المساعد الشخصي الرقمي

مشاهدة النسخة كاملة : مساعدة منكم للعرايس المقبلات على الزواج



الصفحات : [1] 2 3 4

eman83
05-05-2009, 11:20 PM
السلام عليكم

الموضوع ياريتكم تساعدونا احنى المقبلات على الزواج

اول حاجة شن تنصحونا ليوم الحفلة والله فيها رهبة يوم الحفلة لما بنخش للصالة كل منتفكر نقعد نبكى نبيكم تقولولى كيف شديتو اعصابكم

وقوليلوى كيف نجهز لبتاتى

وحاجة تانية البروجكتر انى من توا ونبكى يا بالك يوم العرس مش عارفه كيف بندير

بعدين يوم الحفلة بنقعد جعانة وانى من الصبح فى المزين:lol: وزعما المزينة تبدا فيا قبل مناكل
الهم يعنى منوصل للصالة وانى ميتة جوع ممكن توضحولى النقطة هادى

ياريتكم تساعدونا

فسفوسة
06-05-2009, 12:49 AM
يوم الحفلة خلي روحك عادية حتى ان كنت نقول زيك

لكن سبحان الله تلقي كل شئ ساهل بعدين

هذا مايعنيش انه مافيش شوية ارتباك لكن ننصحك انك

تعيشي لحضاتك لانها تجي مرة وحده في العمر

البتات خودي المهم اللي تستحقيه واشري كل شئ

حتى لوتحسيه تافه باش ماينقصك شئ تقولي

لراجلك من الاول اشريلي تعرف انى شريت كل شئ

وقاعدة عندي حاجات لاتوا نستعمل فيها من بتاتي

ولبسات قاعدة مالبستهمش ومع انى توا ليا سنتين متزوجة

وعندي بنت تعرفى انى حتى الخيط والابرة رفعته معاي هذا ابسط مثال

والبروجكتر ديري فيه كل افكارك ولوتبي نساعدك انى نعرف فيهم

وبالنسبة للجوع كولي قبل الماكياج لانك مهم تاكلي باش مادوخيش

انى نتذكر في روحي ماجانيش خناق العرائس بالعكس انى جانى بعد العرس


عموما ربي يهنيك

أرنوبة
06-05-2009, 02:01 PM
السلام عليكم حتي أنا من رائ أختي فسفوسة لان حتي أنا شريت كل شئ وحتي الابرة والخيط والبخور والفحم الحجري والمعطر امتاع الستائر والموكيت ومسك من القرشي خديت مسك العروسة السائل ومسك المكعبات يعني مش ناقصني شي الحمد لله غير نشري قفتان بس ومازال قاعدة نشري لتوا مع ان مش ناقصني شي هذا علاش نبيكم تساعدوني باك تعرفؤ مكان كويس عندة قفاتين

سوال ليك أختي فسفوسة بعتبارك متزوجة ولباقي العضوات شن نلبس يوم الصبحة لما ايجوني ايباركولي بالله ردؤ عليا لان حايرة لان ممكن اتصير ويجوني ايباركو وممكن مايجوش المهم نبدأ عارفة هيا ردؤ عليا كلكم وأعطونئ رايكم

eman83
06-05-2009, 03:06 PM
السلام عليكم

اختى فسفوسة بارك الله فيك وربى يهنيك ويخليلك بنتك

انى بالنسبة ليا مش حنشرى كل شئ لى انى مسافرة على طول بنقعد سنتين او اكتر

بس نبى نرفع معاى اغلب الاشياء من لبس شتى وصيف وكوكيتل من كبابيط واحدية وهلبا حاجات

بس مش عارفه كيف نبدا نخاف نشرى منستحق ليهم او مرات منستعملهمش فنبى نعرف شن نشرى بالظبط


انصحونى شن نحنى ولا منحنيش توا الموضا العرايس معاش يحنو ويلبسو من غير قوانتى
وانى مسافرة بعد العرس بى اقل من شهر مش عارفه نحنى او نفوتها
قولولى

eman83
06-05-2009, 03:10 PM
ارنوبة
نقولك فوتى القفطان السويرات
بعدين هوا صبح يعنى حاجة الصبح رح تكون بسيطة وحلوة

لو بتنزلى الظهر اكيد بتلقى العيلة وما ادراك
البسى بدلة نوعا ما مناسبة وخوديها بسيطة يعنى قونة قصيرة مش قصيرة بكل
المهم قونة ومعاها جاكيت قنين وديرى شعرك وحطى شوية مكياج بس متبالغيش لى انه صبح

ولا نقولك ريحى روحك وقعمزى فى حوشك وخلاص

أرنوبة
06-05-2009, 03:31 PM
عارفة حتي أنا ماخاطريش انحني وخاطري نلبس الفيلؤ من غير قوانتي وخاطري اندير فرنش مانيكير لكن هيهات من يوافقلي لان عيلتنا يوم الحنة عندهم يوم عالمي لكن فكرت اندير لصقة علي ظوافري بيش ماتصبغش فيها الحنة أكرة حاجة عندي الحنة في الاظافر أع أع أع ومع ان عندي عادي أنحني لؤ حنيت بعد العرس المهم حنة مع فيلؤ مش خاشة راسي وحنة علي الاظافر مانحبهاش

أرنوبة
06-05-2009, 03:34 PM
لؤ أنا في مكانك عيلتنا وبدات ماما ماتعارضش علي فكرة أني مانحنيش والله عادي مانحني

فسفوسة
06-05-2009, 03:51 PM
لالالالالا حتى انى كنت نقول زيكم على الحنة لكن

بعد ماجربت لقيتها انه العروسة لازم تحنى لانك مهما تحنى مرة تانية

كذب عليك حنة العرس بروحها حتى انى في حوشنا يوم الحنة يوم اساسي

صدقونى حنوا باش بعدين ماتقولوش ياريت وتندموا وبالنسبة لايمان وين المشكلة انك تحنى

مادامك مش مسافرة على طول تعرفوا انى من حنة عرسي حنيت مرة بس

في اسبوعي لما جبت بنتي

وبالنسبة لارنوبة يوم الصبحة مايلبسوش قفطان يلبسوا بدلة رسمية تكون بسيطة ونازكة

ولونزلتى عشية متاخر البسي قفطان عادي

واللي بيركب يباركلك البسي لبسة عاديه زي قونة جينز قصيرة وبدي نازك لانك قاعدة في حوشك

مش نازلة

أرنوبة
06-05-2009, 04:13 PM
شكرا ليك أختي فسفوسة والله جوبتيني بالتفصيل خلاص كتر ما كتر عندي التيورات و اللبس العادي وشكرا أختي ايمان حتي أنتي جوبتي عليا وخلاص معناها انحني لكن ظوافري لالالالا

فسفوسة
06-05-2009, 04:24 PM
تعرفي ضوافرك حتى لودرتيلهم عازل زى المانيكير

صدقيني حيوصلهم انى جربته في عرسي

أرنوبة
06-05-2009, 04:50 PM
انا بندير لصقة شفافة وباك وحدة من العضوات يعرفؤ حاجة تمنع صبغ الحنة علي الاظافر ياريت أترد عليا

أرنوبة
06-05-2009, 04:53 PM
انا بندير لصقة شفافة علي ظوافري
وياريت لو في عضوة من العضوات تعرف حاجة تمنع صبغ الحنة علي الاظافر تجوابني ولها جزيل الشكر

eman83
06-05-2009, 05:45 PM
فسفوسة حتى انى هكى نقول حنة العروسة لا يعلا عليها بس انى نبى ستايلى فى العرس مختلف غير كل العرايس
مش عارفه قاعدة نخمم:rolleyes:

معليشى بناخد رايكم وقوليلى

انى فى عرس ان اشاءالله نبيه الفيلو ابيض مش ابيض ناصع لا يبيان زى السكرى ونبى الشدة حمرا خاطرى فيها هكىى ونبى الروج احمر وقبل مش حنلبس قوانتى باش ندير زمالطو احمر شايفة عروسة قبل هكى وعجبتنى بس لما بنحنى اكيد بنلبس قوانتى:rolleyes:
بس انى بيدرولى محضر ونبى ناخد قفطان احمر حلو بس المزينة اكيد بديرلى روج احمر فى المحضر
قلت هلبا يومين روج احمر شن رايكم نغير الفكرة

eman83
06-05-2009, 05:53 PM
وحاجة تانية نبى نسئلكم على المزينات لتوا مش عاجبنى حد وقاعدة خايفة منهم

بس للعرس اكيد نادية بس حواجبى مش رح نديرهم عند نادية نشوف مكان تانى لى انه قالو تنقياتها متنفعش

ونادية الجزائرية ميزتها متغيركش لى الاسو يا اما تحليك او تخليك زى مانتى

ارنوبة وين مشيتى فى بيانك
ومش عارفه التلبيسة وين بنمشى :(

أرنوبة
07-05-2009, 01:53 AM
السلام عليكم أختي ايمان
أنا درت زيك تلبيسة خفيفة ماما وأخواتي وأم وأخوات خطيبي بس ومكيجت بروحي وشعري أستشورتة ودرتة فلو منفوخ وقمتة من قداة بتوكة كريستال ولبست قفتان والله خير من 60 مزينة تعرفي أنا شعري غريب الاطوار أنحس ماحد يفهم علية غير أيدية وأما المكياج درتة ناعم وحلؤ جاني

فسفوسة
07-05-2009, 09:23 AM
اسمعي ياايمان حنى وباعدي عليك هذه الافكار

احنى ليبين وامهاتنا ليبية يعنى هذا جو جديد علينا

وبالنسبة للفيلو حلاوته في انه يكون ابيض ولو بتزيديه وردة ولاشدة

زي ماقولتى يولي قفطان معاش فيلو

وبالنسبة لروج الاحمر ديريه يوم المحضر احلي باش يبين عليك العرسة

واسمعي نادية فكيك منها انى بصراحة ماتعجبنيش بكل ومعاش سمعت حد مشالها

وانى مشيت لسهى الحسناء في عرسي بصراحة طلعتنى روعة

سموحة26
07-05-2009, 11:16 AM
السلام عليكم صبايا ...اسفة امس ما قدرتش نخش معاكم لان طلعت وتأخرت ....
بالنسبة للحنة اني في عرسي ما حنيتش رغم ان درت نجمة كاملة ومطنطنة بس والله ما حنيت درجوني وكل شئ بس قلتلهم حنة لالا رغم ان حنينة امرأة متعصبة هلبة للحاجات هده بس اني اتفقت مع زوجي علي اساس هو ما يحبهاش وقلتلهم هو قالي ما تحنيش ههههههههههههه والله .. ويوم الحفلة جتني حناية سودانية رسمتلي شوية نقشات بسيطة هلبة وصغيرة في ايديا ورجلية وطلعت بصراحة حلوة ...
وفي النهاية كل حد ودوقه وشن يحب وهدا عرسك ديري شن يريحك ههههههه

ولو لاحطي قبل ديمة العيلة لما تقوليلهم علي اي حاجة يقوللك في عرسك هههههههههههههههههههههههههههههههههه صح

سموحة26
07-05-2009, 11:36 AM
السلام عليكم صبايا ...اسفة امس ما قدرتش نخش معاكم لان طلعت وتأخرت ....
بالنسبة للحنة اني في عرسي ما حنيتش رغم ان درت نجمة كاملة ومطنطنة بس والله ما حنيت درجوني وكل شئ بس قلتلهم حنة لالا رغم ان حنينة امرأة متعصبة هلبة للحاجات هده بس اني اتفقت مع زوجي علي اساس هو ما يحبهاش وقلتلهم هو قالي ما تحنيش ههههههههههههه والله .. ويوم الحفلة جتني حناية سودانية رسمتلي شوية نقشات بسيطة هلبة وصغيرة في ايديا ورجلية وطلعت بصراحة حلوة ...
وفي النهاية كل حد ودوقه وشن يحب وهدا عرسك ديري شن يريحك ههههههه

ولو لاحطي قبل ديمة العيلة لما تقوليلهم علي اي حاجة يقوللك في عرسك هههههههههههههههههههههههههههههههههه صح

eman83
07-05-2009, 12:57 PM
صباح الخير

صحيتى اختى فسفوسة وارنوبة وسموحة:good:

فسفوسة نقصد الشدة الباقة الى بنشدها تكون حمرا فهمتينى

ايه صح نادية معاش ولت زى قبل
سموحة وين مشيتى فى عرسك

سموحة26
07-05-2009, 02:13 PM
هلا صبايا ... اني في عرسي مشيت لمزينة مش معروفة بس شغلها حلو وطبعا رفعت معاي التسريحة وطريقة المكياج يعني وضحتلها كل شئ وصدقيني هده احسن طريقة ان انتي تشوفي تسريحة حلوة وتمشي معاك وطريقة مكياج حلوة ومش زي الطاووس هدا الي متعلمينه جديد والله تقول في حفلة تنكرية شئ 20 لون فوق عينك اني بصراحة ماعجبتنيش الطريقة هده ..........

