المساعد الشخصي الرقمي

مشاهدة النسخة كاملة : خدمة رنة لمستخدمي ليبيانا ((لتغير نغمة الإتصال))



dashreef44
31-12-2007, 02:20 PM
السلام عيلكم ورحمة الله وبركاته

وانا انتصفح في النت القيت هذا الخبر ...

يتم تجريب مشروع افتتاح خدمة رنة من شركة ليبيانا وهي عبارة عن نغمات جديدة تسمعها بدل نغمت (( تووووت تووووت )) عند اتصالك بأحد ما..

وثمن هذه الخدم سيكون 0.99 درهم...

وهذا الموقع :


http://www.rana.ly/colorring/index.jsp

وفي انتظار ان تتحسن الخدمات القديمة مبارك عليكم هذه الخدمة الجديدة...

الليبي77
31-12-2007, 05:04 PM
مشكور اخي الكريم
انا فعلا اتصلت بهم وقالوا انها مازال تجريبة
شكرا لاهتمامك

الفتى الخارق
10-01-2008, 11:32 AM
بارك الله فيك يا خوي

و في انتظار المزيد ...

ger80e
10-01-2008, 01:16 PM
ميزة حلوة مزيدا من التقدم

والله الموفق .

dashreef44
13-01-2008, 09:52 AM
السلام عليكم ورحمة الله وبركاته

أخوتي الأعزاء الليبي77، الفتى الخارق،ger80e

منورين شباب وفي انتظار فتح هذه الخدمة

dashreef44
05-02-2008, 01:18 PM
تم افتتاح هذه الخدمة للجميع الآن ولكن حتى الإشتراك نفسه بـ 150 درهم إلى جانب الـ99 درهم حق النغمة المراد تتبيتها

لا حول ولا قوة الا بالله

في تونس مجانا الخدمة هادي

جنكيز خان
06-02-2008, 01:02 AM
منوور يا مان على الموضوع الرايق مشكور على العلام


=====================

سلامون

babow 5-13
06-02-2008, 02:10 AM
أي معلومة إن شاء الله نجاوب عليها بخصوص هاذي الخدمة

ومن مزاياه إنك ممكن تحضر قائمة وتجعل رنتك تتغير عشوائيا في كل إتصال

كذلك يمكنك منح رنة معينة أو مجموعة رنات متغيرة لرقم معين أو أكثر وحتى الأرقام الأرضية

أيضا يمكنك البحث عن رقم خط معين وترى ما يملك من أغاني وإقتناء مثلها

كذلك من إحدى الخصائص أنك يمكن أن تهدي أغنية وبثمن الدينار (0.99) أو أكثر لرقم معين ستصله رسيالة

ومن تم يدخل على الموقع أو يتصل بالموزع الصوتي 128 ويتبع الخطوات لتعينها كنغمة رئيسية

لا يمكنك رفع نغمة من جهازك أو موبايلك بل يمكنك أن تقترح إسم أغنية ومغنيها وإقتراح المقطع الذي يعجبك

ومن تم يقوم القائمين على الموقع بالإشراف على تلبية طلبك

ميزة أخرى أنك حين إشترائك لنغمة موجودة مسبقا لإغنه تظهر رسالة تنبيه بأن النغمة موجود مسبقا


عند الأتصال ينقص الرصيد بمبلغ بسيط ولكن عند وصول الرسالة تجد أن الرصيد نقص بمقدار حوالي 4.400 د.ل

الرقم السري المطلوب كله أرقام ومن ستة خانات وينتهي بعده بمربع

وطريقة الإتصال السريعة هي 128 تضغط 1 بمربع سماع صوت الرد وبعدها مباشرة 1 وبعدها رقم من 6 خانات و

# وتكرر الرقم و#

وتقفل المكالمة تصلك رسالة وحينها تتغير نغمة النداء من العادية إلى نغمة شبيهة بنغمات الكلاسيك بعدجها تدخل وتختار أغنية قيمتها دينا

في حالة إشتراكك تملك مساحة (مكتبة) تسع عشرة رنات

يمكن إضافتها في قائمة وتعينها كنغمة أساسية

...ولأي إستفسار

طرابلسى100%
07-02-2008, 09:17 PM
منور ياغالي
وبالله عليك ياريت تقولنا كيف ترد النغمة الأصلية (تووت تووت)
وبارك الله فيك

memo_1981
08-02-2008, 01:22 AM
dashreef44
هدا علم مالطا صح
ممكن تغيرة لان فيه صليب
وشكرا على موضوعك

صواير
08-02-2008, 01:53 AM
مشكور اخي الكريم

babow 5-13
08-02-2008, 02:45 AM
بسيطة تدخل على موقع RANA.LY وبعدها تختار رناتي من الأعلى ومن تم تختار في نصف الصفحة

