المساعد الشخصي الرقمي

مشاهدة النسخة كاملة : مساعدة منكم للعرايس المقبلات على الزواج



الصفحات : 1 2 [3] 4

MaDaM KATOOSA
04-06-2009, 09:36 AM
السلأم عليكم

ارنوبه ربى يهنيك حبيبتى و صدقينى بعد ما تتزوجى كله يوليك خير راهو و لو زوجك عنده والله مش حيخل عليك و ياخدلك احلى دهب و احجار و الماس

اليوجن حبيبتى لو اختك بشرتها دهنيه ننصحها بى استى لودر دبل وير (estee lauder dobule wear ) حاجه روعه و ماتحتاجيش معها بودره مضغوطه لأنها اتنين فى واحد بس لو تبى اتزيدى عليها عادى انى نستعمل فى بودره سايبه الحق من شانيل او جيفنشى و اهو صورهم

الاساس

http://img34.imageshack.us/img34/7521/41089850300x30000esteel.jpg

بودر شانيل السايبه عندى منها وحده باللمعه للمناسبات
http://img34.imageshack.us/img34/3738/powderchanel.jpg

و هده من جيفنشى هده اتجنن احلى بودره لأنها مش سامطه لون واحد و فيها لمعه حلوه روعه جدا و في منها هلبه الوان مش لون هدا بس درجات انى الى عندى مزال افتح شويه من الى فى الصوره
http://img34.imageshack.us/img34/4688/givanlim.jpg

انشاءالله افدتك حبيبتى

و بالنسبه للفضانيه يديرو فيها لرجاله اهل العريس و العروس فى حوش العروس قبل البيان بيش بتفقوا على الشروط و الموخر و ما شابه دالك;)

MaDaM KATOOSA
04-06-2009, 09:42 AM
شن الجو ارنوبة وشن اخبارك باهي قوليلي عليه وين النحل خليني نمشي نشوف
وبالنسبة للشري معاش شريت شي وبعد ماقريت كلام مدام كاتي شكلي معاش بنشري شئ بكل حتى الخريصات متع الفيلو مناخدهم اكسسوار وخلاص مش واخدتهم ذهب خليني نراعي الظروف واني اصلا معتمدة على مرتبي وحتى شهر العسل مش امديرة اصلا خطيبي بيمشي يقرا في بريطانيا وبالنسبة للعراس مش لازم نمشي للمزين اندير بروحي ماكياج خفيف وخلاص ويلي بعلق عليا يحمل دنوبي وخلاص حتى الماكياج فساد فلوس ووسخ تحطيه على الوجه,,,,,, احسن ماقلتي مدام كاتي توا هكي زدتي شجعتيني اني موضوع الظلال مش عاجبني بكل نحب عيوني على طبيعتهم وهما اصلا حلوات حتى من غير كحل او ظل وربي يهدينا جميعا

لأ لأ حبيبتى احنى ماقلناش ما تشريش لأ حبيبتى ديرى الأساسيات و خودى طاقم دهب نازك انى هكى ديرت خديت طاقم نازك ز تعليقه بس ليش انكدس فيه وانى فى بريطانيا الحق لألأ تو لما نمشى ناخد حاجه قنينه تانيه و لو صادفاتك مناسبه عادى حبيبتى امشى لمزين انتى عريسه و اتبانى اسمعى و عادتا العروس لما تمشى للمناسبه بعد ما تتزوج يدخلوها بالتدريجه يعنى العيون كلهم عليك لو مشيتى فى النجمه او اى مناسبه امدايرين زمزامات يدخلوك بزفه الربايبى حلوه الحق

انى لما قلت كلأمى قصدى فى وحده كتبت قالت بناخد تلأت او اربع دبل تو حتى بالعقل هدا مش كلأم و تاخدوا لبس غير بش اتعبوا الشناطى اديروا جو امتاع 10 و 12 شناطى ماصارش هدا قبل قصدى هكى من وجهت نطرى الحق

perfectbride
04-06-2009, 10:08 AM
صباخ الخير مدام كاتي انت موجودة منورة
وباهي هادي كريمة الاساس تمشي مع البشرة الجافة وعلى فكرة اني بشرتي بيضة هلبة اي رقم يمش معاي

MaDaM KATOOSA
04-06-2009, 12:09 PM
السلام عليكم

بيرفكت حبيبتى الكريمه هده مناسبه لجميع انواع البشرات و هى روعه انى لما كنت مندوبه تجميل لاستى لودر لما انمكيجوا العارضات فى عرض حتى الى بشرتها جافه نستعملوا فيها بس انخلطوا مع الأساس شويه من حاجه من استى لودر اسنها سبوت لايت و هده صورتها
http://www.esteelauder.co.uk/images/product_images/tall/EL_1GY0_tall_po.jpg

هدا حلوه الكريمه لأنها تعطى حتى لمعه يا اما انخلطوا شويه مع الفاونديشن او انحطوا على الوجه قبل السبوت لايت هدا و على فكره السبوت لايت يناسب حتى البشرات التانيه مش شرط الجافه بس

انى ننصحك بيها لأنها حتى لما تلبسى ابيض و فيها متلأ رقبه اللبسه الابيض مش حيتلبس و تقعد على البشره اكتر من 12 ساعه

انشاءالله انكون افدتك و اى شى اتفضلى

MaDaM KATOOSA
04-06-2009, 12:14 PM
و فيها هلبه الوان حبيبتى عندهم 18 درجه لون انى شخصيا بيضاء هلبه هلبه و الماركه الوحيده الى هنا فى بريطانيا القيت فيها درجه اتناسب بشرتى لأنه هنا الأجانب يحبوا يسمروا فالافاتح مايبيعوش فيه هلبه بس درجات الأستى لودر

6 ارقام و كل رقم فيها تلأت درجات الى هى c هده للبشره الى زى الأجانب البيضاء هلبه و فيها الوردى و درجه N الى هى نيوترل الى بشرتهم نوعا ما صفراء و درجه W هده للبشره البيضاء هده اتناسب العرب لأنها مش بيضاء امورده لألأ فيها الدفى شويه

انى الى نستعمل فيها رقمها 1C1 و اسم اللون SHELL

اسئلو عليها فى ليبيا وانشاءالله اتحصلوها فى ليبيا

perfectbride
04-06-2009, 02:20 PM
صحيتي حبيبتي مدام كاتي توا اني نتلخبطت ؟؟؟؟؟؟؟؟؟ باهي هادي مش نفسها الي قلتي عليها للاخت اليوجن معانا اني ناخد هادي ونشوف الدرجة للون الي يناسبني حتى اني بيوضيتي هلبة معناها ناخد لون اغمق من لون بشرتي وناخد معاها وحدة من البودرات الي عارضيهم فوق وحتى هلى درجة اغمق ولا ؟؟؟؟؟؟؟؟ سامحيني نحس في روحي كثرت ماهو قتلك اني الماكياج مانستعملش فيه

perfectbride
04-06-2009, 02:24 PM
وبنطلب منك مساعدة مدام كاتي الظلال مش واخدة اني بناخد ارواج وخلاص وقلمات عيون وقلوسات

ممكن تقوليلي احسن نوعية في الماسكرا لطول الرموش وتعطيهم منظر كأنهم معبيات وكذلك الارواج احسن ماركة وكم ناخد روج والالوان المستعملة في بلادنا

MaDaM KATOOSA
04-06-2009, 02:41 PM
السلأم عليكم

اهلين اختى بيرفكت

انى مافهمتش علأش تبى تاخدى اساس ادكن من بشرتك؟ خودى البودره و الاساس زى لون بشرتك لأ ادكن لأ افتح و جو امتاع افتح بدرجتين و اغمق بدرجه و مش عارف شنو زى لون بشرتك و الى اتناسبك

الأ فى حاله تبى مره مره اديرى على برونز عادى خودى على ادكن

بالنسبه للاطلأل لازم تاخدى حبيبتى كيف مش بتصادفك مناسبت و متلأ بتصدرى الصدره تبى مكياج بارز

الماسكرا انى انحب برضوا ماسكؤا من استى لودر ايمها ماكنيسكوبك حاجه روعه الحق الرموش اتخليهم كانهم كدابيات خودى حتى رموش صناعيه بش مرات اتركبى بروحك

و حتى ماسكرات ماكس فكتر الدهبيه حلوه و لانكوم ماسكراتهم حلوات

و الروج مش شرط من ماركه معينه شكلى الارواج على لون الى انتى تبيه و الى ينشى معاك شوفى خودى واحد بودرى فاتح و مشماشى يكونوا هاديات لما تطلعى الطلعات اليوميه لأنه الراجل راهو مايحبش مرته تمشى لسوق بروج فاقع راهو و خودى الوان امتاع عرايسيه امتاع مناسبه متلأ اجمر و وردى غامق صعب انقولك الى يناسب لون بشرتك حبيبتى لأنى مانعرف بشرتك شنو التون امتاعها شوفى انقوللك الأرواج شكلى مش شرط ماركه معينه

انشاءالله افدتك حبيبتى واى شى اتفضلى

سموحة26
05-06-2009, 01:26 PM
السلااااااام عليكم حبيباتي .... كيفكم .... بس حبيت نسلم عليكم لان اليوم ان شاءالله في الليل طالعة مسافرة لسعودية بندير عمرة .... ان شاءالله ربي يوقفكم ويتمملكم علي خير ...........





استودعكم الله الذي لا تضيع ودائعه ..... وربي يعاونكم ...

illusion
05-06-2009, 06:37 PM
السلام عليكم

كيف حالكم بنات جميعا بنات ومدامات السموحه ومدام كاتوسا وفسفوسه وأرنوبه وبيرفكت برايد وكاتوسا وإيمان إن شاء الله اتكونوا جميعا بألف خير وصحه وعافيه دائما
ومشكورات حبيباتي لردودكم عليا وتجاوبكم امعايا في كل سؤال نسأله ربنا اينولكم جميعا كل اللي في بالكم ديما امغلبتكم بأسئلتي سامحوني

والله تعبناك امعانا مدام كاتوسا مشكوره حبيبتي عالمعلومات القيمه لأن نحنا مشكلتنا بالزبط زي مشكلة بيرفكت برايد ما عندناش عليه المكياج فكره اكويسه بحكم اننا ما نستخدموش فيه فمشكوره حبيبتي ألف شكر

وإن شاء الله ترجعيلنا بالسلامه سموحه ومبارك العمره وإن شاء الله بعوده والمره الثانيه اتكون حج إن شاء الله
بس نبي نطلب منك طلب ياريت تدعيلي في عمرتك
وعقبالنا إن شاء الله جميعا

بس بنات ما جاوبتونيش اللي عندها لون البشره أغمق عند الركبتين والمرافق شن الحل للمشكله هذي ايكون
وإن شاء الله نلقاكم ديمه على خير

سلااااااااااااااااااااااااااام

فسفوسة
06-06-2009, 02:52 AM
كيف الحال صبايا منورين والله وربي يدوم هاللمه الحلوة

سموحة ربي يرجعك لينا بالسلامة

وعمره مقبولة ان شاء الله

perfectbride
06-06-2009, 09:35 AM
تمشي وتجي بالسلامة مدام سموحة وعمرة مقبولة انشالله :)

كيف حالك مدام فسفوسة وكيف حالة بنتك والله توحشناك

وارنوبة وكاتوسا وينكم شن اتديرو من وراي ولا تزوجتو وتميتو سمعونا اخباركم ؟؟؟؟؟؟؟؟؟؟؟ :good:

واليوجن شن اخباركم بنسة لمشكلتك متع الركب لو تبي حل سريع عندك كريمة ترو كفر تغطي المكان الاسود وهادا طبعا حل مؤقت
ولو تبي علاج فيه كريمات هلبة وتاخد وقت باش تشوفي النتيجة زي كريمة الديكون فورت 4% هادي موجودة في الصيدليات وزي ماقلتك تبي صبر ولو تبي حاجات طبيعية تقدري اتديري تقشير للركبة بعدين خودي الحجرة متع الرجلين وبحركة دائرية وبشوية وردي بالك تجرحي روحك يعني حركي الحجرة بلطف على الركبة وبعدين حطي عليها فيكس مع فازلين واربطي عليها كيس خليها ربع ساعة وبعدين امسحي وحطي كريمة جلسويد مع ليمون وهادي طبعا روعة للتبييض وزي ماقتلك اليوجن تبي صبر ووقت وانشالله انكون افدتك

illusion
06-06-2009, 10:17 PM
السلام عليكم بنات جميعا
حبيت انمسي عليكم
كيف حالكم بنات مدام كاتوسا وكاتوسا وفسفوسه وبنوتتها الحلوه وإيمان بيرفكت برايد
وربنا ايرجعك لينا بالسلامه سموحه
ومشكوره حبيبتي بيرفكت ابرايد على الإجابه صحيتي حبييتي
ربنا ايهنيك إن شاء الله واينولك اللي في بالك دائما
وإن شاء الله نلقاكم على خير جميعا
اسمحولي توا

perfectbride
07-06-2009, 11:59 AM
تسمي اليوجن اهلا وسهلا

وبنات نبي نسألكم شن رايكم في الماكياج الدائم اني قريت عليه لكن مش عارفة هل موجود في ليبيا او لا

perfectbride
07-06-2009, 01:00 PM
يابنات شن تنصحوني نهدي لام خطيبي في العرس هيا في التلبيسة اهدتلي خاتم نازك وحلو وعنده حناه قاعدة معاهم في الحوش شن نهديلها وياريت حتى المدامات يساعدوني ويقولولي تجاربهم في هادا الموقف

soso_h
08-06-2009, 09:23 AM
السلام عليكم

صباح النور يا بنات ومدامات المنتدى
كيف حالكم ان شاء بخير

انا نبي نسألك سؤال ياريت تساعدوني ، زي ماتعرفوا الصيف جيه والايام هذي نو هلبة ، انا نبي نشري كريم واقي من الشمس ومش عارفة شن النوع اللي ناخده انا جرب قبل نوعين مامشوش معاي لاني انا بشرتي دهنية هلبة ولما جرب اخديت فوتوديرم وامبسولار مامشوش معاي لانه يخلولي في وجهي زيت

ياريت تساعدوني

illusion
10-06-2009, 01:05 PM
السلام عليكم بنات ومدامات

كيف حالكم جميعا والله مشتاقتلكم مووووووووووووووووووووووووووت ، إن شاء الله اتكونوا جميعا بألف خير يارب
وانحب انرحب ب soso_h
أهلين بيك أختي ، أما عن سؤالك أنا بصراحه كنت نستخدم في واقي شمس فوتوديرم وفعلا كنت نشكي من نفس مشكلتك لأنه دهني ويبان الوجه أكنه عليه زيت وبصراحه هذي حاجه ما عجبتنش فيه مع إن كل البنات شكروه ليا لكن توا بقيت نستخدم في واقي الشمس svr
وهوا واقي شمس فقط ، لكن فيه منتج ثاني بنفس الاسم لكنه واقي شمس وفاونديشن في نفس الوقت وبصراحه هذا أنا ما جربتاش بس شكروه ليا
لكن بالنسبه ل svr واقي الشمس فقط أنا جربته وهوا ما ايبانش زي الزيت عالبشره لكن في نفس الوقت مش سريع الامتصاص واجد زي كريم فيراند لفلي لأن بصراحه الحاجه اللي تعجبني في فيراند لفلي هيا سرعة الامتصاص الفائقه للبشره لها مش عارفه بس الكلام هذا ينطبق على بشرتي أنا واخواتي لكن ممكن ايكون الامر مختلف مع غيري
وعلى فكره svr شكروه ليا بنات واجد عشان هكي استخدمته
والله أعلم إذا كان في واقي أفضل منه
نتمنى انكون فدتك أختي

