامحني لخروجي عن حدود الأدب ولكن كنت مكبوتا ولم أستطع كبت مشاعرتي التي كانت ستنفجر يوم أمس لولا الله ولولا حبتين المنوم الي شربتهم لكان أنا هلاء إنسان تاني أو جثة مدفونة في التراب ، ومشكور أخي احمد كمان مرة وتقبل مروري وأسفي ودمتم سالمين وخلينا على تواصل

sweden lolo
25-02-2008, 01:36 AM
وأنا بجد بجد معجب جدا جدا جدا جدا جدا جدا بشخصيتك أخي أحمد ومعجب بكلامك جدا ومعلوماتك بجد وأنا بعرف ناس هون بالسويد بقالهم ما يقارب العشرين عاما بالسويد والله مابيعرفوا هالمعلومات الي إنتا كتبتها وعايشين هما والحيطان واحد وطبعا عايشين على أبو السوس طبعا وانتا عارف مين هوا أبو السوس يعني السوسيال ، وبجد أنا إنسان حابب أدرس بالسويد بس يا أخي أحمد جو السويد وهاي قصة الاقامات وقصة الضمان الاجتماعي خلقت عند كثير من الناس نوع من الاتكالية الزائدة عن الحد وهدا الشي مو كويس للانسان الي حابب يدرس لإنو ساعتها ما حيقدر يلاقي الناس إلي عاوزين يدرسو وماحيقدر يختلط بيهم ، وكمان الإنسان إلي عاوز يعيش بالسويد قصة الضمان الاجتماعي بتخليه ما ينتبه لمستقبلو بالفعل الاتكالية مشكلة كبيرة جدا وأنا إن شاء الله حدرس بالسويد وأخلص دراستي وأرجع على وطني الحبيب فلسطين وعمري ما أصل بلاد أوروبية وعمري ما أدخل بزوجتي أو أولادي بلاد متل هيك بلاد بتلغي دور الرجل كزوج وكأب وبجد قوانيهم ناعمة كتير كتير كتير وأنا مو مستعد إنو ابني في يوم من الايام يتصل عالشرطة منشان يحبسوني أو انو يرميني لبيت المسنين وبجد الروابط الاجتماعية بالسويد بنظلم الصفر لو قولنا عنها صفر لانو ساعتها لما نقول صفر بنحطلها قيمة والصفر عبارة عن قيمة بس الروابط الاجتماعية ما الها قيمة تذكر بالسويد بجد هدا الشي كنت اعيط عليه كتير وكنت اتزكر كيف لما كنت في فلسطين وكيف نطلع ونتفسح انا واهلي وانا واصحابي وكيف كنا نساعد بعضنا ، وعلى الرغم من الوضع المأساوي من قتل وقصف ودمار في فلسطين وعلى الرغم الوضع المادي الي كنا عايشين بيه بس بجد موتة الجماعة ارحم ، أقل ما فيها هناك لو موتت بتلاقي الي يدفنك وبتلاقي الي يتزكرك وبتلاقي الي يكفنك أما هون فلو موتت يمكن يعرفو انك موتت لما ريحتك تطلع او لما ما تدفعش فاتورة الايجار او لما تيجيك الشرطة عالبيت عاوزاك تدفع فاتورة الايجار ، بجد حياة عالسكين يا معلم بس احنا بنقول الحمد لله على كل شي ، هيا صحيح انو في مميزات حلوة بالسويد بس سلبياتها بتطغى على كل ايجابياتها وسلبياتها بتتعلق بحياتك ككل وما بتتعلق بيك شخصيا أما ايجابياتها بس ليك شخصيا وما حدا غيرك بينتفع فيها وأنا بجد بديت أفكر أرجع منشان اموت وسط أهلي هناك بفلسطين لعلو يكون الشعور ارحم من هان ولإنو موت الجماعة رحمة ، وكل إنسان بيفكر انو السويد جنة ياريت يغير هالنظرة وياريت يفكر ألف مرة بالكلام إلي بينحكى ، أنا أول ماجيت عالسويد بكيت فواحد من الي بعرفهم حكالي بكرة بتبطل تبكي وبيسير الك اصحاب وبتتعرف على ناس وبتكون واحد منهم وبتنخرط بالمجتمع ، الي خمس شهور بتمنى بس يكون ليا صديق واحد بس صديق واحد بس مش أكتر ولحد هلاء ما قدرت أختلط بأي أحد والله إنو مجتمعاتنا العربية أفضل مجتمعات على الرغم من ظلم حكامنا لينا وعلى الرغم من إنو نحنا أوضاعنا مو كويسة في معظم بلداننا العربية بس الوضع بتاعنا عمرو ما وصلنا لدرجة انو نحنا ننتحر أو إنا نحنا بس مجرد نفكر إنو نحنا ننتحر ، وما تقلقوا عليا بالنسبة للانتحار لما توصلو هون حتعرفوا ليه السويديين بيفكروا كتير بالانتحار لإنكم حتشعروا بمشاعرهم وحتمروا بالظروف إلي هما مروا بيها وهما طبعا أناس طول عمرهم ما في عندهم روابط اجتماعية وعاوزين ينتحروا فما بالكم بناس كل حياتهم روابط اجتماعية ومتعودين عالسهر ومتعودين عالاجتماعات مع الاهل والاصحاب والأقارب مثل العرب ويوصلوا السويد هون هدول ما راح يفكروا ينتحروا هدول أناس راح ينتحروا بس بمجرد مقارنة أوضاعهم بالأيام الخوالي في مجتمعاتهم ، ,انا هون مو بحبط في الناس الي حابة تهاجر لإني بحكي عن تجربتي الشخصية ما بعمم على كل الناس وأنا هدا إلي شايفو وأي شخص شايف إني ببالغ بالحكي بتاعي فياريت هوا يشرف ويجرب إلي شفتو في فترة بسيطة جدا في نظر البعض إلي هيا خمس شهور ، وأنا مابحبط أو بحاول أكون نقطة يأس قدام الناس الي حابة تهاجر بس أنا بحكيلكم أشياء لربما ما كنتم حاسبين حسابها وأشياء أخ أحمد حكاها الكم أنا لو كنت عارفها قبل ما أسافر ولو كنت حاسس فيها بنسبة واحد في المية كان عمري ما وصلت على السويد ، وأكتر شي مدايقني بقصة السويد قصة الضمان الاجتماعي أنا ماني معترض عليها لإني أنا عايش عليها كمان بس المشكلة أنو الضمان الاجتماعي ممكن يستمر العمر كلو والانسان يكون لساتو شاب ويكون عايش عالضمان الاجتماعي والله حرام لانو فيها قتل للروح يعني هدا بيسبب الاتكالية عند الانسان ، وأنا بعرف ناس الهم 15 سنة عايشين على قصة الضمان الاجتماعي وما بيشتغلو وأولادهم قاعدة بتضيع منهم وهما مبسوطين وبيتفرجوا عليهم وبيبتسموا ليهم والمشكلة الأكبر إنهم مسلمين ، فأنا مش معترض مو لإني عالضمان الاجتماعي لا أنا بأيدها في حالة وحدة إنو الضمان الاجتماعي يكون بمثابة يد مساعدة ولفترة محددة سنتين بالكتير منشان تخلي الشخص ينهض على رجليه ويعتمد على نفسه بس الي شايفو إنو في ناس لليوم نايمة وراح تفضل نايمة وعمرها ماراح تصحى ، فأنا بس القصة إنو الضمان الاجتماعي يكون لفترة محددة فقط ويكون عليها قوانين صارمة ويكون فيها مراقبة ولو تطلب الأمر مراقبة الناس في سبيل إنهم يلغوا قصة مثل هيك ، وأنا متأكد إنو الحكومة السويدية مش نايمة على ودانها وبتعرف مين محتاج ومين مش محتاج من الناس الي ماخدين ضمانة اجتماعية بس لولا انو استفادتهم أكتر من الاضرار بيهم كان هلاء القوانين انقلبت وتغيرت وهوا هدا أكتر شي كرهتو في السويد قصة انك تفضل عايش على الضمان الاجتماعي لمدة تزيد عن السنتين بجد مو حلوة في حقنا نحنا العرب انو نكون شباب طوال وضخام وعايشين على المساعدات الاجتماعية ، ومشكور اخي أحمد وأرجو الرد على الردود بتعتي

eminem_d12
25-02-2008, 03:52 AM
امنور على الموضوع


و ان شاء الله با التوفيق


مافيش راس موضوع على USA ?

dr fajer
25-02-2008, 07:30 PM
السلام عليكم

عدت والعود أحمد أخى أحمد


وانى لآزلت اتابع زى زمان

م / ليبيا
26-02-2008, 12:14 AM
السلام عليكم ورحمة الله وبركاته :


..... آ آ ه ه وينك يا خوي حمد ان شاء الله غير حالك باهي .... وينك يا راجل معقولة المعاملة هذه هكي .... لا احم لا تستور . هكي خديتها إنسحاب منك ليك .... لكن معليشي ..... وراجع باذن الله تعالي ...........



والسلام عليكم ورحمة الله وبركاته

أحمد الشفتري
26-02-2008, 09:08 PM
السلام عليكم ورحمة الله
عندي مشكلة يا جماعةالخير مع الصفحة الاخيرة من موضوع الهجرة الى السويد وهي الصفحة رقم 13 لاني من يومين نحاول وما بتش تنفتح معاي....ليش؟؟؟ الله اعلم
توصلني تنبيهات من المنتدى على الايميل ان فيه مشاركات جديدة في الموضوع لكن ما قدرتش نشوفها..حاولت بشتى الطرق دون فايدة
ما يكونوش السويديين زعما دارولي (بلوك) على الصفحة مثلا؟؟؟لكن ما ضنيتش هما يديرو في ارواحهم من جماعة حرية التعبير والراي.
ان شاء الله غير الموضوع ما يطولش هكي

dr fajer
01-03-2008, 03:57 PM
السلام عليكم

حاول الدخول للصفحة عبر الرابط اللى فى ألأيميل
بالك تمشى ألأمور

و بالك الصفحة اتم ونبدوا فى ص 14


تحياتى

أحمد الشفتري
01-03-2008, 07:55 PM
وعليكم السلام د فجر
بارك الله فيك على متابعتك
والله حاولت بشتى الطرق اللي نعرفها اني نخش للصفحة 13 وما فيه فايدة، بما فيها استعمال اللنك اللي مع الايميل.
لما غيرت طريقة عرض المشاركات من قائمة (طرق مشاهدة الموضوع) الى العرض المتطور قدرت نقرا المشاركات ما عدا مشاركات:
sweden lolo
كل ما نضط على وحدة من مشاركاته الاثنين الكمبيوتر يستك وصوت المروحة متاع الكمبيوتر قريب يسمعوه الجيران ويبدا أداء المعالج 100 في ال 100 والذاكرة كلها محجوزة ليش الله اعلم؟
خشته عالموضوع جت بالشيح والريح
بعثت رسالة الى ادارة المنتدى ولا اجابة!!!! البيروقراطية شكلها واصلة حتى الى المنتديات
اني كنت متوقع ان المشكلة عالكل.. لكن بعد ما قريت رد الدكتورة فجر عرفت انها قدرت تخش عالصفحة الاخيرة
واللي زاد الطين بلة لوحة المفاتيح اللي عندي، اليومين اللي فاتو نفطر واني قدام الكمبيوتر..ناكل في نص بالطن والزيت يقطر عاللوحة واني ما ندريش نص المفاتيح معسلات من الزيت وباهي اللي ما فيشي هريسة كان هذا راحت ليل.
ياريت اذا كان اخونا sweden lolo قدر يقرا الكلام هذا انه يعاود مشاركته لاني ما قدرتش نشوفها
اجمل تحياتي للاخ م ليبيا والاخ جافا 4 وماعليش والله ما كان بودي الموضوع يوقف او يتاخر لكن كل مرة تصير عكّة واخرها موضوع الصفحة اللي ما تبيش تنفتح، وحتى الكلام اللي نكتبفيه توا مش حنقدر نقراه بعد ما يوصل المنتدى.
بالله اذا كان حد عند حل للموضوع يسعفنا بيه
ولكم جزيل الشكر جميعا..مروركم ومشاركتم هيا البهارات متاع الموضوع من غيرهاما فيشي لاطعم ولا ريحة
السلام عليكم

mkurdi86
01-03-2008, 10:33 PM
مشكور أخ أحمد على مجهودك
انا محمد من سوريا سوف اتخرج في نهاية الفصل ادارة اعمال
بدي كمل ماستر في السويد
حابب تقلي وقت الي سجلت حضرتك شو طلبو منك اوراق من اجل التسجيل
وخاصة شهادة اللغة ضروري تكون توفل مثلا او ايليتس ؟

ومتى استطيع التسجيل في اقرب وقت


محمد
سوريا-حلب

أحمد الشفتري
03-03-2008, 12:11 PM
العفو يا اخ محمد
ربي يوفقك ان شاء الله وتكمل دراستك وان شاء الله في قائمة الشرف.
اذا كان مشروع تكميل دراستك على حسابك فربما تكون السويد اختيار مناسب هذا طبعا لو وفقت في الحصول على قبول لان عدد المقاعد الممنوحة محدود.
بالنسبة للتقدم الدراسة في السويد فعندي ليك خير حلو..السنة الماضية غيرت السويد نظام تقديم الطلبات للدراسات العليا بطريقة جديدة وسهلة جدا بحيث ان الطالب لايحتاج الى مراسلة كل جامعة على حدة وارسال نسخة من اوراقه الى كل جامعة..تم انشاء موقع على الانترنت يتولى استلام طلبات القبول والتنسيق مع الجامعات وهذا الامر مريح جدا للطالب..كل ما عليك الدخول الى الموقع
https://www.studera.nu/english
وفتح حساب لديهم واتباع الخطوات المطلوبة..وحنلخصلك الخطوات
تقوم بالبحث عن مجال الدراسة الذي ترغبه في جميع الجامعات السويدية وبعدين تختار المدينة او الجامعة المحددة اذا كان عند اختيار محدد او تخلي مجال البحث شامل لكل السويد ويحقلك التقديم لثماني جامعات دفعة واحدة مع توضيح الاولوية بين الجامعات التي اخترتها.
بعد استلام طلبك ووصول اوراقك الى السويد سيتم ابلاغك باي شيء يطرأ على طلبك وكذلك النتيجة النهائية للطلب من خلال نفس الموقع باستخدام اسم المستخدم وكلمة المرور التي استعملتها عند فتح حساب لدي الموقع.
اذا ارت معرفة تفاصيل كاملة عن كل جامعة ،موقعها،كلياتها، متطلبات القبول الخاصة بكل قسم فبامكانك معرفة كل هذا من خلال الموقع:
http://www.studyinsweden.se

وبالنسبة لمتطلبات اللغة حتلقاها كلها موجودة في الموقع اللي ذكرته وطبعا باعتبار ان الدراسات العليا باللغة الانجليزية فيجب انك تقدم مع اوراقك اثبات الكفاءة في اللغة الانجليزية وطبعا الاثبات هوا : الآيلتس او التوفل او الكامبردج اكزام وطبعا المستوى يختلف حسب نوع الدراسة فبعض التخصصات تحتاج نقاط عالية وبعضها الاخر لا وغالبا اقل نسبة مطلوبة في الأيلتس هيا ستة نقاط وبالنسبة للكامبردج فهو السي بي أي.
بالنسبة لموعد التسجيل : يبدأالتسجيل من شهر نوفمبر وينتهي مع نهاية يناير..النتائج يتم الابلاغ عنها في منتصف ابريل والدراسة تبدأ مع بداية سبتمبر.
وفيه نقطة مهمة حبيت نبلغك بيها وهيا ان جامعات دول معينة ومنها الدول العربية لازم هيا تقوم بارسال شهادة التخرج وكشف الدراجات الخاص بالطالب مباشرة من الجامعة الى السويد ولايعتد بالاوراق التي يرسلها الطالب بنفسه.. انتبه للنقطة هاذي لانها كلفتني سنة انتظار..والسعيد من وعظ بغيره.
ربي يوفقك ويسهلك امورك ان شاء الله.
وعلى ذكر الجامعات حبيت نحكيلكم قصة صارت الشهر الماضي في جامعة اوروبرو
بروفيسور سرياني ذبح ذبح النعاج داخل الجامعة ؟؟؟؟ووين؟؟؟ في السويد.. (البلاد الساقعة الهادية على قولة شلبي السلوفان) ومنو اللي دبحه ولد عمه؟؟؟؟ والسبب خلافات عائلية؟؟؟؟؟
طبعا الدنيا انقلبت الفوق لوطي والجرائد تكتب وكبار مسئولي الدولة جو للجامعة.
طبعا القضية كانت واضحة وجريمة معروفة الاسباب واسدل الستار عليها
اني حمدت ربي ان البروفيسور مش مسلم او عربي..هات شن يحزها بعدين لان الموضوع حيكبر والاسلام حيخش في الموضوع وينفتح سريب الارهاب وتتشكبن الامور في بعضها لكن باعتبار البروفيسور نصراني ولا حد جاب سيرة ديانته بالموضوع؟؟
طبعا الرعب مازال موجود في الجامعة والسويديين شعب مسالم جدا وما يحبش العنف لدرجة ان اخبارهم ما تجيبش شن صاير في العراق او غزة مثلا الايام هاذي ...خبر عالماشي وتم؟ واللي منهم شاف الدم في مكانالجريمة اكيد حيحتاج سبعين الف جلسة علاج نفسي باش يولي ويقدر يتأقلم مع الحياة من جديد وينسى اللي صار !!!! حساسين يا كبدي عليهم.
ويتهيألي ان السويديين حيسيبو الجامعة ويشوفو غيرها وبعدها يصدق القول: مصائب قوم عند قوم فوائد وممكن تكون فرصة ليك يا محمد انك تحصل قبول بسهولة في الجامعة هاذي.
ان شاء الله يكون كلامي فيه فايدة ليك ولو فيه اي شيء نسيت ما قتلكش عليه فتفضل وأسال عنه في او وقت.
نلتقي قريبا باذنه تعالى
السلام عليكم

أحمد الشفتري
03-03-2008, 06:44 PM
السلام عليكم
واخيرا اجتزنا مطب الصفحة 13 ...وتوا الموضوع ينفتح معاي بسهولة ما عدا الصفحة 13 طبعا
لكن بودي نقرا مشاركة الاخ sweden lolo ياريت لويقرا الكلام هذا يعاود مشاركته مرة تانية لانه الباين من اسمه انه في السويد فعندي فضول نعرف الكلام اللي كتبه

م / ليبيا
03-03-2008, 11:31 PM
السلام عليكم ورحمة الله وبركاته :

....... أنت تأمر أمر يا خوي حمد ........... شد عندك المشاركة الاولي للاخ sweden lolo