الرنة الأساسية تجد في أخر سطر كل نغمة كلمة تعيين

تختار نغمة إسمها ليبيانا لكل مشترك وتضغط تعيين

وبعدها تسمع نغمة التوت تووت

عاشق السحر
08-02-2008, 07:36 PM
مشكور على هذا الخبر ..
و جارى التجربة .

z_love34
08-02-2008, 07:40 PM
تعرفي خاطري فيها من قبل
وجاري تجريب

babow 5-13
08-02-2008, 08:35 PM
خبر عاجل الإشتراك المدفوع والذي بقيمة 3.99 هو لمدة شهر فقط للأسف

SAMBIC
08-02-2008, 11:27 PM
أخي babow 5-13
حتى انتا علم سويسرا فيه صليب
وشكرا

beco47
09-02-2008, 12:14 PM
شكرااااااااااااااااااااااااااااااااااااااااااااااااااااااااً

dashreef44
09-02-2008, 12:43 PM
عند الأتصال ينقص الرصيد بمبلغ بسيط ولكن عند وصول الرسالة تجد أن الرصيد نقص بمقدار حوالي 4.400 د.ل

خوي باباو قصدك باش نوصل ونحط نغمة معينة نلقاه ناقص الرصيد اربعة دينار ونص حوالي ...

الأستغلال بعينه

حتى نغمة توووت تووووت يشكروا فيها

تي خيرنا حني حتى كان خدمات ديلوكس انقولوا

عموما بارك الله فيك على هدا التوضيح ياخوي

dashreef44
09-02-2008, 12:46 PM
أخي babow 5-13
حتى انتا علم سويسرا فيه صليب
وشكرا

أخي العزيز SAMBIC:

كلامك صحيح مائتين في المية ولكن ماذا تقترح علينا ان نعمل فالأعلام موضوعة مسبقا في المنتدى انت تختار البلاد وهم يضعون العلم ...

babow 5-13
09-02-2008, 02:05 PM
لو بنختار صليب نختاره بينه وبين نفسي

وبنقولك
اي شئ أوروبي لو تمعنت فيه ستجد الصليب

خوي الإيمان مش شعارات الإيمان عقل وعقيدة

ومرة قالولي في هاتف الجرة صليب في برج العرب صليب في (الصليات) صليب

عمر ماكان الكفر يالشعارات والإيمان بالكلام واللحي الإيمان بالنفس


وأصلا إنت واضع إيميل يا هو والياهو إختصار لكلمة اليهودية

وكاتب طرابلس بالإنجليزي tripoli

وإلا هذا من تقاليد السلف ؟؟؟


المشاركات: 6
المدينة: Tripoli

إرسال رسالة عبر مراسل Yahoo إلى SAMBIC


+++++++++++++++++++++++++++++++++++

موضوعنا الرنة رسمي تأخذ منك حوالي 400 وبعدها 3ز99 على أساس بيهربوا من

الضرائب

والتغيير بدينار من الإنترنت عند الشراء
وةيمكن تغيير الأغنية من الرقم 128 وتأخذ حوالي 300 درهم عند إختيار الأغنية السادسة تقريبا

nader-sat
09-02-2008, 10:21 PM
منور يا غالي علينا

m3leshy
10-02-2008, 03:17 PM
و الله نصب فى نصب

steev
10-02-2008, 03:26 PM
منور والله لكن المشكلة في ناس مايعرفوش الموضوع هذا ولما يتصل بيك تطلعلا بدل توووووت تووووووووت أغنية أو غيرها يقولك هذا يتسهوك عليا
المهم منور والله

Yuz-Bash-Mohandes
13-02-2008, 08:03 AM
السلام عليكم...

يا جماعة عيب عليكم و الله عيب عليكم ... واحد يقول في تونس مجانية و احد يقول نصب في نصب و مشعارف التالت شن يقول؟؟؟ و كله من غير دراسة و لا تمعن في الموضوع شوية.... أهو إنقوللكم كيف؟

أني كيف مروح من بريطانيا و نعرف إن أسعار هواتفنا من أرخص الأسعار في العالم و الله...

تعرفو أن سعر المكالمة العادية في الدقيقة في لندن في أرخص شركة محمول عندهم بأكثر من نصف دينار في الدقيقة؟ و في ليبيانا بـ 15 قرش بس؟
تعرفو إن الأنترنت في لندن في المقاهي بـأكثر من 5 باوند (7 دينار ليبي) في الساعة و كلكم تعرفو في ليبيا بقداش...
تعرفو أن خدمات زي خدمة رنة متاع ليبيانا سعر الرنة الواحدة بـما يعادل 3 أو 4 دينار ليبي و لمدة 30 يوم بس في أكثر من بلاد في العالم؟ في ليبيانا بدينار و لمدة سنة!!! حتى في الكويت أسعارهم هكي و أكثر كمان... سعر الرنة القديمة 2 دينار في الشهر و الرنة الحديثة بـمايعادل 4 و نصف دينار ليبيى ------> و لمدة شهر بس في خدمة سمعني لفودافون؟؟؟؟

للأسف الناس الي تتكلم على أسعار الإتصالات في ليبيا يتكلمو بدون دراية و لا خبرة في هذا المجال أو غيره و يحسابو أن الأجهزة الي تستخدم فيها ليبيانا و لا المدار بالبلاش و لا رخيصة...

