المساعد الشخصي الرقمي

مشاهدة النسخة كاملة : عالم الطفولة .. و عالم المفرخ.



الصفحات : [1] 2

موندو
22-03-2004, 09:58 AM
الســـــلام عليكم ..

أولا إن كنت من أبناء الجيل الجديد .. جيل البوكيمون و البلاي ستيشن .. فهذه الصفحة ليست لك .. أسعدنا تواصل نرجو استمراره في مواضيع لاحقة .. لا تنسى أن تقفل المتصفح ورائك ..

أما أنت يا من عشت طفولتك في العصر الذهبي للطفولة .. أيام كانت الطفولة بريئة .. أيام كان الطفل لا يصل لسن المفرخ إلا بعد مرور ثلاثة عشر عاما من عمره .. أيام كان ..

(مقاطعة).. عفوا موندو .. ماذا تقصد بسن المفرخ ؟

.. أوكي .. نشرحلكم .. سن الطفولة و سن المفرخ .. طبعا ليسوا سواء.


سن الطفولة ..
الطفل في سن الطفولة ترى في ملامحه براءة الاطفال .. و شفافية الروح الجميلة .. تتمنى ان تداعبهم .. تلاعبهم .. تمرح معهم .. و تذيب بابتساماتهم مر أحزانك .. إن ضحكوا .. إبتسَمْتَ و ابتسَمَتِ الدنيا لك .. و ان بكوا .. ابتسَمْت أيضا .. و بذلت عمرك لتعيد الابتسامة لشفاههم.

هم الذين قال الله فيهم .. (المال و البنون زينة الحيوة الدنيا).


سن المفرخ .. ( هذي ما تجيش الا بالفلاقي :devil: ).
المخلوقات في سن المفرخ (وما أكثرهم هذه الايام) .. يبدا يدره الكبد .. تتمنى تنتشه مع ودنه .. ما فيش خبث في الدنيا الا يعرفه .. عنده من المصطلحات السوقية و المقالب الشقية و القنابل الذكية و القرارات الغبية ما الله به عليم .. يدير عملة أكبر من راسه و يجيك يخبطك بنظرتين من بتوع رشدي أباظة بش تسامحه.

هم الذين قال المثل الشعبي المعروف في خلطتهم ..

خلطة معيز .. كان تباعدوا يتصايحوا .. و كان تقاربوا يتناطحوا ..


و حسب خبرتي المتواضعة اعتقد ان مرحلة التطور من طفل الى فرخ تبدا مع دخول الطفل الى الصف الخامس ابتدائي ..

عودة للموضوع ..
طبعا هذا في ما مضى .. في جيلنا (ويا عيني على جيلي) .. أما جيل اليوم .. فينتقل الطفل من سن الطفولة إلى سن المفرخ بمجرد أن يصل لسن السابعة أو الثامنة على أقصى حد.

.. تحية لجيلي .. جيل شايب خلاص .. يالله حسن الخاتمة .. جيل تربى على قراندايزر و سنان .. بشار و ساسوكي .. سبانك و السنافر .. النسر الذهبي و ولد حرا .. إن رأيتنا يوما نعود من المدارس المسائية مشيا فاعلم أن المسلسل الكرتوني المعروض ماهو إلا بشار أو توشة كتوشة (كان ما عرفتهاش معناها مش من جيلي) .. و إلا فسيعود راكضا مخافة أن يفوت بطولات ساسوكي .. و مغامرات دايسكي .. جيل كان الأتاري حلما من أحلامه .. كنا نسهر إلى وقت متأخر جدا جدا جدا .. حتى العاشرة مساء .. ثم النوم .. لم نعرف من القنوات التلفزيونية إلا قناتنا العامرة بكل ما هو شيق .. بالاضافة لقناة تونس (في الصيف فقط) ..

http://hani911.net/uploader/pic/b10.jpg

.. من منكم يذكر هذا الموقف .. الذهاب إلى الحلاق .. كانت التسريحة الشائعة آنذاك هي التسريحة المسماة (كابيللا) .. و هي أن يقوم الحلاق بالقص و القص و المزيد من القص لكل ما يقابل مقصه من شعر .. لتخرج بعد ذلك في غنى عن ما يسمى بالمشط لفترة تتراوح بين الشهرين و ثلاثة أشهر .. هذا طبعا قبل دخول الغزو الثقافي من الغرب مع تسريحة (البانكس) .. و هي تمشيط الشعر للوراء.

.. أتذكرون ألعاب جيلنا .. ( البتش .. الزرابيط .. شدني و نشد معاك .. سبعة رشادات ) .. بل (أني من باب العلم بالشيء طبعا) لعبت (النقيزة و باكو ألوان) أيضا .. أتذكرون حلوى "التحرر" .. و منتجات المعمورة ؟ .. أذكر أن أحد جيراني بكى يوما لأن صديقي رماه بقطعة من حلوى التحرر (بل و أرجح أن من يقول بأن الماس هو أصلب المواد .. سيغير رأيه إذا اختبر صلابة حلوى التحرر) .. كنا نذهب للمعرض "مدينة الألعاب" كل عيد .. لا لشيء و لكنها لم تكن تفتح أبوابها إلا في العيد .. لا أدري تماما أكنا نلعب أم نحارب .. أذكر أني أقضي الساعات الطوال لأفوز بجولة أو اثنتين لشدة الزحام .. و لكننا كنا نصارع و نحن في قمة السعادة للحصول على فرصة للركوب في لعبة "سيارات يتقابو" .. لم نعرف من الكلام البذيء إلا ما صار مستساغا هذه الأيام.

.. مع أن هناك نقطة شبه بين جيلنا في صغره .. و (جيلنا أيضا) في كبره .. و هي أننا ننظر لـ(البي إم) كعلامة من علامات الترف و الغنى لمالكها .. أما وجه الخلاف في ذلك هو أننا كنا نسميها في صغرنا (بي أم إكس) .. و الآن هي (بي إم دبليو) .. كنت أملك دراجة من طراز (بي أم إكس) .. و الآن لا أملك سيارة من طراز (بي أم دبليو) .. لا بأس .. لكل وقته. :rolleyes:


.. أذكر أنني كنت أتشوق لزيارة بيت خالتي لأن "جارهم" كان يملك جهاز ناينتندو بها لعبة ماريو .. لم أكن أجيد نطق أي من الكلمتين .. و لكني كنت أتسمر أمام هذ الجهاز مع ابن خالتي حتى ساعات الصباح الأولى (يسمح بالسهر في الصيف فقط !!).

.. أتذكرون معشر البنات عندما كانت أمهاتنا تذهبن لزيارة الجيران و الأقارب في المناسبات .. كان التواصل الإجتماعي قائما بشكل أكبر من الآن .. أتذكرون علب الشكلاطة التي كن يحملنها كهدايا .. كانت العلب تأتي لبيتنا فتبقى حبيسة فيه إلى أن تقوم أمي بهجمة مضادة (زيارة أخرى) لتحمل نفس العلبة لمكان آخر .. كثير من العلب تنقضي صلاحيتها و هي تتجول بين البيوت .. بل أني سمعت و العهدة على الراوي أن علبة من الشكلاطة دخلت موسوعة جينيس للأرقام القياسية لأنها زارت أكثر من خمسين بيتا دون أن يخدش غطاؤها !! :eek:

.. أتذكرون أفراحنا .. عندما كنا صبية كانت وظيفتنا الأولى في مأدبة الغذاء هي غسل أيادي المعازيم .. كانت مهمة شاقة و مقززة في آن .. خصوصا إذا كانت وجبة الغذاء "بازين" .. قلت .. حتى هذه المتعة حرم منها جيل البوكيمون .. فالآن انتشرت صنابير الغسيل .. و لم يعد للصبية عمل سوى الأكل .. أتذكرون عندما كنا نطوف بيوت الجيران لنوزع الغذاء عليهم .. و لا نسمح لهم بأن يأخذوا "المغطة" .. كنا نطبق الأوامر بحذافيرها. :cool:

.. أما هذا الجيل الجديد .. عجبي لهذا الجيل الجديد .. أذكر أنه في فرح أحدى قريباتي .. قامت احدى النساء بتحضير شراب منوم لتعطيه للأطفال و تم خلطه مع شراب اللوز "الروزاطة" .. ثم وزع على الأطفال و شربت معهم باعتبارها كبيرة في السن و لن يؤثر كوب صغير فيها .. النتيجة .. نام طفلان من أصل مئة ألف فرخ .. و نامت تلك المرأة و لم تحضر "النجمة" .. :eek: :eek:



.. الدولاب المهني .. المخاد و المنادير فوق نفس الدولاب .. شاهي العالة بالكشكوشة .. بشكطي التحرر (هذا مليح مش زي الحلوى :cool: ) .. شكلاطة ورد .. حلوة صوف .. إلخ .. إلخ .. إلخ.

بعض الأسئلة لتنشيط الذاكرة .. و نفض الغبار عنها .. (الإجابة اختيارية).
.. ما هي الأكلة المفضلة للسنافر .. و ما هو اسم الشريرة في المسلسل الكرتوني السنافر.
.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.
.. ما اسم الفيل الطيب في مسلسل توشة كتوشة .. و ما الذي كان يريد فعله قبل ظهور توشا كتوشة .. و هل تمكن من ذلك ؟
.. عندما يعاد الصحن لأهل الفرح .. (هي عادة ليبية أن يقوم أهل الفرح بتوزيع الأكل على الجيران) .. لا يعاد الصحن فارغا .. فماذا يوضع به في الغالب ؟ .. و ما هي الكمية ؟
.. أغنية تتكرر في صباح الخير أول جماهيرية كللللللل جمعة .. تسبب صداعا في الرأس .. يقول أحد مقاطعها .. (يا منسيني الحرمااااان .. يا نبع الحنان .. ) .. أكمل منها مقطعا آخر.


أسئلة اجبارية ..
.. مسلسل كرتوني إن أعيد بثه فستسر بإعادة مشاهدته.
.. مسلسل كرتوني كنت تكرهه و تكرهه و تكرهه.
.. ماذا تفضل .. (شكلاطة ورد .. بشكطي التحرر .. يوقا المعمورة).
.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
.. تعليق أخير.


دمتم بخير .. موندو :D

roze_t
22-03-2004, 10:14 AM
شكرا خوى موندو على موضوعك حلو هلبة وكله صح من سن الطفولة الى سن المفرخ
كيف يبدوا صغيرين مش فاهمين حجة وتلعب عليهم
ولما يبدا يعرف كل كبيرة وصغيرة الفرخ ما يفوته شى االا يعرفه وهى الشطانة
سلام

المتشلفح
22-03-2004, 10:37 AM
السلام عليكم
بارك الله فيك يا اخة موندو على هادى الفكرة فى ترجيع الدكريات والله فكرتنى لما كنت صغير شنى كنت اندير وعلى قولت الشاعر المعاصر المتشلفح حين قال {{ يا ليت الطفولة تعودو يوما }}
اسمع انا عندى زيدة فى جملة يا موندو

لم نعرف من القنوات التلفزيونية إلا قناتنا العامرة بكل ما هو شيق .. بالاضافة لقناة تونس (في الصيف فقط) ..
يا خوى موندو كانت فى القناة التانية الانجليزية متع ليبيا كان تعرفها وكانت بعد المغرب ايجيبو فى نشرة وبعد النشرة ايجيبو فى فار وقطوس وكان ايجيبو فى الرسوم الساعة 6.30 بى الزبط كان ادكرتها يا مودنو

نسميها في صغرنا (بي أم إكس)
لا يا موندو انا ندكر اول ما درت درت مزطوريات كانت اتبيع فيهم شركة الالعاب بى 58.30 وبعدين سنتين درت بى ام اكس وبعدين كورسا


.. ما هي الأكلة المفضلة للسنافر .. و ما هو اسم الشريرة في المسلسل الكرتوني السنافر.
الكيكة .......... والشرير شرشبيل سنفيرو بى حياتكم

.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.
انستها يا موندو لكن تو انقولها بعدين خلى ندكره بس

.. عندما يعاد الصحن لأهل الفرح .. (هي عادة ليبية أن يقوم أهل الفرح بتوزيع الأكل على الجيران) .. لا يعاد الصحن فارغا .. فماذا يوضع به في الغالب ؟ .. و ما هي الكمية ؟
ايردو فيه دحى وكانت ايرد معاها حارة بى الزبط كانو ايوقلولها حارة معناها اربع دحيات

.. أغنية تتكرر في صباح الخير أول جماهيرية كللللللل جمعة .. تسبب صداعا في الرأس .. يقول أحد مقاطعها .. (يا منسيني الحرمااااان .. يا نبع الحنان .. ) .. أكمل منها مقطعا
انا ما كنتش انوض بكرى انوض انا والرسوم ترى قول كيف انوض على الرسوم بى الزبط لى انا كانو العيلة تلتم ويبدو ايهدرزو ودوشا لكن منين يبد الرسوم يسكتو كلهم وانا لما انحس بى الهدو انوض تلاقائيا


.. مسلسل كرتوني إن أعيد بثه فستسر بإعادة مشاهدته.
لبنى السريعة :lol:

.. مسلسل كرتوني كنت تكرهه و تكرهه و تكرهه.
حتى ما عنديش نية نتفرج على اى رسوم باش ما نقراش

.. ماذا تفضل .. (شكلاطة ورد .. بشكطي التحرر .. يوقا المعمورة).
شكلاطة ورد وقاعد لى توا تعرف انخش لى اى محل ونلقاها نشرى منها بدون ما نشعر بى حالى لكن تعرف الكحلة احلى من البيضة بهلبا

.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
والله يا موندو ما تقدرنى فوق بتش {{ موت حراقا طقا عاود ليا الى ايجى فى جنبى الاخير {{تجربا}} زبطها هادى }} مزال كان تبى وفوق زرابيط والله ما تقدرين وكان مش امصدق انديرو دورى عادى
وشكراااااااااا
السلام مسك الختام

Iron Dark Man
22-03-2004, 10:41 AM
واك منك رديتني 22 سنة التالي ..

تو نولي بعدين نجاوبك علي أسئلتك ، غر توة مستعجل بس ..;)

hisho22
22-03-2004, 11:21 AM
بسم الله الرحمن الرحيم...


الرسالة الأصلية كتبت بواسطة موندو
[
بعض الأسئلة لتنشيط الذاكرة .. و نفض الغبار عنها .. (الإجابة اختيارية).
.. ما هي الأكلة المفضلة للسنافر .. و ما هو اسم الشريرة في المسلسل الكرتوني السنافر.
.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.
.. ما اسم الفيل الطيب في مسلسل توشة كتوشة .. و ما الذي كان يريد فعله قبل ظهور توشا كتوشة .. و هل تمكن من ذلك ؟
.. عندما يعاد الصحن لأهل الفرح .. (هي عادة ليبية أن يقوم أهل الفرح بتوزيع الأكل على الجيران) .. لا يعاد الصحن فارغا .. فماذا يوضع به في الغالب ؟ .. و ما هي الكمية ؟
.. أغنية تتكرر في صباح الخير أول جماهيرية كللللللل جمعة .. تسبب صداعا في الرأس .. يقول أحد مقاطعها .. (يا منسيني الحرمااااان .. يا نبع الحنان .. ) .. أكمل منها مقطعا آخر.


أسئلة اجبارية ..
.. مسلسل كرتوني إن أعيد بثه فستسر بإعادة مشاهدته.
.. مسلسل كرتوني كنت تكرهه و تكرهه و تكرهه.
.. ماذا تفضل .. (شكلاطة ورد .. بشكطي التحرر .. يوقا المعمورة).
.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
.. تعليق أخير. [/align]
دمتم بخير .. موندو :D

مشكور اخي الموندو...على موضوعك...

ياحسرة علي ايامات عمك الطاهر..حلاق الساعدية..المشهور...
كان كان مافتحش تيتو في دماغك ماتتسماش حسانة اذكر ان اخي الاكبر مني سنا حلق عنده الجماعة قالوله امالا هارب من وريث...قد ماحاول ايقنعهم شي...!!مشت في المدرسة محلقينه...