السلام عليك أخي أحمد ومشكور جدا على توضيحاتك الجميلة مع أني كان عندي صعوبة بالغة في هم لهجتك الليبية لإني فلسطيني فرجاء وطلب يارب تقبلو مني انك لو كتبت بعد كدا إنك تكتب لهجة عربية فصحى علشان الفكرة توصل أكتر وأتمنى إني أزور ليبيا أخي أحمد وأتكلم لهجتهم بس أنا الأن في السويد ووصلتها قبل خمس شهور ولحد الآن ما حصلت الإقامة وحابب أحكي شي واحد لكل الي حابين يغتربوا إنو احسنلكم وافضل ليكم أنكم تضلكم في بلدانكم الأصلية لأنو اكيد انتم حافظين الاسطوانة الي بتقول الغربة مرة بس كلنا بنحكي حكي ولما نجرب بنسير نقول يا ريتنا مادخلنا متل هيك بلاد وأنا بصراحة ينتابني شيء من الندم اني هاجرت على السويد ولو ما أخدت إقامة أنا مش زعلان لإنو السويد مو هالبلد الي بينبكى عليها ، لإني عشت خمس شهور من حياتي فترة بجد أنا بعتبرها خمس سنين وممكن غيري يحكولي بسيطة وانو في ناس عاشوا سنوات كتير بالغربة بس أنا عمري 19 سنة وأول مرة أسافر وبجد حاسس حالي انتقلت من الجنة للأرض ومابدي اقول النار لأنوالسويد فيها اشياء كتير حلوة بس مشكلة هاي الاشياء انك ما بتنولها بسهولة ولازم تدفع الثمن قبل ما تحصل عليها وتدفع دم قلبك منشان تحاول تسعد نفسك ، وأكثر شي أثر فيا العرب الي هون بجد ما شاء الله عليهم ومع احترامي للأخ أحمد أنا لما وصلت السويد ولا أي عربي حاول يساعدني أو حاول يقدملي المساعدة هون يعني بالعربي البسيط العرب الي موجودين بالسويد ما عندهم نخوة أهل البلد ويمكن في ناس عندهم نخوة بس المشكلة الناس العرب الي بقابلهم بيكونو بجد ما عندهم نخوة وشهامة وما بدي أحكي كلمة تانية احتراما لمشاعر الاخوة الاعضاء في المنتديات ، الواحد فيهم بيكون مع الشخص السويدي متل الورقة وبتحسوا إنو رقيق وبيكون طيب وكويس أما مع أخوه العربي فبيكون عدو وحاقد وربنا يسامحهم بس ، مرت عليا أيام سودة بالسويد وبجد مرت ايام ما كان بالتلاجة شي آكلو حاولت أروح أبحث على شغل عند بعض الإخوان العرب المحترمين ، بس للأسف لا حياة لمن تنادي وواحد فيهم سألني إنتا لسا سنك صغير ليه بتدور على شغل ما رضيت أحكيلو إنو ما في لقمة أكلها اليوم رغبة مني في إنو يفهمها لوحدو بس ياريتو فهمها وياريتو حس بيا للأسف أصبحوا مجردين من الاحساس أكتر واحد حس بيا يومها راجل كان عاوز يشغلني بس حكالي انا حتصل عليك حكيتلو ما في معي ولا كرون حكالي خد هي ستين كرون ومدهم عليا أنا اتطلعت فيه حكيتلو لو سمحت أنا جيت أطلب منك شغل مش صدقة ولو سمحت أنا كرامتي أهم من فلوسك حكيتلو حتشغلني حكالي لاء حكيتلو خلي فلوسك الك ومشكور كتير ، ومع احترامي الك اخ احمد بس انا هدا الي حصل معي ،بجد بدت أحس نفسي بموت شوية شوية حاولت أعمل صداقات وروابط اجتماعية مع بعض الناس هنا بس الناس والاخوان العرب بجدكنت أحسهم يتهربوا مني لإني جديد عالبلد فهما عاوزين واحد يخدمهم وينفعهم مو عاوزين واحد يخدموه او ينفعوه وأنا ماكنت عاوز منهم شي غير أني أكون صديق ليهم وأقضي أوقات الفراغ الرهيبة مع اي أحد يكون ونيسي وأكون في نفس الوقت ونيسو ولو احتاج أي مساعدة أنا حكون في جنبو ، وللأسف الحكومة السويدية ودائرة الهجرة ما راعت السن بتاعي ووضعوني في مدرسة لغة كل الي معي بالفصل أولا عراقيين وثانيا أنهم في عمر والدي يعني لا يوجد هناك أي تقارب في المستوى الفكري ولا العقلي ولا في الثقافة حاولت أصنع منهم أصحاب ليا بس للأسف كلهم أكبر مني وكل واحد عندو زوجتو وأطفالو والأعزب الي منهم بيشتغل او عندو أصحاب ومو محتاج أصحاب ، بجد أنا هلاء قاعد بموت شوية شوية ما في أي روابط اجتماعية والجو كئيب جدا في معظم الأيام تقريبا ، وأنا اليوم حاولت إني أخرج وما كنت عارف كيف الجو برات البيت المهم لبست ملابسي وخرجت وتفاجئت إنو الجو ماطر ورياح قوية فلذلك قعدت بالبيت واتفرجت عالتلفزيون وصليت وطلبت الفرج من الله والحمد لله على كل شيء الحمد لله على كل شيء ، وماني معترض على قدر الله بس في ناس وهمانين كتير بالسويد كتير كتير كمان ، ومعتقدين إنو الانسان بيروح السويد وبينام بالبيت بس مو عارفين إنو السويدين مش هبلان أو إنهم ناس نايمين عى ودانهم ، والفلوس الي بيعطوك اياها بيستردوا اضعاف اضعافها في حال لو درست لغة واشتغلت شغل شرعي يعني ابيض بمفهومنا العربي فساعتها بالضرايب على مدى سنة او سنتين حيستردو كل شي اعطوك اياه وفي حال لو انتا كسلت ومادرست اللغة او اظهرتلهم انك انسان متقاعس وكسلان فساعتها دور على حدا يعطيك فلوس ، السويديين ناس عارفين شو بدهم ، فمثلا نقول يعني هاجر رجل عالسويد عمرو 50 سنة وعندو اطفال خمسة مثلا في اعتقادكم ليه السويد بتعطي مثلا اقامة لهدا الرجل هل هدا الرجل الي حيبني السويد ويعطيها تطور ويعطيها بناء ويخليها متقدمة ويشارك في التطور الحضاري الي بتقوم بيه السويد طبعا الجواب حيكون لاء لإنو السويديين مو عاوزين الراجل ، السويديين عاوزين اولادو منشان يكبروهم ويخلوهم سويديين وينسوهم ابوهم كمان ويخلوهم يعيشوا متلهم متل السويديين ويصنعوا منهم ناس بتقدر تنفع السويد على المدى البعيد ، وطبعا هدا مع احترامي لكل الآباء وكل الأمهات الي بيهاجروا عالسويد بس أنا كإنسان عايش بالسويد أنا شايف إنو هدا الي بيسير ، بجد ربنا يعينا على السويد وبتعرفوا بجد احساس الندم والحرقة ما بيفارق قلبي وبديت بصراحة اقول انو اختياري كان غلط لما جيت عالسويد بس ياربي يكون خير النا وربنا يعينا ويكون في عوننا ويكون الي اخترناه هوا قدر ربنا وخيره ، ومشكور أخي أحمد وسنكون على تواصل بإذن الله وسامحني لكلامي الفظ وسامحني لخروجي عن حدود الأدب ولكن كنت مكبوتا ولم أستطع كبت مشاعرتي التي كانت ستنفجر يوم أمس لولا الله ولولا حبتين المنوم الي شربتهم لكان أنا هلاء إنسان تاني أو جثة مدفونة في التراب ، ومشكور أخي احمد كمان مرة وتقبل مروري وأسفي ودمتم سالمين وخلينا على تواصل

م / ليبيا
03-03-2008, 11:33 PM
أما هذه فهي المشاركة الثانية للاخ المذكور ::


وأنا بجد بجد معجب جدا جدا جدا جدا جدا جدا بشخصيتك أخي أحمد ومعجب بكلامك جدا ومعلوماتك بجد وأنا بعرف ناس هون بالسويد بقالهم ما يقارب العشرين عاما بالسويد والله مابيعرفوا هالمعلومات الي إنتا كتبتها وعايشين هما والحيطان واحد وطبعا عايشين على أبو السوس طبعا وانتا عارف مين هوا أبو السوس يعني السوسيال ، وبجد أنا إنسان حابب أدرس بالسويد بس يا أخي أحمد جو السويد وهاي قصة الاقامات وقصة الضمان الاجتماعي خلقت عند كثير من الناس نوع من الاتكالية الزائدة عن الحد وهدا الشي مو كويس للانسان الي حابب يدرس لإنو ساعتها ما حيقدر يلاقي الناس إلي عاوزين يدرسو وماحيقدر يختلط بيهم ، وكمان الإنسان إلي عاوز يعيش بالسويد قصة الضمان الاجتماعي بتخليه ما ينتبه لمستقبلو بالفعل الاتكالية مشكلة كبيرة جدا وأنا إن شاء الله حدرس بالسويد وأخلص دراستي وأرجع على وطني الحبيب فلسطين وعمري ما أصل بلاد أوروبية وعمري ما أدخل بزوجتي أو أولادي بلاد متل هيك بلاد بتلغي دور الرجل كزوج وكأب وبجد قوانيهم ناعمة كتير كتير كتير وأنا مو مستعد إنو ابني في يوم من الايام يتصل عالشرطة منشان يحبسوني أو انو يرميني لبيت المسنين وبجد الروابط الاجتماعية بالسويد بنظلم الصفر لو قولنا عنها صفر لانو ساعتها لما نقول صفر بنحطلها قيمة والصفر عبارة عن قيمة بس الروابط الاجتماعية ما الها قيمة تذكر بالسويد بجد هدا الشي كنت اعيط عليه كتير وكنت اتزكر كيف لما كنت في فلسطين وكيف نطلع ونتفسح انا واهلي وانا واصحابي وكيف كنا نساعد بعضنا ، وعلى الرغم من الوضع المأساوي من قتل وقصف ودمار في فلسطين وعلى الرغم الوضع المادي الي كنا عايشين بيه بس بجد موتة الجماعة ارحم ، أقل ما فيها هناك لو موتت بتلاقي الي يدفنك وبتلاقي الي يتزكرك وبتلاقي الي يكفنك أما هون فلو موتت يمكن يعرفو انك موتت لما ريحتك تطلع او لما ما تدفعش فاتورة الايجار او لما تيجيك الشرطة عالبيت عاوزاك تدفع فاتورة الايجار ، بجد حياة عالسكين يا معلم بس احنا بنقول الحمد لله على كل شي ، هيا صحيح انو في مميزات حلوة بالسويد بس سلبياتها بتطغى على كل ايجابياتها وسلبياتها بتتعلق بحياتك ككل وما بتتعلق بيك شخصيا أما ايجابياتها بس ليك شخصيا وما حدا غيرك بينتفع فيها وأنا بجد بديت أفكر أرجع منشان اموت وسط أهلي هناك بفلسطين لعلو يكون الشعور ارحم من هان ولإنو موت الجماعة رحمة ، وكل إنسان بيفكر انو السويد جنة ياريت يغير هالنظرة وياريت يفكر ألف مرة بالكلام إلي بينحكى ، أنا أول ماجيت عالسويد بكيت فواحد من الي بعرفهم حكالي بكرة بتبطل تبكي وبيسير الك اصحاب وبتتعرف على ناس وبتكون واحد منهم وبتنخرط بالمجتمع ، الي خمس شهور بتمنى بس يكون ليا صديق واحد بس صديق واحد بس مش أكتر ولحد هلاء ما قدرت أختلط بأي أحد والله إنو مجتمعاتنا العربية أفضل مجتمعات على الرغم من ظلم حكامنا لينا وعلى الرغم من إنو نحنا أوضاعنا مو كويسة في معظم بلداننا العربية بس الوضع بتاعنا عمرو ما وصلنا لدرجة انو نحنا ننتحر أو إنا نحنا بس مجرد نفكر إنو نحنا ننتحر ، وما تقلقوا عليا بالنسبة للانتحار لما توصلو هون حتعرفوا ليه السويديين بيفكروا كتير بالانتحار لإنكم حتشعروا بمشاعرهم وحتمروا بالظروف إلي هما مروا بيها وهما طبعا أناس طول عمرهم ما في عندهم روابط اجتماعية وعاوزين ينتحروا فما بالكم بناس كل حياتهم روابط اجتماعية ومتعودين عالسهر ومتعودين عالاجتماعات مع الاهل والاصحاب والأقارب مثل العرب ويوصلوا السويد هون هدول ما راح يفكروا ينتحروا هدول أناس راح ينتحروا بس بمجرد مقارنة أوضاعهم بالأيام الخوالي في مجتمعاتهم ، ,انا هون مو بحبط في الناس الي حابة تهاجر لإني بحكي عن تجربتي الشخصية ما بعمم على كل الناس وأنا هدا إلي شايفو وأي شخص شايف إني ببالغ بالحكي بتاعي فياريت هوا يشرف ويجرب إلي شفتو في فترة بسيطة جدا في نظر البعض إلي هيا خمس شهور ، وأنا مابحبط أو بحاول أكون نقطة يأس قدام الناس الي حابة تهاجر بس أنا بحكيلكم أشياء لربما ما كنتم حاسبين حسابها وأشياء أخ أحمد حكاها الكم أنا لو كنت عارفها قبل ما أسافر ولو كنت حاسس فيها بنسبة واحد في المية كان عمري ما وصلت على السويد ، وأكتر شي مدايقني بقصة السويد قصة الضمان الاجتماعي أنا ماني معترض عليها لإني أنا عايش عليها كمان بس المشكلة أنو الضمان الاجتماعي ممكن يستمر العمر كلو والانسان يكون لساتو شاب ويكون عايش عالضمان الاجتماعي والله حرام لانو فيها قتل للروح يعني هدا بيسبب الاتكالية عند الانسان ، وأنا بعرف ناس الهم 15 سنة عايشين على قصة الضمان الاجتماعي وما بيشتغلو وأولادهم قاعدة بتضيع منهم وهما مبسوطين وبيتفرجوا عليهم وبيبتسموا ليهم والمشكلة الأكبر إنهم مسلمين ، فأنا مش معترض مو لإني عالضمان الاجتماعي لا أنا بأيدها في حالة وحدة إنو الضمان الاجتماعي يكون بمثابة يد مساعدة ولفترة محددة سنتين بالكتير منشان تخلي الشخص ينهض على رجليه ويعتمد على نفسه بس الي شايفو إنو في ناس لليوم نايمة وراح تفضل نايمة وعمرها ماراح تصحى ، فأنا بس القصة إنو الضمان الاجتماعي يكون لفترة محددة فقط ويكون عليها قوانين صارمة ويكون فيها مراقبة ولو تطلب الأمر مراقبة الناس في سبيل إنهم يلغوا قصة مثل هيك ، وأنا متأكد إنو الحكومة السويدية مش نايمة على ودانها وبتعرف مين محتاج ومين مش محتاج من الناس الي ماخدين ضمانة اجتماعية بس لولا انو استفادتهم أكتر من الاضرار بيهم كان هلاء القوانين انقلبت وتغيرت وهوا هدا أكتر شي كرهتو في السويد قصة انك تفضل عايش على الضمان الاجتماعي لمدة تزيد عن السنتين بجد مو حلوة في حقنا نحنا العرب انو نكون شباب طوال وضخام وعايشين على المساعدات الاجتماعية ، ومشكور اخي أحمد وأرجو الرد على الردود بتعتي



والسلام عليكم ورحمة الله وبركاته

أحمد الشفتري
03-03-2008, 11:42 PM
ما يأمر عليك ظالم يا خوي م ليبيا والله الا زايدة معاك
لكن اللي ما قدرتش نفهمه كيف تنفتح عندكم المشاركة هاذي وعندي اني لا والله حاجة تخوخم؟؟؟؟؟؟
على العموم بارك الله فيك ورحم الله والديك يا خوي م ليبيا والمشاركة باين علاها طويلة خلي بنقراها براحتي قبل لا نرد
السلام عليكم

أحمد الشفتري
04-03-2008, 08:27 PM
السلام عليكم اخي sweden lolo
اشكرك جدا جدا على كلامك.
اؤكد لك اني حاسس جدا بالكلام اللي حكيت عليه لاني عايش نفس الواقع..وخليك متأكد ان كل الاشخاص اللي جاءو الى السويد كانو يحملو صورة مختلفة تماما عن طبيعة الحياة في السويد.
ولكن مادام الفاس وقع في الراس وانت الآن موجود في السويد وخلاص.. وبما ان دخول السويد مش زي الطلوع منها، واحسن تشبيه عندي للسويد هوا الفازّو (البرطمان) اللي كنا نستعملو فيه لشد الحوت (صيد الاسماك الصغيرة) لما كنا صغار..... الحوتة (السمكة) تشوف الخبزة اللي في قعر الفازّو وما تشوفش الفازّو نفسه ولما تخش (انديترو) ما فيش يعني حصلت (ان شاء الله تكون فهمت التشبيه وتكونو تستعملو في نفس الطريقة) فحاول تستثمر وجودك في السويد قدر الامكان وبالنسبة ليك عندك ميزيتين ما تخليهمش يضيعو منك:
الاولى سنّك الصغير طالما عمرك 19 سنة والثانية مجانية التعليم في السويد يعني عندك رأسمال كبير استغله وما تخليشي يفوتك زي ما فات غالبية المهاجرين في السويد.
حاول تشّد نفسك في اللغة وتكمل دراستك حتى لو اضطر الامر انك تعاود الثانوي... ما فيش اي مشكلة 3 سنوات ثانوي مع 3 سنوات جامعة يعني وانت عمرك 25 سنة حيكون عندك شهادة محترمة حتفيدك في اي مكان في العالم ووقتها مغادرة السويد حتكون ساهلة باذن الله.
بالنسبة لطلبك باستعمال الفصحى والله انا حنحاول اني ما نغرقش في استعمال العامية..لكن الفصحى ولو ان لغتي العربية ليست رديئة ولكن استعمالها يعطي الموضوع نوع من الرسمية وانا عندي رغبة يكون الموضوع هدرزة (دردشة) عادية جدا وكأني مقعمز (جالس) في مربوعة (غرفة ضيوف) ، ولو تلاحظ ان مشاركة حضرة كانت بالعامية ايضا!!!!
عجبتني جدا تسمية (ابو السوس) اول مرة نسعمها وضحكت علاها هلبة (كتير).
في حاجة قلتها ما خشتش راسي وهيا حكاية انّ ما عندكش شيء تاكله؟
اعتقد ان المبلغ اللي تعطي فيه دائرة الهجرة اكثر من كافي للاكل والشرب ولا اعتقد انك من رواد (سيستيم بولوقيت) ربي يعافي الجميع..فانا مستغرب من كلامك ان الثلاجة فاضية؟؟؟؟؟ وان ما عندكش لقمة في البيت؟؟؟
بالنسبة لموضوع الصداقات وازدواجية المعايير عند العرب في التعامل هاذي حقيقة واقعة ولا ينكرها احد وحاول تتعود علاها، لانك كل ما فكرت فيها اكثر حتّعبك اكثر.
مش عارف هل علّقت على كل كلامك او لا؟ولكن خلّيك معانا وان شاء الله شوية من عندك وشوية من عندي الصورة حتكون اكثر وضوحا؟
في امان الله وربي يوفق الجميع ويخفف عليهم غربتهم

أحمد الشفتري
05-03-2008, 06:59 PM
السلام عليكم ورحمةالله
طبعا الجميع يسمع بحرية المرأة في السويد لكن توصل بيهم المواصيل الى الدرجة هاذي...اما فعلا سمع بالحامض دار ما يقطع المصران...شوفو الخبر هذا:
الجيش "يخصي" أسده
وافقت القوات المسلحة السويدية على إزالة عضو الذكورة من صورة الأسد في شعار قوات "مجموعة القتال الشمالية"، في استجابة لاعتراضات الجنديات في صفوفها على ما يمثله الشعار من تمييز ضد المرأة.
وكانت عضوات من المجموعة قد تقدمن بشكوى لدى محكمة العدل الأوربية بهذا الشأن.
وتقول صحيفة يوتيبوري-بوستن أن العضو المذكور قد تمت إزالته من كافة الشعارات والأعلام المتعلقة بالقوات المذكورة.


نسمع بمصطلح الستيرسو عاليمين في ليبيا...امالا هذا شن بتسموه

ساره مجدي
05-03-2008, 11:01 PM
السلام عليكم ورحمة الله مشكور أخي على الموضوع و سغة صدرك .. أن شاء الله كمان أخي رح يدرس بالسويد .. الله المستعان .. ربي يوفق الجميع .. يمكن أحتاج أسأل .. ربي يوفقكم جميعا
أخيتكم .. ساره مجدي

mkurdi86
05-03-2008, 11:12 PM
السلام عليكم
كيفك اخ احمد صراحة جوابك جميل جدا
اخي انا صار عندي كم هائل من المعلومات عن الدراسة في السويد نتيجة البحث المتواصل عن كل معلومة تخص السويد
ولكن في اشياء مالي متأكد منها وحابب اتاكد منها, وهي امور لاينفع ان اسئلك او اضعها في المنتدى حتى يبقى هذا المنتدى الجميل بعيد عن الاشياء التفصيلية التي قد يجد القارئ بها الملل ولاسباب اخرى شخصية
لذلك اطلب منك من بعد اذنك انو ضيف ايميلي عندك على الماسنجر حتى نحكي شوي
على فكرة انا لا احتاج سوى تلت ساعة فقط من وقتك, وانا اثق بكلامك جدا
وهذا ايميلي : انتظرك
mkurdi86@yahoo.co

محمد
سوريا -حلب

dr fajer
05-03-2008, 11:23 PM
السلام عليكم ور حمة الله و بركاته


كيف حالك أخى أحمد, من فترة كان فى برنامج فى قناة الرسالة يقدم فيه د طارق سويدان

يناقش فى موضوع أمكانية أقامة دولة أسلامية و شروطها وتم الحديث عن العدل كأساس

لأى دولة و جيت سيرة السويد كمثال الدولة العادلة و أنها تمتلك شروط الدولة {يعنى ينقصها ألأسلام لتكون دولة مثالية}

وجأ دكر قول تقريباً لأبن تيمية {أن الله ينصرالدولة العادلة و ان كانت كافرة و لاينصر الدولة الظالمة و
ان كانت مؤمنة}



فمارأيك, طبعأً قولت لازم نشوفوا رأى أحمد .