أني متأكد أن بعض الناس اللي قالو خدمة ليبيانا الجديدة و اللي نشجع ليبيانا من كل قلبي لتطويرها قالو عليها غالية ممكن يكون بعضهم من المدخنين إلي يصرفو في أكثر من 70 دينار في الشهر على السموم اللي يحطوها في صدورهم و يسممو بيها الأخرين إلي بحداهم و ما يقولوش شركة التبغ نصب و إلا غالية؟؟؟ أني نعرف واحد مدخن يدفع في البكو مش عارف شن نوعه 2 دينار و نصف مرتين في اليوم بدون رمشة عين و لما يشري ربطو معدنوس بربع دينار يقعد ساعة يساوم في الراجل بيش ينقصله 10 قروش.... لا حولة و لا قوة إلا بالله!!!!

يعني تحط نغمة دينية مثل نغمة كتاب الله للمنشد أحمد أبوخاطر الأماراتي بيش لما يتصل بيك أحد أصدقائك بالك يكون عاصي و ربي يهديه و يشرح صدره لما يسمعها و هو يستناك ترد على الهاتف ... و أيضاً لما تحط أغنية فايزة أحمد يا ست الحبايب يا حبيبة على سبيل المثال لوالدتك العزيزة بيش تحط إبتسامة على وجهها لما تكلمك و هادا بس بمبلغ 4 دينار في الشهر غالي ؟؟؟ و لكن لما تشري دخان سم قاتل ليك و لأطفالك بـ 70 دينار في الشهر مش غالي؟

babow 5-13
13-02-2008, 11:36 AM
صح كلامك لكن الصراحة

5 دينار كل شهر مشكلة

قصدي لو يمددو الإشتراك ولا يديروه تنازلي


أما لكن ليبيانا رخيصة فأني معاك

abrahim
16-02-2008, 11:42 PM
مشكور اخي الكري

babow 5-13
17-02-2008, 01:39 AM
الإشتراك واقف نتيجة للضغط اللي صاير عالمنظومة وحتى بعض الهواتف اصحاب الرنة عند الاتصال بهم لاتجد الميزة

احيانا

atia_555
18-02-2008, 12:35 PM
مشكورررررررررررررررر حبيبى

خلدون80
19-02-2008, 10:58 AM
مشكور جدا على الكلام الطيب الى قلته فى حق ليبيانا وفى حق ليبيا الغالية وارخص من هكى ما فيش غير البنى ادم ديما نادم وشادينها كلام بدون معرفة مسبقة بالموضوع
الحمدلله على كل حال

Yuz-Bash-Mohandes
19-02-2008, 06:18 PM
شكراً إخوتي لتفهمكم ما قصدت...

أني من عشاق تقنية الهاتف المحمول و بالأخص الإنترنت عالية السرعة مثل الـ 3G من ليبيانا و الـ GPRS من المدار و أنا عندي الشفرتين على فكرة بيش نكون معاكم صريح لكن تقريباً نصف الناس الي نعرفهم عندهم الشفرتين. و لليبيانا مزايا و للمدار مزايا و نتمنولهم المزيد من الإبداعات و الميزات الجديدة زي ما في باقي العالم على الأقل الي بحدانا.

و سمعنا إن في تقنية إسمها الـواي ماكس WiMax قريباً تغطي المدن الكبيرة من ليبيا الحبيبة زي ما مكتوب في موقع شركة ليبيا للإتصالات (http://www.ltt.ly/wimax.php) .... و ألي سمعته إن ليبيا من الدول الأوائل في تبني مثل هذه التقنيات الحديثة جداً...

المهم ممكن تكون هادي كماليات عند بعض الناس و مفيش حد يزعل لما ما يستخدموهاش و ما يشتركوش فيها. و لكن في ناس تانية هادي حاجات يستنو فيها بفارغ الصبر و يحبو يشتركو فيها و يعرفو قيمتها.

أنا قلت كماليات لأن زي ما ممكن تشري سيارة بخمس الاف دينار و تحط فيها كماليات بخمسة الاف تانية.... يعني تحط ديسكووات كروووم بهداك الحساب و تحط فيها ستيريو و دي في دي بلير و شاشة بلازمة للسينما و و و و الى اخره لأن القائمة كبيرة كان بنقعد نسمي للصبح. و نفس الشي ممكن تشري شقة ب 30 الف و تصينها و تحط عليها 30 الف تانيا غير زواق و شوية جبس.... و في الناحية التانية ممكن تخلي سيارتك و لا حوشك كيف ما شريتهم و يمشو زي العسل و يأدو واجبهم و مهمتهم على أكمل وجه!!!