eman83
07-05-2009, 03:56 PM
بكل زدت خفت فى المكياج:rolleyes:

يمدامات قوليلى شنطة يوم الدخول شن نحط فيها

فسفوسة
07-05-2009, 03:57 PM
اوكي توا فهمتك علي الباقة تعرفي حتى انى

درتها حمراء وورد طبيعي

لكن روجي وردي هادي والاحمر درته تانى يوم

eman83
07-05-2009, 03:59 PM
ايه خلاص بندير زيك يا فسفوسة
بس قوليلى فى المحضر نخش هكى ايديا فاضيات من غير باقة
نخاف نرتبك:rolleyes:

فسفوسة
07-05-2009, 04:01 PM
حطي فيها اللى بتستعمليه اول يوم يعنى الدخول وحاجات لتانى يوم

زي الروب الابيض وماكياج خفيف وريحة قنينة وشبشب لروب

وحطي معاك روب تانى اني درته بودري ليوم الصبحة

وحطي فيها لبسة بسيطه لوبتطلعي من حوشك للمزين

وماتنسيش مناديل لمسح الماكياج

فسفوسة
07-05-2009, 04:14 PM
لالالا ماديريش باقة لانه مايديروش فيها

الا اذا كان درتي شنطة صغيرة ونازكة في ايدك

باش تنحي بها الارتباك

فسفوسة
07-05-2009, 04:15 PM
توا نستاذنكم لانى طالعة ماشية لحوش اماليا

باااااااااااااااااااااااااااااااااااااااي

سموحة26
07-05-2009, 07:59 PM
ايمان شنطة الدخول تكون صغيرة وبروحها حطي فيها الروب متاع الدخول وحطي فيها روب تاني او بيجامة حلوة لتاني يوم الصبح وحطي فيها عوالتك البدي لوشن والبرفيوم والبخور متاعك وكل الي تحسي روحك تستحقيه لتاني يوم بس واضح

eman83
07-05-2009, 11:04 PM
صحيتى يا سموحة
والهدايا فى نفس اليوم او تانى يوم نرفعهم
وهدية راجلى؟

كاتووسا
08-05-2009, 02:55 PM
حلو الموضوع هلبا
حبيت حتي أني نسألكم بالنسبه لروب الدخول منرفعاشي في شنطة بتاتي ولا نرفعه معاي يوم دخولي_وحاجة تانية شن رأيكم في مزين سيدتي الجميلة _اني شفتله عروس حلوة
أني فيلو متاعي نبي نديره كم مغطي وتاني لا شن رأيكم? عيت من عرايس كله نفس الشي عريان من فوق مفيشي منظر _ إلي يعرف محل فيلوات حلو ياريت تفيدوني
.
حتي الصالات عاجبتي الصرح ودرت موضوع بنعرف رايكم و مازال حايره أني معازيمي شويا 250 بالكتير ممكن أقل
نبي صاله حلوة مش كبيرة يا ريت تنصحوني

أرنوبة
08-05-2009, 03:46 PM
اختي كاتووسا اهلابيك بالنسبة لروب الدخول مادبيك أتحطية في شنطةصغيرة واتحطي فيها حاجاتك اللي بتستحقيها أول يوم هكي أسهلك
وبالنسبة لصالة الصرح أنا شفتها يوم أختي أدور في صالة لكن ماحصلتش فيها لان في اليوم اللي تبية كان محجوز المهم الله الصالة عجبتني هلبا لان راقية بشكل مش عادي
والفيلو أنا شايفة فيلو وخاطري فية بس للاسف مش عارفة وين أنحصلة وهو تقريبا نفس ماوصفتي أنتي وأن الفيلؤ شفتة علي تمامي زوجت الفنان ملحم زين تعرفي كان في قمة الرقي زي الاميرات أه ه ه قداش خاطري فية

كاتووسا
08-05-2009, 04:51 PM
يسلمو وخيتي أرنوبة
مقلتيليش أمتا عرسك? و وين بتحجزي
باهي شن نوع الشنطة عادية ولا زي متع السفر بس حجم أصغر
يا ريت لو عندك صورة مرت ملحم أبعتيلي الرابط حبوبه

eman83
08-05-2009, 10:26 PM
السلام عليكم
من ضلكم قوللولى على مزيل كويس ليوم الدخول

كاتوسا حتى انى نبى نطلع غير كل العرايس نبى نغيير فى طريقة العرايس توا

بندير تغيرات فى تسريحة الشعر مرات نقول ندير لقطة مش شعرى كله مقيوم فوق او نفكر ندير تسريحة على لوطا
سيدتى الجميلة يشكرو فيها بس مشفتلهاش عرايس

كاتوسا مش انتى تزوجتى ؟؟؟

سموحة26
08-05-2009, 10:29 PM
السلام عليكم صبايا كيف حالكم اليوم ....... وشن جو العوالة متاعكم وين وقفتوا ... ايمان ولا يهمك اني زي اختك بالنسبة لهدايا العيلة اكيد بيكون تاني يوم ...بس هدية زوجك يوم الدخول طبعا اني خديتله عطور مشكلة وحلوة خلطت 2 شرقيات و3 فرنسيات يعني غربية وساعة حلوة من بن نصير في بن عاشور والعطور الشرقية من عبدالصمد القرشي قرقارش والفرنسية من اللؤلؤة متاع اول سبتمبر وهدا هو ساد هههههههههههه....
كاتوسا بالنسبة لصالة اني رديت عليك سابقا ... وروب الدخول اكيد حبيبة بيكون في شنطة بروحها وزي ما وضحت للصبايا من قبل ...... وبالنسبة للفيلو اني خديته من المشيرقي الي في الواحات بصراحة كان جدا راقي وغريب وكانت فكرته زي ما قلتي جيهة فيها كم وجهة لالا لان هدا الدارج توا وكان حلو وغريب هلبة وبري شوفي لان بجد هدا اكتر حاجة التعب هيا الفيلو ... وربي يهنيكم

eman83
08-05-2009, 10:42 PM
يابنات قولولى شن رايكم فى قفطان نجوى كرم فى اغنيت الحلم الابيض
انى عجبنى هلبا
وقفطان هيفا وهبى فى عرسها حتى هوا حلو بس مش منفوخات زى الفيلوات الى عندنا

نخاف ندير زيهم الناس تعجب عليا وتقول فيلوها مش منفوخ
او عزوزتى اديرلى نهار حرف :lol:

eman83
08-05-2009, 10:44 PM
سموحة معليشى تقدرى تقولوى كم كلفوك الهدايا متع راجلك
وكيف مديتهاله فى الدخول او الصالة او فى حوشكم

عادى نعطيه ساعة وصنة يوم العرس ولازم نمدهملها قدام الناس ؟؟؟؟؟؟

سموحة26
08-05-2009, 11:20 PM
هلا ايمان لالا حبيبتي هدايا راجلك تعطيهوله يوم الخميس لما تبدو بروحكم في حوشك انتي وياه بس مش قدام الناس ........امشي خوديهم وارفعيهم لمحل متاع تغليف هدايا يغلفهولك تغليفة نازكة وحطيهم في كيس حلو ويرفعوهم خواتك مع شنطة الدخول او كان شنطك تسد حطيهم فيها وبعدين طلعيهم فهمتي

سموحة26
08-05-2009, 11:23 PM
اي عادي خودي عطر حلوووو وساعة نازكة عادي .... اني والله كلفوني ساعة 375 د.ل العطور والله مانتفكر بس جو 480 تقريبا ...

eman83
08-05-2009, 11:23 PM
سموحة صحيتى هلبا لمساعدتك ليا

قوليلى معليشى نقصقص هلبا بس نبى نعرف انى منبيش نتعشا فى الصالة

ونخاف نقعد جعانة بعدين رح نتحشم منقدرش ناكل قدامه كيف ندير

والسكر متع الدخول انى نرفعه او هما حوش العريس يجبوه

سموحة26
08-05-2009, 11:27 PM
ايمان اني الفيلو متاعي ماكانش منفوخ هلبة في البداية خواتي وخالتي عارضوووو الموضوع وقالولي لالا هدا مش منفوخ تقول مش عروسة ههههه
بس اني اصريت عليه وفي الاخير قالولي انتي وراحتك وهدا عرسك مش عرسنا بس والله في الصالة بعدين عجبهم عالاخر وقالولي لبسته فظيعه وحلوووووو بالمرة والناس كلها عجبهم بصراحة ... شكار العروس هههههههههههههههههههههههههههه

سموحة26
08-05-2009, 11:30 PM
عادي ميمونة خودي راحتك ... بالنسبة للعشي اني لما الناس تتعشى خشيت لدار العروسة كل صالة فيها دار للعروسة باش تستريح فيها خشيت غادي وتعشيت عادي بروحي اني وصاحبتي
اما السكر حني بصراحة ما نديروش فيه بس لكن هلبة اعراس نشوف في اهل العروس هما الي يجيبوه معاهم بس معادش يديروا فيه

eman83
08-05-2009, 11:32 PM
ايه باهى لقيت من مشجع فكرتى
قلت على الاقل ندير تغيير مش زى العرايس توا كلهم نفس الشئ فيلو منفوخ هكى كلهم نفس الطرحات
بس التغغيير اكيد حلو :good:

قوليلى كيف شديت اعصابك يوم الحفلة شكلنى انى مش طبيعية انى من توا لما نسمع فى اغانى الزفات نقعد خلاص دموعى ينزلو مش عارفه يوم الحفلة لما بنخش وامى بتشوفنى بالفيلو كيف بنقدر نشد روحى:cry:

eman83
08-05-2009, 11:34 PM
عادي ميمونة خودي راحتك ... بالنسبة للعشي اني لما الناس تتعشى خشيت لدار العروسة كل صالة فيها دار للعروسة باش تستريح فيها خشيت غادي وتعشيت عادي بروحي اني وصاحبتي
اما السكر حني بصراحة ما نديروش فيه بس لكن هلبة اعراس نشوف في اهل العروس هما الي يجيبوه معاهم بس معادش يديروا فيه

لالا منقدرش ناكل فى الصالة اولا مكياجى والروج يتلبزو
وتانيا تقعد صنتى تومة وبصل :rolleyes:

سموحة26
08-05-2009, 11:39 PM
هو يا ايمان ماهناك ماكلة راهو والله ما تقدري تاكلي غير اهو ... وبالنسبة كيف شديت اعصابي والله ماهناك ما شديت من لما خشيت قعدت نبكي حالة صارت فيا والله وخصوصا لما شفت ماما وصحباتي اكتر شئ بس عادي حبيبتي خليك علي طبيعتك وشدي روحك عاد مش اديري زي اني هههههههههه

سموحة26
08-05-2009, 11:40 PM
وبنقولك عا الروج اني الروج الي درته في حفلتي اني شريته ورفعته للمزينة باش يقعد عندي لو صار اي شئ نساويه

كاتووسا
08-05-2009, 11:41 PM
سلمها السموحة ههه عجبتني حكاية شكار العروس
أني الصاله بندير في قورينا شفتها عجبتني فخمة
وبالنسبه للفيلو تو نمشيله إلي في الواحات لان مشيت إلي في النوفلين مش حلوات_قوليلي إنت فيلو إيجار ولا شريتيه و بكم يعني?
وبالنسبه لايمان_ أني متجوزتش ممكن تشابه اسمي مع مدام كاتوسا/ههه
مقلتوليش شن ماسك العروس هدا شني برنامجه ?
بنسأل حاجه تانية نبي ناخد معاي مكينه حلاقه نحس نحتاجها ,لان اني همي هم منتحمش لا حلوة ولا الوكس مش عارفه قلت الإم جو متلا تخفف عليا و تأدي الغرض ولا شن رايكم

سموحة26
08-05-2009, 11:46 PM
هلا كاتوسا ... ربي يعاون ان شاءالله ويتمم علي خير ......
بالنسبة للفيلو لالا اجرته ايجار بس كان اول لبسه والله كيف واصل ايجاره بس 3000والله غالي وعارفة بس اني كان وقت عليا وضغط تخيلي بين عرسي وبياني اسبوعين بس ههههههههه والحالة كانت رمضان فا تعرفي قلتلهم ان شاءالله يقولولي ب10000 عادي

eman83
08-05-2009, 11:47 PM
سموحة تو نحاول ناخد نفس روج الى بديرهولى المزينة

سموحة قوليى عادى نرقص فى الحفلة انى وراجلى ولا المعازيم تقعد تعجب
وانى نتحشم مش حنرقص سلو وشدنى ونشدك قدام الناس نرقص على اغنية عادية شن رايك قوليلى


كاتوسا مشى فى بالى انك وحدة تانية
ايه والله فكرتينى فى الهم متع الشعر

تعاليلنا:lol: يا سموحة قوليلنا بعد حلوة العرس لما يطلع الشعر واحنى نكونو هداك التاو فى شهر العسل شن نديرو

كاتووسا
08-05-2009, 11:50 PM
والله حكاية السكر لتوا في ناس إدير لاكن مش عارفة علي سبر إلي واختيهم تو أني خطيبي طرابلسي معنيتا نرفعه السكر والحامله متاعه وخلاص
شن ايمان مدايرينلك محضر?