وتقبل مرورى , :):)


ممكن منشوفش ردك لأنى قد أغيب مدة



فى أمان الله

أحمد الشفتري
05-03-2008, 11:41 PM
وعليكم السلام ورحمة الله اختي ساره مجدي
شكرا جزيلا على كلامك وتفضلي اي سؤال بامكاني الاجابة عنه انا حاضر
سعيد جدا ان اول مشاركة ليك في المنتدى تكون هنا

أحمد الشفتري
05-03-2008, 11:45 PM
وعليكم السلام اخي محمد
الحمد لله انه عندك الان حصيلة جيدة من المعلومات ..على الاقل الواحد يكون فاهم الامور اللي ممكن يلقاها قدامه.
بالنسبةلموضوع الايميل اني يشرفني ان اسمك يكون عندي في القائمة لكن ما تنساش ان الاسئلة التفصيلية اللي حضرتك قلت علاها تهم اي شخص حيجي الى السويد ومش حتكون مملة لاي شخص يهمه الموضوع فلذلك خلي الاسئلة عالمنتدى احسن على شان تكون الفايدة للجميع
هذا رايي والله اعلم

أحمد الشفتري
05-03-2008, 11:52 PM
وعليكم السلام ورحمة الله اختي د فجر
والله الحمد لله اموري طيبة وشكرا جزيلا لسؤالك
بالنسبة للموضوع اللي حضرتك قلتي عيله الصراحة انه اكبر من حجمي وما نعتبرش في نفسي مؤهل اني نخوض فيه..لكن بنقوللك حاجتين
الاولى: مقالة شيخ الاسلام الشهيرة (ان الله يقيم الدولة العادلة) هاذي كل يوم على لساني وكل اللي يعرفوني حفظوها من كثر ما نكرر فاها كل ما نشوف او نسمع موقف مرتبط بيها
والثانية ان السويد دولة المساواة وليست دولة العدل واعتقد ان الفرق كبير جدا لان الاسلام دين العدل وليس دين المساواة ...لان المساواة بين بعض الاشياء غير المتساوية هو ظلم صريح ولكن العدل ان ياخذ كل واحدحقه فقط
ان شاء الفكرة اللي في راسي قدرت نوصلها
تغيبي وترجعي بالسلامة ان شاء الله ....طلّتك عالموضوع ضرورية جدا
لما نكتب في المشاركة اعتقد انك (اون لاين) فممكن تقري الكلام هذا من توا
في امان الله والسلام عليكم

أبوذرالليبي
06-03-2008, 12:02 AM
اهلا بعودتك اخي احمد....

وشكلي منزور السويد علي خاطرك اني....

استمر اخي...فنحن نتابعك...قلبا وقالبا

dr fajer
06-03-2008, 12:08 AM
وصلت الفكرة وهذا ماقصدت توضيحه

(والثانية ان السويد دولة المساواة وليست دولة العدل واعتقد ان الفرق كبير جدا لان الاسلام دين العدل وليس دين المساواة ...لان المساواة بين بعض الاشياء غير المتساوية هو ظلم صريح ولكن العدل ان ياخذ كل واحدحقه فقط )


تحياتى

أحمد الشفتري
06-03-2008, 12:09 AM
بارك الله فيك اخي ابوذر
شكرا جزيلا على متابعتك للموضوع
لكن غريبة المفروض يكون العكس يعني لو كنت تفكر تزور السويد من قبل المفروض توا تغيير رايك بعد تقرا الكلام هذا... وبما اني نحس انك من معجبي السويدفخوذ المعلومة هاذي:
تحصلت عاصمة السويد استوكهولم على لقب احسن مدينة في العالم للعام الماضي 2007 من حيث ظروف المعيشة يعني المساحات الخضراء،البيئة،اسلوب التخلص من النفايات....الخ
اضني عجباتك المعلومة هاذي
زيد خوذ وحدة تانية
احتلت السويد المرتبة الثانية في العالم في عام 2007 في نسبة الانفاق على البحث العلمي مقارنة بالدخل القومي للدولة
المشكلة لو تعرف من الترتيب الاول...؟؟
اسرائيل ......(مع تحفظي التام على الاسم)
شكرا مرة تانية على اهتمامك
ليلتك سعيدة وفي امان الله

أحمد الشفتري
06-03-2008, 12:13 AM
عمتي مساء د فجر
يعني قصدك انك تحملي نفس الفكرة اللي انا قلت علاها والا كيف؟
خللي بنلحق عليك قبل لا تطلعي الله اعلم امتى بتولي

dr fajer
06-03-2008, 12:17 AM
اكيد , زى فكرة المساواة بين الرجل و المرأة اللى عندنا هنى وعندكم غادى بشكل غريب و منحرف

يعنى لو العدل بين الرجل والمراءة ,يكون أفضل كل واحد يعرف اللى ليه وأللى عليه .

أحمد الشفتري
06-03-2008, 12:20 AM
والله تعجبيني يا بنت بلادي
ليبية حقانية بالصح
زادك الله حرصا وبارك فيك

dr fajer
06-03-2008, 12:24 AM
فى امان الله شوية و النت بيتسكر عندى

لما نعبى اكيد بنرجع

يوم ثانى ان شاء الله

أبوذرالليبي
06-03-2008, 12:24 AM
بارك الله فيك اخي ابوذر
شكرا جزيلا على متابعتك للموضوع
لكن غريبة المفروض يكون العكس يعني لو كنت تفكر تزور السويد من قبل المفروض توا تغيير رايك بعد تقرا الكلام هذا... وبما اني نحس انك من معجبي السويدفخوذ المعلومة هاذي:
تحصلت عاصمة السويد استوكهولم على لقب احسن مدينة في العالم للعام الماضي 2007 من حيث ظروف المعيشة يعني المساحات الخضراء،البيئة،اسلوب التخلص من النفايات....الخ
اضني عجباتك المعلومة هاذي
زيد خوذ وحدة تانية
احتلت السويد المرتبة الثانية في العالم في عام 2007 في نسبة الانفاق على البحث العلمي مقارنة بالدخل القومي للدولة
المشكلة لو تعرف من الترتيب الاول...؟؟
اسرائيل ......(مع تحفظي التام على الاسم)
شكرا مرة تانية على اهتمامك
ليلتك سعيدة وفي امان الله

وفيك بارك الله..

لالا اني منزورها ..كسياحة بس...وزي ماقلت تراتيبها الاولى في جو المساحات الخضراء و..و..و...وبالك نشوفو الناس الطيبة اللي زيك :good:

وليلتك سعيدة...

لاني نعسان هلبة..الشروبو متاع night nurse خدرني..وخلاص منمشي فيها نوم...


لي عودة لمتابعة جديدك هنا ان شاء الله تعالى....

السلام عليكم....

mkurdi86
06-03-2008, 07:19 PM
شكرا على الرد
صراحة الكلام هذا حلو مشكور
السويد دولة المساواة وليست دولة العدل واعتقد ان الفرق كبير جدا لان الاسلام دين العدل وليس دين المساواة ...لان المساواة بين بعض الاشياء غير المتساوية هو ظلم صريح ولكن العدل ان ياخذ كل واحدحقه

"قلت حضرتك سابقا لواحد
الخلاصة اذا كان الهدف من جيانك للسويد الدراسة وبس، وحصلت قبول، ووضعك المالي يسمح، توكل على الله وتعالى مش حتندم
انا هدفي الدراسة فعلا وبعدين اركب باول طيارة راجعة لبلدي , بس الوضع المالي ليس جيد جدا يعني انا بصراحة بدي ادرس واشتغل مشان اطلع مصروف الدراسة فقط ,ولكن اخر سمعة سمعتا انو لايحق للشخص الي عنده فيزة طالب في السويد انو يعمل من الناحية القانونية صحيح ؟ فرضا لو كان صح من خلال العمل بالاسود ممكن الواحد يطلع مصروفه فقط؟
ايضا ممكن توضيح (الوضع المالي يسمح)يعني سنة الماستر الواحدة كم تكلف مع جميع المصاريف تقريبا؟

اخي نتيجة لكثر المعلومات الي عندي والمتناقضة احيانا لم اعد اعرف حقيقة الامور
فانا اتكلم مع شخصين مميزين جدا الاول ذهب زيارة الى السويد وشاف اصدقائه في الجامعة وتعرف على نظام التعليم والثاني عنده جنسية سويدية اخذها من سنتين ,المهم شوف المعلومات المتنافضة هذي طبعا هدول الإثنين لايستهان ابدا بمعرفتهم بالسويد بس مابعرف شو عم يصير

الاول قالي
بالنسبه للدراسه في السويد فهي مجانيه إذا انت قدمت طلب من المواقع التابعه للجمعيات السويديه اللي بتدرسك الماجستير والدكتوراه المجانيه بالطبع الدراسه ستكون مجانيه,(يمكن قصدو جمعية سيدا)

أما إذا انت بدك تدرس على نفقتك الخاصه بالطبع راح تكون غاليه جدا ..
فرق بين انك تدرس على حسابهم هو انهم بدرسوك الماجستير أو الدكتوراه أو الإثنين مع بعض حسب رغبتك .ولكن الفرق هو اذا انت بدك تدرس على حسابهم الخاص المطلوب منك بعد الدراسه هو ان تنشر ثقافتهم الى أكبر قدر ممكن مثل "اللغه السويديه والتاريخ السويدي الخ

انت تحتاج شهري 1000 دولار من مأكل وملبس وسكن ومواصلات
طبعا انت تستطيع تطلع مصروفك من خلال العمل كطالب هناك بالشهر انت تستطيع ان تعمل ب 2500 دولار تقريبا, حوالي 10 دولار بالساعه والعمل متوفر

اذا بتعرف شخص بالسويد معاه جنسية ممكن يشغلك ويعملك عقد عمل ويثبتك بالبلد وعندها انت بتصير معك إقامه دائمه وليس شرط ان يكون قريب من الدرجة الاولى

لا يوجد اعانة مادية2500 كرون بالشهر, وانما التعليم المجاني فقط

**شهادة مستوى اللغة (توفل او ايلتس)ضرورية عند التسجيل - اي لايكفي فحص الاختبار عند الدخول بالجامعة وانما يجب شهادة لغة تطلب عند التسجيل

والثاني قال
ليس كل شخص موجود على ارض دولة السويد له حق الدراسة بالمجان
الشخص الذي له حق الدراسة بالمجان هو الشخص الذي يحمل جنسية سويدية او لديه اقامة قانونية وشرعية بدولة السويد وهناك مميزات اخرى للدراسة بالسويد مثل دعم مالي قدره 2500 كورونا وتعتبر مصروفات دراسة يحصل عليها الطالب طوال مدة دراسته ولا يقوم بردها سواء اكمل دراسته او لم يكملها
ولكن للاسف لا يستفيد من تلك المزايا الا الشخص المقيم اقامة فعلية وقانونية بدولة السويد
بمعنى ان الشخص الذي يستفيد من الدراسة المجانية هو الشخص المقيم بالفعل بالسويد وليس مقيما بغرض الدراسة او بغرض العمل
صاحب تأشيرة الدراسة بالسويد يتحمل مصروفات دراسته واقامته ولا يحصل على اية اعانة مادية

ولا يمكن باي حال من الاحوال بعد انتهاء مدة الدراسة ان يتم تحويل اقامة الدراسة الى اقامة عمل او اقامة دائمة حتى ولو قام الطالب بالزواج هناك خلال مدة دراسته . فعليه ان يعود الى بلده ويتم استيفاء اجراءات الزواج والاقامة من بلده ويستغرق الموضوع من ستة اشهر الى سنة كاملة

لا يسمح للطالب خلال مدة دراسته بالسويد بالعمل من الناحية القانونية ولا لن يقبل اي صاحب عمل سويدي بتشغيل اي طالب او اي شخص ليس لديه اقامة قانونية

**لا يتم الاعتراف باية شهادات يقدمها الطالب تفيد بمستواه في اللغة الانجليزية او السويدية او اللغة التي يرغب في الدراسة بها وانما يتحدد مستواه بناء على امتحان
تقوم بهالجامعة يتم تحديد مستواه وقدرته على الدراسة بتلك اللغة
ولكن بالطبع يتم الاعتراف بالشهادات الجامعية والدراسية الحاصل عليها الطالب من بلده بعد ترجمتها وتوثيقها .

شروط الحصول على تأشيرة دراسة
تتوقف على نوعية الدراسة والناحية المادية للطالب فيجب ان تكون المادة الدراسية التي يرغب الطالب في دراستها متوافرة بالجامعات السويدية ثم على الطالب ان يختار جامعة معينة بالسويد للدراسة بها ويقوم بمخاطبتها بالايميل ثم يقوم بتحويل مصروفات الدراسة الى الجامعة التي تقوم بدورها بارسال فاكس الى القنصلية السويدية ببلد الطالب والذي يتقدم بدوره بكشف حساب بنكي يفيد بقدرته المادية على تغطية نفقات اقامته طوال فترة دراسته هناك .


فاخي الكريم احمد انا اريد اعرف ما هو الصحيح بما أنك انت طالب عم تدرس في الجامعة فانت اكتر شخص بتعرف بهل الامور
ياريت تفيدني وتقلي ماهو الصح وماهو الخطا حول
مجانية التعليم ؟-اللغة وشهادة اللغة المطلوبة؟- العمل(اسود -ابيض)؟-اجمالي المصروف الشهري تقريبا؟-التسهيلات اللي بيقدمها شخص معاه جنسية للطالب؟

فانا بالمختصر شاب اريد دراسة الماستر والدكتوراة في دولة استطيع العمل والدراسة فيها والا أعتمد على اهلي ابدا بالمصاريف فهل هذا ممكن ام شي خيالي؟
على حد علمي هذا ممكن بالسويد


انا هي المعلومات اللي عندي ارجو التصحيح والاكمال
مع كامل الشكر والتقدير
محمد -سوريا

أحمد الشفتري
07-03-2008, 11:31 AM
السلام عليكم اخي محمد من سوريا
واضح جدا انك لم تتطلع على المواقع التي ارسلتها لك لان الاجابة عن ثلثي اسئلتك موجودة في مواقع رسمية تابعة للحكومة السويدية وجامعاتها (كل الجامعات السويدية حكومية) .ومحتواها يغنيك عن اي مساعدة من اي شخص.
خوذ وقتك في الاطلاع على محتويات الموقع وبعدين ان شاء الله لينا لقاء
في امان الله

ساره مجدي
08-03-2008, 12:39 AM
السلام عليكم ورحمة الله
ربي يجازيك خير على المعلومات الطيبه .. الي أكيد بتاخد من وقتك ومن مجهودك
موفق أخي لكل خير .. أسألك أخي الدعاء
أخيتك .. ساره مجدي

أحمد الشفتري
08-03-2008, 10:45 AM
وعليكم السلام ورحمة الله اختي سارة
بارك الله فيك ومشكورة جدا على كلامك... واسأل الله ان يوفقنا جميعا.
في امان الله

ساره مجدي
08-03-2008, 10:38 PM
السلام عليكم ورحمة الله
آمين آمين و اياكم و كل موحد .. متابعه أخي موضوعك .. ياريت أنا الي رايحه للسويد .. كتير استفدت .. تسلم أخي.
للأسف أخي مجدي ما بيفوت اكتير ع النت .. انا بس الي بنقلو المعلومات .. أخي ممكن أطلب منك طلب انك تتواصل مع أخي عن طريق الماسنجر .. أكون أخي شاكره جداااا لك.
بعد موافقتك ياريت تضيفو على ها الايمايل و تتواصل معه متى استطعت !!
subhana.allah@hotmail.com

أخيتك .. ساره مجدي

أحمد الشفتري
11-03-2008, 11:54 PM
السلام عليكم

((((( الأشياء ليست دائما كما تبدو عليه)))))
قداش تأكدت من المقولة هاذي لما جيت الى اوروبا....في الصور ولا أروع لكن بدون طعم...اللي ذكرني بالكلام هذا شيء حصل معاي الليلةوانا ندير في العشاء...كيف؟
اليوم قررت بندير مكرونة رغم اني ما نحبهاش هلبة لكن قلت آهو وجبة سريعة..بعد ما كملتها عجبني شكلها فصورتها..قبل لا نا كل طبعا....ولما ذقتها...نهار احرف وخلاص قعدت من غير عشاء..مش عارف بنة اول مرة نذوقها في حياتي..باختصار حاجة تدّره الكبد.
حنوريكم الصورة وحتشوفو بارواحكم التناقض بين شكل المكرونة في الصورة اللي ممكن تشوفوه والطعم اللي ياريت في امكاني نخليكم تتاكدو منه بارواحكم ولو اني ما ننصح حد يذوقها لانه حيكره المكرونة الصالصة طول عمره!!
بالله شوفو وقولو شن رايكم....اليست الصورة خدّاعة؟؟؟؟
الامر يكاد ينطبق على السويد...وكذلك على اشياء كثيرة تانية

mkurdi86
12-03-2008, 01:45 AM
والله انا شبعان كتير الحمد لله بس مابعرف شو صارلي وقت اللي شفت هل المعكرونة حسيت حالي جوعان
شكلها بياخد العقل!
حبيت سلم على كل الاعضاء , والله يكتركم على قولة الاخ أحمد (على فكرة عم ابحث كتير)

أحمد الشفتري
12-03-2008, 10:58 AM
وعليكم السلام ورحمة الله اخونا محمد
ربي يسهلك بحثك وان شاء الله توصل لمبتغاك باسرع وقت ممكن
وبالنسبة للمكرونة ..شكلها صح ياخذ العقل لكن الطعم....اسألني اني...لذيذة لدرجةاني تعشيت طن (تن) وسلاطة!!!ويا خسارة المكونات اللي حطيتها في المكرونة.. لا وفوق من هكي حاط فاها 3 او 4 انواع من التوابل ومدردر فوقها شوية حرارات!!!،لكن ما ينفع في البايد ترقيع
والجوع اللي صارلك لما شفت الصورة هوا نفس الشعور اللي يصير لما الواحد يشوف صور اوروبا من بعيد ولما يوصل هنا ياكله كف متاع تملعيق سقف (اصعب نوع من الكفوف)
الله غالب هذا حال العزّابة
في امان الله

ساره مجدي
12-03-2008, 03:46 PM
كيفك أخي و كيف الاخوه والاخوات ؟؟ إن شاء الله طيبين و بأحسن حال
أخي أحمد كل الي بتحكيه صح .. و ما حدا بيحب يتغرب عن أهلو وبلدو .. بس بيقولو شو الي رماك على المر غير الي أمر منو .. وكل بيعرف الوضع بفلسطين السليبه .. الله كريم و ولا حول ولا قوة الا بالله
اخي ما عبرتنا أنا والاخ محمد من سوريا .. بكرر طلبي مشان تضيفنا عندك .. بعد موافقتك طبعا !! ان شاء الله ما رح نتقل عليك .. ضيفنا وبعدها اعمل علينا بلوك و دليت اذا تقلنا عليك :o
الله يجازيك عنا كل خير .. في رعاية الله
ساره مجدي

dr fajer
14-03-2008, 10:03 PM
السلام عليكم و رحمة الله

معطلتيش هلبة, لكن فاتتنى المكرونة{ شكلها ناقصة طياب هلبه و بعدين البينة حاشة النعمة مش فى اى اكلة تطلع حلوة }



وتحياتى


وعدت للمتابعة

mkurdi86
14-03-2008, 11:29 PM
السلام عليكم ورحمة الاه وبركاته

مشكورة اختي سارة و الله بنصركم وانشالله الاخ احمد ر ح يوافق لاني اول شي الوقت عم يمضي بسرعة ولايمكن التواصل بالمنتدى بهذا الشكل البطيئ جدا ونحن على عجلة تاني شي لاني فعلا بكل بساطة ممكن يعملنا ديليت وقت اللي منتقل عليه ونحن انشاله مارح نتقل بس بحاجة لتاكيد معلومات

وشكرا
محمد من سوريا

أحمد الشفتري
15-03-2008, 03:56 PM
وعليكم السلام ورحمة الله د.فجر
عودا حميدا ان شاء الله وما فاتك كان السو
واضح ان عندك نظر ثاقب (ماشاء الله) وعرفتي ان بنة المكرونة حاشا النعمة وخلاص، لكن بالنسبة للطّياب هيا طايبة كويس لكن بنة الصالصة هيا اللي خرّبت البيعة

بالنسبة لطلبات الاخوة باني نضيف اسماءهم عندي عالايميل... الحقيقة ان الطلب سبّبلي احراج والباين ان موضوع الهجرة الى السويد بدا ياخذ منحى تاني عكس القصد منه تماما..اعتقد ان قصدي واضح جدا