الزعرور السنفري...نعرف شرشبيل وهرهور..اما الشريرة..؟؟؟
في الورد...وفي امتاع الحكة..انست اسمها...ومرات اهم شي الكمية وهي عبارة عن شمعدان التحرر بدخ 20 طرف في الشكارة...
تعرف والله قلتلي توشة كتوشة مش عارف شن راقلي...من زمان كل مايديروها قريب نبكي...المهم هو كان يبي مساعدة الوردة تقريبا..تمكن في الاخير من مساعدتها على مااذكر...توشة كتوشة وحش مرعب...لكن ابداع في رسم الشخصيات...!!!
حارة دحي....ومع اني مانحبهاش...الحركة هذي..افضل بشكطي او حلوة خير منها..وفي من كان ايرد في بشكطي..

ياحبيبي يااغلى ماليا وانت كل الدنيا...وتعالى انشوف الدنيا ..اللي بعدي كمل...
وفي اغنية تانية لا تقل روعة عنها...
تعيشي يابلدي ..يابلدي تعيشي..
او اغنية امل عرفة واسعد فضة...صباح الخير ياوطنا...

ناتي للاسئلة الاجبارية....
ولد حرا...ماعنديش معاها الروح قبل...
ايام الدراسة...وتوشا كتوشة من غير شك...نهار الجمعة علي اساس يمتعوا فيها..
افضل ماكلة اعيل..مايعرف بالفازو...خوي ماحصل من جرتي شي...او السيليلاك مش مسيبه حتى هو...يخي مرات الواحد يولي علي بودرة حليب الحكة...
البطش...كان الهيشو مرعب وقتها...فالكل يحسب لي الف حساب حتى انهم مرات يمنعوني من المشاركةلالا ماجيتش من الاول في حين لو جي حد بعدي خبزة يخلوه ينصب عربية يديروا فيها.....نلعب ديما كنت ضد جماعة وريث وهما مروحين واني وقتها عمري 9 سنين ومع هذا مساكين ياكلوا ويروحوا...

ايامات كانت مش عادية...الحق..
مش كبير الواحد في السن لكن عاش طفولته الواحد بكري شوية ومع ناس اكبر منه..

ومنور ديما ماشاء الله عليك يا خوي الموندو..

والسلام عليكم ورحمة الله تعالى وبركاته...

مالك خلف
22-03-2004, 01:37 PM
بعض الأسئلة لتنشيط الذاكرة .. و نفض الغبار عنها .. (الإجابة اختيارية).


.. ما هي الأكلة المفضلة للسنافر .. و ما هو اسم الشريرة في المسلسل الكرتوني السنافر.

الزعرور السنفري، الشريرة اسمها شندوخة.


.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.

منتفكرش فيها :(


.. ما اسم الفيل الطيب في مسلسل توشة كتوشة .. و ما الذي كان يريد فعله قبل ظهور توشا كتوشة .. و هل تمكن من ذلك ؟

كوشة كتوشة وحش مرعب أكره رسوم عندي يوم يديروها معناها برا أرقد خير لذلك مش حنتفكر منها شي.


.. عندما يعاد الصحن لأهل الفرح .. (هي عادة ليبية أن يقوم أهل الفرح بتوزيع الأكل على الجيران) .. لا يعاد الصحن فارغا .. فماذا يوضع به في الغالب ؟ .. و ما هي الكمية ؟

حارة دحي (4 دحيات).


.. أغنية تتكرر في صباح الخير أول جماهيرية كللللللل جمعة .. تسبب صداعا في الرأس .. يقول أحد مقاطعها .. (يا منسيني الحرمااااان .. يا نبع الحنان .. ) .. أكمل منها مقطعا آخر.

ياحبيبي يا أحلى منية .. ولدي يا كل الدنيا .. تعالى شوف الدنيا مرسومة بأحلى ألوان مرسومة باحلى ألوان ;)



أسئلة اجبارية ..


.. مسلسل كرتوني إن أعيد بثه فستسر بإعادة مشاهدته.
الجائزة الكبرى، الحوت الأبيض.


.. مسلسل كرتوني كنت تكرهه و تكرهه و تكرهه.
كوشا كتوشا وحش مرعب، عشرتان قروشي :p


.. ماذا تفضل .. (شكلاطة ورد .. بشكطي التحرر .. يوقا المعمورة).
شكلاطة ورد مع أنها جديدة نسبياً ;)


.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
شدني ونشد معاك :devilsmil


.. تعليق أخير.
ذكرتني بالذي مضى يا موندو صحيت على الموضوع الصح :good:


او اغنية امل عرفة واسعد فضة...صباح الخير ياوطنا...
الفنان مش أسعد فضة يا هيشو ;) وحتى هيا مش أغنية قديمة هلبة.

باهي تتفكروا في أطيب الأوقات؟؟؟ وأغنية صيدلي يا صيدلي وأغنية ليش ليش ليش يا جارة.

hisho22
22-03-2004, 02:09 PM
بسم الله الرحمن الرحيم....



الرسالة الأصلية كتبت بواسطة SilverBoy
الفنان مش أسعد فضة يا هيشو ;) وحتى هيا مش أغنية قديمة هلبة.
باهي تتفكروا في أطيب الأوقات؟؟؟ وأغنية صيدلي يا صيدلي وأغنية ليش ليش ليش يا جارة.

مش مشكلة المهم معظم اجاباتي صحيحة....

الاغنية التي قصدتها مش نفسها اللي يحكي عليها الموندو عارف...
لكن تقريبا اسعد فضة يغني فيها...والا واني صغير يتهيألي هو!!:o:o

المهم توة نخطم عليك شريط كوشا كتوشا باش تتمتع بيه...:)

وصحيت...اخي السيلفر بوي..

والسلام عليكم ورحمة الله تعالى وبركاته...

الصحراوي
22-03-2004, 02:18 PM
منور خو الموندو وانستن وينك غيابك طال


والله موضوعك ردنى اقل شى 18 سنة


خلينى ارجع الذكريات وزبعدين ارد عليك وعلى


موضوعك الشيق ومرة ثانيا منور على الموضوع:lol:

مالك خلف
22-03-2004, 02:21 PM
والا واني صغير يتهيألي هو!!

هذا اللي صايرلك لكن أنا متأكد منه مش أسعد فضة ;)

hisho22
22-03-2004, 02:39 PM
بسم الله الرحمن الرحيم...



الرسالة الأصلية كتبت بواسطة SilverBoy
هذا اللي صايرلك لكن أنا متأكد منه مش أسعد فضة ;)


امالا توة تاكدت اني...
في انتظار الحكم الفيصل...الموندو...

والسلام عليكم ورحمة الله تعالى وبركاته...

Kontra
22-03-2004, 02:54 PM
لاكن احسن حاجة الشمعدان

ولد العز
22-03-2004, 03:07 PM
ايييييييييه ياموندو خطرت علينا الايام الباهية


.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.
للاسف ماقدرتش نشوفها لين نحفظ اسمها !!:lol:


.. ماذا تفضل .. (شكلاطة ورد .. بشكطي التحرر .. يوقا المعمورة).
يوقا المعمورة ايامات فتحو الاسواق الشعبية يبيعو فيها مثلجة :rolleyes:


.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
لعبة نسيت اسمها . نلعبو فيها بصور لاعبين كرة القدم اللي يجو في باكو دخان الرتمن ;)

وبقية الاسئلة جاوبهم عليهم القديم سلفر بوي


باهي تتفكروا في أطيب الأوقات؟؟؟ وأغنية صيدلي يا صيدلي وأغنية ليش ليش ليش يا جارة
ياقديييييييييييييييييييييييييييم :lol:

مالك خلف
22-03-2004, 03:34 PM
وبقية الاسئلة جاوبهم عليهم القديم سلفر بوي

:devil:






















:lol::lol::lol: :good: :devilsmil

mustafa hamed salah
22-03-2004, 05:03 PM
.. أتذكرون معشر البنات عندما كانت أمهاتنا تذهبن لزيارة الجيران و الأقارب في المناسبات .. كان التواصل الإجتماعي قائما بشكل أكبر من الآن .. أتذكرون علب الشكلاطة التي كن يحملنها كهدايا .. كانت العلب تأتي لبيتنا فتبقى حبيسة فيه إلى أن تقوم أمي بهجمة مضادة (زيارة أخرى) لتحمل نفس العلبة لمكان آخر .. كثير من العلب تنقضي صلاحيتها و هي تتجول بين البيوت .. بل أني سمعت و العهدة على الراوي أن علبة من الشكلاطة دخلت موسوعة جينيس للأرقام القياسية لأنها زارت أكثر من خمسين بيتا دون أن يخدش غطاؤها !!

زيد عليهم صندوق اليوقا يقعد مدسوس تحت السرير لين أتجي طلعا ثانية


.. أما هذا الجيل الجديد .. عجبي لهذا الجيل الجديد .. أذكر أنه في فرح أحدى قريباتي .. قامت احدى النساء بتحضير شراب منوم لتعطيه للأطفال و تم خلطه مع شراب اللوز "الروزاطة" .. ثم وزع على الأطفال و شربت معهم باعتبارها كبيرة في السن و لن يؤثر كوب صغير فيها .. النتيجة .. نام طفلان من أصل مئة ألف فرخ .. و نامت تلك المرأة و لم تحضر "النجمة" ..

باهي إلي صدفوا 2 أنا درتها في عرس مرقد حد بكل:cry::cry:


.. الدولاب المهني .. المخاد و المنادير فوق نفس الدولاب .. شاهي العالة بالكشكوشة .. بشكطي التحرر (هذا مليح مش زي الحلوى ) .. شكلاطة ورد .. حلوة صوف .. إلخ .. إلخ .. إلخ.

نسيت الشناطي إلي فوق الدولاب إلي فيهم الحوايج متع الصيف لما أنكونوا في الشتي ونبدوا نستنوا في الصيف أمتى يجي باش أنزلوا الحوايج وإلا في الصيف ونستنوا في الشتي أمتى يجي باش أنزلوا الشناطي وعارفينهم شنو فيهم لكن نحلموا بالك أنحطوا فيهم حوايج جدد
وبشكطي بشار وشكلاطة فرح وفلة وحلوة مصاصة متع العصفور وحلوة ملبس كوفيتي وبشكطي الحكاك متع السكر وشكلاطة كواليتي ستريت



بعض الأسئلة لتنشيط الذاكرة .. و نفض الغبار عنها .. (الإجابة اختيارية).

.. ما هي الأكلة المفضلة للسنافر .. و ما هو اسم الشريرة في المسلسل الكرتوني السنافر.

الزعرور السنفري , شندوخة


.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.

هي كانت من غير أسم نتذكر في ورد مصور عليها وخلاص لأني وقتها منعرفش نقرى هذا علاش ;)


.. ما اسم الفيل الطيب في مسلسل توشة كتوشة .. و ما الذي كان يريد فعله قبل ظهور توشا كتوشة .. و هل تمكن من ذلك ؟

منحبهااااااااااااااااااااااااااااااااش


.. عندما يعاد الصحن لأهل الفرح .. (هي عادة ليبية أن يقوم أهل الفرح بتوزيع الأكل على الجيران) .. لا يعاد الصحن فارغا .. فماذا يوضع به في الغالب ؟ .. و ما هي الكمية ؟

بيض (حارة) 4 دحيات


.. أغنية تتكرر في صباح الخير أول جماهيرية كللللللل جمعة .. تسبب صداعا في الرأس .. يقول أحد مقاطعها .. (يا منسيني الحرمااااان .. يا نبع الحنان .. ) .. أكمل منها مقطعا آخر.

يا منسيني الحرمان يا كل الأمال
يا حبيبي يا أغلى منيا
أنت كل الدنيا
وتعال شوف الدنيا
تصبر على كل أحزان
وأيش عندي فيها الدنيا
غيرك بعد الحرمان
يا بابا جيبلي ماما
كان تحبني فرحان
أنا وحدي من غير ماما
دون ولاد الجيران


يا بابا الله يخليك
يا بابا أسمعني أنوريك
لما تقود السيارة
فكر فينا بحرارة
سوق وتبع الإشارة
وخلينا ما بين عينيك


صباح الخير يا وطن يسير بمجده العالي إلى الأعلى
ويا أرضاً عشقنا رملها والسفح والشطأن والسهلا




أسئلة اجبارية ..

.. مسلسل كرتوني إن أعيد بثه فستسر بإعادة مشاهدته.

الجائزة الكبرى


.. مسلسل كرتوني كنت تكرهه و تكرهه و تكرهه.

توشا كتوشة


.. ماذا تفضل .. (شكلاطة ورد .. بشكطي التحرر .. يوقا المعمورة).

شكلاطة ورد , واليوقا بالذات متع الكومثرا ,شمعدان التحرر (كلوا وأحمدوا الله) ;);)


.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).

بتش .. زرابيط .. شدني و نشد معاك .. صيادين سمك .. سبعة رشادات .. إيرة .. رشقة .. طق طق طق أنا السلطان .. زلزالاتي ما زلزالاتي .. ثلج مية .. دجاجة عمية .. حالولة النبي

.. تعليق أخير.

بارك الله فيك أخي الموندو لأنك رجعتنا 22 سنة إلى الوراء :good::good::good:

engmostafa
22-03-2004, 06:24 PM
والله والله ياموندو مشكور هلبة على الموضوع

اقسم اني كنت انتظر فيك بفارغ الصبر على مواضيعك الممتعه الجميلة

والاجابة متاع الاسئلة هي تقريبا نفس اجابة الجماعة

معنديش غير كلمة نقولهالك يخوي موندو غير (( مبدع ))

نتمنالك التوفيق فى موضوع اخر جيد .

أخوك الي يتابع فيك اول باول engmostafa

هي دكرتني بطوفولتي..

وشكرا...

موندو
22-03-2004, 08:45 PM
الســــــلام عليكم ..

تحية لجيل طمطم و الغواصة الزرقاء .. ما شاء الله العيلة كلها طلعت مش ساهلة.

أختي .. roze_t
الشكر ليك أختي الكريمة .. كل التقدير.

أخي .. المتشلفح.
بي بي بي .. تريتك مش هوين يا ولد .. حتى حق البشكليط قاعد متفكره ؟ .. لكن طلعت ضعيف فوق سنافر :lol: .. هونا الجماعة صلحولك.

انا ما كنتش انوض بكرى انوض انا والرسوم ترى قول كيف انوض على الرسوم بى الزبط لى انا كانو العيلة تلتم ويبدو ايهدرزو ودوشا لكن منين يبد الرسوم يسكتو كلهم وانا لما انحس بى الهدو انوض تلاقائيا
هذه حلوة منك :lol: :lol:

أخي .. Iron Dark Man
هونا الجماعة سبقوك و جاوبوا الأسئلة الساهلة و خلولك الواعر .. نستنوا في مساهمتك و جزء من ذكرياتك.

أخي .. hisho22
عكسي بالزبط .. انا كنت كارثة فوق بتش .. و ديما خاسر .. لكن كنت نغار كبير :o

أخي .. SilverBoy
.. و هذا واحد من المخضرمين.

باهي تتفكروا في أطيب الأوقات؟؟؟ وأغنية صيدلي يا صيدلي وأغنية ليش ليش ليش يا جارة
شنو يا ولد مش مسيب شي. :lol:

كوشا كتوشا وحش مرعب، عشرتان قروشي
شكلك بجديات ما تحبهاش .. اسمها "توشة كتوشة" .. و خمسة قروش بس مش عشرتين.

حصريا على الهندسة نت .. مقطع من مسلسل توشة كتوشة.
الطيب .. وجدت خمسة قروش لمن الخمشة قروش ؟
الشرير .. هيا نشتري بها حلوى. (حتى اشرار زمان كويسين .. يبي حلوى مسكين) :lol:
الطيب .. لا .. لا .. حرام.

و هذه على خاطرك ..

صيدلي يا صيدلي .. يا صيدلي
بدي دوا إلها و بدي دوا إلي
ألبا(قلبها) صاير صاير .. صاير شعلة نار
و قلبي قلبي قلبي .. عم يغلي غلي
عم يغلي عم يغلي عجل يا صيدلي

ما زال وين ماشي ..
كل اللي شافونا .. ما عرفونا
إلنالن(قولنالهم) عم **** .. سدقونا
أنا بدي منك حبة .. تجمع قلبا و قلبي
و تنورلي دربي و تحل المسألة
عم يغلي عم يغلي عجل يا صيدلي

و وحدة ثانية للحضور الكريم ..
ليش ليش ليش يا جارة .. ما ترديلي الزيارة
زعلانة انتِ علينا .. ما ترديلي الزيارة
زعلانة انتِ علينا .. ما ترديلي الزيارة

برضو مازال ..