بنات ومدامات بس نبي انقول حاجه ليش مغطسات هكي وينكم إن شاء الله خير

وتوا اسمحولي
باااااااااااااااااااااااااااااااااااااااااااااي

perfectbride
10-06-2009, 06:39 PM
اهلين سوسو بالنسة ليا نستعمل في فوتودم وحتى اليفين وهما زيتيات لكن للحماية 100 100 وانت لما تسعمليهم ماتكثريش وبعدين اضغطي عليه بالكلينيكس باش يمص الزيت الزايد
وفيه كريمة هي حماية ونفس الوقت للتجاعيد اسمها ACTIVE C ممتازة هادي

اهلين اليوجن شن اخبارك والله بالنسبة ليا مشغولة وتوتي في روحي كل يوم نطلع نشري في حاجات

فسفوسة
10-06-2009, 08:39 PM
والله الحرارة واخدة فيا حصة ومتعبتني كيف حالكم يابنات عرفتوا توا سبب الغطسة امتاعي

soso_h
10-06-2009, 08:43 PM
السلام عليكم

صحيتوا يابنات على ردودكم ، واختي اليوجن ان شاء توا انجربها svr لانه حتى انا شكروهالي هلبة
لكن يا اختي برفكت انا مش لانها هيا دهنية هلبة لانه انا بشرتي دهنية فوق ما تتصوري فمانبيش انزيدها

ومشكورين على اهتمامكم بسؤالي

illusion
11-06-2009, 03:07 AM
السلام عليكم بنات ومدامات

شن أخباركم إن شاء الله اتكونوا بكامل الصحه والعافيه وبألف خير

وألف لا باس عليك فسفوسه حبيبتي وإن شاء الله بالشفاء العاجل يارب وبوسيلنا بنوتك الأموره

سوسو حبيبتي لا شكر على واجب ونحنا اخوات

بنات مدامات أنا ملاحظه غياب الاغلبيه ليش وينكم مدام كاتوسا وكاتوسا وإيمان وأرنوبه إن شاء الله خير

حبيبتي بيرفكت برايد طبعا إنت سألتي عن المكياج الدائم وانا بصراحه كنت متمنيه انفيدك بحاجه بس والله حبيبتي أنا مش من النوع اللي يفهم في المكياج واجد لأني ما نستخدمش فيه حتى مش عارفه شن المقصود بالمكياج الدائم هل يعني يبقى فتره أطول وشن نوعيته وهكي ، ياريت لو تحكولنا عنه أكثر بنات؟
أما بالنسبه لهدية أم خطيبك أنا بصراحه نعرف إن الهديه في الحاله هذي ممكن اتكون خاتم أو إسوره مش عارفه هل انتوا اتقولولها هكي إسوره يعني إسوار لليد مش عارفه إذا فهمتي قصدي
أما بالنسبه لحناه يعني جدة العريس لو كانت كبيره في السن وهذا الدارج عندنا اتكون هديتها احرام انسموه نحنا يعني البدله العربيه اللي هيا الزي التقليدي الليبي وممكن اتكون الهديه لها حتى هيا حاجة ذهب خاتم مثلا
بس إنت شوفي عوايدكم في طرابلس كيف اتكون الهديه في الحاله هذي عندكم
وإن شاء الله ربنا ايعاونك حبيبتي وايتمملك على خير يارب

أما أنا فاليوم قضيت في السوق أربع ساعات ونص عشان كنت نشري في قفتان نلبسه في فرح أختي والحمدلله رغم حالة زيادة الوزن اللي طرأت عليا مؤخرا لكن ربي سترها امعاي والقيت قفتان حلو وحتى تفصيلته بينتني أقل في الوزن وباين عليا ايهبل مع إني كنت خايفه ما نلقاش رقمي خاصة إن أغلب الأرقام اتكون صغيره وفي نفس الوقت حتى لو جت أرقام كبيره تلقيها بسرعه ما كملت
وأنا فرحانه لأني كملت شرى حاجاتي مازالي الاكسسورات واندير قصه اتكون حلوه عند الكوافيره اللي هيا انتوا اتسموها مزين بس مازالت أختي الصغيره ما شرت إن شاء الله ربي ايوفقها زيي وتلقى اللي ايناسبها بصراحه لأني بقيت انفكر فيها واجد لكن أختي العروس الحمدلله خلاص كملت شري وفرحها خلاص يوم 24 و25 الشهر هذا
وإن شاء الله ربي ايوفقها في حياتها الزوجيه

وتوا بنات اسمحولي نلقاكم على خير

perfectbride
11-06-2009, 10:32 AM
انشالله لاباس عليك مدام فسفوسة

واليوجن مبروك على اختك وربي يتمملها على خير وعقبال عندك بعدها على طول انشالله وصحيتي على ردك

فسفوسة
11-06-2009, 04:58 PM
لايوريكم بأس
والله الحرارة تعب فيا
صحيتي يابيرفكت وشني أخر أخبارك
تسلمي ياليوجن مبروك ماشريتي وعقباليك ومبروك علي أختك وبالصحة عليا وطول العمر

أرنوبة
11-06-2009, 05:20 PM
أهلا صبايا شن أخباركم ومبروك علي اختك ياليوجن ولباس عليك يا فسفوسة وبيرفكت شن اخر اخبارك

أرنوبة
11-06-2009, 05:26 PM
وينك ياكاتي وكاتوسا وايمان شن هالغيبة انشاءالله المانع خير

perfectbride
11-06-2009, 07:12 PM
ارنوبة مش معقولة ؟؟؟؟؟؟؟؟؟؟؟؟؟ حتى انت وينك نحسابك حتى تزوجتي

قالولي العرس بعد رمضان انشالله على خير والله تعرفو انحس في روحي مش فرحانة وخايفة تصورو هادا اخر رمضان ليا مع اخواتي والله صعب الموقف تعرفو توا انكلم فيكم ودموعي مطر مش قادرة نشد روحي وطول الوقت واني سرحانة

فسفوسة
11-06-2009, 09:03 PM
مبروك عليك يابيرفكت وماتفسديش فرحتك بالدموع
أرنوبة لايوريك بأس

أرنوبة
11-06-2009, 10:55 PM
أهلا بيرفكت مبروك عليك وربي ايتمملك فرحتك علي خير
ولالالا مازال عرسي وانشاءالله ايحددلي العرس في اقرب وقت
وشن شريتي تاني يابيرفكت خاطري نتفرج علي حاجتك اللي شريتيهم
انحب نتفرج علي بتات العرايس

فسفوسة
12-06-2009, 04:58 PM
هاااااااااااااااااي صبايا كيفكم
ارنوبه شن الجو اسمعي توقيعك كبير غيريه

خير من يعطوك مخالفة

أرنوبة
12-06-2009, 05:05 PM
شكرا فسفوسة وعلي خاطر عيونك حنغيرة

MaDaM KATOOSA
12-06-2009, 09:32 PM
كيغ حالكم يابنات شنو اخباركم

تعرفوا شوفت صور عرس صاحبتى جتنى جلطه ههههههههههههههههههههه هى فى الشكل عاديه مش حلوه بكل تعرفوا فاطمه شعيب هده امطلعتها اميره اتجنن مكياجها روعه مش داكن و مش خفيف تعرفوا يجنن انى جتنى جلطه معناها فى امل انجربوها ههههههههههههههههههههه
والله تعرفوا و حى على التسريحه تعرفوا غبوريه ههههههههههههههه التسريحه اول مره انشوفها شجعتنى على التسريحات مع انى مانحبهمش انى فبل وككككككككككككككك يابنات انراجى امتى انجى الى ليبيا

قلت لازم انقوللكم عليها بالك بديروا عليها دورا العرايس

كاتووسا
12-06-2009, 09:59 PM
اهلييين يا بنات استاحشتكم هلبا سلمكم نشادين يا ربي
معنديش نت بس لاكن والله حالي باهي تعرفو استاحشت سموحة المنتدي هلبا.... فسفوستي شن اخبارك لاباس عليك
كاتي شن الجو شن امور قرايتك؟ غريبة عجباتك فاطمة شعيب تعرفي اني شفتلها صور لعروسة اخت بنية منعرفهاش قبل المكياج المهم مكياجها قديم لونه أحمر وجو الكورنر اسود مفيش ستومباج حلو تسريحتها عادية شنيو وخلاص قصدي معجبنيش .في الي قالي كويسة مش عارفة هادي الوحيدة الي شفتهالها العروسة..شكلها حظوظ وعلي نفسية العروسة.ههه
اني حتي لما اتصلت بيها اسلوبها جاف الحق مخشتش راسي ومش عارفة قاعدة حايرة
طلعت امس للمدينة بنشري بدلة الحمام والكاب لاكن دخت وخلاص مشريتش. شن يا بنات من وين بتاخدوها والمدامات من وين بداليكم والكاب حتي هو؟

أرنوبة
12-06-2009, 10:21 PM
اهلين باكاتي شن اخبارك وين كنتي امغطسة وحمستيني نمشي انشوفلها عرائس

MaDaM KATOOSA
12-06-2009, 10:53 PM
اهلين يابنات

شنو اخباركم
بالنسبه لفاطمه شعيب انى شايفتلها 6 عرايس بس صور يابنات زوز مش حلوات و الاربعه الباقيات حاجه روعه
الى مش حلوات وحده مكياجها جو الوان هلبه الى زى الطاوس مش حلو و التانيه على الأسود هلبه هى الحطه حلوه بس المشكله البنت ملامحها رقيقه ما يمشى معها القوى

و الأربعه التانيات حاجه روعه الحق الى شوفتها امس مش حلوه بكل امطلعتها روعه و وحده تانيه مش قنينه تعرفوا والله امطلعتها نسخه من حليمه بولند اتجنن

و يابنات معاش تاخدوا على الوان راهو البنت او العروس هما الى يطلبوا راهو هى بروحها قالتها فاطمه هده صاحبت عيله نعرفوها صاحبت الروح بروح قالت هما يطلبوا منى انى اندكن و حتى انقوللهم مايمشيش معكم مصرين

بالنسبه لتسريحاتها الى شوفتهم الشنيون و المفتوحات كلهم روعه الحق وانى نفهم فى المكياج معناها نفهم فى الحطات و راهو كل عروس انشوفها الحطه تختلف الحق و رسمت العين تختلف مش زى متلأ لما تمشى لنجوى التليسى او سهى الحسناء نفس الحطه لكل وحده لأ لأ كل وحده و حطتها العرايس الى شوفتهم

perfectbride
13-06-2009, 11:50 AM
اهلين بالحلوين
ارنوبة شن اخبارك حتى اني انحب نتفرج على بتات العرايس الحق لكن تعرفي لحد توا ماحطيتاش في شناطي فيه منه قاعد في العمل فتحت دولاب فاضيته من الملفات وخصصته للحاجات كان يشوفوه المدير هههههههههه؟؟؟؟؟؟؟؟؟؟؟؟

وفيه منه في مكتبي متع خدمة العشية وفيه منه في الحوش معلق في الدواليب لاني مازال ماشريتش شناطي الحق شريت حاجات بسيطة مانبيش نكثر المهم المهم وخلاص وحاجات نازكة وحلوة ووصيت على عدسات ديور والتاج من تركيا وشن تاني !!!!!!! وتصدقي الصالة ماحصلتش كله محجوز وبناخد كندرة الفيلو من محل وسام في السياحية وحتى الماكياج الي قتلي عليه مدام كاتي وصيت عليه من تركيا والفيلو مازال ماليقيتش الي نبيه
اكر حاجة خديتها حوايج الحوش واغلبها قطنية والوان وتفصيلات مازال بناخد 2 سروال جينز وبنركبلهم حاجة طويلة ومستورة من فوق وخاطري في اسبيدرو بومة لكن بنستى لين ايديرو تخفيض هما ولا النايك

ارنوبة شن بتهدي لعزوزتك في العرس وبوه
وراجلك شن بتهديله

perfectbride
13-06-2009, 11:57 AM
تعرفو يابنات امس بس كيف قتله انحبك نتحشم هلبة اني وهو ديمة يسأل فيا مع انه هو ديمة كلامه حلو ويتغزل فيا لكن اني نتلخبط ويولي وجهى احمر ومعاش نعرف نتكلم وهو يزيد عاد لكن امس قلت والله لما نقول وقلتها ومانحكيلكمش قداش فرح قريب طار من الفرحة واني قلبي من الدقان قريب وقف لكن فعلا لحظة حلوة كانت

ربي انشالله يجمعني اني وياه على خير ويباركله فيا وباركلي فيه قولو آميييييييييييين
والله اني فرحانة وفي نفس الوقت خزينة تصدقوا !!!!!!!!!!!!!!!