ان لاارى اي داعي للاسئلة الخاصة لان الانترنت هيا( الهايد بارك) للكل.. واللي عنده سؤال يطرحه عالمنتدى على شان تعم الفايدة واللي عنده معلومة يساهم بيها وبالنسبة ليا شخصيا ما عندي ما ندّس اللي نعرفه حنقوله باذن الله وبكل شفافية
الاخ محمد خايف من ضيق الوقت...اذا كان همّك هوا الدراسة في السويد فوسع بالك ما بينك وبين موعد تقديم الطلبات حوالي ثمانية اشهر يعني الوقت اكثر من كافي واذا كان الغرض هجرة او شيء تاني فالموضوع يختلف بالتاكيد لكن انت اسالتك كلها تتعلق بالدراسة حسب ما فهمت منك.
اعتـــــــــــــــــــــــــــــــــــــــــــــــــــــــذر وبكل شدة عن اضافة اي اسم عندي عالايميل لاني لا ارى اي سبب لذلك
في امان الله جميعا

ساره مجدي
15-03-2008, 04:36 PM
السلام عليكم ورحمة الله جميعا
ربي يجازيك كل خير أخي .. لا داعي للاعتذار .. ان شاء الله اذا بدي اسال بدل اخي رح احطها هون على المنتدى
موفقين جميعا .. في رعاية الله

mkurdi86
15-03-2008, 06:46 PM
السلام عليكم ورحمة الله
اخي احمد ارجو ان تقبل اعتذارنا لاننا سببنا الاحراج لك ولكن عندي اقتراح ليش ما حضرتك بتعمل موضوع خاص عن الدراسة في السويد وانا متاكد انه سينجح مثل موضوع الهجرة الى السويد
وانا معك في موضوع طرح الاسئلة على المنتدى بس انشاله حضرتك ما تدايق

اخي الكريم انا فعلا جاي عشان الدراسة فقط بعدين اركب اول طيارة راجعة لبلدي
سؤالي
بعد البحث تاكدت انه مسموح العمل في السويد بمجرد ما تحصل على القبول من الجامعة وتسافر
طيب تقريبا كم استطيع تحصيل فلوس من خلال العمل بشكل جزئي تقريبا طبعا أقصد في الاعمال التي لاتتطلب لغة البلد ذي (في المطعم مثلا)هذا ما لم أعرفه ولم أجده ارجو ان تفيدني ؟
علما ان المصاريف الشهرية الاجمالية المتوقعة 800 يورو
اخي ارجو ان تفهم اني اريد احصل فلوس من أجل فقط مصروف الدراسة فقط لاغير هل هذا ممكن أم لا؟

أحمد الشفتري
15-03-2008, 08:37 PM
السلام عليكم ورحمة الله
الاخوة محمد وسارة شكرا جزيلا لقبول اعتذاري وهو عند كرام الناس مقبول
طبعا الامور التي يهتم بها الشخص الباحث عن الدراسةتختلف كثيرا عن الامور التي تهم الشخص الذي يريد الهجرة او على الاقل الاقامة لفترة طويلة نسبيا...وفي السويد مثلا اجراءات الدراسة تختلف كثيرا عن الهجرة. ولهذا السبب فقط سالتك عن سبب رغبتك في المجيء الى السويد.
الحمد لله اخونامحمد انك تاكدت بنفسك من ان الطالب في السويد يمكنه الحصول على تصريح عمل وان كان العمل صعب شوية (في الحقيقة انه صعب هلبة)
بالنسبةللقبول في الجامعة لازم تهتم بادق التفاصيل المذكورة في متطلبات القبول مثلا ارسال شهادة التخرج وكشف الدرجات في ظرف مغلق ورسمي (يحمل شعار الجامعة وختمها) ويرسل مباشرة من الجامعة الى السويد ...وارفاق شهادة مستوى اللغة الانجليزية وحسب علمي ان الدراسة في سوريا ليست بالانجليزية فلذلك حاول تجهز نفسك للتوفل او الأيلتس من الان..لانك بدونه مش حتصل قبول في الجامعة.
بالنسبة للمصاريف..رغم ان السويد غالية نسبيا لكن الطالب عنده امتيازات اضافة الى ان عمرك اقل من 26 وهذا يعطيك ميزة تانية...يعني السكن المشترك يبدا من 1200 كرونة والسكن الطلابي يتضمن الكهرباء والانترنت (برود باند) والاكل والشرب يختلف ولكن 1500 كرونة كافية جدا للاكل والشرب....(1 دولار يعادل تقريبا 6 كرونات سويدية)
العمل في النظافة هو الشغل الوحيد اللي ممكن تحصله...ولو اشتغلت في نظافة مطعم مثلا في الليل حوالي 3 ساعات او 4 حيكون مرتبك تقريبا 5 الاف كرون وهذا يغطيلك كل مصاريفك وزيادة...وممكن تاخذ ملابس في مواسم التخفيضات...رغم ان الملابس في السويد غاااااااااااااااااااالية جدا.
مازال عندي ما نحكيليك لكن الليلة معزوم على عشاء مدندن (تعرف عزّابي واصحاب العائلات يسخفو عليا مرة مرة) واللي عازمني واحد ليبي وزوجته ابداااااااااااع في التطييب (تحضير الاكل) ان شاء الله ربي يرزقني بوحدة زيها .
نلتقي قريبا باذن الله

أحمد الشفتري
16-03-2008, 08:24 PM
السلام عليكم ورحمة الله
اول حاجة بنقوللكم على عزومة امبارح....ما شاء الله ما شاء الله ما شاء الله
المفاجأة كانت من ضمن العشاء (حساء بالقدّيد) و من ضمن المعزومين شباب من العراق واليمن ...طبعا قعدت ساعة نشرحلهم شن هوا القدّيد ومعاي شاب مغربي ساعدني شوية في الشرح, وما نحكيلكمش عالمسيّر الحار دار فيهم بحواسة.
العولمة خشت حتى في الاكل..يعني العزومة في حوش ليبي والمراة ليبية يعطاها الصحة لكن فيه أكلات دخيلة على المطبخ الليبي زي التبّولة مثلا، ما شاءالله مدايرتها تقول من بناويت الشام !!!!
والله ياجماعة لما الواحد يتبعد عن ليبيا يبدا يشوف في المراة الليبية زي الميّة الشوية وخاصة في مدينة زي اللي انا قاعد فاها عدد الليبين فاها ما يفوتش حارتين وفرد.
شوية ونحكيلكم على قرار من احلى القرارات اللي ممكن الواحد يسمعها في السويد.

dr fajer
16-03-2008, 08:32 PM
شنى هى حساء بالقديد معرفتاش حتى انى

أحمد الشفتري
16-03-2008, 08:33 PM
السلام عليكم


(يواجه مقترح لحزب الشعب انتقادات من جهات عدة. وكان رئيس الحزب يان بيوركلوند ووزيرة الإندماج نيامكو سابوني قدما مقترحا يعيق إعفاء الطلبة من حصص الرياضة والدين والتربية الجنسية.

يواجه مقترح لحزب الشعب انتقادات من جهات عدة. وكان رئيس الحزب يان بيوركلوند ووزيرة الإندماج نيامكو سابوني قدما مقترحا يعيق إعفاء الطلبة من حصص الرياضة والدين والتربية الجنسية.

المقترح يطالب الحكومة بنص قانون جديد يبطل قانون إعفاء الطلبة الذين ينتمون لديانة أو عقيدة تمنع الإختلاط. وفي حالة تبني الحكومة لمثل هذا القانون سيطالب حتى المتدينون المسلمون من المشاركة في حصص السباحة المختلطة و دروس الدين والرياضة. وتحدث يان بيوركلوند عن المقترح قائلاً:

ـ إن المقترح يشمل المشاركة في حصص السباحة والرياضة والتربية الجنسية. هذه الحصص هي إجبارية بدعم من قانون المدارس السويدية منهج التدريس يشمل كافة الطلبة ولا أرى السبب في أستثناء المهاجرين من القانون.

وقد واجه المقترح انتقادات ليس من قبل المعارضة ممثلة في الإشتراكي الديموقراطي الذي رأت ممثلته ماري غرانلوند بأن تطبيق مثل هذا القانون سيضع الطلبة في موقف محرج وصعب. بل واجه انتقادات من قبل المسيحي الديموقراطي وحزب الوسط حيث رأى كل من يوران هيغلوند رئيس الحزب المسيحي الديموقراطي وإولريكا كارلسون من حزب الوسط أنه من الأفضل للحكومة أن تناقش الأمر مع الأهل بدلأ من إجبارهم على الطاعة.
طبعا الخبرهذا منقول من راديو السويد الدولي وانتبهو للجملة الملونة بالون الحمر لانه في واحد مسكين صايرتله معاها قصة حنكاها باذن الله

أحمد الشفتري
16-03-2008, 08:34 PM
السلام عليكم
ما عرفتيش القدّيد والا ما عرفتيش الحساء يا دكتورة فجر؟؟؟

dr fajer
16-03-2008, 08:43 PM
أكيد معرفتش اى{ حساء} بالقديد

كان بنترجمها تولى طبيخة قديد و هادى حتى هى مفهمتهاش

أحمد الشفتري
16-03-2008, 08:52 PM
السلام عليكم د.فجر
والله اني مش قوي هلبة في المطبخ لكن توا نعطيك الطريقة:
بصلة حجم متوسط مقرضة طريفات صغار ..قرنين فلفل اخضر..فصين توم.......نبصر عليك ما عليش
لكن شن بنقولك الفرق بين الطبيخة والحسار ان الحساء خاثر (عاقد) لانه تفريبا يخثرو فيه بشوية دقيق لكن الطبيخة لا.
والحساء مرات بالخضرة ومرات بالفقاع او بالجمبري ...الخ المرة هاذي جي بالقديد كيف مش عارف
وعلى الوجه (بدل النعناع عالشربة) حاطة شوية زعتر وحبق يابس عاطي لمسة مش عاديةللموضوع ..ياريتني رفعت معاي الكاميرا ووريتكم الصور
والله هذا حد جهدي في الشرح عن امور المطبخ يا د.فجر ان شاء الله قدرت نوضحلك الموضوع...وكان ماهذا توا نديرلك كوناكت مع خبيرة الحساء (اذا كان ماعنداهاش مانع) وتفهمي منها احسن
في امان الله توا

dr fajer
16-03-2008, 08:56 PM
معليشى انى حبيت امازحك شوية فقط لاغير

وصحيت عالطريقة و فى امان الله

أحمد الشفتري
16-03-2008, 08:59 PM
يا عطيك الصحة واني من بكري داهش ونشرحلك....على العموم على الرحب والسعة في اي وقت

mkurdi86
19-03-2008, 12:38 AM
شكرا اخي احمد حقيقة مشكور جدا وانت كفيت ووفيت
ام بالنسبة للاكل انا بنصحك تساوي مسقعة البطاطا لانها اكلة طيبة وخفيفة ونضيفة
ومعروفة انو اكلة عذابية ولانو انا بحبا كتير

أحمد الشفتري
19-03-2008, 05:37 PM
السلام عليكم
العفو اخي mkurdi86 ..والله يفرّحني اني نقدر نقدم اي نوع من العون لاني انا اصلا محتاج الى المعونة والله لايزال في عون العبد ما دام العبد في عون اخيه.
بالنسبة لنصيحتك بخصوص المسقعة والله اني مانعرفش الطريقة، فياريت تسعفني بيها بس على شرط ما تكونش فاها تمرميد هلبة وغسل امّاعين لان موتي وجنوني في غسل لمّاعين(تنظيف الصحون)
وباش ما نتباعدوش من موضوع السويد وفي نفس الوقت نقعدو في موضوع الاكل فحنعطيك شوية احتياطات تفيدك في موضوع الاكل لما تجي الى السويد ان شاء الله
اول شيء حظك حلو مادامك تحب البطاطا لانها رخيصة جدا في السويد (مقارنة باسعار بقية الخضروات) وتعتبر الوجبة الرئيسية عند السويديين...اصلا السويد ما ينبتش فاها الا البطاطا والسفنّاري (الجزر) والباقي كله مستورد
الاكل في المطاعم يعتبر مغامرة كبيرة جدا من ناحيتين الاولى مالية وهيا ان الاكل في المطاعم غالي جدا..والثانية وهيا الاهم انه من النادر جدا تحصل اكل حلال..حتى الاصناف اللي الباين انها مضمونة في الواقع ما هياش مضمونة...مثلا البطاطا المقلية (الفرنش فرايز) في الماكدونالدز..ظاهر الامر انه ما فيهاش مشكلة ولكن جزء كبير من مطاعم الماكدونالدز في العالم تستعمل في دهن الخنزير مع زيت القلي لانه الشحم يخلي البطاطا تتقرمش اكثر... وبعدين تجي مشكلة تانية هيا الماكينة متاع (الدييب فراير) يحمرو فاها في حاجات تانية من غير البطاطا ..فطائر وفيليه دجاج ونقتس..الخ والزيت لما يتفلتر في نهاية اليوم يتخلط على بعضه..والباقي واضح.
جبنة فيلادلفيا فيه منها موديل مخلط مع دهن الخنزير...حلوى المارشمالو ...شكلاطة الهدايا كلها بالبراندي والشمبانيا...الخلاصة قبل لاتشري اي حاجةلازم تقراها مزبوط باش تتاكد..والا حتلقى روحك بكل بساطة متورط.
اني حبيت انبّهك عالامور هاذي لان غالبية الاشخاص اللي يسافرو اول مرة يغلطو غلطات من النوع هذا.
ربي يوفق الجميع..في امان الله

mkurdi86
20-03-2008, 11:10 PM
تحياتي للجميع
مازال عندي ما نحكيليك لكن الليلة معزوم على عشاء مدندن ,,,,, ايو اخي شو قصة العشا خلاك ماتكمل على كل حال صحتين ونحن اذان صاغية.

. هذه الحصص هي إجبارية بدعم من قانون المدارس السويدية, طبعا الخبرهذا منقول من راديو السويد الدولي وانتبهو للجملة الملونة بالون الحمر لانه في واحد مسكين صايرتله معاها قصة حنكاها باذن الله
شو قصتو هاد الزلمة انشالله خير

- اخي ان ادرس في جامعة خاصة تدرس اغلبية المواد بالغة الانكليزية هل اذا جبت خطاب من جامعتي يفيد بذلك يكون حل بديل لشهادة اللغة ام لا

وشكرا جدا
محمد من سوريا

أحمد الشفتري
23-03-2008, 11:01 AM
السلام عليكم
كيف احوالك اخي محمد من سوريا ...ان شاء الله الامور كلها تمام
بالنسبة لسؤالك عن موضوع شهادة اللغة...طالما انت تفكر انك تكمل دراستك فشهادة اللغة سواء كانت آيلتس او توفل حتكون من البديهيات المرفقة مع اوراقك... ونحب نطمنك ان الحصول على ستة نقاط (غالبا اقل نقاط تقبلها اغلب الجامعات) مش حاجة صعبة جدا وانت الوقت عندك قبل لا يبدا موعد تقديم الطلبات فلذلك جهز نفسك من الان..وعلى فكرة منتدى الهنسة حتلقى فيه حاجات هلبة تفيدك جدا في التحضير للامتحان حتلقاها في منتدى اللغات (كتب لتعليم اللغة الانجليزية والتحضير للامتحانات المشهورة زي التوفل)اغتنموقتك وابدا من الان والتوفيق من عند الله.
بالنسبة لقصة الراجل (الزلمة ) اللي سالت عنه والكلام للجميع:
فيه واحد مسلم (مش عربي) وراجل ملتزم ومحافظ على صلاته في المسجد...ما ليشي مدة طويلة في السويد وعنده ولد وبنت لما وصلت اعمارهم الى 3 سنوات طلبو منه انه يبعثهم الى الحضانة او الروضة فهوا طبعا بعثهم على اساس يلعبو ويتعلمو اللغة بالشوي....يوم من الايام لقي روحه فاضي فقال خلي نمشي نتفرج عالاولاد شن امدايريين في الروضة....ويا عيني عالتوقيت اللي مشي فيه ..وصل اخونا الى الروضة في وقت السباحة وشاف ولده وبنته ومعاهم بقية الاولاد والبنات حفاة عراة تماما مش من الفقر طبعا وانما من باب كسر الجواجز بين الجنسين وتعرف كلا الجنسين على الاخر عن قرب والغاء مصطلح (عورة) من افهامهم وفعلا هذا المفهوم الشائع هنا.
طبعا صاحبنا لما شاف الموقف صدم جدا واخذ ولده وبنته وطلع بيهم وسمع جماعة الروضة ما كتب الله من السب والشتم (بلغته طبعا).....بعدين فهموه ان هذا الشيء جزء من الدراسة في السويد تحب والا تكره. وانه شر لابد منه.
والله يا جماعة دايخ وزادوني دواخ الناس اللي نشوف فيهم قدامي تلقاه قديم في السويد ويحمل الجنسية السويدية من فترة وهوا مداوم على المسجد وفيه منهم ائمة وخطباء واولاده يبرطعو مع السويدين في المدارس ياكلو في اكلهم ويمارسو في النشاطات زي بعضهم بما فيها دروس التربية الجنسية (زعموا) والرياضة ومالّا رياضة....شن اللي مخليهم صابرين عالوضع مش عارف.
والله حال المسلمين هنا يسخف ويقهر ويبغدد ويركب المواجع ويدير سبعين الف علة
في امان الله

basem
23-03-2008, 11:46 AM
اخي الكريم انا اتعاطف مع مشاعرك النبيلة , وجزاك الله خيرا .

ساره مجدي
23-03-2008, 11:54 PM
السلام عليكم ورحمة الله
كيف الحال ؟ ان شاء الله طيبين و في أحسن حال
أخي ممكن اسالك عن رخصة السواقه .. لازم يعملها اخي international حتى يقدر يسوق بالسويد ولا يخليها مثل ما هي .. ياريت اخي ترد على في اقرب وقت .. لانو اخي رح يسافر بها اليومين .. و كمان ياريت لو تشرحلنا شوي عن الجو بالسويد و كيفو هلاء .. ربي يجازيك كل خير
أخيتكم .. ساره مجدي

أحمد الشفتري
24-03-2008, 12:47 AM
وعليكم السلام ورحمة الله اخت سارة
شكرا لسؤالك الحمد لله الامور بخير
بالنسبة للرخصة لو انها مكتوبة باحد اللغات التالية (الانجليزية،الالمانية،السويدية) فممكن جدا يستعملها في السويد واذا كانت بالعربي فلازم يعملها انترناشيونال.
بالنسبة للطقس الانترنت حلت كل هالمشاكل وبامكانك تشوفي الطقس في اي مكان من العالم وانت في مكانك وعموما شتاء السنة هاذي في السويد صنف انه الاكثر دفئا في تاريخ السويد من بدء التسجيل في الف وسبعمية وشوية..طبعا الطقس متلخبط في العالم كله زي ما حضرتك عارفه...رغم انه الايام هاذي انخفضت الحرارة شوية وسموه (وايت ايستر) لان التلج نزل مع احتفال النصاري بالفصح..الخلاصة ان السويد هي ثلاجة اوروبا فانصحي اخوك انه يحتاط شوية من البرد
ان شاء الله اخوك يوصل بالسلامة وسفر ميميون وعود حميد ان شاء الله (اذا كان يفكر في العودة طبعا)

ساره مجدي
24-03-2008, 03:28 PM
السلام عليكم ورحمة الله
ربي يجعلها في ميزان حسناتك .. كفيت و فيت والله .. تسلم أخي
أخيتكم .. ساره مجدي

أحمد الشفتري
24-03-2008, 06:11 PM
وعليكم السلام ورحمة الله اخت سارة وان شاء الله ربي يسمع منك
على العموم اليوم تفرجت على برنامج وصلة في قناة الجزيرة للاطفال لان ضيفة الحلقة كانت بنت من سوريا وعايشة في السويد.. يا سلام الصورة في البرنامج كيف كانت براقة الى ابعد ما يكون ويا ناري عالصغيويرة اللي في ليبيا وغيرها لما يتفرجو قداش يحسو بالحرمان لما يشوفو الاطفال في السويد كيف عايشين وكيف المدارس اللي يقرو فاها...تلقى ميزانية مدرسة ابتدائية هنا اقوى من ميزانية جامعة ناصر (مجرد مثال وما نبوش جماعة جامعة ناصر يزعلو) ..لكن المشكلة حجم الضريبة الهائل اللي يندفع مقابل الاشياء هاذي....والله الموضوع ما يستاهل ابدا....امّا فعلا واحد من مشاهير هوليوود (مع اني لا اري انهم يستاهلو ان الواحد يستدل بيهم ،لكن آهو باعتباره منهم وفيهم وعارف نوعية الناس اللي حايطين بيه شن يسوو ..قال (الاعلام يصنع منك رجلا!!).. يعني الاعلام يخلي الحاجة اللي ما تسواش تولي تسوى.
فعلا والله التلفزيون ممكن يطلعلك احقر حاجة في الواقع على انها من احسن ما يكون.
في امان الله

mkurdi86
25-03-2008, 09:43 PM
تحياتي للجميع
انشاله بيوصل اخوكي بالسلامة مع تمنياتنا بالنجاح والتوفيق
وعقبال عندنا

زوجة التسعيني
26-03-2008, 09:23 PM
يا ودي فك روحك .. وخليك في العظمى .. أريحلك واكرملك ..