نفس الشي الهاتف يمكن تشري شفرة بخمس دينار و تحطها في نوكيا بيلة و تعبيها 10 دينار رصيد و هاداكا هو لباقي مدة الصلاحية متاع الشفرة!!! ما تتصلش بحد بكل . يعني ترد بس!!!!

و ممكن أيضاً تحط شفرتك في نقال من نوع i-phone بـ 1000 دينار و إلا مشعارف بقداش و تعبيه رصيد و تهدرز على صحابك و أقربائك و تسئل عنهم زي ما تحب.

ممكن تقولو هلبة تلفون بـ 1000 دينار و لكن كان نرجعو شوية للمدخنين (إلي متأكد توة مضايقين مني على الأخر و يقولو هادا خيره لابسنا!!!!!) أني طبعاً ما ندخنش و لهذا مريت على محل بقالة متاع صديقي و سئلته عن سعر الدخان الي الواضح لما قلتلكم في المداخلة متاعي السابقة أنه يكلف 70 في الشهر كنت غالط...

صاحب المحل وضحلي الرؤية و قالي الأغلب من المدخنين يشرو في الدخان المستورد الي بسعر 3 دينار و مرات بـ 3.5 و الناس الي يدخنو في باكوين في اليوم يكلفهم التدخين في 180 دينار في الشهر و في السنة -------> 2160 دينار !!!! نعم في السنة ألفين و مية و ستين دينار ينطح دينار...

يعني كان يبطلو التدخين و الي نتمنى من كل قلبي إنهم يبطلوه!!!! هادو الناس في السنة يقدرو يشرو 2 من الـ i-phone ولا حتى حاجة أغلى من هكي و يعبوه رصيد بقيمة 160 دينار و يشتركو في رنة و في الـ 3G والـ WiMax وغيرها من التقنيات الجديدة الممتعة.

المهم ما نطولش عليكم... أني إتصلت بالإيميل الخاص برنة ليبيانا rana@rana.ly و سئلتهم على الأسعار و كانو في قمة الأخلاق و الأدب و ردو على إيميلى في أقل من يوم و فسرولي مشكورين بمقارنة بأسعار خدمة سمعني (هادي خدمة زي رنة) في الكويت الشقيق و في هلبة من بلدان العالم. و بعتولي مرفقات نحطهم أني بدوري في المنتدى الجميل هادا و الي نفتخروا بأنه منتدى ليبي 100% و له شهرته في العالم العربي كله مش بس في ليبيا...

http://img301.imageshack.us/img301/5256/zainandrana1lz1.jpg


http://img301.imageshack.us/img301/4416/zainandrana2im3.jpg

http://img20.imageshack.us/img20/3229/zainandrana3fb4.jpg

http://img113.imageshack.us/img113/9811/zainandrana4dq5.jpg

و ليكم التعليق!!

babow 5-13
19-02-2008, 06:33 PM
الرنات المجانية ولا يسووا حاجة

الإشتراك متع 3.99 شهري يعني كل شهر مع صلاحية الأغنية توصل لسنة 2012

مافيش إمكانية إعطاء أغنية بين شخص وأخر مجانا لا زم إهداء مع إنها ملكك وتدفع عليها

هذه بعض العيوب


وعالعموم توا مسكر الإشتراك واللي قالوا ل...ا زايدة كلهم يقولو نبو نشتركو وما حصلناش ؟؟!!

poison74
20-02-2008, 07:50 PM
السلام عليكم يا اخ YUZ ما تنظرهاش من هدى الناحيه لان في فرق كبيييييييييييييييييير فى المرتبات والاجور اللى يتقاضوها يعنى زى اللى مرتبه 30000 باوند فى السنه زى اللى ياخد فى 3000 دينار وانشالله يلحق
و سعر الدقيقه مزال غاليه وبرنامج النغمات كله نصب

dashreef44
21-02-2008, 02:15 PM
الاخ YUZ انضم صوتي للأخ poison74 ...

فكيف حضرتك تقارنلي باللي معاشه يفوت الـ ثلاثة الاف يورو شهريا (( وركز علي كلمة يورو شهريا )) بالذي لا يتجاوز معاشه الـ الفين وخمسمائة دينار سنويا (( ودير تحتها خطين عراض كلمة دينار سنويا ))

Yuz-Bash-Mohandes
21-02-2008, 04:54 PM
افي فرق كبيييييييييييييييييير فى المرتبات والاجور اللى يتقاضوها يعنى زى اللى مرتبه 30000 باوند فى السنه زى اللى ياخد فى 3000 دينار وانشالله يلحق


عزيزى أنا معاك و مفيش حد يخالفك في أن المرتبات شوية بكل و نتمنو إن يزيدو اليوم قبل بكرة...