سموحة26
08-05-2009, 11:52 PM
بالنسبة لرقص عادي اني طبعا زوجي ما خشش لصالة ... بس اني عاد رقصت بروحي قبل ليجي رقصوني صاحباتي ... وبالنسبة لموضوع الشعر اني لما سافرت شريت براون بصراحة ماشي حالها في زنئات تلقيها هههههههههه .... فعادي كاتوسا خودي معاك وحده لازم راهوا

كاتووسا
08-05-2009, 11:53 PM
صدقتي إيمان حاله وخلاص
هلبا غالي سموحه مبعدك_

كاتووسا
08-05-2009, 11:56 PM
مقلتيش علي اي اغنية خاطرك يرقصوك_هه

eman83
08-05-2009, 11:58 PM
حتى انى ناخد منها سموحة او نستعمل فيت؟

سموحة ايه عارفه بنرقص مع العيلة والاصحاب
بس اكيد راجلى بيجى لازم نوريه للمعازيم :cool:

كاتوسا ايه بيدرولى محضر مع انى منبيش بس عيلته مصرين يبو محضر
قلت انى رح نكون تاعبة من تعب الحفلة وقبلها النجمة وناقصة نوم بيكمولها حتى يوم المحضر وبرى للمزين هلبا تلخبيط :rolleyes:

انتى مدايرة محضر

كاتووسا
09-05-2009, 12:01 AM
لا لا منبيشي المحضر_نفس فكرتك
شن النجمة كيف بديريها_أني نخمم بنديرها

سموحة26
09-05-2009, 12:06 AM
عادي ايمان هدا عرسك وديري شن تبي فيه وشن يريحك باش بعدين ما تندميش علي شئ ... خاطرك ترقصي معاه ارقصي عادي مش خاطرك ما ترقصيش ... بس هو علي الراجل راهو كان حشومي والله ما راح يرقص هههههههههههههههههههههههههههه

سموحة26
09-05-2009, 12:08 AM
ايه ايمان خودي وحده راهو كويسة تلقيها

eman83
09-05-2009, 12:10 AM
كاتوسا مش عارفه لتوا اى اغنية بنرقص عليها
بس فى عرس قريبتى دراتاه فى قورينا خشت العروسة للستيج الى فى الوسط وفتحولنا اغنية تامر حسنى متع يا بنت الايه وناضت ترقص وجت اللقطة حلوة حلوة
فااانى مش عارفه اى اغنية نرقص عليها
انتى متعرفيش اغانى حلوات
حتى الزفات منبيش طلى بى الابيض هلبا داروها مع انها مميزة بس كل عرس يديرو فيها نبى تغيير

النجمة لتوا نخمم فيها بنقوللهم يبعتولى قفة وخلاص
النجمة تبى هلبا
مع انى خاطرى فى سهرية بالزمزامات قلت نفس يوم السهرية نقوللهم يبعتولى قفتى ونديرها قفة عائلية هادى فكرتى وقاعدة نخمم
انى حوشنا صغير حتى فى عرس اختى الاول درنا نجمة فى الصالة بس بعد عرسها قعدنا نقولو ياريتنا مدرناها صرف زايد وتعب على الفاضى
انى خاطرى فى نجمة زمنية طرابلسية متع خيمة فى الحوش وهادوكا الزمزمات والكانون والصبايا البنات يمدو ويهيجو الله محلاها:good:

eman83
09-05-2009, 12:11 AM
عادي ايمان هدا عرسك وديري شن تبي فيه وشن يريحك باش بعدين ما تندميش علي شئ ... خاطرك ترقصي معاه ارقصي عادي مش خاطرك ما ترقصيش ... بس هو علي الراجل راهو كان حشومي والله ما راح يرقص هههههههههههههههههههههههههههه

ههههههههههههه ايه يستر الله
تى والله خاطرى فيها اللقطة حتى فى الدخول يرقص المهم نرقصو هداك اليوم:lol:

سموحة26
09-05-2009, 12:16 AM
يلا صبايا تصبحوا علي مقطورة مليانة خير .... واي طلب اني حاضرة وربي يعاونكم ....

eman83
09-05-2009, 12:17 AM
وانتى من اهل الخير يا سموحة
وشكرا ليك هلبا لمساعدتك لينا ربى يحفظك

سموحة26
09-05-2009, 12:19 AM
طار النوم ......هههههههههه والله فكرتوني في نجمتي .......هههههههههههه كانت بجد حلوة عندي اني احلى حتى من الحفلة بصراحة لان جوها حلووووووو هلبة وننصحكم يا صبايا ديروها والله حلوة وجوها قنين ... اني بصراحة ما جابوليش قفة قصدي درنا نجمة بس ... وكانت بالزمزمات ومش زحمة العيلة والصاحبات والجيران بس ... لكن والله يوم عالمي ههههههههههه

سموحة26
09-05-2009, 12:21 AM
بس انتوا ما قلتوليش لمتى اعراسكم بزبط ...

eman83
09-05-2009, 12:22 AM
انى عرسى ان اشاءالله ربك يسخر بعد العيد الصغيرة
تطلع التاشيرة وبعدها طول العرس

سموحة26
09-05-2009, 12:24 AM
زي اني عرسي كان في اسبوع العيد الصغيرة بزبط هههههههه قلت لزوجي ناس تعيد بي لبسة جديدة وانت عيدت بي عروسة جديدة قعد يضحك عليا ..........

سموحة26
09-05-2009, 12:26 AM
ان شاء الله ربي يسخرلك يا رب ............

eman83
09-05-2009, 12:26 AM
هههههههههه
ربى يهنيك ياسموحة
وان شاءالله ربى يعطينى الوقت الطيب زيك ويتم على خير

سموحة26
09-05-2009, 12:28 AM
ان شاءالله يا رب حتى انتي ربي يهنيك ويسعدك وينولك كل الي في بالك ويجيك عرسك زي ما تبي واحسن يا رب

كاتووسا
09-05-2009, 09:18 AM
صباح الورد يا بنات

سموحة26
09-05-2009, 10:22 AM
صباحك عسل كاتوسا وكل الصبايا ............. شن كاتوسا شن هالنشاط هدا ما شاءالله نايضة بكري

كاتووسا
09-05-2009, 01:46 PM
ايه سموحة علي أساس_مع اني نحب نوم الصبح وحتي خطيبي زيني الحمد لله_ههه
احكيلي كيف درتي نجمتك اني قاعده نخمم__وهما بيجيبولي قفة وصدارات مادابيهم
تعرفي قلت تعب عليا نجمة وتاني يوم حفلة! شن رايك

كاتووسا
09-05-2009, 01:52 PM
وين إيمان مغطسة
قوليلي مش قاعده في البلاد إنتي? ولا شهر عسل
طبعا شهر العسل لتوا مقرره ماليزيا ومازال مش عارفه_ إنتي سموحة وين مشيتي? بنسأل إنتي منسقة أفراح_وحدة تقصقص_ههه

فسفوسة
09-05-2009, 02:13 PM
كيف الحال صبايا

ان شاء الله كويسين والله ناشطين

ربي يعاونكم ومعقولة مافيش حد سال عليا

كاتووسا
09-05-2009, 02:18 PM
والله معاك حق _ بس تعرفي من كتر المواضيع لين حاسينك معانا حتي في الموضوع هذا_علي العموم ربي مايغيبك
شن لاهية عراس ولا كيف

فسفوسة
09-05-2009, 02:43 PM
انى امس بس ماخشيتش لانه جمعة تعرفي طلوع ودهوير في النهار

ولما روحت في ليل نبي نخش الواى مكس ماباش يخدم

أرنوبة
09-05-2009, 03:22 PM
أهلا فسفوسة وسموحة وايمان وكاتووسا كيف حالكم أنا البارح نبي انخش وأنشوفكم شن امدايرين لكن الواي مكس ماباش يفتح قعدت نستي لساعة 2 وبعدها رقدت
أختي كاتووسا الشنطة تكون حجم متوسط بيش تحطي فيها جميع ماتحتاجية أول يوم
وايمان أنتي سألتي علي المزيل متاع العرس أنا واخدة أسكادة السبراي وأخدة لاكوست السماوي طبعا الرول
وعندي فرساتشي وعندي مكس مارة ومش عارفة لحد توا أما واحد أنديرة
وشن فكرتو في الصنة هلي بديروها أنا خاطري بندير جادور

كاتووسا
09-05-2009, 04:45 PM
سلمها الارنوبه
الصنة لتوا مش عارفة_بس حابة أني نيناريتشي لونها موف هيا تحسيها قوية متع ليل
وإنتي اي جادور تبيها?
وينها المنجوها ايمان?ههه
مازال القفاطين نبي ندير زوز حلوات الي بيحطوهم في القفة بس مش لاقية حاجة مميزة

أرنوبة
09-05-2009, 05:51 PM
جادور من ديور أي وحدة المهم جادور لان فيها ياسمين وأنا أنحب أي صنة فيها ياسمين واتحسيها مع الفيلؤ مناسبة هلبا ونبي نسالكم وارجاء الرد كيف ممكن أنضيف صورة لان علي قد ماحاولت مابتش تنجح معاي فلهدا ممكن اتوضحولي الخطوات كيف ندرج صورة ولكم جزيل الشكر
أختي كاتوسا قصدك بتشري قفاتين وبتحطيهم في السوابيت امتاعتهم ولا كيف وبالله عليك كان لقيتي مكان كويس عندة قفاتين قوليلي واي وحدة منكم تلقي مكان كويس في قفاتين أتقولي لان الحق نؤتق بذوقكم

كاتووسا
09-05-2009, 06:42 PM
كيف نحط صوره منقدرش نفيدك لأن حاليا نت موبايل تم اشتراكي واول مره نستعمله علي خاطر نكلمكم بس_مع إني م/كمبيوتر لاكن حاليا من غير فايده.ههه
اني بيجيبولي قفاطين في قفتي لان في مناسبات بعد مانروح من شهر العسل فبناخدهم علي ذوقي عرفتي_مش لاقية لاكن كان حصلت تو نقولك
ردي علي أسألتي بالك تعرفي شوفيهم وردي عليا

أرنوبة
09-05-2009, 08:06 PM
مافهمتكش أما أسئلة حبيبتي كاتووسا وين الباقي وينك يا فسفوسة وايمان وسموحة انشاءالله غيابكم خير
وراك تنسي يا كاتوسا كان لقيتي مكان يبيع في قفاتين قنينات قوليلي

أرنوبة
09-05-2009, 08:09 PM
يافسفوسة ووووويييييييييييييييييييييييييييينك استاحشتك وايمان ووووووووووووووووووووينك امغطسة شكلها لاهية تشري أه تفكرت مسكينة مشغولة لان الاسبوع هذا تلبيستها وياسموحة ووووووووووينك حتي انتي إمغطسة والله أستاحشت هدرزتكم

كاتووسا
09-05-2009, 08:47 PM
يحليلي وخلاص
سألت علي مسك العروس شن هو وكيف وأمتا نديره

أرنوبة
09-05-2009, 10:05 PM
هذا تلقية عند القرشي وهو سائل ويندار لتعتطير المنطقة الحساسة وتأخدي قطعة قطن وتغمسيها فية وتمسحي بيها من الخارج وهذا ينفع لي مابعد الدورة وينفع أكثر للمتزوجات

كاتووسا
09-05-2009, 10:13 PM
سلمها يا ربي
فهمتك شكرا ليك_ مكسده ولا شن اديري

eman83
09-05-2009, 11:48 PM
اسلام عليكم
كيفحااااااااااالكم استاحشتكم اليوم:D
اليوم طلعت من العصر وانى نلود من مكان لمكان
مشيت لى اول سبتنمبر شريت لبستين صيف ركبتلهم وشاحهم وشناطيهم وكنادرهم قلت خلى نقيهم للبتات:D
ومشيت لزنقة بن ناجى اللبس نوعا ما حلو
شريت قفاطين قطنية قصيرة وروب شتوى لقتهم فيه تخفيضات وشريت
خمسة شباشب الى فيهم دب وارنوبة هههههههه تفكرتك ارنوبة شريت منهم حشا عوينتاكم خمسة كل واحد لون مختلف
وخطمت على محل مكياج قعدت نتفرج على المكياج:rolleyes:
وروحت فرحانة والحمدالله :cool:

eman83
09-05-2009, 11:59 PM
معرفتش شن نشرى مكياج:(
وقداش روائح نشرى زعما:rolleyes:

فسفوسة
10-05-2009, 01:59 AM
كيفكم صبايا

بالنسبة للقفاطين شوفوا محل كريستال بصراحة عنده حاجات روعة

ايمان الروائح خودي ياربعة ياخمسة وخوديهم ياخمسين يامائة ملى

والماكياج خوديه كله لانك اكيد بتستحقيه

ارنوبة بالنسبة لصور اضيفيهم من صفحة الرد نفسها

يعنى الصورة تضغطي عليها بتطلعلك كلمة خصائص اضغطي عليها

تلقي عنوان الصورة ديريله كبي كله وبعدين تعالي لصفحة الرد

تلقي في الاعلى بعد الالوان مربع اصفر يبان زي الصورة اضغطي علية

بعدين ديري لصق للعنوان وديري موافق توا تنزل الصورة


ان شاء الله تفهميها الطريقة

اسمعي قوليلي على السائل امتع الاماكن الحساسة شن اسمه

وعلى انواع روائح نلقاها عند عبدالصمدالقرشي

أرنوبة
10-05-2009, 02:48 PM
السلام عليكم بنات وباهي ياأيمان درتي أنجاز أمس أنشاء الله بصحة عليك
تعرفي ياأيمان أكثر شي بهدلني المكياج والحمدلله كملتة كلة وعطيته لخطيبي بيش ايجبوة في القفة
أهلين فسفوسة كيف حالك وحال بنوتك أنشاء الله بخير يارب
المسك السائل اللهي عند القرشي فيه أنواع أنا واخدة نوع أسمة مسك العروسة واخدة نوع تاني فضيع بس أنسيت أسمة وخديت منة معطر الجسم حتي هما حلوات وخديت منة عطور ومسك المكعبات هههههههههه
فلست بي بابا مش قتلكم مافيش حاجة الا ماوخدتها

أرنوبة
10-05-2009, 03:07 PM
http://52708

أرنوبة
10-05-2009, 03:13 PM
20080301163016

أرنوبة
10-05-2009, 03:18 PM
:o:o:oماعرفتش يافسفوسة تبعت خطواتك لكن مانجحتش

كاتووسا
10-05-2009, 03:27 PM
كويس أرنوبة أحسن شي ريحتي روحك من المكياج
مقلتيش منين خديتيه وبكم كلفك مع بعضه_ والماسكات هادي بكم؟ وبترفعيها ليله الدخول!
أني منعرفاش وين القرشي.؟

أرنوبة
10-05-2009, 04:04 PM
أهلا كاتووسا المكياج خديت أول من مجموعة محلات لان نوعت في الماركات مثلا الروج من ماركة والقلوس من ماركة لان كل ماركة تتميز بي حاجة
خديت من أسلنطة وخديت من مورينا شوية مش هلبا وخديت من روان ومن محل تحت فندق الكبير هدا عندة أكثر شي ماركة سان لوران وأكثر مكان خديت منة مادي اللي بجنب القرشي وين مافية عصائر هافانا
وكلفني المكياج تقريبا 2300وأنا شريت شنطة المكياج ب95 أسبانية من حمل أسمة الذروة كان في جرابة وتوا حول ممكن حول جيهت الاذاعة وأشريت منة أستشواري والفير والرولات أمتاع الشعر والسبراي والجيل والرغوة امتاعت الشعر وردي باللك شنطة المكياج تأخديها من مادي أيبيع فيها ب400ماركة فورايفر ونفس لشي غير هذا سيلنستير وهذاكة كحلة هي صح حلوة لكن تأدي نفس الغرض علي الاقل ال400 يقضولك هلبا حاجات
عادي أرفعية معاك في شنطت الدخول المسك

أرنوبة
10-05-2009, 04:09 PM
معليشي بنات نبي نسالكم ماتعرفوش محل توا امداير تخفيضات والله ماعندي أخلوق اندور نبي أتقولولي ونمشيلة طول ونروح

فسفوسة
10-05-2009, 04:14 PM
كيفكم صبايا وشن اخر اخباركم

ارنوبة حاولي مرة تانية

أرنوبة
10-05-2009, 04:44 PM
أهلا فسفوسة حاولت هلبا بلا فائدة لكن
فسفوسة نبي نسألك أنتي وسموحة
بيش أتنادي فيها أم زوجك

eman83
10-05-2009, 04:45 PM
شن نشرى من مكياج اى نوعية واى ماركة
والروائح اما هما الى نشريهم الى يناسبو المدامات

ارنوبة قوليلنا على الروائح الشرقية من وين
وشن هو السائل الى قلتى عليه

أرنوبة
10-05-2009, 04:54 PM
ايمان أنا شريت المسك السائل أسمة مسك العروسة من عبدالصمد القرشي ومسك تاني سائل أنسيت أسمة
ألروائح الشرقية خديت الورد الطائفي ومعطر الجسم خديت خلطة مكة

فسفوسة
10-05-2009, 04:55 PM
اني نادي فيها زي ناس زمان الاي

ايمان انى ننصحك بكلفن ولوليتا

وعندك مس ديور شانيل

فسفوسة
10-05-2009, 04:56 PM
ممكن تقوليلي ياارنوبة شن اسعارهم

أرنوبة
10-05-2009, 04:59 PM
الروائح خودي أنتي وذوقك خودي قوتشي وكوكو شانيل فضيعة وخودي جادور وخودي أسكادة الخضراء حلوة هلبا والصنة الخامسة خليها أختيارك ههههههههه
والمكياج أول شي كريم الاساس اللي بيناسب بشرتك أنا خديت فورأيفر والبودرة خديت شانيل

أرنوبة
10-05-2009, 05:03 PM
معطر الجسم وأخداتة ب25 والمسك السائل ب60 التولة الصغيرة أنا خديت المتوسطة ب160 التولة والورد الطائفي ب130 وراهؤ الورد الطائفي في منة دهن وفي سبراي الدهن أنسيتة بكم التولة

فسفوسة
10-05-2009, 05:03 PM
تعرفوا انى تعجبني ماركة ديبورا

وماكياجي كله بين ديبورا و قولدن روز

ولا شانيل

والاكثر ديبورا

أرنوبة
10-05-2009, 05:05 PM
وأخدة من محل قدام مخبز الارض الطيبة اللي في راس حسن عطر الشيخة حلو وعطرأسرار
طبعا انا العطور الشرقية بنستعملهم لما بنلبس العربي

فسفوسة
10-05-2009, 05:12 PM
تصدقي انى ماعنديش ولاريحة شرقية

لكن توا بنقول لراجلي نبي نشري

أرنوبة
10-05-2009, 05:12 PM
حتي ديبورا واخدة منة أرواج فضيعة وأقلام لكن الماركة التانية مش واخدة منة شي
وكان تسمعي نصيحتي ياايمان خودي أرواجك من ديبورا لان انا خديتها من سان لوران ومن جيرلان وشانيل كلفتني هلبا ولكن أرواج ديبورا ب10 دينار وحلوات
أنا شن صارلي ألقيت فلوس في يدي قعدت نشري وخلاص صح مش نادمة لان الفرحة مرة لكن الارواج الحاجة الوحيدة اللي قلت مفروض خديتها من ديببورا

eman83
10-05-2009, 09:11 PM
صحيتو يابنات
ارونوبة وفسفوسة
معنها ناخد من ديبورا ونشوف ماركات تانيات


وينها سموحة اليوم
قولولى كيف ندير فى التسريحة يوم العرس كيف انحيها ؟

أرنوبة
10-05-2009, 09:59 PM
شن قصدك عندك تسريحة معينة خاطرك فيها
وسموحة وكاتووسا امغطسين انشاء الله خير
وشن شريتي تاني يا ايمان
وشن صار أمتي التلبيسة وشن بتقدميلهم

كاتووسا
11-05-2009, 12:26 AM
اهلين صبايا .كنت لاهية نكلم في خطيبي.هه
بدي يغار منكم.هه
شن ايمان كيف صاير فيك أمتا تلبيستك؟ وشن تبي تسريحة عاجبك شكل معين
كان عندك صور حطيهم خلي نعطوك رأي لو تحبي

eman83
11-05-2009, 12:30 AM
ارنوبة لالا نقصد بعد الحفلة تبد التسريحة سبراى وهكى

التلبيسة يوم الخميس ان اشاءالله

بنقدم عصير وشكلاطة بعدين شاهى وحلويات اتنين حلوات ووحدة مالحة

بعدين العشى صونية فيها رز بالخلطة وكباب وستيك دجاج وبوريك مفروم ومطبن وزوز سلايط

بعدين بكلاوة فى الاخير
طيعا هيا تلبيسة بسيطة جدا جدا مفيش حد برانى غير امه وخواته ومرت خو وانى وامى وخواتى البنات بس بس

مش جايبة لا مصورة ولا شئ
بنلبس قفطانى وخلاص وبنمشى للمزين ندير شفاشيفى ههههههه
وبنمكيج مكياج خفيف فى المزين
وشن تانى
بندير زمالطو احمر
يابنات بناخد رايكم والنبى ساعدونى انى عندى قفطان احمر بناتى حلو بالمرة كله مزبوط وطوله قصير ظهره عريان ومن قدام كله مسكر للرقبة وطالع عليا حلو هلبا شن رايكم نفوت قفطانى هداكا الطويل ونلبس هدا او شنو

كاتووسا
11-05-2009, 12:33 AM
وين السموحة؟ تقيس في غلاها ولا كيف؟
شن فسفوسة بتقولي لراجلك تبي روائح شرقية
ليك/ وتي روحك واشريله حتي هو.هه.
خاطري بنخيط قفطان مميز لاكن سريب الخياط شن تنصحوني

كاتووسا
11-05-2009, 12:37 AM
أول حاجة عريس الغفلة بيخش يلبس؟هه
تاني شي وين بديريهم قجاقيجك.هه
وتالت شي كيف فصالته قفطانك إلي مقرره تلبسيه؟

eman83
11-05-2009, 12:42 AM
مش عارفه عليه راجلى بيجى يلبسنى هوا او امه مندريش تو نسئل
قفطانى الاول لونه موف ومخدوم بالذهبى عبارة عن صديرى الفوقى عريان من فوق ومزبط والقونة مزبوطة من فوق وتنزل واسعة زى الحوتة وفيه ديل طبعا هدا فخم وراقى يبان
عكس الاحمر يبان بسيط
وانى التلبيسة منبيهاش رسمية نبيها كاجوال وجو
ماشية لخيرا انى

أرنوبة
11-05-2009, 12:51 AM
أسمعي مادامة التلبيسة بسيطة خلي كل شي بسيط علاش بسيط بسيط وبعدين تطلعي بحاجة أكبر من المناسبة

كاتووسا
11-05-2009, 12:52 AM
كان هو بيخش ..فوتيه القصير أني نقول هكي وإنتي و رأيك؟
شن ايمان حدتي موعد عرسك؟
والمزين قررتي شكون؟

eman83
11-05-2009, 12:53 AM
شن معنها يا ارنوبة شن نلبس الاحمر زعمك

أرنوبة
11-05-2009, 12:54 AM
أنا كنت نبي نرقد لكن طار النوم
وأنا جيعانة لكن مافيش شهية
حقة بعد خطرها قداش أوزانكم يابنات
وهل راضين علي وزنكم
ايمان وكاتوسا شن إتناديلها أم خطيبك

كاتووسا
11-05-2009, 12:54 AM
أهلين أرنوبه
شن تجي إنتي تهرب إيمان.هه
شن جوك؟ شن تخدمي إنتي ولا حوش

eman83
11-05-2009, 12:55 AM
العرس بعد العيد الصغيرة ان اشاءالله ربك يسخر
بنقعد اسبوعين وبعدها مسافرة
المزينة توا جايينى هلبا عراس وفيهم هلبا ماشينة لفاطمة شعيب اشبح تو نشوفهم كيف بطلعهم بعدين نقرر

أرنوبة
11-05-2009, 12:57 AM
كان هو بيخش شوفي من الناحية هذة شوفي الانسب ليك وكان هؤ مش خاش ألبسي الاحمر يعني الابسط وهيا ردو علي أسالتي

eman83
11-05-2009, 12:57 AM
انى نبى نسمن وزنى 53 كيلو :cry:
ناديلها خالتى او عمتى

eman83
11-05-2009, 12:59 AM
فسفوسة كيفحالك والنبى تعالى

قوليلى على التسريحة يوم الحفلة بعد مروحتى شن درتى فيها

وقليلى زعما نشرى كاب لى انى مسافرة برا انى قلت منستحقش ليه شن رايك انتى
ولما نبدل الدبل يوم العرس نبدلهم فى الصالة فى حفلتى او فى حوش الدخول