نظرة و كلمة و إشارة .. صرنا نحبك يا جارة
صارت دنيانا حلوة .. حبنا كثرت اخباره
صارت دنيانا حلوة .. حبنا كثرت اخباره


.. بالنسبة لقصة أسعد فضة فخلوا نسأل الخبير الزمني الأول و نرد عليكم مرة ثانية :cool:

.. لا تذهبوا بعيدا .. القادم مذهل أكثر !!

hisho22
22-03-2004, 08:46 PM
بسم الله الرحمن الرحيم...




الرسالة الأصلية كتبت بواسطة hisho22
امالا توة تاكدت اني...
في انتظار الحكم الفيصل...الموندو...

مزبوط مش اسعد فضة...ولكن اللي معاه كانت هي امل عرفة..

ومنورين..

والسلام عليكم ورحمة الله تعالى وبركاته..

موندو
22-03-2004, 08:56 PM
الســـــــلام عليكم ..

تحية لجيل سبانك و الجائزة الكبرى ..

أخي .. الصحراوي
خلاص نراجوك لن ترجع ذكرياتك .. شكرا على المشاركة. :good:

أخي .. Kontra
لكن حتى شكلاطة ورد ما عندك ما تقول فيها راهو :cool:

أخي .. ولد العز
و هذا مخضرم تاني ..

نلعبو فيها بصور لاعبين كرة القدم اللي يجو في باكو دخان الرتمنشنو يا ولد .. تعرف الرتمن من زمان :eek:

مفاجأة الحلقة .. mustafa hamed salah
وين كان مدسوس هذا بس يا صطوفة !!


وبشكطي بشار وشكلاطة فرح وفلة وحلوة مصاصة متع العصفور وحلوة ملبس كوفيتي وبشكطي الحكاك متع السكر وشكلاطة كواليتي ستريت
باهي باهي .. بالشوية عليك راك تشرق :lol:

.. لكن و الله ماك هوين يا ولد .. ما دامك متفكر شكلاطة فلة معناها مخضرم من الطراز الأول :good:

و أهو نعطوك هدية حتى انت ..
صباح الخير يا وطنا يسير بمجده العالي إلى الأعلى
ويا أرضاً عشقنا رملها والسفح والشطآن والسهلا
صباح الخير يا قمما إليك الشمس تلقي القبلة الأولى .. إليك الشمس تلقي القبلة الأولى
و (مش عارف شني) اسمك في كتاب الله آية تتلى
حماك الله يا بلدي .. يا بلدي
ترابك طهر من صلى .. و ماؤك من دمي أغلى
و حبك هدي من ضل .. حماك الخالق المولى
حماك الخالق المولى
صباح الخير .. صباح الخير .. صباح الخييييييييير

أخي .. engmostafa
شرفتنا بطلتك .. و مشكور على شعورك الطيب .. و ردك الحلو .. بارك الله فيك.

.. شنو باقي الجماعة كبار طول :lol:

.. طبعا .. القادم مذهللل أكثر. ;)

موندو
22-03-2004, 09:00 PM
الســـــــلام عليكم ..

و توة يا عيلة منو يقدر يجيب باقي الأسئلة ؟

.. اسم الشكلاطة اللي يرفعوا فيها النساوين ؟
.. اسم الفيل في توشا كتوشا ؟

تبسيط للسؤال الأول ..
اسم الشكلاطة مكون من أربع حروف .. كل اثنين زي بعض. :cool:

mustafa hamed salah
22-03-2004, 09:17 PM
اسم الشكلاطة مكون من أربع حروف .. كل اثنين زي بعض.

سمسم :D

riiany
22-03-2004, 09:22 PM
شكلاطة سمسم مع اني جديد عليها لكن عندي جداي ما شاء الله محافظة على التقاليد وما نحكيلكش العزايز ما عندهم الروح


هو صح مفروض انسكر الموضوع من الاول لاني جديد
لكن عيب عاد موضوع لمبدعنا الموندو مستحيل انخليه وما نقراهش كله

واهو ثقافة عامة ;)

المتشلفح
22-03-2004, 09:33 PM
السلام عليكم

اسم الشكلاطة مكون من أربع حروف .. كل اثنين زي بعض.
شكلاطة سمسم
لكن يا موندو على ما اعتقد انا كان فى نوع تانى اسمها فرح مش متأكد منها

.. اسم الفيل في توشا كتوشا ؟
كان تلاحض فى اقتباسى انا الرسوم هادا ما درتش عليه اقتباس لى انى نهركهااااااااااااااااااااااااااااااااااااااااااااااااااااااااااااااااااااااااااااااااااااااااا هلبا على كنت عندى نية نتفرج عليه ما قدرتش انتبعه من الاول كرته :devil::devil::devil:
وشكرااااااااااااااااا
السلام مسك الختام

موندو
22-03-2004, 09:42 PM
الســــــــلام عليكم ..

عالخير يا عيلة شن حالكم شن اخباركم .. الشكلاطة مش سمسم يا صطوفة .. و انتم يا رياني محسوبين معانا .. يعني مش بالزبط .. انا نصنف كمرحلة انتقالية بين جيل قرندايزر و البوكيمون .. نقدر نقول جيل رعد العملاق .. يعني تقدر تشارك عادي .. كيف عاد كله إلا الرياني.

.. و الآاااااااااااااااااان .. إجابة السؤال الأول.

نوع من الكشلاطة انتشر بصورة غريبة في حقبة من الزمن بالمجتمع الليبي و تناقلته النساء أينما ذهبن .

إنها الشكلاطة اللذيذة ..

إنها الشكلاطة القوية ..

إنها الشكلاطة المش عادية ..

إنها شكلاطة ..
بم بم

وين الذكريات يا عيلة وين .. :cool:

al_shehab
22-03-2004, 10:04 PM
والله منور خوي مندو حطيت يدك على الجرح
والله قعدت نفكر في هلبة حاجات لين معاش نتفكر في اجابة الاسئلة متاعك
الله أكبر على حلوة التحرير نتفكر فيها مرة امي مشت زيارة لجارتنا القديمة رفعتني معاها جابتلنا المرأة شاهي على اساس للكبار واحني الصغار حلوة التحرير زعميتنا متحشمين خدينا الحلوة كمشة مش عادية وامي تفنص فينا بدوا هما يهدرزوا واحني ناكلوا في الحلوة ونحطوا في الكواغط تحت المندار على اساس متشوفناش المراة وامي

والله رجعتنا يا ميدو مئة سنة وراء
منور على العموم
والاسئلة الجماعة كفت ووفت
جاوبوا عليهم كلهم الا حكة الحلوة والا الشكلاطة بس

riiany
22-03-2004, 10:05 PM
بارك الله فيك خوي موندو
وحلوة منك جيل رعد العملاق والله ما عندي معاها الروح الرسوم هادي هيا وقريندايزر ايامات الابتدائي

وعلى فكرة شكلاطة بم بم الي فيها تلاتة واقفين يرقصو صح
وهيا نفسها فيه منها المستكة الطويلة الي في باكو دوائر دوائر

والله فكرتني بيها واحد احمر والتاني اخضر وواحد اصفر تلاتة اشكال حلوة

لكن ليها اياماتها الشكلاطة هادي ويا حسرة ايامات انحو فيها من دلاب جداي تنحي (يعني فروخ ) مش اطفال

الكاسر
22-03-2004, 10:52 PM
بعض الأسئلة لتنشيط الذاكرة .. و نفض الغبار عنها .. (الإجابة اختيارية).
.. ما هي الأكلة المفضلة للسنافر .. و ما هو اسم الشريرة في المسلسل الكرتوني السنافر.
.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.
.. ما اسم الفيل الطيب في مسلسل توشة كتوشة .. و ما الذي كان يريد فعله قبل ظهور توشا كتوشة .. و هل تمكن من ذلك ؟
.. عندما يعاد الصحن لأهل الفرح .. (هي عادة ليبية أن يقوم أهل الفرح بتوزيع الأكل على الجيران) .. لا يعاد الصحن فارغا .. فماذا يوضع به في الغالب ؟ .. و ما هي الكمية ؟

.. أغنية تتكرر في صباح الخير أول جماهيرية كللللللل جمعة .. تسبب صداعا في الرأس .. يقول أحد مقاطعها .. (يا منسيني الحرمااااان .. يا نبع الحنان .. ) .. أكمل منها مقطعا آخر.


الزعرور السنفرى والشريرة ماعمرى حننساها لنا امسمى بنت شارعنا بى اسمها لى اليوم كل منلقاها حتى فى الجامعة انفكرها بى الاسم (شندوخة )
لا هدى مستحيل انجيبها لنى منشبحش فيها ديمة تنحط ابعيد عن متناول الايدى

حسب علمى كان قاعد نتفكر ايدور فى مياه بيسقى وردة ولا شجرة انشاء الله ربى يهديك اتخلى فيا انشغل فى الرم القديمة 8ميجا .

كان 4 دحيات يعنى حارة

هدا منسمعش فيها لنا كان اسمعتها نتفكر عندى واجب وغدوة سبت وبنوض بكرى يعنى اتنكد فيها اعليا من الاخير


أسئلة اجبارية ..
.. مسلسل كرتوني إن أعيد بثه فستسر بإعادة مشاهدته.
.. مسلسل كرتوني كنت تكرهه و تكرهه و تكرهه.
.. ماذا تفضل .. (شكلاطة ورد .. بشكطي التحرر .. يوقا المعمورة).
.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
.. تعليق أخير.

عدنان ولينا ريسوم منقلقش منه

.زينة رسوم محبيتاش

لا شمعدان التحرير وخاصة لما يتفترش قبل ماتفتحه

بطش ونظام عربى بس ومرة مرة انغيرو على البيس لكن ديمة خاسر فى البيس الى نخسره انرده فى العربى

منور ياموندو بالهلبة والله راجعتنى 19 العام للخلف انشاء الله ربى يهديك ايام اسبكتومان فى ليبيا الثانية والفار والقطوس واااااااااااااااااااك حسنى بنبكى منور مرة ثانية وثالث ورابعة ....الخ

هاااااااااااااااااااا ياموندو فكرتنى بى المستيكة السحرية الى تتغير لونها وقولى بم بم مصرية صح

TheSHARK
22-03-2004, 11:07 PM
وسسسسسسع اهو جي القديم حق

الفنان اللي مع امل عرفة اسمه فهد يكن

و الاغنية هي

ايقولو الزمان اينسي ... راني نسيت الغالي

و عندهم اغنية تانية اسمها

مش عيب عندي انحب و ايحبوني

و الكلمات للشاعر الغنائي علي الكيلاني .

بالنسبة للاسئلة الساهلة متع الموندو جاوبو عليها الشباب ....

و الشكلاطة ... شنو رايك في شكلاطة فلة متع مصنع بنغازي .

هيا تصبحو علي خير ... و منور علي الموضوع القديم يا موندو .

علي فكرة مذكرش حد الايرة .

راجي انت و اياه ....

فيه لعبة للبنات ... فتحي يا وردة ... سكري يا وردة ... من هينا فلوكة .... من هينا وردة ... و مش عارف شنو تاني .

و شد عندك اللعبة هذي عندنا في سرت ...

دادو دادو يا شيوخ ... الطلبة لمن .

و عضيم الليل

و عندك وحدة متع الخوطة .... اللي ما يخط الخوطة ... امه في البحر مبلوطة .

طبعا البحر عندنا البدو حاجة تخوف ... و اسالو عليهم ولد العز .

سلامات توة يا شيابين

ARTOR
23-03-2004, 12:12 AM
اخي موندو امد يدي لمصافحتك
لا عدمناك, لن اقول كالعاده ابدعت لانك
ابدعت اكثر و اكثر بل وفقت الابداع هذه المره........

كل كلمه كتبت عبرت عن هذا الجيل و الجيل السابق, تعرف كل كلمه صح لم تخطي ابداااااً

موندو ذكرتني ب كولا و ذوبه و زينه و نحول
وطم طم و الجائزه الكبره و الرجل الحديدي و و و و و

اسمع كانا نستنو الرسوم مره في اليوم و بعدين مسلسل الساعه 8 او 8:30 و بعدين النشره
اسمع انا كنت نرقد قبل النشره ..كيف انت
كنت تقعد للساعه 10 اه مش مزبوط هكي

تذكرو في ليبيا الثانيه ههههه والي يجيب ايطاليا
معناها عنده انتينا مش عاديه....قالك ستالايت توا;)

و القرنبيولي ايه و جماعة صف سادس ما يلبسوش فيه على اساس كبار:good:

اسمع حاجااااااااات وااجده راهو :D
تحياتي لك و دمت لنا.
سلام.

**الدودة نت**
23-03-2004, 12:51 AM
.. ما هي الأكلة المفضلة للسنافر .. و ما هو اسم الشريرة في المسلسل الكرتوني السنافر.
الزعهرور السنفري ..واسم العزوز اللي عنده قلادة سحرية هو ( شندوخة )


.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.
حلوووووووة الطروني

..
ما اسم الفيل الطيب في مسلسل توشة كتوشة .. و ما الذي كان يريد فعله قبل ظهور توشا كتوشة .. و هل تمكن من ذلك ؟
اسمه العليل ..وكان يبي يسقي الوردة امتع الشوق باش ما اتموتش (( هوني الوردة اتقول ماااااااء ماااااااااء )) :D


.. عندما يعاد الصحن لأهل الفرح .. (هي عادة ليبية أن يقوم أهل الفرح بتوزيع الأكل على الجيران) .. لا يعاد الصحن فارغا .. فماذا يوضع به في الغالب ؟ .. و ما هي الكمية ؟

حارة دحي والعدد 4 دحيات ...ومرات ينضافلهم حكة زيت أو حكة طماطم
مش تووووووا تطلب من جارك حكة زيت ايقولك ما عنديش

حاللللللللللة وخلاص ..فسدو الليبين خلاص عليهم :devil:


ايحطو في حارة دحي 4 طروف
.. أغنية تتكرر في صباح الخير أول جماهيرية كللللللل جمعة .. تسبب صداعا في الرأس .. يقول أحد مقاطعها .. (يا منسيني الحرمااااان .. يا نبع الحنان .. ) .. أكمل منها مقطعا آخر
ههههههههههههههههههههههههههههه:lol:
ولدي يا كل الدنيي تعالى شوف الدنيا مرسومة بأحلى الوان ووووووووووووه باحلى ألوان :lol:
على ما اعتقد اتغني فيها وحدة لابة فيلو أبيض .. وبعدها كانو ايجبو في أغنية .. سيري يا مكبنا سيري ..غناء (( السيليني )) :lol:

اسئلة إجبارية


مسلسل كرتوني إن أعيد بثه فستسر بإعادة مشاهدته.

تا كايا تودو روكي .. توم سوير .. طمطم الدامي

.. مسلسل كرتوني كنت تكرهه و تكرهه و تكرهه.
بشاااااااااااااااااااااااااااااار و سبكتومان

.. ماذا تفضل .. (شكلاطة ورد .. بشكطي التحرر .. يوقا المعمورة).
لوقااا :lol: قصدي يوقا المعمورة


.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
.. تعليق أخير.
بطش .. وخاصة االطليانية ..جو صبعين بعدبن حط البتشة ..
2- وابيس و الليبرا ..ما عنديش امعاهم الروح ..

منور يا موندو لكن الله غالب اتغيرت الدنيا والصغار معاش محترمين نفسهم والقيم والمبادئ اللي زرعوها فينا امالينا ..( بح ) خلاص امشت ..

لنا عودة لتأكيد النتيجة :devilsmil

terminator
23-03-2004, 09:25 AM
[i] ..