و لكن في رئيك انت نقدرو نقولو لشركة المرسيدس و لا البي أم انتي تبيعي في السيارة ب60 الف باوند للعالم التاني و أرجووك بيعيهالنا بـ3 ألاف بس لأن مرتباتنا شوية؟ كان سعر التقنية غالية على كل العالم من أهلها...

إنشالا تكون فاهمني!!!!

dashreef44
24-02-2008, 12:02 PM
عزيزى أنا معاك و مفيش حد يخالفك في أن المرتبات شوية بكل و نتمنو إن يزيدو اليوم قبل بكرة...

و لكن في رئيك انت نقدرو نقولو لشركة المرسيدس و لا البي أم انتي تبيعي في السيارة ب60 الف باوند للعالم التاني و أرجووك بيعيهالنا بـ3 ألاف بس لأن مرتباتنا شوية؟ كان سعر التقنية غالية على كل العالم من أهلها...

إنشالا تكون فاهمني!!!!

أخي العزيز المانيا عندها شركات تنافس في بعضها بالنسبة للسيارات وعموما الستين الف باوند ماهمش هلبة علي شخص مرتبه في ستة شهور يوصل لأكثر من الستين الف باوند لو تبي تقارن


وبالنسبة للمرسيدس كان ماتبيش تشري سيارة تقدر تأجر سيارة وكان ماتبيش تأجر سيارة تقدر تركب الباص وكان ماعجباتكش الباص تقدر تركب القطار وكان ماعجبكش القطار تقدر تركب الترام وكان ماعجبكش الترام تقدر تشري موطو وكان ماتبيش تشري موطو تقدر تأجر موطو وكان ماتبيش تأجر موطو تقدر تشري بشكليطة وكان ماتبيش تشري بشكليطة تقدر تأجر بشكليطة وكان ماتبيش تأجر بشكليطة تقدر تتمشى علي رجليك لأنك عندك خيارات هللللللللبة

وصدقني الخدمة متع رنة في مصر بالنسبة للفودا فون بـ 150قرش للدقيقة قول باش تحط نغمة تبي خمسة دقايق مع انه مستحيل توصل حتى دقيقتين 5×150 = 750 قرش ومدة الصلاحية شهر

خدمة سمعني تونيزيانا 650 مليم يعني اقل من دينار حتى هي ومدتها شهر ...

وهذه مواقع الفودافون والتونيزيانا كان مش مصدق:

http://www.tunisiana.com/jahia/Jahia/Tunisiana/les_services_multimedia/Samma3ni

http://www.vodafone.com.eg/db/JSP/personal/dynamic/ar/services/voiceServices/callTone/callTone.jsp?selectedItem=1678



إن شالله غر وصلاتك الفكرة

MAF405
24-02-2008, 12:10 PM
خدمات لا طائل منها سوى صفر النقود ....

babow 5-13
24-02-2008, 03:28 PM
قصدي راهو الرنة في ليبيانا مش إختراع رهيب راهي كمالية من الكماليات وماليهاش مصروف ممكن لكل مشترك دينار فقط والنغمة ممكن بـ 15 قرش وخلاص


مش مصاريف فاتحة ..!!!

Yuz-Bash-Mohandes
24-02-2008, 08:10 PM
قصدي راهو الرنة في ليبيانا مش إختراع رهيب راهي كمالية من الكماليات ..!!!

يسلم فمك... هاذا الي بنوصله ..... هي كماليات و مش لازمة إلا للى يحب الحاجات هادي.

و أني لما جبت مثال الدخان الي يصرفو عليه المدخنين أكثر من 2000 دينار في السنة قصدي أنه حتى
هو كماليات و لكن مسمعتش حد يقول الدخان غالى..ز

و أهي فرصة خلتنا نهدرزو على بعض;)

ايهاب الحسن
09-03-2008, 06:32 PM
الاشتراكات الجديدة في هذه الخدمة موقوفةةعلى طووووووول وليس مؤقتا

babow 5-13
09-03-2008, 07:05 PM
قبل بنهدرز عليك لكن إسمك لا عرفت نختصره ولا نكتبه ولا ننسخه
\

المهم أخر خبر إن الإشتراك أربعة دينار كل شهر

ارادة
16-03-2008, 11:44 AM
مش تتصل برقم 128؟

مالك ادم
26-03-2008, 07:20 PM
السلام من الله عليكم الرجاء الاشتراك فى رنة ليبيانا وشكرا

babow 5-13
26-03-2008, 11:15 PM
لا توجد إشتراكات فهي متوقفة وتقريبا للأبد !!!!

AHMED2005
08-04-2008, 08:33 PM
ممكن تبعتولى رنه يولد

AHMED2005
08-04-2008, 08:36 PM
ممكن نتعرفو على نغمه يولد

AHMED2005
08-04-2008, 08:38 PM
ممكن يولد تبعتولى رنه تامر حسنى

AHMED2005
08-04-2008, 08:39 PM
لالا على نت

جحا 19
14-04-2008, 01:44 AM
مشكوراا..................

