المساعد الشخصي الرقمي

مشاهدة النسخة كاملة : طلب بسيط من بنات ومدامات المنتدى!!!



الصفحات : [1] 2

bride2009
17-02-2009, 09:25 AM
كيف حالكم يا بنات ومدامات المنتدى



الصراحة انا اول مرة نشارك وياريت تساعدونى

عرسى انشاءالله قريب وقاعدة محتارة ومش عارفة كيف نبدا عندى شوية أسالة وياريت الى عندها أى فكرة ترد عليا



-1 المزين وهدا اهم حاجه قعده محتارة بين نادية الجزائرية او فاطمة شعيب انا فى بيانى مشيت ناديه وطلعتنى ماشاءالله والى يشوفنى يقولى امشى لنادية لانها طلعاتك حلوة بس انا نبى نغير بس خايفة من فاطمة لانى شفتلها عروسة وحده فقط وكانت روعة :good:بس عروسة وحدة بس مش كافية ولا شنى رأيكم؟؟؟ ياريت الى شايفة عروسة لفاطمة او مجربتها بأمانه ترد عليا وكيف تسريحات الشعر عندها؟

انتوا يابنات تعرفوا مرات هلبه مزينات يخلوا الشعر زى الرشادة يكتروا فى السبراى وبعد مايتم العرس اغلب البنات يضطروا ياخدوا دش لان الشعر يكون يابس هلبه؟

ياريت البنات المتزوجات بس استفسار بعد ماتم العرس هل فكيتى التسريحة وقعدتى بشعرك ولا خديتى دش كيف اتصرفتى ولو الشعر كان كله اسبراى؟؟؟ :rolleyes:

اه انا مفكره نقص شعرى ونصبغه لون بنى على شوكولا لانى كنت مدايره خصلات ف البيان بلاتين لون دهبى وتوه نزلوا شكلهم مش حلوين مفكره نمشى لفيكى كلهم ينصحونى بانها احسن وحده فى القص والصبغ بس ناس تقول انها دكتاتوريه وتمشى رايها وتقص هلبه ؟؟ شن رايكم؟؟

-2 كروت الدعوة ياريت تساعدونى فى اسماء محلا راقية واسعاره معقولة وياريت العنوان او التلفون

-3 مش عارفة الى الان نجيب زمزامات او لا فى الصاله المشكلة نمشى اعراس هلبه ونشوف مرات فيهم بس ماعنديش خبرة فى اسمائهم او كيف نوصل فيهم وياريت لو حد عنده فكره على اسعارهم فى حدود كم؟؟؟

-4 وهدا اهم حاجه فستان العرس الصراحه خايفه ننزل نتفرج ننصدم فى الاسعار ويكونوا مش حلوين انا الصراحة مش حابه نخيط لانى عمرى ماخيطت من قبل مغامرة كبيرة انى نشرى قماش ونخيط واكيد حايكون مبلغ محترم والله اعلم تطلع الخياطة كويسة او لا وخاصة من الى قريته فى المنتدى على وليد الرقيعى ومنتصر. نبى ناخد حاجه جاهزة وبسيطةوسعرها معقول و الصراحه الايجار مش مفكرة فيه انا ممكن ناخد حاجه بسيطة مش شرط منفوخ وكبير وممكن الوحده تديرله تعديلات بعدين وتلبسة بعد العرس ياريت الى عندها فكره تساعدنى؟؟؟؟؟؟؟؟

5- تجهيزات العروس انا من قرائتى للمواضيع شفت كم عروسة فى المنتدى وجديدة يعنى ممكن تساعدنى فى الافكار والمحلات منهم مدام كتوسة وغيرهم اسفه لو نسيت اسم بس مدام كتوسة قريت ردها مرة على تجهيزات الفرح واستفدت الحق من ناحية الصاله والعشاء والحلويات فلهدا ياريت تساعدونى فى تجهيز العروس لانى مش عارفه من وين نبدا اكيد المكياج والبرفانات بنخليهم اخر تجهيزاتى بس اكيد اللبس ولبس النوم اللنجيرى :o وغيره كل مالوحده تجهز بكرى يكون احسن ليها ؟؟؟؟؟؟؟؟

6- المصور انشاءالله عند بهاءالدين لانى كل مانمشى اعراس نشوف فيهم كصور وبروجكتر اكيد متميزين لكن الى مجربة عند بهاء هل فى بنت معينة كويسة ولا بناتهم كلهم نفس المستوى انا فى بيانى كانت المصورة الماسة فى شارع بن عاشور الصراحة مش ناشطين طول الحفله مقعمزين لين كلموهم اهتموا شوية بالعروسة الصور كانت واضحة لكن مافيهاش فن بعدين قالولى مش كل بنات الماسة شاطرين

فلهدا مانبيش يصيرلى نفس الموقف فى العرس من تعرف بنت كويسة فى بهاء نحاول نكلمها هى الى تجينى؟



اسفة على التطويل وكترة الأسئلة ياريت حتى الى تساعدنى فى سؤال واحد المهم ناخدوا راى بعض انتوا عارفين دوخة العرس وكيف الوحده تكون متلخبطة وتبى تاخد اكتر من رأى

وانشاءالله زى ماحتساعدونى ربى يسهل لكل البنات الى مازال ماتزوجوش ويرزقهم الزوج الصالح



دعواتكم ليا بتيسير أمورى والذرية الصالحة بأذن الله





وشكرا مقدما;)

alissa
17-02-2009, 11:15 AM
أهلا وسهلا بيك في المنتدي ,,نورتي

بالنسبة ليا مش خبرة فيه الموضوع ,,وان شاء الله يجو ويردو عليك في أقرب وقت

وان شاء الله الف مبروك عليك ,,وربي يتمملك علي خير

ويهديك الذرية الصالحة,,,

MaDaM KATOOSA
17-02-2009, 12:18 PM
كيف حالكم يا بنات ومدامات المنتدى



الصراحة انا اول مرة نشارك وياريت تساعدونى
اهلأ بيك حبيبتى وانتى نورتى المنتدى و انشاءالله انفيدوك

عرسى انشاءالله قريب وقاعدة محتارة ومش عارفة كيف نبدا عندى شوية أسالة وياريت الى عندها أى فكرة ترد عليا
ربى يعاونك و يتمم عليك بالخير



-1 المزين وهدا اهم حاجه قعده محتارة بين نادية الجزائرية او فاطمة شعيب انا فى بيانى مشيت ناديه وطلعتنى ماشاءالله والى يشوفنى يقولى امشى لنادية لانها طلعاتك حلوة بس انا نبى نغير بس خايفة من فاطمة لانى شفتلها عروسة وحده فقط وكانت روعة :good:بس عروسة وحدة بس مش كافية ولا شنى رأيكم؟؟؟ ياريت الى شايفة عروسة لفاطمة او مجربتها بأمانه ترد عليا وكيف تسريحات الشعر عندها؟
بالنسبه ليا انى فاطنه مش شايقتلها عرايس عمتى شافتلها وحدا ماعجبتهاش هلبه قالت هلبه الوان فى الطل بس كل مزينه تعفس مره مره بالنسبه ليا انى انحب ناديه مكياجها روعه انى طلعتنى فى عرسى حاجه روعه والله فى انساوين مش عرايس جاين يديروا فى شعرهم و العاملأت اتصورى والله يقولولى حصنى روجك كان مكياجها روعه وانى ننصحك ليبيا مش بلد للمجازاقات انى ننصحك اتولى الى ناديه وانى لما نمشى فى الصيف لو صادف عرس حنمشى لناديه بالتاكيد لأنها روعه فى المكياج و التعامل والمزين محترم وانى سلفاتى الزوز امشو لنجوى التليسى انى والله لحد الأن مانعرفش الناس كيف يقولوا نجوى مكياجها حلو ابدا مش حلو اتقلد فى ناديه و ماتجيبيش فيه والى يقولوك مكياج ناديه مش حلو ماعنداش دوق
انتوا يابنات تعرفوا مرات هلبه مزينات يخلوا الشعر زى الرشادة يكتروا فى السبراى وبعد مايتم العرس اغلب البنات يضطروا ياخدوا دش لان الشعر يكون يابس هلبه؟
بالنسبه ليا انى ماكانش يابس انى تسريحتى كانت بسيطه جدا و مش يابسه بكل

ياريت البنات المتزوجات بس استفسار بعد ماتم العرس هل فكيتى التسريحة وقعدتى بشعرك ولا خديتى دش كيف اتصرفتى ولو الشعر كان كله اسبراى؟؟؟ :rolleyes:
انى فكت التسريحه و خليت المكياج لأنه عجبنى هلبه بس اخديت دوش لجسمى و لما فكيت التسريحه الشعر نزل بطريقه حلوه

اه انا مفكره نقص شعرى ونصبغه لون بنى على شوكولا لانى كنت مدايره خصلات ف البيان بلاتين لون دهبى وتوه نزلوا شكلهم مش حلوين مفكره نمشى لفيكى كلهم ينصحونى بانها احسن وحده فى القص والصبغ بس ناس تقول انها دكتاتوريه وتمشى رايها وتقص هلبه ؟؟ شن رايكم؟؟
بالنسبه ليا انى قصيت عند فيكى و صبغت عندها انى دفتحت الأرضيه و ديرت خصلأت اشقر بلأتينى احسن وحده تصبغ و تقص خى فيكى بعدين الى تصبغ توا هند العامله امتاعها و لو تتطلبى فيكى عادى تصبعلك بصرحه انى العاملأت عند ناديه كلهم قالولى صيغتك درحه اولى و احسن شى ديرتيه عند فيكى صح غالى بس يستاهل حقه وبالنسبه لهند هده مكياحها حلو لو عندك طلعه بسيطه بعد العرس وانى ننصحك تصبغى واديرى خصلأت لأتها اتبان اتجنن فى التسريحه و العروسه حلأوتها تصبغ


-2 كروت الدعوة ياريت تساعدونى فى اسماء محلا راقية واسعاره معقولة وياريت العنوان او التلفون
انى خدبتهم من محل بن زقلأم فى اول سبتمبر هو امتاع ملأبس لكن عندهم و هما يهتموا بالطبع يديروهو بالميش الدهبى حلو والله و حتلقى البطاقات متككرات فى اكتر من محل
-3 مش عارفة الى الان نجيب زمزامات او لا فى الصاله المشكلة نمشى اعراس هلبه ونشوف مرات فيهم بس ماعنديش خبرة فى اسمائهت او كيف نوصل فيهم وياريت لو حد عنده فكره على اسعارهم فى حدود كم؟؟؟
والله انى مانحبش الزمزامات فى الحفله اتجى شعبيه انى انجب الدى جى امتاع الصاله انى انحب الهدوء الفوضى و الدنيا كلها تبدا ترفص و تنقص مانحبهاش الحفله تبدا فوضى بس فى هلبه فى زمزامات امال و هده طالعه جدبده فاطنه الحمصه هده قالو زمزامات متتطوره مودرن لوحى عليك فى الحفله ديريهم فى النجمه انتى فى اما ثاله حاجزه؟


-4 وهدا اهم حاجه فستان العرس الصراحه خايفه ننزل نتفرج ننصدم فى الاسعار ويكونوا مش حلوين انا الصراحة مش حابه نخيط لانى عمرى ماخيطت من قبل مغامرة كبيرة انى نشرى قماش ونخيط واكيد حايكون مبلغ محترم والله اعلم تطلع الخياطة كويسة او لا وخاصة من الى قريته فى المنتدى على وليد الرقيعى ومنتصر. نبى ناخد حاجه جاهزة وبسيطةوسعرها معقول و الصراحه الايجار مش مفكرة فيه انا ممكن ناخد حاجه بسيطة مش شرط منفوخ وكبير وممكن الوحده تديرله تعديلات بعدين وتلبسة بعد العرس ياريت الى عندها فكره تساعدنى؟؟؟؟؟؟؟؟
والله انى خيطت عند وحده يونانيه بس انتى شوفى المشيرقى و قاجه و هده المحلأت امتاع الفيلوات

5- تجهيزات العروس انا من قرائتى للمواضيع شفت كم عروسة فى المنتدى وجديدة يعنى ممكن تساعدنى فى الافكار والمحلات منهم مدام كتوسة وغيرهم اسفه لو نسيت اسم بس مدام كتوسة قريت ردها مرة على تجهيزات الفرح واستفدت الحق من ناحية الصاله والعشاء والحلويات فلهدا ياريت تساعدونى فى تجهيز العروس لانى مش عارفه من وين نبدا اكيد المكياج والبرفانات بنخليهم اخر تجهيزاتى بس اكيد اللبس ولبس النوم اللنجيرى :o وغيره كل مالوحده تجهز بكرى يكون احسن ليها ؟؟؟؟؟؟؟؟
انى والله البتات كله من بريطانبا لأنى مقيمه فى بريطانيا بس نعرف فى مجلأت فى بن عاشور زى السارى و الحريم و ابض فى اسود فى قرقارش و منسون
بالنسبه لكريم اساس انى ننصجك باستى لودر دبل وير لو اتحصليها فى ليبيا انى منزل موضوع باسم انفيدوا بعض بمستلزماتنا شوفيه وتلقى حتى صور لمكياج و روائح حلوه انى استعملت يوم عرسى ريحت شانيل الور سانسيوال

6- المصور انشاءالله عند بهاءالدين لانى كل مانمشى اعراس نشوف فيهم كصور وبروجكتر اكيد متميزين لكن الى مجربة عند بهاء هل فى بنت معينة كويسة ولا بناتهم كلهم نفس المستوى انا فى بيانى كانت المصورة الماسة فى شارع بن عاشور الصراحة مش ناشطين طول الحفله مقعمزين لين كلموهم اهتموا شوية بالعروسة الصور كانت واضحة لكن مافيهاش فن بعدين قالولى مش كل بنات الماسة شاطرين

فلهدا مانبيش يصيرلى نفس الموقف فى العرس من تعرف بنت كويسة فى بهاء نحاول نكلمها هى الى تجينى؟
انى جيونى سميره و فضبله و بنت تانيه مش متحجبه مانعرفش اسمها والله ممتازات سميره ديرت معها صحبه والله تصويرها ممتاز والله قرب عرسك تو انكلنهالك بصراحه احلى شعل عندهم انى انشوف فيهمونتاج امتاعهم امتاع تصوير الحقل امتاعك حلو
اسمعى ننصجك انى ديرت زوز افلأم تابن واحد عادى و واحد ديجتل و زوز يصوروا متحرك و الله قالولى مافيش داعى لزوز كاميرات متحرك فخودى كاميرا واحد متحرك كافيه و سعرهم 250 دينار لكل كاميرا متحركه و 120 لكل فيلم و 395 لشاشه العرض و 80 دينار للمونتاج و حتى صورك يحطوهك على سى دى بصراحه معمل روعه



اسفة على التطويل وكترة الأسئلة ياريت حتى الى تساعدنى فى سؤال واحد المهم ناخدوا راى بعض انتوا عارفين دوخة العرس وكيف الوحده تكون متلخبطة وتبى تاخد اكتر من رأى

وانشاءالله زى ماحتساعدونى ربى يسهل لكل البنات الى مازال ماتزوجوش ويرزقهم الزوج الصالح

انشاءالله اى شى اتفضلى بس انتى قولينا شنو يصير معاك و شنو حجزتى؟

دعواتكم ليا بتيسير أمورى والذرية الصالحة بأذن الله





وشكرا مقدما;)

ربى يتمملك يخير ويصخرلك امورك كلها بس خلينا نعرفوا شنو يصير معاك

sandra1
17-02-2009, 12:23 PM
بالنسبه للزمزمات مننصحكش بيهم لان الحفلة هكي حتبدا فوضه لكن كان مصره عليهم في فرقة جديده مكونه من12 البنت متع زفه اسمها ليلة العمر ومتع الزمزامه فايزه وقالو انتي تختاري الاغني وتختاري لبس الفرقة وبالنسبة للصبغ ننصحك بي فيكي لانها اكثر وحده متمكنه في الصبغ صح غاليه لكن تصبغ صح ومن غير ماتخافي منها واهم حاجة انها نظيفة وبالنسبة انها دكتتوريه هادي اشاعة والله معاملتهم كلهم كويسه ومحترمين بالنسبة لي بهاء بعره يعتبر احسن واحد في التصوير وكلهم البنات حسب مانعرف واسالت كلهم زي بعض وبالنسبة لي فاطمة شعيب الحق مكياجها تحفه وتسريحتها حلوه والمميز فيها انها متجدده في كل مره ومتميزه انا عن نفسي حجزة فيها لي عرسي بالنسبة للفيلو تبي فيلو بسيط وحلو ونازك عندك محل عروس الاندلس قدام ابو نواس في قرقارش فيلواته من اسبانيا وتاجير من 800 الي 1900 بالكثر ولو تبي تشري من 1500 الي 3500 ومن ماركة بريفنوس ولو تبي الموقع متعهم نبعثهولك علي الخاص وعلي فكره عنده فيلوات من ماريس ماركه امريكيه وانشاء الله غير افادتك وانشاء الله ربي يتمملك علي خير ويرزقك بالذرية الصالحه

MaDaM KATOOSA
17-02-2009, 12:30 PM
فاطمه شعيب وين مزينها بالزبط و شنو اسمه المحل
وكيف طريقه مكياجها حقه هلبه الوان؟

انى مكيجت صاحبتى فى عرسى هى صاحبتى بنت مش مدام كان خفيف و بصراحه عادى جدا اهكر على عينها و ايلأينر و روج عادى

ساندرا شنو اخبارك و شنو صار فيك شنو حجزتى تانى

sandra1
17-02-2009, 12:34 PM
بالنسبة للمحلات متع البتات توا في محل بينتون وماركس اند سبنسر ومانجو وناف ناف وكلهم هادم في السياحية بعد زرقاء اليمامه وعندك محل جديد فتح اسمه لاسنزا متع ملابس نوم حلوه حاجاته ونازكه والي في الموقع متع النت كله موجود وبالنسبة للمكياج عندك مورينا عندهم كل شي وكل الماركات عليك تختاري شني تحبي وحتي هو في قرقارش وبالنسبة للسوري عندك محل بيروت قدام زرقاء اليمامه وعندك محل شدي بعد المنتصر وفي فرع ليه في اول سبتمبر وعندك محل حريم في بن عاشور وعندك البطاقات في زنقة بن ناجي كلها محلات متخصصين في البطاقت وعندك محل الدغري في زوية الدهماني قدام سياله حتي هو يجيب في بطاقات وعندها الهدايا متع المعازيم وكل شي متخصص للعراس وعندك محل في شارع عمر المختار جنب الكليه العسكرية متع البنات بطاقته تحفه وعنده جميع السعار وعندك في محل بعد سوق الواحات سنتر في حي الاندلس الزنقه الي قبل المركز الشرطة حي الاندلس حتي هو تحفه بطاقته ولو تبي المواقع متع الماركات الي في ليبيا توا نبعثهولك علي الخاص

sandra1
17-02-2009, 12:41 PM
ساندرا شنو اخبارك و شنو صار فيك شنو حجزتى تانى[/COLOR][/QUOTE]
انا الحمد الله اهو قاعده كل مره نشوف في حاجة والحق ديمه نقراء في ردودك وكلها حلوه ومفيده الواحد يستفيد منها قاعده ندور في الصاله لان كل الصالات لقيتها محجوزات حتي اللبيب كنت نبيها لكن للاسف وقاعده اهو كل مره حاجة وكيف حالك انتي حبيبتي وشكرا علي السؤال والله بجديات المفروض يديرولك موضوع خاص وتكتبيه علي الاعراس ويكون مثبت لانك عندك خلفيه علي كل شي

MaDaM KATOOSA
17-02-2009, 01:08 PM
تسلمى حبيبتى ساندرا والله اخجلتينى
ربى يسخرلك والله ماتعرفى الصاله الى حتكون من نصيبك وانشاءالله تو يتسخر و اتحصلى غير ماتنسبناش فى الدعوه;)
حبيبتى انى سالتك على مزين فاطمه شعيب وين مكاته و شنو اسمه و كيف طريقه مكياجها هل حقه هلبه الوان ياريت اتقوليلى
تسلمى حبيبتى

sandra1
17-02-2009, 01:32 PM
فاطمه شعيب توا مكانها جديد جنب جامعة الفاتح في النقه الي قبل الجامعه زنقة الصيدليه تخشي منها تلقي فيله مكتوب عليها فيلا فيف في حوشها هي مكياجها بالعكش مش هلبا اللوان انتي واختيارتك ومكياجها وتسريحتها الحق حلوه ومميزنه والامره الحق شوفت وحده مكيجه عندها مديرتلها هلبا الوان الظل انتي تعرفي كل واحد وذوقه الناس زيميدمو في ناديه في ناس تشكر فيها رغم ان ناديه رقم واحد في المكياج العرايس وفي الي يشكر في خيره ويشكر في نجوي وفي الي يشكر في سهي رغم انها صفر معامله ومكياج توا نبعثهولك علي ايميلك

MaDaM KATOOSA
17-02-2009, 01:42 PM
تسلمى حبيبتى انشاءالله نفرحوا بيك قريب بس نبى نفهم منك هل الزنقه امتاع الصبدليه على جزيره الفرناج او لأ و على اما يد ايجينى
وانى كتر الوان مانحباش انحس فيه يمشى مع البدله الكبيره ممكن بس مش فيلو
تسلمى حبيبتى على مساعدتك اهو تو انجربوها حتى نوع من التغير

sandra1
17-02-2009, 02:00 PM
الزنقة صيدلية الي قبل الجامعة وين مافي محل الثقة متع اجهزة الحاسب وحل المقر متع النت الي في صفة بوابة الجامعه الرئسيه غادي في جنب محل الثقه في صيدليه هو في زنقة الصيدلية في فيله اسمها فيلا فيف مزينها في الفيلا متعها زي فيكي وانشاء الله غير نكون افدتك

sandra1
17-02-2009, 02:02 PM
ورقمها بعثهولك علي ايميلك في الياهو

MaDaM KATOOSA
17-02-2009, 02:10 PM
تسلمى حبيبتى وصلنى الرقم و شكله النعته الى نعتيها وانتى جايه من جيهت بن عاشور اوكى يعنى على اليمين تسلمى حبيبتى

bride2009
17-02-2009, 03:43 PM
Elissa, madam katoosa, Sandra

شكرا ليكم حبيباتى على ردودكم ولانكم اهتميتوا بموضوعى

مدام كتوسة شكرا لانى بجد استفدت منك هلللللللللبه وشكرا لانك سميتيلى اسماء بنات عند بهاء هكى سهلتيلى الموضوع شويه وطبعا كلك ذوق:waw: لانك قلتيلى ممكن نكلمهملك قبلل العرس شكرا حتى لو مش حاتوصيهم عليا يكفى ذوقك معايا انشاءالله لما نأكد الحجز نوصى على البنات الى سميتيهملى وانشاءاللله انا ناوية نحجز عندهم حتى فى البيان انشاءالله الصراحة حرام الوحده تدير حفله وفى الاخير الصور ماطلعش حلوه
مدام كتوسه انا مازال منتظرة ردودك وماتحرمينيش منك
ساندرا شكر:)ا لانك ذكرتيلى اسما ء بعض المحلات الباين ان عرسك حتى انت قريب ربى يتممك على خير ياريت كل ماتشرى حاجه او تشوفى محل كويس تكتبيلى وحتى انى بنبده ننزل نشرى وحانكتب وين مشيت وشن شريت
ولو عندك ويب سايت لمحلات عندها فروع فى طرابلس ابعتيهملى لو سمحت
وشكرا مرة تانيه ومنتظرة ردودك
انا الصراحة حاسة ان الى حايتعبنى فستان العرس:confused: توه نمشى للمحلات الى سميتوهم ونقوللكم شن صار معاى والكروت كدلك توه نمشى نشوف
بالنسبة للشعر خلاص بنتوكل على الله بنمشى لفيكى:cool:
الكوافير نفس الحيره مدام كتوسة سالتى عالنعته زى ماقتلك ساندرا الزنقه الى قبل جامعة الفاتح فى صيدليه تخشى منها طول وبعدين يمين اسمها فيى فاف هى فيلا مش محل
ميزه فاطمة شعيب تاخد 4 بس توه ناديه توصل حتى 10 عرايس انا فى خطوبتى كنت عندها 7.30 الصبح:cry: وكان شهر 3 يعنى كان ظلام وبدت فيا 12 الظهر هى صح حلوه بس كان ممكن الوحده تدير فى الكم ساعه اهما 20 حاجه توه لما كان خطوبة عادى بس عرس ممكن الوضع يختلف قبلها يوم قفه وسهر ولا شن رايكم؟؟؟
سانرا انت حجزتى عند فاطمه صح هل لما مشبتيلها هل لقيتى عرايس عندها وشفتيهم انا الصراحه لما مشيت كان يوم تلاتاء وكان فاضى بس ماقابلتش فاطمه نفسها كانت وحده شكلها معاها قتلى مش حانقدر ناخد حجزك توه تعاليلى قبل شهرين الصراحه انا خايفه لو استقريت على فاطمة ونمشيلها بعدين تكون حجزت بنات وماتاخدنيش خصوصا انها ماتاخدش هلبه وبعدين نمشى لناديه ماتاخدنيش

شوفوا يابنات انا بالنسبة للزمزامات ابدا والله انا مش مصره عليهم بالعكس انا مانحبش دوشتهم هلبه وتنفخ الراس:mad: بس احتمال الى عندى 20% لكن احتمال كبير زى ماقلتوا نلغى الفكره انا بطبيعتى هاديه وخاطرى حفلتى تكون رومانسيه وحالمه انشاءالله انا حجزت فى الللبيب الطاولات بيض وبنختار لون الكراسى والكوشه بعدين ممكن نديرهم ذهبى او اخضر فاتح عشان هده الوان مريحه للعين ومش لازم منهم دوشه الزمزامات
بنات موضوعى ماتمتش طبعا اختكم اول فرحة البيت وقعده الصراحة مش زابطه ترتيبات الاعراس يعنى الى عندها خبره تحكيلى من اول يوم فى العرس يوم الحمام واى حمام كويس وتنصحونى بيه وهل مهم العروسة تمشى لحمام بخارى واليوم التانى القفه وترتيباتها ويوم الحفله اكيد العروسه من الصبح فى الكوافير وصولا الى المحضر ويكون كل شى تم على مايرام انشاءالله

شوفوا يابنات ياريت موضوعى يكون مرجع لكل العرايس الى مازال ماتزوجوش
يعنى المتزوجات يلا شدوا الهمه والى مازال بنت يلا حتى انت اكيد اختك او صاحبتك او قريبتك اتزوجت يلا شاركى عشان تفيدى وتستفيدى حتى انت;)

ولكم منى احلى تحية من اختكم

وانشاءالله حتى انتم معزومين انشاءالله
سلام:good:

MaDaM KATOOSA
17-02-2009, 05:30 PM
حبيبتى اول شى لأ شكر على واجب وانى والله ساعدتك بقلب زى اختى

شوفى بالنسبه لقبل العرس بفتره ابدى فى جلسات تنطيف البشره انى ديرت منهم فى بريطانيا و الباقى ديرته فى مركز السانت جيمس المالطى بن عاشور فى زنقه وسعايه البدرى الى امقابله نوعا ما الزنقه الى ادخلك الى مدرسه فتاه التوره على ما اطن اسمه شارع الطل والله شعلهم ممتاز حتى فى الماتكير و البديكير كل جلسه تنطيف بشره كلفتنى 70 دينار و البدى كير والمنكير على ما اطن 75 مع بعض
بالنسبه لشعرك ديريه قبل مشيك للحمام بيومين او تلأته
بالنسبه ليوم الحمام انى شوفى الفوضى امتاع البنات و الباصات مانحبهاش شنو دبرت امشبت انى و عمتى و صاحبتى بس طلعنا من الساعه 8 الصبح امشينا الى لحمام امزاج البحر و قعدنا فيه كان فاضى و نطيف بعدين طلعنا امشبنا افترنا فى محل بعدين روحنا على شقه عمتى جو غادى بعض من بنات صاحباتى و عماتى و بنات عمامى الى يسوقوا و لبسونى البودرى فى حوش عمتى بعدين امشينا بجو السيارات لحوش جدى الى ديرت فيه العرس والقيت باقى صاحباتى والأسره فى حوش جدى و اتغدينا رشده بالقرقوش امتاع الحمام ة بعدين روحوا انى ديرت سهريه بسيطه هديكا الليله ماجونيش هلبه من صاحباتى لأنه عرس صاحبتنا وحده تانيه و ماعزمناش عليهاو كان العدد مش هلبه وديرت فيها هده نافوره الشكلأطه و طبعا ستفنا حلويات النجمه و حنونى المهم جى يوم النجمه الصبح امشيت لناديه دارتلى الشمعه و الفتله بس مانقيتش عندها نقيت عند وحده تانيه تنقاها يجنن

و فى الليل جونا الناس طبعا عشبناهم رشده كسكاس باللحم وسلأطات و فاكهه و بعدين
فرقنا شكلأطت بناش امتاع التمر واللوز وبعدين روزاته شكلت روزاته فستق و روزاته لوز من العالم احلى روزاطه و العبمبر من الحراتى طبعا و بعدين شاهى و حلأوات زوز منهم من ابتسام جلول الى هما هرم الشكلأطه و الزنبقه والمالحه كانت من مراءع تانسه مانعرفهاش و المفروض من محل فى بن عاشور و بعدين مكسرات فى باكوات الباكوات جبتهم من بريطانيا و حتى الكلينكس امتاع الماكله من بريطانيا كان على البودره و ملون بالوان تانيه وكيرته بلون الأحمر واتستف فى سفر فضه
و جونى التصوير وصوروا لقطات لشاشه العرض هدا تو يقولولك لما تحجزى هدا ضمن الحجوزات امتاعك و هدا كان يوم جمعه لأن عرسى كان بالاحد يوم السبت ديرناه راحه ضمينا حوشنا وستفنا بكلأوتنا وانى مشيت نثبت حواجبى المفروض انى يوم السبت نمشى لناديه للشمعه بس هى مسكره يوم السبت طبعا البنت الى اتنقى اسمها احلأم اتنقى بعدين ترسم بالحرقوص هدا الحرقوص زى التاتو و يقعد لمده 15 يوم مرسومات يجننوا وامشبت لصاله اكدت على المشرفات واتفقت مع الدى جى على الأغانى وانى زيك ديرت فى اللبيب انى جانى الديكور الى على اخضر طبعا اكيد عارفه شرطهم امتاع الأطفال و مانحكيلكش المشرفه سميره مشاءالله عليها الى توضيها على ادير هولك واتمشيلك الحفله زى ماتبى انى وصيتها انه مافى حد يرقص على الستيج والله تبدا فوضى كان هدا والله ما خلت واحد يركب غير عمتى و طبعا يوم الحقله بالنسبه للمزين انتى مدام عاجباتك ناديه انشاءالله تمشيلها من الفجر المهم شغل كويس و واتقه منه

sandra1
17-02-2009, 05:38 PM
الف الف مبروك وانشاء الله ربي يتمملك علي خير بالنسبة للمواقع
مانجو
www.mango.com

ماركس اند سبنسر

http://www.marksandspencer.com

لاسنزا للملابس الداخليه والنوم

http://www.lasenza.com/

موقع بينتون

http://www.benetton.com/portal/web/guest/home

هادم كلهم تلقيهم في السياحيه

بالنسبه لي ناف ناف تلقيه في السياحيه قبل زرقاء اليمامه وعندك سوق الثلاثاء الجديد الدور الرابع تلقيه هوومحل وجينفير

ناف ناف

http://www.nafnaf.com/


اتش اند ام حتي هو في سوق الثلاثاء الدور الرابع

http://www.hm.com/

بالنسبة للفيلو ات متع عروس الاندلس عندها ماركتين بريفنوس وماريس

http://www.pronovias.com/

http://www.marysbridal.com/ وهذا حتي اجارته ارخص

بالنسبه لي فاطمه شعيب ماشيتلها اول مافتحت مش توا لما كانتفي باب بن غشير انا الحق ممشيتلهاش بيش نحجز توا لكن صاحبتي صاحبتها هلبا فهي الي متوكله نيابة عليا لانه هيا زي ماقلتي متاخدش قبل العرس بي فتره طويله وننصحك كل مره تصلي بيها لين تقولك هيا فتحنا باب الحجز وهي زي ماقلتي متكثرش في العريس بيش تقدر تركز متحبش لانها دوشه داخل الصالون متعها واين حاجه حبيبتي تفضلي مش راح نبخل عليك تفضلي في اين وقت واين سوال انا حاضر بالنسبه للحمام انا نبي نقولك علي حاجه مش لازم ديريه كبير وامشي انتي و2 من صاحبتك او خواتك او عيلتك وعندك سانت جيمس :good:في جامع الصقع تقريبا فيه وعندك واحه سنتر :good: مركز جديد فتح زي السانت جيمس وراء سوق مرجان انتي لما توصلي غادي اسالي عليه يهتموبيك من شعرك لحد صبعك الصغير متبخليش علي روحك في الحاجه هادي وزيدي اسالي انتي مدام قطوسه لانها دارة حمام شوفيها وين امشيت

MaDaM KATOOSA
17-02-2009, 05:54 PM
انى وصلت فى ناديه الساعه 10 وكان دورى الرابعه المهم مكيجتنى و دارولى التسريحه و طبعا جانى خوى و عمى ورفعونى للحوش لبست الفيلو واستنيت الصاله تعبت وجيت طبعا دارو نقل مباشر لداخل الصاله وانى جايه فى السياره و خشه لمدخل الصاله و كان التفريك كالاتى
اول شى مكسرات و بعد ماتقعمزى شويه يجوك بالشكلأطه كانت من كرنقال شكلأطه اتجنن فى جنب قاعه الشعب وديكور السفر من باناش شريتهم لأنه امتاع الديكور امتاع كرنفال عفست فيا سافرت
بعدين الروزاته و العبمبر كانت نفس الشى من العالم والعبمبر من الحاؤاتى و بعدين كابتشينوا و الكيكات انى ديرت كيكتين واحد من الحراتى و التانيخ من الركن الشرقى و بعدين العشى من الدمتوره سلمى مغمل صناع الحياه بس البوريك كان من مدام مفيده حبروش و مع العشاء عصير هافانا هدا حلو خبر من حكاك المشروب امتاع الصاله و اخر شى البكلأوه من المدام مفيده ديرتها نص فستق نص لوز نوع من التغير
و هدا هو بالنسبه للمحضر انى ماديرتش بس يفرقوا نفس الى فى الحفله نفس الأفكار و بالنسبه لتوا بدو العروس تلبس فستان واحد بي و بداه الكبيره و الجلوه وبدو توا بعد الفستان طول بدله الجلوه والصدره الأخيره بسبب تاخر العروس و الناس اتروح اقل شى يشوفها بالجلوه لأنها الجلوه معاش تتعاود
بالنسبه لبدالى الجلوه احلى وحدات هند الليتيم انى شفتهم غيراجاراته غالى فى الى ب 600 الى حلوات
وهداكل الى انى نعرفك وانشاءالله انكون افدتك ولو تبى اى شى اتفضلى و سامحبنى انى كترت الدوه

ولاء86
17-02-2009, 10:35 PM
انى جيييييييييييييييييييت:lol:
اولا الف مبروك وربى يتمم بالخير عليك
تانيا نحب نوجه شكر كبير للغالية الامورة مدام كاتوسا ربى يحفظها يارب قداش انسانة راقية وحبوبة لييييييييين خلاص:o

طبعا حبيبتى البنات كفو ووفو فى الشرح بس رح نعطيك شوية ملاحظات

بالنسبة لملابس النوم فيه عندك زنقة بن ناجى فى ميزران عندهم حاجات قنينة
وفيه قرقارش ولو عندك حد فى بريطانيا افضل يجبلك من غادى لى انه اللبس النوم الى عندهم تحفة واحلى من اهنى صح يا كاتوسا:D

للمكياج زى مقالولك مورينا وفيه محل اللؤلؤة فى ميدان الجزائر حتى هوا راقى وقنين

نصيحة بالنسبة للحمام لوحى عليه الدوة الزايدة افيكو وهلبا بنات وعياطات والله شئ يحشم يديرو فيه بالنوبة على اساس العروسة ماشية ادير دوش :lol:والبنات صياحات وعياطات قدام الناس عيب

انى مشيت انى بروحى مع خالتى بس بس حتى خواتى شدو قتلهم لا ومشيت لحمام امواج متع جامع الصقع نظيف وحلو
وروحت عند حوش خالتى درت الحلوة بعدين روحت لحوشنا لا كلاكس ولا شئ
الفيلو شوفى المشيرقى سوق الواحات سنتر
انى خديته من المشيرقى متع الجرابة سابقا
بالنسبة لفاطمة شعيب رح نعطيك رائ بكل صراحة
انى شفتلها عروسة تبارك الرحمان عليها طلعتها حاجة تانية هيا العروسة من الاول قنينة بيضا وجمالها على الاشقر ويوم الحفلة لما جت ونستنو فيها تخش متوقعتهاش اطلها بالجمال هدا والله ماشائالله عليها تغيرت هلبااااااااااااا
والله مكياجها حسب ماشفته قنين وباين راقى وطريقته فنية
وحتى رسمة حواجبها قنيينة وتسريحتها تهبل العروسة شعرها خفيف هلبا درتلها تسريحة متع وحدة شعرها مليان انى الحق عجبتنى هلبا
بس نقولك التوب نادية لى انه صحبتى قعدت خايفة تمشى لنادية او فيفى فى اللاخير مشت لنادية مع انها عاجبتها فيفى بس قالت منجازفش لى انه نادية متشينش فهمتينى

bride2009
18-02-2009, 11:52 AM
صباح الفل

شن حالكم اليوم ياحلى بنات والله بجد انى فخورة بيكم كلكم
انا الصراحه مانقدرش نشوف حد رد عليا ومانشكراش
مدام كتوسه :good:تانى من غير شكر والله انت عارفه والكل عارف
ربى يهنيك ويسعدك ياااااااارب وانت ابدا ماطولتيش عليا بالعكس كلامك زى العسل ونستنى مازال كل يوم بنفتح بش نتكلوا ونسلموا على بعض
طبعا تجهيزات عرسك انشاءالله حاتكون نفس تريتيباتى انشاءالله بالنسبة للاكل وسانت جيمس توه نمشيلهم مره نشوفهم موضوع الحمام حتى انى مش مفكرة بموضوع الزحمه اساسا عيلتنا صغيره وماعندناش على اللف والكلاكس والدوشه والحمامات الى كتبتوهم اكيد بنحطهم فبالى ولو سمعتوا عن مكان تانى ياريت تقولولى لانى والله العظيم ماعنديش خبره فالحاجات اهما
سانت جيمس شن عندهم تقشير بشره يعنى انا لو نبى ندير تقشير لظهرى والاكتاف الجسم يعنى مع الوجه فيه؟