كاتووسا
13-06-2009, 03:51 PM
هلا بيرفكت ضحكتيني متحشمة وجو نحس في خطيبك اتمني يشوفك وانتي خاشة بعضك زي خطيبي يزيد عليا لما يلقاني متحشمة ههه
مقلتيليش علاش حزينة؟انت علاقة مع خطيبك ولا خطوبه تقليدية؟
باللة دليني من وين وصيتي عالتاج لان نيه فيه كرستال زي الملكي فهمتي يعني لو في محل كويس قوليلي حبوبة

أرنوبة
13-06-2009, 05:34 PM
اهلا بيرفكت وربي ايتمملك علي خير
وام خطيبي بناخدلها حديدة وابوة بناخدلة بدلة فرنجية
وههههههه ضحكتيني كيف قتيلة انحبك
وين هدا محل وسام بزبط امتاع الكندرة الفيلؤ باك نمشي انشوفة وناخد منة حتي اني

أرنوبة
13-06-2009, 05:36 PM
وعلاش اموزعة حوايجك في كل مكان وشن شريتي تايورات وشن خديتي تاني احكيلي ولا تو انجيك نتفرج علي حوايجك هههههه

perfectbride
13-06-2009, 05:44 PM
ايه والله زي مانحكيلكم تلخبطت وخشيت في بعضي قريب وليت صغيرة زي السيدة ملعقة وقعمزتله على الطاوله ههههههههههه

والله علاقة سنتين ياكاتووسا وحزينة لاني بنطلع من حوشنا وبنخلي امي وخواتي

ويارنوبة محل وسام في السياحية قبل جامع بدر وانت جاية من قرقارش يجيك على اليمين مقابل السفير بالزبط
واني لما رديت السوابيت اخديته ساعة فا مش عارفة شن ناخدله في العرس شن تنصحوني يابنات
وانت كاتووسا شن اخديتيله

perfectbride
13-06-2009, 05:47 PM
كاتوسا اني نخدم في شركة تركية وهما فرحانين بيا ولما عرفو عرسي قريب قالولي انت بنتنا ناقصاتك حاجة قولي فوصيتهم على التاج وحاجات ثانية

اصكتوا اني بنت الاتراك من زيني ههههههههههههههههههههه خوي مهندي واختي لميس ههههههههههههه

أرنوبة
13-06-2009, 05:56 PM
اه عرفتة المحل شكرا حبيبتي ومن راي تهديله حاجة اتعيش مش يلبسها وتبيد فهمتيني ولا صنة ايبخها وتكمل خودي ساعة او خاتم فضة في والله خواتم فضة راجلية حلوات وكان في ردان السوابيت خديتي ساعة سبورت خودي توا ساعة كلاسيكية او العكس وفي محل في امحمد المقريف عندة حاجات فضة و بلاتين راقية وحاجات ماركة
تعرفي ماما في عرسها هدت لباب ساعة قاعدة عايشة لحد توا

أرنوبة
13-06-2009, 05:59 PM
افتحي قطر توا جايبين احمد القبيسي

perfectbride
13-06-2009, 06:08 PM
صحيتي حبيبتي ارنوبة تو نمشي انشوفه المحل في امحمد المقريف شكلي بناخله خاتم وخلاص
وبناخد لبوه بدلة افرانجية قالي يلبس فيهم وناخد معاها كندرة والا لا يارنوبة
ياريت نقدر نفتح قطر اني توا في العمل ماعنديش تلفزيون

أرنوبة
13-06-2009, 06:22 PM
ايه خودي هاله كاملة البدلة بسوريتها والكرواتة والكندرة والمحل تو نعطيك اسمة والله في حاجات بجد روعة في منهم سيت تام وتلقي عندة ساعات ونظارات

أرنوبة
13-06-2009, 06:25 PM
اسمة البرغتي ويجيك يسارك وانتي جايه من الساحة الخضراء هما محلين بجنب بعضهم واحد تلقيه ايبيع حتي في وشحات وشناطي وساعات وكراويت واللي بجنبة ايبع ساعات وكسسوارات عندة حتي دبل حلوات وعندة حاجات راجالية ونسائية

perfectbride
13-06-2009, 06:25 PM
شريت ثلاثة ارواب سكريى وابيض واكحل وكفطان قصير ستان ابيض فيه ورد احمر وخديتله طاقم داخلي احمر نمري وخديت زوز بيجامات شرط وحدة ستان وحدة قطن ، مازالت مستمرة على الحمام المغربي في الليل ندهن في جسمه كله اما بزين جمسون او كريمة فازلين بالصبار السائلة ورجليا كل ليلة بالفازلين العادي والله روعة يابنات وبديت نحول في الشعر بالماكينة نعود في روحي بشوية بشوية لكن حارة زي السم اني قلت في العرس بنديره بروحي مش مخلية حد يشوفني نتحشم فكيني

يابنات نبي شبشب فيه الريش للروب الابيض منين ناخده ؟؟؟؟؟؟؟؟؟؟؟ والله متوثرة والوقت انحس بيه يمشي بسرعة شن هادا ؟؟؟؟؟؟؟؟؟؟؟؟؟

بالنسبة لبدلة الحمام ياكاتوسا بناخد متع مرت خالي وفرت عليا بارك الله فيها

أرنوبة
13-06-2009, 06:26 PM
خلاص تم البرنامج وعجبني هلبا مكياجها والشدو حلو

أرنوبة
13-06-2009, 06:30 PM
اععع ردي بالك تاخدي شبشب الريش زي الهبلة هههههههه سامحيني علي الكلمة
امشي لبتول عندة شباشب حلوات مش ريش تعرفي انا قبل دورت مالقيتش شبشب حلؤ للروب تعرفي شريت صندلي ونحيتلة الحزام امتاعة وطلع حلؤ الحق وبعد فترة القيت عند بتول لكن خلاص انا عندي

أرنوبة
13-06-2009, 06:31 PM
الحمام المغربي اديري فية في الحوش او برا ومبروك ماشريتي حبيبتي وانا مانحبش اي حاجة فيها النمري

perfectbride
13-06-2009, 06:35 PM
قصدك يلبسو في صندلي مع الفيلو ارنوبة انت مش لابسة كندرا ؟؟؟؟؟؟؟؟؟؟؟؟؟؟؟؟ باهي قلتيلي
وهادا بتول وين يجي

أرنوبة
13-06-2009, 06:37 PM
لالالالالالالالالالالالالالالالالا قصدي الروب امتاع اول ليلة مش الفيلو

perfectbride
13-06-2009, 06:37 PM
الحق نمشي للحمام كل اسبوع في مركز ايلاف روعة ومرات نمشي لحمام عادي زي الي في الدريبي حسب الميزانية

perfectbride
13-06-2009, 06:38 PM
باهي وبتول وين ارنوبة

أرنوبة
13-06-2009, 06:41 PM
اه وبتول ايجيك وانتي نازلة لقرقارش خليك ديمة تشبحي يسارك لان ايجي يسار وهو قبل سوق اصيل بشوية وفي فرع تاني في اول سبتمر قدام البركيتجؤ اللي بين اول سبتمبر والمقريف

أرنوبة
13-06-2009, 06:43 PM
وسام متاكدة عندة كنادر للفيلؤ حلوات وهل كعبهم عالي هلبا انا احق عالي هلبا مانقدرش نمشي بية مسافة مالي ومال العالي حتي كان اوض نرقص انطيح ههههههههههههههههههه

MaDaM KATOOSA
13-06-2009, 07:27 PM
اهلين يابنات شنو اخباركم

حتى انى توا كنت نحضر فيه القبيسى هوالوان حلوه الحق لكن زى الى مستعجل اليوم والله رسمه العين مش زى بعضهم لما اتركزى على العموم

بيرفكت انى ننصحك لوحى عليك جو الريش قديم خلأص معاش يلبسوا فيه حبيبتى خودى شبشب نازك لروب الدخول و يكون مش عالى هلبه راهو بتلبسيه ممكن دقيقتين بالاخص كان بتدخلى فى فندق زى انى ههههههههه

و الفيلو تقدرى تلبسى عليه سندل لو تيى مش شرذ كندره مافيش قانون يقول تلبسى هدا و ماتلبسيش هدا اصلأ الكندره او السندل والله ما يبان عمركم شوفتوا العروس شنو لابسه فى رجلها ماعمرى شوفت انى:D

كاتووسا
14-06-2009, 03:47 PM
اهلين بيرفكت وارنوبة والصبايا كلكم..بيرفكت صار سنتين وهادا وين قلتيها معناها يحبك رسمي وصبور الشاب.هه
ربي يهنيكم ببعض تعرفي اني الماكينة درتلي حب والحلوة كذلك والله ما نعرف شن بندير في العرس الي عندها حل تقولي؟! بدلة الحمام باه لقيتيها حني بنشروها مازال البنات خواتي تقعد عرفتي، صار بنت تركيا حاصلين عليك صبح وعشية؟
اني نبي ففطان حلو لو حد يجيبهولي من تركيا يلا ان شاء الله خير
تو نبعتلك عالخاص ايميل خلي نهدرزو اكتر
كاتي شن امورك تو نمشي نشوفها فاطمة وان شاء الله خير

perfectbride
14-06-2009, 07:18 PM
اهلين كااتوسا شن اخبارك
حتى اني في الاول دارتلي حب لكن اكتشفت اني كنت اندير فيها غلط اهو انقولك الطريقة الصحيحة قبل لاتبدي ديري تقشير بزيت الزيتون والملح وبعدين اغسلي المنطقة كويس بالمية والملح الخشن وبعدين نشفي كويس كويس وكان عندك ديتول خففيه بالمية وامسحى المكان كويس وجففيه وبعدين خودي الماكبنة وادبئي لما تكملي على طول حطي ليم قارص مخلط بالنشا ويكون الخليط تقيل شوية وخليه نص ساعة على الاقل هو صح حار لكن تحملي عادي وماتقربيش المية لمدة نص ساعة بعدها تقدري تغسلي بالمية وبعدين رطبي بالكريمة جومسون الي حكتها بيضة وبودرية او ديري مرهم فيسيدون تلقيها في الصيدلية امتع الاسد احني انقولولها بالليبي والله هادي الطريقة روعة ياكاتوسا وعن تجربة راهو ،،،، وانت جربي الخطوات بالتفصيل وردي عليا

لان المية على طول بعد ماتحولي الشعر هيا الي ادير الحب وتسمر المكان عرفتي

والعقبة لخوياتك وحدة وراء وحدة آآآآآآآآآآآآآآآآآآآآآآآمين

perfectbride
14-06-2009, 07:19 PM
واستمري في الدهن بالكريمة لمدة 3 ايام

perfectbride
14-06-2009, 07:22 PM
وانت امتى عرسك كاتوسا وحتى انت علاقة والا لا تعرفي هو اني انحبه ونموت فيه لكن الحشم الاحرف هو الي قاتلني لكن توا باهي انطلقت وبديت انعبرله على مشاعري ومانحكيليكش قداش فرحات بطير بيا من الفرحة

كاتووسا
14-06-2009, 09:25 PM
سلمك يا برفكت العقبه لكل البنات وان شاء الله نجربها باهي انتي اي ماكينة تستخدمي ومنين خديتيها وبعدين في عرسك بالماكينة بديري ولا حلوة
اني وخطيبي علاقة شهر ههه وخطبنا طول لما يجي النصيب قبل تعرفي نتشرط ولازم وقت هلبا لاكن معاه الامور تسهلت وهو ملسن ويحبني جنون طيحني ههه
جو وخلاص؟
قولولي يا بنات قداش بينكم وبين خطيباتكم في العمر؟؟
شن بيرفكت بعتلك عالخاص موصلكش

فسفوسة
15-06-2009, 12:58 AM
كيف الحال صبايا وربي يتمملكم بالخير
وموضوع الحشم توا يتحول بروحه بمجرد أول يوم تكونوا فيه مع بعض

perfectbride
15-06-2009, 10:10 AM
اسماها فيليبس لونها موف خديتها من محل مواد منزلية الي في الشارع الي بين الشيل ومحل حسام في قرقاارش تركبي من الشارع الفوق لين قريب توصلي طريق غوط الشعال يجيك على اليسار المحل وحاجاته كلها اصلية وحتى اسعاره بسعر الجملة يبيع وكان حتى بتاخدي مواد كهربية او اماعين تلقي عنده حاجات حلوة وسعره مغري مقارنة للمحلات الثانية
وبالنسبة ليوم العرس بندير الحلوة طبعا غير توا يهيأ في روحي ولما يكون الشعر خفيف يجيك اسهل بعدين بالحلوة

مدام فسفوسة كيف حالك وكيف حال بنتك حتى انت كنت علاقة مع راجلك ؟؟؟؟؟؟؟؟؟
عندي صاحبتي متزوجة ليها 5 شهور قتلي قاعدة متحشمة منه وقتلي حتى لما بنغير حوايجي نمشي للدار الثانية وتو بس كيف بدت تلبس شورطات قتلي قبل نلبس في سراويل ومعاهم تيشرتات طوال شوية وماتحبش تتحرك قدامه هلبة قتلي انحس في روحي بنطيح من كثر نظراته ليا ههه واني خايفة حتى هكي اني نبي نعود روحي عليه ومانبيش نتحمش منه لكن مش قادرة يابنــــــــــــــــــــــــــــات

perfectbride
15-06-2009, 10:17 AM
ارنوبة قداش خديتي قفطان ومنين
وانت كاتوسا قداش خديتي قفطان

اني قلت بناخد اثنين بس مع القفطان الي بيجيبوه هما يبدو ثلاثة سادين شن رايكم

ايه وصلني كاتوسا تو انضيفك عندي

perfectbride
15-06-2009, 10:28 AM
بالله عليكم شوفو صورة بنت الرئيسي التركي في عرسها كيف الفيلو متعها مستور يعطيها الصحة عنده قوة ايمان وعزيمة وتمسك الحجاب
http://photos.azyya.com/store/up1/080708013716haGC.jpg

http://photos.azyya.com/store/up1/080708014221DpEB.jpg

وحتى عريسها باين عليه فرحان بيها ربي يهنيهم ويسعهم ويبارك ليهم وعليهم

afriqiyah
15-06-2009, 10:34 AM
perfectbride
ممكن نشارك في الموضوع معكم لو تقبلتوني.

كاتووسا
15-06-2009, 12:56 PM
هلا بنات
فسفوسة ليك وحشة هلبا. بيرفكت منين بتاخدي قفاطينك؟ اني مش لاقية حاجات حلوة اني بناخد زوز بس ساد

afriqiyah
15-06-2009, 01:14 PM
اختي كاتووسا انتي في حدود قداش تقدري تدفعي في الواحد؟

فسفوسة
15-06-2009, 01:22 PM
هلا صبايا كيفكم
والله ليك وحشة اكتر ياكاتوسا
وأهلابيك ياأفريقيا ونورتينا

أرنوبة
15-06-2009, 02:14 PM
شن اخبارك ياحلوات واهلا واهلا بافريقيا كلها ههههههه
حبيبتي يشرفنا اشتراكك معنا وتفضلي في اي وقت وهل انتي مخطوبة او مازال او متزوجة وربي ايسهلك في جميع الاحوال
وفسفوسة شن اخبارك وكيف حال بنتك
وبيرفكت انا بناخد قفتان واحد وهما خدولي قفتان وهكي ايولي 2 علاش بنكدسهم غير نلبس اهما ولما اتجي مناسب بعد الزواج نشري ومرات تنزل موديلات احلي ومرات انسافر ونلقي احلي ماتندريش وشن ضمنك ان بعد عرسك تقعدي هلبا ماتمشيش عرس وهكي القفاتين بيقعدؤ وانا ننصحك خودي واحد بس مع قفتانهم هما

MaDaM KATOOSA
15-06-2009, 02:31 PM
اهلين يابنات شنو اخباركم و ربى يعاونكم و ليكم وحشه كلكم

فسفوسه نورتى الموضوع ليا هلبه معاش شوفتك

[COLOR="Green"]بالله عليكم شوفو صورة بنت الرئيسي التركي في عرسها كيف الفيلو متعها مستور يعطيها الصحة عنده قوة ايمان وعزيمة وتمسك الحجاب
http://photos.azyya.com/store/up1/080708013716haGC.jpg

http://photos.azyya.com/store/up1/080708014221DpEB.jpg

وحتى عريسها باين عليه فرحان بيها ربي يهنيهم ويسعهم ويبارك ليهم وعليهم

مشاءالله و الله فعلأ الستر قداش ما حلو و يعطى ويقار هما اعراسهم اكيد مخطلته و بعدين صورها نزلوا على النت و فى الجرايد اكيد هدا علأش حافطت على حجابها ربى يهنيها

[QUOTE=أرنوبة;1721247]
وبيرفكت انا بناخد قفتان واحد وهما خدولي قفتان وهكي ايولي 2 علاش بنكدسهم غير نلبس اهما ولما اتجي مناسب بعد الزواج نشري ومرات تنزل موديلات احلي ومرات انسافر ونلقي احلي ماتندريش وشن ضمنك ان بعد عرسك تقعدي هلبا ماتمشيش عرس وهكي القفاتين بيقعدؤ وانا ننصحك خودي واحد بس مع قفتانهم هما[][/QUOTE

كلأمك زين العقل يا ارنوبه فعلأ ماتكدسيش الفساتين شنو يطمن انه فى مناسبات ديرى واحد بالكتير اتنين