السلام عليكم

والله لكلام مزبوط وممتاز العظمى ولا زيها ولا من خير منها
هذيك الزنقة وهذاك الشارع والجيران اللي تنشد عليك وتزن عليك
الله يارائحة بلادي
ينزل فيها الغلا كله

sweden lolo
28-03-2008, 03:17 AM
السلام عليكم أخي أحمد وإن شاء الله تكون بألف صحة وبألف خير وبجد بتشكرك كتير على هالموضوع الطيب وعلى هالمعلومات الحلوة الي دايما بتحكيلنا إياها ، بس حبيت أحكيلك شي إنو أنا لما قولت التلاجة فاضية ما كان قصدي أبدا إنو الفلوس الي بناخدها من ابو السوس مابتكفينا بالعكس فلوس ابو السوس بتكفي وممكن يزيد 200 او 300 كرون هدا طبعا لشخص ما بياكل عامل حمية غدائية ومشتري ملابس من بلادو ، أنا يا أخ أحمد وصلت السويد وكان معايا فلوس وكنت افكرهم حيكفوني تلات شهور بالقليل بس اتفاجأت بالحياة الغالية وبالأكل الغالي ، وقال ساندوتش الفلافل الي كان بينباع عندنا في وطني الحبيب فلسطين كان ينباع تقريبا بكرونة ونص وكان يشبع هلاء بالسويد صار سعرو 25 كرونة يعني تقريبا اربع دولارت طبعا هدا غير المشروب ، فأنا بصراحة ما كنت عامل حساب هاي الشغلة إنو الأكل غالي فكنت أطلع هنا وهنا وأنا لساتني شب اعزب ومو شاطر بالطبخ كتير والاخوة العرب إلي هنا ربنا يسامحهم ما حذروني من هيك شغلة وما نصحوني إني أستغني عن الاكل الجاهز وأتعلم الطبخ لانو اوفر ليا بكتير من الاكل الجاهز ، فيا أخ أحمد أنا صحيت في يوم من الايام بعد مرور تقريبا شهر ونص على وجودي بالسويد ما لقيت معاي فلوس غير تقريبا 100 كرونة ما بيكفو اكل لمدة يومين ، وكان لسا موعد راتب ابو السوس فاضلو اسبوعين فاضطريت انزل أدور على شغل وأنا بجد ما كزبت بكلمة انو التلاجة كانت فاضية بس هدا مو تقصير من السويديين لا هدا تقصير مني أنا لاني ما عملت حساب لحظة متل هاي ، والحمد لله عديت هاي الأزمة وعديت أزمة الفلوس ، وبالنسبة للأخوة العرب بجد بجد مشكورين كتير كتير لانو مافي واحد منهم اتطوع او حاول يساعدني ، ومشكورين على نخوتهم الي بجد أبهرتني وفاجأتني لإني ما توقعت إنو يكون عندهم نخوة بهالدرجة الكبيرة ، مع احترامي الك يا اخ احمد ، والحمد لله كانت فترة بحياتي عمري ما بنساها ، واتعلمت منها دروس كتير ، وعرفت فيها ناس كتير وعرفت معدنهم .

وسامحني اخي احمد لضيق وقتي فأنا أكتب كل ردودي في مشاركة واحدة ، وحابب احكيلك شي يا أخ أحمد بجد أنا هدا الشي بحسو كتير ، إنو السويد بدون المهاجرين عبارة عن مكان موحش وبجد انا بشوف كبار في السن كتير وبشوف بنات كتير كمان وفي بعض الاحيان بشوف شباب في سني بس على الاغلب الي بشوفهم بنات في متل سني ، يعني احس انو السويد تفتقر للشباب الذكور كثيرا وخصوصا السويديين الاصل يعني هدول الي أجدادهم سويديين .

وحابب اخي أحمد اسألك أكم من سؤال كدا عن دراسة اللغة انشاء الله لو اخدنا الاقامة : فسؤالي الأول هو : شو قصة اللغة ال أس أف إيه sfi وهل الانسان بيقدر يخلصها خلال سنة وينهيها ولا كيف وأنا بعرف انو أربع مراحل بس صدقني ماحدا بيجاوبني هيك اسئلة ، وكم بتحتاج كل مرحلة من الوقت ، وهل اجتهاد الطالب وتفوقو في ال sfi بيمنحو مميزات او رعاية خاصة من قبل السويديين او لاء .

السؤال الثاني : ما هي المرحلة التي تأتي بعد مرحلة ال sfi وما اسمها وكم تدوم من الوقت ؟

السؤال الثالث أخي أحمد بالنسبة لخط الانترنت اللاسلكي أنا ماخدو من شركة tele 2 بجد بطيء كتير ومشاكلو كتيرة وياريتنا ما عملناه هالخط لاانو بطيء وبجد ، فشو بتنصحني ؟


السؤال الرابع أخي أحمد : اني عاوز اشتري موبايل نوكيا 6630 او موبايل نوكيا n70 فلو عندك خلفية في هيك قصص فياريت تفيدني في اسعار الموبايلات وبشو انتا بتنصحني هون اي موبايل اشتري منشان من هلاء ابدأ أوفر منشان اشتريلي واحد .


فهلاء أخي أحمد حطلب منك طلبين وهما :
1- إنك تعلق على مشاركتي .
2- إنك تجاوبني على اسئلتي .

والله هاليومين التلج في المدينة الي انا بيها ماشاء الله منظر روعة بس برررررررد ، خلي بالك من نفسك أخي احمد ، وربنا يوفقك ويحفظك من كل سوء ، وبجد نادر لما ألاقي انسان متلك بيتطوع من وقتو الخاص عالانترنت منشان يفيد أناس مابيعرفهم إلا عن طريق الانترنت .

mkurdi86
28-03-2008, 03:34 AM
السلام عليكم تعليقا على كلام اخونا

انا شايف انو العرب غير متعاونين مع بعضهم ابدا خاصة في السويدوالله شي يزعج بس شو الاسباب برايكم
وليش لازم واحد بيعد عنهم............ شخص عم ينصحني

الاخ احمد
اخر سؤال في موضوع اللغة:

بالنسبة لفحص الايلتس انا سالت كل المعاهد الي عنا واكدولي انو مستحيل الحق الايلتس او التوفل قبل 11\2008 اللي هو بداية التسجيل, فهل من الممكن انو يقبلوني بالجامعة بشكل شرطي بدون ايلتس لانو الدراسة بتبلش في 1\9\2009 وهي مدة كافية لحتى كمل دراسة اللغة واخذ الايلتس, فهي مشكلة كبيرة بالنسبة الي

sweden lolo
28-03-2008, 03:50 AM
والله أخي مابعرف الأسباب الي بتغير العرب هون بالسويد ، وفي كل مكان ناس طيبين وناس وحشين بس المشكلة انو حظي مو حلو وحظي إني قابلت الناس الي مو كويسين وتعاملت معاهم ، وبتمنى من الله إني أقابل الناس الطيبين الكويسين وأنا متأكد إنهم موجودين بس لازم أبحث عنهم ، والناس ما بتتغير من قليل بالسويد إدا كان في ناس عرب تخلو عن التحدث باللغة العربية في بيوتهم وما بدنا نحكي اكتر من كدا مع احترامي للاخوة العرب ، ما بعرف اوقات بآجي أتعامل مع ناس عرب هنا بحسهم خايفين مني على الرغم انو ليهم عشرين سنة بالسويد أو اقل بس بحسهم خايفين مني أها معاهم حق يخافو يمكن أنا جاي أسرق الملايين الي وفروها خلال سنين التعب والشقا الي عاشوه بالسويد والي بيقرأ كلمة تعب وشقاء بيصدق انهم تعبو بالسويد ، بجد مابعرف ليه بنتعامل مع بعضنا كدا ومتل ما قال الاخ أحمد لازم اتعود عليهم وبالفعل أنا بديت أتعود عليهم وبطلت أتطلع فيهم وممكن بالكتير ارد عليهم السلام الا بعض المقربين الي بتعامل معاهم يوميا كالجيران وهيك شي فهدول بقف بحكي معاهم وبتكلم عادي ، ويمكن في اسباب اخرى اخي احمد بيعرفها ونحناما بنعرفها وبنتمنى من الاخ احمد يتكرم علينا ويحكيلنا شوية .

أحمد الشفتري
28-03-2008, 11:43 AM
وعليكم السلام اخي sweden lolo والحمد لله على سلامتك...وين الغيبة شغلتلي بالي لان آخر مرة في مشاركتك كانت حالتك النفسية تعبانة وتكلمت عن الانتحار فقلت يا ساتر ما يكون الراجل عملها وانتحر.....نبصر عليك بس (نمزح يعني)
على العموم الحياة مدرسة وتتعلم منها كل يوم حاجة جديدة، وكويس انك كيفت مصاريفك مع دخلك ومعدل الاسعارفي السويد، لانه فعلا الواحد اول مرة تتلخبط حساباته وتتغير عليه الاسعار بشكل غير عادي... اني مثلا قعدت دايخ اكثر من ستة شهور..ما كنتش متصور مثلا اني ناخذ كرموسة وحدة (حبة تين يعني ) بزوز دينار( زوز تعني 2 ) بينما صندوق الكرموس في ليبيا بزوز دينار لكن الواحد مع الوقت يتعود ويكيف نفسه مع الموجود.
طريقة تعامل العرب مع بعضهم تكلمنا علاها من قبل وهيا فعلا حاجة مؤسفة، لكن هل انت لما تركت بلدك وقررت الهجرة كنت عابي (معتمد) عالناس اللي حتلقاهم قدامك...المفروض ان الاجابة لا... طالما قررت الهجرة فلازم تعتمد على نفسك بس ولو جت مساعدة من اي حد فبارك الله فيه، ولكن ما تخليش نفسك معتمد على المساعدة من غيرك سواء عرب والا عجم، وتقعد تلوم ما ساعدني حد، ما فيه حد قدملي مساعدة، ما فيه حد وراني شن لازم ندير، لانك بالطريقة هاذي مش حستستفيد حاجة خلي اعتمادك على نفسك اول شيء..صحيح ان الواحد في الحالة هاذي حتكون اخطاءه اكثر وحيمر بصعوبات اكبر لكن ما عليش، ما فيه شيء يجي بالساهل، والحياة كلها كفاح، وطعمة الحاجة اللي تحصلها بصعوبة احسن من الحاجة اللي تجي بسهولة.
نصيحتي ليك انسى العرب وما يجي منهم وعليك بخاصة نفسك. توكل على ربك وتتسهل الامور ان شاء الله.
وعلى شان ما تطولش المشاركة وتولي مملة حنكملك الباقي في مشاركة تانية وممكن ثالثة ان شاء الله.

amhawal
28-03-2008, 12:14 PM
من رأيي أن تخلو ألي يبي يسافر يسافر .. ليش لأ ؟ ممكن يدير الي مدارش حد قبل .. زي ما في ناس فشلو .. في ناس نجحت .. لكن المهم انك مسافر وعارف روحك من هنا شن تبي تدير .. مش تطب غادي وتبدا تفكر

أحمد الشفتري
28-03-2008, 12:22 PM
.....السلام عليكم مرة تانية
اخي sweden lolo بالنسبة لكلامك عن كآبة السويد فهذه من المسلمات,,السويديين انفسهم رغم كونهم متعودين ولكنهم شاعرين بالموضوع هذا وما تنساش انهم محذوفين في طعطوشة الكرة الارضية من فوق (حاول تدخل كلمة طعطوشة عالقوقل اذا كان يهمك المعنى).. وبالنسبة لتعداد السويدين ونسبة الفئات العمرية والجنس فانا قريت المدة الماضية احصائيات سكان السويد لسنة 2007 واعتقد انها صحيحية لانهم (حسب علمي) ما يتسعملوش في اسلوب بعض الدول (النامية،زي ما يحبو يسمو ارواحهم)..ان اي احصائية لازم تمر علاها الحكومة وتعدلها اذا كانت تحتاج تعديل وفقا لما تراه مناسب حتى احصائيات الناس اللي جتهم الزكمة والا المغص مشكوك في صحتها فما بالك باحصائيات استراتيجية!!!
نرجعو لاحصائيات السويد ..والله اني مش متذكر الارقام بالزبط ولكن اكبر فئة عمرية في السويد ما بين 30 و 50 سنة ونسبة الاطفال والعجزة متقاربة نوعا ما ... نسبة الذكور الى الاناث متقاربة جدا جدا على عكس الاشاعة (الصامتة) ان السويد كلها نساء وما عندهمش رجال.. هما صح اشباه الرجال ولكن محسوبين عالذكور، اصلا شني اللي بيخليهم ينقصو، من قرون ما دخلوش اي حرب وحتى هتلر لما جاهم داروله زي ما دارو الــــــ...... في العراق للامريكان (استقبلوهم بالورود) والا نقولك فكنا من السياسة والمواضيع الحساسة.
السويد من ضمن الدول المهددة بالانقراض على المدى الطويل لانخفاض معدل النمو السكاني يعني تقريبا الخاش نفس اللي طالع.
دخول الاجانب الى السويد كسّر كثير من الجمود اللي في حياتهم سواء بادخال اشياء ايجابية او حتى سلبية...مثلا البوليس السويدي كان يشتغل دوام عادي بس، زي اي وظيفة وبعدين يصكرو ويروحو لحياشهم..اما الآن البوليس مفتوح 24 ساعة ،يعني حصلو ما يخدمو، شوية سرقات،شوية مشاجرات،يعني خير من بلاش.
انا سكنت فترة بسيطة في حي سويدي صرف كان يتيهيالي اني الوحيد اللي ساكن في الحي لاني ما سمعتش صوت ولا مخلوق مرات نسمع في النفس متاعي وصوت قلبي يدق دق دق ووجهي يصب عرق، في عز النهار لين ركبني الرعب،وووك عليا وووك، نطلع نفتح البلكونة ونتمى نسمع دوشة او حركة ولكن ما فيش فايدة وقتها عرفت معنى المثل (الجنة بلا ناس ما تنداس ) طبعا اني مستعد نخش الجنة حتى بروحي لكن المثل ما نقالش من فراغ.تصور بديت نهدرز عالتلفزيون ولما المذيع يسلّم نرد عليه، ومرة مرة نعيط بروحي، صارلي زي لما الواحد ماشي في الليل بروحه في زنقة ضيقة ويبدا يصفّر زعماته جوه مليح وهوا قاتله الرعب.
توا الامور تغيرت شويييييية لاني ساكن في حي نصه اجانب،الفرق مش كبير هلبة لكن حنانيك بعض الشر اهون من بعض.
يحكيلي شاب مغربي كان يشتغل في محل عربي واول ما يفتح الصبح ايام الصيف يطلّع صناديق الخضرة والفواكه قدّام المحل ويديرلهم الجو متاع المغرب ، مرة وقف عليه واحد سويدي كبير في السن وبدى يشكر فيه عالاشياء الجديدة الي دخلوها الاجانب في حياة السويديين!!! حيه لو يمشي هالشيباني لسوق الكرايمية والا سوق الثلاث ممكن يرقد في وسط السوق (على فكرة سمعت ان السوق حولوه..مزبوط هالكلام؟)
.... نكملّك بعدين ان شاء الله

أحمد الشفتري
28-03-2008, 01:00 PM
السلام عليكم amhawal
والله اني ما قلت لحد مايسافرش بالعكس لو تقرا كلامي بالكامل مشاركتك هاذي مش حيكون ليها اي لزمة...كل ما الامر توضيح بعض الامور عن المجتمع السويدي هيا خلاف ما يشاع عن السويد وخاصة في بعض الدول زي ليبيا، لا اكثر ولا اقل.
وفعلا كلامك صحيح انه ممكن الواحد ينجح في مكان فشل فيه الآخرون والعكس كذلك...بس الليبين من النوعية اللي لازم يخبط الحيط براسه باش يستاقظ ومبدأ (السعيد من وعظ بغيره) مش ماشي عندنا ابدا.
وفق الله الجميع

أحمد الشفتري
28-03-2008, 02:55 PM
السلام عليكم
حنحاول نجاوب على اسئلتك اخي sweden lolo حسب معلوماتي
بالنسبة لامتحان اللغة السويدية المعروف بالاس اف اي فهو مقسم حسب كلامك الى اربعة اقسام من الاي الى الدي وطبعا دراسة اللغة السويدية قبل الاقامة مدايرينها باب عالكلاب بس، يعني ما يهتموش بيها هلبة لكن بعد الاقامة الموضوع يا خذ شوية جدية .. ولو ان وزارة التعليم السويدية غير راضية عن مستوى تدريس الاس اف اي بسبب عدم كفاءة المدرسين (قصدي المدرسات) قالت ان 9 من كل عشرة مدرسين غير اكفّاء لتدريس اللغة السويدية للاجانب!!!!!!!عجب ليش حاطينيهم مدرسيم امّالا؟
بس بامكانك تقلص مدة دراسة الاس اف اي من الآن بانك تبذل مجهود فردي وما تعتمدش على المدرسة فقط بحيث انك بعد اخذ الاقامة باذن الله تكون جاهز انك تمتحن في آخر مستوى للاس اف اي وتخش بعدين على السفنسكا 1 و 2 وهذا المستوى اللي يجي بعد الاس اف اي.
وفق القانون السويدي بمجرد حصولك على مستوى اس اف اي دي فبامكانك التقديم للحصول على عمل ومحاولة دخول الحياة في السويد، هذا لو فيها حياة اصلا
ولو قررت اكمال دراستك في السويد فانت مطالب باكمال سفنسكا 1 و 2 وبعدين الجيمناسيوم وهيا الثانوية ومنها تشوف باقي امورك... ممكن في البداية تحس ان الرحلة طويلة لكن ما شاء الله عمرك مازال صغير يعني ما عندكش اي مشكلة ان شاء الله غير قوي عزمك بس.
وسع بالك شوي حنمكلك الباقي بعدين باذن الله

أحمد الشفتري
28-03-2008, 03:16 PM
بالنسبة لسؤالك عن خدمات الانترنت فاني مش عارف انت مأجر بيت والا ساكن في سكن الميقراخون سفيركت؟؟
اذا كنت مأجر بيت فبامكانك تستعمل الرقم السحري (البيرشون نومّير) متاع صاحب البيت وتحجز خدمة انترنت بمجرد اتصال هاتفي بالشركة اللي تختارها، والمودم حيجي الى عندك بالبيت وبمجرد تركيبه حتكون اون لاين هذا طبعا بعد موافقة صاحب البيت لان الفواتير الشهرية حتجي باسمه.
طبعا الخدمات السلكية ارخص من اللاسلكية، بس اذا كنت في سكن دائرة الهجرة ما عندكش حل الا الاشتراك اللاسلكي وسرعته من 256 كيلو و توصل الى 7 ميجا حسب نوع اشتراكك بس غالي شوية.
اما موضوع الموبايلات (الهواتف النقالة) فاكيد انت عارف ان اسعارها في السويد نااااااار، انا شخصيا لما غيرت تلفوني بعثولي واحد من ليبيا بنص سعره في السويد، وفوق من هكي بالعربي!!!!
وما فيش داعي تسأل حد عن الانواع والاسعار لان الكتالوجات اكيد تجيك الى البيت باستمرار حتى لو كنت ساكن في كيرونا !! وبامكانك تعرف تفاصيل كل الموديلات الموجودة في السوق واسعارها وانت جالس في بيتك. وانت طالما تفكر في الـــ ان 70 معناها ميزانيتك قوية!!!
بس نصيحتي ليك خليك توا عالمستعمل في كل شيء والميرونا قائمة بالواجب، وبعد الاقامة ما تاكلش الا من الايكا وما تلبسش الا من بروذرس وحتى تلفونك خوذه من الـــ اون اوف!!!!.
ربي يسهلك امورك ان شاء الله وما تنساش من غير صبر وتعب وبهذلة مش حتقدر تدير اي حاجة
في امان الله

أحمد الشفتري
28-03-2008, 03:37 PM
السلام عليكم اخي mkurdi86
بالنسبة لكلامك عن العرب وعدم تعاونهم هذا كلام سابق لاوانه، انت جرب بس وبعدين احكم بنفسك ولو اني مش فاهم بالزبط نوع التعاون اللي حضرتك تقصده ؟؟؟ المفروض الواحد تكون نظرته واقعية شوية ويشوف نفسه شن قدم لغيره قبل لا يشوف غيره شن قدموله. بالطريقة هاذي الواحد يتريح.
بالنسبةلامتحان اللغة:
معقولة ما فيش اي مكان في سوريا يوفر امتحان الايلتس قبل نوفمبر 2008؟؟؟؟ غريبة والله... في ليبيا مثلا السفارة الانجليزية تدير في الامتحان هذا مرة كل شهر ، واكيد عندكم سفارة انجليزية في سوريا او اي مركز معتمد من كامبردج... وحتى لو ما فيش وقدمت على امتحانك في التاريخ اللي ذكرته ما فيش اي مشكلة لانك حتكمل امتحانك قبل البدء في تقديم الطلبات للدراسة... اضافة الى ان شهادة اللغة بامكانك تبعثها بعد شهر من اخر يوم لتقديم الطلبات.. طمن قلبك امورك تمام ان شاء الله.
على فكرة بداية التسجيل في ديسمبر 2008 وليس نوفمبر .
بالنسبة لتخوفك من امتحان اللغة وانه مشكلة كبيرة بالنسبة ليك.. هذا يعتمد على اصرارك ورغبتك في مواصلة الدراسة وبما ان اللغة مفتاح الدراسة فما تخليهاش عائق قدامك, وانا نادم اني مادرتش الايلتس في ليبيا لانه ارخص اولا وبعدين العوامل النفسية متوفرة اكثر... لما درت الامتحان هنا وروني نجوم الظهر وكانت غلطتي لاني خشيت عالامتحان بدون تحضيرات بس الحمد لله ربك ستر في الاخير.
ابدا من الان في التحضير للامتحان وانت متريح بين اهلك وفي بلدك، وحاول تقوي لغتك قدر الامكان لان اللغة الضعيفة تحطك في مواقف محرجة جدا ما ليهاش اي لزمة.
موفق ان شاء الله، وما تخليش حاجة تافهة زي اللغة توقفلك مشوارك، وحط في بالك ان اللي قدر عليه غيرك تقدر عليه حتى انت، وما فيه حد خير من حد.. انت واجتهادك.