كاتووسا
11-05-2009, 01:01 AM
أني حاليا نقولها متلا كيف حالك يا ابله .... اسمها، هيا مهندسة مفيش كيف نقولها بشمهندسة .....ههه
بس بعتالي بناديها نانا هكي عيلة راجلي يقولولها
وانتي شن؟

فسفوسة
11-05-2009, 01:12 AM
اسمعي انى نقوللها الاي

وبعدين ياايمان انى نقول البسي الموف احلى

وبالنسبة لتسريحة انى اللى تعبنى التوكات

لكن بعدين مشت الامور فتحتها وسلتها وقعد شعري مستشور حلو

وتانى يوم الصبح غسلت

كاتووسا
11-05-2009, 01:13 AM
اني وزني 64 كجم
ماشي مع طولي خايفة نزيد طبعا يستر الله.ههه
شن ايمان الصالة حجزتي؟

كاتووسا
11-05-2009, 01:18 AM
أهلين فسفوسة
حالة التوكات هما لاكن مع السبري. نحسه شعري بيخش في بعضه لان طويل هلبا. يستر الله
باهي بنسأل عادي كان دوشتي جسمك في ليل وتخلي شعرك نحس خير ولا شن رايك

فسفوسة
11-05-2009, 01:19 AM
انى وزنى قبل وبعد الزواج59

حتى حملت مازادش الا 10 كيلو يعنى وزن بنتى

لكن مرات يزيد كيلو واحد بس يعني60

كاتووسا
11-05-2009, 01:23 AM
وين ارنوبة يا بنات؟
أني طبعا نت من موبايلي خاطري نرقد لاكن نشوف فيكم قاعدين
عين مفتوحه وعين مسكره.ههه

كاتووسا
11-05-2009, 01:26 AM
ممتاز حلو هلبا. ان شاء الله حتي اني يقعد تابت هكي
إنت طويلة ولا باهي؟

أرنوبة
11-05-2009, 01:33 AM
كنت إنكلم في خطيبي أنا إناديلها خالتي وبعد مانتزوج بناديلها أمي شن رايكم عادي نغير من خالتي لامي
أنا وزني59 ووزني 163 ونبي انزيد 3كيلؤ
وياكاتووسا أنا كملت قرايتي وقعدت وتوا نستني في العرس
وشن فسفوسة قاعدة نايضة قلت اكيدة رقدت
أنتي ياكاتووسا وايمان شن تقرؤ ولاتشتغلؤ

فسفوسة
11-05-2009, 01:36 AM
انى طولي متر و60سنتيميتر

أرنوبة
11-05-2009, 01:39 AM
تعرفؤ يابنات خاطري إنسكر عين نفتح عين نلقي روحي في حوش راجلي مش عارفة كيف توا جاني شعور ان قدامي هلبا حاجات لين خفت

eman83
11-05-2009, 01:44 AM
ايه صح زى مقالت كاتوسا السبراى بكل وكان بنغسلو شعرنا معقولة بنستشور قدام راجلى

أرنوبة
11-05-2009, 01:45 AM
هيا قولولي أنديلها بعدين امي ولا نقعد علي خالتي والله هي طيبة وتستاهل
ردو عليا وانا تو نستأدن وغدوي نتلاقؤ
تصبحو علي خير وأحلام سعيدة وكل وحدة تتمني حاجة تتحققلها يارب

كاتووسا
11-05-2009, 02:02 AM
أني متخرجه جديده وخدمت طول
بعد ما نخطبت وقفت خلي نهتم برويحتي شويا.هه
بعد الزواج بنرجع ان شاء الله
وانتو يا بنات شن رجالتكم عادي الخدمة ولا لا؟

كاتووسا
11-05-2009, 02:04 AM
تصبحو علي خير توا

eman83
11-05-2009, 01:41 PM
السلام عليكم
كيفحالكم اليوم
انى قاعدة نخمم فى يوم المحضر لما بنمشى للمزين شن نلبس :rolleyes: ونرفع معاى قفطانى نلبسه غادى زعما
ولما بنمشى للمزين منبيش نمشى وجهى مغسول زعما نمكيج بعدين نمسحه فى المزين ابصر كيف اللقطة
تقدرو تقولولى

كاتووسا
11-05-2009, 02:57 PM
هلا ايمان..
عادي اني نقولي حطي كحل بسيط وأطلعي، علاش تمكيجي مني بيشوفك؟ مش حوشك بروحك ولا كيف!
وبعدين مادابيك تلبسي في الحوش خير
مش عارفة إنت بتلبسي قفطان بعتالي العربي# ولا كيف الترتيب؟
وبعتالي محضرك في الصاله؟.لأن تفرق يا أيمان
تعرفي أني حتي يوم حفلتي بنلبس في الحوش خير براحتي، نخمم بس في لبس الطرحه مش عارفة كيف بنلبسها لو لبست بروحي في الحوش.. دايخة و خلاص

eman83
11-05-2009, 03:02 PM
اهلين كاتوسا
انى محضرى فى الصالة
ماهو قلت نمكيج لى انه نسكن فوق شيابينى معنها مرات نخطم عليهم او حد يشوفنى :rolleyes:
ايه بنلبس قفطان منفوخ بعدين العربى وبعدين الجلوة


انتى الطرحة اكيد المزينة بتلبسهالك
علاش متلبسيش فى المزين الفيلو

كاتووسا
11-05-2009, 09:17 PM
أهلين منونة شن الجو؟
مكياج مش لازم تكتري أحلي تباني بنوته وصغيرونة، اني من راي كحلي بلون لبستك متلا وقلوس حاجة بناتي، وبعتالي في المحضر تتغيري أحلي
وبنقولك ركزي حتي في طريقة رسم المزينة لعيونك باش بعتالي تعرفي تمكجي بروجك لراجلك.هه
شن جوكم في المكياج يا بنات تجربو تحطو في مكياج لروحكم ؟ وشن تنقو في حواجبكم ولا قاعدين زي ما هما# تعرفي ايمان نحس الفيلو يتمحمس كان نلبس في مزين خصوصا كان ذيل جو/ ممكن نلبس الصديري بس مش عارفه

فسفوسة
12-05-2009, 12:20 AM
شن الجو ياصبايا

eman83
12-05-2009, 12:23 AM
مساءالخير فسفوسة

زعما نشريه الكاب او منستحقش ليه لى انى مسافرة

فسفوسة
12-05-2009, 12:27 AM
لالالا ماتشريشي والله حتى اني شريته

وماستحقيتاش الا في الصدرة

eman83
12-05-2009, 12:39 AM
اه باهى الى قلتيلى
معنها نشى هباية عادية متع كريستال وخلاص

فسفوسة
12-05-2009, 12:43 AM
ايوة هكي احسن

خوذي زوز ولا تلاتة لانك تستحقيه

فسفوسة
12-05-2009, 01:33 AM
اسمعوا هذا اللينك لموقع خاص بتجهيز العرائس

خشوا عليه ان شاء الله يفيدكم


http://www3.startimes3.com/f.aspx?mode=f&f=193

eman83
12-05-2009, 11:05 PM
:cry::cry::cry::cry:
فرحة وماتمت:(

كاتووسا
13-05-2009, 12:38 AM
هلا صبايا ليكم وحشة
كيف مروحة من حفله صاحبتي هيجت هلبا هلبا
العقبه لينا يارب

سموحة26
13-05-2009, 12:39 AM
السلااااااااااااااااااااااام عليكم يا حلوات ......................عدناااااااااااااااا

سموحة26
13-05-2009, 12:41 AM
تأخرت عليكم بس والله قلبي معاكم ...........اني حالي الحمدلله تمام طبعا ........ وسلمكم نشادات لقيتكم ناشدين عليا ربي يحفظكم وانتوا كيف حالكم وشن اخر التجهيزات وين وصلتوا

سموحة26
13-05-2009, 12:44 AM
لقيتكم سالين هلبة اسئلة........ بالنسبة لنجمتي اني درت نجمة من غير قفة يعني ما جابوليش قفة درت نجمة بالزمزمات وكانت حلوة وخفيفة وجوها حلوى لان ما عزمتش عليها بس صاحباتي والعيلة بس فجت مرتبة وحلوة

سموحة26
13-05-2009, 12:45 AM
كاتوسا كيف حالك يا عسل وشن جو الحفلة منيحة

سموحة26
13-05-2009, 12:50 AM
وام زوجي نقولها اميما لانها مراة كبيرة شوية في العمر .......... وشهر العسل كان جولة قطر ماليزياااااااااااااااااااااااا وتايلاند بس اكتر شئ قعدت في ماليزياااااااااااا والله بلاد روعة

كاتووسا
13-05-2009, 12:51 AM
مية مية سموحة، ستاحشناك وين مغطسة؟

سموحة26
13-05-2009, 12:51 AM
يلا صبايا تصبحوووووو علي ملايين الخيرات ........ ومن الصبح ان شاء الله توا نفتح ماشي سلام يااااااااااااااااااااااااااحلوين

سموحة26
13-05-2009, 12:52 AM
والله قاعدة كاتوسا بس مشيت لحوشنا ونسيت الكمبيوتر متاعي والوصلة متاع النت غادي وهدا وين جبتهم

كاتووسا
13-05-2009, 12:55 AM
طبعا اني قلت بنمشيلها ماليزيا علي قد ما قالو تهبل، وقلت نمشيها عالتركية، شويا تركيا وبعتالي ماليزيا
ربي يسخر علي ميزانية العريس.هه
شن هيا غالية ولامعقولة؟
وشن المكانات الي مشيتيلها

سموحة26
13-05-2009, 01:00 AM
اني مشيت عالقطرية .......والله روعة بصراحة حني مشينا في شهر 10 فكانت موسم تخفيضات علي حظنا مشينالها كلها قصدي كل الجزر الي فيها تقريبا نزلنا في العاصمة كوالالمبور وقعدنا فيها فترة وبعدين بدينا في الجولة ..............غدوة نحكيلك كاتوسا بالتفصيل عالرحلة لان زوجي روح يلا تصبحي حبيبيتي

فسفوسة
13-05-2009, 01:08 AM
كيف الحال ياصبايا

كاتووسا
13-05-2009, 01:12 AM
تلاقي الخير سموحة، مبنسيش تحكيلي
خلي بالك نمشي حتي اني عالقطرية لان عرسي في 10.هه
ايمان وينك يا كبدي

كاتووسا
13-05-2009, 01:16 AM
اهلين بفسفوسة الهندسة نت. شن جوك يا حلوة؟
اني تمام مروحة من عرس صاحبتي جو مليح. والنوم هارب

فسفوسة
13-05-2009, 01:19 AM
عقباليك ان شاء الله

اسمعي حطيتلكم موقع لتجهيز العرائس في الصفحة اللي

فاتت شوفتيه

كاتووسا
13-05-2009, 11:41 AM
صباح الورد بنيات ومدامات المنتدي
صحيتي فسفوسة عالموقع تو نشوفه غر اني نت من الموبايل

كاتووسا
13-05-2009, 11:46 AM
مقلتيليش شن شريتي لراجلك يوم عرسك؟
يا صبايا مدام كاتوسا مغطسة ولا غر اني منشوفش فيها

سموحة26
13-05-2009, 12:45 PM
صباح الورد يا صبايا ............شن جوكم اليوم ان شاءالله تمام ..........
هلا فسفوسة كيف حالك .... كاتوسا العسل شن جوك اليوم ورقدتي امس او لالا ههههه بالنسبة لسفر الصراحة ديمة نحب نمشي عالقطرية نحس في خدمتهم مميزة وحلوى ننصحك بري عليها .... ولو قررتي تمشي ماليزيا قوليلي واني نقولك احسن المناطق واحسن الجزر وكيف تمشيلهم كلهم... ماشي

سموحة26
13-05-2009, 12:47 PM
وين ايمان الحلوى قداش ليا ما شفتهاش ربي يحفضها ان شاء الله

eman83
13-05-2009, 02:24 PM
:cry::cry::cry:
الله غالب اهل راجلى صارتلهم حالة وفاة والتلبيسة مصارش منها
وانى نبكى من ءامس وتيت كل شئ حتى من حواجبى درتهم:(
الله غالب
متنكدة