ربى يعاونكم يارب

MaDaM KATOOSA
15-06-2009, 02:41 PM
بالله يابنات نبى نسالكم سوال

انى عندى عرس فى بدايه 8 فى صاله ليلتى الخارجيه الى على الهواء الطلق تو بالله عليكم يابنات الى حاضر فيها مش نو و رطوبه والأ كيف برنامجها مكيفه بس كيف التكيف و هى قالو زى النادى يعنى طلها عشب قصدى توا هده صاله تندار فى مناخنا احنى ليبيه نبى نفهم بس لو حد حضر فيها شنو نو قصدى انديروا تسريحه خير من مفتوح و رطوبه و المكياج زعما يبدا يتعسل او لأ؟

أرنوبة
15-06-2009, 03:56 PM
اهلا حبيبتي كاتي ليك وحشة شن اخبارك
بالنسبة لصالة ليلتي ماما واختي حاضرين فيها حفلة من شهر ممكن لكن مش مفتوحة امسكرة وحتي انا كنت نسمع انها مفتوحة بس قالولي لا زي الصالات التانية وممكن ايديرو فيها علي حسب طلب العروسة اوممكن صالة اخري تو انزيد نسالك صاحبة ماما حضرت فيها دخول ومحضر تو نسالها بيش نعرف هل حتي هما امسكرة او مفتوحة
وكان حق طلعت علي طلب العروسة عاد اسالي قبل ماتمشي للعرس بيش ياديري تسريحة او لا عاد الجؤ رطوبة وفوق هدا قريبة من البحر

MaDaM KATOOSA
15-06-2009, 04:32 PM
اهلين يا ارنوبه حبيبتى شنو اخبارك و شنو اخبار التجهيزات للعرس

هى ليلتى فيها صالتين حبيبتى وحده مسكره و التانى مفتوحه على الهواء الذلق حتى انى ماشيتلها المسكره الى زى الصالات التانيات لكن صح فيها وحده مفتوحه كانك فى حديقه و صاحبتى على النت قالتلى امبكرى شويه حاضره فيها عرس و قالت نو و رطوبه:confused: الله غالب بندير تسريحه و خلأص شنو بندير مع انى نكرهم

تسلمى حبيبتى على ردك عليا;)

أرنوبة
15-06-2009, 04:43 PM
هههههه والله عندك الحق حتي انا مانحبهمش التسريحات وحتي تسريحت عرسي بنديرها شبة مفتوحة
وانشاءالله نسالك عليها شن جوها الصالة المفتوحة
وبالنسبة لتجهيزات العرس خديت امس قفتان طولة طول الركبة وكمة تلت ارباع ولونة فوشية يعني قفتان امتاع استقبال او ماشية لحوش امالية يعني مناسبة خفيفة وانحب هلبا القفاتين اهما البسيطات والحق نلقاهم بعدينِِِ

فسفوسة
15-06-2009, 05:57 PM
أهلين بمدام كاتوسا الحبيبة والله ليك وحشة بالنسبة لصالة مانعرفهاش
أرنوبة شن الجو مبروك ماشريتي

**MOON**
15-06-2009, 06:41 PM
ما شاء الله
شرهتونا علي الاعراس
الله يدوم الهني يا ربي
مبارك علي كل العريسات و ان شاء الله بالصحة عليهم

لي عودة يا حلوات
مدام كاتوسا ما شاء الله منورة ديما القعدة.. شكلك تحبي التهدريز
فقدتك يا حبيبة .

eman83
15-06-2009, 08:25 PM
انى جييييييييييييييييييت:D
كيفحالم ليكم وحشة يابنات
زى متعرفو انى مشغولة هلبا لدرجة معاش عندى وقت نفتح النت بس اليوم قلت نطل عليكم شوية
مشغولة بالبتات حاااااااااااااله والتجهيز:mad:
خديت الكاب من اللتيم
وخديت المكياج والروائح وخديت سشوار والفير واللفافات والى يتابعهم
المكياج الى خديته متع انى
وجابولى من دبى مكياج كرستاين ديور حاجة روعة شنطة فيها كل شئ وراقية وحلوة هادى نطوها فى القفة
وخديت عباية كريستال من دبى طبعا وصاية جابوهلى
وخديت عباية عملية
وخديت الفط متع الحمام والروب قطعتين ليا وليه
وروب ابيض متع حمام قصير مش طويل بشبشبه لوم ادخول
وخديت بيجامات قطنية
وخديت بدلة من استبرق متع لمة او جياب متع مناسبة خفيفة
وبنزيد وحدة تانية
خديت تاكم
خديت لبس كاجول متع الصيف وكل شئ ركبتله وشاح وصنادل وشناطى


والمدة الى فاتت شفت عروسة لفاطة شعيب مش حلوة خسارة متوقعتهاش اطلعها هكى
وفى بيانها لماورونا البروجكتر طلعت فى بيانها احلى من عرسها
انى شكلى بنكنسلها فاطمة مش ح نجازف ونمشيلها
وشفت عروسة لنجوى التليسى ولله حتى العروسة مش حلوة هلبا بس طلعتها لقطة
والله حلوة حلوة
وانى قاعدة نخمم وين بنمشى:rolleyes:
والله كل واحدة ونيتها وحظها العروسة هادى الى مشت لنجوى كانت تبى نادية وشاده فيها بس نادية قتلها انها بتسافر متقدرش تاخدها ينارى بكت لين خلاص وتوكلت على ربى ومشت لنجوى
بس والله طلعت ماشاءالله عليها مع انها عادية فى الشكل
سبحان الله بخوت الدنيا

روزافانتا
15-06-2009, 09:17 PM
مسالخيرات على احلى صبايا في احلى منتدى
بجد تسلمو كلكم ماشالله عليكم بصراحه هدرزتكم و مواضيعكم بس اللي خلاني نشترك في المنتدى مع اني ما نحبش المنتديات
عموما عندي هلببببببببببببببببببببببببببه اسئلة و استفسارات غير توا بنطلع و فالليل بادن الله راجعه و بنبدا في اسئلتي و تقصقيصي و نتمنى انكم تستحملوني و تعتبروني زي وخيتكم
سلاااااااااااااااااااااااااام
:good::good::good::good:

eman83
15-06-2009, 09:27 PM
اهلا بيك روزا مختوبة حتى انتى

روزافانتا
15-06-2009, 11:57 PM
شكرا حبوبه ايمان انا مخطوبة و تلبيستي انشالله ف شهر 11 انشالله على خاطر انا وخطيبي نفس اليوم فحبينا نديرو البيان نفس اليوم :D

روزافانتا
16-06-2009, 12:05 AM
صبايا لو سمحتو بنسألكم كم سؤال و نتمنى توسعو بالكم مع اسئلتي

نبي ناخد رأيكم ف صالة في صالة الملكه لأن كان سخر ربي بنحجز فها لبياني فلو شايفينها او عنتدكم عليها اي انطباع ياريت تنصحوني

وفي واحدة من الاخوات عايشة في بريطانيا وانا توا ف بريطانيا فياريت لو تساعدني شن الحاجات لي نجيبها معاي للبيان و للبتات من هناو بعدها ماشبع للمغرب فياريت لو تنصحوني شن نجيب معاي لان انا نحس فروحي دايخة و مرتبكه فمحتاجة رايكم صبايا
و شكرااااااااااااا مقدما
ربي يفتح عليكم يارب

أرنوبة
16-06-2009, 01:49 AM
هلا بيك ايمان شن هالتغطيسة باهي باهي هكي اتغطسي وتنسينا ومبروك ماشريتي
وروب الحمام من وين شريتية القصير راهؤ
وترحيب خاص:p بروز واهلا وسهلا بيك بين اخواتك وتفضلي حبيبتي اسالي كيف ماتبي وعن نفسي اللي نقدر انجاوبك علية صدقيني مش حنقصر وبريطانيا من راي خودي منة لبس النوم والانجري ولبس الحوش والمكياج والروائح واكيد عندهم حاجات اخري حلوة زي القفاتين البسيطات امتاع استقبال ووامتاع حاجات خفيفة لان الاجنبيات انحس فيهم يلبسؤ فيهم هلبا
والمغرب خودي زي منهم لان في منة حلؤ وصابون مغربي وحاجات الحمام لان عندهم الحاجات هدة متوفرة وحاجات الجلد تلقي عندهم بس في فاس تلقيهم ارخص واكتر لان الجلد في المغرب رخيص

أرنوبة
16-06-2009, 01:54 AM
وحتي ليبيا والله فيها حاجات حلوة قيمي شوية فليسات بيش تشري حاجات من ليبيا وبدات التيورات امتاع العريسات لان فيهم شغل حلؤ وفي بريطانيا مش حتلقي تيورات هكي صح تلقي بس بسيطات يعني رسميات مش مناسبة للعروسة وزيدي اسالي كاتي صدقيني كاتي بالها واسع ومش حتبخل عليك في شي .
ولبس الكجول خودي من غادي بدات محلات الماركات ايام التخفيض لان تخفيضهم مش عادي مش زينة اينقصو 5 او 10 دينار بس لاكن برا ديمة اينزلؤ هلبببا في التخفيضات

أرنوبة
16-06-2009, 01:58 AM
باي تصبحؤ علي الف خير
واستغفر الله الذي لا اله الا هو واتوب اليه

فسفوسة
16-06-2009, 02:19 AM
ربي يعاونكم
مبروك ماشريتي ياإيمان وتبيدي وتجددي
وأهلا بيك أختي روز سؤالك عن صالة الملكة احترت اماهي في زوز هل يلي في سوق الجمعة أو يلي في بن جابر

روزافانتا
16-06-2009, 02:26 AM
اللي في سوق الجمعه

afriqiyah
16-06-2009, 08:57 AM
اهلين صبايا
شكرا اختي فسفوسة علي الترحيب
وارنوبة شكرا هلبــــــــــــــــــــــــــــــــــــــــــــــــــــــا ليك حتي انتي
وانتي سالتي مخطوبة ولا لا
ايه اني مخطوبة وحتي اني زيكم متلخبطة هلبا ومش عارف شن نشرى وشن اندير.

afriqiyah
16-06-2009, 09:03 AM
صبايا لو سمحتو بنسألكم كم سؤال و نتمنى توسعو بالكم مع اسئلتي

نبي ناخد رأيكم ف صالة في صالة الملكه لأن كان سخر ربي بنحجز فها لبياني فلو شايفينها او عنتدكم عليها اي انطباع ياريت تنصحوني

وفي واحدة من الاخوات عايشة في بريطانيا وانا توا ف بريطانيا فياريت لو تساعدني شن الحاجات لي نجيبها معاي للبيان و للبتات من هناو بعدها ماشبع للمغرب فياريت لو تنصحوني شن نجيب معاي لان انا نحس فروحي دايخة و مرتبكه فمحتاجة رايكم صبايا
و شكرااااااااااااا مقدما
ربي يفتح عليكم يارب

صالة الملكة متاع السراج, هي حلوة لكن كبيرة هلبا الطاولة الاخيرة يشوفو العروسة في اخر الدنيا من كتر ماهي كبيرة
اني شوفت واحدة جديدة اول عرس فيه يوم الخميس18/5 اسمها الشاطي عجبتني شوفيها حتي انتي ممكن تعجبك.

روزافانتا
16-06-2009, 12:17 PM
صباح الخير
حبيبتي انا مش في ليبيا فما عنديش كيف انشوفها هدا اول شي
و تانيا انا نبي صاله صغيرونة مناسبه لبيان مع الحط في عين الاعتبار ان انا معازيمي و مالي خطيبي مش حيفوتو 150 هدا كحد أقصىىىىىىىىىىىىىىىىىىىىىى
ة بالنسبع للسعر حاطه ان مش حنفوت 1500 لان فالحلقة الاخيره هدا بيان مش حفله واصلا هما الصالات في حد داتهم ينزلو في اسهارهم فالبيانات
نهاركم سعييييد
سلاااااااااااااااااااااام

أرنوبة
16-06-2009, 03:39 PM
اهلين صبايا شن اخباركم اليوم حبيبتي روز انا مانقدرش انفيدك بموضوع الصالات لان مش من النوع اللي نمشي هلبا للعراس

روزافانتا
16-06-2009, 03:48 PM
شكرا أرنويه بارك الله فيك على ردك

perfectbride
17-06-2009, 09:34 AM
اهلين روز آنستينا واهلا بالاخت افريقيا مرحبتين بيكم بينا
بالنسبة للاخت روز في صالة صغيرونة في جهة مصنع المكرونة اسمها سيدتي الجميلة وفيه صالة ثانية مقابلتها اسمها الانوار حتى هي صغيرونة دارت فيها بنت خالي حفلة نجاحها كان عندك حد هني في ليبيا ابعتيه يسألك عليها اقاربك مثلا وانشالله انكون افدتك
وزي ماقتلك ارنوبة استغلي وقت التخفيض في بريطانيا وخودي حوايج الحوش وطلعات العشية مثلا انت وياه تدهورو وشناطي وكنادر لاني اهني الشناطي شايطة فيهم النار خودي شناطي حجمهم كبير عمليات وعلى لون الحوايج والكنادر وخودي اسبيدروات وتوت النايك والبوما اكيدة اديرو تخفيض كويس غادي وخودي الفير والسشوار وكان تستعملي في ماكينة ازالة الشعر تلقيها اصلية غادي وشن تاني ؟؟؟؟؟؟؟ مازال انفكر
ايوه وكان تي اتديري حاجات للمطبخ خودي كم حاجة مثلا ماكينة التوست او النسكافية وخلاط اي حاجة مثلا !!!
وخودي طاقم حمام نازك امتع الفرش والصابون
وبالنسبة للمغرب ننصحك تاخدي بدلة مغربية والله عندهم بدالي روعة اني واخدة وحدة

روزافانتا
17-06-2009, 11:20 AM
صباح الخير صبايا
و شكرا برفكت برايد
عالموم طلعت امس واااااااااااااااااااك و يا ريتني ما طلعت فلست و روحت
طبعا انا من السنة لي فاتت واخده هلبه ارواب من اهنا و هلبه بيجامات بجميع انواعهم و مع دللك ماقدرتش نشد روحي الحق
و خديت اكسسسوارات و اكسسوارات شعر و روب حمام قصير مشماشي و خديت معاه مستلزامات الشور بنفس اللون و خدبت الست متاع الشور جل و البودي لوشن والبرفيوم بنكهة الفراولة و نكهة المانجو وريحة عاديه و خديييت كانتيرات متاع جو شرط و قونه قيصره و خديت شرطات و اندير ويييير هلبه اشكال و خديت ششبشب حوش بودري و خديت زرز شباشب صيفيات خفاف نبيه بش نلبسهن فلحوش مع قونات قصيرات و شرطات .....................
تقريبا مان نسيت شي وكان في حاجة تانيه تو نحكيلكم
سلااااااااااامات