الصاله انشاءالله تكون وجها خير عليا يارب ديكورى حايكون على الابيض زى ماقلتلكم اتمنيت يجينى الاخضر الصراحه روعه بس معلش ممكن الابيض نركب عليه اخضر تسلميلى يارب يامدام كتوسه لانك نبهتينى على موضوع الرقص على الستيج صح كان كل واحد بيركب يرقص فى الممر معاش نبان بعدين عندهم الارضيه واسعد او تقعميزة الزمزامات طالما لغيت فكرة انى نجيب زمزامات فى الصاله لكن انا كنت مفكره انى لو درت تورته احتمال نقص التورته وين مامدايرين تقعميزة الزمزامات ;)تكون واضحه والخلفيه الشلالات الميه نحسها خلفيه حلوه
احتمال هكى ندير والى تبى ترقص ارض الصالة واسعه:lol:
صح على رايك المشرفه روعه لما مشيت نحجز مرتين لقيتها منظمه ودقيقه يارب تقعد على عرسى انشاءالله
انشاءالله الدى جى تكون اغانيهم مرتبه زى مانبى
اه بنات ياريت تقولولى على اغانى الزفه الصراحه انا مش حابه نجيب بنات الفرقه هده الى يغنوا مش عارفه نحس فيهم شلافطيه مش راقيين ابدا
يعنى اكيد اسماءالله الحسنى بس مع شنى لانى اكيد بنخش مرتين الصاله مره مع بابا ومره مع زوجى
انت كنت مرتبة زفه معينه؟؟؟
ترتيبات النجمة والحفله والمحضر طبعت الى كتبتيه بش نقراه براحتى بعدين ووكل الردود طبعتهم بش لما نروح نقره ونستفيد بالشويه عليا
اه بنات انا مش عارفه مفكره نحنى حنه زخرفه بسيطه من غير ظوافرى شن رايكم ؟حنه العرايس تقعد هلبه بش تمشى والحق مانحبش ريحتها هلبه وخيبى كدلك الريحه بتاع الحنه مايحبهاش قلت ندير زغرفه من بطن وظهر الايد من غير ظوافر شن رايكم ؟ انا قعده ماخديتش قرار بس ممكن تفيدونى؟ ولو قررت نجيب وحده تحنى هل فيه وحده معينه تحنى كويس تجى تحنينى ياريت الى عندها خلفيه تساعدنى؟

ساندر:good:ا شكرا على الويب سايت الى بعتيهم كلهم بنشوفهم الحق كيف فتحت مازال ماشفتهمش, المحلات نعرفهم اكيد وتوه نمشيلهم نشوفهم زى ماركس شهر 8 الى فات كان مداير تخفيضات روعه الحق شريت هلبه منه وخاصة لبس النوم الدور الارضى اكيد مش زى بره لندن متلا بس المهم النعومة وقطنيات 100% والخامه كويسه كملابس داخليه
لاسنزا توه نمشيله وين مكانه بالظبط ؟؟؟؟
والمركز الى وره سوق المرجان يعنى عنايه بشره وجسم قبل العرس يعنى يغنى عن الحمام ولا هدا قبل معلش مافهمتش ؟ قصدى لو مشيت مركز عنايه مش لازم نمشى حمام؟

ولو كويس اكيد مش حانبخل على نفسى ماتنسيش احنا فليبيا جو واتربه ودخان اكيد البشره تبى تنظيف وتوه مادامنى مازال اشهر عالعرس اكيد احسن من ماوحده تجى قبل باسبوع من العرس وتخترع فى بشرتها ممكن لاقدر الله تصيرلها التهابات
الواحه سنتر هادا الى فى حى الاندلس قصدك فى مركز الداخل ولا جمبه ؟
معلش بيختها معاك بس والله مافهمتش بالظبط!!!!!!!
وممكن سؤال محرج شويه:o
الوحده تدير حلوه الاول وللا تمشى الحمام اول؟؟؟؟:o

بالنسبة لفاطمه صح انا كل مده نكلمها بش تاكد هدا لو استقريت عليها ولو نادية انشاءالله ربى يدير الى فيه الخير والخيره فيما اختاره الله
فساتين الافراح الاسبوع الجاى انشاءالله نمشى قرقارش ونتفرج ادعولى نلقى حاجة كويسه والمهم محترمه مانحبش يكون عريان هلبه الحق مش متعوده فيه فساتين موديلاته البطن تكون شفافه نحسها بايخه العروس مفروض تكون داخله الصاله زى الملكه
فستان يكون راقى وناعم وشيك وممكن يكون بسيط بس فنفس الوقت روعه

ولاء :good:اسعدنى ردك شكرا ومبروووووووك على البيبى انا الصراحة جديده على المنتدى بس قريت شويت مواضيع امس وكانت فيه مباركة ليك على البيبى يارب يكون اولاد صالحين:):) ويحفظهملك من كل مكروه اااااامين وانت كونى حريصه عليهم يعنى ردى بالك عليهم وخاصه من العين ديما اقرى المعوذتين والقران وبخريهم العين حق ديما اقرى قل اعوذبرب الفلق خاصة لما تكونى عازمه حد زياره يعنى
والله انا عندى سمكة زينة خايفه عليها من الهوا الطاير مش عارفه لما يجينى بيبى شن بندير معاه:lol: كلهم يضحكوا عليا من كتر اهتمامى بيها

مره تانيه اسعدنى ردك ولاء وياريت مره مره تخشى ونسمعوا اخبارك


زى ماوعدتكم الى يصير معاى بنبلغكم بيه بش نستفيدوا
امس مشيت اول سبتمبر مدايريين تخفيضات يعنى عاللبس انا مشيت نتفرج الحق ماشريتش لان البضاعه اغلبها شتويه وانا طبعا محدده شن بنشرى بش الواحد لازم يكون مرتب افكاره مش يشرى هكى وخلاص يعنى كنت حاطة فبالى لبس نوم لو فيه بس قعده ماوصلتش زنقه بن ناجى فى ميزران الى قلتولى عليها احتمال اليوم نمشى بس مطر بره ممكن يوم الخميس انشاءااله

لكن لفتنى محل برفانات مش مدكره اسمه قريب من زنقه شارع هايتى نص اول سبتمبر اسعاره كويسه شفت شانيل وهو لما شاف الدبله فايدى قالى لو تبى برفانات عرايسية عليك وعلى شانيل
المشكله انى جربتهم كلهم


Allure, Chance, Coco, Modmusel
وبعدين قالى احسن واحد للعرايس مودموزيل تقريبا حتى هو شانيل حاولت نطلع صورته من النت بس ماعرفتش
وطبعا الحيرة من جديد كلهم حسيتهم حلوين وخاصه لما روحت اكتر مابانوا على الجلد واللبس
شن رايكم؟؟؟
ولو نبى ناخد بارفان خفيف بتاع صبح شن تنصحونى يعنى مستحيل يكون زى شانيل
اكيد الصبح حايكون طلعات ولازم تكون ريحتك مريحه انا مفكره فى
Cool water Davidove,
Mircle Lancom

وبعدين قالى احسن واحد للعرايس مودموزيل تقريبا حتى هو شانيل حاولت نطلع صورته من النت بس ماعرفتش
على العموم ياريت تعطونى رايكم

وهل عادى لو لقيت برفان حلو نشرى من توه حتى لو مازال 3 او 4 شهور على العرس مايفسدش يعنى لو مافتحتاش
وانا خطيبى كان جايبلى هديه من جيرلان كريم اساس وبدره ممكن ليهم 7 شهور ماستعملتهمش كنت مخليتهم بعد العرس وتوه مازال شويه هل لو ماستعملتهمش ممكن يفسدوا مش عارفه
انا لما نمشى الاعراس مانديرشم اكياج هلبه ككريم اساس كله على بسي لهدا خليتهم بعدين



والله يابنات انا من توه وبطنى توجع فيا من التفكير وخاصه انى قريب نزلت 3 كيلو من التفكير مش عارفه شن بيصير فيا لما يقرب العرس

يلا معلش لو طولت بس تصدقونى انتوا مدايرين فيا اكبر معروف فحياتى لانكم واقفين معايا فى اهم التحضيرات الى ممكن تمر بيها اى بنت
منتظره ردودكم وسلامات ويوم سعيد انشاءالله على الكل

MaDaM KATOOSA
18-02-2009, 01:33 PM
السلأم عليكم
ربى يتمم عليك بالخير
ولأْء تسلمى حبيبتى
انتى حبيبتى امشى لسانت جيمس و شوفى شنو يقولولكم والله عندهم كل شىء و بالنسباتنطيف البشره امشى قبل العرس يفتره حبيبتى و ديرى اكتر من جلسه
شوفى بالنسبه لى الدى جى امتاع الصاله ممتازه والى اتقوليلها على اديره انى لما يصوروا فى النقل المباشر و سيارتى خاشه لمدخل الصاله وانى نازله من السياره فتحت طلى بالأبيض لماجده الرومى و بعدين اسماؤ الله الحسنى هده وقفت خلف الكاتفه الحمراء امتاع المدخل انى خشيت بروحى حلأوتها العروسه بروحها ليها بهجتها و طلتها حتى الفيلو يبان و بعدين ديرت دوقوا المزاهر لأ يعلا عليها الحق و بعدين اغنيه خليجيه لحسبن الجسمى و فاطمه القيروانى تسمها العرايس و بعدين اغنيه اسمها مرحب يا اجمل عروس لراشد الماجد و احلأم دويتوا كانت قلتلها مش طول تفتحى اعانى رقيص لأ العروس لأزم تاخد حقها من الأغانى مش طول رقيص و دوشه لأ لأ بعدين الأغانى هده فتحت اغنيه ايهاب توفيق امتاع يااحلى منهم و لكا رقصت قلتلها نبى اغنيه يارا امتاع لو بصلى و بعدها فتحت سعد الصغير امتاع حتجوز
و لما جى العريس عاودت دوقوا المزاهر بعدين اغنيه تامر حسنى الله يباركلى فيك داروهالى بالفيديو كليب هده و بعدها حسين الجسمى بحبك وحشتينى
و الرقص كان فى الجيهه امتاع الزمزامات بالمسبه لعرسى

بالنسبه للحنه الحنه العرايسبه حبيبتى ماتفسديهاش ياديربها زى ماهى او ماديرهاش لأنها حاجه زمنيه انى حنتنى مرت عم بابا طرابلسيه دارتهالى الحنه الطرابلسيه الأصليه

بالمسبه للمزبن لو انى مانجازفش نمشى لحد مضمون

بالنسبه لروائح coco madmosel ايه من شانيل بس راهى خفيفه انى نستعمل فيها لليومى هده انى استعملت فى العرس من شانيل allure sensual و بالنسيه لجيرلأن عندهم ريحه حلوه اسمها insolence تجنن و عادى الريحه انى شريت شانيل قيل عرسى ب 5 شهور المهم ماتعرضيهاش لشمس و الضى
انشاءالله افدتك حبيبتى بالنسبه لكريم اساس لو اتحصلى استى لودر دبل وير estee lauder double wear اتجنن و تتبت و فى حتى make up forever اتجنن الى تستعمل فيها ناديه الجزائريه حتى هى حلوه

مركز التجميل الى تحكى عليه الأخت ساندرا اسمه واحه الجمال هى متلخبطه فى جنب سوق المرجان انى انحب السانت جيمس الحق

وقولولى شنو يصير معاك
انشاءالله افدتك

MaDaM KATOOSA
18-02-2009, 01:34 PM
انسبت حاجه الدهب شوفى المخرم فى قرقارش و شارع الصريم حاجاتهم روعه و داماس

sandra1
18-02-2009, 02:59 PM
وعندك واحه سنتر :good: مركز جديد فتح زي السانت جيمس وراء سوق مرجان انتي لما توصلي غادي اسالي عليه يهتموبيك من شعرك لحد صبعك الصغير متبخليش علي روحك في الحاجه هادي وزيدي اسالي انتي مدام قطوسه لانها دارة حمام شوفيها وين امشيت[/QUOTE]

واحة سنتر هو واحة الجمال ( كل واحد زي ميسمي فيه والي في قرقارش اسمه الواحات سنتر ) وقلتلك وراء سوق مرجان في بن عاشور في زنقة التراب يجي فيلا قدامها شرشور فيها كل شي من عناية بالوجه والجسم اكثر من سانت جيمس وفيه قسم خاص بالعناية بالجسم والبشره وقسم خاص بالرياضة والرقص الشرقي وقسم خاص بالتجميل يضم كل شي بالنسبة لي لاسنزا في جنب بينتون بعد مانجو وعندك
مونسون جايب توا بضاعه جديده

www.monsoon.co.uk

وهذا جنب الشيل الي قدام زرقاء اليمامه في نفس صفة محل العائلة للموضه ومجوهرات حمزه

وانشاء الله ربي يهنيك ويسعدك ويتمملك علي خير وتفضلي اساليني اين سؤال بالنسبه للحاجات الثانيه الي سالتيها متع المتزوجات اسالي مدام قطوسه لانها عندها خبره وعرسها زي متحكي عليه حلو وبسيط ونازك

MaDaM KATOOSA
18-02-2009, 03:18 PM
انسيت حبيبنى بنقولك على الحلوه يديروا فيها بعد الجمام لأنه لو اديريها قبل جسمك يرتفع حبيبتى
اى شى اتفضلى

bride2009
18-02-2009, 03:33 PM
بناااااااااااااااااااات تسلمولى يارب:)

كل المحلات كتبتهم بنمشيلهم وحده وحده اغلبهم ماكنتش نعرفهم
طبعا انتوا خبره اكتر منى
مدام كتوسه نحترم فيك اهتمامك على كل التفاصيل:good: حتى لو صغيره انت اكتر من رائعه
ساندرا قلبك كبير حتى انت توتى ومش فاضيه اكيد بس قاعده تساعدينى:) باسماءالمحلات كلهم سجلتهم بش نمشيلهم ولوطلعت اليوم وشريت نرد عليكم بكره انشاءالله
طبعا بماانكم اكتر منى خبره عندى استفسار
انا ام زوجى متوفيه بس اخواته5 :cry:كلهم مدامات ماعدا وحده, فى العرس فى الى يقولوا بتهديهم بس انا مش عارفه شن نهديهم هل دهب او هدايا؟؟؟؟:rolleyes:
وهل كلهم لازم زى بعض يعنى اللى مش متزوجه ممكن اى حاجه تانيه ولا شرط لازم دهب؟؟؟


تسلمولى

نلتقى غدا على خير انشاءالله
سهره سعيده;)

MaDaM KATOOSA
18-02-2009, 04:50 PM
تسلمى حبيبتى شوفى هما عادت بهدوا فى دهب لكن تعالى ننصحك على امكانياتك حبيبتى ماتهديش لين اتشوفى هما شنو يهدولك او لأ
بالأخص السلفات انى سلفاتى ماهدوليش حتى انى ماعطيتهمش و حمواتى كدالك ليش انى بابا مش يخدم على الفلوس زى هما مايعطونيش انى ماعطيتش عزوزتى اعطيتنى انى خديتلها حديده دهب و الشيبانى و لو زوجك عنده جد و حناه لأزم تاخديلهم لو غالى الدهب حبيبتى خودى روائح
انى انحس الأب خوديله و لو عنده جد و حناه التانين استنى و شوفى لو اعطوك اعطيهم لما يعزموك و تمشيلهم

ربى يعاونك حبيبه

ولاء86
18-02-2009, 05:20 PM
ولاء اسعدنى ردك شكرا ومبروووووووك على البيبى انا الصراحة جديده على المنتدى بس قريت شويت مواضيع امس وكانت فيه مباركة ليك على البيبى يارب يكون اولاد صالحين ويحفظهملك من كل مكروه اااااامين وانت كونى حريصه عليهم يعنى ردى بالك عليهم وخاصه من العين ديما اقرى المعوذتين والقران وبخريهم العين حق ديما اقرى قل اعوذبرب الفلق خاصة لما تكونى عازمه حد زياره يعنى
والله انا عندى سمكة زينة خايفه عليها من الهوا الطاير مش عارفه لما يجينى بيبى شن بندير معاه كلهم يضحكوا عليا من كتر اهتمامى بيها

مره تانيه اسعدنى ردك ولاء وياريت مره مره تخشى ونسمعوا اخبارك

الله يبارك فيك حبيبتى وعقبال منشوفهم عندك
هادى سمكة وهى درتى فيها لو بيبى كيف :lol:
والله شعور الامومة حلو

الحلوة حبيبتى زى مقتلك مدام كاتوسا :good:
انى درتها بعد الحمام
لو درتيها قبل الحمام غلط لى انه فى الحمام بديرى مساج وتدليك بليفة وصابون مغربى وانتى مدايرة الحلوة وبشرتك حساسة رح تتزرق وتولى حمرا
دريها بعد الحمام

بالنسبة للهدايا زى مقالت كاتوسا
الى يعطيك اعطيه
وانتى والميزيانية متعك
بس ام الزوج توا كلهم يدرولها حديدة زمان يدرولها حولى لكن توا كلهم حديدة وخلاص
وبو الزوج يدروله فى بدلة عربية متع زبون والخ
حمواتك حسب ميزانتيك فى زنقة فى ميرزان متع بن ناجى فيها محلات ذهب عندهم خواتم معقولات برى شوفى
بعدين الهدايا يعطوها فى المحضر لو دارولك محضر
انى مدهملى فى المحضر

bride2009
19-02-2009, 10:34 AM
صباااااااااح الورد والياسمين

مدام كتوسة وولاء وساندرا كيف حالكم اليوم انشاءالله تكونوا بألف صحه وسعاده يارب

شكرا على ردودكم وخاصة موضوع رد الهدايا لانه فعلا كان محيرنى وخاصة توه الدهب ناااااااااااار واكيد طبعا الى بيهدينى بنهديه بس قعده متلخبطه كلامكم معناه انه هما لو بيهدونى حايكون فى المحضر لانهم بيديروا انشاءالله وبعدين نشوف الى بيهدينى بنهديه بعدين صح!
هكى معناه انا بنردلهم الهدايا بعد العرس قصدى مش يوم المحضر نفسه هما يعطونى وانا نردلهم فى نفس اليوم لان اكيد مش حانكون عارفه من قبل من بيعطينى
انتوا قصدكم نرد الهدايا بعد العرس فى الزيارات العاديه بعدين هكى قصدكم ولا انى فهمت غلط!!
يعنى بعد العرس بالراحه نشوف الى هدالى ونردله يعنى حتى بعد شهر او اتنين !!!

معلش بنات والله مرات الاسئله بايخه ونتحشم لان معنديش خبره بس انتوا عارفين الوحده كيف تكون متلخبطة.

اه ولاء بنقولك عارفه انا خطيبى اتنين من اخواته توأم ووحده تانيه من أخواته جايبه اتنين توأ/ ولاد حلوين ماشاءالله متفوقين فى دراستهم انشاءالله تشوفى اولادك احسن ناس فى الدنيا
وانت ادعيلى ربى يعطينى اولاد وبنات حلوين يارب


يلا نشوفكم بعد الظهر
سلام

MaDaM KATOOSA
19-02-2009, 11:44 PM
شفى حبيبه هما المفروض يعتوك بوم المحضر الصيح او فى المحضر يعنى انتى لما يعطوك لو ماسافرتيش اكيد بعد المحضر بايامات اتشوفيهم هداك الوقت اعطيهم الهدايا مش يعد بشهرين على طول بعد المحضر لما اتشوفيهم وانتى لما بتهدى مش شرط حاجاه رزينه حتى خراس او تعليقه صغيره بالنسبه لشيبانى انى خديتله بدله لأنه مابليسش فى العربى و بالنسبه لعزوزتى انى جتنى فى القندق تانى يوم العرس و اعطيتنى 1000 دينار قالتلى خودة الى تبيه بيهم كل واحد وشنو يعطيك حبيبتى انى سلفاتى مادارولى شى

و ربى يعاونك

bride2009
21-02-2009, 10:46 AM
صباح الفل والورد والياسمين:)

مدام كتوسة متعبتك معايا شكرا عالمعلومات
خلاص انا فهمت اول زيارة بعد العرس نرد الهدايا تمااااااااااااااام
باهى الشيبانى مفكره نديرله بدله عربيه زبون امتى نعيهاله ايامات العرس ولا بعد العرس زى الباقى بايامات لما نرد الهدايا :q:
والله يا كاتى ( معلش بنسميك كاتى اختصار لمدام كتوسه طويل هلبه وانشاءالله يعجبك ) عارفه انى طولت معاك بس انت كانك نجده ليا من السماء نسأل وانت تردى
ويارب لو احتجت مساعده نكون انشاءالله قد المسؤليه;)

اه اليوم انشاءالله بنمشى لبهاء بنحجز الحفله ( تابت وفيديو واحد بس) والمحضر ( تابت بس)
نسأل زى ماقلتى على سميره وفضيله انشاءالله, يعنى سميره هى بتاع الثابت وفضيله كانت للمتحرك ولا اهما الاتنين جوك فعرسك للتابت؟؟؟
وفى النجمه يجوا اكيد ماقلتى التابت والمتحرك عشان يصوروا بش يحطوا القطات فى البروجكتر صح!
يعنى انت برأيك لو طلبتها بالاسم سميره طالما انت واتقه فخدمتها كويسه يعنى تجينى لو طلبتها ولا احتمال يبعتوا حد تانى مكانها؟ والفيديو كدلك؟
وممكن تجينى حتى فى المحضر لان حتى صور المحضر دكرى حلوه
انا علاش نسال فيك ياكاتى ( اختصار لمدام كتوسه الصراحه طويل هلبه يارب يعجبك ) انا نبى قبل مانمشيلهم نكون مرتبه افكارى وحاطه فبالى اما بنات بيجونى بش لما ندفع العربون نكون محدده اما بنات وطالما انت شكرتيهم خلاص انا متأكده انهم 100%

ومش عارفه شن نختار الاغانى الصراحه فى البروجكتر على الصور لما من كنت صغيره وكبرت
انا تعجبنى اغنيه عمرودياب((( مايتحكيش عليها زى الملايكه اما تشوفها))) لكن صاحبتى وعرس تانى حاطينها نحب نغير
مش عارفه ياريت لو عندكم اى اغانى جديده فبالكم تكتبوهالى انا عارفه انى اكيد لما نمشى لبهاء اكيد عنده وممكن نجيب اغانى من عندى

يعنى اهو نساعدوا بعض!


انا والله ماعنديش حد نفضفض معاه:( وياريت تعتبرونى زى اختكم

يوم سعيد عالجميع:good:

MaDaM KATOOSA
21-02-2009, 11:58 AM
السلأم عليكم حبيبتى
و سمينى الى تبيه معنديش مشكله بكل
شوفى بالنسبه لشيبانى صح يهدوله فى بدله علابيه امتاع زبون انى غير لأنه شيبانيه مايلبس عربى
شوفى بالنسيه للمصور انى يوم النجمه من حقق نص فقط تصورير يديرو فيه فى البروجيكتر شوفى تصوير متحرك فقط يجيك مش تابت وانى جبتنى سميره (هده صاجبتى توا) لكن يوم الحفله غيرت سميره صورتنى بالتابت و فضيله والبنت التانى متحرك
تصويرهاسميره التابت حلو الحق وهى رقيقه و طيوبه وحلوه اتصورى هى الى قالتلى فى حفلتى تبى رقمى والله تتصل بيا تسال عليا حتى فى بريطانيا على الهموم انى ديرت زوز افلأم تابت والله هلبه الصور لأته واحد من التابن الى ديرته كان ديجيتل ولما يحمطوا من حقك 70 صوره لكن اتصورى فى اللبوم انى اعطونى قريب 85 صوره وامتاع الديجيتل كلهم حطوهم فى سى دى بارك الله فيهم حطى كان حلو معهم و شعلهم فى مونتاج الفيلم امتاع عرسى حاجه روعه والله شعلهم فوق راقى
بالمسبه لاغانى البروجيكتر خليت بهاء يدير كل شى كلتلهم نبيها مفاجاه بس قالولى عادى لو تبى انتى اغانى معينه جيبيهم

انشاءالله افدتك حبيبتى
نبى نطلب منك طلب لو سمحتى لو امشيتى لناديه الجزائريه ممكن تفاهميلى منهم لو تاخد مش عرايس لأنى انى نحسابه عادى لأنه صاحبتى امشتلها لكن زى الى شاكيت من فضلك
و قوليلى شنو يصير معاك

bride2009
21-02-2009, 12:50 PM
حبيبتى شكرا على ردك

واخيراااااااااا لبتى منى طلب انا من اول ماسجلت نستنى فيك تطلبى انت تأمرى امر خلاص انا انشاءالله اليوم لو طلعت نخطملك عليها ونسالها تاخد عادى مش عرايس اى يوم انت قصدك ماكياج وتسريحه صح :q:

خلاص انشاءالله اعتمدى عليا;)

وبالنسبه لبنات بهاء خلاص حانتكلم على سميره انشاءالله
طيب لو شفتها يعنى مانقدرش نقوللها انى من طرفك زياده توصييه يعنى ( لو مش بايخه منى ) او لو نعطيك ايميلى على الياهو وتبعتيلى عشان احتمال تكتبيلى اسمك بش نقوللها انا من طرف فلانه لو مش حابه يكون الموضوع عام:|

او انت شن رأيك نتكلم على سميره لو فاضيه وجتنى خلاص يبقى 100%
لو قاتلى مشغوله او نبى توصيه وقتها ممكن نقوللها انا من طرف فلانه صاحبتك وبعدين ابعتيلى على الايميل ؟؟ انت شن رايك؟:rolleyes:

MaDaM KATOOSA
21-02-2009, 02:28 PM
حبيبتى
لأ ماتكلفيش نفسك وتمشى لناديه والله اخجلتينى انى قصدى لو امشيتيلها بس نبيك تفهمى سعر المكياج و التسريحه ايضا و المناسبه حتكون فى شهر 7 بالنسبه ليا
شوفى انتى امشى احجزى واطلبيها سميره وانى ولأ يهمك تو انكلمها لكن ما تقوليلهمش من طرفى فى المكتب انتى مش حتلقيها ممكن فضيله تلقى انى حاولت نبعتلك على الخاص لكن ماقدرتش لأنه مشاركاتك كزالت شويه حاولى انتىتبعتلى معليشى انى اسمى مانقدرش نبعتهولك هكى
انى سميره يوميا انكلم فيها تو انقوللها قرب عرسك

انشاءالله افدتك
قوليلى شنو يصير معاك و حاولى تبعتيلى على الخاص

تسلمى حبيبتى

bride2009
21-02-2009, 03:50 PM
ولا يهمك ياكاتى انشاءالله نفيدك على موضوع ناديه :cool:

مناسبتك شكلها عرسى ولا شنى ;):lol::lol::lol:
طبعا انت تشرفينى ومن توه والله انت معزومة اكييييييييييييييييييييييييييييد:p

عارفه انا كل الى رديتى علياطبعته و وريته لماما وكانت فرحانه بيك والله وقاتلى ربى يسعدها شكلها ترد عليك بنيه طيبه والله
ربى يهنيك ويسعدك فى حياتك, وتعرفى انا والله خاطرى بجد نشوفك ونتعرف عليك
طالما انا مش قادره نبعتلك حاليا عالخاص توه نديروا حل بش لما تنزلى شهر 7 تجينى انشاءالله

تعرفى انا رمضان بيخش عليا وانا مازال عروسه مش عارفه شن بندير ؟؟؟:cry:
اكيد بتمشى كلها فالعزومات مع انى لا انى ولا خطيبى نحبوا العزومات هلبه هدا من طباعنا المشتركة بس اكيد طالما انا حنكون عروسه جديده اكيد حاننعزم

المشكله والله رمضان انت تعرفى الاكل لازم يكوم اصناف وانواع وانا مشكلتى المطبخ ليا هلبه ماطيبتش , بس اكيد حانشد على روحى قبل العرس بشهر على الاقل

وانا فى رمضان نحب نصلى التراويح وبعدها نرقد طول عشان ننوض قبل الفجر بساعه نصلى ونقره قران ونتسحر شويه
مش عارفه حاسه اكيد رمضان السنه هده حايكون مختلف عليا وخاصه انى عروس جديده

معلش حكيتلك على نفسى شويه بس فعلا حسيت انى محتاجه نفضفضلك:o

اه نسيت بنقولك حاولت نبعت رساله عالخاص بس زى ماصارلك مقدرتش!!:(


حبيبتى نسمع اخبارك بكره انشاءالله
سهره سعيده

MaDaM KATOOSA
22-02-2009, 11:44 AM
السلأم عليكم
صياح الخير حبيبتى برايد
اول شى شكرا لكلماتك الحلوه فى حقى واعتبرى دعوتك وصلت وانشاءالله ربى يتمم بالخير
وبارك الله فى ماماتك والله انى اعطيتك افضل الاماكن والله بالنيه وانى نبى انقولك لو تبى اتجربى المراءه امتاع البكلأوه الى قلتلك عليها وهى نفسها الى دارتلى البوريك امشيلها شوفيها بكرى لأنه عليها زحمه هلبه دبما لو تبى نعطبك رقمها

و بالنسبه حتى انى خش عليا ومضان وانى عروسه وانى مش فى ليبيا بكل لأ عزمنى حد لأ شى و عادى بالشوييه تو تتعلمى اهو كل مره انديروا حاجاه نتعلموا انى انحب التطيب الحق لكن غسل الماعين نكرها ههههههههههههههههههههههههه
اسمعى اول ما تتزوجى امشى للعزايم والله جلو تمشى وانتى عروسه و اتكمى وتلبسى و الله حلوه الأيام هده راهو

على العموم قولينا شنو صار فىك و فى حجوزاتك شنو حجزتى و شنو قررتى

bride2009
22-02-2009, 03:07 PM
كاتى مسااااااء الورد
كيف حالك اليوم انشاءالله تكونى بخير وسلامة

والله مش عارفه شن نقولك انت الوحيده الى اهتميتى بموضوعى
تسلمى ياقمر:good:

شوفى حبيبتى انا والله بصدق ماعنديش خلفيه عن موضوع الاعراس والمناسبات فمن فضلك توه زى العشا والحلويات طالما انت ديرتى عشاك عند دكتوره سلمى وطلع حلو ياريت طعتينى مكانها وين بش نمشيلها لانى بصدق بينى وبين نفسى نقول مازال قدامى وقت لكن اهو زى مانت شايفه الشهر الى يبده يتم طول يعنى على الاقل نتهنى على العشيه وانت قلتى البوريم من وحده تانيه اسمها مفيده صح! وهل هى نفسها الى خديتى منها البقلاوه!
يعنى لو انت ششكرتيها ياريت رقم تلفونها او لو ماعنكش حتى مكانها يكفى
شوفى كاتى ممكن نتعبك معايا شويه:o
انا بنعطيك رؤس عناوين للى بنديره و للأماكن الى بنحجز عندها الاكل وانت اعطينى رأيك:
شعرى بنصبغه قبل بيومين او تلاته من الحفله
يوم الحمام اكيد بنمشى بكرى مع اختى, بس لتوه مانعرفش حمام معين لو الى انت مشييله كويس ونظيف ياريت تقوليله على مكانه لو سمحتى لانه انا عمرى مامشيت اى حمام من قبل!
وعندى استفسار بسيط انت قلتيلى ان الحلوه يديروها بعد الحمام اوكى بس اللبسه البودريه امتى نلبسها اول مانطلع من الحمام ولا نلبس عادى ولما نوصل الحوش وندير الحلوه وبعدها ناخد دش نلبسها!!!
معلش على اسألتى بس والله بش نفهم مش اكتر!

بعدين بالنسبه ليوم النجمه انا مش مدايرتها كبيره ومش عازمة هلبه لان هو عيلته كبيره انشاءالله مفكره شكولاته وبعدها عبمبر و روزاطه وبعدين شاى وحلويات ( لتوه مش عارفه من وين بناخد الحلويات مره خدينه من النحله والعالم جربته لكن المشكله الطرف بدينار, ماعندكش فكره على وحده كويسه انا مفكره فنوعين حلو ونوعين مالح بس)

يوم الحفله انشاءالله حتى انا مفكره فهافانا انا درته فبيانى لكن مفكره نقدمه فى الاول انت قدمتيه فى العشيه صح! مش عارفه الترتيب ممكن بعدين وقته احسن, شكلاته بنمشى لكرنفال الصراحه مش دايقتها قبل بس باناش نعرفها حلوه بس على رايك صغيره ولندت حتى هى حلوه عرفتيها اسمها لندور هى مدوره وفى منها 4 الوان احتمال ناخدها
وبعدين مفكره ندير كيكات ممكن من العالم او نشكل مش عارفه حاليا
العشيه زى ماقتلك ماعنديش خلفيه عليه الى الان
البقلاوه كنت مقرره انشاءالله من العالم انا لما رديت السوابيت خديت منه سفره كامله الصراحه اكتر من رائعه حتى بيانى البقلاوه كانت منه
بس لو بعتيلى عنوان مفيده توه نشوفها علاش لا احتمال تكون حلوه , اه قوليلى فى النجمه يمدوا فى بقلاوه او لا:q:

طبعا لتوه قعده ماشؤيتش فى شن بنمد البقلاوه بس توه ندور, هادى بسيطه المهم حاجه تكون بسيطه وراقيه

معلش طولت المره هده بس كنت فعلا حابه نرتب افكارى مع حد

وحتى لو مارديتش انت خيرك سابق عليا

نسمع عنك كل خير
سلالالالالالالالالالالالالام

MaDaM KATOOSA
22-02-2009, 03:58 PM
د
كاتى مسااااااء الورد
كيف حالك اليوم انشاءالله تكونى بخير وسلامة

والله مش عارفه شن نقولك انت الوحيده الى اهتميتى بموضوعى
تسلمى ياقمر:good:

شوفى حبيبتى انا والله بصدق ماعنديش خلفيه عن موضوع الاعراس والمناسبات فمن فضلك توه زى العشا والحلويات طالما انت ديرتى عشاك عند دكتوره سلمى وطلع حلو ياريت طعتينى مكانها وين بش نمشيلها لانى بصدق بينى وبين نفسى نقول مازال قدامى وقت لكن اهو زى مانت شايفه الشهر الى يبده يتم طول يعنى على الاقل نتهنى على العشيه وانت قلتى البوريم من وحده تانيه اسمها مفيده صح! وهل هى نفسها الى خديتى منها البقلاوه!
يعنى لو انت ششكرتيها ياريت رقم تلفونها او لو ماعنكش حتى مكانها يكفى
شوفى كاتى ممكن نتعبك معايا شويه:o
انا بنعطيك رؤس عناوين للى بنديره و للأماكن الى بنحجز عندها الاكل وانت اعطينى رأيك:
شعرى بنصبغه قبل بيومين او تلاته من الحفله
يوم الحمام اكيد بنمشى بكرى مع اختى, بس لتوه مانعرفش حمام معين لو الى انت مشييله كويس ونظيف ياريت تقوليله على مكانه لو سمحتى لانه انا عمرى مامشيت اى حمام من قبل!
وعندى استفسار بسيط انت قلتيلى ان الحلوه يديروها بعد الحمام اوكى بس اللبسه البودريه امتى نلبسها اول مانطلع من الحمام ولا نلبس عادى ولما نوصل الحوش وندير الحلوه وبعدها ناخد دش نلبسها!!!
معلش على اسألتى بس والله بش نفهم مش اكتر!

بعدين بالنسبه ليوم النجمه انا مش مدايرتها كبيره ومش عازمة هلبه لان هو عيلته كبيره انشاءالله مفكره شكولاته وبعدها عبمبر و روزاطه وبعدين شاى وحلويات ( لتوه مش عارفه من وين بناخد الحلويات مره خدينه من النحله والعالم جربته لكن المشكله الطرف بدينار, ماعندكش فكره على وحده كويسه انا مفكره فنوعين حلو ونوعين مالح بس)

يوم الحفله انشاءالله حتى انا مفكره فهافانا انا درته فبيانى لكن مفكره نقدمه فى الاول انت قدمتيه فى العشيه صح! مش عارفه الترتيب ممكن بعدين وقته احسن, شكلاته بنمشى لكرنفال الصراحه مش دايقتها قبل بس باناش نعرفها حلوه بس على رايك صغيره ولندت حتى هى حلوه عرفتيها اسمها لندور هى مدوره وفى منها 4 الوان احتمال ناخدها
وبعدين مفكره ندير كيكات ممكن من العالم او نشكل مش عارفه حاليا
العشيه زى ماقتلك ماعنديش خلفيه عليه الى الان
البقلاوه كنت مقرره انشاءالله من العالم انا لما رديت السوابيت خديت منه سفره كامله الصراحه اكتر من رائعه حتى بيانى البقلاوه كانت منه
بس لو بعتيلى عنوان مفيده توه نشوفها علاش لا احتمال تكون حلوه , اه قوليلى فى النجمه يمدوا فى بقلاوه او لا:q:

طبعا لتوه قعده ماشؤيتش فى شن بنمد البقلاوه بس توه ندور, هادى بسيطه المهم حاجه تكون بسيطه وراقيه

معلش طولت المره هده بس كنت فعلا حابه نرتب افكارى مع حد

وحتى لو مارديتش انت خيرك سابق عليا

نسمع عنك كل خير
سلالالالالالالالالالالالالام

اهلبن جبيبتى برايد وانتى اتفضلى فى اى وقت ماعندناش فيه جميل
شوفى حبيبتى الدكتوره سلمى معملها اسمه صناع الحياه انى رقمها مش عندى بس ننعتك شوفى نعتتها وانتى جايه من طريق الهانى اتجيك على يديك اليمين صاله الى فاتحتها عائشه الفدافى الخيريه اسمها المندره على ما اطن باهى فوتيها طول و خليها وراك من لما اتفوتى الصاله ابدى ركزى على الطريق المقابل يديك اليسار حتشوفى زنقه واسعه الى ادخلك لجيهت راس حسن فوتيها بعد بشويه تلقى المعمل امتاع صناع الخياه امقابل الكوبرى الى ينزل الى جامع الصقع راهو المعمل على يديك اليسار هو حوشها وانى ديرت منها الأتى
شعيريه بالمكسرات و سلأطين وحده مشويه و حده كفتاجى وعين الحوته و طورتالينه و اسكلوب دجاج و طاجين انجليزى اطلبى دوقيهم انتى هدوا من اروع الأشياء الى عندها

شوفى البوريك و البكلأوه من مفيده حبروش هده فى بن عاشور و البوريك امتاعها انى الى خديته بالجبن والسبناخ لأنه هلبه اللحم مفروم امشى قلت انغير و هدا رقم مفيده0925090846 لو صارلك مشكله مع الرقم نعطيك واحد تانى
انى معاك انه بكلأوه العالم حلوه لكن هده مزال اقوى بهلبه
شعرك اصبغيه عند فيكى حاجه روعه والله
شوفى انى امشيت لحمام امواج الخير بكرى هلبه كان انطيف وفاضى على طول بعد الحمام تلبسى البودرى بعدين العشيه ديرى الحلوه وعاودى اللبسيها
شوفى انتى شنو بيجوك عيلته يوم النجمه يعنى بيجيبوا قفه؟؟؟؟؟؟ لو بيجوك العشاء على انتو شنو متفقين بتعشوهم او لأ
شوفى حبيبتى النجمه عادتا يعشوا الناس بكرى تقعيد يعنى حاجه بالبصله هدا قبل عسلت العريس لأته يجو متاخر فى النجمه بعدين يفرقوا شكلأطه بعدين روزاطت من العالم امتاع حلوه فيه زياده سكر احلى من الحاراتى و العبمبر من الحراتى و بعدين شاهى و معه حلوبات ديرى مقروض وانى تو ننعتك على محل مفروضهم حلو فى بنعاشور و بالعسل الحقانى و حاجه مالحه وحاجتين حلوات انى ديرت الحلو من ابتسام جلول كان هديه هرم الشكلأطه و الزنبقه اسمهم
بعدين صح فى الى فرقو فى بكلأوه بس انى يوم النجمه فرق كنافه بالقشطه والفستق و مكسرات كانوع من التغير شوفى المراءه الى قلتلك عليها مفيده حبروش امتاع البكلأوه ادير فى حاجه امعسله على ما اطن اسمها العشيشه من الكنافه حلو امعسلها شوفيها وممكن اديريها بدل البكلأوه حلو التغير راهو لأنه البكلأوه بياكلوها فى الحفله

شوفى الحفله الغى الروزاطه والعبمبر هكى بدو يديروا توا ومدى العصير والشكلأكه مع بعض انى العصير ديرته مع العشاء لأنه ديرت روزاطه و عبمبر وانى شكلتها الروزاطه فستق و اللوز الزمنيه
بعديم انى الكيكات نوعت وحده من الحراتى و وحدخ من العالم كلفونى غاليات الحق
بعدين العشاء من دكتوره سلمى امشيلها و مش حتندمى
بغ دين البكلأوه الباقوات ابدوا متوفرات فى كل مكان
شوفى شكلأطت كرتفال مزال اقوى من بناش و نعرفها لينت انى انحبها و ديما انفرق فيها لما يجونى ضيوف بس كرنفال مزالت اقوى
معاش اتقولى هكى اتاكدى انى خنرد عليك وربى يوفقك قوليلى شنو يصير معاك

bride2009
23-02-2009, 12:28 PM
:o
صباح الفل

انشاءالله تكونى باحسن حال

كـــــــــــــــل الى كتبتيه ليا طبعته وبالشويه شويه بنطلع نخطم عليهم كلهم
انا اليومين اهما مهديه الطعات لان الجو بره فريز ثلج ومطر :confused:مش عارفه لو عندك حد هنايا يقولك عالجو اكيد حتى انتى فبريانيا برد!
وبعدين الدنيا تظلم بسرعه مش زى الصيف فيه وقت الواحد يدهور ويكمل حاجته الى يبيها
عالعموم انشاءالله الوقت يسدنى ونكمل الى ناقصنى بالحجوزات واكيد بنبلغك على يصير معايا
لكن عارفه امس بالحظ صاحبتى تهدرز معايا مشت لمحضر الكوافيره كانت فاطمه شعيب على كلامها قالت طلعتها رووووعه والبنت العروسه والله اعلم تحكى انها حتى هى كانت متردده فى الاول لكن طلعتها حلوه واكيد مكياجها قعدت نسالها قالت تحفه تقيل صح بس لان عالصدره وطبعا البنت مامشتش الحفله لانها انعزمت محضر بس بس قالتلها الحفله مشتلها حتى هى عند فاطمه وقالوا حتى هى ماشاءالله كانت حلوه
مش عارفه اتشجعت شويه عليها
وانا هده صاحبتى قتلى نعرفها من زمان بس ماكانش عندها شعبيه توه من بعد ماتزوجت بدت معروفه وهى للعلم تمكيج مناسبات ب 60 دينار انا سألت
يعنى من باب التغيير انك تجربيها الا لو انت ماتحبيش تغيرى!