سموحة26
13-05-2009, 02:36 PM
هلا مينو ,,,,,,,,,,,,,,, عادي حبيبتي ما تكدريش روحك فيها خيره ان شاء الله يا رب وكل شئ بيتسخير ربي وان شاء الله ربي يسخرلك ويتمملك كل شئ علي خير يا رب

eman83
13-05-2009, 02:53 PM
صحيتى سموحة
بارك الله فيك

كاتووسا
13-05-2009, 03:27 PM
منونة حبيبتي عادي وعسي ان تكرهو شي وهو خير لكم.
غيري جوك وهدزي مع خطيبك غيريله جوه متحسسيشي انك مضايقة ولا شي فهمتي يا عسل.
سموحتي شن الجو؟ كيف حال زوجك الحبيب.ههه
خلاص كان قررت ماليزيا تو نقولك# بس مقلتليش في المجمل تكلفتها غالية ولا وسط.
وتذكرت قطر بكم؟ وحدة تقصقص.ههه
أني صاحبتي مغربية قتلي المغرب فيها جزيرة ليلي حلوة قريبه من اسبانيا تهبل ومازال الافكار. ربي يسهل

فسفوسة
13-05-2009, 03:55 PM
اهلين صبايا

ايمان ولايهمك حبيبتي كل تاخيرة فيها خيرة

وكل شئ بتساخير

خليك عادي وماتنكديش على الراجل باش مايقولش منكدة

سموحة26
13-05-2009, 04:54 PM
السلام عليكم ...... هلا صبايا ...
كاتوسا زوجي حاله الحمدلله بس والله اليومين هدو عنده العصب متاع ضرسه متعبه شوية والله ربي يشفيه .... وبنسبة لماليزيا اجمالا عادية مش غالية بس التداكر سعرها شوية غالي بس والله مش خسارة فيها عادي ....
ويا صبايا بالله عندي طلب يا ريت الي يعرف يرد عليا في اسرع وقت بالله عليكم ..... في خياطة يونانية قالولي انها كويسة بالله الي يعرف رقم هاتفها او عنوانها يا ريت يساعدني والي يعرف اي خياطة مظمونة وكويسة لفساتين السهرة يدلني عليها واالله يخدمني بجد ومشكورين مسبقا

كاتووسا
13-05-2009, 05:38 PM
هلا سموحة لاباس علي راجلك.
اسالي مدام قطوسة تعرفها تقريبا، تعرفي في محل اسمه الطراز في النوفليين صفة ماكس لارا متع الفيلوات كويس هلبا فيه مدام ناتاشا روسية تلقيها العشية تشوف جسمك وتساعدك بافكار من غيد ان عندها كتلوج
بريلها الاسبوع الجاي بتجيب كتلوجات جديدة، تفرجي واختاري موديل وهيا تقولك نوع القماش وهكي، هما غاليات شويا بس حلوين الحق

سموحة26
13-05-2009, 06:01 PM
لا يوريك باس كاتوسا تسلميلي يا رب ..... وصحيتي وبارك الله فيك اني عندي موديل معين نبيه بس نبي من يجيبه بزبط وتوا نمشي نشوفها ان شاء الله ومرة تانية بارك الله فيك

كاتووسا
13-05-2009, 07:57 PM
سلمك يارب سموحة
شن الموديل الي عاجبك ؟ وريهولي كان عندك صورة؟!
انت الموديل كان شايفتيه في النت اسحبيه ملون وارفعيه معاك
هما حتي القماشات ناقصات كلهم بعا اسبوعين ينزلو، اني مشوت لكشمير و المسلاتي متع بوسليم نفس الشي
معنيتا بتصبري شويا، لان القماش يحكم ويلعب دور كبير في ان الموديل يطلع. # عمتك كاتوسا تتفلسف..ههه
اني الخياطة آخر حل الحق لان تشحوير وخدمة فرنسا وايطاليا أكيد أحلي وان شاء الله خير.
زعمه كيف حالها منونة.؟

eman83
13-05-2009, 11:27 PM
السلام عليكم
خير يابنات
والله بارك الله فيكم
بس مش قادرة حالة الدموع لين ولو عيونى منفوخات بكل تنكدت تنكيدة شينة
شكلى منحوسة يستر الله وخلاص
شن اخباركم انتو

بنوريكم صورة الفيلو متعى ونبيك تقولوى رايكم فيه بصراحة تامة
انى مزال مستقريتش عليه لتوا بس قلت ناخد راى خواتى فى المنتدى


http://www11.0zz0.com/2009/02/27/15/516122805.jpg


http://www11.0zz0.com/2009/02/27/15/343776021.jpg

سموحة26
14-05-2009, 11:13 AM
السلام عليكم ... صباحكم ورد يا صبايا هلا مينو يا عسل معادش تقولي هكي خليك مؤمنة بالقدر وتقي وتأكيدي ان ان شاء اللله فيها خير ليك وخليك متفائلة ومتنكديش علي روحك والله عادي يا غالية وان شاء الله ربي يتمملك علي خير في اقرب وقت.............
هلا كاتوسا كيف حاله السمح ......... ومشكورة حبيبتي امس مشيت لطراز بس لقيته مسكر مشيت بعد المغرب بس خديت رقم التلفون لقيته مكتوب وقلت توا نكلمها ومشيت لكشمير والمسلاتي المدة الي فاتت بس والله المسلاتي لقيت عنده اقمشة حلوى بس اني قبلها مشيت لقاجة متاع الفيلوات لانهم يخيطو حتى هما ...........بس لما وريتها الموديل بصراحة حسيتها ما فهمتاش لا قتلي علي نوع القماش الي نشريه لاشئ قتلي خلاص عادي بري جيبي القماش وتعالي هههههههههههههه........ قصدي نعرف ان يأخدوووو المقاسات قبل بعدين يشرووووووووووو القماش صح ....
والله حتى اني اول مرة نخيط لان بجد ما لقيتش حاجة في السوق حلوى وتستاهل الواحدة تدفع عليهم هدا المبلغ ...وتوا انزلهولك الموديل
وحقه ميمونة حلوى الفيلو بسيط بس نازك وانتي زيدي شوفي براحتك

سموحة26
14-05-2009, 11:31 AM
اني عندي موديلين هدا واحد منهم التاني ما يبيش ينزل مش عارفة خيره هو الي تقريبا اعتمدت عليه مش هدا شن رايك

سموحة26
14-05-2009, 11:42 AM
مش عارفة خيرها ما تبيش تفتح الصورة

فسفوسة
14-05-2009, 03:42 PM
كيفكم صبايا

ايمان خليك عادية وكلنا تصيرلنا الحاجات هذه مش معناها

احنى منحوسين لالالا بالعكس هذا القضاء والقدر

اسمعي تبي رائي في الفيلو بصراحة مازال في حاجات احلى منه

زيدي شوفى انتى وراحتك واللي ترتاحيله

سموحة26
14-05-2009, 04:04 PM
هلا فسفوسة كيفك .......فسفوسة ما قلتيش شن رأيك في الفستان الي نبي نخيطه حلو او لالا

فسفوسة
14-05-2009, 04:19 PM
ماطلعتليش الصورة ياسموحة

فسفوسة
14-05-2009, 04:20 PM
http://www.alhandasa.net/forum/attachment.php?attachmentid=34470&d=1242293292


هذا القفطان صح

بصراحة يجنن وذوقك يهبل

فسفوسة
14-05-2009, 04:25 PM
انى توا نستاذن وبعد شوي راجعة نتلاقوا ان شاء الله

سموحة26
14-05-2009, 04:58 PM
تسلمي فسفوسة .... يعني خلاص نعتمد عليه ...
كاتوسا وينك ............

سموحة26
14-05-2009, 05:22 PM
وين كاتوسا مختفية اليوم .....ان شاء الله المانع خير

فسفوسة
14-05-2009, 05:52 PM
اعتمدي بصراحة روعة

كاتووسا
14-05-2009, 09:10 PM
سلمك نشادة سموحة
كيف حال بقية الصبايا الحلوين
منوناا راهو خيرلك من غير دلع لا بكي لا دموع
لا دموع في الهندسة نت.ههه نبصر عليك خلي جوك حلو يا عسل وشني عوينات منفخات راهو مازال نبوهم عويناتك
سموحة اني نت موبايل عبيط وامس مفيش رصيد فمفتحتش نت هو هدا قلبي معاكم امس كله
اسمعي تو نحاول نشوفه الموديل باهي سمحة.
نتلاقو في الليل
لما تفتحو ديرولي تشرينة..ههه

سموحة26
15-05-2009, 12:21 AM
هلا صبايا كيف حالكم توا ....... والله اني جدا زعلانة لان اليوم كله واني طالعة من خياطة لخياطة لمحلات الاقمشة بس للاسف مالقيتش القماش هدا ولا حتى قماش قريب منه واني جدا زعلانة ومقهورة بصراحة ومش عارفة كيف الرأي عندي عرس سلفي توا في بداية 6 وقاعدة لتوا مش عارفة كيف راح يصير والله تقريبا درت طرابلس كلها ما في شئ ينشرى والله دخت خلاص بصراحة وهده عاد اول مناسبة للعيلة فعاد يبوا يشوفوا الكنة الجديدة كيف وشن لابسه والجو هدا ههههههههههههههههههههه والله ماعاد عرفت بالله شوروا عليا كيف ندير

كاتووسا
15-05-2009, 12:31 PM
ما بعدك سموحة حتي اني اصلا ندور المده الي فاتت لنفس السبب عرس سلفي كان سخر ربي بعدي طول
فشوفي جوك نبدي اني كيف مروحه من شهر العسل مش معقوله بنطلع ندور قماشات
يعني بنخيطه من توا عرفتي
تعرفي استبرق متع جامع الصقع شفت فيه قفطان حلو قبل فتره ممكن يمشي معاك متاع عروسة الوحيد الي عجبني علي قد ما درت لونه زي البودرا ...الورد الطرابلسي هكي يعني سعره جو 1300 بريله
وبعدين كان عرس ولد ومدايرين محضر مش بتلبسي العربي ولا بتلبسي قفطان

سموحة26
15-05-2009, 12:59 PM
هلا كاتوساااااااااااا ... والله مشيتله استبرق بس متاع فشلوم ومشيت حتى لبيانو متاع بن عاشور علي فكرة هما تبع بعض لان صاحب زوجي هو بس اسعار مرتفعة وبضاعة مش حلوى او بمعنى اصح عادية مش مميزة هلبة ........ وسلفي مسافر تاني يوم يعني ما فيش محضر يا كاتوسااااااااا عرفتي
تي يلا ربي يعاونا وخلاص

كاتووسا
15-05-2009, 01:56 PM
أها فهمت قصة هادي
ربي يعاونك وبعدين اكيد القالب غالب كان جسمك متناسق حتي حاجه بسيطه اطلعك، بس تعرفي اني شن فكرت حتي في الفيلو بناخد موديل من السوق وبنرفعه خياطة تغيرلي شويا في ستايله باش يكون مميز عرفتي. شوف انتي بالك اديري زيني

سموحة26
15-05-2009, 03:25 PM
هلا كاتوساااااا والله فكرت فيها بس لقيتها تشحوير هلبة تي يلا وخلاص ربي يسهل
وين فسفوسة مغطسة اليوم .............
ومنونة حتى هيا مهناش من يومين مش باينة ربي يكون في عونها .......ويا ريت اطمنى عليها في اقرب وقت .........

سموحة26
15-05-2009, 04:40 PM
كاتوسا مشيتلها ناتاشا الي في طراز وبعد ما اعتمدنا علي الموديل بعتتني لي كشمير متاع الاقمشة ولما قالي انتي وين بي تخيطي كتله عندها قالي خياطتها عادية مش حلوى هلبة مش عارفة علاش

فسفوسة
15-05-2009, 06:05 PM
كيف الحال ياصبايا

اسمعي ياسموحا زيدي دوري ومازال عندك وقت

كاتووسا
15-05-2009, 06:22 PM
حبيبتي سموحة قالك هكي لأن حتي هو يخيط مادابيه اديري عنده واضحة
قوليلي مشيتي لأما كشمير؟ الي في حي دمشق ولا قرقارش
لان مشيتله متع الهضبه هو زعميته مصمم الي يبيع في الاقمشة، قولي باهي موديلاته كلها يدخل في الشنتو وخلاص مخشش راسي هلبا الحق ممكن اني مقعتش معاه هلبا وقت لاكن مش عارفة
قوليلي شن طلبت عليك ناتاشا انواع قماش واللون والموديل اما هو؟
حقا قوليلي جابت الكاتالوجات ولا مزال؟
سموحة تو نبعتلك رقمي عالخاص ونتكلمو باهي !
فسفوفة الامورة شن اخبارك.