القلهود
28-03-2008, 04:00 PM
باهي و خيي انتا كيف درت و كيف حصلت اقامة .. ؟
و شن هي أحسن طريقة لليبيين باش ايحصلو اقامة .. خليك واضح و صريح و بلاش لف و دوران ;)

sweden lolo
28-03-2008, 04:11 PM
السلام عليكم أخي أحمد وبجد بتشكرك كتير على نصائحك الحلوة والجميلة والتي تمنحني امل في بلد مثل السويد وما بدي احكي اكتر من كدا عن الأمل في السويد ، وبجد أحس إنك مهتم بتعليقاتي ومشاركاتي ومشكور كتير عالاهتمام إلي بيخليني أكون دوما عند حسن ظنك يا أخي أحمد ، وبالنسبة لكلمة طعطوشة أنا بحثث عنها في القوقل بس واله مالقيت ليها اي معنى بس انا تقريبا فهمت معناها يمكن معناها يعني في طرف الارض او في ذيل الارض يعني في مكان في طرف الارض يمكن انتا بتقصد كدا اخي أحمد ، وبالنسبة للانترنت يا أخي أحمد أنا ساكن مع قريبي والحمد لله هوا الي ساعدني اول ما جيت السويد وهوا الي وقف جمبي ويوم ما كنت محتاج حدا يوقف جمبي كان هوا مسافر على دولة تانية ولو هو كان موجود كان ما احتجت غير رضا رب العالمين ، فأنا ساكن عندو وهوا معاه الرقم السحري ههه وعجبتني كتير كلمة الرقم السحري بالفعل لانو رقم سحري بجد ، وواصلين انترنت لاسلكي من شركة tele 2 بس مابعرف ليه الانترنت أخر ايام في مشاكل كتيرة وبطيء فلازم نتصل عالشركة ونشوف الموضوع .

وبالنسبة أخي أحمد للموبايلات بجد اسعارهم غالية كتير وبالنسبة للميزانية بتعتي منشان اشتري n70 فأنا كنت عاوز أعرف كم سعرو منشان اوفر المبلغ ههههههه يعني لسا العين بصيرة والايد قصيرة ، والحمد لله على كل شي وبجد لما أقرأ في مشاركاتك يا اخ احمد بجد بعرف اشياء جديدة وبتهون عليا كتير وبتخفف عليا كتير والحمد لله على كل شي ، وحرد عليك في مشاركاتك قادمة .

mkurdi86
28-03-2008, 04:30 PM
صحيح انا بأيدك ليس عندي تجربة في السويد ولا يجب ان نصدق كل كايقال.... على كل حال
بالنسبة للايلتس اكيد كل المعاهد عنا بتوفره بس لازم مثلا ادخل مستوى ثاني او ثالث وكمل للمستوى التاسع يعني انا بحاجة لسنة تقوية ثم شهران دورة تاهيلية لدخول للامتحان بعد ذلك يتوفر في المركز الثقافي امتحانات كل شهر تقريبا لذلك انا اختر الايلتس بدل التوفل عشان التوفل ليه اختبار واحد في السنة عندنا
لذلك انا عم اسالك انو بصير السنة الجاي اقدمها يعني قبل 1\9\2009 رجاءا اخ احمد عطيني تاريخ محدد
وشكرا جدا عل تشجيعك بصراحة مشكور جدا


الان في خبر عاجل جدا :ارجو انو بعض الاشخاص يستفيدو منو اعلان هو توفر منح للطلاب الي في ثلاثة دول عربية( سورية الاردن ولبنان) للدراسة في اوروبا وجامعة لوند من ضمن الجامعات المشتركة ضمن برنامج المنح ,وهذا هو الربط www.emecw3-aleppo.org
سؤال
في شي اسمه motivation statment هو نفسه STATEMENT OF PURPOSE ارجو التوضيح؟[/B]

أحمد الشفتري
28-03-2008, 05:28 PM
باهي و خيي انتا كيف درت و كيف حصلت اقامة .. ؟
و شن هي أحسن طريقة لليبيين باش ايحصلو اقامة .. خليك واضح و صريح و بلاش لف و دوران ;)
:( :( :( :(:(:(

أحمد الشفتري
28-03-2008, 05:36 PM
السلام عليكم اخي sweden lolo
شكرا جزيلا على كلامك وربي يسهلنا امورنا جميعا
طبعا حاجة غريبة انك تقول ان الانترنت عندكم بطيئة الباين انك ناسي انك في السويد اللي يسمو فاها عملاق الاتصالات في اوروبا واحسن مزود لخدمات الانترنت في اوروبا.. (رغم انه عندي شعور ان السويد مش في اوروبا!!!) ضروري تتصل بالشركة المزودة للخدمة وتستفسر منهم واكبر احتمال ان عندك مشكلة في الكمبيوتر متاعك، لان اقل خدمة انترنت متوفرة في السويد هيا 256 كيلو بت وهاذي كافية جدا لمستخدم منزلي. انا نستعمل في خدمة كوم هيم (ارخص شركة في السويد) باقل وارخص خدمة عندهم وماشية الامور تمام.
في امان الله

أحمد الشفتري
28-03-2008, 05:45 PM
السلام عليكم mkurdi86
مش حنكثّر عليك دوّة وحنعطيك مواعيد محددة زي ما حضرتك طلبت
هاذي المواعيد متاع التقديم الخاص بالدراسة اللي بتبدا في خريف 2008
ومش عارف هل تتغير العام القادم او لا:
بداية فتح باب التسجيل لدرجة الماجيستير لخريف 2008
1 ديسمبر 2007
أخر موعد لقبول الطلبات (بالنسبة للطلبة الانترناشيونال)
1 فبراير 2008
اخر موعد لارسال شهادة تحديد مستوى اللغة الانجليزية
15 مارس 2008

لو انك واثق من قدراتك اللغوية بامكانك تدخل على امتحان تحديد مستوى عند اي مركز معتمد من كامبردج وما فيش داعي انك تتقيد بالكورسات من اولها الى آخرها وبمجرد نجاحك في مستوى بي 2 حسب تصنيف امتحانات كامبردج فبامكانك الدخول على الأيلتس..رغم انه هنا في السويد ما يطالبك حد باي مستوى، اي واحد بغض النظر عن مستوى لغته الانجليزية بامكانه يدخل الامتحان..ادفع الفلوس ولا يهمك.
موفق ان شاء الله

القلهود
28-03-2008, 08:13 PM
ما تواخدنيش يا خويي انبصر .. شكلك ليك هلبة على ليبيا .. المهم .. ما جاوبتنيش

أحمد الشفتري
29-03-2008, 08:43 PM
السلام عليكم
ووووووووووووووووووووه عليا يا جماعة مرارتي انفقصت من العبيتر اللي صاير
توا جيتي من صلاة المغرب في الجامع الجديد الواسع القنين...اول ما دفّيت الباب وخشّيت نحساب روحي في الجامعة مش في الجامع؟؟؟؟؟؟؟؟؟؟
كانت فيه محاضرة للنساء الصوماليات (اكبر عدد من المسلمين هنا من الصومال، على الاقل اللي يجو لللجامع) المهم تمت المحاضرة قبل اذان المغرب بدقائق وطلعو اللي في المحاضرة ودارو هاذيك البحواسة في الجامع وتخلطت الحكاية وما عادش فيه لا مدخل للنساء ولا مدخل للرجال خش من اول باب يالاك؟؟؟؟؟
مكان الاحذية مخلط ومكان الجابوطّيات مخلط .... حتى في المحلات هنا ملابس الرجال مش مخلطة مع ملابس النساء لكن في الجامع خلطوها الفالحين، ياودّي الفالحات بمعنى اصح لان العفسة من النساوين هما اللي تعدّو على الحدود؟؟؟؟ اللهم اعلم بالحمّامات ومكان الوضوء شن صاير فيه ؟؟؟ ستر ربي اني مشيت للجامع متوضئ!!!!!
زعمه هذا اسلام اوروبا اللي نسمعو بيه في بلادنا؟؟

sweden lolo
30-03-2008, 12:10 AM
ربنا يوفقك أخي أحمد ومشكور عالمعلومات المجانية والحلوة ، بتعرف أخي أحمد أنا مستعد أشتغل بالمجان مقابل ولا شيء عند مين ما يكون يكون المهم ما بدي أرجع لفترة الكآبة الي أنا عشتها وكنت حنتحر فيها ، بجد فترة والصلاة عالنبي ، ناس بيتصلوا عليا من فلسطين بيسألوني كيف السويد ما بعرف هل أكون صادق معاهم أو لاء فمرة حبيت أكون صادق معاهم حكو عني مجنون وتافه ومو عارف أمشي أموري ، وإذا كزبت عليهم بينبسطوا وبيحكولي أيوا هيك قول من الأول إن السويد جنة وما تيإسنا ، بتعرف اخي أحمد بعرفلك راجل بتعرف لو حكيتلك مستعد يموت منشان يصل السويد بكون وضحتلك الصورة بصورة مبسطة جدا ، يعني كلمة مستعد يموت قليلة من اصرارو وتصميمو انو يصل السويد ، اتكلمت معاه لقيتو اوقات بيعرف معلومات أكتر مني ، وعلى فكرة الراجل هدا اجتماعي كتير يعني بيحب يطلع وبيحب يسهر وبيحب الاجتماعات كتير ، اول ما شفتو هيك ميت منشان السويد حكيت هدا الراجل لو ربنا قدرلو ووصل السويد خلال أسبوع بيكون حاسس بالوحدة وحيغير كل نظرتو للسويد .
وبالفعل أخي أحمد عجبني تشبيه إنتا حكيتو وهو موجود في ليبيا وهوا قصة البرطمان والحوت يعني السمكة الصغيرة ، بجد مثالك أصاب الحقيقة ، وهلاء في بعض إخوانا القراء لهذا الموضوع حيحكوا عنا مجانين او نحنا مو حابين انهم يصلوا السويد ، لا نحنا ما قصدنا انو نحنا مابدنا اياكم توصلوا السويد ، اهلا وسهلا في السويد وهيا اصلا مو بلدنا منشان نمنعكم توصلوها ، بس نحنا مو هاين علينا نشوفكم مريتو في حالات يأس واحباط ، كلامي لايعني إنو كل شخص وصل السويد عاش في كآبة او شي ، بل أنا بتكلم عن تجربتي الخاصة وتجبرتي الخاصة لاتعني لي الفشل لإني لساتني في أول الطريق ، بس أنا تقابلت مع ناس عايشين بالسويد من عشرين او 17 سنة واتكلمت معاهم وجلست معاهم واحد منهم بعرفو كويس وشاب متدين ومحافظ وبيعرف لغة سويدية كويس وموظف في شركة ، وربنا معطيه لانو كان انسان صادق ومخلص ، فهدا الشخص حكالي انو ناوي يرجع على فلسطين وما بدو كل السويد ، استغربت منو بحكيلو ليه ، بيحكيلي السويد مو للمسلمين او للعرب السويد عبارة عن مرحلة عابرة بتكون فيها نفسك وبعدها بترجع على بلادك ، وصار يحكيلي عن بعض المساوئ في السويد وفي نفس الجلسة حكالي عن بعض المميزات الحسنة للسويد، لكن المساؤي إلي حكاها تغطي على محاسنها بالنسبة لينا نحنا المسلمين ، واعتقد انو اخي أحمد حكاها كلها بشيء من التفصيل فلذلك لاداعي لذكرها مرة أخرى ، وفي بعض الأشخاص بيحكو مادام السويد مو عاجباك ليه ما تتركها وترجع لبلدك فحابب اجاوبهم واقولهم انو أنا دخلت البرطمان وما بكون راجل لو طلعت من البرطمان بدون ما اخدلي شوية عسل ، ولازم اطلع بشي من البرطمان وما بدي اعود بخفي حنين هذا فقط لإني دخلت البرطمان ، أما في حال لو ما دخلتو للبرطمان وكنت بعرف انو السويد هيك كان بجد من أول الحكاية ما وصلت وقررت اني افضل هناك في بلدي اموت مع كل الناس هناك لإني مو أحسن منهم .

بجد أخي أحمد بدأت أيأس من قصة الإقامة لاني صارلي ست شهور ونصف بدون اقامة على الرغم انو الفلسطينين بينتهوا من ملفاتهم بسرعة أسرع من باقي الجنسيات بس الحمد لله على كل شي ، وبجد أنا إذا ما أخدت الاقامة بالسويد صدقني ماني باكي عليها وحعتبر إنو ربنا كتبلي الخير ، ولعلو خير وكل تأخيرة فيها خيرة .

بالنسبة للمسجد اخي أحمد والمحاضرة إلي إنتا حكيت عنها، استغرب لماذا لايوجد أي نظام في مساجدنا ولماذا لايوجد ذلك الاهتمام الذي كنا نستشعره في بلداننا العربية ، و لاتستغرب أخي أحمد إذا أخبرتك ماحصل معي يوم عرفة أحد أعظم أيام السنة أجرا وثوابا ، ذهبت للمسجد كي أصلي صلاة الظهر واعتقدت أني لن أجد مكانا لكي أصلي به ، وهنا كانت الصدمة الكبرى حيث أني لم أجد في المسجد غير رجل واحد وقد كان صوماليا جزاه الله خيرا ، فصدقني أخي أحمد أنني أقمت الصلاة وقد أم بي هدا الشاب الصومالي ، استغربت من هدا الموقف جدا وقد خرجت من المسجد وأنا مبتسم لظرافة الموقف وفي نفس الوقت خرجت متألما لما رأيته لإني لم أعتد أن أرى بيوت الله فارغة ،وسأوافيك أخي أحمد بمزيد عن المعلومات عن المدينة التي أعيش بها ، واسمح لي بمشاركتك بمشاركاتي وردودي ، وسأتقبل تعديلاتك على مشاركاتي بكل سعة صدر وكل ترحيب ، لإنك أخي أحمد ماشاء الله عليك عندك قدر كبير من المعلومات عن السويد والتي أستشعر أن أناس عاشوا بالسويد من 20 عاما لايعرفونها ولم يسمعوا بها ، فجزاك الله كل خير أخي أحمد ، وتقبل فائق احترامي لشخصك الكريم .

dr fajer
30-03-2008, 02:52 PM
السلام عليكم
{ووووووووووووووووووووه عليا يا جماعة مرارتي انفقصت من العبيتر اللي صاير}

عارفة ليك وقت ماخديتش راحتك باللهجة العامية ,صح؟؟؟؟؟


بالنسبة لحكاية المسجد متركزش عالنساء فقط أعتقد ان الجالية المسلمة مش منضمة عندكم ,و كل ُ يغنى على ليلاه.



تقبل مرورى لأنى تعودت مرة مرة لازم انعلق

أحمد الشفتري
30-03-2008, 03:18 PM
السلام عليكم اخونا sweden lolo....عندي شعور انك اخترت الاسم هذا قبل لا تكتشف الفانكو متاع السويد...والله مش عارف كيف نترجملك كلمة فانكو بس هيا قريبة من كلمة (مقلب).
انا سعيد جدا بانضمامك للموضوع ومشاركاتك.. وفعلا الموقف اللي صار معاك لما يتصل بيك حد من بلادك ويسألك عن السويد تقعد حاير ...لو تقول الواقع يقولو ما يبي حد يجي ..ولو تزينلهم الموضوع حتكسب رضاهم وعدم انتقادهم لكن حـــــ....تكذب وتزيف الواقع!!!!
بالنسبةلموضوع الاقامة وسع بالك جدا جدا جدا، وعلى قولتك طالما علقت في (الفازّو) ما تطلعش منه بلاش، اصبر عليهم وشوف شن بيطلع منهم وخاصة اذا كنت من غزة فأملك كبير باذن الله في الاقامة.
الجو اليوم جميل جدا والشمش زارقة (ساطعة) ... والله تعبت من الترجمة. ...
.... تعرف اليوم بعد ما كملت الشغل خذيت قهوة ورقدت على واحد من الكراسي في الشارع وحاولت نتامل السماء، واكتشفت اني اول مرة نشوف السماء متاع السويد من اول ما خشيتها قبل 17 شهر ...تصدق؟؟؟؟ لدرجة اني ما قدرتش نفتح عيوني كويس لاني تعودت عالظلام والاضاءة الصعيفة!!!!!
لو السويديين يسقدوني بالشهائد والورق اللي نبيه منهم ما عندهم قداي الا كلمة Hej d&#229;

أحمد الشفتري
30-03-2008, 03:28 PM
وعليكم السلام ورحمة الله وبركاته دكتورة فجر... وين هالغيبة من ايام حساء القديد ماعادش شاركتي في الموضوع؟؟...اني قلت ممكن درهت كبدها من الموضوع وفاتاته؟؟؟
والله الا كلامك مزبوط بالنسبة للهدرزة بالفلاقي.. مرات نراعي في وجود اخوة عرب يقرو في الموضوع ونحاول ما نكثرش من الفلاقي لكن كان بنطلق روحي نكتب زي ما نتكلم بالزبط، ولو اني بديت نغير في هلبة كلمات ليبية لما نحكي مع باقي العرب لانها صعبة عليهم...مرات نكلم في العويلة في ليبيا ونخاف تزرق مني كلمة مش ليبية وبعدها ينطبق عليا المثل (بات في الدّباغ ليلة..صبح قربة) والا (امتي خشيت مصر..قاله امس العصر)
يعني معقولة الواحد في عام ونص يبدا يلخبط في الدوة اللي تعلمها 33 عام؟؟؟ لكن والله هذا الواقع شن بندير؟؟؟
وما نحكيليكش عالجالية المسلمة هنا.... زي الفرح والسعد.....ومنظمين لين النظام قال ووووك!!!!
يعني لو حضرتي المدة الماضية كانو مجتمعين باش يشكلو لجنة المركز الاسلامي الجديدة، ما تقولش الا ايام التصعيد في الثمانينات في ليبيا....ستر ربي انه ما فيش رشاد والا امّاس بوخوصة في السويد كان هذا راهو هنتشو بعضهم.
في امان الله

dr fajer
30-03-2008, 06:27 PM
موجودة اخى أحمد و نتابع بس قلت لازم نعطى ألأسبقية للأخوة اللى يهمهم الموضوع أكثر منى و يحتاجوا

لأجاباتك

تحياتى.

الزبير
30-03-2008, 09:52 PM
السلام عليكم .

احمد شن الامور. اني نشوف في موضوعك في الشريط ومره دخلت قريت شوي منه . اوكي .

لكن يومها شفت رد ليك في موضوع اخطر لحظات حياتك خبرت انك حلمت عدت لي ليبا ... معليش شنو تقصد بيها .؟ خيرها ليبيا ؟

وتحياتي

أحمد الشفتري
30-03-2008, 10:19 PM
وعليكم السلام ورحمة الله
الحمد لله يا الزبير الامور بخير ان شاء الله وشكرا لانك تنشد عن حالي
بالنسبة لموضوع الهجرة الى السويد مش موضوعي اصلا ولكن لقيت واحد يسأل فحاولت نقولة شوية حاجات بالك يستفيد منهم.
وبالنسبة للموضوع التاني متاع اخطر موقف، فالقصة كلها حلم في حلم، اوبالاصح كابوس.
بس اني مستغرب من مشاركتك هنا لان الوضع الطبيعي انك تسألني في نفس مكان الموضوع الاصلي اللي يخص سؤالك مش هنا ..والا لا؟؟؟

الزبير
30-03-2008, 10:50 PM
اوكي ممكن كلامك صح ؟
لكن اني سألتك السؤال هدا نبي نربط الامور بي بعضها ... قصدي مقارنه بين ليبيا والسويد .