انا فيكى اتصلت بيها بس قاتلى مازال بكرى مانقدرش نعطيك موعد توه تعالى قبل ب 20 يوم او 10 ايام نعطيك موعد
ويوم النجمه عيلته بتجيب القفه مش عارفه هل لازم ندير كرسى خاص بيا نأجره يعنى ولا عادى لو حطيت كرسى عادى من الصالون
انا نمشى مرات نلقى بنات مدايرين زى كوشه حنيه لونها يعنى متكمين
يعنى هل هى شرط طالما بتلبس البدله الكبيره بعدين ! ولا عادى اى كرسى صالون وخلاص

والحمام امواج الخير مانعرفش وين مكانه بالظبط؟:o
وياريت بالمره نعته محل المقروض الى فى بنعاشو:oر وابسام جلول وين مكانها:o
عارفه كترت عليك والله بس انت ممكن تختصريلى فى الوقت مش اكتر:good:

بالنسبه لتلفون مدام مفيده الحق ماجربتش لانه اكيد حاتقولى مازال بكرى نحس قبلها بشهر او شهرين نكلمها ونشوف شن عندها

صحيتى والله على كل الى كتبتيه نحس كأنى ندوى مع شخص فاهمنى بالظبط

ياريت خلينا على تواصل ديما
سلام

MaDaM KATOOSA
24-02-2009, 12:04 PM
ربى يوفقق حبيبه

انتى ليش ماتخطميش يوم على فاطمه وقت العشيه ماخر و خشى لمحلها وكان عجبوك عرايسها توكلى على ربى انى الحق ماعمرى شقتلها عروسه لكن عمتى شافتلها عروسه قالت هلبه الطل قوى وهلبه الوان احنى هكى مانحبوش الداكن واللوان هلبه لكن هو كل واحد و دوقه انتى شوفى و الى تستريحيله

شوفى يوم النجمه فى الى دير فى مخاد الحمر امتاع الحنه لكن انى اجرت كرسى الحنه الأحمر ياجروا فيه من هلبه اماكن انى اجرته من محل امتاع ديكور و مستلزمات الأفراح اسمه كرنفال مايديروش فى كرسى صالون تعرفى والى اجرته على الاحمر والفضى و معه كل شى السابات و السونيه امتاع الحته والى تحطى عليها رجلك و الكرسى الى تقعمز عليه الحنايه و المباخر و مبخره كبيره هلبه كان حلو على الأخر بس اى مكان حتى امتاع الخيم عندهم

شوفى حمام امواج الخير وانى جايه من طريق زناته ماشيه لجامع الصقع لما قريب توصلى لجامع الصقع يجيك على يديك اليمين
محل المقروض تو نسالك عليه هو فى حهت سوق المتلت تو امجيبلك اسمه و ابتسام جلول فى قرقارش الزنقه الى فى جنب محل الأصيل اسمعى انى كان هديه من عمتى فمانزبطش النعته بالزبط
لكن ماتزاجغيش بمفيده راهو كلميها من توا عليها زجمه هلبه بعدين امشى حتى دوقيها وعلى العموم بكلأوه العالم انى بابا كان فى ليبيا و جابلى بكلأوه من العالم والله مش اوى زى زمان راهو

ربى يعاونك قوليلى شنو يصير معاك وصحبتى على فاطمه شعيب وانى لأزم انجربها لكن بنجربها فى لمه عمتى امتاع الجياب مانبيش انجازف فى العرس لن نتاكد منها قبل لأنه مكياج ناديه امشت معى 100%

قوليلى شنو يصير معاك

bride2009
25-02-2009, 12:49 PM
صباح الخير

شن حالك اليوم ياكاتى وكل البنات اناءالله تكوناو بألف صحه وسعاده

كاتى صحيتى انت الوحيده بصدق المهتمه ربى يسعدك ويهنيك
شكرا على ملاحظتك بخصوص كرسى الحنه انشاءالله ناجره من مكان كويس هو بتاع صاله اللبيب عطانى الكرت لمحل اسمه كاردن بش نختار ديكور الصاله قبل الحفله لما نمشيله انشاءالله توه نسأله على كرسى الحنه واحتمال نشوف اى مكان تانى طالما قلتى يأجروا من اى محل لمستلزمات الأفراح

خديت نعته الحمام وتوه نمشى نشوف وضعه ومكانه بالظبط انشاءالله يكون قاعد زى مامشيتيله نظيف يعنى على العموم حتى ولاء 86 تقريبا مره لما ردت عليا بخصوص استفسارى عالحمام كتبت اسم نفس الحمام هدا امواج الخير الباين على رأيكم انه كويس مع انى والله مانعرفش شن يديروا فيه بالظبط لكن اهو بيجينى يوم ونجربه;)

على فكره امس طلعت حى الاندلس وقرقارش والله المحلات باهى مدايره تخفيض لكن مرات تبى تلفى وتشوفى اكتر من مكان بش تلقى حاجه كويسه هدا بالنسبه للبس العملى بالنسبه لفساتين الافراح متنوع اول سبتمر فىيه محلين او 3 بس الى عجبونى كرنفال ودورى مى عنده حاجات حلوه هو صاحب المحل قالى امشى استبرق فجامع الصقع عنده موديلات اكتر مازال مامشيتلاش احتمال اليومين اهما نخطم عليه

بس تعرفى الاسعار متفاوته مرات نفس الموديل فمحلين مختلفين ومش نفس السعر لازم الوحده تلف مره واتنين وعشره :mad:

تعرفى لقيت امس البالطو او لروب مش عارفه شن اسمه بالظبط بس هو تلبسه العروسه وهى خاشه الصاله زى العبايه ابيض بطربوش ومطرز امس شفت واحد عطبنى ومطرز بالذهبى حتى البرنوص مطرز كله قاتلى الى تبيع ب 480 دينار انا والله مش عارفه من المفروض يشريه العريس او العروسه او عادى ممكن ناخده انى؟؟؟

وهل هكى سعره غالى ولا معقول؟؟

على العموم صحيـــــــــــــــــــــــــــــــــــــــــــــــــــــــــــــــــتى هلبه :good:

bride2009
25-02-2009, 12:51 PM
على فكره امس طلعت حى الاندلس وقرقارش والله المحلات باهى مدايره تخفيض لكن مرات تبى تلفى وتشوفى اكتر من مكان بش تلقى حاجه كويسه هدا بالنسبه للبس العملى بالنسبه لفساتين الافراح متنوع اول سبتمر فىيه محلين او 3 بس الى عجبونى كرنفال ودورى مى عنده حاجات حلوه هو صاحب المحل قالى امشى استبرق فجامع الصقع عنده موديلات اكتر مازال مامشيتلاش احتمال اليومين اهما نخطم عليه
****

انا قصدى على فساتين السهره مش فساتين الافراح

فساتين الافراح مازال قعده مامشيتش ولا محل نشوف فيهم بس مقرره الاسابيع الجايه نبه نلف عليهم بالواحد

يارب تكونى فهمتينى

ولاء86
25-02-2009, 01:01 PM
صباح الخير

كيفحالك وشكلك حايسة ربى يعاونك ويتمم بالخير
حبيت نرد مع انه كلامك موجه لكاتوسا بس جى خاطرى نرد عليك:D

بالنسبة للحمام كويس ونظيف وبريله صبح مش ظهر

الى حكيتى عليه روب:lol: اسمه كاب يشرو فيه العرايس
لا هدا حبيبتى اشريه انتى من بتاتك لى انه اكيد بيجوك اعراس بعد عرسك يعنى اكيد بتلبسيه
وحتى يوم حفلتك بتلبسيه
مع انه توا يأجرو فيه مع الفيلو فى المحلات بس انتى لازم تشرى لروحك واحد
انى شريت واحد بس مكانش سعره هكى انى خديته من محل من الجرابة زمان قبل ميهدوه
وكان سعره 200

وبالنسبة لى استبرق والله حاجاته حلوة وقنينة بس غالى ليييييييييين خلاص
مع انه موديلاتها فى فساتين الاعراس بسيطة مش منفوخ متع سندريلا بس غالى
وفيه محل الكايخ انى شاريه من فساتين
وبالنسبة للحنة ننصحك حنى حنة زمنية الليبية لى انه مرة وحدة فى العمر والعروسة متبانش الا بحنتها
والزخرفة تقدرى تديرها بعد متتزوجى بس الافضل حنة عرايسية ;)

bride2009
25-02-2009, 02:29 PM
ولاء

شكرا على ردك
والله ماقصدى انى نوجه الكلام لمدام كتوسه بس انا لو ركزتى شن كتبت فى الاول
((صباح الخير

شن حالك اليوم ياكاتى وكل البنات اناءالله تكوناو بألف صحه وسعاده ))))

بس بعدين وجهت الكلام ليها لانها بارك الله فيها ماعمرها ماردتنى مع ان والله مرات نحس فى اسالتى تافهه بس اكيد انتوا مريتوا بلى انى فيه توه
على العموم يشرفنى ردك ورد مدام كتوسه واى بنت فى المنتدى

على العموم صحيتى عالمشاركه وبالنسبه للروب انا ماعنديش مشكله من الى يجيبه انا او العس بس حبيت نفهم الى شفته امس عجبنى بس لازم ندور ونشوف اكتر من محل فى الاول

سلام وصحيتوا

MaDaM KATOOSA
26-02-2009, 11:03 AM
صباح الخير يابنات شنو اخباركم
ولأء شنو الجو ههههههههههههههههه
يابرايد الكاب الأبيض عليك انتى لكن كان بيشريه خطيبك خير و خير ههههههههههههه
بصراجه انحس فيه ب 400 غالى هلبه انى عندى تاخدى عبايه كحله ب 500 و 600 النازكات زى الى فى محلأت الخنجى و فى بن عاشور خير انى الكاب دارهولى عمى هديه كان امطرز بالفضه عنده صاحبه عنده محلأت امتاع الى يدير فى الرداوات دارهولى ب 200 لكن شوفى العمله اللوندريه امتاع الفندق امتاعى اعطيتهولهو يديروه غسل جاف امشى غسلوه عادى شكلهم الفضه كلها فسدت هى تلتبس حتى لو صدرتى فوق الصدره مش عارف انى كيف بندير بعد ما نمشى الى ليبيا ممكن نشرى وحده و مرات انقول مش لأزم لو امشيت فى فستان انى انحب العبيات الكحل بس اتكون حاجه صح افضل لأنه الكاب الأبيض كلهم او اغلبهم مفتوحات من قدام

شوفى حتى انى نفس راء ولأء فى الحنه الحنه العرايسيه معاش تتعاود الأ بعد الزواج مرتين او تلأته يعنى لما ليك 7 او 8 شهور متزوجه خلأص تبدى اتزخرفى

و ربى يوفقق انشاءالله

bride2009
26-02-2009, 01:15 PM
مساااااااااااااااااااااااااء السعادة


كيف حالكم اليوم انشاءالله بألف خير
طبعا زى ماشفتوا اليوم ثللللللللللللج ومطر لكن الجو 100%:good: انا الصراحه نموت فى الصقع واتمنيت عرسى فى الشتا لكن الله غالب حتى الصيف حلو

ربى يتمملى على خير;):lol:

صحيتوا معناها الكاب حتى هو بينضاف الى القائمة وتبيله بش ندور على المحلات:rolleyes:

لكن مش مشكله احلى ايامات ايامات التجهيز قبل عرسك

ولا انتوا شن رأيكم!!!!!!!!!!!!!:q:

MaDaM KATOOSA
27-02-2009, 11:42 AM
اهلين بنات شنو اخباركم
والله صدفتى ايامات التجهيزات حلوه والله تعرفى تقعدى تتمنيها ترجع بعد ما تتزوجى

ربى يهنيك و قولينا شنو يصير معاك

bride2009
28-02-2009, 01:10 PM
بنااااااااااااااااااااات صباح الورد

انشاءالله الاخبار 100% :good:

صح كاتى ايايمات التجهيز تعب شويه بس لما تروحى الحوش وانت شاريه حاجات ليك ولحوشك تحسى بيه شعور حلو;)

امس الجمعه طلعت سوق التلات الجديد واشريت طقم فوط ليا وليه:o
خديت لونين بودرى واخضر فاتح كنت نبى السماوى بس تموا

يارب يهنينى بيهم:lol:

سلالالالالالالالالالالالالالالالالالالالالالالالالالام

bride2009
28-02-2009, 01:30 PM
اه عندى سؤال صغنوووووووووووووووووون

طقم فوط الحمام ((((( انا امس طلعت شريت وخلاص )))) بس للعلم لما ناخد طقم ليا هو المفروض معايا ناخدله نفس اللون بش يكون طقم ولا لون تانى

الصراحه امس كنت محتاره بس اتوكلت على الله وخدين من كل لون زوجين ليا وليه

يوم سعيد على الكل

MaDaM KATOOSA
28-02-2009, 01:57 PM
حبيبتى برايد ربى يهنيك انشاءالله
بالمسبه للفوت خودى اللون الى انتى تبيه بالنسبه لحاجات حوشك والشخصيه هده مافيهاش روتينات الى انتى تبيه و اللون الى تبى ادخلىه فى حمامك و ديكور بيك

مبروك عليك الفوت والعقبال الباقى استمتعى بالايامات هده حلوه انى كلها امصورتها فى الفيديو حتى وانى انجهز

ربى يهنيك و خبرينا جديدك

bride2009
01-03-2009, 02:29 PM
مساء الورد عليكم, شن اخباركم؟



كاتى وولاء وساندرا وكل البنات انشاءالله تكونوا اليوم بخير

شوفوا انا قاعده ماقررتش بس مفكره نلبس عدسات يوم العرس انا عينى عسليه وحابه نطلع نشرى عدسات رصاصيه كانوا عندى من قبل بس قديمه ليها الدوه هده من 3 سنين وكل الى يشوفهم يقولوا طالعين عليك :cool:
انتو شن رايكم؟

الرصاصى اهدا من الاخضر والازرق نوعا ما على طبيعى والون العسلى حتى هو حلو بس عينى اصلا عسليه انا المشكله خايفه فى التصوير تطلع عينى حمرا من العدسات من انعكاس الاضاءة والفلاش ولا عادى يطلعوا لون العدسات طبيعى مش عارفه!!!:rolleyes:

ياريت تعطونى رايكم

MaDaM KATOOSA
02-03-2009, 11:10 AM
اهلين حبيبتى
شنو اخبارك والله بالنسبه للعدسات هده حاجه انتى لو حابيتيها ديريها وانتى لو عارفه اللون يطلع عليك ليش لأ انى انحس اللون الرصاصى يطلع على الى مش بيضاء هلبه

لكن من ناحيت الكاميرا ماتخافيش لأنه كاميرات المصوراتين خاصات و بعدين هما لما يحمضوا الصوره يديرولها فى اديدنك

موفقه يارب

bride2009
03-03-2009, 10:47 AM
ثااااااااااااااااااااااااااااااااااااااانكس على النصيحة كاتى

انشاءالله نجربهم الصراحه خاطرى فيهم

ومره تانيه شكرا على اهتمامك وربى يسعدك انشاءالله

بس ادعيلى;)

MaDaM KATOOSA
03-03-2009, 11:54 AM
حبيبتى موفقه انشاءالله واكيد حتطلعى زى القمر
حقه بنقولك ان طبعا جانى خبر انه ناديه ماتاخدش الأ عرايس طبعا زعلأنه على الأخر:cry: والله مش عارفه شنو اندير لأنه انحب مكياجها و فاطمه كلمتهالى صاجبتى و قالتلها اتجينى قبل موعد طلعتها ب 10 ايام لو فاضيه عادى الأولويه للعرايس انى المشكله عندى عرس يوم 27 و 28 و 29 شهر 7 انشاءالله انحصلها
و صاحبتى امشت بتحجز عند فاطمه هى عروسه المهم القيت عندها زوز عرايس قالت التسريحات حاجه واو لكن مكياجها قالت قوى هلبه هلبه وقالت شكله مكياحها مش ماركه على العموم هى رجعت و حجزت عند ناديه انى بس حبيت انوضحلك النقطه وانتى راهو من توا مفروض مع وقت العشيه المتاخر تمشى لفاطمه واتشوفى عرايسها راهو امشى على كده مره بش تتاكدى وحتى اتشوى انواع مكياجها و الوانها مرات يعجبك لون انتى مش خاطر فى بالك

موفقه يارب

bride2009
03-03-2009, 01:06 PM
هاااااى كاتى كيف حالك اليوم

والله انا نفرح لما نلقاكى راده عليا :D
ياريت كل البنات زيك:good:

شوفى حبيبتى شكرا على ملاحظتك واكيد انا صح المفروض نمشى نشوفها كل مره عشيه من توه ليوم العرس على رأيك بش اقلها ناخد فكره عليها احتمال مايعجبنيش شغلها واحتمال تطلع واو
انا مره وحده بس الحق مشيتلها بس كان اتنين تقريبا ماتخدمش بس هى كانت فاتحه فمكانش عنده عرايس بش نشوفهم بس على كلام الى مجربينها يشكروا فيها بس اكيد مش زى لكا تشوفيها بعينك
بس غريبه انا صاحبتى لما شافتلها عروسه وعجبها هلبه ماكياجها من فامه انا سالتها على الماركه قالتلها تستعمل فى جيرلان فانا اطمنت شويه اقلها ماركه كويسه
ياريت صاحبتك كانت سالتها على الماركه اقلها اتاكدنا تستعمل فيها ديما او ممكن البنت هده رافعه ماكياجها معاها:q::rolleyes:
الله اعلم بس الى نعرفها هى تدير فى الماكياج حفله لمدام ب 60 دينار انا لما مشيت سالتها كانت الدوه على ماما والتسريحه ب 60 كدلك

وعلى العموم انشاءالله الاسابيع الجايه اهو الجو ربيع واكيد الاعراس ماشاءالله نمشيلها يوم خميس او اربعاء ونشوفها ونقولك

سلام ياقمر
اه ماتزعليش عشان ناديه ماتعرفيش مرات فاطمه تطلعك احلى ;)

MaDaM KATOOSA
03-03-2009, 03:36 PM
والله شنو بنقولك زعلأنه و لكن الله غالب بنجربوا فاطمه و خلأص انى بنجربها فى لمه عمتى هى امدايره اسبوع للعيله قبل مان عجبنى بنمشيلها انى خايفه يطلع قوى هلبه لكن اتقولى فى الصدره مش مشكله لانه الصدره تبى مكياج قوى لكن مش ديما القوى حلو وكان ماعجبتنيش عليا و على هند الى عند فيكى او انشوف حد تانى لكن زى ماقلتى والله حق الكل يشكر فيها فاطمه على العموم البنت صاحبتى امدايرتبها موقف الحق هدا علأش هى زادت اتحسست منها

ربى يوفقق قوليلى شنو يصير معاك

*روح خطيـبى*
03-03-2009, 07:08 PM
السلام عليكم يابنات
برايد 2009 ومدام قطوسه
مدام على فكرة انى روز 86 لقيتك اهنى بالصدفه ماشالله عليك ;)
الف مبروووك اختى برايد وربى يتمملك على خير بجديات موضوعكم حلو ومفيد
وحتى انى نوتى لعرسى

*روح خطيـبى*
03-03-2009, 07:35 PM
حبيبتى مدام قطوسه ممكن نقولك رأيى فى ميك اب فاطمة شعيب
صاحبتى دارت بيانها الصيف اللى فات ومشت لفاطمة شعيب ولما ورتلى البوم بيانها
انصدمت فى طريقة مكياجها قديييم نستغرب فى اللى يشكرو فيها البنت حلوة لكن المفروض
طلعتها احلىمن هكى الشادو ورسمة العين دارتهم متاع زمان مافيهمش اىىىى فن
ولافمها تخيلى رسمة فمها باينه فى الصور معليشى اه
والشادو دارته متاع الزاوية الداخليه للعين موف فاتح وفى النص موف اغمق شوى وفى الاخير موف اغمققق ماحسيتش بمزج الظلال الحلو الجديد
لكن الحق شعرها دارتهولها حلووو اصلا هى البنت شعرها ماشالله طويل وناعم وغليظ
وهدا رأيى وحبيت نقوله وانتى جربيها زى ماقلتى فى لمة قبل

*روح خطيـبى*
03-03-2009, 07:36 PM
ونسيت نقولك انه صاحبتى جابت مصورة لبيانها وصورتها ديجيتال يعنى صور واضحه وتبين الميك اب صح

MaDaM KATOOSA
03-03-2009, 08:02 PM
هلأ يا روز ياحلوه
وانى مع كلأمك انى عمتى شافتلها عروسه قالت مش حلو و مكيجت صاحبتى فى عرسى كان عادى الحق مهو هى صاحبتى بنيه دارتهولها بناتى جدا فمتبانش الخبره و الفن لكن انى معاك فى ليبيا من الشكر لين تعبى شكاير زى الى يشكروا فى صاله افراج الشرق والله حاله و خلأص ولأ المشكله الى يخرق الدم انهم يعاندوا و يحاولوا يطلعوك على لوحه
بصراحه ناديه هى التوب لحد الأن وانى انحس فى ناس تبى اتقول اخى بش معاش يمشيلها حدبش الى يقول مش حلو يمشوا هما تو تلقيهم الى يقولولك ناديه مش حلوه هما يمشولها بالنسبه للعرايس ناديه هى التوب
تعرفى انى نستغرب فى الناس الى تشكر فى نجوى التليسى قصدى بجديات وااااااااااعععععععع

على العموم ربى يهنيكم ياعرايس

bride2009
04-03-2009, 10:20 AM
صباح الياسمين
كيف حالكم انشاءالله بخير
كاتى وروح خطيبى ( عجبنى الاسم الى مسجله بيه ) :good:

ردودكم تشرفنى

بس مش عارفه جانى شعور احباط:|

يعنى ناس تشكر فاطمة لين تصدقيهم وناس تنزل فيها لين تكرهيها الواحد معش عرف شن يدير

لكن فى النهايه النية بتاع البنت حتى هى ليها دور توه انا شفت عروسه لفاطمه كانت والله العظيم اكتر من رائعه من تسريحه زى الملكات وميك اب كانت طالعه زى القمر ونفس القصه مع ناديه انا جربتها فى بيانى وكانت تحفه الحق فى الماكياج والشعر لانى قلتلها نبى تسريحه مع الشعر يكون مفتوح بطوله وكان واو بس انا بس تحفظى الوحيد على مزين ناديه تسريحه شعر العرايس كله نحس فيه ملصق ونفس الفكره لان زى مانتوا عارفين ان مش ناديه الى تدير فى الشعر واحده تانيه وطبعا ياكاتى اكيد انتى لما مشيتى ممكن طلع حلو لانك قلتيلها نبى فكره معينه بس والله انا ماهو مشيت بكرى اول واحده فكملت اول واحده ممكن مع الساعه 4.5 او 5 كنت ممكيجه ومدايره شعرى انا الوحيده اللى مختلفه فى البنات لان شعرى كان مفتوح باقى العرايس كلهم والله الشعر نفس الستامبا
كاتى انا عارفه ان كل كوافير فيه مزايا وعيوب بس خلاص الواحد يتوكل على الله وانت ونيتك
انا عن نفسى انشاءالله انشاءالله من مره لمره بنمشى نشوف ماكياج فاطمه عجبمى كان بها ماعجبنيش بنمشى لناديه ونحاول نعطيها فكره لتسريحه شعرى لانى لو ماقلتلهاش على فكره بطلعنى زى اى بنت نفس التسريحه المعتاده
قوليلى كاتى صاحبتك الى مشت لفاطمه وماعجبتهاش وبعدين حجزت عند ناديه امتى عرسها فالصيف ولا قبل مانا خايفه نغير من فاطمه لناديه وبعدين نمشيلها متأخر ناديه فمتاخدنيش هل هى تاخد من توه للصيف ولا زى فاطمه قتلى فبل بشهر تعالى؟؟؟
روح خطيبى شكرا تانى على مشاركتك وكاتى ماشاءالله عليها بصدق مش مخليتنى نسال على اى حاجه الا وتجاوبنى عليها يعنى استفيدى بمعلومات 100%:D
انت شن جوك امتى عرسك الصيف او قبل؟
ياريت حتى انت تقوليلنا شن يصير معاك وشن شريتى وحتى اسماءالمحلات ولو خديتى قفطان العرس يااااااااااااريت او شفتى محلات معينه
ولو سمحتى ماتقوليليش المشيرقى لانى بنقوللكم انى خطمت عليه والله مافيه ماينشاف كله منفوش ومستعمل انا الحق مانحبش نأجر انشاءالله بنشرى بس يكون بسيط وسعره معقول
طبعا انا مشيت الى فى الواحه سنتر فى حى الاندلس فهى البنت قتلى النوفليين فيه خيارات اكتر
ومشيت قاجه حتى هو نفس الشئ فمش عارفه مازال نبى ندور
امس خطمت على خنجى للعبايات مداير تخفيض 50%:good: لكن ه وقال البضاعه الحلوه انباعت بس الى تبى تحصل فيه ب 250 و 350 و650 و 900 وانت وذوقك

اسفه طولت عليكم بس اهو نكتب ونشرب فى نسكافيه فمنسجمه اخر انسجاااااام;):lol::lol:

سلام

MaDaM KATOOSA
04-03-2009, 10:54 AM
حبيبتى برايد امشى كل يوم و شوفى و هده الى خديتها ناديه عرسها فى 7 و هى عايشه بره و كانت بتسافر و خديتها و بالنسبه لفاطمه انتى متاكده من دوه امتاع تعالى قبل العرس بشهر حبيبتى مافيش منها الدوه هده انتى امجازفه بصراحه تعرفى انى صالتى حجزتها قبل العرس بسنه و نص قريب لأ حبيبتى ماتخلى شى لى اخر لحطه
امشى شوفيها حبيبتى

*روح خطيـبى*
04-03-2009, 02:24 PM
مساء الخير برايد ومدام قطوسه .....

صح زى ماقلتى على نيــــــــة العروسة حتى ماما ديما تقول فيها وانى مقتنعه بيها
لكن بجديات مكياجها عادى جدااا مش زى مايشكرو فيها اللى مكيجتنى فى بيانى احلى منها بهلبا
ومكياجها ماركة تقريبا حسب ماندّكر ماركة ماك
مع انها مش معروفه بكل حتى مزينها صغير ..لكن على الاقل تتفنن فى العيون ومزج الظلال والفم رسمته مابانتش
لكن مش حنحجزها لعرسى حاسه روحى نبى نطلع مازال أحلى واللوك غير الاول<< وحدة طماعة
وبالنسبة للمزينة لعرسى خالاتى معتمدة عليهم فى الحكايه هادى
جوى انى نبى نسافر من هالبلاد اللى انى مقيمة فيها ونمشى لليبيا بسسسرعه طيراااااااااان
والمشكله مش حنسافر غير فى نص 6 بعد مايكملو اخواتى امتحاناتهم
وعرسى بااذن الله فى نهاية 7 وحجزت الصاله الحمدلله من شهر 1 فى صالة قورينا
يعنى سامحينى مش حنقدر نفيدك بااسماء محلات لاانى شريت تقريبا اغلب حاجاتى من اهنايا


وشن شريت اممم شريت لبس حوش صيفى كدّست منه الحمدلله برمودا قفاطين تنورات كله كوكتيل
لاانه الحوش بتقعدى فيه اغلب وقتك ولازم تنوعى
وشريت روب الدخله فظيييع شكله
وروب الحمام خديته مازال ليه هو روب
وشريت ايشاربات وجبتين راقيات من ميزران خديتهم الصيف اللى فات من ليبيا
نبى نشرى عبايات عمليه من ليبيا وين يجى محل الخنجى هدا؟
لاانى طبيعتى نلبس عبايات
وخديت كنادر عمليات مازاالى
العطور والميك اب من ليبيا طبعا
وشوية لبس طلعه خفيفه زى تنورات وبلايز لما نمشى لحد من غير
البدلات الرسمية متاع العرايس جابلى هو
وهدا هو تجهيزى تقريبا

طولت عليك عارفه روحى :rolleyes: :o

وتبى اى استفسار تتفضلى
وانى حنكون بااذن الله ديما معاكم ومتابعة ليكم ;)
وربى يوفقك

MaDaM KATOOSA
04-03-2009, 05:29 PM
باهى ياروز ربى يكمل عليك فرحتك
قوليلى منو المزينه الى مشيتيلها فى بيانك كان اتكبج لناس العادى انى انجربها قوليلى وينها

على العموم انى انقولك الخنجى وين شوفى وانتى جايه من المدينه وماشيه لقرقارش يجيك على يديك اليسار قاعه الشعب كملى طول و ركزى على يسارك هو فى جنب هدا المصمم الدراه حشاكم طبعا الوليد:D
هو غالى لكن حاجاته مش عاديه و فى محل عبايات مش عادى فى بن عاشور امقابل نوعا ما بناش امتاع الشوكلأته عيونك لين يولوا حول من الحاجات الحلوه لكن السعر احلى طبعا;)

*روح خطيـبى*
04-03-2009, 11:28 PM
تسلميلى يارب يسعدك ويعطيك على قد نيتك الطيبه

المزينة اسمها نــادرة وهى ليبيه واسلوبها حلو وراقى
والله رقمها راح منى واسم المزين ياسمين
هى تمكيج حتى المدامات وتسريحاتها حلوة اللى ادير فيهم
عنوانها مدغرق هلبا نحاول نوصفلك شوية وانتى جايه من جهة النصب
التدكارى متاع الهانى يعنى وانتى ماشية يكون على يمينك
تخشى السمافرو وتخشى يسار كأنك ماشية لعرادة اول يمين تخشيله هى زنقه عاليه تخشى منها
وبعدين تخشى يااما اول يمين او تانى يمين والله ناسية
بس حنحاول نخلى حد من ليبيا يجيبلى رقمها ونبعتهولك انتى تؤمرى أمر
هى مش معروفه لكن يوم اللى مشيتلها التليفونات نازله عليها وزحمه
وانتى جربى وشوفى

MaDaM KATOOSA
05-03-2009, 02:29 AM
تسلمى حبيبتى روح خطيبى

bride2009
05-03-2009, 08:37 AM
صباااااااااح الفل

كاتى وروح خطيبى وكل البنااااااااااااات

انا مشيت خنجى من يومين وصح هو مداير تخفيضات لكن عبايات شكله الحلوين تموا
واللى قالت عليه كاتى بتاع العبايات فى بنعاشور صح حتى هو حلو هو قريب من محل السارى بتاع السواريه صح؟
السارى حتى هو حاجاته قنينه انشاءالله بنخطم عليه انشاءالله انا فستان بيانى من غادى كان لونه ذهبى حللللللللو
احتمال نمشى ناخد فستان تانى يقعدلى لبعد العرس انشاءالله
روح خطيبى شكلك حاليا مش فى ليبيا صح؟
شوفى انا لبس الحق بتاع البيت مازال ماشريتش قلت خلى تنزل الللبس الصيفى شويه وبعدين تكون الخيارات اكتر
الحق السنه الى فاتت لو حضرتوا تنزيلات ماركس اندسبنسر الحق شريت حاجات لكن اكيد بنزيد مش عارفه هو السنه الى فاتت بديه السيل شهر 8 كان يبده شويه قبل السنه هده:lol:

على العموم انا حتى ماما تحكيلى هو طبعا مش زى بره فلندن متلا لكن زى مانتو عارفين فليبيا ماعندناش خيارات هلبه:mad:

روح خطيبى ربى يكملك على خير وادعيلى معاكى;)

كاتى ربى يهنيك :good:
سلام

MaDaM KATOOSA
05-03-2009, 11:53 AM
لسلأم عليكم

شنو اخباركم
صح محل العبايات فى جنب السارى وفعلأ السارى فساتينه حلوه فى حتى حريم محل يشكروا فيه انى مانعرفش الحق محلات فى ليبيا زى ماعارفين انى براه ليبيا

برايد فى اما صاله حجزتى؟

*روح خطيـبى*
05-03-2009, 12:47 PM
مساء الورد

اى انى مش فى ليبيا توا مقيمة فى دولة عربية

برايد ننصحك تكترى من لبس الحوش لما ينزل الصيفى لاانك اغلب الوقت
حتكونى فى حوشك ولازم يشوفك كل مرة بلبسة يعنى لبسة الضمّان بروحها
ولبسة اللى بعد الضمّان بروحها وبعدين فى الليل بتلبسى بيجامة النوم او قفطان النوم
قوليلى امتا عرسك ان شاءالله واما صالة حجزتى
وبديرى نجمه ولالا وكان بديريها وين حديريها فى
حوشكم ولاالصالة

bride2009
05-03-2009, 01:03 PM
عودة من جديد:cool:

كاتى شن بنقولك زعلانه منك طبعا:cry: مش قتلك من اول مابدينا نهدرزوا انا حجزت فاللبيب المشكله انك رديتى عليا لما قعدتى تشكريلى فمنظمه الصاله والدى جى!!!!

اللى واخد عقلك يتهناله;):lol::lol:

روح خطيبى شوفى انشاءالله فالصيف العرس الصاله اللبيب بس النجمه مش مدايرتها كبيره هو عيلته كبيره ماشاءالله يعنى مش عازمين هلبه من الجيران وفالحوش انشاءالله احنى جنانه كيبير حتى بيانى درته فالجنان والله احلى ميه مره من الحوش الداخل كنت مفكره قبل بنديره فالحوش بس لما اجرت طاولات كبيره ل 8 كراسى حدود 10 طاولات جت الحكايه مضغوطه شويه مشيه قررت نديره فالجنان احلى غرس وورد يااااسلام حتى الصور والارض عشبيه طلعوا حلوات:good:

فالنجمه اكيد فالحوش مش صاله:D لكن مش عارفه هو صيف احتمال ندير خيمه مكيفه تعرفى الشعر والسشوار :lol::lol:
لكن والله زى ماتقولى كله رؤس عناوين بس الافكار كله فالراس متلخبطه واكيد انت زى وكاتى وكل المتزوجات اكيد مروا بالى احنى فيه توه:rolleyes:
وانت شن بتديروا نجمه وشن ترتيبك ليها!!