فسفوسة
17-06-2009, 03:12 PM
أهلين صبايا كيفكم اليوم
ومبروك ماشريتي ياروز

MaDaM KATOOSA
17-06-2009, 04:19 PM
السلأم عليكم

اهلين يابنات كلكم شنو اخباركم

و روزافانتا مبروك عليك و مبروك ماشريتى

اول شى بخصوص صاله الملكه الى فى سوق الجمعه انى حاضره فيها عرس هى قنينه الحق و مدام معازيمك مايفوتوش 150 معناها حتكون كويسه انى حضرت فيها عرس ياكبدى الناس كلهم مغمومين و لاصقين فى بعض:confused: لأنها مش كبيره و مغمومه شويه بس ديكورها قنين اتناسب بيان لكن المعازيم فى العرس ديما هلبه طبعا بس ديكورها والوانها زاهيه و حلوه
نبى انقولك نصيحه تو انتى لأزم منه البيان الى تعزموا عليه 150 قصدى حاجات جديد بس انى نعرف البيان شويه و الناس ماتقولش عليه الحق يعنى العروس و خواتها و امها و عماتها و خلأتها و هو يجيب امه و خواته و عماته و خلاته بس قصدى مستحيل عيلتكم 150 نفر فكرى فيها قبل حبيبتى

و بالنسبه لشرى انى زيك عايشه فى بريطانيا وانى شخصيا ماشريتش ولأ حاجه من ليبيا ممكن لو بديرى محضر و تبى جو الفساتين المنفوخه ممكن فى بريطانيا ماتلقيش بس والله عندى صاحبتى عايشه فى لندن فيلوها و فستان المخضر من لندن خديتهم سجننوا لو فى لندن اتحصلى تعرفى والله فستان صاحبتى امتاع المحضر بسيط و ستريت راهو حتى فيلوها يعتب مش منفوخ هلبه والله طالعه اتجنن احلى من هالمنفوخ و الى امشكشك والى اوفر هلبه انى انحب البسيط الحق

انشاءالله افدتك حبيبتى واى شى اتفضلى انتى فى اما منطقه؟;)

روزافانتا
17-06-2009, 05:44 PM
مسا لخير
شكرا عالرد مدام قطوسه بالنسبه لموضوع البيان فالصالة اولا و السبب الرئيسي انا ماعنديش خوات كبار و لا عندي خالات و عندي عمه واحدة فلدلك عني نقص حاد في من يعول و الصراحة ماما بتستقبل الناس ولا بتقعد حاصله فالتقديم و حطي و ارفعي فلراحتنا قبل كل شي اخترنا الصاله و تانيا خطيبي الولد الكبير في عيلتهم و عيلته ماشالله كبيره و كدلك انا البنت الكبيره فمافيش الا الحل هدا بش مندوخوش راسنا لان احنا فالفضان حوالي 40 راجل تبهدلنا و قريب ركبني الضغط مع ان عوالة الرجاله اسهل من النساوين و زيادة ما تحتاجش لبس و ماكياج وصار فينا حالة فحسبناها صاله خيييييييييييييييييييييير مليون مرة
انا جايه سياحة شهرين بس فبريطانيا وتوا انا فلندن والجمعه ماشيه لبورمث بنكمل بقيه الشهرين غادي
نبي نستفسر منك على اي حاجه تخص البيان او البتا متلا شكلاطه او باكوات متاع تقديم مكسرات او متلا محل متاع فيلوات مميز او اي حاجه تكون في بالك
واسفه طولت عليك
مشكورة مقدما

فسفوسة
17-06-2009, 10:42 PM
كيفكم ياصبايا
الحمدالله علي السلامة يامدام كاتوسا والله ليك وحشة
ربي يعاونك ياروز ويتمملك على خير

afriqiyah
18-06-2009, 10:53 AM
صبايا كيفكم
اليوم اول يوم تخفيضات في مانغو

perfectbride
18-06-2009, 07:46 PM
شن رايكم في اللبسة هادي
http://image.coldwatercreek.com/IMAGESFLL/H170061_073EL.JPG

perfectbride
18-06-2009, 08:05 PM
وهادي
http://image.coldwatercreek.com/IMAGESFLL/H09248_175EL.JPG

فسفوسة
18-06-2009, 11:04 PM
حلوات اللبسات بصراحه
كيفكم ياصبايا

كاتووسا
18-06-2009, 11:31 PM
صدقتى فسفوفة فيهم ذوق
كيف حالكم يا بنات

فسفوسة
19-06-2009, 05:24 PM
جمعة مباركة على أحلي صبايا

perfectbride
20-06-2009, 09:34 AM
شكرا على الاهتمام

الدكتورة أمل
21-06-2009, 01:10 AM
حبيباتى انا كنت متابعة من وراء الكواليس بس عجبتنى هدرزتكم والصراحة استفدت منكم هلبة لان عرسى قريب بادن الله وانا قاعدة برا البلاد ومش عارفة بالزبط كيف ترتيبات العرس؟

كاتووسا
21-06-2009, 01:14 AM
مرحبتين بيك دكتورة أمل وأهلا وسهلا بيك
البنيات والدمات مغطسين اليوم لاكن أهو أنى كيف فتحت ولقيتك
شنى عرسك هنى ان شاء الله حددتى عرسك ولا كيف ؟

فسفوسة
21-06-2009, 02:28 AM
أهلين دكتورة ونورتينا ربي يتمملك بالخير

afriqiyah
21-06-2009, 10:02 AM
اهلين دكتورة المدامات والصبايا يساعدونا كلنا

فسفوسة
21-06-2009, 10:10 AM
صباح الوردات على أحلى بنات

afriqiyah
21-06-2009, 10:27 AM
فسفوسة صباحك ورد

فسفوسة
21-06-2009, 10:53 AM
تسلمي حبيتي أفريقيا
كيف حالك وشن أخر أخبارك

كاتووسا
21-06-2009, 10:54 AM
صباح الورد على وردات النتدى
كيف حالكم ؟؟؟
افريقي أنستينا حبيبتى شن أخبارك عسولة ؟؟
مادم كاتى كأنها مغطسة صح . و

afriqiyah
21-06-2009, 10:55 AM
الحمدالله
اخبارى تعرفي تلخبيط مش عاديز

كاتووسا
21-06-2009, 10:55 AM
والبنيات ايمان وارنوبة وينهم هاليومين ؟

afriqiyah
21-06-2009, 10:56 AM
كاتوسا كيف حالك
تعرفي اني مبسوطة هلبا اليوم علي خاطر
اليوم تلقيت معك انت و فسفوسة

فسفوسة
21-06-2009, 11:03 AM
ربي يخليك ياأفريقيا
صباح الورد ياكاتوسا

كاتووسا
21-06-2009, 12:50 PM
سلمك أفريقيا
تعرفى لاهية فى الحوش ومخلية النت مفتوح آهو على أساس ندير فى طلة مرة مرة

afriqiyah
21-06-2009, 12:52 PM
ربي يعونك انشاالله, انتي متزوجة كاتووسا؟

أرنوبة
21-06-2009, 02:08 PM
السلام عليكم اخواتي
شن اخباركم فسفوسة وكاتوسا وافريقيا وبيرفكت وكاتي واليوجن وايمان
واهلا وسهلا بصديقتنا الدكتورة امل وتفضلي هدرزي معانا
وشن اخباركم انا استاحشتكم شن كاتوسا شن اخبار الشري وافريقيا هل مشيتي لمانغو وشن عندة حاجات حلوة

أرنوبة
21-06-2009, 02:10 PM
بيرفكت حلو القفتان اللي عارضتية الاول حلو بس بدون الجكيت حلؤ

afriqiyah
21-06-2009, 02:14 PM
اهلين ارنوبة ,كيف حالك وينك ؟
ايه امشيت لمانغو باهي عنده حاجات حلوه
لكن زحمة هلبا ,وطبعا الاسعار نزلت النص يعاني لوخديت حاجة قبل التخفيض رح تندمي عليها

أرنوبة
21-06-2009, 02:32 PM
انا كنت ناخد منة قبل التخفيض واول مافتح بس لما دار تخفيض القيت هلبا حاجات وخدتهم منة بسعر ولما دار تخفيض بسعر تاني هدا علاش قلت معاش بناخد منة الا في التخفيض لان حرام تاخدي الحاجة غالية بعدين ايبيعوها برخص التمن وشن شريتي منة انتي

afriqiyah
21-06-2009, 02:41 PM
شريت منه هلبا حاجات
شريت زوز بدالي و زوز قفاتين و لبس متع كل يوم
انتي امشيتي ولا مازال؟

أرنوبة
21-06-2009, 02:59 PM
مازال ممكن اليوم نمشي شن شكلهم البد
الي والقفاتين وبكم وهل مازال نلقة عندة

afriqiyah
21-06-2009, 03:08 PM
تعرفي هما تركيب
الجاكيت 59
والبنطلون 29وطبعا فيه اسعار
والقفاتين واحد79 واحد 65
وحتي الشناطي اسعارهم حلوه خديت زوز واحدة 19 واحدة 39

أرنوبة
21-06-2009, 03:18 PM
تعرفي انا بنتغدي وبنطلع صراحة حسك شوقتيني انا نبي قفاتين اكتر شي ولبس عملي مع ان عندي بس انحس في روحي اكترحاجة بنستعملهم والقفاتين شن امتاع مناسبة خفيفة او شن

فسفوسة
21-06-2009, 08:20 PM
كيف حالكم صبايا
منورة ياأرنوبة ومبروك ماشريتي ياأفريقيا

afriqiyah
22-06-2009, 08:28 AM
شكرا فسفوسة

أرنوبة
22-06-2009, 02:45 PM
شن الاخبار افريقيا امشيت امس لمانغؤ بس طارتلي زحمة وما عجبني شي ممكن عندة تشرتات حوش وبديهات وبناطلين جينز بس هدا كلة عندي مالقيتش حاجة جديدة

afriqiyah
22-06-2009, 02:55 PM
ايه هو زحمة هلبا اني امشيت اول يوم تخفيض كان فيه هلبا حاجات
وامشيت تاني يوم
تعرف البديهات والبناطلين الجينز مازال ينزل سعرهم بعد سبوع توا ايدير 70%

الدكتورة أمل
23-06-2009, 12:18 AM
كيفكم يااحلى بنات نبى نسالكم على مدام فيكى اللى تصبغ فى الشعر وين مكانها ورقم تليفونها وياريت لوفيه وحة منكم تعرف كيف نحصل بنات يساعدونا فى تنظيف البيت بس نرجعوا من السفر ويقعدوا معانا فترة العرس لتوظيب البيت بس يكونوا مضمونات وموثوق منهم ولكم جزيل الشكر

الدكتورة أمل
23-06-2009, 12:24 AM
بنسالكم على احسن الصالات فى طرابلس ولو فيه امكانية تبعتولى ارقام التليفونات وسلام كبير لمدام قطوسة وكاتى وافريقية وارنوبة وللكل البنات

الدكتورة أمل
23-06-2009, 12:30 AM
انشاء الله عرسى فى طرابلس بعد رمضان بادن الله وشكرا على سؤالك كاتووسا

فسفوسة
23-06-2009, 01:15 AM
أهلين صبايا
ياأموله فيكي تعرفي حديقة اللي بحدا عيادة سكرة زمان حديقة الغارة وراها أنتي أوصلي غادي وأسألي لانه الداخل هلبا جاي بين الفيلات ومش مدايرين حتى لافته تبينه
وبالنسبة لصالات في هلبة منهم اللبيب والهناء امتع زاوية الدهماني وعين زارة وصالة قورينا والفاخرة
ان شاء الله افدتك وربي يعاونك

روزافانتا
23-06-2009, 01:23 AM
مسالخير استاجشتكم هلبه
ومبروك عليك يا دكتورة امل نالنسبه للصالااااااات في هلللللللللللللللللللللللللللللللللللبه وبالنسبه للتنظيف في مكتب في جزيرة الفرناج جهة مزين مروة تركبيله بالدروج متاه نظافات ممكن تشوفيه
وربي يتمم عليك بخير و العقبه للي مزاال


وحقا صبايا قداش يرفعو فورغان فالبتات
سلام

روزافانتا
23-06-2009, 01:24 AM
دكتورة شن يا دكتورة امل انتي؟؟

روزافانتا
23-06-2009, 01:27 AM
عدي طلب بسيط للمدامات فالمنتدى ياريت او يديرولنا موضوع عالحاجات اللي احتجوها من بتاتهم و ينصحونا ناخدوها و الحاجات اللي ينصحونا ماناخدوهاش و حاجات بخصوووص الموضوع هدا
واسف كان تقلت عليكم
سلامات

الدكتورة أمل
23-06-2009, 01:13 PM
شكرا يافسفوسة وياروز على اهتمامكم وانا دكتورة اسنان

الدكتورة أمل
23-06-2009, 01:18 PM
فسفوسة لوسمحت مافيش رقم تليفون لفيكى او اى وحدة منكم يابنات لو تعرف رقم تليفونها ياريت تساعدنى وربنا يتمم للجميع على الف خيروعقبال للى مزال

روزافانتا
23-06-2009, 04:45 PM
مسالخير والعفو طبعا مافيش جميل و عموما حتا انا قريب نولي زميلتك لان اخر سنه طب اسنان يعني دكتورة الا final لان تميت نصفيات وبالنسبه لرقم فيكي جاري البحت عليه

ربي يعاونكم يا بنات
سلااااااااااااامااااااااااااااات

الدكتورة أمل
23-06-2009, 05:51 PM
ازيك ياروز وازى كل البنات وشدى حيلك ياروز فى final وموفقة حبيبتى وماعليش انا عارفة كترت عليكم بس سامحونى لان ماما راجعة لليبيا ونبيها تحجزلى فى كل ما يحتاج الحجز زى الصالة والكوافيرة وغيرهافياريت همتكم معاى وتعطونى نعتة نادية الجزائرية وفاطمةشعيب وخيرة واحسن محل كروت افراح ومن وين نقدر نشرى كاب واحسن مكان او احسن وحدة ادير العشاء تبع الافراح فى الصالات وايش هى احدث الصيحات اللى بدوا ايديروا فيها فى الاعراس عارفة طولت عليكم بس معليش سامحونى ومشكورين هلبة هلبة هلبة

eman83
23-06-2009, 11:26 PM
السلام عليكم
ربى يتمم علينا بالخير يارب
والله ماشاءالله غبت عليكم لقيتكم منشطين الموضوع سلمكم يارب:D

الدكتورة امل بما انك برا ليبيا نحب نساعدك
الصالات فيه هلباااااااااااا بس حسب ميزانيتك
رح نسميلك الجدد وسعرهم
صالة نور العين بحدا القبة السماوية حلوة وقنينة وراقية هادى بندير فيها عرسى سعرها 3000 يوم عادى
4000 يوم خميس
والصالة فيها جناح للعروسة وصالة لرجالة العيلة كل واحد بالمدخل متعه

صالة الليب 3350 فى الفرناج يوم عادى وخميس وجمعة 4000 على ماظن الهم فى الحدود هادى
صالة قورينا قنينة وفيها استيج فى الوسط سعرها 3000 يوم عادى
صالة لبدة 2500 فى غوط الشعال
صالة المندرة فى جامع الصقع سعرها 5000 وتانية 4000
صالة دانة وصالة ليلتى وصالة نواعم هادو الى تفكرتهم توا


المزينات عندك نادية الجزائرية
فاطمة شعيب
خيرا

انى محتارة اى فيهم بنمشى بس رح نقولك نادية متشينش يعنى حطة ايدها ولمساتها متخليكش شينة

فاطمة شعيب حتى هيا ما شاءاالله بس تغير هلبا فى شكل الوجه مرات التغيير هدا مايمشيش مع العروسة فتطلع شينة