أحمد الشفتري
30-03-2008, 11:02 PM
السلام عليكم ورحمةالله اخي الزبير
خش لموقع الامم المتحدة هذا وخوذ المقارنة بين اي دول تباها في العالم.. وكلام الخبراء احسنلك من كلامي و بعدها احكم بنفسك http://hdr.undp.org/en/ ...وعلى فكرة لما قريت سؤالك تذكرت المثل القائل ( شن جاب الشبح للنبح)
ان شاء الله تقرير الامم المتحدة الموجود في الموقه هذا حيعطيك الاجابة الكافية الشافية
ليلتك سعيدة ان شاء الله
السلام عليكم

mkurdi86
04-04-2008, 03:05 PM
مرحبا ياشباب كيف الحال
والله اشتقت للجميع
بس كنت مشغول عندي شوي اختبارات في الجامعة..........................سلامي للجميع
وبارك الله بك اخ احمد

أحمد الشفتري
06-04-2008, 08:56 PM
السلام عليكم ورحمة الله
الاسبوع هذا صاغرة بيا الدنيا ونحس في روحي ندور في كصبرة، لاني الاسبوع هذا وليت العزّابي الوحيد في الليبين اللي في المدينة هاذي، آخر واحد كنت شاد بيه ظهري تزوج الاسبوع هذا والمشكلة انه طلع لدخلته من شقتي....آآآآه نهني فيه وزعماتني نضحك واني متشوشط من داخل.
شكلي بندير زي المثل الليبي القديم (مع الفرق طبعا) لما البنت تتاخر عن الزواج يقولولها: خوذي واحد عسكري لين تحصلي راجل !!!! لان وقتها العسكري طايحة بيه الايام...حتى اني بناخذ وحدة سويدية لين نحصل مراة!!!!!

dr fajer
06-04-2008, 11:07 PM
و عليكم السلام و رحمة الله

مسرع قلقت , محلك مازال الوقت باش تقلق, وبعدين تبى كل شى مع بعضه وحدة وحدة وتو يجى دورك

وبعدين يقولوا ان البنات هن بس قالقات على الزواج اهو شهد شاهد من اهلها.

زعمة اديرها وتاخد سويدية؟؟؟؟؟؟


وسع بالك ومتعدلش ومتركزش و بأدن الله كل شى يجى فى وقته




تحياتى

tagog100
08-04-2008, 12:42 PM
يا حبيبنا اذا انتا بتقدر تحافظ علي نفسك ودينك بلاد الله واسعة
وعليك انك تسعي وتعمل العليك وبعد كده ربك كريم

اما اذا كان الغرض من سفرك انك تواصل دراستك وتكون نفسك
الجامعات السويدية الدراسة فيها مجانية بس انت عليك الاعاشة
وفي موقع مختص بالتقديم للدراسة بالجامعات السويدية
studera.nu
وحاول تتصفح الموقع وبتقدر تقدم عن طريقه للدراسة يالسويد
وده بتطلب منك انك تعمل ليك صفحة في الموقع عن طريق
تسجيلك فيهو وبعد كده بتقدر تقدم للدراسة هناك علي حسب
التخصص بتاعك
وربك كريم ومابضيع عبادو
وانا تحت الخدمة

أحمد الشفتري
08-04-2008, 06:36 PM
السلام عليكم ورحمة الله د.فجر
بارك الله فيك على دعمك المعنوي وربي يجازيك الخير ان شاء الله.
بالنسبة للقلق اني قالق من مدة طويلة لكن توا لقيت روحي نلّعب فاها بروحي زدت قلقت اكثر.
وبالنسبة للخوف من تاخر الزواج فالمشكلة هاذي ماتفرقش بين الولد او البنت..اول ما الواحد يبدا في النص التاني من العشرينات تبدا الحكاية في العد التنازلي وكل يوم تاخير من غير زواج يولي بحسابه سوا راجل والا مراة.
طبعا الموضوع متشعب لين خلاص ومش مكانه هنا، لكن فيه حاجة في خاطري نبي نقولها وهيا ان الليبين مازالو ينظرو للزواج على انه صفقة!!! رغم كل الظروف اللي تغيرت والحياة اللي كل يوم تزيد تصعب اكثر واكثر لكن العقلية (طبعا نقصد اولياء الامور طبعا) مازالت زي ما هيا..في الوسع يقولو المهم البنت يجيها واحد كويس ويسترها وما نبو منه شيء، ولما يخشو في الجدّيات يطلع الخرينتي متاع ايام الثمانيات..المشكلة في هدرزة الوسع الناس كلها تقول والله الامور تغيرت وما عادش فيه هاذيكة الشروط متاع ايام زمان..لكن في الواقع العملي الدوة هاذي ما فيش منهامرة واحدة.على العموم ربي يسهل وخلاص


مرحبتين اخونا tagog100 وبارك الله فيك على مشاركتك، ولو انه واضح انك نزلت في بدل الضائع وما حضرتش المبارة من الاول شن صاير فاها.
في امان الله

BENKHALDOON
09-04-2008, 04:59 PM
ربى ايوفققك

أحمد الشفتري
09-04-2008, 06:33 PM
السلام عليكم
بارك الله فيك خونا بن خلدون( BENKHALDOON ) ويوفقنا جميعا ان شاء الله

dr fajer
09-04-2008, 07:23 PM
السلام عليكم

وفيك بارك الله .

وكلامك صح نسبياً.




شكلهم حكايات السويد كملوا ومعاش فى ما ينقال ,صح؟؟؟؟




تحياتى

أحمد الشفتري
09-04-2008, 09:42 PM
وعليكم السلام دكتورة فجر
والله حكايات السويد ما يكملو بكل غير، اني متكورطة عندي هالايام وقتلك علاش، وتعرفي الهدرزة تبي واحد باله رايق...لكن شدي عندك الموقف الطريف هذا ما بين تكون الامور تعدلت عندي شوي:
من مدة تلاقيت مع شاب ليبي جي هنا لنفس المدينة اللي فاها اني، وطبعا يعرف واحد هنا موصيه على بخور !!! الشاب هذا طل مني نمشي معاه لمكان تغيير العملة عنده يورو يبي يغيره الى كرونة سويدية...وشكله حاط الفليسات في حكة العرضاوي والوشقّ والا مش عارف كيف المهم ان صنة الفلوس غابقة بالبخور !!! مديت الفلوس للموظفة في الشباك..حطتهم تحت اللامبة متاع الالترا فايلوت طلعو سليمات قلبتهم من الجيهة التانية كذلك طلعو سليمات ...زادت عاودت مرة تانية...تفرجت عليهم من فوق ومن لوطة اكثر من مرة واني حاير فاها خيرها..في الاخير قربت الفلوس من خشمها وشمتهم !!! قاتلي رائحة الفلوس غريبة جدا !!! هيا شكت ان الفلوس ممكن يكونو مزورات والرائحة مصدرها حبر الطباعة المزورة مثلا !!! ما تعرفش انه الرائحة هاذي في ليبيا اقوى من طرحات ايف سان لوران وجماعته.
في الاخير تاكدت ان الفلوس سليمات واعطتني بدلهم العملة السويدية.
طبعا اني بكل بساطة شديت الفلوس وقعدت نشم فيهم قدامها وقتلها بنتاكد انهم مش مزورات!!!!!

dr fajer
12-04-2008, 03:48 PM
السلام عليكم

بودى نرد على حكاية {متكورطة} لكن المكان مش مناسب ومنبوش نطلعو من اموضوع لدلك مش ح نرد


منعرفش علاش حكاية التزوير هدى فكرتنى بفيلم catch me if you can




فى أمان الله

msforever
13-04-2008, 01:33 AM
السلام عليكم ورحمة الله وبركاته
اشكرك يااخ احمد علي معلوماتك الجميلة اللي انت قدمتها لكل الناس اللي هنا
بس كنت عايز اعرف من حضرتك شوية معلومات لأني باذن الله احتمال اسافر السويد وادرس هناك فياريت تتقبل اسألتي الكتيرة وتجاوبني عليها
بالنسبة للدراسة الجامعية انا معايا ثانوية عامة من مصر بمحموع 88%
وبالنسبة لأمتحان الايلتس انا بحضر ليه بس انا سمعت ان فيه جامعات بتقبل اي شهادة لغة غير التوفل او الايلتس هل الكلام ده صحيح؟
اما بالنسبة لكل برامج البكالوريوس في السويد فبعد البحث في المواقع الجامعات السويدية توصلت الي ان البكالوريوس هناك 3 سنوات ومعظم البرامج الخاصة بالمجال اللي انا عايز ادرسه تدرس باللغة السويدية يعني لازم تعدي امتحان اسمه tisus علشان يقبلوك
فبالنسبة لل sfi هل يؤهلني بعد انهائه اني التحق بالدراسة الجامعية ام انه مصمم فقط لتعليم مباديء اللغة السويدية
فهناك بعض الجامعات التي تقدم كورس لتعليم اللغة السويدية للتأهيل للدراسة الجامعية بها مثل جامعة linokoponing
فحضرتك تنصحني بايه؟
بالنسبة عايز اعرف ايه رأي حضرتك بالنسبة لجامعة kth ( Royal insitute of tecnology)
في برامج هندسة كمبيوتر ده التخخصص الي انا نفسي ادرسه بس المشكلة انهم طلبين درجات معينة في بعض المواد مثل الفيزياءوالكيمياء والرياضيات وانا درجاتي في الرياضيات واالفيزياء مش كويس اوي فهل ينفع اني ادرس هذه المواد لمدة سنة قبل التقديم علشان تأهلني اني اقدم في الجامعة دي
ودي صفحة من موقع ال kth فيها البرنامج اللي عايز ادرسه بالسويدي فياريت حضرتك لو بس تحاول تترجمهالي علي اد متقدر وتقولي المعلومات المفيدة اللي فيها والشروط بالتفصيل :http://www.kth.se/utbildning/program/hogskoleingenjor/datornatverk-kommunikation-sakerhet?l=sv_SE (http://www.kth.se/utbildning/program/hogskoleingenjor/datornatverk-kommunikation-sakerhet?l=sv_SE)

وماهي احتمال قبولي اذا قدمت free mover وليس عن طريق exchange لأنهم بيقولو ان الاماكن محدودة جدا لل free mover student

معلش انا طولت علي حضرتك بس سامحني انا ملقتش غير حضرتك بخبرتك انك عايش هناك تساعدني فياريت تقدملي كل المعلومات اللي محتاجها

msforever
13-04-2008, 01:34 AM
ان شاء الله يكون رد حضرتك وافي لأني شايف مساعدة حضرتك اللي عدت كلها ماشاء الله ربنا يكتر من امثالك وياريت يكون العرب كلهم يحبوا الخير لبعض ويساعدوا بعض خاصة في الغربة

أبوذرالليبي
17-04-2008, 12:01 AM
السلام عليكم ورحمة الله...

استمر اخي احمد...فكلنا اذان صاغية..قصدي عيون قارئة....

مستمتع بكلامك بصراحة....

ومتابع..فاستمر

belaed
19-04-2008, 03:27 AM
الأخ/ أحمد الشفتري
السلام عليكم ورحمة الله
مشكور على طرحك للموضوع واتمنى أن يعتبر الشباب العربي ويستفيد من المعلومات سواء السلبية أو الايجابية
التي تطرحها بكل موضوعية ..
لكل ولكل متتبعي الموضوع كل التحايا

hatemo
25-04-2008, 07:25 PM
السلام عليكم ورحمة لله وبركاته
نحي الجميع
وشكراً أحمد علي المعلومات القيمة
أخوكم جديد علي الموضوع وأن شاأالله متابع معاكم ه>ا الموضوع
ونهنيك ياأحمد علي أسلوبك.
والتوفيق للجميع.

abdulah
25-04-2008, 10:57 PM
منور ياخوى مشكور
ربى يحفضك

أحمد الشفتري
25-04-2008, 11:23 PM
السلام عليكم ورحمة الله
كيف يا دكتورة فجر ما عرفتيش الشبه بين القصة والفيلم؟؟؟الشبه واضح جدا غير عندك "ابقنيلي" (اذا كان نتذكر في الاسم كويس) هو النسخة البلوند واني النسخة القمحية!!!!!!! ...............................عارفها بايخة.
وبالنسبة للتكوريط ادعيلي وخلاص ان شاء ربي يفرج.
وعليكم السلام msforever
اول شيء متاسف جدا لاني تاخرت في الرد لكن ربك يعلم بالظروف والله الحكاية عندي مش مقادية المدة الاخيرة، هذا سبب.. والسبب التاني اني ما عنيش فكرة كبيرة عن الدراسة الـــ" اندر قرادجوات" بس نعرف واحد يدرس في الجامعة باللغة السويدية واكيد يعرف التفاصيل، رغم اني عارف انهم ما اعترفوش بالثانوية متاعه (هو واخذ الثانوية العامة من العراق) واضطر انه يعاود الثانوية من جديد واول معلومة نحصلها منه حنقولك علاها باذن الله.
بالنسبة للـــــ كي تي اتش فهو اشهر من نار على علم ولو حصلت فيه فرصة قبول فانت محظوظ جدا .
بالنسبة لاثباتات اللغة المطلوبة هنا ..ممكن تقدم اي اثبات من الشهائد المعروفة عالميا والموضوع ليس محصور بالآيلتس يعني ممكن تقدم توفل، او كامبردج سي اي إي او سي بي إي، وفيه كذك شهادة امريكية مش متذكر اسمها كويس ويتهيألي اول حرف منها شيجاغو!!!!!!!
بس بنقولك حاجة ان دراسة البكالوريوس في السويد باللغة السويدية وليس الانجليزية ومستوى الاس اف اي اللي قلت عليه هو اساسيات اللغة فقط وما يفوتكش ميتروين في الشارع فما بالك في الجامعة.
نست ما باركتلكش على تقدير ممتاز في الثانوية العامة...ان شاء الله الف مبروك وعقبال الشهائد الجايات.
ربي يوفقك وييسرلك امورك،وعندي ليك نصيحة لو فكرت تدرس البكالوريوس خارج بلدك فابحث عن جامعة تدرس باللغة الانجليزية افضلك .

وعليكم السلام اخي ابوذر وبارك الله فيك على كلامك الباهي، وبالمناسبة اني من المتتبعين لمواضيعك لين خلاص ،لمساتك ديمة مش مفهومة.

الاخوة بلعيد (ان شاء الاسم صح هكي) و حاتيمو، و عبدالله
وعليكم السلام ورحمة الله.. العفو وبارك الله فيكم ومشكورين جدا على كلامكم وربي يحفظ الجميع ويوفقهم ان شاء الله
اسمحولي امّاعين العشاء مكدسات قدامي زي الهم عالقلب خلي بنديرلهم تمصميصة آهو زعماتني غسلتهم..لانهم لو يباتو الليلة ممكن يقعدو الى الاسبوع الجاي هكي..يا سلام قداش يعز عليا غسل لمّاعين وقربج الكوجينة!!!!
في امان الله

أحمد الشفتري
26-04-2008, 02:36 PM
السلام عليكم
البارح سمعت موقف طريف حبيت نشارككم بيه
تلاقيت مع شاب سوداني البارح من فترة ما تلاقيناش وبعد الاسئلة المعتادة كيفك يا اخي وشن الجو وشوية ليبي وشوية سوداني..على فكرة السودانيين قواء هلبة في فهم اللهجات العربية، على عكس بعض العرب لما تقعد تكلم فيه تقول مقعمز في حصة عربي..المهم سالته السؤال التقليدي هنا : شن اخبار الاقامة
فحكالي لقطة طريفة صارت معاه:
فيه برنامج محادثة عالنت مشهور هنا في السويد ويستخدمو فيه السويديين بكثرة في المحادثة وطبعا هذا المكان المناسب(( لاصطياد)) بنت سويدية لعل وعسى يصير النصيب ويتزوجها وياخذ بيها اقامة (طبعا فيه طريق تانية لايف وهيا النوادي الليلية )لكن صاحبنا هذا ما يبيش يخش في الحرام لان معروف الجو متاع الاماكن القذرة هاذي.
المهم انفتح النقاش بينه وبين بنت اكبر منه بعشر سنوات تقريبا، وبدي يدردش معاها بالسويدي ولما دهشاته بالسويدي وباعتبار ان لغته السويدية مش قوية هلبة طلب منها تغير عالانجليزي لانه ما يعرفش سويدي هلبة..في اللحظة هاذي شن تتوقعو البنت دارت؟؟؟ سالت الشاب: عندك اقامة في السويد؟؟ وقبل لا يجاوب قاتله لو ما عندكش اقمة ما عادش تكتب اي حرف تاني!!!!!! يا ناري مسكين هدتله سنونه بالكلمة الاخيرة.
وتصورو الاحباط اللي صارله مسكين....طبعا المدة الاخيرة الحكومة السويدية تعطي في محاضرات لتوعية الشباب السويدي ان فيه ناس يستغلو في موضوع الزواج لغرض الاقامة فقط وبمجرد الحصول على الاقامة يسقدها لحوش امالاها..قصدي يطلع ويخليلها الحوش، وبالتالي فيلم الزواج من سويدية ولّى محروق واللي تشد معاه تشد مع عزوز فوق الستين ومش غير تذوبله ملحته وبس، تخليه يشرّك شلاتيته في الشارع، وينتف شعره هذا اذا كان خلتله شعر اصلا لانه حيتفرطس بكري بكري.
نلتقي قريبا باذنه تعالى

dr fajer
26-04-2008, 08:48 PM
السلام عليكم ورحمة الله
{...............................عارفها بايخة.}

مش بايخة هلبة شوى.......يعنى ماشى حالها ..

سويدي لا محالة
27-04-2008, 05:04 PM
السلام عليكم ورحمة الله وبركاتة
اخي احمد اقسم بأني لم انم منذ يوم امس بسبب سرد قصة حياتك واقامتك بالسويد وأنا ممن يحلموا بهذا الحلم منذ الصغر الحمد الله لقد انهيت حياتي الجماعية بدرجة متفوقة وانا هنا لا اقصد اني سأستفيد منها بالسويد وانما هي قيمة ومكانة رفيعة يحتلها الانسان في مجتمعة لا اكثر ولا اقل . ولايتمكن من الحصول بها في وطنة على فرصة عمل تكفل له حياة كريمة .

اريد ان اقول هنا في هذا الموضوع ان الفلسطيني في قطاع غزة له وضع خاص ومعاملة خاصة من قبل السلطات السويدية فأنة من المفارقات الطريفة انني لاجئ مسجل لدى الأنروا في بلدي هل يفيدني كارت اللاجئين الخاص بي في تقديمة للسلطات السويدية لطلب اللجوء فهو يعتبر اثبات هوية عند اتلاف او اخفاء جواز السفر .
مارايك اخ احمد في هذه الخطوة ام هي ضرب من الخيال ؟؟.

hatemo
27-04-2008, 06:05 PM
السلام عليكم ورحمة الله وبركاته
كيف حال الجميع الي في البلاد والي خارج البلاد؟
بعد التحية
خوي أحمد نبي نسألك سوال هل في شئ في الدنيا كامل مافيهش عيوب ؟
ماعتقدش .
كل شئ في الايجابي والسلبي.
السويد مش جنة أكيد .
لكن فيها جوانب أيجابية غير السلبية .
انا نحكي من تجربة ليا لاني زرت السويد وقابل ناوي نقعد .
في الحقيقة انا كنت ناوي ندرس الماستر لكن ؟
لكن حصلت عمل في ليبيا فرجعت
وعشنا الواقع المر.
المستقبل والطموح
ماعندكش الطموح ولا الهدف صدقني تقعد (حشاكم ) زي البهيمة.
وكل شئ كويس لازم يكون صعب بالذات في البداية.
لكن نحنا (علي قول ) نبوها حمرا وجرايا.