وشن خديتى قفطان العرس او المحضر ولا بتاخديه من بره؟
كاتى صح السارى روعه وحريم قالو فى بنعاشور احتمال نخطم حتى هو عليه انشاءالله

سلالالالالالالالالالالالالالالالام

MaDaM KATOOSA
05-03-2009, 04:22 PM
اهلا يابنات
سامحينى برايد والله الدراسه داهبه شيرتى واحسن شى ديرتيه بصراحه اللبيب هى التوب لحد الان

و بالنسبه لنجمه والله كان تعزموا عليها و ايجيكم زحمه اتصيرلكم فوضه كبيره بصراحه النجمات الكبار فى الحوش قمة الفوضى لأنه الدنيا كلها بتجيك و بتجيبلك المفرخ امتاعها انى صاحبتى دارت نجمتها قى الصاله لكن كانت كبيره هلبه والله الصاله معبيه دارتها فى الأندلسيه هى الصاله مش حلوه لكن باهيه فى السعر قالت هى
انى نجمتى ديرتها بسيطه ماجانى حد من عايلتى العريس جيران و صاحباتى و العيل شويه عزمناهم ديرتها فى صالة حوش جدى كبيره هى جلسه كامله نحو الطاوله امتاع الأكل وكانت فى جيهه فيها صالون كنبه و دارولى تخت الحنع فى الوسط والله كانت روعه باينه فى كاميرت الفيديو راقيه على الأخر مافيش فوضى و الدنيا كلها امكعمسه مافيش الفوضى امتاع فروخ ماشين جايين والناس كلها تبدا تتحاوس جبت وقافات وقولتلهم قعمزوا كانكم فى صاله طبعا بعد المغرب بدينا انعشوا فى الناس طبها البصله و معها سلأيط و فواكهه و مشروب بعدين لما تبدا السهريه فرقت شكلأطه من بناش و بعدين روزاته من العالم نوعتها لوز و فستق و عبمبر الحراتى و بعدين شاهى انى الحق كنتى نبى اندير جاتوهات مش حلويات انى نكرهم الحلويات ملينه منهم قالولى العيله مايجيش النجمه لأزم حلويات ديرت 4 انواع نوعين من ابتسام جلول و مقروض من محل فى بنعاشور و مالحه من مراءه بعدين لما يروحوا الناس ياخدوا باكو فيه مكسرات و ديرت حاجه معسله مش بكلأوه انتو ماديروش بكلأوه فى الليلتين لأ ديرو بكلأوه فى الحفل بس غيروا ديروا كنافه متلأ او مفيده حبروش الى قلتيلكم عليها ادير فى حاجه اسمها العشيشه بالكنافه و المكسرات امعسله حلوه

انشاءالله ربى يهنيكم

*روح خطيـبى*
06-03-2009, 12:41 AM
ماشالله حبيبتى مدام قطوسه كفت ووفت
ربى يسعدك ويوفقك

برايد هونيها تهون عادى تو كله يفوت ماتحطيش فى بالك
ربى يتمملك على خير ياااارب
انى مطمنة الحمدلله غر خالاتى سادات يكفو ويفو باش يوقفولى
ويرتبولى والحق دوقهم يعجبنى
انى بيانى درته فى صالة حوشنا ماهو الجنان لازم نجيبو تكييف كان فى عز الحر
النجمة بنديرها فى جنان حوشنا ان شاءالله وحنجيبو اكيييد تكيييف وحندير ديكوريشن
وخالاتى قالولى بيديرولى ديكور النجع
وحدة من خالاتى قارية ديكور مطمنة من ناحية الديكور الحمدلله
مش حنديروها نجمة كبيره هلبا اقاربنا وصحابنا المقربين بس وعيلتة واقاربه هو وبسسسس
وحنجيبو زمزامات اكيده مع انى معنديش عليهم لكن قالولى لازم للنجمة ينشطو

الفيلو مش حنشريه الحق لاانه لبسه وحده وخلاص هدا رأيى بنأجره
حتى هو خالاتى قالولى ماتخمميش يعرفو هلبا محلات وانى خاطرى يكون منفخ وفخم
نحس العروسه بفيلوها المنفوخ
وخاطرى يكون لونه اوف وايت يعنى كريمه
والمحضر مش حنديرو... دوة زايدة كله مايخشش راسى وصرف زايد
احسن حاجه بنسافرو تانى يوم طووول ان شاءالله[/COLOR]

MaDaM KATOOSA
06-03-2009, 11:33 AM
اهلين حبيبتى روح خطيبى
مشاءالله عليك والله مطكنا بخالاتك زى انى الحق عماتى دارولى كل شى يارك الله فيهم الحق
بالنسبه لنجمه صح اينشطوها الزمزامات غير وصيهم مايقعدوش يقولوا فى كلأم سخيف

و مشاءالله على تفكيرك بصراحه البنات الى فى منتدى الكساد امتاع فخفخه على ماهناك شى فالحين غير امشى للوليد و المنتصر ولأ يشكروا فى كيكات شفيقه بطريقه مبالغ فيها بصراحه يشكروا فى حاجات مش اوى والله الهندسه نت من ناحيه انك تبى تعرفى اماكن كويسه خير
و اكيد اتحصلى فيلو حبيبتى اغلب البناتفى ليبيه ياجروا و يحصلوا فى حاجات حلوه

وزى ماقلتى المحضر دوه زايده انى مانحباش المحضر يبدو الناس كلها اتعلق امدايرين زى عرض الازياء و خليك من التعليق يبدوا عاد طويله وقصيره و سمينه لأ ووككك رايحه بتموت من الضغف بعدين يبدا التعليق على لبيها و اللون و المكياج و غيرها

ربى يهنيكم والا شى اتفضلوا ما تترددوش

*روح خطيـبى*
06-03-2009, 07:50 PM
اى حبيبتى مدام قطوسة لاحظت الفخفخه هلبااا وتلقيهم اغلبهم كلام بس
وزى ماقلتى المحضر عرض ازياء والناس عاد مايعجبهم العجب (ارضاء الناس غاية لاتدرك)

برااااااااااااااااااايد وينك اليوم اكيده لاهيه مع خطيبك
ماشاءلله مش زينى كل واحد فى بلاد ربى يصبرنى بس

bride2009
07-03-2009, 09:39 AM
صباااااااااااااح الورد والفل والياسمين

شن اخباركم؟؟؟

انا قاعده والله معاكم بس امس جمعه ماخشيتش ضمان الحوش والجو عجااااااااااااااااااااااااج اووووف سيقت الجراج 20 مره :devil:

روح خطيبى حبيبتى بالعكس مش شرط لانى مع خطيبى كل يوم لازم نشوفه لانى معاه فى نفس البلاد انت عارفه تقاليدنا يعنى فى الحدود;)

وبعدين انت بالعكس ممكن البعد يخليه يشتاقلك اكتر:lol:

انا منتدى الكساد ماخشيتش عليه اول ماسجلت هنايا الحق كاتى ماخلتنيش نمشى لاى منتدى تانى :good:
حبيبتى روح خطيبى انا والله مهونتها بس نخمم بس وخاطرى الامور كلها تمشى زى مانبى بالمللى:D
ربى يهنيك بخالاتك وكاتى بعماتك انا للأسف بروحى والمشكله عابيين عليا انا فى كل شى والمشكله انى انا العروسه يعنى مستحيل نقسم روحى فمكانين:rolleyes:.
انتوا شن بنات كاتى خديتى قريبك وروح خطيبى خطيبى خطيبك قريبك ؟؟؟

وامتى اول مره شفتيه وكيف كان شعورك!!

انا مش قريبى لكن الى يشوفنا يقول قريبك صح؟؟؟ شكله من الحب لين ماولينا شكل بعض:lol::lol:

سلام:p

MaDaM KATOOSA
07-03-2009, 11:07 AM
صياح الخير يابنات

برايد ريى يهنيك انشاءالله و يتمم عليك بالخير وانى ننصحك كان تبى اتزيدى اتلخبطى روحك خشى منتدى الكساد والله كلهم يفخفخوا على بعض و دوه بس زى ماقالت حبيبتنا روح خطيبى

على العموم انى خطيبى مش قريب و تعرفت عليه فى بريطانيا بالصدقه فى الجامعه هو يحضر فى الدكتوراه فى الطب
والله كلها اسبوع تعرفت عليه و جى خطبنى طول المصيب سبحان الله يجيك وين ما انتى و راهو جاى للمدينه الى احنى مقيمين فيها بالصدقه

bride2009
07-03-2009, 03:09 PM
ضحكتينى والله كان نبى نلخبط روحى نخش منتدى الكساد!:lol:

انا هكى من ربى ومتلخبطة:lol::lol:
خلينى هنايا معاكم فى الهندسة احسن:good:

مش عارفه خوفتونى من موضوع المحضر شن قصدكم بنولى فرجة يعنى:cry:

ممكن لانهم بيكونوا من عيلته العريس فبيكون التعليق طويله او قصيره بيضه او سمرا:devil:!!

لكن شوفوا هما الناس هكى هكى بيعلقوا سواء فالحفله او المحضر يلا مش يمشوا يملحوا
كان الواحد بيدير لكل شى حساب معاش يهنى روحه

هو الواحد لو داره بسيط الناس بتتكلم ولو داره كبير وفخم حتى هما الناس بيتكلموا

(((((((((((رضا الناس غاية لاتدرك))))))))) احم احم .... اختكم مثقفة والحمد لله;)

كاتى قوليلى الحياة بعد العرس هل حسيتيها مملة يعنى الروتين غلب عليها

مش عارفه انا خايفه من الملل بعد الزواج مش قصدى ملل من زوجى بس ممكن ملل من الروتين نفسه
كيف الوحده ممكن تجدد من الروتين!!!
( وحياتك ماتفهمى سؤالى قصقصة بالعكس ممكن انت كان فبالك نفس السؤال قبل ماتتزوجى )

انا مش قصدى خصوصياتك مع زوجك لالالا انا قصدى لما عشتوا مع بعض هل حسيتى انك اتعودتى بسرعه على الوضع الجديد مش زى لما كنت فبيت اهلك!!

وهل حسيتى انك غيرتى شويه من نفسك بعد الزواج؟
وكيف الوحده تتعامل مع اهل زوجها
انا نحس فيه قاعده كويسه انها لا تصاحبهم هلبه يصير بعدين مشاكل من هده قالت وهده قالت ولا تبعد عنهم هلبه تكون متوسطه فى المعامله معاهم شن رأيك!!!
ويعنى لو رؤؤس عناوين بس عن رهبة يوم العرس:o يعنى نحس فيها حتى لو الوحده كانت متعوده على خطيبها مش زى لما يخلوها اهلها بعد العرس بس لو توصفيلنا شن كان شعورك وكيف اتصرفتى !!

اهو ومنها تتذكرى معانا احلى لحظات عشتيها من تانى;)
ومره تانيه سامحينى عالتطويل

ولاء86
07-03-2009, 03:40 PM
ربى يتمم بالخير يا عرايس;)

MaDaM KATOOSA
07-03-2009, 03:43 PM
السلأم عليكم
لأ عادى انى قلتلكم الى تبوه اسئلونى فيه وانى حاضر اى شى تبوه انقوللكم عليه:D

اول شى بالنسبه للمحضر انى شخصيا مانفضلاش لكن بما انهم جايبينلكم قفه لأ خليهم يديروا محضر زى ماهما امكترين عليكم المصاريف خلهم يدوقوا حتى هما:devil: (واحده مسمومه:D ) قصدى بجد انى مانحبش الى يقولوا لعروسه نبوا قفه وهما عيلت العريس يفرضوها على عيلت العروس ولكن عيلت العريس يقولوا لأ مصاريف علينا المحضر انى هده مانحبهاش
اسمعى نبى انقولك راهو بدله الجلوه على العروس مش عيلت العربس بس لو هو بديرها خليهم;)

شنو بيجيلولك موسم اليوم؟

شوفى بالنسبه لحياه الزواج على طبع راجلك انى والله ماعنديش روتين منسجمه هلبه ومافى شى اتغير فيا او فى طبعى او طريقت لبسى والله زى لما انى بنت و نمشى لصاحباتى و كل شى فى رجاله معاش يخلوا انساوينهم يمشوا لصاحباتهم الأ لو يعرفوهم والجو هدا انى راجلى الحمدلله

و بالنسبه لرهبه العرس هديكه انى جتنى لما خشيت الصاله لكن ماعرفتش من شنو تعرفى حتى المصوراتى قالتى خيرك مش مرنه مهو جتنى يوم النجمه القيتنى انغنى و جوى مليح و نرقص لكن مجرد ماركبت انى و راجلى السياره وامشينا الى الفندق عادى الحق بعدين بروحه سبحان الله تتاقلمى مع الوضع

و بالنسبه لامالى زوجك حبيبتى انى حناى كانت ديما اتقولنا الى تبى راجلها لأزم تبى اماليه كان تبيه يقعدلها حبيبتى عامليهم ياجترامى و خليك جوك مليح معهم بس فى حدود ماتبدوش اتبصروا مع بعض لين اتولى بصاره بايخه انتى عارفه احنى الليبين اغلب الوقت مانعرفوش انبصروا

و ربى يهميكم و ماتخافوا من شى الزواج حلو:D:D

*روح خطيـبى*
07-03-2009, 07:02 PM
هلا حبيبتى برايد سلمك نظّافه هههه

انى قصدى لاهيه مع خطيبك مش يجيك كل يوم لكن عالاقل مرة فى الاسبوع او
الاسبوعين تشوفيه والمكالمات اكيده تتكلمو ديما ماشاءالله
والله البعد عذاااب هو جانى فى شهر 11 قعد اسبوع بس ماهو شغله
لكن حتى لما كنت فى ليبيا الصيف اللى فات نشتاقو لبعض مش شرط ,البعد يهبل بس!

اسمعى حبيبتى هنى روحك وخليها على ربى علاش تسحنى وتخممى كله تو يفوت
وبااذن الله حيطلع زى اللى تبيه واحسن .هادى احلى فتره فى حياتنا عللاش اضيعى حلاوتها
بالقلق الزايد
باهى معقوله ماعندكش قريبه او صديقه مقربه توثقى فيها تساعدك وتشيل معاك الحمل شويه!؟؟؟

سؤالك انه هو قريبى يقربلى من بعييييد لكن مش نفس الشكل بكلللل
اول مرة شفته 26-4 -2008 ههه متفكرة التاريخ.. جى للدولة اللى توا مقيمة فيها
يشوفنى باش كان عجبته وعجبنى بيخطبنى
طريقة التعارف امه واخته يعرفو ماما لكن انى ماشافونيش شكروها قدامه قالهم ماعندهاش بنت
هالمراه قالوله مش عارفين تو نسألو وتم النصيب سبحان الله

وانتى امتا اول مرة شفتيه وكيف تعرفتى عليه؟
ربى يخليكم لبعض ويهنيكم ياارب

حبيبتى قطوسه كلامك درر ماشالله على تفكيرك ربى يوفقك

*روح خطيـبى*
07-03-2009, 07:09 PM
تسلمى وخيتى ولاء بارك الله فيك

bride2009
09-03-2009, 09:54 AM
صبااااااااح الفل يابنات

كيف حالكم وكل سنه وانتم طيبين

كاتى وروح خطيبى انشاءالله تكونوا بخير

ولاء شن اخبارك شكرا وشن حال البيبيز انشاءالله بخير وعافيه وصحيتى غير ادعيلنا بس:)

روح خطيبى انا نقولك شغلى اغنيه ( بعيد عنك حياتى عذاب ) اهو تخففى شويه على روحك:lol:

توه انشاءالله تتزوجوا وتعيشوا مع بعض فى سعاده انت امتى عرسك؟

كاتى صحيتى عاللى كتبتيه:good:والله بصدق مش عارفه من غيرك شن كنت بندير, شكرا
صح الجلوه مره سامعه من صاحبتى انها من ام العروسه لكن قلت بالك هما بس يديروا هكى لكن اهو حتى انت زدتى اكدتى الموضوع

:rolleyes: لكن مش عارفه لتوه احنى مازال ماجوناش خواته بش يتفقوا عالتفاصيل او شن بيجيبوا اهو نستنتوا فيهم!!

لانى الصراحه بديت نطلع نشرى اى حاجه نلقاها جنينه قلت كان بنراجى لين هو يعطينى فلوس بش نشرى معناها احتمال نخلى روحى على اخر وقت والصيف مش حلو الشوبينج والدنيا نو الحق

بصراحه انا متحشمة نقوله امتى خوتك بيجونا بش نتفقوا معاهم احنى نراجوا فيهم صح يتصلوا مره مره لكن مازال ماتفاهمناش على حاجات العرس من قفه وقفاطين وماشابه


انتوا شن صار معاكم فى الترتيبات مع اهل العريس؟؟؟ ومعلش والله ماقصقصه بس الواحد ياخد فكره شن طلبتوا منهم؟

انا عارفه انكم حاتردوا عليا بصدق مش جو الفخفه على قولتكم فالكساد

اه شويه ونسيت اول مره شفته مش مدكره التاريخ بالظبط! من غير ضحك:devil:

لانى ماكنتش نعرف انه هو حايخطبنى
شفته بالصدفه لكن اول يوم جانا الحوش 5-1-2008

والعرس الصيف انشاءالله

سلام ونراجى فيكم

MaDaM KATOOSA
09-03-2009, 11:16 AM
السلأم عليكم

شنو احباركم يابنات انتى يا برايد صارلك زى تعرفى جابولى الفلوس قبل العرس ب 20 يوم صارتلهم حالت وقاه بعيده طولوا عليا

اسمعى اول شى مافيهاش عيب انك اتقولى لخطيبك هدا حقك حبيبتى انتى تبى تاخدى حاجاتك و مدامك امدايره قفه البدله الكبيره و الصغيره ابتاخديهم و هدوا بالتوصيه و بصراحه كم منه بوك بيدفع حتى لو بيرجعوله لكن ياسر عليه المصاريف التانيه

شوفى و مافيهاش مانع لو امك اتكلم امه واتقوللهم شنو نبو نعرفوا برنامجكم فى العرس يعنى شنو بديروا و شنو تبوا ولازم تعرفى و تتفقوا كم بيجيبولك وحده فى القفه انتىوا فهموهم انكم ماتبوش هلبه حتى هده مافيهلش عيب

و شوفى لما ديرتى فضنيتك و بوك شرط على بو راجلك المفروض يحددله موعد امتى يجيبله الفلوس تو شوفى احنى عائلتنا جدى الى يشرط وقاله نبى لبنتى 3000 مفروش و ملبوس (الى هو فصدهم حاجات حوشها ) والباقى الى بتجيبوه ليكم هكى جدى يقول مايشرطش دهب و المهر احنى ماناخدوش فيه بعدين المهر مايطلبوشى هما عيلت العريس يجيبوه منهم ليهم عاداتا 1000 دينار احنى ماناخدوش فيه و 50 ليره هدا موخر انى خطيبى قالى نعطيك 8000 فى يديك قالى هدا الى نقدر عليه وانى من الاول فهمتهم انى مانبيش قفه ومانبيش بدله كبيره وصغيره و جو الفوضه امتاع القفه مانبيشى يجونى هما و معهم 200 وحده بصراحه هلبه هكى

المهم جدى لما شرط فى الفضانيه قاله قبل العرس بتلات شهور اتجبنى واتجيب الى اتفقنا عليه كان اتخليهم على راحتهم حتى قبل العرس بيوم عندهم عادى

او انى انقولك حاجه انتى لو عجباتك حاجه هما بيخلصوه احجزيها و قوليله انها فى المحل الفولانى وامشوا خلصوها والله ماينفع فيهم الا هكى

انشاءالله افدتك

انى تعرفوا مشغوله عازمه بنات يوم السبت والله انوتيلها تو انصور الحلو و الحار الى انديره وانوريهولكم انديره موضوع اسمعوا بنات خشوا لموضوه لأ للكساد هدرزه تلقوه فى نفس الصفحه الى فى الموضوع هدا والله حلو البنات انهدرزوا مع بعض

bride2009
09-03-2009, 11:57 AM
صحيييييييييييييييييييييييييييييييييييييييييييييييييييييتى

والله مش عارفه شن نقولك الحق

ربى يهنيك يارب ويسعدك

صح والله انا هدا الى خايفه منه يخلونى على اخر الوقت

لكن توه خلاص الحق مافيشى عيب صحيتى وانا عارفه انك مشغوله اليوم ربى يعاون وكان بودى نساعدك بس انت عارفه اختك مازال تبى دورة تقوية فى التطييب:lol:

مانبيش نطول عليك انا حتى الى كتبتيه طبعته طول بنقراه بعدين براحتى قلت لازم اقل واجب نرد عليك ونشكرك وبعدين نقرا الى كتبتيه براحتى:good:

اه بنقولك انا البدله الصغيره هما جابوها فى البيان خدوهالى زرقه حلوه مع انى تمنيتها بودريه او عنابيه لكن معلش حتى هى حلوه اهو مشت من المصاريف

والجلوه حتى انى سامعه انها تقريبا من ام العروسه لكن مش عارفه مره اخته تكلم ماما قالته بنلبسوها جلوه وصدره لكن ماتفقناش من بيجيبها
كان يجيبها هو معناها ;)100%:lol:

كااااااااااااااااااااااااااااتى ربى يعاونك وصحيتى تانى

ونستنى فى صور الحلو والحار
والله شن بنقولك انا نفتح عليه موضوع لأ للكساد هدرزه وعاجبنى والله وخاطرى نشارك بس مانبش نحس روحى رزينة عليكم لانكم قروب يعنى وانا قعده جديده

سلام حبيبتى

MaDaM KATOOSA
09-03-2009, 12:08 PM
اهلين حبيبتى شنو اخبارك

شنو اخبارك
اسمعى ماتقوليش هكى انتى وحده منا توا واتفضلى معنا فى الهدرزه والله البنات كلهم يهبلوا الى غادى و هيرحبوا بيك

اسمعى هما المحضر بدو توا العروس تلبس فستان واحد بس مش 2 ديرى فستان و بدله الكبيره و الجلوه

تعرفى حتى صاحبتى جابولها بدله الصغيره فى البيان انى استغربت اول مره انشوفها احنى البدله الصغيره فى القفه فقط
صاحبتى قالتلى لانها مش امدايره قفه هدا علأش البدله الصغيره داروها فى القفه سبحان الله حتى هى كانت زرقه تعرفى انى البدله الصغبره ماعنديش عليها بصراحه مافيش لون لفت انتباهى الحق لكن البدله الكبيره انموت فيها لكن مشكله البدله الكبيره ماتقدريش تلبسيها الأ فى نجمه لبستها محدوده

انشاءالله ربى يهنيك وزى ماقلتلك قوليلى لخطيبك على الفلوس

واتفضلى عندنا فى التهدريزه امتاععنا نستنو فيك;)

bride2009
09-03-2009, 12:42 PM
حبيبتى كاتى

شكرا والله انت انسانة كلك ذوق:good:

خلاص شجعتينى نشارك معاكم فى الموضوع لالا للكساد

بس ياريت البنات كلهم زيك

مع السلامه حبيبتى:)

*روح خطيـبى*
09-03-2009, 02:24 PM
هلا حبيبتى برايد
شوفى الصراحة بابا ماشرطش فى الفضانيه وقال اهم شى عندى
الراجل يكون كويس واخلاقه ودينه اهم حاجه اما الباقى كله دوة فاضيه
وكله يجى بعدين
والمهر 1000 تقريبا والمؤخر 50 ليرة زيك ياقطووووسه ههه
والدهب ماشرطناش غيييير انه اللى جابوه لسلفتى يجيبوهولى مش
اقل من هكى لو اكتر خير وخير هههه لاانه سيورة تصير مناسبات ونمشى انى وياها
وعزوزتى تخيلى هى تبدا لابسه وانى لا!َ ماتجيش اكيد
وبالنسبة للقفه بعد ماحددنا العرس فى نهاية شهر 1 قالى شنى تبى اهلى يكلمو امك يتفقو
قتله باهى طبعا<<فرحت
واتصلت اخته كلمت امى قتلها انتو شنو طلباتكم قتلها امى احنى ماشرطناش وزى مااتفقو الرجاله مع
بعض قالت خلاص بااذن الله خير
وتعرفى شن درت فى البيان قتله حبيبى انى نبى نختار على دوقى القفطان والبدله والكنادر والصنادل
وافقلى ومشيت لفيت فى المحلات واللى يعجبنى نكلمو صاحب المحل يخلينا الحاجه على جنب بااسمه هو
ولو يبى عربون ندفعوله
ونقول لخطيبى تعالى اليوم او غدوة الصبح بالكتير يدفع وياخدها
وهدا اللى صار فى حاجات البيان
وحاجه تانيه لما بنمشو لليبيا امى بتتفق مع اختته قبل العرس بشوى تقولهم
ماتجيبوش هلبا ناس معكم فى القفه
اولا فوضى وتانيا جنانا مش كش حيسد لو جابو قوم ههه
وهادى مفيهاش عيب لاااازم تتلحلحو وتتكلمو بااسلوب حلو وخلاص

وهدا اللى صار بكل صراااحه
وربى يهنيك حبيبتى

MaDaM KATOOSA
09-03-2009, 02:35 PM
روح خطيبى عين العقل الى ديرتوه اسمعى ربى يهنيك وانى نبيك حتى انتى اتخشى معنا فى الهدرزه فى الموضوع الى قلت عليه لبرايد لأ للكساد و الله البنوتات كلهم طيبات
انشاءالله اتشرفينا وانتوا ياريت اتلبوا دعوتى واتجو وختشوفوا البنات كلهم عسل

صح فى القفه لأزم اتحددوا عدد الى تبوه والله كان هدا يجوك كبار و صغار والله تعرفى بنت عمى داروا فيها حاله ماقالو شى غير الصدارات بروحهم والله مانكدب عليكم الأ 34 صداره و مفرخ مش حلو تعرفى انتوا حددوه لأنه اكيد بيسالوكم كم بتجيبولهم فى المحضر وانتى فى المحضر بتعزموا عائلتكم و صاحباتك المقربات يعنى مش كل الى بتعزميه فى حفلتك بتقوليله على المحضر لأ الأ الى علاقتك بيهم قويه

*روح خطيـبى*
09-03-2009, 02:49 PM
حبيبتى قطوسه والله كنت نبى نخش لكن خفت نكون تقيله عليهم
يشرفنى نلبى دعوتك .شكرا
ونستنو موضوع الحاجات اللى بطيبيهم وياارب تجيك اللمة حلوة

حتى انى اليوم معزومه على لمة بمناسبة المولد عازمتنا بنيه بحرينيه متواااضعه مع انها بنت السفير
عازمه بحرينيات وليبيات

MaDaM KATOOSA
09-03-2009, 03:14 PM
السلأم عليكم

حبيبتى روح شنو تقيله ما تقبله فيسع خودى شبشبك و جرى تعالينا غادى والله البنات زى العسل يلأ جرى:D

انشاءالله تنبسطوا الليله والله تعرفى عشرت الخليجيات حلوه والله انى زمان قبل مانتزوج عندى هلبه صاحبات خليجياتو تعرفى بسيطين لاماتهم مش زبنا احنى طيبى و شكل تى تعرفى انى تعرفى فى بالى 100 حاجه نبى انديرها و 4اشكال حلويات تعرفى جارتى تضحك عليا قالتلى هدا شنو والله لازم تعرفى و مش هكىحتى من البياض قلبت عليه الدنيا بش الكباب نبى بنته زىالشواه والله تعرفى حاله احنى الليبين لكن الخليج زمان كل وحده اتجيب معها طبق حلو وخلأص وترامس القهوه امتاعهم اتجنن و الشاىبالزعفران

انشاءالله تنبسطى قوليلى شنو يصير معاك

تعرفى انى نايضه بنطم امشى بدى المسلسل فى دبى انتبع فيه امتاع فضه قلبها ابيض والله سعاد العبدلله مبدعه فى الدور

bride2009
10-03-2009, 01:00 PM
اهلين بنات
شن اخباركم اليوم!

كاتى انشاءالله الأمور مشت 100%:good:
روح خطيبى حتى انت انشاءالله استمتعتى بلمة امس وغيرتى جو:)

شكرا على ردك ليا حتى انت وضحتيلى شويه حاجات مهمه والله مش عارفه من غيركم شن كنت بندير
شكرا

روح خطيبى انا امس اتشجعت وشاركت فموضوع الهدرزه الباين انهم بنات حلوين تعالى يلا حتى انت
تعرفى حتى انى فالبيان قتله بنوازى القفطان خديته من السارى وهو مشيه خلص
جتنى العفسه فالكنادر والشناطى قالى خلاص خوتى شروا :cry: ياشينك كنادر تعرفى مالبستهمش بكل الحق انا نحب حاجه وحده وكويسه خير من 4 اى كلام
لكن على قولة ماما باهى جتنى فالكنادر بس;)

اسمعوا انا نقول لاختى ديما الكنادر اهما بنعلقهمله فى دار النوم وكل مايجيب سيرة خوته وذوقهم نقوله شايف ياحبيبى ذوقهم كيف:lol::lol::lol:

بصارة طبعا بس والله مالبستهم نهائى:rolleyes:

اه امس طلعت مشيت قرقارش وخطمت على ماركس الصراحه اللبس العادى غالى على ماهناك شى و ارواب النوم تحت والملابس الداخليه فاضى مافيش لبس مش عارفه احتمال ينزلوا بعدين
دورت على لاسنزا مره حكت عليه ساندرا قاتلى فالسياحيه مالقيتاش:cry:

((((((((الووووووووووووو ساندرا وينك اكيد توتى ربى يعاونك عرسك الشهر الجاى طمنينا عليك بس;)))))))))))))


يومكم سعيد

MaDaM KATOOSA
10-03-2009, 03:56 PM
اهلين برايد شنو اخبارك وجوك
ماترعشيش روحك على الكندره اصلأ الكنه راهو ماعمره ياخدولها الباهى اهو غير ايعبو السوابيت وخلأص


شنو اخياركم
انى مارطس هما فى بريطانيا اطلعى منه حاجات هلبه حلوه وارواب النوم حلوه

ربى يعاونكم:D

*روح خطيـبى*
10-03-2009, 11:46 PM
مساء الخير حبيباتى
كيف حالك يارب بخير

العفو برايد هدا واجب ومش حاجه كبيره ههههه

حاااضر اهو بنمشى للهدرزة ولايهمك شكرااااا

اللمة امس كانت حلوة والاحلى فيها كانو هلبا بنات ونساوين من بلدان عربية
مختلفه وقعدنا نتعرفو


برايد هههههه ضحكتينى لما قلتى بنعلق الكنادر ...دمك عسسسل

برايد انتى لفى فى كدا مكان ماتوقفيش على المحلات هادى بس متاع الماركة

bride2009
11-03-2009, 10:23 AM
صباااااااااااااااااح الورد على احلى بنات فى المنتدى

كيف حالكم؟

روح خطيبى والله انت الى عسل وسكر

وكاتى انت قمر منتدى الهندسة والله انت الى منشطة المنتدى

اكيد يابنات انا بنلف اكتر من مكان مش الماركة بس لكن والله صعب انك تحصلى حاجه كويسة تحسى هنايا فليبا كله استوكات ويبيعوها بالغالى اقلها محلات الماركة عارفه انك بتدفعى فلوس على حاجه كويسة وتعيش معاك العمر كله

اه بنات بنسألكم على حاجه
مرة قريت فموضوع فى منتدى خليجى والله اعلم هنايا فليبيا يديروا فيها او لا
وحدة تسأل شن تعطى زوجها هدية يوم الصباحية شوفوا الى ردوا

شويه قالولها ( بارفان-ساعة-............

الباقى قالوا يكفيك انت هدية;) ماليهاش معنى بعد العرس طول الرجالة مش زى البنات
خليها بعد العرس بشهر ديرى حفلة واعطيه اوفى مناسبة معينه تكون احلى
فمش عارفه انتوا شن رايكم؟

لنا عودة:D

MaDaM KATOOSA
11-03-2009, 11:44 AM
السلأم عليكم

شنو اخباركم يابنات روح والله حلو انك انسجمتى فى اللمه المات فى الغربه حلوه

برايد الراجل ايه تهديله الى تبيه انى زوجى دبرتله بيجامه و روب امتاعها وشبشب حوش و بدله وتلأت سوارى بقراويتهم و ساعه وريحه وبيجامت شورت والحديدات الى يحدو فيهم فى كم السوريه وهو اعطانى خاطم دهب

لكن انتى اهدى الى تبيه انى راهو فى حاجات ماما خديتهم الحق

ربى يهنيكم

bride2009
11-03-2009, 12:09 PM
كاتى

اهلين

مش عارفه كل الى قلتيهاوكى بس انا اعطيتهمله فى ردان السوابيت
درتله بدلة وسوارى وكرافت وهو الى اختارهم فى المحل اوانا مشيت خلصت :lol: انقلبت القصه تقولى انا الراجل
المهم الباقى انى خديتهمله ساعة وبرفان والسبيلوات ( الى يسكروا القميص) وخديتله بدلة عربيه تامة وبيجامة وروب وشبشب نوم وزوز كنادر ايطاليه يعنى شبه الى كتبتيه بالظبط انت قصدك اعطيتيه الحاجات اهما قبل العرس يعنى ولا بعد العرس يوم الصباحية

سامحينى كاتى بس والله بش نفهم مش اكتر:rolleyes:

سلام

MaDaM KATOOSA
11-03-2009, 04:37 PM
انحس فى خلأص حبيبتى انتى اهديتيه هو الى يهديكى بس فوتيه هههههههههههههههههههه مش لازم راهو اغلب البنات مايهدوش لرجالتهم
تعالى انقولك صاحبتى راجلها شنو هداها
اهدالها خناق دهب كبير لركابها وداروا لام صاحبتى واحد زيه غير اقصر هههههههههه شوفتى الحطوط

*روح خطيـبى*
11-03-2009, 06:39 PM
هلا حبيبتى برايد
حتى انى هديتله هلباااا حاجات فى ردان السوابيت
مرات نقول مش لازم نهديه هو اللى مفروض يهدينى ليلة العرس
مدام قطوسه تصدقى ماندورش فيه الدهب متاع الخناقات للركاب والجو هدا
اهم حاجه معاملته ليه كيف واخلاقه ودينه الباقى كله زايد والهنا والراحه واكيد حتى انتى توافقينى الراى

bride2009
12-03-2009, 09:09 AM
والله ومن غير مانحلف اكيد اهم حاجه الواحده تكون عايشه مع راجل تكون حاسة معاه بالأمان والراحه زى ماكانت فحوش بوها واحسن

تعرفوا هو اصلا عيد ميلاده بعد العرس بشهرين فخليها هديه وحده تكون احلى وليها معنى

الحق نبى نعوده من الاول كل عيد ميلاد نحتفلوا بيه وكل مناسبة بهديتها:lol::lol:

احنى لتوه حتى بابا نديروله عيدميلاد ونعطوه هديه وماما وكل خوتى:D

فلازم يعود روحه;)

حقه قولولى لو فرضنا ان هنا بيعطونى بش نبتت بعد مالوحده تشرى ....... قصدى حاجاتى شن يجوه هما اهل العريس ياخدوه بش يحطوا فى السوابيت ولا كيف (( مش عارفه مرات نسأل فى اسئله!!!!!!!!!!!!!! )))

اه وياريت توضحولى فكره انه لو اعطانى فلوس هل من ضمنهم قفطان العرس والبدله الكبيره وقفطان المحضر؟؟؟؟؟؟؟؟؟؟ ودفع المزين
ولا المبلغ هدا لحاجاتى الخاصة بس والله مش عارفه؟

ولا فالعاده لما يجيبوا الفلوس يقولوا هدا المبلغ لكدا وكدا....

سامحونى بس شن صايرلى انى لما نقعد بروحى نفكر فالحاجات اللى ماعنديش ليها اجابه ونقرر انى نسالكم فيها لانى واثقه فيكم الحق:good:

اه بنات ممكن تعطونى رأيكم فحاجه:
فحفلتى الحق خاطرى نلبس التاج والجوانتى فمش عارفه هل موضه التاج والجوانتى طاحت يعنى احتمال يقولوا شلافطيه انا عارفه انكماحتمال تردوا عليا هده حسب موديل الفستان عارفه بس لو حصلت موديل حلو بجوانتى شن رايكم
خاصة التاج نحس فيه ماينلبس الا فالعرس فنحس فيه حلو الصراحه

نستنى فيكم

MaDaM KATOOSA
12-03-2009, 11:47 AM
انى شخصيا التاج والفوانتى البستهم لأنهم مغاش يلتبسوا انى التاج امتاع كان دعب ابيض شغل خاص كان هديه من بابا وانى لحد الان محطفته بيه بصراحه التاج مايلتبش الا على القيلو توا بدوا الى عروسه او ماليهاش علبع متزوجه لما تمشى لعرس تلبس تاج مش حلو زى الشلأفطيه مايلتبس الا على فيلو يعنى البسيه ماتخليشى فى خاطرك

بالنسبه للمزين يوم الحفله عليك انتى لكن المحضلا هو يخلصه لما يرفعك وعاداتنا لما يعطوك فلوس هدا لكل شى الفيلو ة البدله الكبيره
بس فستان المحضر مانعرفش زمان لما تلبس العروسه قستانين واحد اديره هى و واحد هما لكن توا بدوا فستان واحد بس
انى عندى صاحبتى داراته هى من بوها و وحده تانيه هما داروهولها وانتى لما يجيبولك الفلوس افهمى منهم لى شنو

ربى يهنيكم واهم شى الراحه لانه الدوه هده كلها الناس تشكر اول يوم بعدين ينسوه

bride2009
12-03-2009, 12:19 PM
صحيتى كاتى

وعلى رايك اهم حاجه الراحة

شكرا ياقمر وانت شن صار معاك السبت قريب!