أسئلة اجبارية ..
.. مسلسل كرتوني إن أعيد بثه فستسر بإعادة مشاهدته.
.. مسلسل كرتوني كنت تكرهه و تكرهه و تكرهه.
.. ماذا تفضل .. (شكلاطة ورد .. بشكطي التحرر .. يوقا المعمورة).
.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
.. تعليق أخير. [/align]


دمتم بخير .. موندو :D
1__ احلي مسلسل ساسوكي
2__ نكره طمطم
3_ يا ودي التحرر يا لا
4__يا ودي ايامات 7رشادات الذهبية

انا مش عارف كيف خطر ببالك الموضوع يا موندو .والله رجعتنا لذكرياتنا
القديمة...
تي تقولي انت قاعد متفكر الفيل في توشة كتوشة...صحا ليك

مالك خلف
23-03-2004, 09:46 AM
على فكرة يا موندو حلوة التحرر كان ليها اسم شهرة (حلوة حليب) ;)

وعلى فكرة للأطفال المثقفين تتفكروا في مجلة فرح؟؟؟

ومزال فيه هلبة رسومات وشد عندك البايخات هذوا .. كوكي، الرحالة الصغير.

والأغنية متع الولد وبوه يغني فيها المطرب التونسي عدنان الشواشي ;).

شن مزال تبيني نزيدك؟؟؟ :rolleyes:

على فكرة شكلاطة بم بم جديدة راهو بعد ما ولت العلاقات مع مصر، فيه واحدة أقدم منها كانكم تتفكروا فيها :devilsmil

باهي تتفكروا في لعبة الرشقة؟؟؟

وخليك مع المسلسلات متع السهرة، المسلمين والكفار كانوا حشيشتي (الفتوحات الإسلامية) ومسلسل موسى بن نصير ومسلسل طارق بن زياد.

وخليك يوم السهرة جو تفرهيد يديرو مسلسل غوار وأبو عنتر وفلايطهم، وزمان شوية أيام صحة النوم والبحث عن الكرسي اللي فيه الفلوس.

وجت فترة كان يوم الاثنين يديروا في برنامج مليح شرقاوي يقدم فيه ممثل اسمه أحمد والفنانة كاريمان جبر، الحق برنامج صح تقريباً اسمه (مسرح المنوعات).

آيه يا موندو كل مانخطم على الموضوع نتفكر حاجة :p

Zeeroly
23-03-2004, 09:53 AM
تي أنا وين كنت ..... ؟؟؟ http://alhandasa.net/vb/images/smilies/frown.gif

و عندي تعقيب ARTOR

يبدأ النشيد الوطني و بعدين قرآن .. و بعدين إعلانات إرشادية ... و بعدين نجاة عطية ... و بعدين الرسوم الأول و بعدين الرسوم الثاني ...

لا إنت خليك مع بوخريص و النشرة الجوية إللي يرقد بعده معناها كبير.... http://alhandasa.net/vb/images/smilies/icon_lol.gif

أحلى تحية للموندو و سامحنا على التأخير ...
و تحية ثانية لكل من رد على الموضوع http://alhandasa.net/vb/images/smilies/wink.gif

SilverBoy
و الله كيف بنكتبها حلوة الحليب يا سلفر ... متاع الجمعيات http://alhandasa.net/vb/images/smilies/icon_lol.gif

hisho22
23-03-2004, 10:17 AM
بسم الله الرحمن الرحيم....

ايامات حلوة كونفيتي امتاع الاعراس تدمغ دمغ...حاير لتوة كيف كنت تتكسر بالسنون!!!!

احسن سهرية قبل نذكر فيها يوم السبت في الليل...برنامج الفن السابع..والي يقدم فيه الشرقاوي..اسمه مايحضرنيش...ويجيب في ملخص لفيلم كل اسبوع حاجة كبيرة كانت وقتها....

وقبل ماعندهمش الروح مع اغاني فيروز بعد الرسوم....طول...

من الرسوم البايخة....انضيف..

كوالا....القرية الاليفة والا اشبح شن اسمها امتاع دوبة...

المحطة الثانية كانت امدايرة حل...
كل يوم ايجيبوا في حاجة...
ليلة الجمعة فيلم السهرة...ومرات مسلسلات زي اللي يولوا بالة الزمن يلبسوا في اللبسة الكحلة..مبرده ديما واكلينها علي روسهم...والا مسلسل حرب النجوم..

ومازال لنا عودة...

والسلام عليكم ورحمة الله تعالى وبركاته...

مالك خلف
23-03-2004, 10:20 AM
إضافة سريعة ..

تتفكروا في مهرجان قرطاج للأغنية المغاربية؟؟؟

والمطربة الموريتانية معلومة بنت الميداح وأغنيتها الشهيرة .. حبيبي حبيته :lol:

وخليك مع الأغاني اللي قبل السهرة ;)

وردة وجماعتها من الأغاني الطويلة المملة ;)

لنا عودة :devilsmil

TheSHARK
23-03-2004, 11:39 AM
نسيت يا سلفر اغنية بسكال مشعلاني الاولة ..

واااه وااااه اكبر نساي .... نتذكر فيها في اول يوم نزلت سجلتها بالمسجل و رفعتها معاي في رحلة المدرسة صف ثالث عدادي ... و درنا بيها جو مش عادي .

و كان تتذكر في موضة فانيليات الرقبة الصفر و الحمر ... ايييييييه علي اساس شباب .

و المسلسل متع هبوب الريح ... و الجو اللي ايدير فيه ... و مسلسل الرعب متع الهاربة .

ايح قالك ماناش شيابين ...

يتبع .... :devilsmil

المتشلفح
23-03-2004, 11:47 AM
السلام عليكم

ماعمرى حننساها لنا امسمى بنت شارعنا بى اسمها لى اليوم كل منلقاها حتى فى الجامعة انفكرها بى الاسم (شندوخة )
منور يا كاسر يا ولد جيران الشندوخة
هى السوق كله بيسمع انا بنت جيرانكم الشندوخة
معش توقف عليا لى انا بنت جيرناكم شندوخة :D:D:D

الكونت
23-03-2004, 11:58 AM
:good:

موندو
23-03-2004, 12:00 PM
الســـــــلام عليكم ..


وخليك مع المسلسلات متع السهرة، المسلمين والكفار كانوا حشيشتي (الفتوحات الإسلامية) ومسلسل موسى بن نصير ومسلسل طارق بن زياد.
.. ايامات كنت نراجي في فيلم عمر المختار لن يبدا و لما يبدا نرقد :rolleyes:


لا إنت خليك مع بوخريص و النشرة الجوية إللي يرقد بعده معناها كبير....
:lol: :lol: :lol:


والمطربة الموريتانية معلومة بنت الميداح وأغنيتها الشهيرة .. حبيبي حبيته
.. "معلومة بنت الميداح" .. انت تعرف حتى اسمها !! .. بي بي بي :eek:

حبيبي حبيتو .. لاموني خالاتي .. هما و صحاباتي .. أنا قلتلهم حبيتو .. حبيبي حبيتو


واااه وااااه اكبر نساي .... نتذكر فيها في اول يوم نزلت سجلتها بالمسجل و رفعتها معاي في رحلة المدرسة صف ثالث عدادي ... و درنا بيها جو مش عادي .
.. هذه بالذات متفكرها لكن رايحة مني توة ..

و ما زال لنا عودة .. ;)

مالك خلف
23-03-2004, 12:15 PM
باهي أمالا خودو عندكم جو المسلسلات توا ;)

بالذات جو هند أبي اللمع وعبد المجيد المجذوب، أمثال ميرا وعازف الليل والجو هذاكا.

وخليك مع مسلسل الأمانة والمسلسلات الأردنية متع القرية ولا الخيمة، حالة يا راجل :p :lol:

لنا عودة ;)

مالك خلف
23-03-2004, 12:16 PM
فيه حاجة قوية أغلبكم نسيتوها ;)

الأسبوع الرياضي أيام عزه أيام فيصل فخري (الشنابو) ويونس نجم وبعدين كيف زادوا عليهم محمد بن تاهية، وبعدها وقف البرنامج ;)

موندو
23-03-2004, 12:26 PM
الســـــــــلام عليكم ..

بالنسبة للمسلسلات ..

المسلسل الخليجي ..
الأب رجل أعمال لا يملك الوقت لبيته مقصر في حق اسرته .. الأم ربة بيت تعتمد على الشغالة في تسيير أمور المنزل هوايتها جلسة الجارات و الاقارب حيث تتباهي كل منهن بما لديها .. الابن يضيع وسط عالم من الضباب بل و قد ينحرف في متاهات الادمان و غير ذلك.

أو .. شيخ قبيلة فلان في صراع مع شيخ قبيلة علان .. كل الحلقات بين مكائد و قتيل كل عشر حلقات .. تظهر سيارة الشرطة في الحلقة الاخيرة لتقبض على المجرم.

المسلسل الأردني ..
الأب ميت .. الأم كبيرة في السن طيييييييبة جدا جدا .. الابن يتيم الاب يقوم بزرع البستان و أمنيته الوحيدة أن يتحصل على فرصة لمغادرة "الضيعة" و الذهاب لـ"عمان" للالتحاق بالجامعة .. و في الغالب يكون اسمه "عواد" أو "شهاب".

أو .. لا وجود لأو .. كل مسلسلاتهم كذلك :lol:

المسلسل الليبي ..
ما عندي ما نقول .. أعجز عن الوصف !! :rolleyes:

تتفكروا في فاااااااالحة أم العقارب. :lol:


.. يا ولاد في واحد اسمه الكونت من بكري يدور في الموضوع .. راهو الولد مخضرم و ماهوش هوين .. رد يا ولد .. (شن اسم الفيل في توشا كتوشا ؟). ;)

مروة
23-03-2004, 12:38 PM
اهليييييييين باخي موندو ولله تقدر تقول اني معاكم لكن تبي الصراحة الذاكرة ضعيفة لين فايت فيها ما نذكرش شنو درت امس الاسماء مارة عليا من قبل بس شنو صارفيها للاسف يعني :(

LoNgEr
23-03-2004, 01:31 PM
السلام عليكم

اولا .. احبي أن اهني أخى الموندو على الموضوع الذي لا استطيع ان اعبر على مدى اعجابي بمواضيعك ..
ثانيا: راجو اني جئت بس بعد ما جاوبي الشباب الأسلئة كلها ومخلوش إلا الواعر :rolleyes::confused: المهم انحب انزيدكم حاجة ثانية إلا وهيا (الزرابيط).
بالنسبة للمسلسلات فيه قبل واحد زمي ايجبوا فيه في المحظة الثانية وهو ستيف كانا زابطينه

مع تحياتي مع انها جئت متأخرة

ARTOR
23-03-2004, 02:17 PM
قولولي
مني يذكر في مسلسل فهيمه
هذا مس مسلسلات الحقبه النوريه الحجريه
اللاشكلاطيه المحدوده........
وزي ما قال موندو الي ما يعرفهاش معناها
الكلام مش عليه.

تحياتي لنا عوده ان شاء الله
سلام.

مالك خلف
23-03-2004, 02:34 PM
فهيمة الغولة قصدك؟؟؟؟

اللي بتولع في الحوش النار، وتطلع في الليل ناكشة شعرها ولابسة أسود ;)

ومزيقتها تخوف :devilsmil

LoNgEr
23-03-2004, 02:44 PM
ايه بالله زيد وريهم يا سيلفر .. شكلك كنت لا قراية ولا شارع ولا شى شادها قدام التلفزيون وبس ..

وفيه مسلسل كويتي يجبوا فيه قبل متع مبروكة وهيفاء

وروني الشطارة الي يذكره

المتشلفح
23-03-2004, 02:55 PM
السلام عليكم

اللي بتولع في الحوش النار، وتطلع في الليل ناكشة شعرها ولابسة أسود

ومزيقتها تخوف
تعرف يا سلفر انتا الى بنجى نكتبه نلقاك كاتبه عيب انى كان خشيت معش نطلع وكان طلعت انخش بسرعة http://alhandasa.net/vb/images/smilies/icon_lol.gif لكن مش اسرعة منك

المتشلفح
23-03-2004, 02:59 PM
السلام عليكم

راك معاودة الرد مرتين يا مروة ههههههههههههههههههه
شوفى روحك شنى تكتبى
توا استريحت معناها كان حد تكلمى عليا وانا مهناش نلقى من يوقف معاى
منور يا راس ومنور هلبا
وشكرااااااااااااااا
السلام مسك الختام

مالك خلف
23-03-2004, 03:13 PM
من ناحية القراية يا LoNgEr خوك كان اللهم لا حسد ديمة الأول على المدرسة، لكن منحبش نقرا هيا ليلة الامتحان علاش دايرينها أمالا ;)


وفيه مسلسل كويتي يجبوا فيه قبل متع مبروكة وهيفاء

وروني الشطارة الي يذكره

زي اللي غالط يا لونجر، قصدك محظوظة ومبروكة؟؟ بطولة حياة الفهد وسعاد العبد الله.

خودلك أمالا فيه واحد خليجي أقدم منه (أصابع الزمن) وفيه واحد ثاني لكن توا رايح مني توا نجيبه إن شاء الله.

باهي من يتفكر في مسلسل (تجارب عائلية) السوري اللي كان كل ما يتم يعاودوه ثاني :p، وأقوى حلقة لما الولد الصغير جي الأسبوع متاعه اللي بيحكم فيه الحوش .. شردهم ;)، ولا حناه جبرتهم ياكلوا (عيش وملح) يععععععععع :lol:

ARTOR
23-03-2004, 03:13 PM
هي يا سلفر تعرف بعد ما كتبت اسمها
لين رعشت تذكرتها كانت اتخوف:devilsmil ...ههههههههه

لونجر زي ما قالك السلفر مبروكه و محظوظه
هيفاء زوجه عمهن ....مسلسل مش عادي.

سلفر اصابع الزمن و الولد الي نسوه في تونس و تلاقو معاه بعد ما كبر ......ههههههههههه

تحياتي .
سلام

وعـــد
23-03-2004, 03:14 PM
السلام عليكم ورحمة الله وبركاته
اسعد الله ايامكم واسعد ذكرياتكم
روح يا موندو يا ابن حواء وآدم ربي يفتحها في وجهك زي ما جمعت العويلة كله في موضوع
الأسئلة تم الإجابة عليها
والذكريات كثيرة
تذكروا في الرسوم اللي في صباح الخير
بسيط وسريعة :devilsmil
وإلا امتاع الاختراعات شن اسمه ...... مش عارفة لكن كان عنده حيوان اليف رهيب اسمه
كـعـبـول :lol:
وطبعاً شوية رسومات بناتي

لبنى السريعة
فلونة
هايدي
فتاة القطيع
لينا وعدنان
ايوه مش
عدنان ولينا
:devilsmil
ولنا عودة
;)
والسلام عليكم

مالك خلف
23-03-2004, 03:14 PM
تفكرته تفكرته .. المسلسل الخليجي اسمه (إليكم مع التحية)، تره من يتفكر فيه؟؟؟

مالك خلف
23-03-2004, 03:17 PM
الرسالة الأصلية كتبت بواسطة وعـــد
السلام عليكم ورحمة الله وبركاته
اسعد الله ايامكم واسعد ذكرياتكم
روح يا موندو يا ابن حواء وآدم ربي يفتحها في وجهك زي ما جمعت العويلة كله في موضوع
الأسئلة تم الإجابة عليها
والذكريات كثيرة
تذكروا في الرسوم اللي في صباح الخير
بسيط وسريعة :devilsmil
وإلا امتاع الاختراعات شن اسمه ...... مش عارفة لكن كان عنده حيوان اليف رهيب اسمه
كـعـبـول :lol:
وطبعاً شوية رسومات بناتي

لبنى السريعة
فلونة
هايدي
فتاة القطيع
لينا وعدنان
ايوه مش
عدنان ولينا
:devilsmil
ولنا عودة
;)
والسلام عليكم

سامحيني يا وعد ذكرياتك كلها حديثة نسبياً، بسيط ممكن لما وصلنا الثانوي وكعبول وعبقرينو ولبنى السريعة والجماعة هذوا كلهم جدد، حنى نحكو على فترة ال84 - 89 ;)

ARTOR
23-03-2004, 03:18 PM
اهلين وعد
فتاة القطيع تقريبا اسمه فتاة المراعي

خوي سلفر
فلونه و عدنان و لينا معاهم ذكريات مش عاديه;)
تحياتي

وعـــد
23-03-2004, 03:33 PM
السلام عليكم

شن باندير يا سلفر

84 - 89
هذاك الوقت قاهدة بيبي صغيرة
:cry::cry:
ماعنديش ذكريات
ذكرياتي
90 -2000
جديدة
عاد أنتم جيل قديم :devilsmil
كـــبـــــار السن :devilsmil
لكن اللي تحكوا فيه كله كنت معاصرة له بالتكرار يعني لحقت عليه
الغواصة الزرقاء
:eek::eek:
اهلا بيك ARTOR
فعلاً اسمها
فتاة المراعي
الاغنية خشت في الاسم
اقود القطيع *** اقود القطيع
:lol::lol:

ARTOR
23-03-2004, 03:36 PM
قولو من يتذكر في حلوة عصفور
;)

مالك خلف
23-03-2004, 03:43 PM
هههههههههههههه

صحيت عليها يا أرتور كيف عاد ;)

Mr. gubtan
23-03-2004, 03:44 PM
والله يا موندو هكى رجعت بوى وجدى لأيامات الطليان

ورجعتنى أنا بالذات لعصر غرندايزر والسندباد

وربى يقدرنا على فعل الخير

ولك جزيل الشكر

;)
;)
;)

Mr. gubtan
23-03-2004, 03:50 PM
أيامات سعدها فاتحة أم العقارب ..........