العنقاء2009
21-04-2008, 03:28 AM
هدا نصب واحتيال
يفترض من الشركه سامحها الله ان تعطى هده الميزه مجانا وادا اردت تغير الرنه تخصم قيمه رمزيه ليس الا
ام تخصم قيمة مايقارب 4000 درهم شهريا هدا عيب ويجب ان نخجل من هده الاعمال السيئه التى تشوهه سمعة شركة لبيانا العريقه وقد تعطى مردود سلبى على الشركة وعلى زبائنها الكرام
ارجوا من الأخوه القائمين على الشركه أخد هده المعلومه باالاعتبار وهدا من شدة حبى لهده الشركة وهدا رأئ الشخصى وأرجو ان تعدرونى على صراحتى هده ولكم منى جزيل الشكر ولأحترام والى الأمام ووفقكم الله فى خدمة الشعب

جمال الريم
26-05-2008, 01:50 PM
السلام عليكم ورحمة الله وبركاته
مساء الخير ..
مشكورجدا على هذه المعلومات عسى الله يوفقك ...... بس حبيت اسال كيف يتم تفعيل هذه النغمات على الجهاز خطوة خطوة من فضلك ........ وابحث عن نغمة الاتصال لعيضة المنهالى ... جرح الاليم ابى انزلها على جهازى لتكون هيا البديل لى توووووت تووووت من فضلك ساعدنى :cry: وما نوع الاجهازة التى يمكن ان يستخدم بها هذه الخدمة ولا كل الاجهزة انا جهازى الحقيقة ...... والحقيقة ......... البيله الصراحة ولا غير .... وياريت تفيدني ..... شكرا

naji7777
30-05-2008, 04:45 PM
السلام عليكم
الموقع لم يفتح يا جماعه
مع تحياتي
naji7777

babow 5-13
30-05-2008, 08:23 PM
عارف في مشكلة مرات يفتح ومرات لا

حاول تغير الأوبشن عن طريق الإتصـــال بــ 128

فيصل موسى
01-06-2008, 02:26 AM
بالله ممكن نعرف كيف لو انا نبى اندير رنة توت توت لشخص معين فقط . مثلاً بابا مانبيشى يسمع الاغنية اللى امدايرها وبارك الله فيك

فيصل موسى
01-06-2008, 02:35 AM
والله بالنسبة لخدمة رنة كويسة بس غالية والله ومش غالية بس هى غالية جداً مقارنة بالدول العربية المجاورة اللى يستعملو فى هذه الجدمة. ونامل من المسؤليين فى الشركة لو يقدرو كيف ايساعدونا ويرخسوا فى الثمن . وشكراً

فيصل موسى
01-06-2008, 02:40 AM
ليش ليبيانا ماديرش رصيد مجانى؟ بس علالالالالالالالالالالالالالالالاش . مفروض الواحد امتا ايعبى رصيد بقيمة 10 دينار اتزيده الشركة رصيد مجانى وهذا اسمه تشجيع . حتى لو كان الرصيد يتكلم ليبيانا فقط والله كويس ويعاون شوية. بالله الرد على هذا الموضوع المهم جداً

نسيم سعيد
04-06-2008, 10:06 AM
لانها بصراحة شركة نصب واحتيال

النائب العام
04-06-2008, 12:38 PM
الموضوع اللي فالق الليبين.....
رنة رنة رنة.....اني من اول المشتركيين...
ما ننصح احد بالاشتراك...من ناحية الرصيد راهو تاكل في ماكله "تقول وحش"
وردو بالكم...هذه مجرد نصيحة....
وهذا اني تقريبا...في نفس ""حالة هذا الرجل"" كل شهر....
http://www.moheet.com/image/57/225-300/573703.jpg

فيصل موسى
08-07-2008, 08:43 PM
كيف حالى الشباب الموجودين فى المنتدى انشاء الله بخير . ونتمنالهم الخير والله

فيصل موسى
08-07-2008, 08:50 PM
عندى تعليق نبى انقوله . بالنسبة لخدمة الانترنت كويسة على ليبيانا وسريعة بس التمن والله مبالغين فيه هلبة هلبة هلبة شنى هدا. تى وين وين وين . كان انقوللكم ممكن الدقيقة بدينار كان مش اكثر .شنى هدا لالالالا مانبوشى كا يقعد بهدا السعر , شكلهم يبو ايفلسونا....... المدار افضل بهلبة ,,,, ؟؟؟؟

dashreef44
09-07-2008, 09:59 PM
الموقع مايفتحش في كثير من الأحيان لأنه مافيشي تنحي فلوس زي لما تتصل اتصال ياخوي وكل خطوة تقعد تراجي فيه والحسابة تحسب....