MaDaM KATOOSA
12-03-2009, 04:58 PM
اهلين برايد والله اهو ليه ليه انوتى حال الجرى الحاجات ملها جبتها وبكره انطيبوا انشاءالله بتجينى جارتى بتساعدنى
الى مقرر توه شعيريه بالمكسرات و امبطن و فليفله و دجاج اسكالوب و كباب وزى الكفته بالدجاج ملفوف فى بادنجان و قوالب محشيه و بتساواتيه وسلأطه مشويه وسلطه بادنجان

وطبعا الحلويات والمكسرات والحلو الى بعد الحار تو انصورهم كلهم

*روح خطيـبى*
13-03-2009, 07:14 PM
حبيبتى برايد مدام قطوسه كفت ووفت
قطووسه اكيد غاطسه تجهزى للمة ربى يعاون

برايد بتطلعى شهر العسل ولالا وكان بتطلعو بتسافرو تانى يوم طول ..؟ ولا امتا

bride2009
14-03-2009, 11:04 AM
صباح الفل يا احلى بنات

شن اخباركم؟

انشاءالله كل شئ 1000%;)

كاتى ربى يعاون الحق انا كيف فطرت بس لما قريت الحاجات اللى بديريهم جعت اسمعى قيميلى سفرتى من توه:lol:ومعبية لو سمحت:D

وامتى ماتكونى مكسده بعد اللمة انشاءالله ياريت تكتبيلى الوصفات والله تكسبى فيا أجر:o
ومع الصور طبعا

روح خطيبى كيف حالك وينك مغيبة؟
انشاءالله مقررين نطلعوا بعد المحضر على طول بس وين هو لتوه يبى يديرهالى مفاجاة;)

حبيبى بتاع مفاجأت:lol:

بس نوعدك اول مانعرف نقوللكم

روح خطيبى انتوا شن مخططين؟؟

ولنا عودة

*روح خطيـبى*
15-03-2009, 12:09 AM
مغيبه لاانى طلعت وروحت متاخر ومعش فضيت
ماما مريضه وانى اللى ماسكة الحوش ربى يعاونى

لحد توا بااذن الله مخططين لتركيا

اه حتى انى نطلب نفس الطلب من حبيبتى قطوسه تكتبلنا
الوصفات مع الصور لما تفضى

bride2009
15-03-2009, 10:56 AM
صبااح الورد

كاتى هدا لمة ودرتى هكى اماله كان عرس شنى؟؟؟ وينك يابنتى:q:

ربى يعاون تعالى نستنوا فيك احكيلنا كيف جت اللمة ؟ انشاءالله مشت الأمور 100%

روح خطيبى انشاءالله لاباس على ماما خيرها؟ انت معلش ساعديها وبعدين والله كله يرجعلك واهو منها تشدى الحوش تتعودى من توه؟
شوفى انا والله المطبخ هدا مانقربش جيهته نهائى اختى الكبيره مريحتنى لكن فى الوقت نفسه والله خايفه من بعدين شن بندير!
لكن تبى الحق انا مش مالنوعيه ياى وكيف بنطيب والجو بتاع الدلع البنات لالالالا انا والله خاطرى نخش ونطيب لكن والله مافى فضوة نهائى
فأنت توه خودى موضوع مسؤلية الحوش كأنه تمرين عملى ليك واهو نستنوا فى كاتى بش تعطينا كورسات عن التطييب:lol:

ربى يعاونك ويهنيك ويهنينى

اه تعرفى اليوم جتنى ال....:eek: ( مش عارفة فهمتونى ) الصراحة مش وقتها بكل الجدول كله تغير ممكن لانى نفكر او نفسيتى تعبانة من التخميم المهم على الشهر هده ومع حسبة موعد العرس الباين بتجينى فى اسبوع العرس:cry: تعرفى من الصبح وانى قريب نموت خدعتنى مكانش موعدها بكل
غير انشاءالله تكونوا فهمتونى؟
طبعا الحمدلله على كل حال وبينى وبين نفسى على اساس نطمن فى روحى نقول لالا احتمال تمشى بجوها لكن والله صعب
سامحونى موضوع مقرف لكن اهو فشة خلق

سلام
ولنا عودة

MaDaM KATOOSA
15-03-2009, 07:57 PM
شنو اخباركم برايد و روح خطيبى سامحونى طولت عليكم
خشو لموضوع الهدرزه امتاعنا تلقوا مفاجاه

bride2009
16-03-2009, 11:43 AM
مرحبتيييييييييين نورتينا

وينك نستنوا فيك انا خشيت وشفت الصور الحق ماتوقعتش هكى
ماشاءالله ست بيت درجة اولى :good:

حبيتى يلا اهو اللمة تمت على خير ووخياتك برايد وروح يستنوا فيك امتى ماتحسى روحك مكسدة
نبوا الوصفة وخاصة الحار
كل الى درتيهم يجننوا

يلا حبيبتى ماتبخليش علينا;)

سلامات

MaDaM KATOOSA
16-03-2009, 11:51 AM
حاضر حبيبتى خنعطيكم الوصفات بس اصبرى عليا لانى بنو ض انطم حوشى وانبخره تعرفى جارتى اغطتنى بخور مخلطه بالعطور الفرنسى و السعوديه ايجنن الى جانى جانى على البخور مش عادى والله اتقول نتوحم عليه ريحته زى الخلبجى مش زى امتاعنا الله يجنن مهو احتمال اتمر عليا جارتى اليوم فاهو نيتعد بس تو انولى نكتبلكم كل شى

Shopalcoholic
16-03-2009, 12:21 PM
ماشاء الله عليك يا برايد 2009 سالتي كل الاسئلة اللي كانت في بالي الدات لقطة التسريحة اللي بنحصلو فيها بعد ما تكمل الحفلة هههههههه بس انا شعري طويل و حسا روحي بنحصل فيها حصلة شينة:confused: , و مدام قطوسة و روح خطيبي ربي يحفظكم كفيتو و وفيتو;):good: . حتى انا عرسي فريب و بادية انبتت ليه ليه . ادعولي :|

MaDaM KATOOSA
16-03-2009, 12:35 PM
اهلأ بيك حبيبتى شوباهلوك وربى يتمملك بخير وقولينا شنو حجزتى لتوا و شنو تبى تحجزى واى شى اتفضلى

bride2009
16-03-2009, 12:39 PM
اهلين بيك وربى يتمملى ويتمملك بالخير بأذن الله

سامحينى ماعرفتش نقرا اسمك مظبوط ؟؟؟؟؟؟؟؟

اكيد قريتى موضوع والحمد لله انك استفدتى الحق مدام كتوسة ( كاتى ماخلتنيش بكل الحق كل شى ساعدتنى فيه ربى يهنيها يارب )
وروح خطيبى حتى هى معانا وعرسها قريب ربى يتمملها بالخير انشاءالله

كلنا هنايا زى الاخوات وحبينا بعض حتى انت شاركينا انت شن حجزتى كوافير وصالة وشن بتتى من لبس او غيره ؟
اهو نساعدوا بعض!!
انا وروح خطيبى عرسنا الصيف انشاءالله يااااااااااااااارب وانت امتى؟؟؟؟

خلينا على اتصال

كاتى حبيبتى انا رديت عليك فى موضوعى لو تكتبيلنا الوصفات بتاع الحار بس لو انت حابة تكتبيها فى موضوع الهدرزة براحتك اللى انت تشوفيه كويس ديريه;)

سلام لأحلى بنات:good:

المهندسه فلونه
16-03-2009, 01:05 PM
مساء الخير يا بنات

كيف حالكم كلكم مدام كتوسا وبريد وروز86

انى عضوه من الكساد وديما امقعمزه فى التكسيده ونقرا فى ردودكم وحبيت انشارك معاكم

مدام كاتوسا اسمعى شكلك حطيتى الصور متاع عزومتك وين حطيتهم ياريت اتقوليلى

بريد نبى انقولك على هدية الزوج اللى ما ارفعتيش فى بيان زى البيجاما كان ما ارفعتيهاش ارفعيها

معاك فى الدخول وطبعا روب الحمام خوديه زوجى ليك وليه وخوديلى رائحه معليشى غيرى النوع

متاع البيان لكن ضرورى ترفعيله وبعدين ان شاء الله لما ايجئ عيد ميلاد خططى فى هديه تانيه

bride2009
16-03-2009, 01:53 PM
ياااااااااااعينى ريحة البخور وصلت:lol:

خودى راحتك كاتى المهم ماتنسيناش:o

فلونة
اهلين بيك وصحيتى على مشاركتك انا خديتله بيجاما بروب وشبشب نوم!

ممكن ناخدله اى حاجه تانيه
شكرا على مداخلتك وصحيتى:)

روووووووح خطيبى وينك؟؟؟؟:q:

Shopalcoholic
16-03-2009, 02:09 PM
صحيتو على الردود , كاتوستنا ديما امنورة وقلبك كبير و يا احلى برايد انا النك نايم هدا درته لانه يدل على حالتي شوب ال كوهوليك معناه مدمنة شوبينغ هههههههههههه ;) اتا مازال ما حجزتش لان كل اللي نعرفه ان عرسي قبل رمضان ان شاء الله و هدا علاش نازلة على البس, الداخلي خديته كله من لاسنزا و لبس الحوش يعني كتات و قفاطين و قونات قصيرات و شورتات خديت من مانجو و ام & اس و تيرانوفا و كاليوبي و ااتش &ام . و خديت عبايتي امتاع المناسبات من خنجي ووحدة تانية من الرداء العربي بن عاشور و بعدين انكمللكم الباقي قولولي انتو شنو خديتو بتات احكوالي لاني مازال ما قولتش يالله .... صحيتو يا احلى قروب

bride2009
16-03-2009, 02:21 PM
هااااااااااااى شوب

شوفى تجهيزك قريب نوعا ما منى بس لاسنزا وين مكانه بالظبط مره ساندرا قتلى عليه حاولت ندوره لكن زى ماتعرفى تلخبيطة التجهيز

وين مكانه بالظبط؟

Shopalcoholic
16-03-2009, 02:34 PM
شوفتي وين مكان مانجو خليه على بمينك و كملي طول لييييييييييييين تلقي على ايدك اليسار المتحدة للالوان و تلقي ملبس المانيكانات بيجامات انا ننصحك تاخدي منه بيجاماتك لانهم ملمسهم ناااااااااااااااااااعم و مش عادي و ارواب النوم وووووووووووو ايهبلوووووو و شوفي الروب متاع حمام فردي ابيض ما نحكيلكش .... ربي يوفقك بس قوليلي انتي لتوا شنو شريتي ؟ روح خطيبي وينك ليك وحشة؟ كتوستنا حتى انتي غيبتي؟؟؟؟

Shopalcoholic
16-03-2009, 02:36 PM
Wainkom ya sabaya????????????

bride2009
16-03-2009, 02:50 PM
اهلييييييييييين

قصدك المتحده للألوان بنتون هو نفسه يبيع لبس النوم ارواب وبيجامات لاسنزا ولا فى محل تانى
مافهمتش:q:

الحق بنتون مايعجبنيش لبسه العادى نحس فيه مش حلو لكن توه نخطم عليه انشاءالله

وعندك فكره وين محلات تانيه تبيع لبس نوم حلو

انا شريت لبس عادى بتاع حوش وبدلتين و2 سواريه وعباية بس لبس النوم خديت شويه حاجات من ماركس لكن زى روب اول يوم مازال ونبيه حلو ونبى بيجامات قطنية ناعمة وحلوة

وبس;)

Shopalcoholic
16-03-2009, 03:08 PM
لاسنزا قبل البينيتون و ميس الريم عاليسار و لاسنزا عنده قطنيات وعنده ستان حرايريات و الله يشكرولي في محل اسمه الباروني في حي دمشق و انتي منين شريتي تايوراتك؟؟؟ و انصحنو باسماء المحلات.... لو سمحتو يا عرايس

Shopalcoholic
16-03-2009, 03:19 PM
روب اول يوم خديته من معرض العروس اللي داروه في كورينثيا السنة اللي فاتت, و خديته تول عالحرير و مطروز لكن مافيش كشكشة و فرفر بسيييييييييييط لكن فخم و المحل اللي مشارك في معرض توا اندور الكرت و انقوللك ان شاء الله

bride2009
16-03-2009, 03:28 PM
حبيبتى الى الان عندى 2 تاييورات
واحد من استبرق مقابل جامع الصقع انا شفته فى الاول فى محل دو رى مى فى اول سبتمبر بس مالقيتش رقمى مشيه بعتنى لاستبرق
والتانى خطيبى جايبهولى هديه

تعرفى راهو حتى انى زيك نوتى وتعرفى انى مش كل يوم نطلع لكن مرات الواحد يحصل فرص محلات مدايره سيل وتحصلى حاجات حلوة ومرات تلفى تلفى وماتلقيش الى تبى وخاصة عندنا فرابلس مش زى بره محلات هلبة وموديلات تقدرى تقارنى وتشوفى

انا لتوه روب اول يوم وفستان العرس كان نلقى نطلع بره نجيبهم اقلها يكون سعره فيه
توه هنايا وخاصة فساتين الافراح ب 2000 و 3000 وماهناك قماش ولا موديل يستغلوا فينا لانا مضطرين:devil:


كاتى وينك هدا كله تبخرى فالحوش ماشاءالله حوشك كبير الباين:lol:;)

روح خطيبى خليتى مكانك اليوم انشاءالله ماما حالها باهى؟

يلا سلام

Shopalcoholic
16-03-2009, 03:38 PM
ْeih el 7ag Estabrak 3endah tayourat 7elwa 7atta ana 3ajbiny , ana ya bride galoly 3ala 3aroos al andalus sa7bty ajret menha velooha eyhabbel o fih wa7ed tany ybie3 fi villowat men market Demetrious ye7koly 3laihom eihablo. Ya bride ana engol nebby ensammem laken ba3d elly sma3tah 3la walid O el montaser fa La La Mosta7iel nemshelhom aslan ana mat7ammelhomsh ennas elly yetfash7'ro 3al fady hado.

3ala fekra enshallah 3'ar 3rafty wain eyjy LaSenza ya Bride.

Kattostna hayya 3ad yasrek teb7éir ,

Ro7 7&aacute;tiby sh3&aacute;ltina 3laik ??? wallahi esta7eshna rododek..

MaDaM KATOOSA
16-03-2009, 06:19 PM
وسع وسع اهو جى مدام كاتوسا امدايره كارى:D

سامحونى اتاخرت والله يخرت لكن الحوش مش كبير:rolleyes::D ادعولى اندير حوش كبير عامر بطاعه الله و سبب تاخرى جتنى جارتى اتهبل صاحبتى و اتفرجنا على دى فى دى امتاع عرسى

بالنسبه للحار حاضر تو انقولك طريقته بس هو طويل يعنى يبى وقت طويل انتى شنو اكتر شى عجلك وانى نكتبهولك اول شى

حبيبتى الى تبى صور العزومه هدا اللينك
http://www.alhandasa.net/forum/showthread.php?t=170472&page=60
حبيبتى المهندسه فله شنو اسمك فى منتدى الكساد

والله يبنات نصيحه ليكم ماتمتروش نت اللبس والله حتى الارواب ماتشروش هلبه تو تتزوجوا واتشوفوا اصلأ ليبيا الصيف نو هلبه والله ماتتحملوه الستان و الحرير تبى حاجه قطنيه تبدى لكن خودوا ارواب لكن مش هلبه و خودوا روب دخول حلو و خودوا كريمات الجسم الى فيهم روائح وخودوا روائح حلوه و حتى روائح خليجيه فى النازكات هلبه واللبس ماتكتروش اسمعوا وانى ننصحكم ماتكتروش الفساتين المنفوخه مش حلوات حتى لو عرايس دسرو فساتبن سمبل كل ما ابسط كل ما احلى ركزوا على لبس الحوش ولبس الطلعات البسيطه امتاع لو يعزموكم اهل العريس او اهلكم ماتكتروش من لبس المنايبات يعنى كم مناسبه بتجيكم اكيد مش هلبه

وربى يعاونكم

*روح خطيـبى*
16-03-2009, 07:14 PM
مساء الورد والفل والياسمين عالبنات الحلوين

ماتتصوروش قداش فرحت لاانكم سألتو عليه شكرااااااااا بارك الله فيكم

ليكم وحشه حبيبتى برايد ومدام قطووسه معليشى انشغلت هلبا
فى الحوش واخواتى
اهلين بييييكم وخياتى شوب الكهوليك والمهندسه فله
ومبرووووووووك اختى شوب الكهوليك وربى يتمملك على خير يااااااااااارب

بالنسبه لااستفسارك على هاديكا........... اللى جاتك ههههه
تصورى من اسبوعين لما تاخرت عليه سألت ماما تشجعت لاانه الموضوع
يهمنى هلبا
قلتلها شكلها بديرها فيه فى عرسى هههههه
قتلى ماما حتى انى مفكره فى القصه هادى قتلى انى قلت كان نهاية شهر 5
جاتك نمشو لدكتورة ممتازة تعطينى حبوب بحيث تظبطلى موعدها ومايتعارضش
مع موعد العرس لاانه مفيش حل غير هكى

وكلام حبيبتى قطوسسه والله كلامك كله مزبوووووط فعلا مفروض مانكتروش غير
لبس الحوش والطلعات الخفيفه وحتى انى درت هكى لكن الحق كترت حتى من اللانجرى
لاانه الساتان والحاجات الشبيهه ليه ماتناسب جو الصيف متاعنا
طلعتى شيف ممتازة فى الطبخ قطوسه ماشاءالله عليك

MaDaM KATOOSA
16-03-2009, 07:28 PM
اهلسن حبيبتى روح خطيبى شنو اخبارك و كيف حال ماما توا انشاءالله احسن

اسمعوا معاش تتخوفوا من الدوره شنو المشكله مان جتكم فى العرس غير ردوا بالكم بس لانه طول بعدها حمل مش عارف لو تعرفوها طريقه حسبت ايامات الحمل لو تبوا تعرفوا قولولى انعلمهالكم
اسمعوا ماتخافوش لو جتكم الدوره مافيش اى مشكله و ماتستعجلوا على شى كله يصبر منه و جتى رجالتكم حيقدروا وانى نتكلم معاكم بصراحه اكتر انتو مش شرط يصير و الأمور اتم من اول ليله انتوا حتى استريخوا لبعض اكتر حتى بعد يومين والله احلى من لما متوتره

و ربى يهنيكم

*روح خطيـبى*
16-03-2009, 08:07 PM
حبيبتى قطوسه ممكن نسألك شن طريقة القوالب المحشيه بالدجاج
والفليفله
وانى الحمدلله فى التطييب (يابرايد) لااااازم تتعلمى نصيــــــحه من اختك فى الله
صدقينى بعدين حتندمى هلبااااااااااا قولى لاامك واختك انى توا اللى حنشد التطييب
واللى ماتعرفيشى تعلمهولك اختك الكبيره صدقينى بعدين الراجل حينسى شكلك
الحلو ويفكر فى بطنه هههه اى راجل هكى يبى ياكل اكل حلو مش معقوله تتعلمى فيه!!!!!!!!
ماتخليش حد من اهل راجلك يقول عليك ماتعرفيش اطيبى مش فالحه يانارى على خونا مرات حمواتك
يقولو هكى
تعرفى انى من قبل ماننخطب نعرف انطيب لاانه ماما ربى يخليهالى كانت تغصبنى فى الصيف
السنتين اللى فاتو وتخلينى انطيب بالسيف مرات لين نبكى هههه لكن توا نشكر فيها انها خلتنى نتعلم
احسن كله يتراكم عليه توا ومن لما كنت فى الاعدادى نحب اندير كيكات من نفسى هوايه شورا ههه وتوا
زدت تفننت يهم اكتر بتنوع ونعرف اندير شووية حلويات الحمدلله خطيبى يحب الحلو
وكان تبى اى شى حبيبتى برايد قوليلى
والطبخ اللى يكون بالخبره احلى مش كيف تبدى متعلمة جديده

*روح خطيـبى*
16-03-2009, 08:21 PM
اهلسن حبيبتى روح خطيبى شنو اخبارك و كيف حال ماما توا انشاءالله احسن

اسمعوا معاش تتخوفوا من الدوره شنو المشكله مان جتكم فى العرس غير ردوا بالكم بس لانه طول بعدها حمل مش عارف لو تعرفوها طريقه حسبت ايامات الحمل لو تبوا تعرفوا قولولى انعلمهالكم
اسمعوا ماتخافوش لو جتكم الدوره مافيش اى مشكله و ماتستعجلوا على شى كله يصبر منه و جتى رجالتكم حيقدروا وانى نتكلم معاكم بصراحه اكتر انتو مش شرط يصير و الأمور اتم من اول ليله انتوا حتى استريخوا لبعض اكتر حتى بعد يومين والله احلى من لما متوتره

و ربى يهنيكم
تسلمى حبيبتى قطوسه اهو احسن الحمدلله لكن كل شى قاعد عليه
والحمدلله كله بااجره. حتى المستشفى التعليمى معش مشيتله التدريب الاسبوع
هدا مانقدرش نمشى ونخلى امى

حبيبتى قطوسه كانك قاعده عالنت افتحى الماسنجر نبى نهدرز معاك فى موضوع

لا كيف مانخافش لما تجينى الدورة اصلا حلاوتها من اول يوم يصير بالنسبه ليه هدا رأيى:o
حتى امى لمحتلى بمعنى حتى يتهنو علينا :o
لاتوتر ولاشى عادى تمشى بجوها

اااااااااه تخيلى حمل طوول ههههه
طريقة حساب ايام التبويض تقريبا من بداية الدورة من 11 -14 يوم

واحنى الحمدلله واخدين على بعض ماشالله وعرسنا حيكون بعد عام كامل من الخطوبه
يعنى عرفنا بعض كويس ومعندناش مشكله ;)

MaDaM KATOOSA
17-03-2009, 12:25 AM
هلين حبيبتى روح خطيبى والله هداوين قريت المسج امتاعك والله ماكنت على النت لانى منت لاهيه فى اللغداء هداكالوقت لانه زوجى يروح والله خاطرى انهدرز معاك
على العموم حبيبتى ربى يهنبكم والله هى بالتسخير انه العروسه تتهنى راهو والله انى قعدت تلاته شهور تعرفى سلفتى اتزوجت بعدى و حملت وانى مازال ماتهنيتش هههههههههههههه حطمت الرقم القياسى

بالنسبه لايام التبيض شةفى كيف تحسبيها طبعا هى مش صحيحه لانه فى الى يحمل بيها وانىمانستخدمش فيها لانى امدايره مانع شوفى نغترضوا الدوره اتجيك يوم 1 فى تاريخ كل شهر
من يوم 1 الى 10 كلها مايصيرش فيها حمل من يوم 11 الى 20 خطر الايام هده و من يوم 21 الى 30 عادى انى صاحبتى كانت ادير احطيات من يوم 1 الى 9 عادى و ايام الخصر هى من 10 الى 21 بعدها عادى اصلأ طريقه الجدول مش ناجحه الليبيات كلهم يحملوا بيه الجدول او بالاحرى اغلبهم

و توا انجى لطريقه القوالب
طبعا القوالب واتيات الحشو عباره عن
تاخدى طنجره فيها شويه زيت و اتحطى بصل مفروم مع دجاج هبره مقطع مكعبات وشويه فلفل اخضر لنكهه راس واحد يش شويه توم وملح و فلفل اكحل و خودى مكعبات بطاطا اقليها وضيفيها للخلطه و شويه طماطم اخضر يعطى بنه حلوه و حلى الدجاج يطيب ماديفيلهاش اميه لانه الدجاج ينزل ميته شويه بعدين خليها تبرد وضيفيلها بيض بش تتماسك فى القالب اجشى بيها القالب و ضيفيلها جبن مبشور وعليها زيتون وحطيها فى الكوشه شويه وهده هى لانى ماعنديش مقادير عينى ميزانى

الفليفله
خودى فلفل حلو ديريه دواير بعدين طيبى كيمه مفروم واديرى شويه رز بلأو شوفى الكيمه شويه زيت ملح و بصل و اللحم و فلفل اكحل و بزار و فلفل احمر و كسبر لانه الفلفل الحلو يبى كزبر مرحى و معدنوس مفروم لما بتطيب خليه يبرد و ضيفيله رز لكن مش هلبه الرز خلى كميه المفروك اتر و ديريلها بيض بش تتماسك احشى دواءر الفلفل غمسيهم فى الدقيق والبيض واقلى بعدين ديرى عليها شويه صالصه و جبن و زيتون شرائح وفى الكوشه شويه

انشاءالله الطريقه واضحه جبيبتى لو تبى اى شى اتفضلى انشاءالله نتلأقوا اون لاين

فسفوسة
17-03-2009, 12:40 AM
اما انتي يامدام كاتوسا روعة وصريحة

ومنـــــــــــــــــــــــــــــــــــــــــــــــــــــورة

bride2009
17-03-2009, 12:14 PM
صباااااااااح الفل بنات منورين والله :good:

شن اخباركم؟؟؟

نقرا فالردود ونضحك والله احنى البنات شاغلين بالنا بكل شى نحس الرجالة مش زينا قصدى عاللبس والشرى وحتى الدورة خايفين منها:lol:

لكن انا نبى نوضح لكاتى انا مش خايفه منها كان جتنى فايام العرس لانى نبى يصير كل شى اول يوم ! طبعا انا نتمنى;) لكن التوتر بروحه ساد وانا اساسا توجع فيا ظهرى وتحت بطنى وصداع مش حلوة وبعدين تخيلى كان بتسافرى طول بعد العرس وجاياتك بايخه الحق بدال ماتستمعى بالسفر وطلوع تقعدى غبر تخممى فيها
لكن اهو كله بالتسخير
حتى انى زيك روح خطيبى حايكون ليا سنة مخطوبة يعنى واخده عليه بس مش عارفه قد ماتكونى واخده عليه مش زى لما يتسكر عليك باب واحد واااااااااااااااااااااااااااااااو تعرفوا بطنى وجعتنى من توه نحس روحى نب نقدف:o:rolleyes:
وكان عالحمل مدابيا من توه يجينى صغار ماعنديش معاهم روح الحق واه كان تواؤم ياسلالالالالالالالالام:good:

قولو اااااااااااااااااااااااااااااااااااااااااااااااامين

ربى يسهلنا كلنا ياااااااااااااااااااارب


وانا مع كاتى فكل الى قالاته بخصوص مانكتروش لبس الحق انى بنزيد بس لبس لعات خفيف للزيارات وبنزيد لبس حوش عملى
وانا معرض العروس الى فكورنتيا مشيتله السنه الى فاتت يعنى شفت صح كان فيه ركن لملابس النوم المحل اسمه راح منى نواعم تقريبا مش عارفه المهم كانت صح المدام عارضه قفاطين نوم حلوه قاتلى مكانه فى مجمع الواحات حى الاندلس لكن وقتها ماكنتش مخطوبة ماشريتش:cool:

صحيتى كاتى عالطريقه اكيد حانجربهم واكيد انا لازم نتعلم التطيب وشكرا روح عالنصيحة عارفه انتم زى خوتى لكن ماهو انا نخدم ونروح قريب 5.30 كل يوم مانروح ونصلى وناكل تجى 8.30 9 وصاحبتكم دجاجه نرقد بكرى :lol:

لكن توه نفضى روحى ونتعلم نطيب لكن الحق انا صريحه مع خطيبى مفهماته كل شى قالى ولا يهمك كل شى يجى مع الوقت اتعلمى بالشويه عليك :o

فيه محل ملابس داخليه كنت بناخد منه بيجاما لخطيبى اسمه المهندس يجى فى ظهر جامع القدس لكن مالقيتش مقاسه فردان السوابيت قالى شهر ونص تانيين ونجيب بضاعه جديده وقتها لمحت عنده حاجات نوم حلوه حاجته كويسه ايطاليه احتمال نخطم نشوف كان عنده حاجات قطنية


ومقررة انشاءالله قبل العرس بشويه نمشى ناخد حاجات من body shop

واهو تمشى الامور انشاءالله

سلام

MaDaM KATOOSA
17-03-2009, 01:03 PM
هههههههههههههههههه فسفوسه انى هكى والله مانعرف انشد حاجه اهو قلت يستفيدوا من خبرتى و ما يوتروش تفكيرهم بالموضوع الحق خلوها بجوها تتصخر

و صح كلأمك صعب الدوره فى فتره شهر العسل انى قصدى ماتتوتروش من الدوره على شان الامور الزوجيه التانيه لا حتى ازواجكم حيقدروا

والله ماتكتروش
وشنو بتاخدى من البودى شوب برايد؟؟؟؟؟؟
لو مكياج فى ماركان احسن الحق بالاخص انتى عروس تبى حاجات احسن قوليلى وانى ننصحك راهو واخدات كورسات تجميل ماندويش هكى و خلأص

MaDaM KATOOSA
17-03-2009, 01:05 PM
برايد هدا لينك لموضوع انى امدايراته وكاتبه فيه بعض المستحضرات وعن تجربه شخصيه وممتازه
http://www.alhandasa.net/forum/showthread.php?t=183346

ممكن اتكونى قاريتيه

bride2009
17-03-2009, 01:38 PM
عيب انتك تسألى قاريه موضوعك اولا:mad:

كاتى مواضيعك كلهم قاريتهم :good:

لالالا نبى ناخد من بودى شوب كريمات ولوشن فيه منهم بطعم الفواكه;) بناخد طقم كامل لوشن وكريم وبودرة اكيد عرفتيهم مش واخده ماكياج منه

ماكياج لتوه مش عارفه بس مخليه الماكياج والبرفانات اخر حاجه لما يجى وقتهم ناخدوا رأيك اكيد ياذوق:D

انت شن اخبارك اليوم شن طيبتى والجو عندكم شن صقع
احنى كان الجو 100% ربيع لكن سبحان الله امس قلب صقع وممكن تصب مطر اليوم او غضوه

روح خطيبى ربى يعاون اكيد فالمطبخ:good:

توه نبعتلكم الفاكس بتاع الخدمة بش تبعتولى صونيتى :lol:

سلام

MaDaM KATOOSA
17-03-2009, 04:17 PM
;)اهلين برايد امس ديرت رشده كسكاس فاضل منها وفى حاجات مزال فى الفريز من العزومه زوجى قالى ماتعبيش روحك هدا انديروه و خلأص والله توا كيف ديرت قهوه عربيه بالخلطه امتاعى و نشرب فيها معها بسكوت و كيك

بالنسبه للمكياج اتفضلى وفعلأ كريمات البودى شوب اتجنن امتاع الرمان والراوله انى الخليجيات انحبهم على ما اطن فى سوق المرجان فى محل للعطور الخليجيه خودى منه حاجه روعه والله ويحبوهم الرجاله راهو;)

وبنها روح خطيبى؟

Shopalcoholic
17-03-2009, 04:28 PM
هاااااااااااااااااااااااي يا صبايا,, انا عندي نفس المشكلة امتاع الدوام حتى انا انروح الساعة 5:30 و بالنسبة للعطور العربية كاتي يا ريت تنصحيني لان خطيبي ايحبهم انا نبي ناخد ليا و ليه لكن مش عارفة لو فيه حاجة مميزة لاني ما نعرفهمش و الله مشيت ل عبد الصمد القورشي لكن ما عرفتش ناخد و لا حاجة ... بشنو تنصحيني كاتي و صحيتييييييييييي مقدما.

bride2009
17-03-2009, 04:41 PM
هاااااااااااااااى بنات

ايه حق العطور العربية حلوه لكن حتى انى مانفهمش فيهم ؟

ماشاءالله كاتى انت شن الرشده تشريها واتية ولا تععجنى فيها فالحوش!

مش عارفة انا نشرى فيها واتيه لكن ماتجينيش مظبوطة تعجن منى؟؟؟؟؟

عندك لمشكلتى حل منها اتعقدت من التطييب؟

*روح خطيـبى*
17-03-2009, 05:54 PM
مسا الورد بنات

ماشالله عليكم مهدرزات ...روعة كلامكم

قطوسه حبيبتى عادى ولايهمك عاذراتك
برايد حبيبتى ايه كنت غاطسه فى المطبخ هههه سبحان الله عرفتينى وين غاطسه
تخيلو هدا وين عرفت منكم انه فى بودى شوب فى ليبيا
لاانه فى البلاد اللى انى فيها توا فى بودى شوب فرع واحد واسعاره ناااار
قلت تو ناخد منه قبل مانسافر لليبيا لكن مادامه موجود فى ليبيا خلاص
ممكن نعرف وين مكانه بالضبط ؟وكيف اسعاره متلا البودى لوشن ؟ والبودى اسبراى؟
ماتنسونيش اه
وفعلا روايحه للجسم لايعلى عليها <<حركاااات خطيره ههههه
اااااااااااه وكمان فى عبد الصمد القرشى فى ليبيا لالالا بجديات ليبيا اطورت ماشالله
قلت بناخد منه (مسك العروسه )من الفرع اللى فى البلاد اللى قاعده فيها توا
هو غالى لكن حقه فيه المسك متاعه ننصحكم تاخدووووه وحتدعولى
والصراحه العطور الشرقيه ماعنديش عليهم
مره شرينا عطر خلطة مكه استخدمناه فتره وهوينه قاعد ملوح

*روح خطيـبى*
17-03-2009, 06:03 PM
حبيبتى قطوووسه صحيتى ومشكورة هلبا عالطريقه تو نحاول نجربهم


بالنسبة للمكياج شكلى حناخد من ماركات مختلفه وحناخده من ليبيا
حسيته ارخص من برا
شن رايك فى ماركة جيرلان كفونديشن وبودر
نبى ماركة شادوز متاع هلبا الوان الوان مات والوان متاه السهره
وتكون كويسه ومايكونش سعرها خطييير :eek:
عجبتنى على وحده صاحبتى حسيتها كوييييسه مع انى نستخدم فى (ميبيلين مات )
وعجبتنى نحط فيها كاساس وبودر فى نفس الوقت هى كريم واحد
وجربت جيفنشى بودر ماعجبتنيش
وجربت ماسكرة ماكس فاكتور الاخيره خديتها من ليبيا تهبببل طولتلى رموشى هلبا مع انهم
مش هداكا الطول
شن تنصحينى بماركات مكياج كويسه ومش غاليه هلبا :rolleyes:
بنات حاولو تتعلمو فى وقت الاجازة تطييب ... غر انتو شكلكم ماعندكمش نيه بس :D

MaDaM KATOOSA
17-03-2009, 06:52 PM
السلأم عليكم

شنو احباركم يابنات
انى الروائح العربيه اخديتها من قطر فى ريحه اخدبتها انى عجبتنى و زوجى يموت عليها اسمها اوصاف لو اتخشى اللينك الى حطيته حتلقى الصور والريحه اوصاف هده شوفتها فى محل فى سوق مرجان امتاع الروايح العربيه اتجنن
و ريحه اسمها احبك وريحه من عبدالصمد القرشى جتنى هديه اسمها بتينه بس مش حلوه
و كريمه جسم اسمها الصفاء والله روعه اتجنن

حتى انى نبى نعرف لو فى عبدالصمد القرشى فى ليبيا قولولى وين مكانه؟؟؟
عندى ليكم فكره انى المسك جابتلى وحده وصيتها من السعوديه و ريحتها اتجنن وقالتلى ابشرى منها شويه وحطى عليها شويه ماء فاتر شويه راهو واغسلى ولما تغسلى واتجففى جسمك حتكون برد و خودى المسك هدا و حطيه فى المناطق الحساسه انتو فاهمين والمتزوجه ادخله شويه الداخل والله يخلى ريحتك حلوه واتجنن

شوفى حبيبتى برايد الرشده انى جبتها من ليبيا وكملت منى تو نستخدم فى الشعيريه بس الشعيريه لازم اديريلها زيت قبل ماتبوخ باش ماتعجنش و بوخيها و بعدين حبابيها و رجعى بوخيها

روج خطيبى على ما اطن البودى شوب فى زرقاء اليمامه
شوفى بالنسبه للمكياج انى جيرلان ناخد منها فى اطلأل وقلوسات وارواج بس بودره و فاونديشن ماجربتش
شوفى انى انحب اساس دبل وير وبودره شانيل و لورا مرسيا وعندى حتى كريم و يودره جبفنشى اهما الزوز الى امشو معى
واطلال ماك بصراحه احلى اطلأل

شوفى حبيبتى انتى عروسه ومدام لأزم تاخدو كريم اساس مليحه لطلعات و المناسبات شوفى انى احسن اتنين كرين اساس استى لودر دبل وير و ميك اب فورافر هده تستعمل فيها ناديه الجزائريه
و ماسكرت ماكس فاكتر مليحه وحتى استى لودر ماسكرتهم اسمها ماكنسكوبك مش عاديه اتجنن

واى شى اتغضلوا

بس بالله لو فى عبدلاصمد القرشى فى ليبيا قولولى

*روح خطيـبى*
17-03-2009, 10:46 PM
قطووسه تسلمى ربى يسعدك

انى شفت موضوعك عن الميكب تفتحى بيهم محل ماشاءالله :lol:
باهى كيف اسعارهم ظلال ماك بالدولار ؟او بالدينار الليبى
واسعار استى لودر وفور ايفر وزعما نلقاهم فى ليبيا وكيف اسعارهم؟

MaDaM KATOOSA
18-03-2009, 12:50 AM
هههههههههههههههه روح جيتك هنا

شوفى ماك اسعار اطلألهم بالباوند الواحد ب 10 باوند
و استى لودر كريمه ب 22 و نص باوند لكن انى فى الصيف شوفت استى لودى و ميكابفورافر فى ليبيا الصيف الى فات

وطن الشموع
18-03-2009, 09:43 AM
صباح الورد والعسل علي الصبايا والمدامات الحلوين .........
بصراحة انا كنت متابعة من وراء الكواليس وشدني ليكم هلبة الموضوع وتهدريزكم الحلو فحابة ننظم ليكم أن شاء الله بس علي ظروفي ووقتي ما علينا المهم طبعا انا لاعروسة ولاني مخطوبة بس حبيت نخش لعل وعسى:lol: نبي نستفسر عندنا عرس في العيلة علي العموم ..نبي نسئلكم صبايا أما أفضل صالة في ليبيا من ناحية الكبر والخدمات ؟؟؟ والسعر طبعا هل اللبيبيب أكبر من قورينا ولانور العين أفضل؟؟؟؟ ولانقابة المعلميين في صالة اسمها الملكة في السراج او جنزور في حد منكم سامع بيها أو حاضر فيها عرس من غير الصالة الملكة الي في سوق الجمعة هذيكا صغيرة :( .
مدام كاتي وكل الصبايا طبعا ;) أنت تحفة والله:o ربي يحفظك للمنتدى ولينا يارب معلوماتك قيمة ومنك نتعلموا ;):good:

وطن الشموع
18-03-2009, 10:13 AM
ب
صراحة انا قبل كل شي يهمنا الكبر والقدرة الاستيعابية يعني في حدود 500الي 600 معازيمنا مش أكثر ;)معليش نطلعوا هلبة وناسنا هلبة :lol:
بنات صالة ليلتي كم سعرها حق سمعت انها 12.000 بصراحة مبلغ خيالي ورهيب :eek:
انا اعتقد اكثر من 2500 بالكثير 3000 ياسر والباقي دير بيه الديكور والعشاء مثلا لءيي عودة مع تفاعلكم ياحلويين :o

Shopalcoholic
18-03-2009, 10:22 AM
هاااااااااااااااااااي بنات ..... شكرا كاتي على المساعدة و عبد الصمد القرشي في قرقارش جنب قهوة هارون و مادي للعطور اللي هوا االوكيل متاع make up forever و جنب روان اللي هوا االوكيل متاع Body shop :good:

bride2009
18-03-2009, 10:56 AM
صباااااااااح الفل

شن اخباركم بنات؟

روح خطيبى بودى شوب فى زرقاءاليمامة الدور الارضى شوفى اسعاره الحق ماعنديش خلفيه بالظبط لكن اعطينى فرصة وتوه نخطم ونسأل اساسا بنمشى ناخد منه:D

عبدالصمد القرشى شوفوا حاليا مانعرفش مكانه بس السنة الى فاتت فمعرض العروس فى كورنتيا خديت الكرت يعنى غظوه ندوره ونشوفلكم عنوانه حتى انى الروائح العربيه ماعنديش عليها بس كاتى قالت الرجاله يحبوها وهى خبره اكتر منا;):lol:

صح المسك كاتى نفس الطريقة كنت سامعه عنها انا المسك شفت منه لونين ابيض وبرتقالى
فسوق التلات الجديد يبيعوه فيه بالطرف
لكن لو بنشرى ممكن من مكان خاص بالروائح العربيه اضمن واحسن

تعرفوا رشدة الكسكاس نحبها وماعنديش معاها روح لكن والله ماتجيش معايا بكل انا فى اللى قالولى ماتغطيهاش وانت تبوخيها ممكن تعجن منك او شكلى نخلى فيها هلبه تتبوخ مش عارفه
روح خطيبى وكاتى ياريت تعطونى الوصفه بالظبط:o

وطن الشموع مرحبتين بيك وانستينا وموضوعى زى ساعدنى اكيد حايساعد كل البنات وخليه مرجع ليك

شوفى بالنسبة للصالات الحق اللبيب لتوه احسن وحده من ناحيه كل شى وهدا رأى قورينا حلوه وقبل مانشوف اللبيب قلت هى احلى وحده وخاصه مدخل الصاله ليها بابين كنت مدايره فبالى لقطة انا نخش من باب والعريس من الباب التانى تطلع حلوة ومه الزفة ((( روووووح خطيبى انا متنازله عن الفكره ليك ماعنديش اغلى منك )))):cool:
وكانت عاجبتنى المهارى هلبه فالوسع وركبة الدروج الحاجات هده كلها فالتصوير تطلع حلوه لكن للاسف يديروله صيانة حاليا
اللبيب وقورينا 3000 الايامات العاديه و 4000 خميس وجمعه باقى الصالاات الحق مامشيتلهمش ويارب نكون افدتك

تعرفى روح خطيبى انت زينى نبى حد يساعدنى فموضوع الماكياج ومايكونش غالى صح المدام لاززم يكون ماكياج الحفلات والمناسبات حلو لكن فالطلعات العدية او فالشغل مش حاكون قوى يعنى الوحده ماتكترش بس يكون عندها حاجات كويسه والاساسية


روح خيبى وكاتى هل مهم نشرى فستان خليجى مش عارفه فى الى يقول حلو ينلبس بعد العرس لكن مش عارفه حاسة مايطلعش عليا او لانى مش بطوطه يعنى
مش عارفه ممكن لانى مش متعودة نلبسهم نحس نشرى فستان سواريه احلى

اه روح خطيبى وكاتى ياريت تقولولى وقتكم كم بالنسبة لطرابلس بعدنا او قبلنا بكم ساعة


يلا سلام توه ولينا عوده

وطن الشموع
18-03-2009, 11:45 AM
bride2009

اختي الكريمة صحيتي علي النصحية ان شاء الله ربي يكمل عليك بالخير :

أعتقد بالنسبة للفساتين الخليجية انا نشوف كانا تخلي للبعد العرس أفضل ..... في صبايا يتغير هلبة جسمهم :o بعد الزواج نعرف صحبتي ماخلت ما خدت من تيورات وسواريهات وفساتين وبعدين جسمها تغير هلبة زادت 10 كيلو من غير ماتعرف :lol:لانها حملت طول وبعدين جابت الحق مالبست منهم شي:( قعد الدولاب يتفرج عليهم وخلاص:( ديل منهم عطتهم لاختها: فانا اعتقد خودي شوية حاجات المهمات للطلعة لانك عروسة زي فساتين كبيرة مثلا ومكياج ولازمنوه :cool:وبعدين أن شاء الله تولي وتشري الي علي كيفيك طبعا تحسيها بايخة بعد الزواج طيحي طلبة في راجل هات هات :oلكن كانا تبي تخدمي بعدين أو فلوسك الي تبي تشري بيهم خليهم وخودي بعدين علي راحتك أفضل هذا أعتقادي ووكل وحدة ورايها بعدين والي تحس في روحها مش حتي تتغير والله أعلم انا عندي تشري من توا لان الحاجة الي تعجبك فيسعة ماتنقام هنا في البلاد صح ولا لا ...
bried 2009 حبيبتي أما اكبر اللبيب ولا قورينا قصدي تتستوعب اكبر عدد من الناس ؟؟؟؟[/

Shopalcoholic
18-03-2009, 12:16 PM
هااااااااااااااااااااي برايد و شموع ,,, أنا انحس في الللبيب أوسع و افخم من قورينا ,,, برايد على فكرة عبدالصمد القرشى عنده مسك ابيض ريحته مش عادية و ارخيص انا خديت منه مجموعة و حطيتهم في شناطي البتات و خلولي ريحة حوايجي حلوةةةةةةةة... نتمناك اتجربيه و تقوليلي رايك يا برايدتنا,,

سلااااااااااام:)

MaDaM KATOOSA
18-03-2009, 12:25 PM
السلام عليكم شنو اخباركم يابنات السوم

شوفى حبيبتى وطن الشموع اهلأ بيك بالمسبه الى اللبيب هى اكبر من قورينا تحمل 450 ممكن والله اللبيب احلى ةحده الى الان لا تتقارن لا بيليلتى ولا بالمندره ولا غيرها انى اللبيب مش لانى ديرت فيها عرسى لا ةالله احلى صاله فى ليبيا ة ليلتى مش ب 12000 لأ 5000 و 4000 بس والله مش حلوه خساره فيها الفلةس لانها من غير ديكور

و ربى يعاونكم

برايد الرشده لما اتبوخيها ماتغطيهاش وراهو كان اتبوحيها هلبه اتعجن راهو ولازم تبويختين راهو
ربى يعاونكم انى فى الجامعه

bride2009
18-03-2009, 02:00 PM
هاااااااى بنات

صحيتى كاتى عالرشده صح الباين انى نخلى فيها هلبه ونغطيها:| ناقصتنى الخبرة

شوب كيف حالك اليوم
صار انت شارية منه المسك بقداش الطرف عنده ؟ لانى انشاءالله ناوية نشرى حتى لو غالى مادامه كويس وريحته حلوه وبعدين الطريقه اللى قالت عليها كاتى اساسا انا سامعه انه حديت عالرسول عليه الصلاة والسلام بمعنى انه بعد الغسل تمرر مسك كانه سنه.... والله اعلم

بالنسبة صاله اللبيب اكبر نحس فيها وهما يقولوا حدود 450 الى 500 شخص:good:

اسمعوا عيد الام السبت انشاءالله شن شريتوا حاجه الحق انا خطمت على داماس حاجاته خيال
وشفت خاتم جنين احتمال نخطم ناخده انشاءالله غضوة;)

كاتى عارفه انك مش مع ماما بس ربى يخليهالك حتى كلميها بالتلفون هده احلى هدية

روح خطيبى ربى يعاون

سلام

وطن الشموع
18-03-2009, 02:23 PM
برايد وكاتي وShopalcoholic....
شكرا علي المشورة ...وربي يعاونك أن شأء الله ....... بالنسبة ليا في عيد الام قاعدةة نخمم لكن بنفكر الي جانب الهدية نبو نطلعوا نتعشوا برة نعزمها أن شاء الله كان سخر ربي ....