العشى صناع الحياة
او وحدة اسمها جميلة

البطاقات عندك محل فى اول سبتمنبر فى زنقة القاضى عنده بطاقات روعة
وفيه تلاتة محلات فى ميزران بركيدجو ميزران غادى داخل فيه محلات بطاقات وفيه جميع الاسعار والاشكال

الكاب عندك المدينة القديمة داخل وين مفيه سوق المشير
او محلات الليتم امشى تختارى وتوصيه كيف تبيه
امممممم شن تانى


بالنسبة الى سئلت على البتات وكيف تشرى وتجهز
اول الموضوع هدا الصفحات الاولى ان سئلت والبنات والمدامات ساعدوى كيف نشرى


دكتورة امل الشكلاطة متع الحفلة عدك باناش فى بن عاشور شكلاطة سويسرية الكيلو بى 60 ايطيح متع 80 طرف وفيه هلبا اشكال وانواع واسعار
عندك كرنفال بحدا قاعة الشعب حتى هوا شلاة راقية وقنينة
البكلاوة وحدة قالت عليها مدام قاطوسة اسمها مفيدة الحبروش
وفيه الى يدير فى الكنفيتى
المصوراتية متع الحفلة تصوير تابت ومتحرك عند محل بهاء الدين بعرة وانى ننصحك بيه
لى انى حاجزة عنده
وشفت شغلهم اكتر من عرس
بصراحة تبارك الرحمن عليهم البنات الى عنده ادب واخلاق ومعاملة والله ماشاءالله
بالنسبة لى اتنين افلام صور مع الفيديو تصورلك من الصالة لما تبدا فاضية لعند مايوصولو المعازيم تصوير استقبال ولين تكمل الحفلة وتسقدك لما العروسة تطلع من الصالة
سعرهم 550

مزين خيرا شفتى جزية دوران فشلوم كملى طول كانك ماشية للمجمع الصحى
تلقى يمينك محل بيتسا فاميلى اول زنقة بعد المحل على يميينك خشى منها وكملى طول يجيك المزين على يمينك اسمه بالصراحة احلى
وهدا رقم مدام خيرا0923494915

واى شئ تفضلى

فسفوسة
23-06-2009, 11:55 PM
ماشاء ياأيمان عندك حق تغيبي اليومين اللي فاتوا شكلك شادتيها طلوع
وينكم ياصبايا وين مغيبات

الدكتورة أمل
24-06-2009, 12:39 AM
:o:oصحيتى هلبة ياايمان وربنا يحققلك كل ما تتمنى بس ماعليش ماتعرفيش عناوين فاطمة شعيب ونادية الجزائرية ؟ومحلات الليتم وين مكانهم نبى النعتة لو ممكن وجميلة متع العشاء رقم تليفونها;)
وعنوان باناش لو سمحت وسامحينى على الاطالة
امتى عرسك انشاء الله ؟وخلصت كل المشتريات او لسة؟
معليش قبل ما ننسى جميلة متع العشاء ياريت لو تعطينى رقم تليفون ليها اوعنوانها ولك جزيل الشكر والامتنان:good:
بااااااااااااااااااااااى وتصبحوا على خير يابنوتات

روزافانتا
24-06-2009, 01:50 AM
مسالخير امولة بنقولك على مزين ناديه الجزايرية في شارع الجمهورية بعد ما تفوتي سيمافرو جامع مولاي محمد كانك ماشية للعالم تاني شارع عاليمين بتمشي مسافة تلقي مزين لينا تحت عمارات عموما لازم تمشيلها قبل مناسبتك ب 3 شهور مصكرااااااااات لان انا قبل مانسافر مشيت بنحجز عندها لبياني ف 11 فقالتلي عرايس 11 موعدهم يوم 2-8 يجو كلهم يحجزو واللي يلحق قبل لان تاخد ف عدد معين والباقي تفوت فيه
اما بالنسبه لفاطمه شعيب في شارع قبل جامعة الفاتح تقريبا في فبدياته صيدليه عموما للامانه نقولك صانها و صاحبتي ماشالله القنانه و البيوضة و نقش عالاسود الصراحة البنت آية من الجمال والله ف بيانها بكي و عياط ع خاطر لعبت فها هلبه هلبه مش نقوللك شينتها لكن الصرتحة ماعطتهاش حقها بكل سامحيني ممكن نشتتلك افكارك بكلامي بس هادي اللي صار قدامي
وبالنسبه لجميلة كانك تدوي على جميلة اللي ف سوق الجمعه حوشها ف طريق السطاش 16 مقابل مدرسة التورة العربيه تانوية بنات
و انشالله انكون افدتك

أرنوبة
24-06-2009, 02:03 AM
اهلا روز شن الاخبار شن ساهرة الليلة ليك فترة امغطسة شن اخر مواضيغ البتات

روزافانتا
24-06-2009, 02:48 AM
ايح ايح تعرفي غارقة لقباعت راسي زي ما يقولو خل نبدا بسم الله
خديت يرغان كبير لونه بودري مايل للوقيدي و ماكينة بيقوديني للشعر اللي تعدل فأيونات الشعر بالبخار و 2 قفاطين و 2 سواري و سروال تجينز بس ماهانش عليا ندسه بنطلع به توا الحق وووو لقيت شنطة متاع كواشيك فها76 قطعة كل حاجه منها 8 مش عارفة ناخدها والاا لا مدايرين فها تخفيض 50% و معاها ضمان 25 سنه تخيلي يعني ستيل مش عادي و مزال هللللللللللللللللللللللللبه حاجات

فسفوسة
24-06-2009, 02:50 AM
وينكم عالماسنجر يابنات

روزافانتا
24-06-2009, 02:52 AM
اناااااااااااااااااااااا انلاين ههههههههههههههههههههه

afriqiyah
24-06-2009, 01:06 PM
اهلين دكتورة
بالنسبة لفاطمة شعيب اني تعجبني هلبا واختي حجزت عندها
وبالنسبة لصالات انتي و ميزانيتك فيه الودان حلوه هلبا
وفيها صالة في السياحية جديدة حتي هيا حلوه
والعشاء فيه فضيلة قرادة اكله حلــــــــــــــــــــــــو وحتي الحلويات
وربي يكملك علي خير انشاءالله

روزافانتا
24-06-2009, 01:07 PM
صباح الخير
هدا رقم فيكي يا دكتورة امل 0213605433
سلاااااااااااااااااااااام

eman83
24-06-2009, 01:49 PM
صباح الخير
كيفحالكم اليوم
مدام فسفوسة كيفحالك وحال وسن
ايه منحكيلكش جرى جرى
لى انى نبى نكمل كل شئ توا قبل رمضان لى انه الحق صعب الطلوع فى رمضان صيام وزحمة
فا نبى نكمل اغلب المشتريات توا ولو فضلو حاجات بسيطة عادى يقعدو لبعد العيد

دكتورة امل
النعتة اعطوهالك البنات متع جميلة ونادية وفاطمة
بالنسبة للمزينات والله بعد ماريت حظ كل وحدة ونيتها
يعنى فيه ال مشو لخيرا طلعتهم واااو
وفيه لى فاطمة طلعتهم نفس الشئ
يعى مسئلة حظ
وان شاءالله يارب نطلعو زى مانبو

بالنسبة للفيلو
طبعا انى معجبنى شئ
الحق كلهم تقليديات الفيلوات متع
طرفين وكريستال ولونه بيج ومنفوخات هلبا ومكشكش كلهم معجبنيش
انى نبيه حلو وبسيط
انى هكى رائ انى مرة شفت عروسة الفيلو حاله كريستال ولونه دهبى وديل طويل واخيه والمكياج هلبا مفيش دوق
لو الفيلو فيه هلبا شغل مفروض تحاول اتنقص فى المكياج باش متطلعش زى المهرجة
وهد ا الى بنديره
نشوف الفيلو ونشوف شن يطلع عليه
عندى بنات نعتونى عليهم مخيطات فيلوات ويبو ياجرو قست اتنين
ومزال اتنين
بعدها نقرر

دكتورة امل بنسبة لصالة نور العين لو بتحجزى فيها رح يبعتوك لمهندسة الديكور عنده محل وتوريك جيمع الديكورات والوان الصالة وانتى تختارى وطبعا نفس سعر الصالة
الا لو فى حاله تبى ديكور هما معندهمش متلا الالوان فبتزيد تدفعى فوق السعر

afriqiyah
24-06-2009, 01:56 PM
ايمان كيف حالك
علاش ماتخيطيش خياطة الفيلو و علي ذوقك.

eman83
24-06-2009, 02:14 PM
اهين افريقا الحمدالله بخير كيفحالك انتى

الفيلو خياطة تبى وسعة بال وتبدى ماشية جايه عليها وانى الحق دوقى صعب صح تعجبنى الحاجة وقتها بس بعد منروح نغير رائ فامنبيش نجازف ونبدا على اعصابى وبعد منخيطه يطلع ميعجبنيش :confused:


انتى حصلتى فيلو

أرنوبة
24-06-2009, 02:16 PM
صباح الخير بنات شن اخباركم
فسفوسة قصدك ساهرة البارح والله مانندري عليك لان قعدت امكسدة ونحساب روز بس في المنتدي ياريت فتحتة الماسنجر البارح لان سهرت وكسدت لبعد الفجر وروز مبروك ماشريتي والقفتان شن شكلة لشريتية وبنقولك مادامة شنطة الكواشيك امدايرين فيها تخفيض خوديها لان انا وخدتها سنستيل اصلي وماركة ايطالية خديتها ب270 بس فيها من كل حاجة12 القطعة وانتي بقداش القيتيها اسمعي امشي لايكية خودي منهم فرش الحمام وستائر الحمام انتي اللي في بريطانيا صح
وايمان قوليلنا شن شريتي وهل شريتي قفتان

afriqiyah
24-06-2009, 02:17 PM
الحق اني خياطة الفيلو

أرنوبة
24-06-2009, 02:17 PM
اهلا افريقيا شن اخبارك شن شريتي جديد

afriqiyah
24-06-2009, 02:19 PM
ارنوبة كيف حالك
شنو ماحصلتيش قفتان؟

أرنوبة
24-06-2009, 02:20 PM
ايمان ممكن لو سمحتي تبعتيلي علي الخاص عنوان اللي قلتي علية امتاع الفيلؤ لمخيطين تخيط ويبؤ اياجرو
لان بجديات انا صعب انخيط لان متاكدة مايوصل الفيلؤ فيا ونلبسة لين انكون كاهتة

eman83
24-06-2009, 02:20 PM
رقم فاطمة شعيب 0925093297
محل كرنفاال متع الشكلاطة 0925044749
مزين نادية الجزائرية 0913729040

أرنوبة
24-06-2009, 02:21 PM
الحمد الله شن اخبارك انتي
والله لتؤ ماحصلت شكلي بنفوت القفتان ههههههههههه
لان كان مش امدايرين محضر مش واخدة قفتان ناخد تيورات وخلاص وسادني قفتانهم
وانتي حصلتي

eman83
24-06-2009, 02:22 PM
افريقا اى خياطة خيطتى عندها
واقماش من وين
وكم السعر

أرنوبة
24-06-2009, 02:23 PM
ايمان من وين شريتي روب الحمام

afriqiyah
24-06-2009, 02:23 PM
ايه اني خياطة قفتاني

eman83
24-06-2009, 02:24 PM
ارنوبة حاضر تو نبعتلك بس الحق فيلوتهم بسيطات جدا وواد منهم مش منفوخ الى قسته والتانى عادى استريت من فوق وفه نفخة بسيطة من لوطا

ومزال اتنين واحد منهم صورته حطيتها ف الموضوع لو تراجعى و تلقيه

afriqiyah
24-06-2009, 02:24 PM
تعرفي ياايمان كلفني هلبا
القماش من كشمير
والخياطة عند واحده في حوشها مش مشهورة هلبا

أرنوبة
24-06-2009, 02:24 PM
عطاكم ربي عند بال اتخيطؤ

eman83
24-06-2009, 02:26 PM
ارنوبة روب الحمام من بى اتش اس فى السياحية

أرنوبة
24-06-2009, 02:26 PM
وين خيطؤ قفتانك ياافريقيا ممكن اتحطي صورتة لو واخدتة من النت
والفيلر قداش كلفك

eman83
24-06-2009, 02:27 PM
نجاة _حنة وحلوة واللذي لزم منه....مرا زي العسل
0913759308
اى وحدة تيها تتفضل

أرنوبة
24-06-2009, 02:27 PM
اه والله امس بنخشلة بس كان وقت عليا قلت خليها مرة تانية وبقداش خديتية يايمان وهل لبسة حلؤ

أرنوبة
24-06-2009, 02:29 PM
شكرا ايمان وهدة اتجي للحوش او لا
ماشاءالله عليك بدت عنك خبرة شن هالنشاط ياايمان

afriqiyah
24-06-2009, 02:30 PM
القفتان تصميم وليد الرقيعي مش من النت
كلفني مبلغ وقدره
خش ع المسنجر توا نقولك

eman83
24-06-2009, 02:35 PM
افريقيا خيانة على المسنجر من وراى:cry:

ارنوبة ايه المرا تكلميها وتتلاقو فى مكان وترفيعها لحوشك

afriqiyah
24-06-2009, 02:36 PM
تفضلي علي الماسنجر حتي انتي

star880
24-06-2009, 03:05 PM
السلام عليكم ورحمه الله وبركاته
والله اني شاركت في المنتدي علي خاطركم اني متزوجه وعندي ولد وليا قريب سنتين متزوجه وتو اني عايشه
في الخارج واللي عنده اي اسفسار والي متلا بتتعرس بعدين بتسافر طول وتبي تعرف شن ترفع معها شن ما ترفعش يعني حاجه اني جاهزه
وشكرا حبايبي

afriqiyah
24-06-2009, 03:13 PM
كاتووسا وينك

eman83
24-06-2009, 03:20 PM
ستار تعالى انى طالعة برا بعد العرس

MaDaM KATOOSA
24-06-2009, 03:27 PM
السلأم عليكم

اهلين يابنات شنو اخباركم

ربى يكمل عليكم بالخير

انى والله خشيت لعيون الدكتوره امل بنعطيها رقم فيكى القيت الأخوات ماقصروش واعطوهولك وانى ننصحك بيها راهو فيكى فى الصبغع حاجه روعه و هى معاش تصبغ توا بس تقدرى تطلبيها انى نتعامل معهم ديما حتى شمعتهم روعه الحق واستشوارهم حلو حلو و يفهموا فى القصات و يعرفوا يستشوروهم بالاخص العامله الى اسمها هند هى الدراع الايمين لفيكى انى نطلب فيها ديما حتى مكياجها خفيف لطلعات الخفيف الحق انى لما مشيت لحوش شيابينى مكيجت عندها روعه تعرفى

بالنسبه لشوكلأطه انى تعجبنى كرنفال افضل و درتها فى عرسى بصراحه بناش مصخوته هلبه الشوكلأطه بس كرنفال حجمها بارز

و البكلأوه ننصحك بالمدام مفيده حبروش يسلموا ايدها الحق هى ادير فى حاجات الجبد يعنى بكلوه و بوريك بوريكها لحد الأن مادوقتش احلى منه نااشف و كبير حلو و بكلوتها تحفه ما تتقارنش باى بكلوه تانيه امشى جربيها و مش حتندمى