لا أكثر ولا أقل

لا والمدة اللي فاتت يبعتوا في مسج هل تنصح معارفك باقتناء شفرة ليبيانا ...

علي أساس مش جيب واحد ليبيانا ومدار ... والا علي اساس عشرة شركات تتنافس في البلاد ..

babow 5-13
11-07-2008, 10:11 PM
معلومة لا زم متصفح إنترنت إكسبلورر

dashreef44
12-07-2008, 10:40 AM
السلام عليكم ورحمة الله وبركاته


معلومة لا زم متصفح إنترنت إكسبلورر

والله ياخوي باباو المتصفح متعي انترنت اكسبلورير وانأكدلك أنه ليبيا كلها 99,99.99% يستخدموا في أنترنت اكسبلورير لكن المشكلة في الموقع

عموما تشكر عليها المعلومة بارك الله فيك

alamane2008
20-11-2008, 10:09 PM
انا ابى اوقف خدمه الرنه ممكن تساعدونى

وليد حسن محمد ادريس
03-12-2008, 08:07 PM
ازاى تغير الرنات عشوائيه على حسب كل اتصال

وليد حسن محمد ادريس
03-12-2008, 08:11 PM
ازاى ممكن تحضر قائمة وتجعل رنتك تتغير عشوائيا في كل إتصال

فيصل موسى
03-12-2008, 11:24 PM
السلام عليكم اجمعين اخواتى و اخواتى اليبيين والاجانب البيض والسود الضعاف والسمان القصار والطوال

فيصل موسى
03-12-2008, 11:28 PM
خدمة رنة مش موجودة ليها اكثر من 7شهور زعمة علاش . اللى شاركو قاعدين متمتعين بالخدمة و اللى مش مشاركين ايسخفوا ديمة وهما ايجربو بالك فتحوها بالك رجعت بالك سرربت وشى مافيه شئ مش عارف علاش ؟؟؟

dashreef44
04-12-2008, 10:17 PM
خدمة رنة مش موجودة ليها اكثر من 7شهور زعمة علاش . اللى شاركو قاعدين متمتعين بالخدمة و اللى مش مشاركين ايسخفوا ديمة وهما ايجربو بالك فتحوها بالك رجعت بالك سرربت وشى مافيه شئ مش عارف علاش ؟؟؟

ياخوي لوح عليك راهي تقريبا كل شهر لازم من يصهدوا منك رصيد ماقيمته حوالي اربعة جنيه حاجة زي هكي

حتى الجماعة اللي فتحوها علقو ويدوروا في طريقة كيف يسكروها

محمدالزواوى1
09-12-2008, 11:40 PM
السلام عليكم اخوانى كيف الغات هذة الخدمة

محمدالزواوى1
09-12-2008, 11:42 PM
كيييييييييييييييييييييييييييييف نلغيها هل الخدمة

kolan9999
06-01-2009, 07:51 AM
بسم الله الرحمن الرحيم
السلام عليكم ورحمة الله وبركاته
بارك الله فيك

سميني انت
19-01-2009, 02:39 AM
زعما قاعدة تخدم توا والا لا ؟؟

وشن أخر الاخبار عليها ؟

مع التحية ..

dashreef44
19-01-2009, 11:16 AM
زعما قاعدة تخدم توا والا لا ؟؟

وشن أخر الاخبار عليها ؟

مع التحية ..


بالله ياخوي سميني انت نصيحة فوتها من الاخير كان بتسمع كليمة من خوك ...

لأنه لو تبع ردود الشباب تلقى اللي يتساءل كيف ينحي روحه منها لانه تلهط من الرصيد ...

يعني حصلة في الري الحقيقية مش متع الكارطة...

وبعدين خيرهم نغمات البيلة ؟؟؟حتى هما يشكرو فيهم ... المهم تؤدي الغرض والا :lol:

سميني انت
19-01-2009, 12:44 PM
الصراحة قبل بنديرها لكن قلت في رقبتك http://libya-na.com/vb/images/smilies/4.gif

لكن أهو أنقدت روحك فيسع ، كنهذا راهو قعدت في رقبتك http://libya-na.com/vb/images/smilies/21.gif

*******

منور خوي دا شريف وتم الأخد بنصحة :good:

بارك الله فيك

لكن بعشوي ورطتنا http://libya-na.com/vb/images/smilies/4.gif





مع التحية

dashreef44
19-01-2009, 12:59 PM
الصراحة قبل بنديرها لكن قلت في رقبتك http://libya-na.com/vb/images/smilies/4.gif

لكن أهو أنقدت روحك فيسع ، كنهذا راهو قعدت في رقبتك http://libya-na.com/vb/images/smilies/21.gif

*******

منور خوي دا شريف وتم الأخد بنصحة :good:

بارك الله فيك

لكن بعشوي ورطتنا http://libya-na.com/vb/images/smilies/4.gif


مع التحية


لا لا ياخوي لا في رقبتي لا شي ... مالا ماقريتش الموضوع اللي مدايره واحد من الشباب متع هل الإنسان مخير والا مسير ؟؟؟؟

انا وريتلك الطريق وانت اختار ياخوي ... تقدر تختار طريق الخير (( ماتشتركش )) والا طريق الشر (( تشترك )) :lol:

والله كل شاه معلقة من كراعها مانعرفك يوم غدوة :D

وبعدين تعرف الموضوع اهوه مدايره قبل حتى ماتطلع للناس ويديرو عليها اعلانات .. يعني من ايام ماكانت تجريبية وبالبلاش..