سموحة26
15-05-2009, 06:58 PM
هلا بيكم ... فسفوسة تسلمي بس والله تعبت الواتي مش حلو والتفصيل يبي وقت ويبي قماش والقماشات هني مش متوفرة كلها تي يلا عادي اهو مدايرة جهدي .... كاتوساااااااا مشيت لكشمير متاع سوق الواحات مش متاع حي دمشق مشيت للخياطة الي جنبه تبع كشمير حتى هيا بس ما عجبتنيش خدمتها الصراحة .........
وبالنسبة لناتاشا قالي كويسة بس في هلبة خير منها قالي علي وحده اسمها نجلاء عرفتي محل الازهر متاع الدهب الي في قرقارش بعد سوق الواحات بشوية في الزنقة الي مقابلته علي طول تاني محل في الزنقة جنبه مكتب عقارات قالي خدمتها حلوة مشيت لقيتها مسكرة
وبالنسبة للقماش الي في نفس الموديل الي بعته انتي شكلك ما شفتيشي الي وريته لفسفوسة ارجعي لصفحة الي فاتت تلقيه هو قماشه شانتو مطرز بس في ليبيا ما يجيبوش فيه يجيبوا في السادة بس فهمتي عليا هو شانتو وتول اوروبي تقريبا .............. وعندي موديل تاني حتى هو قماشه ما لقيتاش للاسف

سموحة26
15-05-2009, 07:01 PM
وبالنسبة للكتالوقات مش عارفة ما سالتهاش لان اني رافعة معاي موديلات نبي نفسها فهمتي ....... معناها ما شفتش منها موديلات

كاتووسا
15-05-2009, 11:04 PM
أها فهمت، باهي كويس انت امتا مشيتيلها نجلاء أما وقت
خلي نمشيلها لان نبي نخيط كاب عرسي من توا مرات تكون خير من نتاشا. هو خياطه كشمير مش مليحة هلبا الحق.
باهي شن بيصير في الشانتو المطرز في امكانية حد يجيبه من برا توصي ولا اساسا ميجيبوش فيه
وبالنسبه للموديل مش قادره نشوفه نفتح من الموبايل
يعني شن الحل توا بتمشي لنجلاء وقت تاني؟
اسمعي المزين في عرسك وين مشيتي؟ وصالتك وين؟!
يا عوويلة وين ايمان اليوم مغطسه البنية

فسفوسة
15-05-2009, 11:37 PM
سلام

وين ايمان وارنوبة مغطسين

كاتووسا
16-05-2009, 12:42 AM
إيه صدقتي فسفوفه مغطسين رسمي، وزادت حتي السموحة مش مبينة/ شكلها تخمم في القفطان. ههههه

فسفوسة
16-05-2009, 01:07 AM
والله عندك حق

كاتووسا
16-05-2009, 04:12 PM
هلا صبايا
وين البنيات اليوم

أرنوبة
16-05-2009, 08:18 PM
أهلين صبايا شن أخباركم وشن ماستاحشتونيش الباين مافيش وحدة فقدتي أنا زعلانة
انا الايام ليفاتت مشغولة شوية اختي مروحة من برأ
وانا استاحشت هدرزتكم

أرنوبة
16-05-2009, 08:20 PM
اه القيت فسفوسة بس سالة عليا
شكرا ليك حبيبتي فسفوسة وكيف حال بنتك انشاء الله بخير
وايمان شن صار فيها

كاتووسا
16-05-2009, 10:50 PM
لهلين ارنوبة
والله فقدناك انتى وايمان

أرنوبة
17-05-2009, 12:24 AM
باين هلبا أنك فقدتيني ياكاتوسا ههههههههه

eman83
17-05-2009, 12:57 AM
السلام عليكم
كيفحالكم مدامات فسفوسة وسموحة
والصبايا كاتوسا وارنوبة:D
ارنوبة وينك حبيبتى ايييييييييه ياكبدى هييييييييه مشفتيش شن صار فيا
التلبيسة بح صارت ظروف ومصارش منها توا يا منعاش فى 6 او 7
تخايلى بعد منقيت حتى حواجبى:mad:
يلا كل شى فى وقته حلو
كنت غاطسة شريت شوية حوايج عمليات صيفيات شوريت عباية عادية وشوية كنادر بشناطيهم

مشيت لسوق الشط لقيت محل اكسسوار افريقى مش عادى راقى هلبا وعنده خلقة تيجان مش عاديات

ليا عودة

فسفوسة
17-05-2009, 01:03 AM
اهلين صبايا

كيف حلك ياايمان وارنوبة

eman83
17-05-2009, 01:22 AM
الحمدالله يا فسوفسة بخير
انتى كيفحالك

فسفوسة
17-05-2009, 01:26 AM
كويسة احكيلي انتى شن اخر اخبارك

eman83
17-05-2009, 01:26 AM
الحمدالله بخير قاعدة متئترة مشيت لخيرة يوم الخميس وانى دافعتلها حتى عربون بس مشيت لغيت الحجز

عجبونى هلبا اكسسوارات وتواكم ذهب افريقى شن رايكم نشرى منهم زعما؟

فسفوسة
17-05-2009, 01:30 AM
مدام عجبوك اشري كله تلقيه بعدين

eman83
17-05-2009, 01:47 AM
ايه ان اشاءالله
زعما مفيش وحدة منكم شاريه منه بالك يولى لونهم غريب مع الوقت

فسفوسة
17-05-2009, 01:55 AM
بالنسبة ليا اني عمري ماشريت منه لكن اللي عندهم منه
يشكروا فيه وغير ماتبخيش عليه صنه .

في من محلات يعطيك ضمأن

eman83
17-05-2009, 02:00 AM
ايه صح يبو الاهتمام وبعيد على الصنة
فكرت نشرى تاكم بسيط نلقاه متلا لطلعة مرا جايبة او لمة او عيد ميلاد مناسبة بسيطة ميلتبسش فيها تاكم ذهب كبير
وبنشرى حديدة بخاتمها
ولقيت خلقة دبلات تشوفيهم ماتحلفى عليهم الا ذهب عجبونى على الاخر
فكرت نشرى بعدين قلت ماهو بيجبولى ذهب علاش نستعجل
وبنشرى تاج باش نلقاه لبعدين

أرنوبة
17-05-2009, 01:41 PM
أهلين فسفوسة كيف حالك وحال بنيتك انشاءالله بخير
اهلا ايمان والله ماصار هكي الا وربي رايدلك خير
وبالنسبة للذهب الافريقي في حاجات حلوة طبعا عمتك أرنوبة لاهي امخلية لادهب افريقي ولادهب خليجي
كلا شاريتة تعرفي انا خديت المدة لفاتت حديدة فضيعة بالاحجار طبعا دهب افريقي ب65 وشارية شبيهتها من داماس ب1700 وكان تشوفيها ماتميزيهاش اما لدهب واما هي الاكسسوار
وتعرفي حتي مون سون عندة اكسسوارات حلوات واخدة منهم واخدة من الافريقي دبلة مش طبيعية واخدة منة خواتم تحفة ونبي انقولك الاكسسوارات لازم منها لكن ماتكتريش اشري هلي نقصك من الدهب وشن اسمة المحل هلي في سوق الشط او وين بالزبط لان الحق ماعنديش كترة مشي للشط

أرنوبة
17-05-2009, 01:45 PM
اه بنقوللكم ان كليوبي عندة بنطلونات حلوات امداير فيهم تخفيض شريت منة 2 واحد اسود واحد زيتوني طبعا جينز وسعرهم 40

كاتووسا
17-05-2009, 02:42 PM
اهلين ارنوبة
شنى الجو
انتى بتفلسى ببوك يا بنت غبارة شنى شرى شرى هههههههههه
طبعا انى مفكرتش فيه بكل الافريقى بس أهو توا فكرتونى تو نقيم تاكم خفيف فى قرارى بالك نحتاجه
شنى يا ارنوبة شريتى عباية للطلعات بعتالى ولا مازال الوقت زعمة ؟؟

أرنوبة
17-05-2009, 03:48 PM
شن الاخبار كاتوسا اية شريت 3 وحدة موديل الفراشة والفراشات فيهم كريستال وشريت فراشة عملية فيها رسمة خفيفة وشريت وحدة موديل العادي وفيها كريستال ودانتيل وخاطري انزيد نشري وحدة فيها كريستال ملون

أرنوبة
17-05-2009, 03:51 PM
ايمان بقداش التيجان/ وووووه نبي قفتان مالقيتش لاقماش ولا موديل عجبني اتحسؤ القماش امهرهر يارب شن اندير وماخاطريش انجازف وانفصل قولولي باك اتشوفؤ قفتان حلو واتقولولي علية

eman83
17-05-2009, 07:16 PM
اهلين يابنات
ارنوبة ايه شفتى قداش يهبلو والله متقولى اكسسوار بصراحة حاجات تقتل
المحل فى سوق الشط
وانتى خاشة للسوق اول ممر على يمينك تلقى فيه محلات هوا اخر محل حلو وراقى بس سعره يعتبر غالى شوية بس حاجات قنينة
التاج الى نبيه انى زى الملكى متلت متعه كبير وطويل مش زى التيجان البسيطات
بصارحة التيجان البسيطات يبو فيلو فخم وفيه هلبا جو كريستال والخ
بس لو الفيلو بسيط نقدر ندير تاج كبير الملكى
هكى رائ انى
وانى الفيلو نبيه متغير على كل الفيلوات التقليديات بصراحة كل عروسة نفس موديل الفيلو ونفس الديزاين
الوحدة خلاص المفروض تغير
انى بالنسبة ليا ان شاءالله ناوية بندير تغييرات غير كل العرايس
فى كل شئ مش بس الفيلو حتى روتين العرس نبى حاجة غير
ان اشاءالله فهمتو عليا
واعطونى رايكم بالله عليكم
سموحة شن رايك سمعت انك منسقة اعراس
شن رايك فى فكرتى
وانتو يابنات

كاتووسا
17-05-2009, 08:05 PM
هلا هلا بالبنوتات
حتى انى يا ايمان خاطرى هكى بنغير فى كل شى بس مش عارفة نبى نشاور سموحة حتى أنى قلت مادام منسقة معنيتا فى خبرة فى الموضوع
بس غطست هيا
أرنوبة من وين خديتيهم العبايات ؟؟
ايمان تعرفى حتى أنى نبى اندير تاج ملكى لأن صاحبتى دارت هكى طلع عليها غير
بس مازال على التسريحة مزال مقررتش كيف عرفتى

eman83
17-05-2009, 08:18 PM
انى التسريحة نبيها غير كل العرايس ديما فوق ونفس الطرحات
نبى تغيير نفكر نديرها لوطا
والعرس نفكر نديره يوم واحد ويكون قنين احسن مندير يومين ونجيب زمزمات وصرف حلوات وغيره قلت نديره يوم واحد وفيه كل شئ
عاجبتنى صالة نور العين اضائتها وااااو وحلوة نفكر نحجز فيها
ونفكر بنجيب اللمنجية بفرقتها تنشط العرس
وبندير عصير منبيش ندير روزاطة وعبنمبر خلى نغيرو الروتين
وبندير شكلاطة بعدين كيكات متع فضيلة
بعدين العشى وفى المرواح بكلاوة او زمالة الى مدورة من داخل لوز
وبندير دور واحد تورتة بنقصها انى وياه لى انه الحق ادوار مكلفة وبعدين لما بنقصها محدش رح ياكل لى انه وقتها كلهم رح يكونو مروحين المعازيم فخسارة فلوس
هكى قلت دور واحد وياسر
وبنديير بروجكتر بس بنديره قبل منخش لى انى لو تفرجت عليه وانى داخل رح نبكى فقلت نديره هوا الاول بعدها نخش
نبى خشة تكون غير الى نشوفو فيهم
اسماء الله الحسنا بنغيرها نبى ندير متع سامى يوسف
ومنبيش زفة مصرية نبى نغير زفة خليجية او اى حاجة تانية
ان اشاءالله فهمتونى
سموحة وينك نستنا فيك تقوليلى على رايك

كاتووسا
17-05-2009, 08:59 PM
حلو زينى
انى ندور فى زفة خليجية باسمى مش لايقة نبى نغير خليجى
منى لله نجية وفرقتها منعرفهاش
نور العين حبوبة انى مشيت من شهر محجوزات أيامات لشهر حتى 12
سقدى روحك يا حلوة حددى راهو حالة
وانى صالة قورينا الى حجزت فيها محجوزة لأول اسبوع من شهر 11 يعنى شوفى روحك مش تسكتى وبعدين تقولى كيف وكيف
أهم حاجة الصالة والباقى ساهل

أرنوبة
17-05-2009, 09:23 PM
عبايتي خديتهم من الرداء العربي ومن المزيونة ومن خنجي

أرنوبة
17-05-2009, 09:25 PM
أنا غدوي بنطلع بنشوف كريستال باك نلقي فية قفتان كنين

أرنوبة
17-05-2009, 09:28 PM
وين فسفوفة امغطسة وشن شارية ياكاتوسا لحد توا وامتي عرسك