بالنسبه لصالات انى انحب اللبيب الحق

المزين انى امشيت لناديه انى تعجب فيها الحق ماتغيركش ماتغيرش الملامح

خيرا مش شايفتلها الحق

فاطمه شعيب شايفتلها 7 عرايس 5 حلوات و اتنسن مش حلو لكن التسريحا ت ال 7 يجننوا تسريحاتها حلوات وحده من العرايس الى طلعتها مش حلو بكل والله طلعتها زى حليمه بولند اتجنن و صاحبتى من اسبوعين حضرت فيديو عرسها مش حلوه صاحبتى بكل اقل من العادى امطلعتها ملكه الحق لين انصدمت لما شوفتها راهو شوفتهم صور كلهم مش عالطبيعه

راهو مسئلت حط الحكايه كلها لأ اكتر ولأ اقل

العشى انى تعجبنى مالكت صناع الحياه الحق انى ديرت عشائى عندها هى عندها حاجات مش حلوه زى اى طباخه بس امشى كدا مره دوق واختارى و لو تبى اسماء الحاجات الى ديرتها باش ادوقيها انقولهملك
بس بوريكى كان من مفيده حبروش

و التصوير زى ماقالت ايمان بعره روعه بدات اطلبى بنت اسمها سميره تصويرها روعه
انى ديرت عندهم بروجكتر و تصوير متحرك و تابت ديجيتل و تابت عادى و المونتاج امتاع الفيديو بروحه تدفعى عليه المهم كله كلفنى 1200 دينار بس شغل روعه و راهو اسعارهم ما تختلفش هلبه على الأماكن التانيه كلها بنفس السعر

و هدا هو واى شى اتفضلى

MaDaM KATOOSA
24-06-2009, 03:29 PM
نبى نسالكم يابنات عندكم مشكله فى المسنجر مباش ينفتحلى انى بكل

star880
24-06-2009, 03:37 PM
eman83
تفضلي اي استفسار ولا يهمك

star880
24-06-2009, 03:44 PM
eman83

ماقلتليش اما بلاد ماشيه انشاء الله

eman83
24-06-2009, 03:53 PM
حبيبى ستار انى ماشية ان شاءالله لكندا

يابنات انى حجزت فى نور العين حلوة وحلوة وراقية وبنمشى لمهندسة الديكور باش نختار اللون الى نبيه

ما شاءلله الصالة اضائتها روعة وجناح العروسة وصالة خصة لرجاله العيلة
وحتى قريبة وسط البلاد

star880
24-06-2009, 03:57 PM
باهي ربي يكملك علي خير انشاء الله

لكن كندا بعيده هلبه تبيلك باش تجي زياره
لكن احسن من بلاش والا شني

eman83
24-06-2009, 04:01 PM
ايه حبيبتى ستار
بس عادى تو نتعود

MaDaM KATOOSA
24-06-2009, 04:03 PM
الله يا ايمان ربى يهنيك و كندا حلوه على الاخر بالاخص لما تمشى لمدينه اسمها فانكوفر حاجه تانيه

ربى يهنيك انشاءالله لكن قربتى منا فى بريطانيا و احتمال كبير تنزلى عندنا فى بريطانيا ترانزيت

ربى يهنيك يارب وانى ننصحك يا ايمان والله ماتكترى لبس بالاخص انك بتسافرى يعنى حتشرى صدقينى

MaDaM KATOOSA
24-06-2009, 04:04 PM
ايمان اتكرت ديروا جوله فوق شلألات النياقرا بالهليكوبتر اتجنن تعرفى منطر ولأ فى الخيال و حتى نيويورك فى امريكا اتبان عليك من فوق الله دكرتينى بايام حلوه

ربى يهنيك يارب

eman83
24-06-2009, 04:11 PM
:cry::cry::cry::cry:
:cry:
الغربة مرة كل منفكر العرس حالة الدموع ينزلو والله ماهى ساهلة
البرنامج لتوا من ليبيا لى لندن لى كندا
بس فيه شهر العرس بس مش معروف وين
وبعدين موضوع اللبس صعبة الفترة الاولى نطلب منه فلوس
تى انى حتى الشامنبورات نبى نرفعهم نتحشم ههههههههه

MaDaM KATOOSA
24-06-2009, 04:18 PM
معقوله بتكركرى معاك شامبوات معليش للمده الى بتقعديها اول ماتتزوجى فى ليبيا بعدين الحاجات اهما حتلقيهم فى حوشك فى ليبيا يوتوا فيها عيلت العريس بس ننصحك ماتكركريهمش لكندا يتبزعوا فى الشنطه على حوايجك او شى انى مش قصدى اللبس ماتشرى شى لأ اشرى بس مش هلبه والله غير تتوقعى تتحشم من اول ليله يبدا معاش فى حشمه من ربك سبحان الله

eman83
24-06-2009, 04:24 PM
فى الاول كنا بنقعدو جو اسبوعين وبنديرو محضر
مشى قررنا نلغوه المحضر ونسافرو على طول
يوم العرس طالعين الفجر ان شاءالله

حتى اماليا بنسلم عليهم فى الصالة واااااك على الموقف

MaDaM KATOOSA
24-06-2009, 04:39 PM
ربى يهنيك ايمان

نبى نسالك بديرى قفه و بيجوك عيلت العريس؟

اسمعوا نبى انقول للبنات اسمعوا عيلت العريس لما مايبوش يديرولكم محضر حتى القفه مفروض اتقولولهم ماتجيبهاش لأنه عيلت العريس ديما فالحين هههههههههه المحضر مصاريف عليهم يقولولك فكنا لكن القفه مصاريف على عيلت العروس خليهم هما يديروا فالحين عيلت العريس ديما فى الحاجات اهيا

انى الحق النجمه و جيت عيلت العريس مانحبهاش ديما القفف فوضى الحق بالاخص لما فى الحوش يجيبولك افيكوات امعبيات غير مفرخ ياوخيتى مش عارف كيف لحد الأن عيلتنا ممنوع الى مش متزوجه تمشى فى القفه هدا لو درناها احنى مانديروش فيهم لأ والناس الى يجوك يجبوا مفرخهم ويجوا والله دوشه و مصاريف زايده الحق

eman83
24-06-2009, 04:51 PM
ههههههه
حى انتى تعرفى صح كلامك وحدة بوحدة:lol:
انى مدايرة تلبيسةوفاتحة فى نص الشهر الجاى
فى حوشنا
وبنستقبلو فى العرس قفة من غير نجمة
هما يبو محضر وكنت حتى انى نبيه الحق خاطرى فيه
بس توا قررنا بلاش منه ونسافرو نفس اليوم وخلاص

:confused:

MaDaM KATOOSA
24-06-2009, 04:55 PM
ايمان القفه هى النجمه بيجبولكم صدارات و دوشه غير مش متاخر هلبه لما نجمه معناها متاخر هلبه هلبه وعلى هدا الكلأم معناها مدام هى قفه لأزم اتعشوا الناس يعنى من غير الحلويا ت والروزاطه و الشكلأطه لأزم اتعشيهم لانهم بيجوك وقت المغرب بس لما يجوك فى ليل متاخر مايعشوش

eman83
24-06-2009, 05:10 PM
:eek::eek::eek:
يعشووو
قالوو انهم بيبعتوها مع نساوين كبار فى العيلة
وانى مش عازمه حد اخطا حناى وخلاتى وبناتهم تى هادو بروحهم زحمة:lol:
حتى صحباتى رح نتئسفلهم بنقوللهم مدايرتها على الضيق
يا كبدى سهر فى الليل وين نقدره وتانى يوم وراى نوضان بكرى وحفلة

عشى يعنى بنجيبو مرا وبطييب وتروين وحوسة:mad:

MaDaM KATOOSA
24-06-2009, 05:13 PM
ايه ياوخيتى انى نعرف لما يجيبوا القفه بكرى معناها اتعشى لما يجوك متاخر هو الى ماتعشيش شويه و يتسقدوا

باهى نبى نسالك علأش بتنادى خلأتك بس و خيرهم عماتك؟؟؟؟؟؟؟

انى سالت السوال لانى انحب عماتى هلبه و انلاحط انه البنات ديما يتحيزوا لخلاتهم و مايعدلوش على عماتهم حتى على عيون بوها الوحده مفروض اتحب عماتها انى عماتى انموت فيهم انبيع الدنيا على خاطرهم الحق:D

eman83
24-06-2009, 05:43 PM
هادى تبى تقعمزة باهية:lol:
والله اكترهم ميبوش مشى للصالة وميبوش اغانى
فى عرس اختى الاول درنا يوم النجمة
وقولنالهم تعالو بكرى من غير غنى ولما يجو حوش العريس ساعة 12 راهو بنفتحو اغانى
قتلهم امى تعالو بكرى من 8
تخايلى استينانهم مجى منهم والى

والى توجع مناسبات بناتهم مش صلات عاديات صالة هوتيل فى كورنتيا واغانى وزمزمات ويمشو عادى
علاش النفاق
توجع اللقطة ولا عراسنا احنى مايجوناش مع انه خصصصنا ليهم يوم
واعراسهم بناتهم واقاربهم اقسم بالله زمزمات ورقيص وصالة
لين انصدمت فيهم
شفتى علاش منبيش منادية عليهم

MaDaM KATOOSA
24-06-2009, 06:22 PM
السلأم عليكم

مش عارف يا ايمان بس عيب عماتك ماتعزميهمش انهارى حتى على عيون بوك باهى بوكم يرضى انه ماتنادوهمش تى والله كان بوى انى يدبحنا و يلغى العرس لألأ لأ انتى خليك خير منهم وناديهم و بعدين ماجوش فى وجوهم حبيبتى لكن ماتجيش ماتناديش عماتك هناك عمه ماتتمناش الخير لعرس بنت خوهالألأ حبيبتى غير شكله انتوا خديتوا منهم موقف و شديتوه

معليشى انى ممكن ادخلت بس انى ماتعجبشش فيا انه البنات يجوا مع امهم ضد عماتهم و تبدا الأم تشحم فى صغارها على عماتهم و تانى شى حتى لو الأم مش متفاهمه هى و حماتها مفروض ماتغليش دم صغارها على عماتهم

سامحونى يابنات بدى موضوع اجتماعى هههههههههه سامحونى طلعت خارج الموضوع

ايمان ربى يهنيك وانشاءالله يجيك زى ماتبى;)

eman83
24-06-2009, 06:48 PM
ان شاءالله يارب

معليشى سؤال
يوم التلبيسة يجوز يشوفنى بكامل زينتى ؟؟؟؟

MaDaM KATOOSA
24-06-2009, 06:52 PM
اهلين ايمان

ايمان والله هى شرعا لأنه مش محرم فمعناها المفروض مايشوفكش متزينه و متعطره و كدا بس عادتا يستروا البنات فى فساتينهم و يلبسوا فى وشاح يغطوا شعرهم الحق انى حضرت بيان البنت لبست عبايه كامله بس وجها باين و المكياج باين

بس شرعا لأنه مش محرم اكيد حرام والله اعلم

والله مانقدر انساعدك حبيبتى لأنه احنى عيلتنا لحد الأن يرفضوا انه الخطيب يخش يوم البيان عرفتى فمعمرى مريت بالموقف هدا بس فى الى يخشوا و يقعدوا البنات من غير شاربات و عادى فساتينهم من غير ستر

انتى شنو فستانك كيف تفصيلته و اما مزين بتمشى فى التلبيسه؟

eman83
24-06-2009, 07:03 PM
يوم التلبيسة هوا نفسه يوم الفاتحة هدا علاش سئلت
حوش العريس مدايرين غدى وفاتحةفى الصالة
وفى اليل ان شاءالله تعالى التلبيسة
وانى الحق القفتان عريان شوية
وبنصور فامنبيش يعلقو يقولو طلعت قدامه هكى
ماشية لخيرا فى النوفليين
القفتان لونه احمر
من فوق عريان وينزل استريت بعدين من لوطا فيه نفخة بسيطةوفيه ديل طويل دائرى
وهوا لونه احمر ومخدوم بالدهبى
والتاج رح نخليه للعرس
رح نحط توكات كريستال بسيطات
او ممكن وردة حمرا لى انه شعرى نبيه يكون على الجنب

MaDaM KATOOSA
24-06-2009, 07:09 PM
حبيبتى مدام الفاتحه بتكون مقريه عادى تعتبرى زوجه انى انقولك حاجه الفستان عليه شال على كتافك معليشى حتى للحشمه واحترام للكبار الى زى امك و امه معليشى استرى الفستان من فوق و لفى عليه شال لو مافيشى شال الفستان ديريله او خيطيله جاكيت خودى دانتيل نازك من كشمير على الأحمر والدهبى و ديرى جاكيت قصيرونى الى اتجى على اليدين امشى لليونانيه الى اعطيتك رقمها فيسع ما اديرهالك لكن شاربتك مش لازم مدام الفاتحه بتكون مقريه حبيبتى

ربى يكمل عليك فرحتك وايه ماتلبسيش تاج فى البيان بصراحه مش حلو تاج فى البيان التاج فى العرس بس ديرى ورده على الجنب حلوه اتجى

لكن ننصحك اديرى جاكيت دانتيل نازك و حتلقى دانتيل بلون فستانك لو تمشى لكشمير و ممكن بالمتير ميتروا يخى نص ميتروا يديرلك البلرو الجاكيت صغيره

ربى يهنيك شنو بتفرقى عليهم حجزتى والأ مزال و بديرى حار سوانى والأ تقعيد؟

perfectbride
24-06-2009, 07:13 PM
اهلين صبايا ومدامات كيف حالكم
حتى احني عيلتنا الحق مايخشش العريس يلبس اني لبستني امه وقصيت اني وياها التورتة ووكلتني ووكلتها وخلاص وجت اللقطة حلوة لكن هما كانو جايبين كاميرا وصوروني فشافني في الصور بس

perfectbride
24-06-2009, 07:17 PM
وبالنسبة لفاطمة حتى اني شكروهالي هلبة وشكلي بنحجز عندها وخلاص !!! وكان خيرا قالو ماكياجها مش ماركة لكن حطانها في الماكياج وتسريحاتها حلوة فالافضل ترفعي ماكياجك معاك

واني على العموم شكله عرسي بيتأجل لان ام خطيبي صارلتها حالة وفاة يلا كل تاخيرة فيها خيرة

eman83
24-06-2009, 07:20 PM
ايه القفتان فيه شال بس مرات يعقدنى يقعد يطيح:mad: ممكن ناخد الشال نديره هوا جاكيت صغيرونة زى ماانتى قلتى
بالنسبة للماكلة احنى بنطيبو بيجو خلاتى بيطيبو
بنديو صوانى رز واربعة حاجات وزوز سلايط
ومزال الحلويات الى بنقدمهم مع الشاهى
ومزال الشكلاطة
يا ما كولاتى استريت او فيرورو او لندت قاعدة حايرة بينهم
الروزاطة طبعا يوم الفاتحة يبعتو حوش العريس روزطاة وعبنمبر
وقلت بنقدم حاجة بعد العشى من غير التورتة
بس مش عارفه شن هيا