هههههههههههههههههههههههههههه

شهر رمضان اللى فات ما خلونيش نتفرج على التليفزيون

وكل يوم العمة نور العمة نور العمة نور

حتى لما تتعاود الساعة واحد ونص بالليل يتفرجوا عليها

يس و وتنيس وكلام فاضى ما ليه غير وجع الراس وهما يضحكوا وتتفرجوا بس

ولك جزيل الشكر مرة أخرى

:q:

عبدوون
23-03-2004, 03:53 PM
اول شي مساء الخير عليكم والله صحيت عليه الموضوع يا موندو رديتنا لى اياماتنا الحلوه

الرسوم الى كنت نكرها هو (بسيط) على ما اعتقد هو يعتبر حديت شويه هدا الى نكرها في الدم
الرسوم الى نتمنا انعاود نتفرج عليه
فيه المحطا الانجليزيه يقولولها ليبيا التانيه كانو يجيبو في المغرب على ما اعتقد كل يوم سبت بس مضيع الاسم ياريت لو زبطوه تقولولى عليه

اللعبه الى معنديش معها الروح كنا في الصيف انديرو في كشنتيات زابطينهم انلودو على الورش وناخدو في الكشنتيات وانديرو فيهم على لوحه وانمشو من فوق الكوبري (اه وشي تاني السيارات امتع حكاك الحليب)

هي والسلام عليكم

المشارك
23-03-2004, 04:10 PM
قصدي في هلبا حجات انسيتوهم يا موندو تتفكر في قناة ليبيا التانيه ولما كانت تفتح مع المغرب ويجيبو في المسلسل الاجنبي امتاع الزوز خوت اللي في المرور عندهم موطوات والفار والقطوس وحاي حاي يوم تتصفا تونس تلقا العيله كلهم
يتفرجو علي تونس ألا الفرخ الصغير في العيله
يقعد متشحط جنب الانتيله ايعدل لما تتشوش


لنا عودا

ترقبو
;)

hisho22
23-03-2004, 04:24 PM
بسم الله الرحمن الرحيم...


الرسالة الأصلية كتبت بواسطة LoNgEr
بالنسبة للمسلسلات فيه قبل واحد زمي ايجبوا فيه في المحظة الثانية وهو ستيف كانا زابطينهمع تحياتي مع انها جئت متأخرة [/align]

من اللي مايذكراش وهو كان رصاصه مايتمش ومايقدر حد يعلق عليه...اسرع من السيارة ومرة قام شجرة بحالها..ويوروا فيه يجري علي اساس بالبطيء مفددني لكن وقتها حاجة ماصارتش ستيف...

واااااااااااك مسلسل اصابع الزمن شن كرهته..كيف راح منهم الولد الصغير ماعادش ننساه لانه اسمه هشام ...اللي راح:D:D

ايامات الصيف نفقع من الساعة سبعة الصبح باش نتفرج علي الرسوم في ايطاليا اللي مع الساعة تسعة بالكثير تشفر كلها تتشوش عادة..

حلوة الصوف..وحلوة خفاف امتاع ميزران ماعنديش معاها الروح...

ومازال قاعد عالخط..

والسلام عليكم ورحمة الله تعالى وبركاته...

noda
23-03-2004, 04:36 PM
السلام عليكم....
بارك الله فيك يا اخ موندو على هادى الفكرة فى ترجيع الدكريات والله فكرتنى لما كنت صغير شنى كنت اندير وعلى قول الشاعر المعاصر الترهونى حين قال {{ يا ليت الطفولة تعودو يوما }}
اسمع انا عندىزياده فى جملة يا موندو

يا خوى موندو كانت فى القناة التانية الانجليزية متع ليبيا كان تعرفها وكانت بعد المغرب ايجيبو فى نشرة وبعد النشرة ايجيبو فى فار وقطوس وكان ايجيبو فى الرسوم الساعة 6.30 بى الزبط كان ادكرتها يا مودنو

لا يا موندو انا ندكر اول ما درت درت مزطوريات كانت اتبيع فيهم شركة الالعاب بى 58.30 وبعدين سنتين درت بى ام اكس وبعدين كورسا


الكيكة .......... والشرير شرشبيل سنفيرو بى حياتكم

انستها يا موندو لكن تو انقولها بعدين خلى ندكره بس

ايردو فيه دحى وكانت ايرد معاها حارة بى الزبط كانو ايوقلولها حارة معناها اربع دحيات

انا ما كنتش انوض بكرى انوض انا والرسوم ترى قول كيف انوض على الرسوم بى الزبط لى انا كانو العيلة تلتم ويبدو ايهدرزو ودوشا لكن منين يبد الرسوم يسكتو كلهم وانا لما انحس بى الهدو انوض تلاقائيا


لبنى السريعة :lol:

حتى ما عنديش نية نتفرج على اى رسوم باش ما نقراش

شكلاطة ورد وقاعد لى توا تعرف انخش لى اى محل ونلقاها نشرى منها بدون ما نشعر بى حالى لكن تعرف الكحلة احلى من البيضة بهلبا

والله يا موندو ما تقدرنى فوق بتش {{ موت حراقا طقا عاود ليا الى ايجى فى جنبى الاخير {{تجربا}} زبطها هادى }} مزال كان تبى وفوق زرابيط والله ما تقدرين وكان مش امصدق انديرو دورى عادى
وشكراااااااااا
وتتفرج على سباك تو مان يوم الخميس فى الليل..... بسيط الجمعه الصبح...
السلام مسك الختام

الشيماء
23-03-2004, 05:35 PM
السلام عليكم

وانا وين جيلى يا موندو ؟؟؟

ماشاء الله مالك ما خلى شيئ
حتى صح النوم
هذه انا كنت فى الابتدائى وقت جابوها اول مره واخرى ماكانش عندنا تلفزيون ملون(مع ان المسلسل ابيض واسود)
وحتى قرنبوليات المدرسه كانت اسود وتحية العلم كانت تحيا الجمهوربه العربيه الليبيه
اصلى كنت مع الثلاثه اللى يقولوا فى التحيه
وكانوا زمان ايبزولنا فى ايبارى التطعيم فى المدرسه ويعطوا فينا فى باكو حليب مثلثات وتمر ومرات انفاص بالتن بالبلاش
وايديرولنا فى قطره فى العيون كانت تحرق زى الفلفل
اطن ما حدش فيكم لحق عليهن بس انشدوا امهاتكم توا ايقولولكم شكلى بنطلع من العصر قبل الحجرى


تتفكروا في فاااااااالحة أم العقارب

ماكنتش نتفرج علي عياد الزليطنى عندى زمان زى هتشكوك

سلام موندو

LoNgEr
23-03-2004, 07:04 PM
السلام عليكم

وهذا رجعه .. صح يا مالك بس مبيتش انقولها باش المسلسل يصعب على إلى بيجاوبه :devilsmil
المهم كانا مازال فيه رسوم في المحطة الثانية يوم الأحد تقريباً ايجبوا في لك لك لك بابا كليك وفيه متع القطاطيس (تقريبا اسمه .. فاندر كاندر كاتس ) :rolleyes: ...

وفيه هلباااااااااااااااااااااا ... ايامات الانثينة الويزي والعادية

واول بشكليطه ديرتها كانت من نوع بيانكي :good: كنت نسوق فيها ديسكو بس :lol: وطبعا منحكليكمش على الطياح إلى نطيح فيه والرجلين كيف امبهدلات

ويا أختنا الشيماء

وانا وين جيلى يا موندو ؟؟؟


انتوا جيلكم كان يلعب في تش تشه ويستيك ومش عارف ألعب ثانية مندكرهاش توا ...


اطن ما حدش فيكم لحق عليهن بس انشدوا امهاتكم توا ايقولولكم شكلى بنطلع من العصر قبل الحجرى
تقريباً كانوا يضربوا فيها في مستوصف هايتي :lol:

وهذه البداية ومازال مازال

مع تحياتي :good::good:

مالك خلف
23-03-2004, 08:43 PM
متخلينيش أنادي على الحاجة يا الشيماءن توا تحكيلك على أيام يشروا في لاخبزة من دكان اليهودي، ولا فلايطهم مع فرخ الرومية (قصدي ود الطليان :p) وكيف ضربوه طريحة ;)

يعني مزال فيه من أقدم منك يا الشيماء :lol:

المتشلفح
23-03-2004, 08:54 PM
السلام عليكم

يعني مزال فيه من أقدم منك يا الشيماء
قصدى يا سلفر كل قديم فى من اقدم منه
ما تخلينيش انديلك على الحاج ويحكيلك على الطلينا ويحكيلك على الحرب كاميلتا :lol::lol:
وشكرااااااااااااااااااااااا
:devilsmil:devilsmil
السلام مسك الختام

منتصر
23-03-2004, 08:59 PM
منور على موضوعك لتنشيط دكريات

وصحيت علي

Don Nero
23-03-2004, 09:19 PM
خير ياموندو

والله ماعندى مانقول قداش الواحد بيشكرك على هالموضوع

ايه ياحسرة

لكن فى حاجات نسيتوها زى الكوكو برينج وشكلاطة الدحية احنى كنا ناخدوا فيها من عمى ميلاد بحدا حوش المهندس الضايع قبل ماهو كان يسكن فى شارعنا ويناشب فى حميد المهبول

وفى البشكطى اللى فوقه السكر وطبعا كان حاجة سبيشالى لانه كان فى علب مدورة حديدية تفكرتوه

وفى الشكلاطة اللى مصور عليها الامير والاميرة وحتى هيا يحطوا فيها فى علب مدورات

وفى لعبة المقلاع (فليتشة )

اماله خليك مع مسلسل نهاية صيف اللى كانوا يجيبوا فيه فى صباح الخير اول جماهيرية واللى كانت قصة المسلسل ماخودة من قصة شهيرة للكاتبة اجاثا كريستى

ولعبة الزندى دحدح وخليك مع اللعبة هادى انى بنقولها وامرى لله تبداء واقف قدام صاحبك ويجى واحد من الجماعة متفق انت وياه من قبل http://alhandasa.net/vb/images/smilies/icon_evil.gif

ويوقف على ركابه ويديه وراء صاحبك تجى انت طول داف اللى قدامك ويطيح على ظهره http://alhandasa.net/vb/images/smilies/redface.gif

وخليك مع مسلسل ابوعواد ومسلسل دارين مازن هلال (شكون يتفكر فى اسمه)

اماله خليك لما يجوا العيلة كلهم باش يديروا الحلاوات قبل العرس اداكا بروحه عرس لما تبداء ترمى فى الكعك والمقروض والغريبة وتتجاوز الحدود الزمنية المسموح بيها فى السهر
لان فى العادة من بعد المغرب المرواح لكن فى اديكا الفترة تبداء ترفع فى الحلاوات للكوشة يعنى بعد التعب مسموحلك تسهر ولو لبرهة

فى لقطة حيتفكرها جزء بسيط منكم

الا وهى فى يوم المبارة النهائية لكاس افريقيا 82

ليبيا _ غانا http://alhandasa.net/vb/images/smilies/icon27.gif

شن هيا الاغنية اللى جابوها بين الشوطين ؟؟؟؟؟

سؤال مهم......ينتظر الاجابة عليه http://alhandasa.net/vb/images/smilies/wink.gif

لهنى سادكم توا

غدوة انولى نشوف الاجابات ونزيدكم شوية

ومرات حتى اليوم http://alhandasa.net/vb/images/smilies/icon_lol.gif

منور هلبا ياموندو

TheSHARK
23-03-2004, 11:26 PM
شنوووووووووووو

مشوشة

شنوووووووووووو

مشوشة

شنووووووووووو

زيد

شنووووووو

رد رد

شنوووووووو

ايوة باهي :lol::lol::lol::lol:

هذي ايامات زمان لما كانت فيه الانتبنة الويزي بس ... و بعدين تطورت الحكاية و جابولنا من تركيا السراق ... اللي علي شكل صحن و في النص انتينة ... و طبعا ً اللي مطيحة عليه ايدير لوحتين علي شكل اكس ... و يدق فيهم مسامسير و يوصلهم بسلك نحاس اللي في الكوابل ...

و منحكيلكش وين تقعد اتنظف في الانتينة بالليم القارس تجبد الراي اونو طول ... و ايطاليا 1 .. و ايذاعة الضفدع الطليانية ... ايه يا حصرة .

كانت ايام بسيطة و حلوة .... ايييييه يا حصرة علي ايام الاتاري ... طبعا ً هذا مع التطور في 87 .

و العابها اللي لتوة نتذكر فيهم زي متع البوكس .. و متع الدبابات ... كان مليح بكل بكل ... اللعبة فيعا 5 الوان :lol:

زيدو من عندكم يا روس

يتبع ....

مروة
23-03-2004, 11:30 PM
مسا الذكريات
بسم الله ماشاء الله تبارك الرحمن عليكم يعني فعلا ذاكرة 100 %
ولله ذكرتوني بهللبة حاجات

اني اللي ديمة يسمو فيا مروة فاقدة الذاكرة ديما على لساني ما نعرفش نسيت

تذكرت ليبيا التانية اللي قلتو عليها كان فيه مسلسل اجنبي اسمه ( لاسي ) على كلبة حشاكم اسمها لاسي هكي حلوة وسنفورة وذكية ديما يديرو فيه وكنت نحسابه ما يتمش تاريتك يتعاود اوتوماتيكيا اول ما تجي الحلقة الاخيرة يتعاود بروحة هادا ما تذكرتوشي


وفي رسوم متع النمر البودري ( الوردي ) كنت ما نحباش لكن من امر سلطات عليا ( خوتي اللي اكبر مني ) يتفرجو عليه حتى هادا ما تذكرتوشي

واحلى رسوم السنافر بالذات احلى لقطة متاع شرهاااااان جائع يريد حساء السنافر واحلى وحدة سنفورة شعرها اصفر

والغواصة الزرقاء ما حدش تفكرها

LoNgEr
24-03-2004, 12:02 AM
السلام عليكم

وهادي رجعه ثانية .. معاش خليتونا انسيب الموضوع من التشويق إلى فيه ..
يا عزو

اماله خليك لما يجوا العيلة كلهم باش يديروا الحلاوات قبل العرس اداكا بروحه عرس لما تبداء ترمى فى الكعك والمقروض والغريبة وتتجاوز الحدود الزمنية المسموح بيها فى السهر

وترفع سفر الكعك ولا المقروض على راسك للكوشة وانت جوك حلواا مفيش كلمة لا (طبعا بتقولها بتاكل طريحة) ;):p

يا شارك .. تذكر اللعبة متع الاثاري (لعبة الطيارات) هادي واعرة وديمه نلعب بيها وواصل بيها للمراحل الأخيرة بس مكملتهاش :confused: .. وفيه لعبة ثانية بس مش متذكر شنى اسمها متع الي ياكل في النقطات وفيه غويله اليحقوا فيه ...... وفيه وفيه وفيه ..... قداش بتقول ولا بتقول

وكانا تذكروا أيامات بنك الحظ وبنك السعادة يا حسرة سهريات للصبح عليه.

ايهههههه بالله (ليت الزمان يعود يوماً) :rolleyes:

وفيه كانا تتذكروا في ليبيا امتا يجبوا الرسوم تلقا الشوارع فاضية مفيش ولا واحد في الشارع وطبعا ديمه الوقت معروف الساعة 5 العشية .