كاتووسا
17-05-2009, 09:39 PM
هلا ارنوبة انى شريت لبس متع كل يوم والارواب والحركات هديكا روب الحمام وربوب الدخول لبس شتوى يعنى هكى الجو هدا
بس مازالى هلبااااااااا حاجات لأنى قاعدة نشوف كل مرة منحسش فى حاجة تعجبنى
مازالى الشنط الى بنرفع فيهم بتاتى
مكياج والروائح نحسهم مازال
وتوا بنخيط الكاب بنرتاح منه بس مازال مرسيتش على خياطة كويسة

كاتووسا
17-05-2009, 09:41 PM
تعرفى كل شى نقول مازال بس حسيت قرب عرسى أنى فى شهر 10 كان سخر ربى وانتى أمتا ؟
باهى تفكرى معاى شنى مازال حاجات
انتى خديتى شنط حوايجك ولا مازال
وبعتالى شنى تقولى نشرى عبايات توا ملقيتش حاجة حلوة فيه خنجى واتمانه غالية على قلة التمرة ممكن توا جاب معادش مشيتله
شنى توا مازالى بناخد فكروا معاى يا بنات

كاتووسا
17-05-2009, 10:17 PM
بنيات وينكم

أرنوبة
17-05-2009, 10:20 PM
كاتوسا الشناطي مازال نبي نأخد 3 تانيات لان 3 تعبو وهادو بنخليهم وباقي البتات حاطتة في شناطي مشي حالك لين نشري شناطي تانيات وياكاتوسا أشري لبس الطلوع يعني عملي بنطلونات وسواري والحاجات هذة
وبنقولك علي محل في عبايات حلوات وسعرة كويس انا خديت منة عبايتي اللي بيجيب هالي خطيبي في القفة شفتي ميدان القادسية دوري علي الجزيرة وانزلي لشارع الجمهورية أيجي يسارك بجنب أماسي انسيت أسمة كان لقيت الكرت تو نبعتلك اسمة

أرنوبة
17-05-2009, 10:23 PM
كاتوسا قداش أحتمال اديري شنطة فيها بتاتك وشن بتشري شناطي عاديات او ماركة انا عندي ماركة وعاديات والحق حتي لبناخدهم توا بنأخدهم عاديات

أرنوبة
17-05-2009, 10:28 PM
ياكاتوسا معاش تفوتي الوقت هادكة هو اللي تاخدية تفتكي منة والحاجة بالوسع خيرلك وباهي انتي محدديلك العرس هكي اريح واشري من توا حتي مكياجك وصنتك ماتهزيش علي الوقت تو ايريح منك الوقت ومعاش إتلحقي علي شي بيش قبل العرس تبدي مرتاحة مش مرهقةأشري وماتخلي شي ماتأخديش والله كلة تلقية قدامك

كاتووسا
17-05-2009, 10:40 PM
اوكى ان شاء الله أرنوبة
تو نشوف العبايات هادو و نشوف الكاب كيف
بعتالى نمشى بالوسع نشوف روائح ومكياج
قوليلى من وين شريتى مكياجك ولا انتى مقايلة قبل تقريبا تو نشوف
مازال الشنط بناخد هكى وهكى على حسب فهمتى
وشنطة ذهب حتى هيا م وشنى تانى مش عارفة والله دايخة
انى خديت بناطلين وبدل متع ديمة مازالى شناطى بعد الظهر وهكى مازال مشريتش
فى طلعاتك شفتى محلات حلوة شنط عملية ؟؟
وانتى شنى مازال محددولكش ؟

eman83
17-05-2009, 10:44 PM
ارنوبة خيرك مردتيش عليا شن رايك

فسفوسة
18-05-2009, 01:24 AM
اسمعوا ماتعبوش روحكم انى بتاتي شريته في اسبوعين

لكن الطلوع من الصبح لليل لان انى خطوبتي وعرسي في

شهرين

خليكم عاديين كل شي يجي بشوية وبالنسبة لشناطي انى

خديتهم مش ماركة لكن حاجة كويسة يعني يتحملوا

اخديت سارية يعنى ستة شناطي فيهم كل شي

ماعادا حوايج الشتى قعدوا في حوشنا لبعد العرس لما يجي الشتي جبت

حوايج الشتى للحوش

لكن صدقونى الشناطي حتستحقوهم توا في كل شئ

وربي يسخرلكم

أرنوبة
18-05-2009, 01:34 AM
أختي فسفوسة انا قتلها اتسقد روحها لان الوقت ليها توا وانتي حالك يفترق انتي خطوبتك وعرسك في شهرين لكن هي توا عندها وقت وحرام إيضيع من غير ماتشري بيش تبدأ مرتاحة قبل العرس وأما شناطي تحكي عليهم كاتوسا إمتاع البتات أو امتاع الطلوع وشنطة الذهب خودي سمسونايت من السفير
وايمان شن سالتيني بيش انرد عليك والله انسيت سامحيني

أرنوبة
18-05-2009, 01:39 AM
اه عرفتك ايمان علي شن سالتي انا من راي ديري لخاطرك فية وصح التغير إيخليك متميزة في أغنية خليجية ممكن إيغني فيها راشد الماجد علي العروس

أرنوبة
18-05-2009, 01:40 AM
ايمان شن درتي اليوم ومن نقالك حواجبك

eman83
18-05-2009, 01:40 AM
انى التسريحة نبيها غير كل العرايس ديما فوق ونفس الطرحات
نبى تغيير نفكر نديرها لوطا
والعرس نفكر نديره يوم واحد ويكون قنين احسن مندير يومين ونجيب زمزمات وصرف حلوات وغيره قلت نديره يوم واحد وفيه كل شئ
عاجبتنى صالة نور العين اضائتها وااااو وحلوة نفكر نحجز فيها
ونفكر بنجيب اللمنجية بفرقتها تنشط العرس
وبندير عصير منبيش ندير روزاطة وعبنمبر خلى نغيرو الروتين
وبندير شكلاطة بعدين كيكات متع فضيلة
بعدين العشى وفى المرواح بكلاوة او زمالة الى مدورة من داخل لوز
وبندير دور واحد تورتة بنقصها انى وياه لى انه الحق ادوار مكلفة وبعدين لما بنقصها محدش رح ياكل لى انه وقتها كلهم رح يكونو مروحين المعازيم فخسارة فلوس
هكى قلت دور واحد وياسر
وبنديير بروجكتر بس بنديره قبل منخش لى انى لو تفرجت عليه وانى داخل رح نبكى فقلت نديره هوا الاول بعدها نخش
نبى خشة تكون غير الى نشوفو فيهم
اسماء الله الحسنا بنغيرها نبى ندير متع سامى يوسف
ومنبيش زفة مصرية نبى نغير زفة خليجية او اى حاجة تانية
ان اشاءالله فهمتونى
شن رايكم

eman83
18-05-2009, 01:44 AM
نقتلى خيرا يا ارنوبة بس مش مية مية قنينات بس فى العرس مش رح انقى عندها
متعرفيش مزينة تنقى مليح
انى العرس قالى اختارى بعد رمضان على طول شهر تسعة وانى منبيش لى انه وقتها كيف طالعة من رمضان وزى متعرفو تعب وحوسة مش برنامج ورمضان سلامته صيام منقدرش نطلع وحتى فى الليل زحمة ومش حنلحق ناخد الى نبيه فقلت ناجله وانى الحق خاطرى فيه فى نهاية السنة يكون العرس على الاقل المزينات يكونو مش زحمة ونفس الشئ الصالات
والله حايرة
ارنوبة فى عرسك اى مزينة ماشية

eman83
18-05-2009, 03:13 PM
سموحة شن رايك
نستنا فى ردك

كاتووسا
18-05-2009, 06:19 PM
ايمان شنى الجو وكيف حال كل الصبايا
تعرفو شغلتنى سموحة وينها مغطسة
اسمعى ايمان خيرة الحق مش مليحة هلبا انى مشيتلها مش خيرة نفسها المزين اسمه خيره هيا لاكن الى تخدم مش عارفة شنى اسمها
المهم كان هيا هادى الى مشيتيلها فى بن عاشور
مشيتلها بنشوف عرايس
لقيت 3 عرايس الحق مش حلوة خدمتها هلبا الحق عاااااادية جدا جدا شوفى غيرها
فى بنية ممتازة فى تنقى احواجب زى ما تبيهم ترسهم رقاق تنظيف حبيت خدمتها فى مزين مفيشى اسم هو بس يقولوا مزين فطيمة فى رأس حسن وانتى نازلة المتلت جيهة الكباب تانى زنقة على ايدك اليسار وانتى جاية من بن عاشور وشارع الظل
انى منعرفش ننعت طبعا بس انشاء الله فهمتينى
وبالنسبة لحكاية نهاية السنة
السنة هادى كلهم عراس لشهر 12 يعنى احجزى ياهمى تعرفى نور العين ل 12 محجوزات وغيرهم وغيرهم الصالات الحلوة حددى انتى لازم لازم فهمتى كله يجى لاكن الصالة لا راهو

وبالنسبة أرنوبة انى مش عارفة قداش شنطة البتات نحكى مازال بس اكيد مش هلبا هلبا أنى أكتر شى شارية شتوى والصيفى ما زال خلى ينزلو الحاجات الحلوا
والشناطى الحلوات متع طلعات بعد الظهر نبى مكان حلو لأنى شريت لبسات وبديلات لاكن مركبتلهمش شناطى والاحدية حتى هما مخديتش
انىى بنستنى مع اسبوعين تانيات كل البضاعة تنزل الكويسة فبننطلع بقوة واندفاع نشرى اللازم اللازم هههههههههه

eman83
18-05-2009, 06:28 PM
كاتوسا خيره الى فى بن عاشور اختها خدت مزينها اسمها نعيمة وصح شغلها اعععععع
بس خيرة حولت مزينها لى النوفليين اسمه بالصراحة احلى وشغلها الحق روعة والمزين نظيف وجديد وراقى

كاتووسا
18-05-2009, 07:06 PM
بالحق
قوليلى عاد
لأنى انى شايفة خدمتها لصاحبتى خيرة عاجبتنى بس نحسابة الى خادمتلها مزين خيرة وهادى نعيمة هيا الى تخدم كويس
معنيتا خلى نشوف خيرة امالا أحسن انى نخطم نشوف بالصراحة أحلى بس مش شادة النعتة مزبوط اوصفيلى مكامها وين بالزبط باهى
وقوليلى قداش تاخد فيها العروسة خدمتها ؟

أرنوبة
18-05-2009, 09:37 PM
اهلين صبايا شن أخباركم ياايمان مانعرفش من اينقي حلو هدا علاش سالتك وانا نبي حواجبي غلاض مانبيهمش ارقاق أع
وكاتوسا في هلبا محلات ايبيعو في الشناطي عموما حتي محلات الملابس بدؤ ايجيبؤ في شناطي وفي منههم حلوات الحق وشوفي البومة عندة حاجات ووواووو مش أسبور وشوفي مون سون عندة حاجات أتحسيهم فعلا حاجات عرايسية وشوفي كاليوبي عندة تشكيلة وماتنسيش وأنتي شادة خط قرقارش أتشوفي محلات الملابس تو تلقي عندهم شناطي

أرنوبة
18-05-2009, 09:50 PM
:rolleyes:زهقانة

كاتووسا
18-05-2009, 09:59 PM
ايوة انت يا جامد هههههه
مليح بكل ارنوبة
شن الجو يا بنية شنى أخبارك
اسمعى محل كاليوبي منعرفاشى انى راهو
تو انى نبعتلك ايميلى عالخاص خلى نتكلمو عالماسنجر شن رأيك ؟

كاتووسا
18-05-2009, 10:10 PM
ايمااااااااااان اهلين بالسمحة

eman83
18-05-2009, 10:10 PM
هلا بالعرايس
حتى انى عروسة:lol:

ارنوبة شن الجو

كاتوسا مزين خيرة بحدا بيتسا فاملى قبل المجمع الصحى متع زاوية الدهمانى قبلها يجيك بيتسا فاملى على يمينك اول زنقه بعد خشى منها امشى طول تلقى مزين بصراحة احلى على يمينك

لو تبى رقمها نجيبهولك وتكلميها بنفسك

قولولى المزين الى بنمشيله فى الحفلة نفسه نمشيله فى المحضر

حتى انى نبى نهدرز معاكم:D

أرنوبة
18-05-2009, 10:11 PM
علي راحتك
ومحل كاليوبي وانتي نازلة اول سبتمر ايجي يسارك قبل سوارفسكي بمحل