قصدي انتم في الاخير تشجعوا علي اللبيب أفضل من قورينا ....حناخدو برايكم ....
بالنسبة للعشاء..... بنات أفضل الامكان في التطيب..... وهل توصله للصالة ولا لازم في حد من يجيبه ...؟؟؟

bride2009
18-03-2009, 03:03 PM
وطن الشموع

صفى النية شكله عندكم عرس وماتبيش تقولى;):D:cool:

نبصر عليك ربى يسهلك

شوفى الصاله احجزيها اللبيب احلى وحده والعشاءالحق ماعنديش خبره لهدا مانقدرش نفيدك

تعرفوا ليلتى يشكروا فيها لكن لما حضرت فيها مش حلوه صح كبيرة لكن مش حلوه وحرام فيهاا الفلوس

يقولوا المفتوحه بره حلوه بس مش حاضره فيها عرس

ربى يعاون بنات

MaDaM KATOOSA
18-03-2009, 03:30 PM
السلأم عليكم

بالنسبه لصاله اللبيب ولا يعلا عليها
تو بالله قوليلى ليلتى الى على الهواء الطلق هده غير امتى نقدروا انديروا فيها مناسباتنا مناخنا مايسمحش كان صيف نو و رطوبه وعى الصاله فى جنب القاعده امتاع مغتيقه يعنى قرب البحر يعنى قمه الرطوبه و مان الشتى صقع ترا قولولى كيفتومش متخلف الى فاتحها وليلتى شهره على الفاضى مش حلوه زى كورنتبا بالزبط تعرفى كورنتيا ب 20000 او 25000 والله مش جلوه ابدا عاديه اللبيب احلى منها بالف مره

شوفى حبيبتى وطن الشموع لو تقرى الموضوع من البدايه تلقى كاتبه تفاصيل بالنسبه للبوريك والبكلأوه عند المدام مفيده جبروش اتجنن احلى بكلأوه عندها

والعشاء انى ديرت فى معمل صناع الحياه عند الدكتوره سلمى اسمعى حاجاتها لى درتهم انى حلوات لكن بوريكها مش حلو شوفى انى ديرت عندها
شعيريه بالمكسرات انى انحب الشعيريه اخف من الرز و سلطه مشويه و سلطه كفتاجى و دجاج محمر و عين الحوته و التورتالينه و طاجين انجليزى و البوريك كان من مفيده وكان بالجبن واالسبناخ والدكتوره سلمى اتوصلهولك لصاله و معها مشرفه والخاجات الى تقرص لو عرسك فى الصيف يخلطوهم فى الصاله زى السلطه المشويه

ةربى يهنيكم انشاءالله

برايد انتى وقت عليك راهو ماتنسيش انه عرسك فى نهايه 7 قبل رمضان بشويه بعنى حتكون زحمه
شنو صار فى مزينك؟

بالنسبه لعيد الام احنى عندنا فى بريطانيا يوم الاحد والله مش عارفه شنو ناخد لماما اتصورى يابرايد بابا كان فى ليبيا اشرى لماما طاقم من داماس بيعتيهولها فى عيد الام والله خوديلها الدهب حلو خير من حاجه تانيه غير راكب فيه النار الدهب المده هده بس

Shopalcoholic
18-03-2009, 03:55 PM
اهلين بالجميع ,,, برايد المسك ب 5 دينار المربع الواحد لدالك عبي منه ;);),,, كاتي و الله عندك الحق على كورينثيا اصلا الصالة سعرها 4000 و 16000 سعر العشاء و ياريته غير مقوم و يستر لالالالالالاللااااا كورينثيا حالة ,,,, انا بس نبي نستفسر يا بنات و يا مدامات عالدراعات الخليجية زعمة نحتاجولهم ؟؟؟؟؟؟؟؟؟ لاني بجديات ما نحبش نلبسهم ؟؟؟؟؟

و صحيتوووووووووووووووووووووووو;)

MaDaM KATOOSA
18-03-2009, 04:01 PM
باينات انتوا صغيرات الدشداشات الخليجيات شنو بديروا بيهم
هما امتاعات مدامات فى سن35 واركب بصراجه ماتكبروش رواحكم وتاخدوهم والله بصراحه امتاع كبار هما مش بنات او مدامات فى سن امتاعنا


ربى يهنيكم
شوباهولك امتى عرسك؟ وشنو حجزتى؟ او وين تيى نحجزى؟

Shopalcoholic
18-03-2009, 04:14 PM
السلام عليكم ,,,

و الله عرسي بادن الله قبل رمضان بس مازال ما عنديش موعد محدد,,, لتوا ما حجزتش انا قاعدة نشري في بتاتي ليه ليه ,,, اما عن وين نبي نحجز فانا خاطري يا اما اللبيب يا اما وحدة جديدة اسمها بنات حواء جيهت قرجي شكروهالي لكن انا مش شايفتها للان ,,,

و ادعيلي يا كاتي ,,, و الحمد لله انك افتكيتي من الدوشة هادي

*روح خطيـبى*
19-03-2009, 01:03 AM
برايد حبيبتى شكرا على عنوان بودى شوب تسلمىىىىىى
بس بالله لما تمشيله تقوليلى كيف اسعاره بالتفصيييل
حقا شنى مازال ماحجزتيش راهو وقت زى ماقتلك حبيبتى قطوسه
انى حجزت الحمدلله عند سهى الحسناء خالاتى قالولى شفنالها عرايس يهبلو
تحجزى غيرها نهارك وهما دوقهم حلو نوتق فيه

اه شكرا عالفكرة ياغاااااااااليه
وقتنا بالنسبه لطرابلس حاليا التوقيت الشتوى نفس التوقيت
لكن نهاية شهر 4 حيبدا التوقيت الصيفى ونكونو سابقينكم بساعه وحده

الفستان الخليجى نحس فيه توا مش لازم مازال بعد الزواج بفتره ممكن هدا رايى
حبيبتى قطوسه شجعتينى هلبا على مدام مفيدة لما نروح بااذن الله نشوفها

اختى شوب الكهوليك ربى يهنيك ويتمملك على خير
بس راهو وقت لازم تلحقى روحك اهم حاجتين الصاله بعدين المزين
صدقينى كان تبى حاجه نازكة وراقيه تعرفى تحجزى قبل العرس بسته شهور
فى الصاله وان شاءالله تلقى انى فى نهاية شهر 1 كنت نبى نحجز فى اللبيب
مالقيتش اليوم اللى نبيه لكن الحمدلله حجزت فى قورينا وحتى هى حلوة وراقيه

ممكن نعرف وين محل روان ومحل مادى للعطور بالزبط ؟معليشى:o لاانى عشت برا نص عمرى
ومانمشيش غير شهر فى السنة وكله زيارات وبحر وعزايم

*روح خطيـبى*
19-03-2009, 01:12 AM
اهلااااااا اختى وطن بين اخواتك انستينا

سؤالك لسعر اللبيب فى الايام العاديه مش 3000
3350 انى سالت بنفسى شهر 1 اللى فات وكان تبى تحجزو احجزو قبلها
بوقتتتتتت انى كنت بنحجز فى اللبيب مالقيتش يومى وبعدين بعيده علينا هلبا
مشى غيرت لقورينا حتى هى راقيه وب3000 الايام العاديه
وقورينا تستوعب حتى 500 شخص لكن احنى معازيمنا مش هلبا 240
لاانه امى ماتواصلش هلبا وديما برا البلاد
والعشا متاع الحفلات قاعده ماحجزتاش لين نمشى فى شهر 6 نشوف بنفسى
لاانه عتدى هلبا خيارات اماكن عشا

عيد الام فعلا قرب هلبا انى بنشريلها بيرفيون (عطر) هى تحبه وباقة ورد وكرت
لاانه الصراحه الدهب غالى هلبااااا هالايام وقبل بيانى هى شرت بعض الدهب اللى خاطرها فيه
يعنى مش محتاجتله توا
وربى يخليهم لينا ياااااااارب

*روح خطيـبى*
19-03-2009, 01:18 AM
يابناااااااااااااات بديت نلخبط فى الكلام ونعاود فى الكلام ههههههههههه منندريش على روحى
لاانى بنرقدددددد وناقصه نوووووم
هى خلى نرقد خير
الصراحه ماكنتش نبى نكتب هالمقالات لكن ماهانش عليه
مانردش عليكم ونتفرج ونطلع لاانه هدا وين قدرت نخش ونشوف هدرزتكم الروعة زيكم
تصبحوووووو على الف خير

Shopalcoholic
19-03-2009, 09:30 AM
صباح الورد يا أحلى قروب ,,,

روح خطيبي انت و الله عندك حق , انا عارفة ان وقت عليا لكن الله غالب , خطيبي مازال ما حددليش الموعد لانه عنده شوية انشغالات ربي يوفقه و يوفقكم كلكم ياااااااااااااااااااااارب.

بصراحة انا توا بس كيف بديت نشري في بتاتي لاني عمري ما شريت حاجة و دسيتها , و بعد بياني مشيت لروسيا لان كان عندي حاجة لشغلي و قلت بنشري لكن ما قدرتش لانها غالية زي الناااااااااااااااااااار و ليا شهرين توا مروحة لكن ما كملتش شري حاجاتي ,,,

روح خطيبي انت في اما بلاد قاعدة توا و كيف مدبرة امورك في ليبيا ؟؟؟؟

على فكرة روان و عبد الصمد القرشي و مادي للعطور و الميك اب يجو جنب بعضهم ,,, و انت جاية من المدينة و متجهة ل قرقارش كملي طوووووووووول و شوفي على ايدك اليسا بعد مورينا و الملاك الابيض للازياء كملي ليييين اتجيك محطة بنزين على ايدك اليمين و مقهى هارون على ايدك اليسا.
ان شاء الله غير واضحة النعتة .

برايد , كاتي كيف حالكم اليوم ؟ اكتشفتلكم خلقت محل امس للعطور العربية مش عادي , اسمه بريستيج العربية للعطور الشرقية يجي في جيهت مخبز الارض الطيبة في بن عاشور و انتو ماشين للجزير اللي ترفع لباب بن غشير صفة المحلات اللي مقابلة مخبز الارض الطيبة, و الله مش عادي عنده حاجات اتهبل .
ان ان شاء الله اتزروووه.

يلا توا سلاااااااام مني و ان شاء الله يومك يكون زي العسل , و نسال الله ان يوفق الجميع .

Shopalcoholic
19-03-2009, 09:38 AM
على فكرة روان و عبد الصمد القرشي و مادي للعطور و الميك اب يجو جنب بعضهم ,,, و انت جاية من المدينة و متجهة ل قرقارش كملي طوووووووووول و شوفي على ايدك اليسا بعد مورينا و الملاك الابيض للازياء كملي ليييين اتجيك محطة بنزين على ايدك اليمين و مقهى هارون على ايدك اليسا و هما جنب مقهى هارون بالزبط

*روح خطيـبى*
19-03-2009, 12:05 PM
صباح الورد...
شكرا اختى شوب بارك الله فيك عالعنوان
تعرفى شوب لو جت لخطيبى ماكانش يبى يحددلى موعد العرس
لشهر 4 لكن سلم نقانى عليه هههه
قتله معش نحصل حجز وكيف بندير كان بتزعلنى منك ماتحددش
وهادى فرحة عمرى نبى ندير حاجه كويسه

كيف مدبرة امورى بالحجز خطيبى هو حجزلى الصاله احنى بعتناه لاانى
ماكنتش نبى نقول عالموعد للعيله باش ماينتشرش الخبر (واستعينو على قضاء اموركم بالكتمان)
واللى حجزتلى المزينه قلت لخطيبى يرفع وحده من اخواته يعنى حماتى باش تحجز وهدا اللى صار

ربى يعاونك فى تجهيز بتاتك

برايـــــــد وينك اليوم
قطوسه اكيد لاهيه فى الجامعه ربى يوفقك

bride2009
19-03-2009, 12:07 PM
صباااااااااح الفل بنااااااااااات

ماشاءالله منورين:good:

عندى هلللللللللللبة حاجات بنحكيلكم عليها امس طلعت لقرقارش:cool:
بس خلى نسلم عليكم ونعقب شوية وبعدين نحكيلكم;)

صح النعته شوب انا روان متعا الماكياج خطيبى جابلى منه الماكياج بتاع البيان الصراحه روعه وكله ماركات من جيرلان لاى ماركة تبيها وكلهم يجو على ايدك اليسار وانت جاية من المدينة وممكن بش تعرفيها اكتر صح هما جمب كافيتريا هارون بس ممكن لو تركزى على ايدك اليمين مبنى كبير هو مكتبه اسمها صح كبيره تبانلك من بعيد وجمبها بالظبط محل اطفالنا بتاع لبس اطفال واضح المبنى لما يجيك المبنى هدا على ايدك اليمين المحلات اهما كلللللللللهم تلقيهم على ايدك اليسار والله واضح ياروووح بس تعالى ليبيا تنور بيك:)
وبعدين ياروح خطيبى والله بنزعل منك كان تخشى وماترديش تخلى فمكانك هلبه والله
عبدالصمد القرشى توه نخطم عليه ونشرى المسك طالما هو حلو لكن شن رأيكم ناخده من توه عادى مايفسدش ولا قبل العرس بشوية؟؟؟

شوب والله انت زى انا ماشؤيت شى قبل ماننخطب ولا بعد البيان توه بس من لما قرب العرس بديت نطلع ونشوف و حتى انى الدشداشات الخليجيات ماعنديش عليهم هلبه لكن قلت بالك لازم العرايس ياخدوا!!لكن باهى على كلامكم مافيش منها داعى اساس نحسها ماتطلعش عليا!

وصحيتى عالنعته بتاع محل العطور توه نمشوله علاش لا!

شوفوا امس طلعت مشيت قرقارش مشيه لقيت محل سفير بتاع الحقائب مداير تخفيضات نزلت شفته والله اسعاره معقوله 3 حقايب سفر samsunite
حدود 450 وفيه نوعيه تانيه الكبيره 150 والمتوسطه تقريبا 135 والصغيره 90 عليهم 10% سيل اهما الاسعار طبعا بعد السيل انا الصراحه بناخد بش نحط فيها حاجاتى لكن نبى نعرف امتى هما اهل العروسه يرفعوا حاجات العروسه لحوشها قبل العرس وهى ترفعهم اماليها ولا اهل العريس يحجوا ياخدوها؟؟؟؟؟؟؟؟؟؟

وبعدين يابنات ولاول مره فى حياتى :cool::lol: قست فساتين عرس والله انا جو عليا نزلت محل عروس الاندلس شفت فيلوات:o طبعا تخيلوا من اول ماخشينا ((( معلش الكنادر )))) انما مافهمتش لكن بعدين ركزت :|

المهم ول اول سؤال بيع ولا شرى مشيه قلتلها بنشوفو البيع ورتنا موديلات على الكتالوج وبعدين شفتهم الفساتين طبعا هما فالكتالوج شكلهم يهبل وخاصه انهم بسيطين يعنى سمبل ممكن زى مانا مفكرة ممكن الوحده تديرله تعديلات حزام شيك او تغير فيه وتلبسه بعدين المهم شفت موديلات بالبوليرون ( جاكيت صغير ) وشفت موديلات تاني وعندها منفوخ وبسيط المهم انا من الاول سالتها عن الاسعار شوفوا قتلى من 1600 2000 الى 3000 وبعدين انا قلتلها بنشوف موديلات الايجار نفس البيع قتلى لالا طبعا موديلات تانيه وشفتهم صح مش نفسهم واسعارهم من 800 الى 1600
المهم ((((((( سامحونى ندوى بالتفصيل الممل ))))))))

المهم بعد ماقست هما بعا فاللبس حاجه تانيه احلى من معروضين والله فى المحل من 7 بالك ل 9.30 وانا ننحى ونقيس المهم نصيحه من لما تمشوا تشوفو فيلوات ماتلبسوش هلبه قصدى امشوا بحاجات خفيفه ووشاح واحد انا مش يت لابسه بلوزه وفانيليا وجبه وزوز وشاحاج اتبهدلت والله وانا ننحى ونقيس :(
المهم بعد ماكملت الحمد لله والحق هما زوز بنات كويسات ويساعدوك فالذوق سالتها على زوز موديلا ت عجبونى قاااااااااااااتلى 3500 والله الحق انصدمت قلتلها والتانى قتلى نفسه 3800 واحد 4000 مشيه انا استغربت مش قلتى من الاول الى 3000 اقصى حد

قاتلى لالا موديلات تختلف المهم مش عارفه نحس فيها لما عرفت انى اول بنت الكبيره ماهو قعدت تسال فينا ومشيتوا شفتوا بره مشيه قلتلها انا طول لا والله انا شكرولى فالمحل جيت طول فغلت علينا السعر الله اعلم!!!!!!

المهم طلعت وخديت الكرت وقلتلها انشاءالله نولوا تانى
قلت لازم ندور ونشوف بعدين نقرر

وكملت طول قرقارش وصلت لماركس خساره قتلى كان فيه سيل شهر 1 مامسمعتش بيه

المهم مشيت طول وندور وباخيرا لقيته(((( لاسنزا ))))) والله تعبت لين مالقيته المهم خشيت وعندها حاجات حلو هالصراحه وناعمه ارواب حمام ناعمه انا الصراحه شارية ومانبيش نكتر مشيه لقيت بيجاما ناعمه بودريه اول ماتخشوا على اليدك اليسار قستها تهبل
وبعدين لمحت قفطان نوم احمر قصير وممكن ينلبس فالحوش بفيونكه من الوسط عجبنى خديته
وطبعا الاسعار من الاخير حدود من 40 الى 60 70 و80
يعنى مقارنه بالمحلات التانيه حتى لو غالى شويه بس حاجات حلوه وناعمة وتعيش معاك العمر كله انشاءالله
تعرفوا باهى روحت وانا شاريه حاجات وحلوه الصراحه شعور حلو بعد ماتشروا وخاصه حاجات دلع ;)

سامحونى طولت عليكم وممكن مليتوا بس هدا الى صار معايا امس

سلام وكان عندكم اى اسئله انا موجودة

*روح خطيـبى*
19-03-2009, 12:44 PM
حبيبتى برايد عارفه بتزعلى كان نخش ومانردش تسلميلى
والف مبروك على قيسان الفيلو وان شاءالله بالصحه وطول العمر عليك
انتى زيدى شوفى هلبا مكانات مش من الاول تاخدى طول الصراحه اسعارهم مبالغ فيها

وتبيدى بالهنا حاجاتك من لاسنزا.صح حلو المحل هدا هللللبااا خديت منه كم حاجه اهنايا مش من ليبيا
وانى حاجات الدلع عبيت منهم
بالعكس لاطولتى ولاشى كلامك حلووو

bride2009
19-03-2009, 02:30 PM
روح خطيبى صباح الخير

نورتينا الصبح:good:

انشاءاللع غير عرفتي مكانهم وين المحلات الى سالتى عليهم

شفتى الاسعار كيف انا والله مدايره حد اقصى قبل 2000 حرام اكتر الحق ناخد بيه دهب احسن
انت شن مقرره بتاخدى من عندك قبل ماتجى ولا من هنايا؟

كاتى وينك ؟
كاتى لما فصلتى عند اليونانية الخياطة والموديل جوك بالظبط زى ماكنت تبى؟ والسعر النهائى كم دفعتى او هى كم خدت والقماش قداش كلفك؟

مش عارفه خايفه الوقت يجرى ومانحصلش:(

والى تعرف محلات تانيه غير المشيرقى وقاجه شفتهم ماعجبونيش:rolleyes:

ولنا عوده انشاءالله

Shopalcoholic
19-03-2009, 03:12 PM
ان شاء الله بالصحة و طول العمر يا برايد ,,,, و الحمد لله ان لاسنزا عجبك ,,, و الف الف مبروووووووووووووووك ,, صح و الله حلو الشعور هدا لما تروحي بلبس جديد و قنين و يبدا حمل كبير و انزاح و الله انا طايحة نشري في اللبس و قاعدة ما كملتش بكل و مازال ما خشيتش على قفاطين المناسبات و المفارش و الورغان و الكريستال متاع المطبخ و التحف و الهدايا لاهل خطيبي و الروايح و مجموعات العناية بالجسم و نبي نزيد مكياج لان الاساسيات كلهم جابهملي خطيبي في البيان,,,

باهي شوفتو لما كتبت شنو مازال ما شريتش حسيت روحي ما شريتش شي:cry:,,,
بالله قولولي كان انسيت حاجة ,,, راهو حاسة روحي دايخة و معادش عارفة منين نبدا و منين انكمل ,,,,

روح خطيبي ,, ماشاء الله المكان حلو غادي و يا سلام و عندكم هلبا حاجات حلوة لدالك بضعي و اشري لييييييييييييييييييييين تتعبي .. انا خاطري نسافر و نشري من غادي قبل لكن خايفة ناخد من رصيد اجازاتي و ما يقعدلي شي لشهر العسل يا عسل,,,


كاتي ردي على كل موضوع كتبته لاني بجديات يهمني رايك انت و باقي البنات,;):D:good:

سلامممممممممممم

bride2009
19-03-2009, 03:28 PM
هاى شوب والله يبارك فيك
الحق امس روحت فرحانه وكل شويه نخطم حناخد منه لان حاجاته حلوه

انت زى بالظبط قد مانشرى ونكتب بعدين شن ناقصنى نحس روحى ماشريت شى:(

شوب شكلك فالحه اكتر منى فى الشرى وحياتك كل ماتمشى مكان قوليلى عليه واله هكى نساعدوا بعض ونلقوا روحنا مكملين كل شى
تعرفى حتى انى نخدم لكن توه عندى 28 يوم رصيد اجازات معناها للعرس انشاءالله يسدونى امس ماما قتلى لو ماحصناش قفطان العرس حلو من هنايا نمشوا دبى ممكن اغلى وممكن ارخص الله اعلم لكن انى مازال نبى ندور كويس مازال ماخديناش قرار

شوب انت شن بتاخدى هدايا لاه خطيبك زى شنى ولو خديتى امتى بتعطيهولهم يوم المحضر لو مدايرين ولا بعد العرس باسبوع متلا لما يجوك او يعزموك؟؟؟؟؟

لانى فعلا محيرنى الموضوع انا كنت مقرره ولما خديت راى اغلب البنات انه كنت بنشوف قبل شن بيجيبولى الاول ((( وهدا من راى خبره البنات المتزوجات واولهم الزعيمة كاتى ;) ))) وبعدين نعطيهم على مايجيبولى

انت شن رأيك؟؟؟

كاتى وروح خطيبى وينكم؟؟

Shopalcoholic
19-03-2009, 04:29 PM
برايد ,,, امالا خودي عندك ,,كاليوبي جايب لبس صيف بلايز حلوات و لبس تاني امشيله مرات تعجبك حاجة,,,

في محل اسمه reserve natural عنده فرع في سوق التلاتاء الجديد و فرع في شارع عمر المختار يبيع في Make up & accessories و شناطي عمليات و شناطي مناسابات حلوات و توكات , هو فرنسي وكيل في ليبيا.

في محل اللؤلؤة وكيل الجرلاين و بوبا و كليرنس في برج الفاتح الدور الارضي و في اول سبتمبر.

وغدوة ان شاء الله انكملك الباقي.
;)

*روح خطيـبى*
19-03-2009, 11:43 PM
السلام عليكم..
برايد حتى انى زيك حد اقصى 2000 والصراحه فيلوات ليبيا احلى هكى حاسه
انتى حاطه فى راسك بتشرى ولا بتأجرى ؟؟؟؟؟؟؟لاانى بنأجر
ان شاءالله تحصلى ماتستعجليش مش من الاول بتلقى اللى تبيه
وعرفت مكانهم المحلات اللى قلتيلى عليهم ادكرتهم شكرا

شوب صح المكان اهنى للشرى حلووو وخصوصا اللانجرى ولبس الدلع
الحمدلله بضعت هلبا من هالحاجات
عاد انتى ادرى بنفسك وبرصيد اجازتك وربى يوفقك
الحاجات اللى قلتى مازال بتشريهم نحس فيهم هو هداك مش ناسيه شى
ومعليشى ماتدوخيش روحك عادى تو كله يمشى بجديات هادى احلى فتره لينا

قطوسه حبيبتى وينك اليوم ان شاءالله المانع خير؟؟!!!!!

bride2009
21-03-2009, 09:11 AM
صباااااااح الورد

كيف حالكم اليوم؟؟

كاتى وينك؟؟؟؟ لاحس ولاخبر استاحشناك معانا انشاءالله خير
انشاءالله غير ماقلقتيش منا ومن اسئلتنا كلنا على وش جواز وانت الوحيده مدام ونازلين فيك اسئلة ليه ليه:rolleyes:

روح خطيبى انشاءالله تحصلى فيلو حلو لنت لو بتاخدى ايجار انا الخميس طلعت مشيت جيهة النوفليين لو تعرفيها المنطقة كلها محلات فساتين افراح قاجه والمشيرقى ومحل تانى اسمه لاسبوزا
المهم الايجارات لو اول لبسة يعنى الفستان جديد ومش ملبوس من 1800 و 2000 والمشيرقى عنده موديلات منفوخه هلبه لو جديد قاتلى 3000

ولوملبوس مره او تنين من 800 الى 1000
وموديلات هلبه وانت اختارى المشكله ممكن تقولك جديد ومش ملبوس لكن الوحده كيف بتعرفه انه صح جديد:confused:

مازالى محل واحد بس فقرقارش لمحته اسمه الماجرى المره الى فاتت بس كان مسكر توه نخطم عليه ونقوللكم

شوب حتى انت خودى فكره من توه على محلات فساتين الافراح بعدين ماتاخديش وقت

اه روح راهو بنقولك كان تبى ايجار تعرفى البنات اول ماتخشى يسالوك وكان ايجار تسالك امتى مناسبتك قالت (( هدا محل المشيرقى ) لان اعراس الصيف 5 6 7 الحجز من توه يعنى قبل شهر 4
السعر يختلف
من بعد 5 لاعراس الصيف الاسعار تركب فيها النار:mad:

والله مشكله نحس فيهم مش عارفه علاش يستغلوا فينا!!!!!!!!

شوب وين يجى محل كاليوبى
وصح محل الاكسسوارات الى فسوق التلات حلو خديت منه تزدان حلو اسود على بودرى مره فاتت صح اكسسواراته جنينه
كل ماتلقى محل حلو قوليلنا عليه وحتى انى هكى انشاءالله كل مانشوف او نشرى نقوللكم

وهدا الى صار معاى
ولنا عودة انشاءالله

MaDaM KATOOSA
21-03-2009, 09:31 AM
السلأم عليكم

سامحونى يابنات ليا يومين ماخشيتش والله لاهيه والله عند جارتى

انتى شنو اخباركم مشاءالله ليه ليه اتوتوا والله احلى ايام استنتعوا بيها

اول شى شوبهولك حبيبتى انتى الى اتحددى موعد العرس على صالتك مش عيلت العريس انى نبى اللبيب كنت و حجزتها قبل العرس يسنه تعرفى نتدكر سلفتى حجزت يوم 2-8 وانى ماحصلتش اللبيب حثلت 3-8 قلتلهم والله مادخلى كل وحده دارت يومها

روح شنو احبارك والله ليك وحشه والله كنت لاهيه حاشه المحل جارتى صارتلها حالت وفاه و مفيده امشى و عيونك امغمطات

برايد حبيبتى شوفى المسك مايصيرله شى خودى عادى و بالنسبه للفيلو انى عند حرام اتفوتى 2000 2500 انى اليونانيه خديت يد عامله 700 و القماش 1300 لكن القماش كان مش عادى دانتيل طو شانتوا الى هو حرير حتى الخياطه فالت القماش درجه اولى و حتى انى قيلو كان عليه بالوروا الجاكيت بصراحه الستر كويس مش شرط ديما عريان عريان بدينا انعروا فى مناسباتنا وخلأص

و ربى يعاونكم انشاءالله
ثولونا شتو تانى ديرتوا

bride2009
21-03-2009, 09:39 AM
هاااااااااااى كاتى

ربى يعاون وعظم الله اجركم فى قريب جارتك

تعرفى الخياطه انى ماكنتش نفكر فيها لكن مع الوضع الراهن والله احتمال نمشى ونشوف

باهى الخياطه هده عنده موديلات واتيه باش تشوفى كيف خياطتهاقبل ماتجربى معاها!!!!!!

ووين مكانها بالظبط ؟؟؟
وكيف هى تحدد سعر الخياطة الايد العامله ؟؟

سامحينى عارفه مكتره عليك بس ماعنديش غيركم

سلام

*روح خطيـبى*
21-03-2009, 11:48 AM
السلام عليكم

ياهلا بااحلى طله بقطوستنا

برايد اى النوفليين مش بعيده علينا اكيد نعرفها
ماتخوفينيش اكتر ماانى خايفه ههههه اصلا لاامس قعدت
نهدرز مع بنات فى الموضوع هدا
خايفه مانحصلش حاجه حلوة وانى بنمشى قبل عرسة بشهر ونص
ربى يستر
وقوليلى شنى يصير معاك ويارب تحصلى اللى تبيه واحسن

شووب وينك اليوم شكله شغلك اليوم اجازة

Shopalcoholic
22-03-2009, 09:52 AM
صباح الورد على احلى وردات المنتدى ,, :lol:
روح كيف حالك اليوم ؟؟؟ان شاء الله بخير,, شكرا لانك سالتي عليا و الله ايه امس كان اجازة و الحمد لله لكن ما قعدتش في الحوش ,,, مشيت شريت هدايا العرس لخطيبي خديتله بدلة رسمية و بيجاما ايطالية اتهبل ,, برايد بري للمحل اللي خديت منه مرات يعجبك و تاخدي لخطيبك منه ,,, خديت ست متاع حلاقة من ماركة babyliss و اللي يبيع قالي انها ماركة كويسة و مضمونة و ان هو الوكيل و عطاني معاها الضمان لمدة سنة ل تلات سنين ,, و خديت ريحة من مادي للعطور ,, مازال نبي ناخد ريحة شرقية
و شنو ناقص تاني يا بنات قولولي؟؟؟؟:cry:

أهلين بكاتي يا اهلا و الله بهالطلة .. اشتاقنالك يا كاتي و الله:D
و عظم الله لك الاجر و ان شاء ربي يجازيك كل خير على مواساتك لجارتك , و ما تنسيش تتحفينا بنصائحك اللي ما نستغنوش عنها,,

برايد ,, ماشاء الله عليك شكلك على قدم و ساق,, وحدة وحدة عليك و شوفي مازال دوري و وازي ,,
على فكرة كاليوبي في شارع اول سبتمبر ماركة طليانية و يعبتر رخيص بالنسبة
للماركات التانية ,,,

ربي ايوفق الجميع و ايهنيكم يااااااااااااااااااااااااااارب:p

bride2009
22-03-2009, 10:48 AM
صباح الورد يابنات

وااااااااااااااااااااااو شوب مبروك علي خطيبك وعليك

شكلهم حاجات حلوه يتهنى بيهم انشاءالله
بس انت شن رديتى السوالبيت بعد البيان ولا لالا
قصدى انى بعد البيان بشهرين تقريبا رديت السوابيت فيهم كل حاجات هده الى تحكى عليهم حتى سيت الحلاقه كامل
يعنى اهما هدايا تانية ولا انت مارديتيش وهدا وين بتاخديله
معلش بس انا عارفه انك حاتفهمينى لانك زينى بالظبط توتى واحتمال مرات تتلخبطى:rolleyes:

لكن مافيش باس بناخدله حاجه زى هدية وين يجى المحل هدا الى شريتى منه؟

وكاليبوبى فاول سبتمبر ممممم توه ندور مع انه اول سبتمبر مانحباش بكل زحمه ومحلات صغير ولا صق فى بعضه والله مانعرف ناخد منه حاجه دو رى مى الوحيد مرات نمشيله مخصوص الحق لكن وين يجى كاليبوبى واضح يعنى كان ندوره نطلعه؟؟

وشوب مره سالتك مرديتيش عليا
قتلك ان شن بتردى هدايا لاهل خطيبك وامتى بتعطيهم بيديرولك محضر ولا عادى بتعطيهم بعد العرس بايامات ولا بتشوفى شن بيجيبولك قبل بعدين تاخديلهم على ماجابولك!!!!!

سامحينى عارفه روحى دوختك اكيد معايا:o

بس انا كنت بندير زى مالكل اجمع نشوف شن بيعطونى فالمحضر وبعدين لما نزورهم بعد العرس نرد الهادايا على ماجابولى وخاصه كان بنهدى دهب وانا خوته بروحهم 6 :|
يعنى ربى يعاونى والله بنفلس رسمى بعد العرس شكلى:lol:

فانت شن رايك وفى الى يقولى لالالا مدام بيديروا محضر لازم يوم المحضر يعطوك وانت اعطيهم فنفس اليوم فانا مافهمتش الحق

سامحونى طولت

كاتى ويييييييييييييييييييييييييينك
انشاالله خير ولا قلقتى منا:rolleyes:

سالتك عالخياطة اليونانيه وين تجى مكاناها؟؟؟

حتى انى زيك مقرره انشاءالله فستانى بالبوليرون جاكيت منه ستر وبعدين نحس فيه يعطى الفستان قيمة ومش كاتر الموديل هدا

روح خطييييييييييييييييييييبى وينك عاش من سمع صوتك;)

يلا سلام نستنى فيكم

MaDaM KATOOSA
22-03-2009, 11:15 AM
هههههههههههههههههههههههههههههه جيت جيت نجرى سمعتكم اتنادوا عليا
والله هاليومين فاشله وناقصه نوم تعرفوا والله لاهيه و بارك الله فيكم على الكلأم الجلو
و برايد كعاش اتقولى قلكت منكم انتو خواتى مستحيل نقللك منكم

سامحينى على الخياطه مكانها فى الهضبه وانى الموديل اعطيتها افكارى و عطبتنى فكرتها فى مايناسب جسمى محلها صغير ممكن لو اتشوفى المجل تهزى عليه لكن انى شوفتها دارت لصاحباتى فساتين محاضر و بيانات والله فيلوا الناس يحسابوه من برسطانيا والخياطه روعه والسعر على القماش شوفى انى من توا بنصصحك لو تبى قماشات حلوه ردلا بالك تمشى لبوسلسم تعرفى انى قالولى نفس الثماشات تلقيهم فى بوسليم تلقيهم فى كشمير طلع والله كدب حتى الخياطه قالتلى ارقى الاقمشه عند كشمير وقعلا قارنت والله قماشى كان روعه و نازك صح غالى لكن يستاهل راهو الفستان على القماش

وربى يعاونكم واى شى اتفضلوا

bride2009
22-03-2009, 11:22 AM
صحييييييييييييييتى كاتى
والله كان نقولك حتى انى فاشلة بس انى ماهو من الجمعه ضمان الحوش نحس ظهرى متكتك

شكرا على نعته الخياطة بس مش مدكرة وين مكانها بالظبط الهضبة مانعرفهاش كويس او مكانها معروف مدايرة علامة او شن اسمها مقرره احتمال نشوفها اليومين اهما

صح كلهم يقول كشمير نمبر ون فى القماشات
وتوه نشوف غير ادعولى بس
سلام

Shopalcoholic
22-03-2009, 11:53 AM
هلا هلا بالبرايد,,,

بارك الله فيك يا قمر ,, انا الحق ما رديتش سوابيت ,,, لان ام خطيبي شدت ماما يوم بياني و قالتها انهم في سبرهم المرا ما تردش شي بعد ما يجيبولها حاجاتها ,, المهم انا شريت و مازال بنشري لاني مارديتش سوابيتي ,,,:|

انا مش عارفة لو كان بيديرولي محضر و الا لا ,, لكن انا بنشريلهم على جميع الاحوال ,, و الله ناوية نشري خناف و حديدة لعزوزتي و خاتم خاتم يا اما تعليقة لحمواتي ان شاء الله ,,لانهم مش هلبا زيك . و ربي يكون في عونك انت لانهم ما شاء الله هلبا و الدهب شايطة فيه النار.