ولا تذكروا امتا جابوا مسلسل ليالي الحلمية تقريباً 4 اجزاء وراء بعض لين تعيه منه ...

ايه بالله

ولا تلقا كل وقت فيه حاجة تطلع مش زي توا كله مع بعضه يعني مخلطة تقول شرموله ;)

هيا توا تصبحوا على خير وياسر اليوم اما لكن فيه رجعه بإذن الله

مع تحياتي

musrate
24-03-2004, 12:03 AM
طق .. طق ..

- مني .
- في اسكموا
-متاع شن تبي
- زوز متاع خمسة قروش ، واوحد متاع عشرة .
فضلوا عندي عشرة قروش من الربع ، نمشي نأخذ طاستين عاشورا .

الاسكيموا والعاشورا .. أكيد لحقتوا عليهم .

المهم ياموندو والكلام للجماعة خوكم من يومه مخروم سهر ، عاد وهوينة كان الحالة حالة شتي ، التلفزيون ليبيا بس ولا الاجنبية الثانية .

النشرة علي أوصلها ، وبعدين عاد شوية أغاني ، وبعده برنامج ( في ربوع البطنان ) .. ( الارض والفلاح ) ( الامن والمجتمع كل يوم أرعاء .. أنتبع فيه ) وبعدين عاد تقعد تراجي في السهرة وقبلها أغاني السهرة وردة الجزائرية ساعة إلا ربع تغني .. وبععععععععععدين السهرة ، والشباب كفو ووفوا في أسامي المسلسلات .
ويوم الخميس الجو مليح ( فيلم ) .. كونتا كونتي http://smilies.sofrayt.com/%5E/c0/cutelaugh.gif

مرة مرة دير دوره علي ليبيا الاجنبية .. مسلسل البوليس راح أسمه ... ولا مسلسل ستيف القوي .

( لكن تصكر بكري ) .

وأسكت ساكت كل أحد تلاقيني أنور بالراديو ( زي عراده ) نسمع في الدوري الايطالي ...

في حاجة مليحة تعودنا بيها ( الصبح الساعة ثمانية .. محمد بالرأس علي في الراديو )

don_nero اللي نتفكر فيها الاغنية اللي طلعت وغناها الجمهور ( ياناس غنوا ويانا والكأس ربحتا غانا )

المهم // توه نكملوا .

hisho22
24-03-2004, 01:06 AM
بسم الله الرحمن الرحيم....

بالنسبة للرياضة...

فقد كانت مجلة صقر...الاولى...
بعدها جت مجلة الرياضي الجديد...اقوى منها بهلبة وفيها ملخصات تامة للدوري الايطالي والاوروبي والعربي بالكامل...
وكانت كل عدد تخصص في حوار مع لاعب ليبي....
..............

الراديو..زي ماقال خونا المصراتي محمد بالراس علي..برنامجه اكثر من عشرة دقائق بشوية لكن تسمع اخبار السند والهند...وتوة نص ساعة وماتفهم شي....للاسف...

.............
فيصل فخري والخلفية السوداء للبرنامج....يكرهك في حاجة اسمها كورة..وكان متحيز شوية لبنغازي..ماعنداش الروح وننتقل بكم لملعب 28 مارس...

محمد بالراس علي..وبرنامج روعة الرياضة في رمضان...
واقوى برنامج عندي...
رياضة في العالم...

كل خميس...وهذا البرنامج في نهاية الثمانينيات وبداية التسعينيات...برنامج ولا اروع شامل للدوريات الاوروبية...
ويجيبوا في ملف لنجم كل اسبوع...

ومنورين..

والسلام عليكم ورحمة الله تعالى وبركاته...

ARTOR
24-03-2004, 03:29 AM
شباب انسيتو الاسواق الكبيره المجمعه

كان فيها كل شي و طبعا احشيشتي الدور الاخير ...كله العاب......
الشمعدان تذكرو فيه ياما كلينا منه .....
ايه ليت الزمان يعود يوما
لاخبره ما فعل المشيب........;)

موندو غر شنو درت فينا
كيف بنسيبوه الموضوع توا:D

اختي الشيماء ...ذكرتيني بحليب المثلثاث
كنت نشري فيه من شارع ميزران.

تحياتي و ان شاء الرحمن لنا عوده.
سلام.

موندو
24-03-2004, 03:43 AM
الســــــــلام عليكم ..

.. أقعد ما عندك وين ماشي مازال بكري يا ارتور :lol:

و الآااااااااااااااااااااااان .. إجابة السؤال الأخير ..

اسم الفيل في المسلسل الكرتوني توشا كتوشا هو "فانتي" .. الفاء ثقيلة كما تنطق في صابون Fa


حصريا على الهندسة نت .. مقطع من توشا كتوشا.

الفيل يتجول في عالم غريب ..

مااااااااء .. مااااااااء (الوردة تطلب الماء).

يذهب الفيل ليحضر الماء و إذا به يقابل الجموع الهاربة (بسرعة نملة يجروا) قائلين معا بصوت بطيء "توشا كتوشا .. وحش مرعب .. توشا كتوشا .. وحش مرعب"

يستوقف أحدهم ليسأله عن مكان الماء .. و عندما يسأله الآخر عن هويته يجيبه .. "انا اسمي فااااااانتي"

يكفي .. :lol:

ARTOR
24-03-2004, 04:20 AM
اهلين اخي موندو

قولي شنو رايك في جازوره ... نسيتوه و الا شنو

و الا في رسوم قديم ابيض و اسود فيه ولدين و بنت
في الاغلب مايتكلموش و كان تكلمو تكون همهمات..
من يعرفه؟؟؟؟؟
سلام.

موندو
24-03-2004, 04:41 AM
الســـــــــلام عليكم ..

جازورا يعتبر جديد و اسم الولد اللي معاه "يويو" و ياكل في الحديد.

أما الرسوم الثانية ما نعرفهاش :rolleyes:

.. باهي صديقنا سنبل جاي من عالم شنو ؟ .. و شن يحب ياكل ديمة ؟ :cool:

hisho22
24-03-2004, 08:34 AM
بسم الله الرحمن الرحيم...

سنبل....جاء من عالم غريب اسمه عالم المظلات.....

ويحب اكل البوظا...جيلاطي....


..............
..............

في مدة ممكن في رمضان والا الصيف مش متذكر بالزبط صباح الخير اول جماهيرية بدو ايديروا فيها في الليل...

قدم ماحاولت نسهر باش نتفرج عالرسوم الباردة امتاع الطين الزوز الصحاب المسكرين ماقدرتش ديما نرقد مرة الحقت عليها مازبط شي نايض بالاسم بس...

وهي ربي يعاونكم...

والسلام عليكم ورحمة الله تعالى وبركاته...

مالك خلف
24-03-2004, 09:05 AM
باهي من فيكم يتفكر في رسوم (حسون الملعون) :lol:

بندفعوك غرامة يا موندو على خاطر هالموضوع الرهيب هذا :devilsmil

لنا عودة بإذن الله

hisho22
24-03-2004, 09:56 AM
بسم الله الرحمن الرحيم....

نيا اااااا انا حسون الملعون.....


باهي..من يذكر في رسوم من ابرد ماكانوا ايجيبوا فيها...

جدي ياجدي...اريد ان اصبح انسانا كاملا....

وااااااااااااااااااك..


والسلام عليكم ورحمة الله تعالى وبركاته...

مالك خلف
24-03-2004, 10:02 AM
ههههههههههههههههه


أنا أنا ماجد .. ماجد .. دوماً متواجد .. ماجد

لعبة خشبية .. ماجد .. موهبة ربانية

أعطاني الله صوتا ولسان .............. ياسركم :lol:

TheSHARK
24-03-2004, 10:05 AM
هههههههههه

قالك مش قدم الجماعة ...

باهي منو يتذكر في حفلة مرة داروها في المدينة القديمة علي خاطر المية سنة علي اغراق فيلادلفيا الامريكية .... صقع عليكم هذي :lol:

سلام :good:

مالك خلف
24-03-2004, 10:42 AM
ماشي الحال يا شارك، تشن هو اللي صقع علينا، برا لقدام أكثر في الحقب الجوراسية وحتشوف نجيبوها ولا لا :p :lol:

pipa
24-03-2004, 11:04 AM
.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم
شكلاطة ورد ..;)

.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
خيرك نسيت ايرا ..عليبرا
احسن حاجة عندى الزرابيط:D:D

ARTOR
24-03-2004, 02:37 PM
شباب
من يتذكر في اول درس في كتاب القراءه في الابتدائي
ديمه نفس الدرس مش عارف غيروه و الا لا.....;)

musrate
24-03-2004, 04:06 PM
اول درس في كتاب القراء

سالم وحليمة

الشيماء
24-03-2004, 04:09 PM
اول درس في كتاب القراءه في الابتدائي

ايامنا كانت عادل وسعاد
وكان الدرس الى المدرسه

أنتوا شكلكم جماعة سالم وحليمه
والدرس الاول
دار
باب

انا رسوم توشا ما شبحتهاش في اما سنه جت

ARTOR
24-03-2004, 04:26 PM
خوي المصراتي
في درس ثاني........سالم و حليمه صف اول بس

صف اول ........و الصف الثاني ......اكمل;)
صغار الصبح يبو ........و صغار عشيه يبو.......اكمل:rolleyes:

اخيتي الشيماء
شفتهم كتاباتكم و قريت علي عادل و سعاد قبل ما نبدا نقراء سنه اولى......

تحياتي

Miss.Libya
24-03-2004, 05:11 PM
.. مسلسل كرتوني إن أعيد بثه فستسر بإعادة مشاهدته.
طبعا زينة ونحول

.. مسلسل كرتوني كنت تكرهه و تكرهه و تكرهه.
الحق كنت نحب اى رسوم يجيبوا فيها فى التلفزيون


.. ماذا تفضل .. (شكلاطة ورد .. بشكطي التحرر .. يوقا المعمورة).

اليوقا وهيا هادى عايزة كلام


.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).

صيادين سمك وقاعدين لتوا لما العيلة تمشى زردة نلعبوا فيها


.. تعليق أخير.

ليت الطفولة تعود يوما فأخبرها بما فعل الشباب...

musrate
24-03-2004, 07:51 PM
صف اول ........و الصف الثاني ......اكمل
صغار الصبح يبو ........و صغار عشيه يبو.......اكمل

صف أول / سالم وحليمة
صف ثاني / بدات الدرسة العطلة أنتهت .

-----------------------------------------
صغار الصبح يبوا الذبح ... صغار عشية يبوا طاسة كاكوية .

وهاذي عاد لما أروحوا يوم الخميس من المدرسة .

مرواحه غدوه راحه
بسلامة مقعدي غدوه مانبيش انجي

الشيماء
24-03-2004, 08:09 PM
نحنا مدرسة بنات انقولوا
بنات الصبح يبن ذبح بنات العشيه يبن شاهى وكاكاويه

باهى كنتوا اتقولوا فى الاستراحه
تسريح عجاج وريح ..........ناخذ شنطتى وانريح

موندو
24-03-2004, 08:16 PM
الســـــــــلام عليكم ..

باهي شدوا عندكم هذه ..

من فضلك يا ست البيت جعت و بدي اتغذى
من فضلك يا سيد البيت ايدك عالجيبة مدّى(مدها)
غذيني .. ما بغذيك ما بغذيك
طعميني .. ما بطعميك ما بطعميك

بالله جيبوا مكنسة فيه شوية غبرة بتطلع توة ..

طاي طاي طايرين .. رني رني يا زهرين
و الكورة طاحت في البير .. طلعا ولد المدير
و المكرونة صالصة .. يخرب بيت فرانسا
و معش نعرف :lol:

صباح الخير مدرستي .. صباح الخير و النور
اليك اشتقت في أمسي .. فزاد اليوم تبكيري
صدى اجراسك العالي .. يسوق إلي ألحانا
فسرت اليك في طرب .. أمد الخطو جذلانا
صباح الخير مدرستي .. صباح الخير و النور


.. باهي شن هيا الاغاني اللي يقولوا فيها لما يبدا قدامكم هلبا اختيارات و تبي تختار ؟
تبدا بكلمة "بكسي" :cool:

musrate
24-03-2004, 08:34 PM
يودي مازبطهاش ياموندو ..

لكن نتفكر في القرعة متاع بان بين بوه ( فراد زواز )

وفي وحده ثانية ( كيلو باميه )

وفي حاجة ... ( الا فره متاع البونية ) لجماعة الكاسكوات . وشريط البوب في المسجل .

موندو
24-03-2004, 08:42 PM
الســــــلام عليكم ..

مش في القُرعة .. لما توازي حاجة ..

"بكسي بكسي خذ بطاقة أول كرسي"

Iron Dark Man
24-03-2004, 09:53 PM
كح كح كح .. شن هالغبرة اللي طالعة ..:eek:

ايوه ايوه شن يا موندو رديت الاولاد لايام العز ..

واااااااااااااااااااااااااااااااااااااااااااااااااك ..

فكرتني كيف لما نروح للحوش وسروالي مشرّك من الركبة من لعب البتش ..:cool:

و مالا ستاير حوشنا كلهم ماينفعوش ..ماهو خيوطهم نديرو فيهم للزرابيط ..:cool:

و جو الفليتشات .. وكيف ندورو في فرقة مليحة ..:cool:

و حي كيف نطلعو للشارع ونتلاقو مع المفرخ ( طيور الشر ) .. وجو شرين علي الحياش و اهرب ..فدّدنا الجيران بيها اللقطة هذي ..

و تو وروني فلاحتكم يا شباب ...:devilsmil

شن هو المكان اللي صورت فيها الفنانة تونس مفتاح أغنيتها (( لاتغيّب عني لاتغيّب .. لاتغيّب خليك قريب )) ..؟؟؟

أكيد تعرفو رسوم يقضان الفضاء .. في مخلوق اللي كان يقول جملة يتحول بيها الى يقضان الفضاء ..شن اسم المخلوق ؟؟ وشن هي الجملة ؟؟

في برنامج زمّني اسمه طائر المساء ..في اي يوم كانو يجيبو فيه ؟؟ والساعة قداش ؟؟؟

و مزال في هلبة .. غر جيبو هذو قبل .. والقادم مذهل أكثر ..:devilsmil

hisho22
24-03-2004, 10:06 PM
بسم الله الرحمن الرحيم....


الرسالة الأصلية كتبت بواسطة موندو
طاي طاي طايرين .. رني رني يا زهرين
و الكورة طاحت في البير .. طلعا ولد المدير
و المكرونة صالصة .. يخرب بيت فرانسا
و معش نعرف :lol:
:cool:


والمكرونة نية...يخرب بيت ثرية..
...

بعدها....في العاب مشابهة...مثل..

تك تك تك..من انت انا السلطان شن عايز باكو الوان...شن لونه...اصفر اطلع يالون الاصفر ويصير فيها الجري...

.....

زنقي دحدح زنقي دحدح هييييييييييييييييييييي....

.......

الطالع هرب مني....الباقي..
من كسر صوابعك صوابعك بلونة بلونة بلونة..ماما اعطتني طاسة حلبيب بزعتها على السرير والسرير طوح طوح مايخلي حد يروح الا ماما وبابا واللي يقعمز...هو اوذانه طوال...مش لازم ذكره...واللي يوقف هو ...غزال...هييييييييييييييييييي..
........
البداية ماهي؟؟....لهذا النشيد المشهور جدا..

ابو طالب ابوطالب مانبوشي مانبوشي..زينب راحت راحت فين راحت تشرب
تشرب ايه
تشرب مية
مية ايه
مية زمزم
زمزم ايه
زمزم كرسي
كرسي ايه...كرسي فلان..هييييييييييييي

ومازال...القائمة طويلة..

والسلام عليكم ورحمة الله تعالى وبركاته...