أحمد الشفتري
27-04-2008, 08:21 PM
وعليكم السلام ورحمة الله اخي (سويدي لامحالة) ...يا لطيف الطف شن هالاسم ،شكلك ناوي السويد براص الموس والا بقعره
على العموم الف مبروك على الشهادة الجامعية وعقبال الدكتوراه ان شاء الله
طبعا اني ما فهمتش بالزبط انت وين حاليا ومن وين خذيت شهادتك لكن يتهيالي انك في فلسطين
على العموم بالنسبة لاهالي غزة (ربي يفك شدتهم و ييسر لهم امورهم) من الناس اللي عندهم امل في طلب الاقامة في السويد واعتبارهم لاجئين انسانيين بسبب الظروف في قطاع غزة..وبمجرد اثباتك للسوديين انك من القطاع فاملك كبير في الحصول على الاقامة باذن الله، ممكن الموضوع ياخذ شوية وقت لكن باذن الله خير.
وبالنسبة لكرت منظمة غوث الاجئين الحقيقة اني ما عنديش عليه اي فكرة وشن ممكن يمثل للسويدين...الاجابة اكيد تلقاها عند اي حد من نفس وضعك ووصل الى السويد ...واعتقد انهم هلبة
ربي يسهلك امورك وموفق باذن الله

أحمد الشفتري
27-04-2008, 08:30 PM
وعليكم السلام خوي حاتيمو
اجابة سؤالك بسيطة جدا وحنجاوبك بشطر من قصيدة للامام علي بن طالب رضي الله عنه
تبا لدار لا يدوم نعيمها.... ..........
المعنى انه ما فيه شيء في الدنيا كامل بكل تاكيد وكل الامور عندها وجه مظلم وسلبيات اضافة الى الجانب المشرق والايجابيات.
وكلامك مزبوط ونوافقك فيه بس بنقولك شيء واحد
الابتعاد عن الاهل والاصحاب والبيئة اللي الواحد فوت فاها بداية عمره وممكن نص عمره ضريبة مش ساهلة وطالما الواحد دافعها دافعها يدفعها على شيء يستاهل..واعتقد ان السويد ما تستاهلش ضريبة بهذا الحجم اطلاقا.
اليوم درت طرحة طاجين مش عادي لدرجة اني شكيت اني اني نكون اللي مدايره بعد ما نكمله ونعدل اموري ليا عودة باذن الله وطبعا ما نقدرش نقوللكم تفضلو باش ما تقولوش عزومة مراكبية
في امان الله توا

dr fajer
27-04-2008, 10:11 PM
{ماعندكش الطموح ولا الهدف صدقني تقعد (حشاكم ) زي البهيم}

بس الأحلام ماتتحققش , والطموح يتعب هلبة مش شوى , ويسبب أزمة نفسية ويخليك معاش ترقد, وممكن أحياناً يخليك تحسد غيرك ................الخ , فمرات حتى الواقع يشكروا فيه .

سويدي لا محالة
27-04-2008, 10:36 PM
شكرا اخي احمد على الرد
وانا اقيم حاليا في قطاع غزة المنكوب ( غزة قبل الانفجار )
اريد اسالك هل هناك فرق بين الاجى السياسي والاجئ الانساني ليس من حيث المعنى وانما من حيث قبول السلطات السويدية لطلب اللجوء بدرجة مضمونة 100 %؟
والسؤال الثاني هل صحيح بأني لاامنح الجنسية السويدية بدون اثبات هوية ؟ انا طبعا لا اقصد جواز السفر لاني انوي اتلافة عند وصولي وانما اثبات باني من غزة وفلسطيني هل يسهل علي امور كثيرة ام ادخل بدون اي اثبات شخصي ؟
تقبل تحياتي وسروري بالدردشة معك وعلى فكرة انا بعد وفاة الوالدة رحمها الله لم يعد لدي شي ابكي علية في هذه البلد . ومشكلة الوحدة في السويد التي تشكون منها فهي تمثل ميزة بالنسبة الي فانا انسان انطوائي قد ماتتصور . تقبل مروري اخي الليبي على فكرة انا من مواليد ليبيا الحبيبة .

hatemo
28-04-2008, 12:23 AM
السلام عليكم ياأخوان
ياجماعة نحن مشكلتنا العرب ننظرو للحياةمن منظور ضيق ........ وصدقوني ضيق جداً.
ونقيمو الأمور من وجهة نظر خاصة
ياأخي أحمد أنا مانتكلمش عليك ولاعلي لاكن شوف الشباب؟
في الي قاعد مش محصل عمل ولا فرص
بيش شوف المستقبل المتنيل
أنا يأخي أحمد ماقدتش ان الشاب يعدي للسويد بالطريقة الي توا يمشو بيها الشباب.
بدون مايعرف شنو هدفه
لكن كل شخص له وجهة نظر وظروف مختلفة
فيه الي ماشي عشان هدف.
وفي الي يمشى (night club) عشان يصيدلا سويدية يزوجها ويحصل الأقامة وبعدين كلنا عرفين باقي المأساة.
ويضيع أ لا من رحم ربي
أنا شفت الشباب بالذات الشباب الليبي الي في السويد.
لكن كيف ماقلت قبل
في ظروف مختلفة لكل شخص.
.قصدي أنا فيه الي في بلاده وضايع.

hatemo
28-04-2008, 12:48 AM
• من خلق ليزحف لا يستطيع أن يطير

أحمد الشفتري
28-04-2008, 12:24 PM
السلام عليكم
تعجبني واقعيتك يا دكتورة فجر..صحيح ان الامل والاحلام والطموح هيا المحرك للانسان واكيد بدونها تنعدم الدوافع اللي تخلي الشخص يدور عن الافضل والاحسن، لكن كل شيء باللطف، ولازم تكون المعطيات متوافقة نوعا ما مع احلام الشخص وطموحه، وطالما وصلنا في دوّة المعطيات معناها خشينا في كلام اخونا حاتيمو.. اولا نهارك مبارك ويعجبني طموحك وان شاء الله ربي يوفقك فيه واكثر...با عتبارك كنت في السويد وبما انك من مدينة بنغازي فاكيد عندك علم بالقصة اللي صايرله لليبين في استوكهولم واكيد عارف نوعية الحياة اللي عايشينها ومن وين يجيبو في الفلوس ووين يصرفو فيهم ؟؟؟؟ النقطة اللي نبي نوصلها ان الهجرة ما تحلش مشاكل كل الناس فيه نوعيات لو يهني كرايمه ويقعد في حوشهم ويخلي الطابق مستور احسن ليه ولغيره افضل من الصورة الـــــ..... اللي يتمتعو بيها الليبين في استوكهولم حاليا !!!!!
وبعدين مفهوم النجاح اكيد يتباين تباين جذري بين الاشخاص واني شخصيا يهمني يكون النجاح شامل لجميع نواحي الحياة..يعني ممكن تنجح علميا او مهنيا وتخسر حياتك الاجتماعية وممكن تخسر دينك..ممكن جدا..في الحالة هاذي كانك يا بوزيد ما غزيد( ما عليش الدال على شان القافية بس )
فاني معاك مية في المية ان الواحد لازم يكون عارف شن يبي بالزبط ويشوف مكان يتناسب مع طلباته وفي نفس الوقت مع امكانياته.
وبالنسبة لحالة الشباب في ليبيا خلاها في سرك وخلاص..حالتهم تقطع القلب( فجيوة) وخلاص، واسوأ شيء في الموضوع العزلة غير العادية عن العالم اللي عايشين فيها الشباب الليبين، وغالبيتهم مازال ضارب روحه بعصبة، ويحساب روحه فورميولا ون والباقي رابش، وهذا علاش لما يطلع الواحد منهم يدوخ وتتشكبن حكايته، وهذا مفهومي للمنظور الضيق اللي حضرتك قلت عليه عند الليبين (وليس العرب) حقيقة لانه الفرق بين الليبين وغيرهم من بقيةالعرب في طرق التفكير فرق السما عالارض.
نكملو نهار آخر ان شاء الله

أحمد الشفتري
28-04-2008, 12:42 PM
السلام عليكم اخي (سويدي لامحالة)
اولا عظم الله اجرك في وفاة والدتك وان شاء الله ربي يتقبلها برحمته الواسعة ورد بالك تنساها من الدعاء مرة مرة .
بالنسبة للجوء، مش انت تقرر هل هو سياسي او انساني ..انت تتطرح ظروفك وتوضح مشكلتك ودائرة الهجرة تقرر نوع اللجوء اللي ممكن تمنحهولك.
بالنسبة للجنسية السويدية ..بعد انقضاء المدة القانونية بعد الحصول على الاقامة الدائمة ...وهاذي تختلف حسب نوع الاقامة اللي تحصلت علاها وتتراوح من 3 الى 5 سنوات مع وجود استثناء خاص بالصوماليين وهو7 سنوات.. المهم لما توصل الى موعد التقديم للحصول على الجنسية لازم تجيب جواز سفر من بلادك ولايعتد باي مستندات اثبات هوية اخري.
طبعا عند تقديم طلبك هنا من الافضل انك تقدم اثبات هوية من غير جواز السفر طبعا لانه حياكدلهم انك من غزة.
و بالنسبة لانطوائيتك يستر الله وخلاص، يعني لو تجي هنا ممكن تنسى حتى الكلام مرة وحدة !!!!
وبعدين ليش التعب مادامك مولود في ليبيا (الحبيبة على قولتك) وعمرك فوق الــ 18 قدم طلب الحصول على الجنسية الليبية وخلاص مالك ومال السويدية؟؟؟ والا شن رايك؟؟؟
على فكرة جواز السفر الليبي فيه مشكلة مش عارف امتى بيديرولها حل...موظفي الجوازات في المطارات وبالذات اللي مش متعودين على وجود الليبين فيها تواجه فيهم مشكلة معرفة مصدر الجواز من اي دولة صادر!! ليش؟؟ لان جميع البيانات مكتوبة بالعربي بس؟؟؟؟ يعني مرة صارلي موقف وشفت الموظف يقلب في الجواز متاعي فوق ولوطة وعلى وجهه علامة استفهام كبيييييرة حجم عائلي ..في الاخير معادش فاها قاللي انت من اي دولة؟؟؟؟
والفالح فيهم اللي زعماته مثقف يقولك انت من السعودية؟؟؟ باعتباره جواز لونه اخضر والكتابة بالعربي !!!!
المكان الوحيد اللي فيه بيانات بالانجليزي هو الصفحة الاخيرة وختم مش طباعة (توا تغيرت ولت طباعة لكن البانات بخط اليد) والموظف لما يمر علاها يتوقعها فيزا !!!
وبعدين يا جماعة الخير بيانات جواز بخط اليد..عشنا وشفنا..وبالعربي بس كذلك عشنا وشفنا..المشكلة ان الجواز وثيقة معدة للاستعمال في اي مكان في العالم يعني في اسوأ الظروف الانجليزي يكون موجود وبشكل واضح والبيانات تكون مطبوعة طباعة.
خذتني الدوة الى موضوع تاني لكن والله الموضوع هذا مغششني شوية وبالذات لما نشوف في جوازات باقي العالم نزيد تغشش اكثر..مثلا الجواز السويدي مكتوب باربع لغات عالجلدة الخارجية وعلى صفحة البيانات الرئيسية ومش بخط اليد بكل تاكيد

aimendeeb
28-04-2008, 07:43 PM
السلام عليكم ورحمة الله وبركاته
رواد الهندسة نت أسعد الله مسائكم أن كنتم تقرءون ردي مساءا ً وأسعد الله صباحكم أن قرءا تموه صباحا ً لا أريد أن أطيل عليكم هذا الموضوع قص عليا في المنتدى صدفه بس الحمد لله تعرضت لبعض الأضرار جراء الإصتدام مما أدى ألي إدمان الموضوع وشديتها في جرته الي قص الطريق قدامي من مركز إلى مركز ومن نيابة إلى نيابة والآن القضية محولينها إلى مجمع المحاكم ويستر الله وإنشاء الله يحكم بيناتنا قاضي عادل ( رد) و لا أطمع في رد قدر ما أطمع في قاضي عادل وهذا أُكله التحقيق 11 صفحة فقط ونص المادة كان يقول فيه المدعى عليه هذا الاقتباس #101 ---- ((كل شيء في السويد ينباع بالتقسيط (الا الاكل) )) والتحقيقات في المركز مازالت جارية وماكش غابي من في المراكز متعنا الشلبوخ أقل حاجة للاعتراف أنقولك أن أعترفت الحق متع ربي من الشلبوخ الأول يودي دق زين بكل دق زيــــــــــــــن (بسم الله مشاء الله ) يأ أخ أحمد الشفتري أنا وراك وراك وبيناتنا القاضي ونقولك المحامي تبعي زي مابيقولو أخوتنا في سوريا مالي منه أيدي وراك وراك لين نوصل في الصفحة الأخيرة من المحضر وإنشاء الله نقرا المحضر أكله إلي هما طبعا ً أقولك باش نعرف شن أنقول في الاستئناف لان وبكل بساطة عارف أن الجلسة الأولى حتكون
في صفك ..... تقبل تحيات مجني عليه .... الذيب

msforever
28-04-2008, 09:29 PM
شكرا اخي العزيز احمد علي ردك عليا المرة اللي فاتت
بس بالنسبة للي مقدم عل اقامة لم شمل هل ممكن تترفض وهل بتكون شنغن يعني ممكن يدخل بيها اي دولة اوروبية وبالنسبة للجنسية السويدية ياخدها بعد اد ايه؟

وبالنسبة للدراسة الجامعية ازاي الواحد يعادل الثانوية العامة اللي معاه بالثانوية السويدية
ولو درجاته في بعض المواد العلمية مش حلوة اوي ازاي ممكن يعدلها هل ممكن يدرس سنة تحضيرية قبل الجامعة لهذه المواد ياريت تفيدني بأي معلومات
وبشكرك مرة تانية
تقبل تحياتي

أحمد الشفتري
28-04-2008, 09:45 PM
وعليكم السلام ورحمة الله اخي ايمن الديب
اكيد حنقولك مساء الخير لاني قريت مشاركتك في المساء.
اول شيء ضروري نوصفلك حالتي لما نقرا في مشاركتك..وحنشبهلك حالتي بدعاية تجي في التلفزيون السويدي وهيا دعاية للانترنت عالي السرعة والمشهد كالتالي:
طلبة ابتدائي مقعمزين في الفصل وقدامهم مدرسة كاتبلتهم معادلة معبّية السبّورة من نوعية معادلات آينشتاين وجماعته، وما نحكيلكش عالدهشة المرسومة على وجوه الصغار وهما يشوفو في رموز ودبش عمرهم ما شافوه من قبل، طبعا الدعاية توضح في نفس الدهشة والدواخ اللي يصير لمستخدم منزلي تعطيه انترنت بسرعة 25 ميجا...اكيد حيدوخ والا لا؟؟؟
طبعا اللي دوخني اني عدة حاجات الاولى اني ما نفهمش حتى حاجة في لغة القانون والمحاكم والادعاء والمجني والجاني وانت ما شاء الله عليك شكلك ضليع في الامور هاذي من خلال مشاركتك..الحاجة التانية اني قبل شوي خذيته سالطو عديّك من عالبشكليطة.. انفكّت الكاتينة والبشكليطة فرينو بدالي وما فيهاش فرينو مانو.. واني في ساليطة وابصر وين علقت رجلي..المهم لقيت روحي عالكيّاس مع شوية تخلخيل في عظامي.. وجيت انت كملت الباقي... سامحني الدوة كلها بصارة ( لكن الطيحة مزبوطة)...بس الحقيقة ما شاء الله عليك عالحبكة القانونية اللي كتبتها قريتها 3 مرات باش فهمت (يتهيالي اني فهمت).
وقبل لاننسى الحمد على سلامتك ورد بالك من الحوادث والقصان والاصطدامات، راهو التمزيط في ليبيا كاثر هالايام واللي يموتو من الحوادث في ليبيا ممكن اكثر من اللي يموتو في تفجيرات العراق....هما الليبين حارتين وفرد ومشو رابش هما وسياراتهم، تعرف في السويد لو واحد يخرط الباراوالطي متاع سيارته او يُنقب الصطبّ يجيبوه في النشرة !! فما بالك بارواح تريح لمجرد استهتار السوّاقين وعد مبالاتهم او احترامهم للقانون.
خلي بنكمّد الخبطة اللي في رجلي باميهة وملح ونكمل لاحقا اذا كان ما صارتليش مضاعفات.

أحمد الشفتري
28-04-2008, 09:54 PM
السلام عليكم اخي msforever
العفو يا اخي، ان شاء الله نقدر نفيدك باي معلومة نعرفها
بالنسبة لاقامة لم الشمل مازالت السويد احسن دولة اوروبية في الموضوع هذا (هذا طبعا اذا اعتبرنا السويد في اوروبا) لانهم ما يشرطوش في اي شروط لطلب لم الشمل، ولو انهم طاراحين مشروع تعديل للقانون هذا ويبو يطبقو نفس الشروط الصعبة المطلوبة في معظم دول اوروبا ومنها الحصول على عمل بمردود مناسب وتوفر سكن،لكن الى الآن ما فيه شيء رسمي.. يعني لو فيه حد ممكن يديرلك لم شمل قوله يخف روحه قبل لا يغيرو السويديين رايهم.
وطبعا بمجرد حصولك على اقامة في السويد فكل دول الاتحاد الاوروبي الواقعة في نطاق شنجن بامكانك تتحرك فيها بكل سهولة وبدون فيزا... وطبعا بريطانيا وسويسرا برا الخوطة.
بالنسبة للشهادة الثانوية زي ما قتلك ما عنديش علاها اي فكرة لكن بمجرد ما نشوف الشاب اللي حكيتلك عنه ونحصل منه اي معلومة حنقولك علاها باذن الله
ربي يوفقك ويسهلك امورك.

سويدي لا محالة
28-04-2008, 10:01 PM
احمد باختصار هل مانسمعة من امتيازات واغراءات من مسكن وكهرباء مجانا وسيارة ...الخ عند حصولك على الجنسية صحيحة وامكانية اخذ قرض لتبدأ مشروع تكون به حياتك ومصروف شهري يؤمن لك حياة بسيطة هل هذه الاغراءات صحيحة ؟؟

أحمد الشفتري
28-04-2008, 10:42 PM
باختصار قتلي؟؟
لا

aimendeeb
29-04-2008, 12:46 AM
السلام عليكم ورحمة الله وبركاته
خوي حمد أنعم توه خليها خوي حمد بارك الله فيك وسلامتك والله كبيره الطيحة إلي كليتها بسيطة وبعدين كلك مفهومية ثلاثة أبعاد فقط في الهندسة لكن الباين أنه فيه بعد رابع وأنت عارف المقصود مقارنته مع الأخوان إلي طايحة بيهم القلالة (عذرا ً على التعبير- فهو تعبير مجازي للتوضيح لا أكثر ولا أقل) المهم حاول أتدير جهدك معاهم طبعا مع أني عارف أنك مقصرتش مع العلم أن لي صديق وأخ روحو من غادي لكن محكوليش على أحكيته أنت و عزيزي هني نتكلم بصفتي مسحت المحضر إلي تكلمت عليه قبل قليل ولو أنها جاءت متأخرة الله غالب ماهو قلنا الموضوع قص علينا قصان يعني شديتها في جرت الموضوع من الأول إلى الأخر منحكليكش من طابية إلي طابية ومن زيتونة إلى زيتونه حتى الصفصفة متع حوازته الجيران مردت فيها لين أخضارو أركابي منبوش نهربو من الموضوع والموضوع يهمني لأنه كنت ممن فكروا في الهروب من واقعنا الحلو بكل ما في الكلمة من معني ولكن هذا الواقع تنقصه بعض الضمائر الحية التي نتمنى أن تعود من بعيد لتشارك في بناء مكان يطيب فيه العيش لاولدنا ... شن بنقولك ربنا يهدى الجميع وتعود أنشاء الله على خير وتساهم في بناء المستقبل الي قلنا عليه لأولدنا ... نراكم على خير ونقلولكم توه تصبحو على خير أنشاء الله ,,, نحس في عيوني تخالفوا من كثر القرايه .. هي السلام عليكم

أحمد الشفتري
29-04-2008, 03:23 PM
وعليكم السلام ورحمة الله خوي ايمن
تعرف من زمان واني نتمى نلقى واحد عنده نفس اسلوبك في الكتابة ويكون عايش في كندا..لاني نتمنى انه حد يحكيلنا على كندا بنفس طريقتك بالزبط، وهل هيا تستاهل الدعاية اللي محصلتها والا فانكو زي فانكوالسويد؟؟؟ يعني هدرزة بالليبي ومن غير رسميات والا اختيار الفاظ اكتب زي ما تتكلم بالزبط وهذا هوا الاسلوب اللي يوصل المعلومة على طول، ومن غير تكلّف...يعطيك الصحة وخلاص تعرف نقرا في دوّة الطوابي والزيتون والصفصفة ونتخيل فيك مدايرها بجدّيات وعيوني لين دمّعو من الضحك، غير اهم حاجة تلبس واقيات للركبة لانها هنا اجبارية و واكيد حتى في كندا نفس الشيء.
ما تغيبش علينا بمشاركاتك، وان شاء الله يكون عندك الوقت باش تفتحلنا الهدرزة على كندا وبالنسبة ليا احجزلي الكرسي الاول في الصفّه الوسطية من توا.
نشوفوك على خير ان شاء الله وفي امان الله