بيرفكت برايد حتى انى سئلت مع انه يوم التلبيسة رح يكون راجلى بس منبيش نقعد قدامه هكى

eman83
24-06-2009, 07:28 PM
بيرفكت برايد معليشى كل تاخيرة فيها خيرة
انى قبل التلبيسة بيوم صارتلهم حالة وفاة واجلتها مع انه حتى حواجبى درتهم بس ان شاءالله ربى يستر
وانى الحق اهل العريس حجزو عند بهاء الدين لتصوير الفاتحةلى انهم مدايرينها فاتحة كبيرة
وقالى بيجيبو نوبة بعد الفاتحة بيهجيو الاحباب والاصحاب عليها

فا سئلنى قالى نلبس بدلة رسمية او اللبسة الزمنية زبون الكامل
انى رائ قتله كل الى نشوف فيهم فى الفاتحة متعهم لابسين زبون قلتها البسها وفى الليل غير البس بدلة
مع انه هوا ميحبش الرسميات

perfectbride
24-06-2009, 07:33 PM
ايه صح يلبس زبون احلا يوم الفاتحة ربي يهنيك يا ايمان ويتمملك على خير ويكملك فرحتك

والله الصداع بيقتلني اني

perfectbride
24-06-2009, 07:37 PM
حتى مش مدايرة قفة بنديرو نجمة في الليل وخلاص
فانبي نسأل هل يجو امالي العريس في الليل اولا وشن يجيبو معاهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل الحاجات الي شارينهملي هما يرفعوهم هما طول لحوشي او يجيبوهم يوم النجمة في الليل اني مش فاهمة هادا الموضوع

perfectbride
24-06-2009, 07:38 PM
مدام كاتوسا لو فيه امكانية تعطيني رقم معمل صناع الحياة

eman83
24-06-2009, 07:42 PM
الله يبارك فيك حبيبتى وعقبال فاتحتك
يجبو معاهم الحاجات الى هما شروهملى متع القفة او متلا يعطوك فلوس يقولوك اشرى قفتك
يجبو بدلة كبية وبدلة صغيرة وقفتان كبير المنفوخ وباقى الحاجات
انى مفهمتش شن قصدك الحق

perfectbride
24-06-2009, 07:46 PM
قصدي في العرس لو اني مش مدايرة قفة كيف يكون هاداكا اليوم

MaDaM KATOOSA
24-06-2009, 07:48 PM
بيرفكت كل تاخيره فيها خيره انشاءالله

اول شى ايمان ديرى شوكلأتت ليندت قصدى كواليت و فيريروا حلوات بس ديما انديروا فيهم احنى الليبين انتى غير ديرى لدن والحلويات انى انحس الكيكات احلى الحق و ديرى قطع متنوعه نوعى انى فى عرسى نوعت من الركن الشرقى و الحراتى و الحار سلملك خالاتك ياحبيبه

حبيبتى ديرى بكلأوه فى الأخير او ديرى كنافه بالفستق صغيره فى الأخير و خلى البكلأوه للعرس او لو تبى ادييرى جبلأطى بطريقه حلو فى كاس او فروته و معه جيلأطى امزينه فى كاس


بيرفكت حبيبتى النجمه نفسها القفه راهو نفس المعنى غير لما يقولوا قفه الناس مرات قصدهم يجوك بكرى شويه و بالنسبه لنجمه انى ديرت لكن ماجوش عيلت العريس قلتلهم مانبيش يجيبولى قفه خلأص لما مايجيبوش القفه مايجيك حد انتى قوليلهم سهريه عايليه امدايرينها وانتى و عيلتك وصاحباتك ديرو فيها جو النجمه الأ لو انتى تبيهم يجيبولك السوابيت شوفى يوم القفه من بعد المغرب سواء جو اهل العريس او لأ يعشوا فى ناس يعنى ناسكم يتعشوهم و لو جو عيلت العريس بطرى بتطروا اتقعدوهم حتى هما بس لما القفه اتجى فى الليل مع 12 ماتعشوهمش حلوات و عبمبر و روزاطه و شوكلأطه وكل واحد يقلب لحوشه هههههههه

صناع الحياه والله ماعندى رقمها يابرفكت بس مكانها امقابل الكوبرى الى ينزلك على جامع الصقع الى فى جنب صاله المندله و بصراحه مراءه نطيفه هلبه هلبه هى الدكتوره سلمى نفسها و اسلوبها راقى جدا

eman83
24-06-2009, 07:50 PM
اها
خلاص ماهو بيمشو اماليك يرفعولك حواجيك لحوشك قبل العرس
وهما اهل العريس لو فيه حاجة شارينها ليك يحطوهالك فى حوشك

MaDaM KATOOSA
24-06-2009, 07:51 PM
قصدي في العرس لو اني مش مدايرة قفة كيف يكون هاداكا اليوم

حبيبتى يكون زى السهريه نجمه انتى اعزمى عيلتكم و صاحباتك و جيرانكم و يدربكوا و توزعوا على الناس الى بتفرقوه بعدين يلبسوك بدله الحصيره (الكبيره ) و يطلعوك بيها و اتقعمزى على كرسى الحنه او المخاد الحمر و يحنوك بالجو شويه يعنى جو النجمه غير من غير عيلت العريس والقفه

MaDaM KATOOSA
24-06-2009, 07:52 PM
اها
خلاص ماهو بيمشو اماليك يرفعولك حواجيك لحوشك قبل العرس
وهما اهل العريس لو فيه حاجة شارينها ليك يحطوهالك فى حوشك


ههههههههههههههههههههههههههه امونه ضحكتينى هى قصدها السهريه كيف اتجيها و شنو ادير فى حوشهم مش على الحوايج هههههههههه

perfectbride
24-06-2009, 07:58 PM
اتني مش امدايرة قفة لكن امي قتلي احني في الليل بنحنوك وطلعو القنديل ولما بطلعوني معاناها نبي ردي البدلة الكبيرة
فهل هما يجو ويجيبو البدلة الكبيرة وشنطة الدهب او كيف فهموني بالله عليكم ؛؛؛؛

eman83
24-06-2009, 08:02 PM
اعدرونى انى دايخة واخد عقلى:o

perfectbride
24-06-2009, 08:04 PM
صحيتي ايمان والله نحس في روحي دهشتكم حتى هادي نقطة وفهمتها منك ايمان معاناها هما الحوايج الي شاريينهم يرفعوهم هما غادي لحوشي صحيتي ايمان
وصحيتي مدام كاتوسا كلك دوق

perfectbride
24-06-2009, 08:05 PM
الي واخد عقلك يتهنى بيه ايمان والله لحظات حلوة فعلا ربي يهنيك

MaDaM KATOOSA
24-06-2009, 08:11 PM
بيرفكت بالنسبه للحنه ننصحك اتحنى من اليوم الى قبله لانه البدله تتلبس انى هكى دارتلى مرت عم بابا حنتى قبل النجمه بيوم و بعدين لما لبست البدله الكبيره شوبه على الجو حطوها على صوابعى ماتحنيش بالبدله الكبيره تتلبز

لو خواتك او امك عندها بدله كبيره البسى امتاعها فى يوم النجمه مش لازم امتاعك لانه كلها يسكروا فيها القمجه ماتبانش و مايلبسوش فى الدهب عليها بكل طبعا دبلتك والصوار بحكم انه الصوار بتلبسيه مع البدله البودريه اصلأ من الليله الى قبلها بس مش شرط سوارك انتى امتاع القفه لأ لأ خودى من العيله او اجرى و الخلألات الى يسكروا بيهم فى الردى على وجهك بس

ربى يهنيكم يارب

perfectbride
24-06-2009, 08:13 PM
اني حجزت في لبدة لكن توا بنمشي نأجل الحجزت وخلاص

eman83
24-06-2009, 08:23 PM
ويهنيك حبيبتى بريفكت
معليشى متزعليش روحك هوا كان امتى العرس
وقداش بتاجلوه يعنى اهل العريس من النوعية الى يحزنو هلبا

الدكتورة أمل
24-06-2009, 08:24 PM
صحيتوا يابنات هلبة وربنا يتمملنا على خير ونورتى يامدام قطوسة ليك فترة مغيبة علينا واليوم ماما روحت لليبياوانا تخيلوا بنصيف فى الرياض درجة الحرارة قريب الستين توا هادا كلام يجى منه وخلوقى ضايقات ومكسدة ومليت من السوق والشرى

الدكتورة أمل
24-06-2009, 08:28 PM
معليش كل شئ بمشيئة ربى العالمين وكل تاخيرة فيها خيرة وخليك مفرفشة الايام بسرعة تمر ودورة تلقى روحك فى حوشك انشاء الله

perfectbride
24-06-2009, 08:28 PM
كان في شهر عشرة والي توفى حناه ام امه وشوفي عاد كيف حتى يوم فرق السو قالي مايبوش يمسو الحنة كلهم معناها حازنين بجديات ومهي اصلا عزوزة كبيرة عمرها فوق 85 سنة

eman83
24-06-2009, 08:41 PM
الله غالب قدر الله وماشاء فعل
دورة فوتو الايامات ويجى موعد العرس
فكرتينى باللى مر عليا درته نهار ماهو نهار
تخايلى انى بعد منقيت حتى حواجبى ومجهزة كل شئ
بكيت لين خلاص
طبعا الحق صحباتى وقفو معاى وجونى للحوش وقاولى عادى مشيها ودارولى جو
وقالولى البسى ودرير شعرك وصورى وانى وقتها خلوقى بكل بس هما اصروو
وفعلا دارولى شعرى ومكيجونى ولبست قفتان عادى من عندى وصورت والله درنا جو
:lol:

الدكتورة أمل
24-06-2009, 08:53 PM
مدام قطوسة قوليلى شن درتى العشاء فى عرسك؟

eman83
24-06-2009, 08:54 PM
ادكتورة امل ان شاءالله استفدتى واى حاجة اتفضلى

روزافانتا
24-06-2009, 09:02 PM
ماشالله صبايا منورات غبت شوية لقيت مليون حاجه فايتتني
ربي يعاونكم و ماتخمميش هلبه يا برفكت كا تاخيره فيها خيره و ربيي اللي مكتبه بيصير
و ربي يعونكم صبايا معليشي سؤال من قبل قداش مفروض ينحجز الاكل و الحلويات و الجو هاد
و ياريت بنات اللي عنده فكرة جديده عالبيان تقوللي لان بجد مليت منه نفس الروتين سوا حفلة والا بيان والا اسبوع بدينا حافظين اللي بيصير عن ظهر قلب ف خاطري ف حاجة مختلفة الحق
و صحيييتوووووووووووووو مقدما

الدكتورة أمل
24-06-2009, 09:05 PM
ماشاءالله قدر فعل والايام بسرعة تعدى وغمضى عينك وافتحيها وتلقى روحك فى نص الحفلة تهيجى وهوجنبك ايدك فى ايده:oدكرتينى بخطيبى قال مايبيش ىخش الصالة فكيف نقنعه حتى ييخش معاى :q:لان مسكر راسه فى هالموضوع متحشم من كترة النسواين :o

الدكتورة أمل
24-06-2009, 09:11 PM
شكرا ايمان بس قوليلى امتى امتحانات final يعنى قبل او بعد العرس؟

eman83
24-06-2009, 09:12 PM
روزا حتى انى منبيش التقلييدى بكل
مدايرة لقطات جديدة;)

الدكتورة أمل
24-06-2009, 09:13 PM
ايمان تعرفى بالله عليك وين محل الليتم تبع الكاب وين مكانه؟

eman83
24-06-2009, 09:14 PM
دكتورة امل امتحانت شنو؟؟

eman83
24-06-2009, 09:16 PM
دكتورة امل شفتى صلاح الدين متع الهمبروقا الى فى شارع النصر خليه على يمينك وكملى طول تليه المحل يجى على يسارك قبل محلات رويدا

الدكتورة أمل
24-06-2009, 09:19 PM
ايمان شن هى اللقطات اللى امديرتيهم ومنكم نستفيد حبييتى اناعاجبتنى فكرة الزفة باسم العروس وقصيدة شعرية تتغزل فى جمال العروس لما تتدخل اهنايا فى الرياض ايديروا فيها مش عارفة فى ليبيا فيه حاجة هكى او لا؟

الدكتورة أمل
24-06-2009, 09:22 PM
مش انحسابك قلتى مازال عندك امتحانات نهائية او انى متلخبطة ولا كيف؟

eman83
24-06-2009, 09:24 PM
ايه يا امل فيه اهنى محل ترفيعله الزفة ويديرها بى اسمك
شريط
بس سمعت بيها من بنت تو نزيد نسئلها المكان وين

eman83
24-06-2009, 09:27 PM
لالا مش انى الى عندى امتحانات

روزافانتا
24-06-2009, 09:40 PM
هههههههههههه دكتورة امل شكلك تسألي على امتحاناتي انا ههههههههههه عموما حالنا حال اي دفعه قبلنا طبعا مش معروووووووووووووووووووووووووووووووووف امتا
هيا حبيبتنا ايمان احكيلنا شن مدايرة لقطات بالك نستفيدو

الدكتورة أمل
24-06-2009, 09:47 PM
مشكلة البعد مشكلة لانى زى المقيدة مش عارفة شى فى البلاد ومش قادرة اندير حركات جديدة وانا انشاء الله على حسب كلامكم لىا بنقرر من غير مانشوف الكوافيرات ولا الصالات ولا نقدر ندوق لاحلو ولا حار حتى على اساسه نقرر على كلامكم ونصايحكم ليا انشاء الله بنحزم امرى وعلى الله التكلان اولا واخيرا وانتم باين عليكم بنات دوق وراقى وعندكم افكار ونصائح بجد حلوة

الدكتورة أمل
24-06-2009, 09:55 PM
ازىك ياروز والله شكلى دايخة من الحر اللى عندنا زايد انى انزكمت من التكييف يعنى شوفى جو زكمة الصيف؟ غير ان اول ىوم زكمة ارتعبت وجريت عالمستشفى للطوارئ قلت باللك جتنى انفلونزا الخنازير بس الحمد لله طلعت زكمة عادية وانا كبرت الموضوع هلبة وخوفت اهلى عليا

الدكتورة أمل
24-06-2009, 10:05 PM
شدى همتك ياروز ولا دكتورة روز احسن وبالكى الايام تجمعنا ونتعرف عليك شخصيا ونشتغلوا مع بعض فى نفس العيادة وحبيباتنا البنات نشتغلولهم بالبلاش لانهم والله ىستاهلوا كل شى حلو وكويس

eman83
24-06-2009, 10:09 PM
لباس يا دكتورتنا


امتى عرسك

eman83
24-06-2009, 10:13 PM
يا بنات ساعدونى
قاعدة نجهز فى اغانى البيان

نبى اغنية الى تقول هلا يلى تمنيتك نصيبى هلا بى نصفى التانى
من يغنى فيها قوليلى بلييييييييز

الدكتورة أمل
24-06-2009, 10:19 PM
وىنكككككككككككككككككككككككم ىاروز ويا ايمان

الدكتورة أمل
24-06-2009, 10:23 PM
بعد رمضان بادن الله بس اليوم بالزبط مازال ماتحددش والاغنىة مانعرفهاش للاسف كان بودى انفديك

eman83
24-06-2009, 10:25 PM
اهن يادكتورة

الدكتورة أمل
24-06-2009, 10:29 PM
بس ياايمان فيه اغنية لعبد المجيد عبدالله اسمها هيبة ملك روعة لما يخش ديريهاله حتعطيه دفعة معنوية عالية لو حس روحه متحشم