Don Nero
24-03-2004, 10:06 PM
وفي حاجة ... ( الا فره متاع البونية ) لجماعة الكاسكوات . وشريط البوب في المسجل

مصراتى والله ضحكتنى http://alhandasa.net/vb/images/icons/icon10.gifhttp://alhandasa.net/vb/images/smilies/icon_lol.gifhttp://alhandasa.net/vb/images/smilies/icon_lol.gif

musrate
24-03-2004, 10:15 PM
don_nero

باهي جماعة البوليس لما كانو يركبوا في سيار بيجو 504 GL شن مسمينهم ،،؟؟؟

سطاف http://smilies.sofrayt.com/%5E/b/smiley2k.gif

Don Nero
24-03-2004, 10:54 PM
شن هو المكان اللي صورت فيها الفنانة تونس مفتاح أغنيتها (( لاتغيّب عني لاتغيّب .. لاتغيّب خليك قريب ))

الجبل الاخضر يا ايرون http://alhandasa.net/vb/images/smilies/wink.gif


أكيد تعرفو رسوم يقضان الفضاء .. في مخلوق اللي كان يقول جملة يتحول بيها الى يقضان الفضاء ..شن اسم المخلوق ؟؟ وشن هي الجملة

ليث الى يقضان تحول http://alhandasa.net/vb/images/smilies/icon_lol.gifhttp://alhandasa.net/vb/images/smilies/icon_lol.gif


في برنامج زمّني اسمه طائر المساء ..في اي يوم كانو يجيبو فيه ؟؟ والساعة قداش ؟؟؟

لالا هادى نسيتها لانى مازال ماخدمتش فى الاذاعة

لكن الموسيقى متاع البداية قاعد نعرفها



don_nero

باهي جماعة البوليس لما كانو يركبوا في سيار بيجو 504 GL شن مسمينهم ،،؟؟؟

توا انقولهالك يامصراتى مش توا

لكن مليحة منك متاع اللافرات

تحياتى

عازف الليل
25-03-2004, 02:38 AM
والله والله والله منور

والله زايدة معاك يا موندو ورجعتنا لايمات زمان ايام قرنديزر ورعد العملاق والسندباد وات والسنافر ولعب البتش والزرابيط ايهههههههههههههههه

دنيا والله ماك رفع منها حاجة
:);) وتقعد غير دكرة بس:good::good:

Spy Hunter
25-03-2004, 02:54 AM
جاي متاخر ...عادي مع جماعة القفة .

نرجع لي الموضوع . سن المفرخ

بعض الدكريات لي دكرتها في موضوع سابق .

... لعبنا البطش و الكيكس والقلبة .والبوكة ..... وكانا نمتلك مجموعة من البطش الصيني و المشكل و اللمعه والعريسة وعين بقرة .... ولعبنا أيضا الزغادي والزرابيط الكركاشي... وتسابقنا على ركوب الكاليس ( المصنوعه من قطعة من اللو ح على ثلاث عجلات من الكاشنتيات ).... وتدافعنا خلف الزناحات المصنوعه من الهيكل المعدني لعجلات الدراجات خاصة blmx .... ولعبة الحامية باردة .. وطق طربق... وصنعنا االفلايتشات لتصيد الحمام و الطيور على الاشجار التي كانت موجوده قبل رصف الشارع.

ويا ما لعبنا الوابيس و ليبرا والغميضة ...واختبأنا هنا و هناك ... وسارعنا الي ساس المحبة ....... ومدي يدك يا العروس بين النحله و الدبوس.

وياما لعبنا علي الدراجيح المصنوعة من الحبال وبعض الاقمشة ولعبنا الشيع وطي وجلسنا هناك على الارض مجتمعين اعويله وبنيات على لعبة التشتشا

ولعبنا في شارعنا القديم ...كنا نجتمع علي هيئة حلقات ونلعب فتحي يا وردة وسكري يا وردة .... ...تشيكا أتشيكا هب...وأفتح من هنا ساس حديد.. وتشابكت إيدينا وتعالت اصواتنا بصبحكم بالخير يا عمال العمالية ..... جينا نبو بنتكم السمحة البهية ... والله ما نعطوها إلا بألف وميه .....ودق دق دق من عل الباب ... أنا السلطان ..شن تبي ؟.. بكو ألوان... وكنا نشكل مجموعه من صفين من العويلة والبنيات ونردد واح واح واح .... السيدة راباح ... وليمة ليمة ليمة..... السيدة حليمة ... وفي المولد النبوي الشريف ... تسمع في شارعنا .... هذا قنديل وقنديل .. هذا قنديل النبي وفاطمة جابت علي.. وهذا قنديلك يا حوا يضوي من بارح لا توا

.. خرجنا تحت أشابيب الغيث النافع ... ويا مطر صبي صبي .. فرج عني كربي .... ويا مطر يا بشباشه ... غرقي حوش الباشا

ولعبن البنات النقيزة ....نقيزة الاوله ثني وثانية ثنية .. .... وبكل خفة ورشاقة نقزو البنات بين مربعاتها و درجاتها وهن يرمين قطعة حجر امامهن ..... وكانت للبنات ألعابهن المميزة ... مثل لعبة الصبايا و اللمه حيث يجتمعن أمام أحد البيوت أو داخل احد السقايف ويجلس متشبهات بالنساء الاكبر سنا وهن يحملن لفافات من الاقمشة وكأنهن أطفال ويتقمصن دور الامومة بكل عفوية وحنية .....

تحياتي لك ,,,

المشارك
25-03-2004, 02:57 AM
طبعا الرد أللي توا مش مني من أمي امقعمزا جنبي وكانت تقرا في الموضوع وتعرف طلعت من دفعت شيماء المهم قالتلي افتحلهم موضوع رمضان


نص الحاجه


في ليالي رمضان حيت يطول السهر حتي اخر الليل

ودلك بعد ان يأتي {النوبادجي} ويرافق النوبادجي اتناء تجوله عبر أزقة وشوراع الحي رفيق يحمل فنار الدي يضئ طريقهما الدي يسلكانه في عتمة الضلام يشتركان في أيقاظ النائمين لسحورودلك حين كانا يرددان علي أوزان النوبه منظومة تركيه عربها أحد النوبادجين علي هدا النحو

أسيكم بلخير---ياعرب الحوش

ما تنخلعوش--تعنيت وجيت

ويأتي دور سهر الليل او الطبيبيله حيت يمضي هدا المسحراتي عبر ازقة وشوراع الحي حاملا بين يديه طبلته الصغيره التي ينقرها بواسطة قضيب رفيع مرددا هده الكلمات


سهر الليل --ياسهر الليل

نوضوا تسحرو يانائمين --توكلو علي ألله يا صايمينوفي النص الاخير من رمضان يقول

الوداع الوداع ياشهر رمضان

ياشهر التوبه والغفران


المراجع * اغنيات من بلادي لعبد السلام قادبوه

كتاب بلدية طرابلس في مئة عام

**الدودة نت**
25-03-2004, 02:59 AM
منور يا سباي ... نوعك ما نسيت شي يا راص :D


شن هو المكان اللي صورت فيها الفنانة تونس مفتاح أغنيتها (( لاتغيّب عني لاتغيّب .. لاتغيّب خليك قريب )) ..؟؟؟

يوم الأربعاء الساعة 11:cool::devilsmil

صار فيها الحجيبات :lol:

brb

ing:good:

Spy Hunter
25-03-2004, 04:24 AM
سؤال


من قتل الدغري ؟ وقداش طعنة ؟http://alhandasa.net/vb/images/smilies/icon_lol.gifhttp://alhandasa.net/vb/images/smilies/icon_lol.gif

المشارك
25-03-2004, 04:24 AM
باهي شنو هيا الاغنيه امتاع محمد السيليني أللي كانو ايجيبو فيها كل ليله قبل متسكر القناة

Spy Hunter
25-03-2004, 04:49 AM
اسئلة تحتاج اجابة :lol:

في مسلسل الهاربة .....زمني هلبة المسلسل


منو هيا الهاربة ..وكيف شكلها ...........lol



:lol: هيا يا سلفر ...:devilsmil جاوب

موندو
25-03-2004, 09:17 AM
الســــــــلام عليكم ..

ما شاء الله .. الردود فاتت المية .. وين هذا كله ذكريات .. الجماعة ما شاء الله ما نسوش .. ربي يزيد و يبارك .. :lol:

خوي المشارك .. سلم عالحاجة و قوللها نورتينا و بارك الله فيك.


البداية ماهي؟؟....لهذا النشيد المشهور جدا..

ابو طالب ابوطالب مانبوشي مانبوشي..زينب راحت راحت فين راحت تشرب
تشرب ايه
تشرب مية
مية ايه
مية زمزم
زمزم ايه
زمزم كرسي
كرسي ايه...كرسي فلان..هييييييييييييي
بنياتي بنياتي .. نعم يمه نعم يمه .. حازوجكم حازوجكم .. لمن يمه لمن يمه .. :cool:

PEACEFUL
25-03-2004, 10:32 AM
.. أتذكرون ألعاب جيلنا .. ( البتش .. الزرابيط .. شدني و نشد معاك .. سبعة رشادات )

انسيت الفليتشا


..
ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.


بم بم وعن جدارة


.. ماذا تفضل .. (شكلاطة ورد .. بشكطي التحرر .. يوقا المعمورة).

والمستيكة امتاع السيمافرو (3 حبات من غير بنّة)



.. مسلسل كرتوني إن أعيد بثه فستسر بإعادة مشاهدته.

رعد العملاق و السنافر و جراندايزر
.


. مسلسل كرتوني كنت تكرهه و تكرهه و تكرهه.


كرهته من كثرة ما ايعاودو فيه ........بسيط .....هايدي


باهي اني طلعت من جيلكم كله لحقت عليه....




لما كنا نلعبوا بالمندار نصنعوا حياش (على اساس انحب المعماري من صغري)
باهي من يتفكر القوما(المحاية) امتاع القلب اللي مخططة و منقطة؟


و مجلة سامر .......بالله


وهلبة حاجات

منها قناة ليبيا التانية الانجليزية ........لما كنا نستنوا فيها باش نتفرجو على توم و جيري......و سبنسر........
شكرا موندو كنت قريب ننساها

Zeeroly
25-03-2004, 10:51 AM
أي شخص يدير في روحه زمني يعفس هنـــا (http://www.alhani.net/music_file/old1.ram) :lol:

و كان قاعد يدر في روحه زمني يعفس هــنــــا (http://www.alhani.net/music_file/old3.ram) :lol:

و كان مازال عندك نية زيد إعفس هـــنـــا (http://www.alhani.net/music_file/old4.ram) :devilsmil

و كان مازل تبو الغبرة أنا موجود :devilsmil

lava-girl
25-03-2004, 10:56 AM
بسم الله الرحمن الرحيم


.. أذكر أنني كنت أتشوق لزيارة بيت خالتي لأن "جارهم" كان يملك جهاز ناينتندو بها لعبة ماريو .. لم أكن أجيد نطق أي من الكلمتين .. و لكني كنت أتسمر أمام هذ الجهاز مع ابن خالتي حتى ساعات الصباح الأولى (يسمح بالسهر في الصيف فقط !!).

يا حسرة ياما العبت بيها ..ايامات...


توشة كتوشة

هادا الرسوم الضحك ...نتذكر كنت انقلد في اصواتهم ... والفيل المنكدي 24 ساعة وهو يبكي...
نتذكر كانت الوان الرسوم اغلبها مظلمة وكلها في الغابة.


.. ما هي الأكلة المفضلة للسنافر .. و ما هو اسم الشريرة في المسلسل الكرتوني السنافر.
الكستناء المشوي ....الشرير من مايتدكراش ...شرشبيل والا شرهان..


.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.


نتدكر فيها لكن ناسيا الاسم...



.. مسلسل كرتوني إن أعيد بثه فستسر بإعادة مشاهدته..

ميمونة ومسعود..


. مسلسل كرتوني كنت تكرهه و تكرهه و تكرهه...

امتاع الفواكه انوس ومزمز ومش عارف منو و الرسوم التاني امتاع دلفي...



ماذا تفضل .. (شكلاطة ورد .. بشكطي التحرر .. يوقا المعمورة)..

بشكطي التحرر ....ايذكر فيا بالبحر ....كنت لما انكمل عوم واني مصقعة نرعش والمنشف مححطوط عليا ...كانت امي ديما تصبلي شاهي سخون من الترمس ومعاه بشكطي التحررر...:(.... جي خاطري فيه اللي ايجيبهوولى تووا نعطيه اللي يبيه..


لعبتك المفضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).

بما اني بنت ...طبعا كانت لعبتي المفضلة اليستيك والنقيزة.....وفتاحية وردة ...سكراية وردة...


تعليق أخير.

ايامات ياريتهم يرجعوا...(الحمد لله كاميرة الفيديو لحقت عالايامات الاخيرة....مرة مرة نفتحوا في الحوش على شريط كنا فيه صغيرين .....ونقعمزوا شادين جنابنا من الضحك والله امي بدموعاها تضحك ....كيف كنا وكيف اصبحنا...

اخيرا شكرا ليك اخ موندو لانك فكرتنا باللي مضى واللي تناسيناه مع الوقت وفي زخم ......اللي حايط بينا توووا.

مروة
25-03-2004, 10:59 AM
صباح الخيرات


باهي يا فالحين خللي نذكركم بشوية حاجات هيا مش واضحة هكي نشوف فيها حاجة مدغدشة من بعيد


لما تمرضو وين كنتو تعاينو قبل ما يخترعو الطبي والعيادات كان فيه مكان كنت ما نحباش بكل لما تمشيله تزيد تمرض بدل ما يعالجوك

ونزيد نسهلها عليكم تقريبا في زاوية الدهماني شنو اسمه وكانو عاطيينا كتابات باش نخشو بيها للصغار لونها بودري والكبار ازرق


وفيه اغنية كانو ديما يديرو فيها في التلفزيون اول ما يفتح وقبل ما يسكر واللي هيا

اصبح الصبح ولا السجن ولا السجان بااااااااااااقييييي

من يكملها

وشنو هوا الشعار متاع الاذاعة الليبية قبل اللي موجود توا

وكانت في محطة فاتحينها جديدة متع شركة اعادة البث شنو اسمها المحطة تجريبية

وخيركم نسيتو خالتي مشهية

وانتم يا اللي من مواليد 1900 توا ننادي على جدي خللي يتذكر معاكم شوية من اللي متذكرينه
ويلا سلام

hisho22
25-03-2004, 11:47 AM
بسم الله الرحمن الرحيم...


الرسالة الأصلية كتبت بواسطة مروة
اصبح الصبح ولا السجن ولا السجان بااااااااااااقييييي

وشنو هوا الشعار متاع الاذاعة الليبية قبل اللي موجود توا


اصبح الصبح فلا السجن ولا السجان باقي واذا الفجر
جناحان يرفان عليك واذا الحزن الذي كحل ...
بعدين نسيتها..
فرحة نابعة من كل قلب يابلادي من كل قلب يابلادي وكل قلب ياااااااااااابلاااااااااااااادي.....

كان.....

ماكانش في شعار اصلا...


والسلام عليكم ورحمة الله تعالى وبركاته....

مالك خلف
25-03-2004, 11:54 AM
مرو و lava girl طلعتوا صغار هلبة :lol: :devilsmil

المهم فيه هلبة مناوشات صارت في الموضوع وأنا مهناش وأهو جاكم الغبرة قصدي السلفر ;)


.. باهي شن هيا الاغاني اللي يقولوا فيها لما يبدا قدامكم هلبا اختيارات و تبي تختار ؟

فيه الحادي بادي سيدي امحمد البغدادي يا موندو ;) خيرك أنسيتها؟؟


شن هو المكان اللي صورت فيها الفنانة تونس مفتاح أغنيتها (( لاتغيّب عني لاتغيّب .. لاتغيّب خليك قريب )) ..؟؟؟
كوبري وادي الكوف في الجيل الأخضر


باهي جماعة البوليس لما كانو يركبوا في سيار بيجو 504 GL شن مسمينهم ،،؟؟؟

توا نقولهالك لما نشوفك ;)


نص الحاجه

المراجع * اغنيات من بلادي لعبد السلام قادبوه

كتاب بلدية طرابلس في مئة عام
مفهمتش ياعماد الحاجة اللي تدوي ولا الكتابات؟؟


من قتل الدغري ؟ وقداش طعنة ؟
الدغري مات .. من قتله؟؟ .. عياد العياط .. باربع طعنات .. والموس عند فالحة .. مجارة موسع بالها .. زيدها يا عقالها .... وبقبح بقبح :lol:


باهي شنو هيا الاغنيه امتاع محمد السيليني أللي كانو ايجيبو فيها كل ليله قبل متسكر القناة

سيري يا مركبنا سيري


منو هيا الهاربة ..وكيف شكلها
حميدة الخوجة تقريباً .. شكلها منبيش نتفكره ;)

يا zeeroly زيد متعنا بأغانينا الطرابلسية الحلوة .. الله الله :cool:

hisho22
25-03-2004, 12:11 PM
بسم الله الرحمن الرحيم...