و كان بتديري محضر يا برايد قولي ل خطيبك يسال اهله كان يبو يهدولك و الا لا لانه هدا اللي يصير في عيلتنا ,, عادي اسئليه مرات يقولولك انهم ما يقدروش يهدولك و يقولولك ما تكلفيش على روحك .

انا كان بيديرولي محضر لازم نهديهم يوم المحضر لاني نبي نهديلهم جابولي و الا ما جابوليش ,, كان ما بيديروليش محضر حنهديهم بعد ما انروح من شهر العسل ان شاء الله ,


انت اسالي قبل لان مش حلوة لو هما هدولك لا انت لازم اتكوني سائلة قبل .

و ربي ايوفقك ,,

روح ,, انت شنو ناوية بخصوص الموضوع هدا؟؟؟ظ

كاتي ,, ياريت تنعتينا عليها بالزبط مرات نحتاجوها,, و كلامك مزبوط مية في المية بالنسبة للقماشات كشمير عنده احسن و ارقي الاقمشة,,:good:
كاتي ياريت اتقوليلنا شنو بالنسبة لفيلوك توا اتاجري فيه و الا شنو ناوية اتخليه عندك ؟؟؟:q:

برايد ,, البيجاما حتى مش محطوطة في باكو انت بري و شوفيه المحل ,, تلقيه في جنب الاستبرق اللي في جامع الصقع في محل امتاع ورغانات في نفس الصفة متاع الاستبرق اساليه عالبيجامات باش ايوريهولك ,, و الله حتى التغليفة امتاعها راقية و فخمة عالاخر ....;)


بالله كان حتى انت لقيتي محل كويس قوليلي راني راسي داااااااااااااااااااااااااااااخ من الدوران:eek: .

سلااااااااااااااااااااااام

bride2009
22-03-2009, 12:20 PM
هاى شوب

اه فهمت انت مارديتيش سوابيت
لانى رديت وعطيت هلبه هدايا الحق ممكن احسن من ماجابولى

لكن توه نخطم عليه المحل ممكن نجيبله بيجاما نعيهاله بعد العرس

انا صح خوته هلبه 5 متزوجات ووحده مش متزوجه
لكن امه متوفيه

قلت بالك ناخدلهم تعليقات او خواتم بس المشكله انه الدهب غالى اليومين اهما بنستنى بس المشكله الصيف كل شى يغلى وخاصة الدهب

معناهاانت رايك كان الوحده بيديرولها محضر لازم تهدى يوم المحضر حتى لو ماهدولهاش!!!!!!!!

انا نشوف فيهم فى المحضر يوروا فى سفر دهب مرات اهل العريس ومرات اهل العروسه
بس ماكنتش نركز او نسال قبل ماننخطب

انت قداش ليك مخطوبة؟؟؟

توه نشوف انا حتى قالولى مش شرط تهدى دهب ايطالى حتى محلى عادى

لكن الحق انى بنكمل حاجاتى قبل ونشوف انى والميزانيه كان فضل معاى فلوس بناخدلهم كان هدا بعد العرس اقلها نكون متزوجه ونقوله هو يخلصهم:lol::lol:

انا يوم الخميس الى فات خطمت عالسارى ماعنداش شى قال اسبوعين وجايب حاجات جديده
وحريم شفت عنده فستان حلو بودرى داكن ينفع محضر منفوخ من الركبه بس بطنه شفاف المهم بعد ماخلاس بنقيسه مع انه مانحبش البن شفافه بس كان مشغول دانتيل
مالقيتش مقااااااااااسى:lol:

المهم المقاس الموجود 40 بس انا نلبس 42 او 44

ماتعرفوش محل يبيع فساتين تجى لمحضر وماتقوقلوش الكايخ مشيتله ماعنداش حاجه راقية منفوخين عالفاضى

ودو رى مى شفته
ممرات نخطم على استبرقو نشوف بتاع البيجامات بالمره

شوب مافهمتش النقطة هده
((( انت اسالي قبل لان مش حلوة لو هما هدولك لا انت لازم اتكوني سائلة قبل))))

قصدك شنى مش حلوه لو هما هدولى وانى ماهديتش فنفس اليوم هكى انت قصدك


ولنا عوده
نستنى فيكم
سلام ولنا عودة

Shopalcoholic
22-03-2009, 12:41 PM
eiyh mazbout hadda kan kasdy < law homma hdolik wo enty La youm el ma7der ma3naha mesh 7elwa
fi 7aggek, laken wallahi 3endek 7ag elddhab GHALYYYYYYYYYYYYYYYYYY.

معناهاانت رايك كان الوحده بيديرولها محضر لازم تهدى يوم المحضر حتى لو ماهدولهاش!!!!!!!!
ana ra2y annah lazem yehdoleik low btehdielhom , wo lazem tehdeilhom law byehdoliuk ,
laken ana wallahi khatry nehdeilhom 3al 7alltain

laken enty laaaaaaaaaaaaaaaaaazem tas2ly gabl ya Bride
ana liia ma7''toba 7waly 6 shohor

rabby y3awnek

bride2009
22-03-2009, 02:01 PM
هاى شوب

والله تعبت بش نقرا لانك كاتبه بالعربى عالانجليزى:confused:

تعربى كان كتبتى طول بالانجليزى خير:lol:
لكن نحس فيها بايخة شويه انى نسأله شن خوتك بيهدولى فالمحضر ولا لالا

بايخة منى كانى نقوله نبى يهدولى او نطلب فيها طلبه
ممكن صح انى قصدى انى نعرف كان بيهدوا نرد لكن والله ماتعرفى كل واحد يمشى تفكيره لويين وخاصه كان عاودها لخوته
الله هده من توه تتشرط سلامته ياوخيى :lol::lol:

هدا فيلم من تأليفى:good:

على اى حالى فهمتك حبيبتى وشكرا وربى يهنيمك انت وخطيبك
توه ندير دوره عالدهب ونشوف وضعى
صحيتى

كاتى وينك
روح خطيبى غاطسة كالعاده

سلامات

MaDaM KATOOSA
22-03-2009, 03:11 PM
السلأم عليكم

ربى يعاونكم والله

بالنسبه لفيلو امتاعى انفكر اناجره بس انى مش ضعيفه راهو هلبه يعنى حيبى تنقيص لو وحده ضعيفه
وبالنسبه للخياطه والله مانعرف ننعت فى جهه الهضبه بس الى تبى الرقم تبعتلى على الخاص ونعطيها الرقم

بالنسبه لدهب لما يفرقوا ويوره فى المحضر هده يديروا فيها لو ماداروش قفه او لو ام و بو العروسه هدولها حاجه كبيره هلبه و هى فخفخفه زايده
و بصراحه ماعمرى سمعت بهدابه دهب يعطوها فى محضر وبصراحه معقوله حماواتك و عزوزتك بيرفعولك دهب لصاله
لألأ مستحيل حيعطهولك فى الحوش والعزوز لو بتاخديلها خودى حديده بس ونبى بنقوللكم كلمه ماتزعلوش ماتخلوش روحكم خفاف و تشرو الغالى والله الكنه مايجيبولها راهو انى سلفاتى و حماواتى مااعطونى شى لأباس انى نمشى نجرى نشرى فى الدهب و هو نار و انى نعطى و هما مايعطونيش شنو حتى انى بابا امعرق عليهم الفلوس
عزوزتى اعطيتنى 1000 دينار لما جيتنى تانى يوم و لما امشيتلها انى طلعت فى نفس اليوم وشريتلها حديده بس
والله فكرو بعقل راهو مش كلها تسرفوا بعدين ابهاتكم يقعدوا يصفقوا فى ايديهم راهو الدنيا غليت وانتوا اكيد عندكم خوات غيركم بيتزوجوا

والله اتقبلوا النصيحه والله ننصح من قلبى وربى يعاونكم

*روح خطيـبى*
22-03-2009, 03:20 PM
السلام عليكم

معليشى مش فااااضيه كنت فى الكليه هدا وين روحت
نقرا فى كلامكم بسسسرعه
شوب لاشكر على واجب
انى مش حندير محضر دوةةة فااضيه وخسارة فلوس بدل مانصرفو عالمحضر
نمشو بيهم شهر عسل احسن
وبالنسبه للهدايا انى رديتله سوابيت بيجامه ايطاليه ب170 تقريبا من محل فى بن عاشور
جنب اللؤلؤة تقريبا
وبدله رسمية من بن عاشور سعرها 500 دينار حتى هى ايطاليه داخله فيها نسبة من الحرير
خديتهاله لونها كحلى باش يلقاها للعرس

وحاجات تانيه زى عدة الحلاقه والكندرة وبيرفيوم بحاجاته متاع جورجيو ارمانى يهبللللللللل
خوى حببنى فيه

وبالنسبه للهدايا لااهله عزوزتى حديده بنهديها وحمواتى الصراحه هلباااااااا 8 حموات
مستحيل ناخدلهم دهب وهو غااالى هلبا
بناخدلهم من اهنايا البلاد اللى توا فيها جلابيات هكى لاهى بسيطة ولاهى غاليه هلبا
وتوا سلااااااااااام حبيباتى

*روح خطيـبى*
22-03-2009, 03:22 PM
صح لسانك قطوسة بارك الله فيك
والله حتى انى حاطه فى بالى منبيش نسرف
ومازال وراى خوتى
توا نستاذن
سلام

Shopalcoholic
22-03-2009, 03:33 PM
برايد سامحيني و الله لوحة المفاتيح امتاعي ما فيهاش عربي و المدة اللي فاتت كله ناخد ساعتين باش نكتب جملة , لكن توا ماشي الحال مشيت خديت حروف عربية و لصقتهم على لوحة المفاتيح ..

و الله صح ممكن تحسيها رزينة انك تشاليه خلاص انت استني لين هما يفتحو معاك الموضوع , يا اما ديري زي ما قالت كاتي و لو هدولك اهديلهم و لو ما هدولكش ما تهديش.

المهم اتخاف الميزانية تكمل و بعدين ايقولولك انهم يبو يهدولك انت ديري حسابك و خلي مبلغ على غير طريق انا هكي مدايرة لاني قاعدة ما شريتلهمش شي .

و بجديات حاولي اديري كونترول على الليي تصرفيه لاني مدايرتها العملة هادي في لاسنزا اشريت و صرفت مبلغ كبير فيه و بعد ما شريت دارو تخفيضات لدالك ردي بالك و ما تشريش حاجات غالية و الله توا ابديت ما ننزل لاي محل كاتب تخفيضات لاني مرات هلبا نلقى في حاجات نازكة و رخيصة .
و الا شنو رايك انتي يا برايد ؟

كاتي ,, و الله المدة اللي فاتت مشيت لمحضر فس صالة العروسة هديت دهب و اهل العريس هدولها دهب و كله دارو بيه هالصالو و ولروه للناس كانت جاجات حلوة و بسيطة , لكن كان بنهدي غير الدهب باهي زي شنو يعني , ياريت تفيدينا .

روح خطيبي و ينك اليوم امغطسة ؟ و لا حس ؟ ان شاء الله المانع خير؟ و الله مخليا مكانك. في التهدريزة .

سلاااام توا

bride2009
22-03-2009, 04:00 PM
هاى بنات

كاتى والله انى تفكيرى زيك بالظبط مانبيش نصرف عالفاضى تعرفوا درت لفة المدة الى فاتت الدهب نااااااااااااااااااااااااااااااااار ب 43 و 42 ويوصل 45 دينار الجرام
قصدى حرام كاتى انت تقولى بوك يخدم عالفلوس واحنى هنايا اهو من الصبح فالخدمه ونروح قريب 5.30 6 حتى انى تعبانه عليهم الفلوس

والله مش عارفه لتوه وخاصة انا احترت اكتر

روح خطيبى انت بتاخديلهم حاجات عادية
ممممممم ممكن لان مش مدايرين محضر
وانت شوب حيرتينى اكتر واالله مش عارفه الحق

لكن ممكن ندير زى ماقلتى شوب نشوب كان تكلموا على االهدايا ممكن نخلى مبلغ هكى على جمب

شوب صح انا خديت من لاسنزا بيجاما ب 65 وقفطان نوم ومعاه كيلوت ب 50 لكن حلوين ولما سالتاها قاتلى كيف كملنا السيل المده الى فاتت
صح المحل يدوخ كان نلقى ناخدهم كلهم

معلش مافهمتش شن قصدك!!!!!!!!!!!!!!!و الله توا ابديت ما ننزل لاي محل كاتب تخفيضات لاني مرات هلبا نلقى في حاجات نازكة و رخيصة .
و الا شنو رايك انتي يا برايد

سامحينى دوخه الدهب هده معاش عرفت حتى نقرا شن مكتوب


سلام وصحيتوا

Shopalcoholic
22-03-2009, 04:22 PM
برايد سامحيني انا ,,, انا اللي دايخة و بديت حتى انلخبط في الكتيبة , عندك حق الجملة مش مفهومة اصلا ههههههههههههه:o

انا قصدي اني من عملة لاسينزا بديت ننزل لاي محل مكتوب عليه تخفيضات باش نشوف شنو عنده و نوفر شوية. و الله مرات نلقى في حاجات نازكة عالاخر و ناخد فيه برخص الثمن.

انت شريت بنفس السعر اللي شريت بيه , لكن تعرفي في التخفيضات البيجامات هادي كانت ب 35 و ارواب ب 25 و كيلوتات كانت ب 10 و كانو عنده اندروير ب 24 كان يبيع فيهم ب 40 . لكن معليشي اهو تعلمت من غلطتي و معادش عاودتها,,, لكن بعد ما فلسوني هههههه:cry:

المهم انت كان لقيتي محلات حلوة قوليلي لانك شادتيها طلوه اليومين هما ليه ليه ما شاء الله عليك .

أأاااااااااه على فكرة في محل فيلوات في شارع ابن بطوطة في حي الاندلس يبيع في ماركة Demitrious و الله عنده حاجات حلوة و جبتلك رقم تليفونهم كان تبي اتكلميهم و تستفسري و انشااء الله ربي يهنيك و تلقي عنده اللي يعجبك .

روح ,,, خودي حت انت الرقم و شوفي مرات يعجبوك شوفي عالويب سايت في هلبا كوليكشنز و نوعيات .

كاتي حتى انت عاد شوفيه و قولينا شنو رايك, و الله تعبناك معانا و احنا نافخيلك راسك بعمايلنا و دوخناك معانا يا قطيطيسة.

و هادي اللينك: http://www.demetriosbride.com/intl/index.php?page=locator
و انشاء الله يعجبكم.

نستنى في رايكم

سلااااااااااااااااااااام

Shopalcoholic
22-03-2009, 04:26 PM
بس على فكرة ديميتريوس فيلواته للبيع بس مش ايجار;)

صحيتوووووووووووووووووووو

سلااااااااااااام;)

bride2009
22-03-2009, 04:34 PM
هاى شوب

صحيتى لكن وين يجى المحل هدا بالظبط

لان السياحية كبيرة وانا مانعرفش وين ابن بطوطة

وشن انت مشيتيله وشن اسعاره

bride2009
22-03-2009, 04:45 PM
خلاص شوب صحيتى وانشاءالله المحل نحصل فيه


تقريبا لقيت من يعرف النعته توه استنونى غضوه نقوللكم شن صار معاى

توه مع السلامة

DaBDuBa
23-03-2009, 12:04 AM
اهلا بالعرايس ;)

... انى كنت متفرجة بس من بعيد ملاحظتوش وجود ضيف في الصحفة لوطة ديما :p

عندي أسألة مش سؤال بس يا ريت اساعدوني

بنسأل على نافورة الشوكلاتة اسمعت في السوسي وين هو؟؟؟؟

لو حد يعرف سعرها لو تقريبا وسمعت من يشكر حتى في مقبلاتة ؟؟؟ من دار عندة حاجة ؟؟؟ او سمع عليهم ؟؟؟؟

هافانا مرتين دقتة في مناسبة مره عجبني ومرة مش حلو ... عجبني مرة في مطعم

بس مش عارفة لو انوصيهم المطعم هدا ... المشكلة مش لابقة لانى مطعم مش طلبيات ...

فالو حد يعرف مكان ايديروا فيه حلو يعنى خلطة حلوة ... وهما ايجوا ايجبهولك للصالة ويخالطوه

داخل ؟؟؟ وبرضوا سعرة

الصالة مزااال لانى مزال محددناش امتى وكيف وعلاش ;):waw: بنسأل على اللبيب انى كيسانها تستعمليهم مرة وحدة صح؟؟؟

بس مشيتلاها وعلى ما حولت نتفكر كانو كيسان والا طواسي عادية زي الكايسان بس قصار هما يمشوا للرزاطة النوعية هدة... انسيت باللهي قولولي كيف كيسانهم او طواسيهم؟؟؟



طزل انى خاشة طلابات :o بس اكيد حتفهموا شعوري ... انى مش متلاخبطة بس:rolleyes:

24 ساعة انفكر كيف وامتى وعلاش ووين ؟؟؟

ربي يتمملكم على خير كلكم ويهنيكم

*روح خطيـبى*
23-03-2009, 12:51 AM
مساء الخير

شوب شفته السايت وحلللللوة قفاطينه لكن حسيتهم سيمبل عاللى فى بالى
كل حد وذوقه يعنى نحسه مايمشيش معانا احنى الليبيات وانى عن نفسى نحبه يكون فيه
شغل قووووى مش سيمبل ومنفوووخ ههههه

برايد قطوسه انتو شنى رايكم فيهم؟

*روح خطيـبى*
23-03-2009, 12:53 AM
اهلين بيك معانا اخت دبدوبه
ربى يتمملك على خير

للأسف اختى مانقدرش نفيدك بااى شى لاانى مقيمة خارج ليبيا

*روح خطيـبى*
23-03-2009, 12:55 AM
اخت دبدوبة تو اكيد تجى (حبيبتنا قطوستنا اللى تحب مساعدة الغير)
من كل قلبها تقولك على كل شى بالتفصيل جزاها ربى كل خير

MaDaM KATOOSA
23-03-2009, 09:43 AM
والله الى جيت نجرى اتقول سمعتكم اتنادوا سبحان الله نايضه بكرى على شانكم
تلقوا اجاباتى و نصايحى تحت سوالكم بالزبط



اهلا بالعرايس ;)

... انى كنت متفرجة بس من بعيد ملاحظتوش وجود ضيف في الصحفة لوطة ديما :p

عندي أسألة مش سؤال بس يا ريت اساعدوني
اتفضلى حبيبتى احنى خواتك واى شى نقدر انساعدك فيه مش حنتاخر
بنسأل على نافورة الشوكلاتة اسمعت في السوسي وين هو؟؟؟؟
فى بوسته السوسى جبيبتى هدا الى نعرف وين بالزبط مش فاهمه لكن تو نسالك انى انحس فيها مش مناسبه فى الحفله انى ديرتها فى السهريه الصغيره بس انى رفعتها امتاعى فى بريطانيا اسمعى ماتبيش امكان فيه صغار راهو بصراحه انى عندى اتحطى شكلأكه فى الحفله زى امتاع كرنفال اتكون بارزع و كبيره الحجم ونازكه على الاخر خير

لو حد يعرف سعرها لو تقريبا وسمعت من يشكر حتى في مقبلاتة ؟؟؟ من دار عندة حاجة ؟؟؟ او سمع عليهم ؟؟؟؟
اسعاره غلى حيس حجم النافوره فى الى 250 و 350 و 450 و الشوكلأطه البيضاء والكحله الى انتى تبيها و اتجيك مع فاكهه الموسم يعنى انتى و الحط هى حلأوتها بالفراوله فتخيلى هداك الوقت مافيش بيجيبولك تفاح او موز بصراحه مش جلو انى هدا علأش مانحبهاش فى الحفله مرات الفاكهه مش اوئ مقبلاته فى الى يشكر انى ما ضوقتهاش لكن غالى هلبه
هافانا مرتين دقتة في مناسبة مره عجبني ومرة مش حلو ... عجبني مرة في مطعم

بس مش عارفة لو انوصيهم المطعم هدا ... المشكلة مش لابقة لانى مطعم مش طلبيات ...

فالو حد يعرف مكان ايديروا فيه حلو يعنى خلطة حلوة ... وهما ايجوا ايجبهولك للصالة ويخالطوه

داخل ؟؟؟ وبرضوا سعرة
بالنسبه لهافانا نفس البنه هلبه مرات دوقته بصراحه حلوه والله احلى من الروزاطه و نوع من التغير بصراحه امتاع هافانا حلو و بصراحه هو حلو لما ايكون فيه عود الكوكتيل امتاع الفاكهه كعاش ندكر على ما اطن 300 كاس بالفاكهه كلفنى 550 دينار و وصلوهولى الى الصاله وجابو العاملين يصبوه ة عندهم حتى خدمات نساءيه
الصالة مزااال لانى مزال محددناش امتى وكيف وعلاش ;):waw: بنسأل على اللبيب انى كيسانها تستعمليهم مرة وحدة صح؟؟؟
اللبيب اتجنن انى ديرت فيها عرسى فى الصيف احلى صاله بصراحه لونهم ديكورهم الى على اخضر امتاسب لون الستيج امتاع العروس اتجنن و الخدمات روعه والمشرفات الى اتوصيهم عليه يديروه بالزبط
و صح الكيسان مره وحده بس تستعمليهم يا اما الروزاطه او العصير
بس مشيتلاها وعلى ما حولت نتفكر كانو كيسان والا طواسي عادية زي الكايسان بس قصار هما يمشوا للرزاطة النوعية هدة... انسيت باللهي قولولي كيف كيسانهم او طواسيهم؟؟؟
الكسيان امتاعات العصير مش الواطيات امتاع الروزاطه لأ كاس حبيبتى يناسب العصير



طزل انى خاشة طلابات :o بس اكيد حتفهموا شعوري ... انى مش متلاخبطة بس:rolleyes:

24 ساعة انفكر كيف وامتى وعلاش ووين ؟؟؟
مافيش اى مشكله اى شى اتفضلى انشاءالله افدتك

ربي يتمملكم على خير كلكم ويهنيكم


مساء الخير

شوب شفته السايت وحلللللوة قفاطينه لكن حسيتهم سيمبل عاللى فى بالى
كل حد وذوقه يعنى نحسه مايمشيش معانا احنى الليبيات وانى عن نفسى نحبه يكون فيه
شغل قووووى مش سيمبل ومنفوووخ ههههه

برايد قطوسه انتو شنى رايكم فيهم؟
والله ياروح كنت زيك انحس فى البسيط مايمشيش معانا صاحبتى توا عرسها فيلوها كان بسيط و نوعا ما ستريت و فيتان المحضر ستريت والله زى الأميره حير من المنفخ امتاع الشوشو


اخت دبدوبة تو اكيد تجى (حبيبتنا قطوستنا اللى تحب مساعدة الغير)
من كل قلبها تقولك على كل شى بالتفصيل جزاها ربى كل خير

تسلمى حبيبتى والله اخجلتينى

bride2009
23-03-2009, 10:05 AM
صباح الورد علييييييييييييييييييييييييييييكم

ماشاءالله الحق بنغير اسم موضوعى ((( ملتقى العرايس )))))

كاتى حتى انت معانا قعده عروسة جديدة:lol:

اهلين بيك دبدوبة نورتينا هنايا كلنا خوتك وانشاءالله نساعدوك وتساعدينا حتى انت;)

لو قصدك محل صديق السوسى ايه يجى فى ابوسته تقريبا اخر زاويه الدمانى صح فى الى يشكر فى مقبلاته معانا واحد اجنبى دار عيد ميلاد بنته خديه من غادى حاجت سناكس وتورته من عنده ورانا الصور شكلهم حلو لكن الطعم اله اعلم مادقتش منه قبل لكن انت امشى وشوفى ودوقى;)

هافانا حلو انى فى خطوبتى خديت منه وفالعرس انشاءالله ناويه منه
انت امشى اساليه المطعم هلبه مطاعم يديروا طلبيات اعراس

كيسان اللبيب والسرفيز بتاعها حلو وراقى

اسمعى حتى انى زيك متلخبة بس حاولى ترتبى افكارك
يوم بنطلع ندور فساتين عرس متلا ويوم بدالى ويوم كنادر وهكى تلقى روحك مكملة
وانشاءالله نكون افدتك

توه خليكوا معااااااااااااااااى :lol:

شوب وكاتى وروح ودبودبة حتى انت معنانا توه


امس خطمت على المحل الى قلتى عليه شوب بتاع فساتين الافراح

المحل كله بيع مايأجرش هدا اولا وستايل وموديل صناعه يعنى امريكى
تانيا ورتنى من الكتالوجات الى عنده
الكتالوجات القديمه 2007و 2008 موديلات قديمة هلبه
المهم الىعندها وجديد كتالوج 2009 الاسعار من 2000 الى فوق ولكهم مقاس واحد 42 بس والتعديلات هى تبعتك لخياطة على حسابك

الى عجبونى اتنين وبعدين قست التالت
عجبنى منهم واحد بس الحق عاديين مش بتاع عرس
حتى الى منفوخ مش مطرز هلبه
المهم بعد ماكملت سالتها بقداش قتلى 2500

توه كسعر بالنسبه ليا مدايرة ميزانيه 2000 بس لو كان عجبنى وخلاص كنت بناخده ماجتش على 500 دينار فرق لكن الحق عاااااادى

والمشكله انه من غير طرحة قاتلى موديلاتنا كلها من غير طرحة
والساتا جونة الى تنلبس تحت القفطان بش تنفخة
مش مع الفستان تتأجر 300 دينار

الصراحه هلبه عليه الحق اناى مانعطيشى حقه لو شفته ملبوس

وهدا الى صار معاى امس

ولنا عوده انشاءالله

bride2009
23-03-2009, 11:36 AM
دبدوبة

اهو سالتلك الى معانا الى دار عند السوسى مرة
الشركة اسمها الزاد
وانت جاية من طريق الشط تخشى على القبة السماوية اول شارع يمين وين جيهة ابوسته تلقيها فالركن اليسار

ونافورة الشوكلاته عنده 3 احجام 3 و 4 و 5 ادوار
واقلها 3 ادوار ب 260 دينار
وبفاكهه الموسم زى ماقتلك كاتى

وانا بس اكدتلك المعلومة

وسلام توه

DaBDuBa
23-03-2009, 12:55 PM
محلاهم كيف ردوا عليا بسرعة ;)

روح خطيبي ومدام قطوسة وبرايد بارك الله فيكم

روح خطيبي المهم مشاركتك في الرد;)

مدام كتوسة شكرا وضحتيلي معلومات... الهافانا وين درتية؟؟؟ المكان او رقم التلفون لو عندك بعد اذنك ;)

صح حلوة اللبيب بس مش عارفة انحصل حجز او لا.. لانى مزال محددناش العرس فان شاء الله خير ...
برايد صح غيرية خير زحمة ولت ههههههه

بجد بارك الله فيك جبتيلي عنوانة واللهي فرحتيني ووفرتي عليا 3 او 4 تليفونات باش انحصلة والله اعلم انحصلة والا لا بارك الله فيك ;)

انى دقتة في نادي الاولى واللهي يهبل احلى مرة انضوقة فيه ... لانى هو يبي طواسية فهدا وعلاش نسأل على طواسي الصالات

شكرا

bride2009
23-03-2009, 01:10 PM
لا شكر على واجب

انا الى نعرفه نقولهولك علاش بندس عليك

هافان عندى رقم المحل بس الكرت مش معاى توه
نشوفه ونكتبهولك لكن مكانه فقرقاش جمب كافيترية هارون

لكن معلش مافهمتش شن كتبتى
(((( برايد صح غيرية خير زحمة ولت ههههههه ؟؟؟؟

معلش ممكن انى مافهمتش:q:

روح وكاتى وينكم اليوم؟

DaBDuBa
23-03-2009, 01:16 PM
بارك الله فيك...

برايد على عنوان موضوع قولتي بتغيرية ملتقى العرايس فقتلك ايه غيرية لانى بدي زحمة بالعرايس ماشاء الله (;

ياريت تعطيني عنوانة ورقمة محل الي يدير في هافانا ...

واللهي تحشمت من لما خشيت وانى تعرفوا ووين وكيف نطلب بس .]

*روح خطيـبى*
23-03-2009, 04:21 PM
السلام عليكم

برايد صح ماشالله غيريه عنوانا لملتقى العرائس
ربى يتمملنا على خير يارب

اخت دبدوبة العفوووو

اختى شوب وينك اليوم ان شاءالله المانع خير ؟!

soso_h
23-03-2009, 07:37 PM
كيف حالكم يا بنات ومدامات المنتدى
انا الايام هذي نقرا في المواضيع اللي تعرضوا فيها وعجبتني هلبة والحق اللي عجبني اكثر هوا تعاونكم ومساعدتكم لبعض ، وهذا الموضوع اللي عارضينا يهم كل بنت على باب زواج ويساعدها في كل شي هيا بحاجة ليه
وانا نتمنالكم يا مدامات المنتدى كل الخير والسعادة في حياتكم وربي يجازيكم الخير على مساعدتكم لبعض وبالنسبة للبنات ربي يتمم عليكم بالخير ويهنيكم
وانا بصراحة نتمنى ننضم ليك وانكون وحدة منكم ، وان شاء تقبلوني وحدة معاكم.

MaDaM KATOOSA
23-03-2009, 09:26 PM
والمشكله انه من غير طرحة قاتلى موديلاتنا كلها من غير طرحة
والساتا جونة الى تنلبس تحت القفطان بش تنفخة
مش مع الفستان تتأجر 300 دينار

الصراحه هلبه عليه الحق اناى مانعطيشى حقه لو شفته ملبوس

وهدا الى صار معاى امس

ولنا عوده انشاءالله

شنو اخباركم يابنات ربى بعاونكم

برايد تكدب عليك الى قالتك ايجار الساتقونه تعرفى يبيعوا فيها ب 7 دينار انى شريتها والله تكدب عليك الا خياكه ادلك على اماكن يبيعوا فيها انى الخياطه شرتها ب 7 دينار


و هافانا فى جنب محل هارون و مادى للعطور

ربى يغاونكم

برايد الى قلتيلى عليه مش ناسباته

bride2009
24-03-2009, 09:44 AM
صباح الورد

اهلين بالحبايب ربى يزيد ويبارك

سوسو مرحبتين بيك وانت خلاص وليتى وحده مننا:p

كاى اهلا وسهلا
وعارفة انك مانسيتينيش;)

لكن بنقولك المحل ماكانش قصدها عالللى تنفش الفستان بروحه ب 300
كانت تتكلم حتى عالطرحة لانى لو بنشرى موديل الفستان من غير طرحة

لكن شفتهم مش حلوين وبعدين مامشوش عالموديل الى اخترته

روح خطيبى كيف حالك اليوم

شوووووووووووووووووووب وينك شكلك خديتى اجازة من الخدمة؟؟

نستنى فيكم
سلامات

Shopalcoholic
24-03-2009, 09:51 AM
صباح الورد للجميع ,,,

روح شكرا على سؤالك عليا ,, و بارك الله فيك, و الله انا اليومين هما عندي ضغط في الشغل شويا و ان شاء الله غدوة حنكمل اللي ضاغتني و انولي لنشاطي المعتادد ,, و الله انروح للحوش هلكانا و معانديش جواجي باش اندور عالمحلات لدالك ليا يومين ما نديريش في شي الا الخدمة ..

المهم ربي يحفظك و شكرا على سؤالك عليا مرة تانية ,, لكن انا مغادش عرفتش شنو اخر اانجازاتك العرايسية معادش شريتي شي , و لا حجزتي شي و لال شنو ؟ طمنينا على اخبار .

برايد , ربي يعاونك و الله الا هلبا انا ما كنتش نحساب انه ما عندهمش طرحات و الحاجات التانية,, انت زيدي دوري و شوفي و كان لقيتي محل قنين عاد انصحينا بيه ,, و ربي ايعاونك ان شاء الله,,,

كاتي ,, عجبتني فكرة النافورة لكن بما انك درتيها ف انت اتحسيها عملية ,, لان لما فكرت قلت ان الشكلاطة اكيد ح تبدا اتقطر و الا شنو رايك انت ادرى يا ريت اتقوليلي لاني حتى انا خاطري انديرها في حفلتي؟؟

دبدوبة ما شاء الله عليك عندك افكار حلوة و صايرلك زي بالزبط لاني حتى انا ضايعة و مش عارفة الموعد ,, لكن ربي ايهنيك و تعرفيه قريب ان شاء الله .
سوسو ,, اهلا و سهلا بيك و الله البنات و مدام قطوسا قلبهم كبير و انا وحدة من الناس اللي خشيت عليهم و رحبو بيا و اول مرة نشترك في منتدى بس ماشاء الله عليهم و الله ايفيدو فينا كلنا ,,

بارك الله فيكم كلكم و ربي ايهنيكم و يفرحم و يعطيكم ما تتمنوا..

سلام توا ,,;)

MaDaM KATOOSA
24-03-2009, 10:48 AM
برايد سامحينى نحساب غلى الستاكونه بس ربى يعاونك واتحصلى

شوب حبيبتى انى ديرتها فى السهريه لنفس السبب الى قولتيه انتى اتفطر و قولت كان فى شويه صغار يديرولوا حوسه فى الصاله و يبدو يتحركوا الى ديرتها انى جبتها بروحى من بريطانيا مش امتاع الشوشى لكن امتاع الصديق السوسى قالو يجوك بكرى بش الشكلأطه تجمد على الفاكهه على العموم غلاها هو كانت ب 250 و تو 260 ههههههههههههه شورا على خاطر الزيت ولى غالى لانه تعالوا انقولكم سر المهنه الشوكلأطه لو هى خاصه بالنافوره يبيعوا فيها فى مجلأت معينه فقط فى العالم ادوبيها و عادى بس لو شكلأطه تانيه زى جالكسى او غير لأزم اضيفيلها زيت او كريم سايل بش ما تتحجرش داخل النافوره الشكلأطه و ما تتجمدش هلبه ههههههههههههه خبره فيها انى فى حوشنا ديما
و هده صوره النافوره امتاع الصديق السوسى انى نقلتها من منتدى تانى و هده كانت المناسبه فى صاله السرايا و امتاع الشكلأطه البيضاء هده الى ب 250 طبعا على حسب معازيمك
http://up2.m5zn.com/photo/2009/3/24/01/nw3ic8de5.jpg/jpg (http://up2.m5zn.com)

bride2009
24-03-2009, 11:03 AM
وااااااااااااااااااااااااااااااااااااااااااااااااااااااااو كاتى

ياخبرة انت;)

الصورة حلوة
بس انى الصراحة مش حانديرها ومش مفكرة فيها ممكن فلوسها نحطهم فى حاجة تانية

بس كشكل وديكور روعة

شكرا ياكاتى ياذوق:good:

شن كاتى انت متأكده هده صالة السرايا الى فابوستة؟؟؟؟

شكلها حلو انا مشيتلها مرة حسيتها عادية ماعجبتنيش هلبة الصالة مقارنة بغيرها من الصالات!

لكن لو تعرفوا شن يضحك فالموضوع
انى المحضر حجزوا فيها :lol:

والله لما قلولنا فالسرايا قريب انفلقت على روحى من الضحك:lol:

قعدت نقول مش حلوة يعنى مقارنة باللبيب مشى حجزوا فيها
وبعدين سالنى شن رايك قتله

((((( الى تشوفه ياحبيبى:o ))))))):lol:

العين الحمرا بعدين يشوفها بعد العرس انشاءالله :devilsmil:lol:

يلا قلت هى حفلتهم اصلا ويوم ويفوت
سلام توه

Shopalcoholic
24-03-2009, 11:37 AM
براااااااااااااااااااااااااااااااااايد بالعكس تمامااااااااااااااااااااااااا ,,, حصلة و الله نخدم حتى من الحوش,,, شكرا و الله صحيتو يا بنات لانكم سالتو عليا ,, ربي يهنيكم ,,, و ما تقوليلنا جديدك؟؟

soso_h
24-03-2009, 11:53 AM
كيف حالكم يا بنات
ربي يعاونكم

برايد بالنسبة للشكلاطة زي ما قلتي هي الحق شكلها حلو هلبة لكن انا نحس فيها مش عملية اتحسيها تمشي مع مناسبة صغيرة اكثر من عرس .
ربي يعاونك ان شاء في الحاجات اللي لازماتك للعرس ، وربي يتمملك على خير ان شاء

MaDaM KATOOSA
24-03-2009, 12:29 PM
اهلين برايد
ايه هده صاله السرايا الى فى بوسته حبيبتى القابده فى الراحه انى حاضؤه فيها عرس وكانت قنسنه لانه جايبين الديكور من بره لكن حلوه المنشطه الى فيها اتغنى ادير فى جو حلو و مش فوضه و مش دوشه بس عيبها تفتح على الشارع الرئيسى انى مانحبش الصالات الى على الرائيس و حبيبتى اللبيبي ماتتقارنش باى صاله تانيه والى يقول غير هكى حسد هدا;)

ربى يهنيكم وانى مع انه نافوره الشكلأكه مناسبه لحفل بسيط وانى عندى شكلأطت كرنفال ارقى و انزك

*روح خطيـبى*
24-03-2009, 03:02 PM
السلام عليكم

اهلا اهلا اخت سوسو مرحبتين بيك

برايد حبيبتى انى الحمدلله كويسه

شوب ربى يعاونك يارب وهدا من واجبى نسأل عليك
عجبتنى كلمتك انجازاتى العرايسيه هههههه
الحمدلله قتلك حاجزة الصالة قورينا والمزينة سهى الحسناء وتطييب يوم النجمة
للغدا والعشا للعويله بس قبل ماتبدا النجمه
وبتاتى الحمدلله اغلبه كملته باقى اشياء بسيطه
وبنجيب معاى من اهنى الشكلاطة والمكسرات متاع البلاد اللى فيها توا يهبلووو


تعرفو يابنات كنت بنحجز فى صالة السرايا للنجمة هى حلوة يابرايد لمحضر
اهم شى الحفله ماتعدليش
صار بعد الزواج توريه العين الحمرا هههههههههه
عيب صالة السرايا للنجمه قالونا الساعه 12 بالزبط
يبدو يقولو اطلعو خلاص يعنى نفضو الصاله
قلنا لاااااااااا مش برنامج هى النجمة الساعه 12 تبدا فى عزها
ونصحونى خالاتى نديرو فى جنانا مع ديكورات وتكييف ومش حنعزمو هلبا
تقريبا 50 شخص ناسنا يوم النجمه وناسهم حنقوللهم مايجيبوش هلبا باش ماتقلبش الدنيا فوضى

bride2009
25-03-2009, 10:45 AM
صباح الخير بناااااااااااااااااااااات

شن اخباركم

كاتى وروح وشوب و دبدوبة وسوسو وكل الى معانا

منوريـــــــــــــــــــــــــــــــــــــــــــن:good:

بنقوللكم انى انشاءالله بنشرى سشوار ومكواة شعر الى يسموا فيها بلاسترة (( اكيد عارفينها ))

فمش عارفة من فيكم ماركة كويسة ووين يبيعوا فيهم
انى فى وحده قاتلى فى شارع ميزران هلبه محلات يبيعوا غاجى ب سالحق مامشيتش ولا ساومت اسعار الحق قلت انشاءالله نخطم يوم ونشوف

والمكواة اكيد فيه وحده احسن من وحده من ناحية تكون ديجيتال او فيها درجات حرارة
يعنى الى عنده فكرة بس

هو اكيد اصحاب المحلات يعرفوا لكن مرات غير يبوا يبيعوا بش يكسبوا مش يعطوك الحاجة الكويسه الى تبيها:|

شوب شن شريتى تانى لخطيبك
وفى حاجه مرة سألتكم تقريبا مارديتوش عليا

لو هما عطونى بش نشرى حاجاتى بروحى بعدين شن هما يجوا ياخدوها بش يحطوها فالقفه ولا احنى نبعتوهم
ولو انى شريت حاجات من عندى بفلوسى يعنى
شن حتى هى نعطيها بش يجيبوها فى القفه اولا مش عارفه الحق

ولو جابولى حاجات فالبيان زى بدلة صغيره ودهب حتى هى نعطيهالهم بسش يحطوها فالقفه تانى

دوختكم عارفه:rolleyes:

بس عارفه انكم حاتساعدونى




نستنى فيكم

soso_h
25-03-2009, 11:17 AM
صباح النور يا بنات

كيف حالكم اليوم

برايد بالنسبة للسشوار صح في شارع ميزران في هلبة محلات انتي بري شوفيهم وما تشريش من الاول شوفيهم كلهم وبعدين قارني والسيشوار انا نستعمل في واحد ماركة "ديور" والله كويسة هلبة وبالنسبة (للبالسترا) انا الحق ما عنديش منها لكن اللي نعرفه انه في نوع رخامي يقولو انه كويس لانه ما يأثرش على الشعر لكن انتي زيدي شوفي واسألي لانه اصحاب المحلات عندهم خبرة .