لكن بعشوي ورطتنا

عجبتني كلمة بعشوي أول مرة نشبحها مكتوبة :lol: ضلل الكتيبة اللي فاتت باش تقراها

hani elmasri
20-02-2009, 01:20 AM
لو سمحت ممكن اغير نغمتى بنغمه مش موجوده بالخدمه ومش مشكله خصم الرصيد بس الاقى النغمه دى وهى اغنيه ياسمين الخيام محمد يا رسول الله ورقمى 2809353 ومتشكر جدا جدا لتعاونكم
هانى المصرى

babow 5-13
20-02-2009, 03:51 AM
انت ليبي

لانها لا تشتغل الا في ليبيا

المهم في خاصية تحميل من جهازك للموقع ...محدثة وجديدة

خوذ النغمة ام بي ثري وحولها لنغمة ويف بطول قصير وحملها

وبعد فترة تقريبا تجدها موجودة في الجداول الخاصة بنغمات الشركة

منير فارس
28-02-2009, 11:38 AM
مشــــــــــــــــكوريـــــــــــــــــــن

منير فارس
02-03-2009, 10:20 AM
شكرن علي احله جدمة بس كيف نسمع رناتي مع بعضهم

fadeya009
30-03-2009, 12:32 AM
سمحه الفكره بس كان ايخفضو الاشتراك اشوى

jivarat100
27-04-2009, 12:39 PM
hالسلام عليكم مشاركاتكم كلها حلوة ووالاحلى انكم دايما فى تواصل مع بعض وخدمة رنة حلوة حلوة وبالاخص لما اتكون الرنة لى شخص انت اتحبه وتموت فيه شكرا العشق بجنون

jivarat100
27-04-2009, 12:41 PM
hالسلام عليكم مشاركاتكم كلها حلوة ووالاحلى انكم دايما فى تواصل مع بعض وخدمة رنة حلوة حلوة وبالاخص لما اتكون الرنة لى شخص انت اتحبه وتموت فيه شكرا العشق بجنون:good::o

shagla
29-04-2009, 12:09 AM
الغاء الخدمة كيف؟

سمية البرغثى
06-05-2009, 11:30 AM
ديما الموقع فيه مشكله

دله
06-08-2009, 10:33 AM
شكراا علي الموضوع الجميل

haros2004
22-11-2009, 12:42 AM
اسلام عليكم ياشباب ليبية الرجل الاخضر

howba
27-11-2009, 09:34 PM
مشكور اخي الكريم

عمران نت
02-02-2010, 05:31 PM
منور ياغالي وبارك الله فيك

omf_12000
08-04-2010, 12:22 PM
هل توجد هذه الخدمة في المدار؟

dashreef44
11-04-2010, 03:41 AM
قصدكم قاعد الموضوع هو ... لين انسيته انا

شكرا لكل من شارك فيه اخوتي الاعزاء كما أتأسف لعدم متباعتي له لأنني كرهت هذه الخدمة بصراحة في البداية لانها فلست بيا وماعادش حاولت انشارك فيها مرة تانية

babow 5-13
11-04-2010, 12:59 PM
].شريف ....بجد مقدمه

لكن الموضوع فكرتك ..بس الكل يناقش ويردوا على بعض

مش ضروري تقعد ساهر عليهم

(واحد يعاون بحبيل..:( )

kamokan
24-05-2010, 03:42 PM
اشكركم يا اصحاب

w fofo
03-10-2010, 08:37 PM
كيف نقوم بتغير رنة في لبيانا

melgreby
06-10-2010, 10:10 PM
مشكور اخي الكريم

waseempro
14-10-2010, 02:39 AM
الي يبي اي نغمة في خدمة رنة يتصل بيا علي00000000000000000

اضافة رقم الاتصال مخالف للقوانين

kamokan
11-01-2011, 11:17 AM
شكرا ولكن الموقع لايعمل

سالم وبس
12-10-2011, 11:08 PM
سلام عليكم كيف يمكن اشارك

سالم وبس
13-10-2011, 01:40 PM
سلام عليكم

zezozezo2005
06-01-2012, 10:07 PM
الله واكبر الله واكبر

كبر وخود ساتر