لو عطوك فلوس شريتي حاجات قبل العرس اتكلميهم يجو ياخدوهم عادي.

وربي يعاونك ويتمم عليك بالخير

MaDaM KATOOSA
25-03-2009, 11:58 AM
وفى حاجه مرة سألتكم تقريبا مارديتوش عليا

لو هما عطونى بش نشرى حاجاتى بروحى بعدين شن هما يجوا ياخدوها بش يحطوها فالقفه ولا احنى نبعتوهم
ولو انى شريت حاجات من عندى بفلوسى يعنى
شن حتى هى نعطيها بش يجيبوها فى القفه اولا مش عارفه الحق

ولو جابولى حاجات فالبيان زى بدلة صغيره ودهب حتى هى نعطيهالهم بسش يحطوها فالقفه تانى

دوختكم عارفه:rolleyes:

بس عارفه انكم حاتساعدونى
نستنى فيكم

صياح الخير
حبيبتى شوفى انتى تشرى الحاجات انى سلفتى عزوزتى رفعتلها السوابيت و سفر الفضه ودارتهم هى بس عادتا انتى تشرى و عيلت العريس يجو ياخدوهم انتى على شنو تتفقوا واى شى هما جابهولك يبوه حبيبتى بش يحطوه فى القفه بس حاجاتك انتى الى من فلوسكم ما تعطيهمش بس اى شى هما جابهولك فى البيان او الموسم لازم تعطيهولهم
لازم تتفقوا انتوا و ياهم

ربى يعاونكم والله منايباتنا يدوخوا

bride2009
25-03-2009, 12:32 PM
صحيتوااااااااااااااااا

شكرا سوسو وربى يهنيك حتى انت
كاتى فهمتك وفهمت شن قصدك كل الموضوع على مانتفقوا احنى معاهم

لكن تعرفى المدة هده انى مفكرة ومقرة انشاءالله بنكلمة خطيبى بنقوله قفتى نبى نشريها بروحى تقريبا بدوا 75 % من البنات يشروا قفتهم بروحهم

الصراحة منابيش الى صارلى فالبيان يصيرلى تانى
فلاول كنت متحشمة نكلمة الحق كل مانفكر انه الفلوس حرام ممكن قفه كامله مايلع منها شى جنين
وعلى قولة كاتى الكنة مايجيبولهاش حاجة كويسة غير يعبوا السوابيت وخلاص

فانا بنكلمة بنقوله نبى ناخد حاجتى بروحى

غير انشاءالله تجينى الشجاعه بس

ادعوووووووووووووووووووووووووووووووووووووووووولى;)

bride2009
25-03-2009, 12:43 PM
صحيتوااااااااااااااااا

شكرا سوسو وربى يهنيك حتى انت
كاتى فهمتك وفهمت شن قصدك كل الموضوع على مانتفقوا احنى معاهم

لكن تعرفى المدة هده انى مفكرة ومقرة انشاءالله بنكلمة خطيبى بنقوله قفتى نبى نشريها بروحى تقريبا بدوا 75 % من البنات يشروا قفتهم بروحهم
يعنى مانحساش حاجه عيب ولا شن رايكم المشكله انى مش متعوده عليه هلبه زى البنات المخطوبات الى واخدين عليهم هلبه

بس فنفس الوقت الصراحة منابيش الى صارلى فالبيان يصيرلى تانى
فلاول كنت متحشمة نكلمة بس كل مانفكر انه الفلوس حرام ممكن قفه كامله مايطلع منها شى جنين حرام الصراحة:mad:

وعلى قولة كاتى الكنة مايجيبولهاش حاجة كويسة غير يعبوا السوابيت وخلاص

فانا بنكلمة بنقوله نبى ناخد حاجتى بروحى بمعنى انه يعطينى فلوس نشرى بروحى غير انشاءالله يفهم من غير مانجبد موضوع الفلوس وكان مافهمش بنقوله نبى الفلووووووووووووووووووووووووووس:lol:

غير انشاءالله تجينى الشجاعه بس

ادعوووووووووووووووووووووووووووووووووووووووووولى;)

MaDaM KATOOSA
25-03-2009, 12:46 PM
حبيبتى مافيهاش عيب اتكلمىه بكل قوليله عادى والأ هاتى انى انقوللهم ههههههههههههههه;) والله صح والله صاحبتى قفتها اتحشم الدهب الكبي الشلأفطى لكن فى وجههم هما عيلت العريس ماتفكرى فى شى حتى صاحبتى قلنالها مش مشكله كله اتبيعيه واديرى خير منه فعلأ مشاءالله توا لكن انتى كان حصلتى انتى تشريها خيرلك

انى انقولك من توا قوليله:good:

bride2009
25-03-2009, 12:49 PM
معلش شكلى كنت نكتب بحماس انبعت مرتين ههههههههههههههههههههههههه

soso_h
25-03-2009, 01:55 PM
برايد صح اتشجعي وقوليله لانه مش عيب لان هما بيدفعو فلوس باش يشرو الحاجات
علاش ما تشريهمش انتي وتختاريهم لانهم حاجاتك وهما ليك في النهاية خير ما يشروهم هما وما يعجبوكش مش حرام هكي ، فعادي مش عيب قوليلهم .

وربي يعاونك

bride2009
25-03-2009, 02:05 PM
والله هدا الى بنديره انشاءالله

غير ادعولى

صحيتى كاتى وسوسو وكل البنات

روح وشوب وينكم اليوم

*روح خطيـبى*
25-03-2009, 03:29 PM
حبيبتى برايد لاااااااااااازم تتشجعى بجديات كونى شجاعة
تعالى عندى انعلمك نعطيك كورس فى الشجاعه هههههههههههههههه
انى حاجات بيانى شريتهم بروحى ماعدا الذهب
ان شاءالله ربى يهنيك يااارب

*روح خطيـبى*
25-03-2009, 03:34 PM
بالنسبة للمكوة السيراميك احسن نوع اختى مجربه براون متاع السيراميك
بس شعرى مش محتاجلها
بنشرى سشوار بس مازال ماقررتش من وين وشن ماركته المهمممم(( يكون قوته
1800-2000وات ))زى سشوارنا حاجه قويه رووووعه يسشور صح للشعر هو لونه احمر
وشفته فى كدا مزين ماتاخديشى اقل من هكى
وموفقه يارب

bride2009
25-03-2009, 04:50 PM
اهليييييييييييييييييييين روح

خلاص اهو جايه عندك وتى روحكبش نبدوا الكورس:lol:

ناقصتنى الجرأة الحق فهلبة مواضيع

صح السشوار لازم يكون قوى قصدى فوق من 2000 وات والسيراميك خاطرى فيها حتى هى
انشاءالله

كاتى والله شفت موضوعك ويهبل بس لقيته يبى نسكافيه وبال رايق بش نرد عليك بمزاج
انشاءالله غضوة نرتب روحى نمكيج ونلبس فستان سواريه بش نكون على سنجة عشرة:lol:

مش الموضوع على الاناقة والجمال;)


شوووووووووووووووب غاطسة شكلك!!!!!!!!!!!!!!!!

هى خلاص بنروح تصبحوا على خير

DaBDuBa
25-03-2009, 07:29 PM
اهلا بالحلوات ...

اهلا شوب كلك ذوق ...

برايد سكري عيونك وقوليلة ههههه عادي مش في التليفون ... ,(

بنات ومدام قطوسة باللهي عندي ممكن 10 أسئلة خلي نتفكرهم كلهم مع بعض وردوا عليا مرة وحدة لو سمحتوا ... لانى بعض منهم رادين عليهم بس قعدت نولي وندور عليهم ملقيتهمش او ممكن من التلخبيط معادش انشوف

بارك الله فيكم

Shopalcoholic
26-03-2009, 10:45 AM
صباح الورد على الصبايا كلهم,

أهلين روح , و برايد ان شاء الله حالكم باهي و الله اليوم كملت الششغل اللي كان واخدني منكم . و اليوم ان شاء الله بندا في الشوبينغ و التنسريف هههههههههه .

و الله المدة اللي فاتت هادي كلها حاسة روحي كا كنتش نعرف شي في البلاد و توا كان تسالوني عالتراكين و حواشي ليبيا بديت كلهم نعرفهم و انجاوبكم عميانيييييييييييييي...هههههه:p


برايدتنا ,, نبي انقولك حاجة انا خديت فير من المهاري من ماركة ConAir و بصراحة ماشي معاي مية مية ,, هوا مش النوعية الرقيقة لا تعرفي عريييييييض هلبااااو لما اتديري بيه يغنيك عالبوقيديني لان ه يعطي نفس النتيجة في مدة اقل .. انت بري ديري زيارة للمهري و شوفي و الله حتى مش غالي هلبا ممكن 45 ل 65 دينار اسمه Curling airon , و ان شاء الله يعجبك .

في جهة المواعين و انت ماشية ل جهت البلاستيك.

و بالنسبة للكلام في المواضيه هادي مع الخطيب و الله الا واعر و محرج بصراحة انا عارفة ان من حقنا انه نسالوهم بس و الله رزينة انا عندي نفس المشكلة ديما مترددة و متحشمة نتكلم في المواضيع هادي لا يقول مادي و و الله ربي يعلم اني لا ما دية و لا حاجة بس انحب نعرف راسي من رجليا و لكن نتحشم .

معناها حتى انا نبيلي كورس يا روح و يا كاتي ههههههه

دبدوبة و سوسو نورتونا بردودكم .

يا بنات خاطري اندير حاجة و نبي نسالكم على رايكم لان مترددة
انا خاطري نشري لخطيبي هدية مع هدايا العرس غريبة شوية هي مش غريبة لكن ممكن مش مناسبة للوضع لاكن انتو انصحوني . انا خاطري نشريله iphone مع هدايا العرس لاني عارفاته ح يستفيد منه هلبا , ف انتو قولولي شنو رايكم زعمة مناسب اني نهديه مع البيجاما و الماكينو متاع الحلاقة و الابدلو و الروائح و الا نشري حاجة تانية ؟؟؟ و كان نشري حاجة تانية شنو رايكم المفروض اتكون؟؟؟؟

صحيتو عالمساعدة .

سلام توا لكن انا قاعدة متابعتكم اليوم و نستنى في ردودكم .
;)

bride2009
26-03-2009, 11:41 AM
ً صباح الورد

كيف حالكم ؟؟؟؟؟؟؟؟؟

والله انا شن بنقوللكم توه نهاية الشهر الخدمه تتكدس عندى

فمعلش لو مرديتش عليكم اليومين اهما طول:cry:

شوب انت كملتى خدمه وانى كيف بنبده:devil:

توه نمشى نخطم عليه المهارى ليا هلبه عليه توه شادتها على سوق التلات مش بعيد علينا
توه نشوفه الفير مع ان السشوار نبى ناخده قبل لانه هو المهم
لكن ماميمنعش طالما انه مش غالى صحيتى

الحمد لله طلعت وحده زى حاسه انه صعب نتكلم فى الامور المادية مع الخطيب وخاصة لو مش متعودة عليه لكن اسكتى البنات امس عطونى جرعة تقوية;)

عادى لو بتشريله i phone
لو انت عارفه انه بيستعمله خوديه عادى نسمع انه فيه مزايا هلبه وحاجه جديده ولو هو يحب االحاجات هده خوديه حلوة منك:good:
وممكن تغلفيه وتخليه بروحه بش يبان;)


انا مفكرة انشاءالله فعيد ميلاده الى هو بعد العرس بشهرين نعطيه هدية موبايل او كاميرا ديجيتال

يعنى هما الرجاله يحبوا الحاجات اهما
احنى البنات ماكياج وبرفان ودهب;):lol:

سلام

MaDaM KATOOSA
26-03-2009, 11:43 AM
اهلين جبيباتى شنو اخباركم

حبيبتى شوب صار ليه ليه تجرى هههههههههههههه
اسمعى انى بنصصحك والله عالى ال iphone ابابا خداه لخوى الصيف الى فات قريب ب 1000 دينار بصراحه وانتى قى طرف عرس محتاجين حاجات اهم راهو انتوا فى بدايه حياتكم يابنات تو تتزوجوا و تعرفوا
اسمعى 1000 دينار امتاع التليفون حطى على جنب لانه بعد هرسك يتواتيك منسابات يعنى تبى مزينات و بتصبغى و بتقصى و مرات تبى اتنقى و شمعه و الله حرام الرجال كم منه انى ننصحك ماليشى داعى وانتى و راحتك

bride2009
26-03-2009, 12:03 PM
شوووووووووووووب

كان هو غالى يعنى فوق 600 حرام صح
انا حسبته سعره معقول يعنى

تعرفى انى خديتله ساعه فالبيان كاندينو ب 850 كلاسيك قلت تمشى معاه فمناسبة اجتماع او عرس

لتوه مالبسهاش ومرة سالتها قال ماهو كلاسك وساعته كاتيير عمليه وكبيره
يعنى شوفى 850 داسسهم فالدولاب

فانت وميزانيتك بس لو 1000 حرااااااااااام

DaBDuBa
26-03-2009, 01:58 PM
حلوة منك برايد 850 في الدولاب... واحد من الاسئلة الي كنت بنسألها لازم ناخدلة ساعة ؟؟؟ نبي راي جميع البنات يعني بندير تصويت ... متع وحدة مخاطرهاش تاخدها وقعدة اتلف ودور :devilsmil

شوب هوليك رأي متاخديش ... زيدي برفيوم ثاني وخلاص مرات يخطرلك حاجة جديدة بديريها يقعدولك اديري بيهم .. ياريت تتقبلي راي وانت وراحتك
عبد الصمد القرشي وين مكانة وشن تنصحوني اي عطر رجالي حلو ناخدة منة :q: واسعارة كم تقريبا؟؟؟

شكرا ... بارك الله فيكم

bride2009
26-03-2009, 02:46 PM
دبدبوبة

عبدالصمد القرشى فحى الاندلس جيهة كافتيريا هارون مقابل مكتبة صح

انا مانعرفش الاسعار لكن بنخطم عليه بش نشرى المسك

انت امشى وشوفى واكيد صاحب المحل حايساعدك

سلام

Shopalcoholic
26-03-2009, 02:57 PM
كاتي و برايد و دبدوبة , ايه و الله ليه ليه يا بنات و حاسة روحي مش حنلحق انكم و لا حاجة يا كاتي,,,,

انا خاطري نشريه لانه شايفاته مفيد ليه و حيستخدمه هلبا و حيساعده في خدمته , و السبب التاني ح نرتاح من التفكير في شنو بنشري تاني يعني نشريله ال iphone و نرتاح لكن الحق غالي و هو ما يغلا عليه شي لكن لو عندك اقتراح شنو نقدر نشريله بحقه ام حاجات تانية من غيره قولولي راهو دماغي خلااااااااااااااااااص من التفكير معادش عارفة شنو نشريله هدايا تانيات
,
سبحان الله تو احنا عندهم هلبا خيارات بش يشرولنا يعني ما يحيروش لو يبي يشري حاجة غالية قدامه لدهب و لو حاجة نازكة قدامه العطور و المكياج و اللبس و لو حاجة رومانسية و الله مرات الورد يسد و نفرح بيه قريب انطير . لكن هما الواحد معادش يعرف شنو ياخدلهم لان خياراتنا محدودة هلبا ,,, ساعدوني بالله عليكم و اقترحو عليا ..

دبدوبة اسعار عبد الصمد القري من 100 و الطالع لكن الحق حتى انا حايرة اما ريحة ناخله منه لاني منعرفهمش الروائح الرجالية الشرقية ,, لكن انا اكيدة ان شاء الله ان كاتي تعرفهم و حتساعدنا لو عندها فكرة عليهم ...

DaBDuBa
26-03-2009, 02:58 PM
بارك الله فيك برايد ... ان شاء الله حندير علية دورة

المهندسه/إيمان
26-03-2009, 03:05 PM
السلام عليكم

ربي يعاونكم ياعرايس .. ويهنيكم يارب ..

متابعة بصمت .. ومنكم نستفيد أكيد ,...

حلوه إنكم من نفس المنطقه وتعرفو المحلات وكل شي عجبتني هدرزتكم ..
ربي يهنيكم

سلامات

DaBDuBa
26-03-2009, 03:08 PM
شوب هوليك واللهي حاسة بشعورك قوليلي انت من جماعة الي يعضوا في شواربهم والا ينتفوا في ظوافرهم لما تبدي متوترة :p:cool: قولي الحق :devilsmil واللهي احرف منك متوترة

انى راي برفيومز وساعة وبدلة واكسسوارتها كاملة ... انى الي مش خاشلي راسي الروب والبيجاما :o مهضمتهاش منعرفش ليش

شوب ديري الي خاطرك فيه من داخلك ... لانى لو زيني كان حاجة فكرت فيها معناها نبيها لين نمشي ناخدها ... ومرات انقول هي عادي مش لازم بعدين نندم فالو عارفة بتندمي بري خودي لانى عندي منه الشعور هذا ;)

وصحيتي على المعلومة ... ان شاء الله تو نمشي اندير علية دورة ونشوف

وينها قطوستنا الحلوة ... اكيد حتجي تنقدني بارك الله فيها ;)

bride2009
26-03-2009, 03:51 PM
اهلا اهلا

المهندسة ايمان نورتنا

ماتابعيش بصمت شاركينا حتى رأيك يهمنا اكيد:good:

دبدوبة لا شكر على واجب انا الى نعرفه قلتهولك بس;)

شوب تعرفى انت هكى توترى فيا معاك انت ودبدوبة وينك ياكااااااااااااااااااااااااتى تعالى عندنا زوز اعصابهم فالته منهم:lol:

روح وينك اسمعى انى بروحى وممكن يعدونى:lol:

شوفى شوب انت سألتى سؤال واحنى عطيناك رأينا من حيث انك تاخدى اكتر من رأى لكن فى الاخير ديرى الى تشوفيه يرضيك فالنهاية انت عارفة الوضع عندك اكتر منا

لكن انت كملى الاساسيات بدلة رسمية وبارفان وسيت حلاقة وسورية وكرافت وبيجاما وروب وشبشب حلو وكندرة ومش عارفه شن استنى خلى ندكر مممممم اه وساعة شيك وممكن تاخديلة سوارى انا خديتله كل الى كتبته وزدت عليه بدلة عربيه كاملة وزوز كنادر وزوز شباشب وروب وبيجاما وبدلة رسمية وسيت حلاقة وبرفان وافتر شيف ومش عارفه كان نشيت لكن توه
لما نروح نشوف الصور ماهو صورت السباتات قبل مانرفعه ونقولك بالظبط كان نسيت حاجه;)

سلام

MaDaM KATOOSA
26-03-2009, 05:29 PM
حلوة منك برايد 850 في الدولاب... واحد من الاسئلة الي كنت بنسألها لازم ناخدلة ساعة ؟؟؟ نبي راي جميع البنات يعني بندير تصويت ... متع وحدة مخاطرهاش تاخدها وقعدة اتلف ودور :devilsmil

شوب هوليك رأي متاخديش ... زيدي برفيوم ثاني وخلاص مرات يخطرلك حاجة جديدة بديريها يقعدولك اديري بيهم .. ياريت تتقبلي راي وانت وراحتك
عبد الصمد القرشي وين مكانة وشن تنصحوني اي عطر رجالي حلو ناخدة منة :q: واسعارة كم تقريبا؟؟؟

شكرا ... بارك الله فيكم

شنو اخبارك حبيبتى ايه الساعه ضروريه خودى حاجه حلوه اسمعى هو انى انقولك حاجه مافيش ولا حاجه ضروريه غير انعقدوا فى الامور الهدايه والله دوه فاضيه الفايده فى الراحه بعدين حبيبتى على امكانياتك والله انى راجلى اعطانى حديده بخاطمها اهو ليا 7 شهور متزوجه والله مالبستها تى شوفو الصرف الزايد اسمعوا راهو عادات اجديده ابدينا احنى نبتكروا فيها كانوا زمان يشروا فى بدله بكندرتها و معها ريحه بس تو كتر و ختر
و عبدالصمد زى ماقالوا البنات صح فى جنب هارون و هاقانا امتاع العصير


كاتي و برايد و دبدوبة , ايه و الله ليه ليه يا بنات و حاسة روحي مش حنلحق انكم و لا حاجة يا كاتي,,,,

انا خاطري نشريه لانه شايفاته مفيد ليه و حيستخدمه هلبا و حيساعده في خدمته , و السبب التاني ح نرتاح من التفكير في شنو بنشري تاني يعني نشريله ال iphone و نرتاح لكن الحق غالي و هو ما يغلا عليه شي لكن لو عندك اقتراح شنو نقدر نشريله بحقه ام حاجات تانية من غيره قولولي راهو دماغي خلااااااااااااااااااص من التفكير معادش عارفة شنو نشريله هدايا تانيات
,
سبحان الله تو احنا عندهم هلبا خيارات بش يشرولنا يعني ما يحيروش لو يبي يشري حاجة غالية قدامه لدهب و لو حاجة نازكة قدامه العطور و المكياج و اللبس و لو حاجة رومانسية و الله مرات الورد يسد و نفرح بيه قريب انطير . لكن هما الواحد معادش يعرف شنو ياخدلهم لان خياراتنا محدودة هلبا ,,, ساعدوني بالله عليكم و اقترحو عليا ..

دبدوبة اسعار عبد الصمد القري من 100 و الطالع لكن الحق حتى انا حايرة اما ريحة ناخله منه لاني منعرفهمش الروائح الرجالية الشرقية ,, لكن انا اكيدة ان شاء الله ان كاتي تعرفهم و حتساعدنا لو عندها فكرة عليهم ...

حبيبتى العطور الشرقيه الرجاليه مانفهمش فيها بس عندك ارمانى كود حاجه روعه و عندك هيبنوس الرجاليه من لانكوم ة عندك هكالفن كلاين اسمها من و عند 212 سكسى من كارولاينا هوراره و حتى شانيل الرجاليه فى منهم حلوت راهو العطور الشرقيه صعب شويه لانها قويه

DaBDuBa
26-03-2009, 11:19 PM
الحمد لله بخير قطوسة كيف حالك انت واخبارك؟؟؟

مش عارفة بنمشي انشوفهم العطور الشرقية لكن معناها بنمشي مرة و2 و10 لانى نوعي في الحاجات متع المخاطرة منشريش من الاول مستحيل ...

شوب وينك؟؟؟ انقولك بري انت شوفي وقوليلي عالحلوات هههههههههه

برايد هلا هلا اخبارك؟؟ ايه تعرفي منحكيلكش عالتوتر الي انى فيه في حالة .. اقسم باللهي شواربي كملتهم واني نعظ فيهم مايجي العرس لين نمشية من غير شوارب مسكين ههههههههههه

وانت شن صار فيك وشن درتي ومدرتيش

انى انحس كان يحددوا العرس اريح ونعرف شن اندير وين وكيف وامتى ادعولي بس

*روح خطيـبى*
26-03-2009, 11:48 PM
مساء الخيرااات ياأحلى بنات
كيف حالكم
الحمدلله عالسلامة ياشوب
وربى يعاونك يابرايد
دبدوبه علاش كل هالتوتر بالعكس احنى توا نعيشو احلى ايامنا
خليها على ربى وتوكلى عليه
انى حاسه بيك حتى انى قبل مايتحدد عرسى كنت قلقانه لكن مش لدرجتك !
ارحمى شواربك شويه حرام عليك ههههههه
تعرفى انى درت حاله باش حدد موعد العرس كان تبىتعرفى كيف تعالى حتى انتى
مع وخياتى برايد وشوب باش نعطيك كورس بس انتى ليك كورس بروووحك ههههههههههههههه

soso_h
27-03-2009, 12:44 AM
السلام عليكم

كيف حالكم يابنات كلكم ان شاء الله بخير

برايد و روحي خطيبي ودبدوية ربي يعاونكم وهنيكم ويتمم عليكم على خير ان شاء الله

وبالنسبة ليك يا دبدوبة ما تسحنيش روحك هكي غلط مش للدرجة هذي والله كل شي يجي ويكل شي يصير
انت توكلي على ربي ورتبي امورك وبالشوية بالشوية كل شي يصير.
وبالنسبة للعطور الشرقية انا انحس فيهم الرجالة مش زينا احني ما يحبوهمش هلبة وانتي زيدي شوفي وكان لقيتي وحدة عجباتك هلبة خوديها لكن ما تاخديش اكثر من وحدة خليجية لانه والله الرجالة في هلبة عطور حلوة ليهم ، وان شاء الله تلقي اللي تبيه وربي يعاونك .

واختي روح خطيبي بالنسبة لل iphone والله هوا حلوة هلبة الحق وفيه مميزات حلوة هلبة لكن والله غالي هلبة بالذات ال 3G اللي نازل جديد ، لكن زي ما قلتلك هوا غالي الحق وانتي زيدي شوفي لانك انتي تعرفي لو هوا حيستفيد بيه هلبة وتعرفيه يحتاجه ممكن تاخديهولك لو لقيتي نفسك ميزانيتك تسمح لانك والله وراك هلبة حاجات ، وربي يعاونك ويهنيك ان شاء الله

هي سلام توا يا بنات
وان شاء الله نسمع عليكم كل الخير

DaBDuBa
27-03-2009, 01:22 PM
ارحمى شواربك شويه حرام عليك ههههههه
تعرفى انى درت حاله باش حدد موعد العرس كان تبىتعرفى كيف تعالى حتى انتى
مع وخياتى برايد وشوب باش نعطيك كورس بس انتى ليك كورس بروووحك ههههههههههههههه


اهلا بالي اعصابها في في فريز ما شاء الله ترا الطريقة لو سمحتي ;)

لا بنجي اكيد ... وانتنسف كورس معاها 4 ساعات في اليوم :p

المشكلة هو شرحلي الاسباب ليش مزال ميقدرش يحدد العرس وعارفة وكلها اسباب واقعية فهذا الي يلخبطك شوية :rolleyes:

DaBDuBa
27-03-2009, 01:28 PM
السلام عليكم


برايد و روحي خطيبي ودبدوية ربي يعاونكم وهنيكم ويتمم عليكم على خير ان شاء الله

وبالنسبة ليك يا دبدوبة ما تسحنيش روحك هكي غلط مش للدرجة هذي والله كل شي يجي ويكل شي يصير
انت توكلي على ربي ورتبي امورك وبالشوية بالشوية كل شي يصير.
وبالنسبة للعطور الشرقية انا انحس فيهم الرجالة مش زينا احني ما يحبوهمش هلبة وانتي زيدي شوفي وكان لقيتي وحدة عجباتك هلبة خوديها لكن ما تاخديش اكثر من وحدة خليجية لانه والله الرجالة في هلبة عطور حلوة ليهم ، وان شاء الله تلقي اللي تبيه وربي يعاونك .


وعليكم السلام ورحمة الله وبركاتة

اهلين سوسو ... واللهي الي صاير انى ان شاء الله اول عرس في حوشنا ومعنديش خوت كبار يعني لا بنات ولا ولاد بعدين معادش تلقي حد يقفلك زي ما تبي في المناسبة متع كان متوتيش بروحك وترتبي من الاول بروحك وتفكري في كل شئ ميصير شئ

واللهي تو انشوفهم العطور بارك الله فيك

عموما شوب هيا الي بتاخد iphone مش روح خطيبي ;)

*روح خطيـبى*
27-03-2009, 08:02 PM
المهندسه ايمان ربى يسعدك ويهنيك ياارب وخشى معانا فى الهدرزة
دبدوبة مادامه شرحلك ظروفه ووضعه خلاص ماتقدرى اديرى شى
غير انك تدعى ربى يسهلك الامور وييسرلكم زواجكم
على فكرة حتى انى اول عرس فى حوشنا وعادى اعصابى فى الفريزر هههههه
عجبتنى منك
اختى سوسو شكرا عالدعوات الحلوة وبارك الله فيك بس ماعرفتيناش عليك
حضرتك متزوجة ولا بنيه؟ حب فضووول

bride2009
28-03-2009, 10:53 AM
صباح الخير يابنااااااااااااااااااااااااااااااااااااااااااااااات:)

انشاء الله كانت عطلة اسبوع مريحة ومن غير شد اعصاب:lol:

اسمعوا من ناحية التوتر صح موجود واكيد كل البنات تمر بمرحلة التوتر وحتى الماكلة مرات ماتقدريش تاكلى انا عن نفسى والله ضعفت هلبه نزلت قريب 6 كيلو لتوه:cry:

ونحس فيه كان البنت ماتتوترش قبل عرسها معناها مش طبيعية حتى لو كل شى 100%
لكن ماتوصلش لعض الشوارب:lol: اسمعى فى حاجه زى الكورة المطاطية تضغطى عليها بالايد تسحب التوتر خوديها ارخمى شواربك يابنت:lol:

حتى انى اول عرس فحوشنا وانا الكبيره وماعنديش خوت ولاد وكل شى عابيين عليا فيه:rolleyes:

بس متوكلة على الله انشاءالله

وربى يسهل

كاتى وينك احكيلنا على ايامات تحضيرك للعرس من لما حددتوا الموعد وهكى اهو انت خبرة اكتر منا ;)

سلام توه

*روح خطيـبى*
28-03-2009, 01:36 PM
هلاااااااااا ببرايد الحلوة
ليييييييييك وحشه
الحمدلله العطلة كانت مريحة ومن غير شد اعصاااااب
برايد اهو انى مش متوترة معناها انى مش طبيعية !!!!!!!!ههههه
مع انّى نخمم حتى انى ضعفت كل اللى يشوفنى يقولولى ضعفتى معش تنزلى
اكتر ماما قتلى اماله قبل العرس كيف حتصيرى كان كل شوى بتضعفى !!!!
خلوها على ربى وربى ييسرلنا ان شاءالله

bride2009
28-03-2009, 04:18 PM
اهلين روح
والله حتى انت ليك وحشةةةةةةةةةةةةةةةةةةةةةةةةةةةةةةةةةةة

تعرفى زيى بالظبط الى يشوفنى يقولى خيرك ضعفتى هلبه
تعرفى حتى اللبس معاش عرفت مقاسى بالظبط كيف

لكن قالوا والله اعلم بعد العرس العروسة تسمن;)

انشاااااااااااااااااااااااء الله

تعرفى اليوم نوووووووو بره قريب 30 درجة الحرارة لكن باهى المكتب مكيف تعرفى خايفة نولى عبيدة قبل العرس

كان من توه شهر 4 وهكى اماله 6 و 7 كيف:eek:

ربى يستر علينا
وخليها على الله

مع السلامة نشوفكم بكرة

فسفوسة
28-03-2009, 04:50 PM
لكن قالوا والله اعلم بعد العرس العروسة تسمن

انى وحدة من الناس اللى ماطبقتش معاها

المقولة هذه

بالعكس انى زدت ضعفت


كان من توه شهر 4 وهكى اماله 6 و 7 كيف

خلوها على ربى واعرفوا ان اهم حاجة العروسة علي نيتها صفوها

وباذن الله حتطلعوا زى القمر

ربى يهنيكم ان شاء الله

MaDaM KATOOSA
28-03-2009, 07:34 PM
يابنات ربى يعاونك واالله صح الواجد يقعد يخمم

بالنسبه لماقولت السمن والضعف انى شخصيا سمنت قبل عرسى و توا ضعفت شورا حبوب منع الحمل يضعفوا:D

استمتعوا بيهم الايامات و صح بالنسبه للعرسهم مزال ماتحددش مشكله اسمعوا يابنات راهو العروسه هى الى اتحدد موعد عرسها او اليوم لانه على حجوزاتها ماتخلوهمش يزلبحوكم;)

و ربى يعاونكم وانى بنزل موضوع;) فى معلومه اليوم سمعتها للعروس

soso_h
29-03-2009, 08:49 AM
صباح النور
كيف حالكم يا بنات وشن اخباركم

شن جو العطلة معاكم ، وربي يعاونكم ان شاء الله كلكم

واختي روح خطيبي انا بنت مش متزوجة و عادي اسالي على اي شي، وربي يعاونك ويهنيك ان شاء الله.

باي توا

Shopalcoholic
29-03-2009, 09:28 AM
صباح الورد و الفل يا بنات ,,, كاتي و برايد و دبدوبة و روح و سوسو و المهندسة ايمان و البنات كلكم و الله صحييييييييييييييييييييييييييييتو على ردودكم اللي تهبل .

بالنسبة للتوتر انا و الله متوترة لكن مش هلبا ممكن لاني قاعدة ما نعرفش موعد العرس و خايفة اني ما نحصلش اللي نبيه ,, خاصة بعد يوم امس بصراحة توترت هلبا و عصبت و وجعني خاطري عالاااااااااااااااخر لاني قلت خليني نمشي اندير طلة على صالة اللبيب و انا خاطري فيها ,,, و هنا كانت الصدمةةةةةةةةةةةةةةةةةةةةةةةةةةةةةة:eek: قالولي اني ما نقدرش نحجز الشهور اللي قبل رمضان لانهم محجوزات كلهم ,, يعني من السبت للجمعة من الشهور اللقبل رمضان محجوزات كللللللللللللللللللهم :(. تعرفو حاسة روحي متحطمة و مش ح نلقى و لا حاجة نبيها مدام هكي بدايتها .

و هدا اللي صار معاي ,, انا اليوم حزينة و حالة مش ولابد عالاااااااااااااخر,,

المهم ربي يعاونكم كلكم و يسخرلكم في اي شي تبوه , و ادعولي اني نلقى صالة تانية تكون فخمة زي جو اللبيب , بالله كان تعرفو وحدات تانيات قولولي لاني معادش عارفة وين نمشي و الا شنو نحجز كان حددلي الموعد.

و بارك الله فيكم مقدما .

bride2009
29-03-2009, 09:46 AM
صباااااااااااح الفل

هونيها شوب بالشوية عليك
شوفى مش مشكلة ابدا والله ماتعرفى انت الصاله الى بتديرى فيها من نصيبك من الاول يعنى اكيد حاتحصلى وحده احلى منها انشاءالله:good:

فيه اكيد اكتر من صاله حلوة شوفى قورينا حتى هى حلوة وفخمة وطالما اللبيب الحجز متعاها اتسكر انسيها وماتقعديش كل ماتشوفى صاله تقارنيها باللبيب حاولى تطلعيها من راسك

هكى خليكى متفائلة انشاءالله

متعودين عليك ناشة وماتأترش فيك الحاجات هده

وبعدين انت مازال موعدك ماتحددش يعنى ماتسحنيش روحك اكيد حاتحصلى الى تبيه :cool:

وانت تكلمى مع خطيبك احتمال كم فى الميه العرس يكون قبل رمضان 50% او اقل لو اقل امشى احجزى فاللبيب طالما بعد رمضان اوكى وممكن بعدين تمدى المده زى ماتبى المهم تكونى دافعه عربون
لو قالك احتمال كبير قبل رمضان خلاص انسى اللبيب وشفى الصالات هلبه فطرابلس مش عارفه يشكروا فالنواعم بس الحق عمرى مامشيتلها
انا الى تعجبنى بعد اللبيب قورينا وليلتى وانت احجزى زى ماقتلك وادفعى عربون وبعدين مدى المده لما تحددوا التاريخ

شوفى انت فالشغل توه وحتى انى فبايخه يبان عليك انك زعلانه انسى

وانشاءالله ربى يعطيك على نيتك:)

مع السلامة توه

bride2009
29-03-2009, 09:53 AM
نرحب بفسفوسة فى حارتنا;)

نورتينا صار انت ضعفتى بعد العرس وحتى انت ياكاتى:eek:

والله مشكلة انا عابية نسمن ههههههههههههههههه

تعرفوا درج عندى معبى كله بسكويت وشيبس وشكولاته ومربى وزبده (( للفطور )):lol:

وكل الى يبى حاجه يجينى لكن ماسمنتش بالعكس ضعفت من لما بديت نطلع ونشرى

مع انى كله بالسيارة :rolleyes:

شكلى نحرق دهون هلبه ومش عارفه صح او غلط مرة سمعت حتى الخدمه عالكمبيوتر هلبه فوق 9 ساعات يوميا تسحب فالطاقه !!!!

والله اعلم

المهندسه/إيمان
29-03-2009, 10:13 AM
السلام عليكم




المهندسة ايمان نورتنا

ماتابعيش بصمت شاركينا حتى رأيك يهمنا اكيد



المكان منور بأهله
ماعندي شنو نقول .. مانفهمش هلبه في الاشياء هذه ماعندي حد قبلي تزوج ولاحتى أقارب يعني مانشارك فيهم في الاشياء هذه .. أولا ..

ثانيا نحنا في صبراته تختلف عاداتنا عليكم .. يعني نحس فيكم برامجكم مكلفه هلبه . ومعقده ..


المهندسه ايمان ربى يسعدك ويهنيك ياارب وخشى معانا فى الهدرزة


تسلمي ياروح على الكلام الطيب .. الله يسمع منك ..

ربي يهنكم كلكم ..

آهو نتعلم منكم نسمع وخلاص .. لمانوصل للمرحله هذه نستعين بيكم بعدين ..

سلامات