الرسالة الأصلية كتبت بواسطة المشارك
كتاب بلدية طرابلس في مئة عام

بالله عليك ماتقوليش ارفعته معاك الكتاب للنت..

امالا الجماعة يعاونوا فيك...


حاشاكم سيارات الكناسة امتاع الثلاثة عجل...
الحرب اللي داروها زمان قدام الساحة اللي مقابلة الفندق الكبير...علي اساس حرب ونعم التصوير..

الجماعة ساعات باينة في التلفزيون...وهما يمثلوا في حرب للرومان..:D:D

لكن احسن شي الحرب الحقيقية اللي صارت بين جماعة الشارع بعد ماتموا التصوير...القينا كل شي ملوح السيوف والجو كله...
اعلناها حرب...وفي حاجات صارت ان شاء الله ربك يسامحنا عليها مع اني مادرتش معاهم...:o:o


والسلام عليكم ورحمة الله تعالى وبركاته...

مروة
25-03-2004, 12:46 PM
مسا الخيرات

تي كيف صغار انتو اللي تتكلمو عليه كله ذكرتوني بيه كيف الله غالب كبرنا وولت الذاكرة بالهون


احلى حاجة نضافة الشوارع ايام زمان


باهي منو يدكر السيارات اللي كانت متوفرة زي الخبزة اليابسة هاديكا الايام من بيناتهم الريقاتا ولا المرسيدس اللي كانو يسموها شبح ولا البي ام مسمينها بومة

كلمة كانو الاولاد ديما يرددو فيها ( مش للضي ) كانت في مكان صقع عليك توا

lava-girl
25-03-2004, 01:29 PM
صار صغار طلعنا..باهي به

انسيتووا شارعنا القديم شارعنا زمان ياما العبنا فيه مع صغار الجيران...العبنا فيه ...كملوووا ..

من يتذكر الاغنية اللي ايجيبوا فيها في صباح الخير ...امتاع ماجدة الرومي ...امتاع انهض وسير في سبيل الحياة.... فمن نام لن تنظره الحياة.

ايييييييه وافتح ياسمسم ونعمان وكعكي ....

وفالحة ام العقارب ومبروكة ومحظوظة...

Zeeroly
25-03-2004, 01:55 PM
هيا تشرتع يا حويج ....

و شد عندك الأ غاني و نبدو بالغبرة الأولى اعفس هــنــا (http://www.alhani.net/music_file/old8.ram)

و كان مازال عندك نية ما تفوتش الفرصة و اعفس هـــنـــا (http://www.alhani.net/music_file/old7.ram)

و الغبرة الأخيرة اعفس و تشرتـــع (http://www.alhani.net/music_file/old10.ram) :lol: :devilsmil

Abrar
25-03-2004, 02:10 PM
فكرتني في الايام الخوالي ....رسوم [ساندي بل] مستحيل ننساه ولما الجو يغيم والانتينة معاش تجبد شن يصير فينا .....عزي (أحلام الطفولة كلها تتحطم )، محطة تونس نستنوا فيها ونرصدولها في تحركاتها( كانت Star Acadamy زمانها).

ولا طمطم وفي رسوم تاني نسيت اسمه متع غوغاء
ولا زينة......... اول معرفتي بالدنيا (عالم الحشرات)والانسة سلمى ونحول ودودة الارض

والي تفرج في صغره على زينة ....معاش قدر يتبع بشار (ميجيش في ظفر زينة).
ومازال القائمة تطول

وتوشا كوتوشا ....كان يبحث عن شووووووكة:D

musrate
25-03-2004, 04:09 PM
دج .. دج .. دج ...... بوي أمشي للحج .

جابلنا لوبان ... فرقتا عل الجيران ...

وأني مافضلي شي ...

مشيت لامي نبكي ضربتني بالقبقاب ..

ياخسارة الدولاب .. الاملاء والحساب ..

زيده يا don_nero

خالد فاضل سيقتل .. أنا سأقتله

وين الجملة هاذي ؟؟؟ في أي مسلسل ؟؟؟

الشيماء
25-03-2004, 04:58 PM
خالد فاضل سيقتل .. أنا سأقتله

هذا مسلسل الامانه واحمد الزين نجم التلفزيون العربى زمان

باهى فيه مسلسل اسمه رسول الخليفه سمعتوا عليه
وفيه مسلسل ابو فراس الحمدانى هذا كان ابيض واسود انشدوا العزايز عليه


وفيه مسلسل ليبيى زمان البطل عبدالله الريشى كان دوره المحقق وما يفوته شيئ
يعرف السياره ونوعها من اثار عجلها
وعنده مقوله مشت مده فى الناس امتاع الزقاطه
(انها اثار سيارة اجره)

يا المشارك سلم لى على الحاجه وقوللها قالت لك الشيماء مرحبتين بيك يا دفعتى

سلام

Spy Hunter
25-03-2004, 05:03 PM
اغنية تحية حب . يجيبو فيها في شهر رمضان .

سؤال . شن هيا كلمات الاغنية .؟وشن كانو يجيبو بعدها .؟


علي السريع ..مسلسل حنان وحنة

:lol::lol::lol:

**الدودة نت**
25-03-2004, 07:16 PM
اغنية تحية حب

هههههههههههه كانو ايجبو بعدها في مسلسل حنان وحنه ( لكن الكلمات ما نتفكرهمش :confused: ) .. :devilsmil


....ing :good:

مالك خلف
25-03-2004, 09:33 PM
وفيه مسلسل ليبيى زمان البطل عبدالله الريشى كان دوره المحقق وما يفوته شيئ
يعرف السياره ونوعها من اثار عجلها
وعنده مقوله مشت مده فى الناس امتاع الزقاطه
(انها اثار سيارة اجره)

أما زقطي بجديات باهي بيضة وكحلة ولا 504؟

على فكرة إضافة على مسلسل الأمانة صاحب المقولة "خالد فاضل سيقتل اليوم" الممثل الفلسطيني غسان مطر.

باهي تتفكروا في مسلسل الإرادة وموزيقته الشهيرة بطولة ليلى طاهر وقصته أنها تدو في طالبة عندها زمان بعتتلها رسالة إنها بتنتحر، أيييييييه يا حسرة ;)

باهي هذي أكيد كلكم تتفكروا فيها جملة محمود ياسين مع خلفية لأغنية القدس لفيروز "القدس في خطر"

لنا عودة بالهلبة ;)

مالك خلف
25-03-2004, 09:36 PM
مكنتش نحساب روحي بنرجع بسرعة :devilsmil

تتفكروا في مسلسل حواء وآدم؟؟؟

بطولة فتحي كحلول ولطفية إبراهيم، وعبارتهم الشهيرة ..

آدم: حويوة .. حويوة .. أنا جيت
حواء: جيت؟؟ .. جيت جيت

وأقوى لقطة لما جابلها المعدنوسة الصفرة :p وهيا طلعت غارسة فوق الحيط كله معدنوس ;)

ولا لما داروا طبيلة "شويت الكبدة والمعلاق" :lol:

لنا عودة ولكن بعد العشي ;)

ولد العز
26-03-2004, 12:48 AM
آدم: حويوة .. حويوة .. أنا جيت
حواء: جيت؟؟ .. جيت جيت
هههههههههههههههههههههههههههه :good:

ياقديييييييييييييييييييييييييييييم :lol:

منو يتفكر في بو ودينة :lol:

يابودينة نوض روح ..... ماااااانيش أمممممروح(يوتوت)
يابودينة نوض روح تربح .... ماااانيش أمممممروح

يابوددينة نوض روح والا نخبر فيك الشرطة

أه شرطة ؟؟ لالا أمالا بنوض نروح خيرلي

وتتفكرو في القهوة اللي ديمة معكس فيها بودينة وتلقاه طايح على هداك (الكشنيتي) عرفتوه الكشنيتي ؟؟؟
شنو يامالك عشت عصر الكشنيتي والا لا ومانحكيلكش على الركبين ديمة مقشرات

شد عندك

اغنية زماااان يجيبو فيها في ليبيا
زرعتنا صابة مضمونة . صابة مضمونة (الضامن الله)
كمل عقاب الاغنية ياقديييييييم :devilsmil
ومنو يغني فيها ؟؟؟؟

باهي تعال ياقديم جاي
منو يتفكر في الصابون التايت زماااااااااااااان كانت الشركة مدايرة جوائز في باكوات الصابون
وكان رخيص بكل . تلقى الجماعة يشرو بالكرتونة
و أفتح شوف شنو حظك ولوح افتح ولوح افتح ولوح لين يتم الباكو ولما يتم تمشي تشري واحد تاني
و مرات تلقى في الباكو كله كرت واحد بس . والمشكلة ان الكروت مش زي توا يقولك تلفزيون والا غسالة لالا كل كرت تلقى فيه نص حاجة يعني لو تلفزيون مرات يجيك نص تلفزيون ودور عاد منو جاه النص التاني ولما تلقاه تقعد تساوم فيه يا أما يشري الكرت متاعك والا انت تشري الكرت متاعه وتمشي بيه للسوق ويعطوك تلفزيون 21 اللي فيه باب سكة يسكر على الشاشة (قاعد عندنا لاتوا):lol:

لنا عودة ياشيابين ;)

مروة
26-03-2004, 12:49 AM
مسا لاخير عليكم

تتفكرو فيها اغنية البنت الصغيرة ( مطلوق صراحك يا طوير وين تريد تعدي عدي ) الشاطر فيكم يكملها

ويا فالحين نسيتو دنيا الاطفال ما حدش تذكره من يقول اغنيته


اللمة والشاهي واللوز ههههههههه تذكرتوه هادا جو ومسلسل الكنة


وفيه اغنية متع جديجة صبري ولا عيشة صبري تغني غير اكبر بس غير اكبر بس نديرولك عدة وفرس كملو الباقي نسيته


وفيه حاجات تانية تو نسئل امي عليها ونجي نقوللكم

شيماء ذكرتي الماما بهلللللبة حاجات وتسلم عليك امي وقالتلك ربي يطول في عمرك انشالله

f=m+k
26-03-2004, 01:11 AM
السلام عليكم:-

توا كلكم أدكرتوا ..؟
لكن قولولى .
زعما قاعدين تتفكرو فيها رسوم أللى أيجبو فيها فى القناة الليبية الأنكلزية التانية بعد الفأر والقطوس" تومى وجيرى ".
كلكلك بابا كلك.

زعما من فيكم متفكرها ..؟

ولا أغنية قوية أللى بكتنى .
نيتى أنا أنسوق الطيارة نحمى بيها جو بلادى وعالعدوان أنرد الغارة أنصون الآرض أنا وأندادى أنصون الأرض أناو أندادى .
أيااااااااااااااااااااااااااه يا دنيا.

صدق أللى قال .
تدهب الأيام وتبقى الدكريات .

زعما قاعدين تتفكرو فى حبيقة .,.,.؟


سلام

عازف الليل
26-03-2004, 01:12 AM
نسيتو مسلسل عمي كو وحارة ابو عواد واستراحة مرزوق وسمعة

musrate
26-03-2004, 01:35 AM
زرعتنا صابة مضمونة . صابة مضمونة (الضامن الله)
كمل عقاب الاغنية ياقديييييييم

الزرع يريد .. الزرع يريد .....

خش علي أسم المطرب ياسلفر

عاشق الواقع
26-03-2004, 11:34 AM
قريب نص ساعة واني نقرا في الموضوع وردوده شني هذا سجلتوا كل شي تقريبا صحة ليكم يعطيك الصحة ياموندو افتحتلهم طريق للطفولة

ماعشتهاش طفولة الغالبية لظروف العائلة والعيش خارج البلاد يعني طفولتي كشت ديليكاتي ومع ناس دمهم بارد الواحد كان يلقى اسبوع يهيج فيه في شوارع ليبيا زمان

ســــــــــــلام

مالك خلف
26-03-2004, 07:29 PM
أهو بنردوا عليكم واحد، شوركم مش قاريين تاريخ بكل ;)


اغنية زماااان يجيبو فيها في ليبيا
زرعتنا صابة مضمونة . صابة مضمونة (الضامن الله)
كمل عقاب الاغنية ياقديييييييم
ومنو يغني فيها ؟؟؟؟

التكميل كمله المصراتي، والمغني كان مكذبنيش ربي اسمه توشي خليل :cool:

هذي ليك يا مروة ..

دنيا الأطفال دينا حلوة حبيناها .. ياسلام يا سلام بأنوار الفرحة مليناها ...... ;)


اغنية تحية حب . يجيبو فيها في شهر رمضان .

سؤال . شن هيا كلمات الاغنية .؟وشن كانو يجيبو بعدها .؟

كانوا يجيبوا في الفار والقطوس يا Spy (Tom & Jerey)


واستراحة مرزوق وسمعة
شعارنا الصديق (الصدق) والصراحة .. يوم فتحنا هالاستراحة .. يوم فتحنا هالاستراحة .. استراحة مرزوق وسمعة .. بتوفر موسائل (وسائل) الراحة ..

ياهلا بسكر تيرتنا .. عدنان الأسطلاني .. حامض حلو :lol:

ولنا عودة مع خاجات قوية هلبة قاعد نعصر في دماغي ;)

الباهى
26-03-2004, 07:36 PM
ما فيش واحد فيكم كان يلعب شلاليط؟؟؟:devilsmil

ARTOR
26-03-2004, 09:02 PM
اهلا بيكم من جديد

هات الشنطه تعال وريني
ايش خديت اليوم يا حسين
عارفك شاطر و مهنيني
و ديمه مذاكر درسك زين

شوف يا باتي كرساتي
ديمه مذاكر واجباتي ....... حتى هي اكمل;)
هى منى مذكرها.....خوي السلفر شنو
سلام

مالك خلف
26-03-2004, 09:17 PM
مش عارف هاربة الكلمات شوية يا ARTOR والراس صايرله، لكن لنا عودة .. أكيد :devilsmil

الشيماء
26-03-2004, 09:27 PM
والمغني كان مكذبنيش ربي اسمه توشي خليل

نسمعوا نسلموا من توشى هذا
شكلك خلطت بين توشا كتوشا وصابا مضمونه


المغنى اسمه الطاهر عمر بو كبيله ويدير فى كريمه لشعره وتسريحته كانت موضه فى السبعينات
نعرفه لانه كان جارنا الله يرحمه ويبشبش الطوبه اللى تحت راسه

مالك خلف
26-03-2004, 09:28 PM
عندي ملاحظة غريبة :rolleyes:

لاحظت أنه الكل بدي يتحدى في ذاكرتي الفولاذية، ولهذا حتى أنا بنتحداكم ببعض الأسئلة ...

1- شن اسم المسلسل اللي قام ببطولته كل من: منى واصف في دور غادة وعبد المجيد المجذوب و محسنة توفيق؟؟
2- شن اسم المسلسل اللي أشتهر به الممثل اللبناني فادي إبراهيم بلعبه لشخصية (وسيم بكر آغا)؟
3- ماهي العبارة التي كتبت على اللوحة المعلقة على ظهر ربيع في المسلسل اللبناني ***** (المسلسل كان أبيض وأسود)؟ وقولوا اسم المسلسل؟ :devilsmil
4- هل تتذكرون مسلسل (مكتب مفتوح)؟؟ شن اسم الشخصيات البطلة؟ وأكمل أغنية مقدمته ..

مكتبنا ديمة مفتوح .. تلقانا في كل أوقات .........

مزال عندي وتوا نشوفوا من يغلب.

مالك خلف
26-03-2004, 09:30 PM
الرسالة الأصلية كتبت بواسطة الشيماء
نسمعوا نسلموا من توشى هذا
شكلك خلطت بين توشا كتوشا وصابا مضمونه


المغنى اسمه الطاهر عمر بو كبيله ويدير فى كريمه لشعره وتسريحته كانت موضه فى السبعينات
نعرفه لانه كان جارنا الله يرحمه ويبشبش الطوبه اللى تحت راسه

يصير الزلق في الصيف أختي الشيماء :o

ARTOR
26-03-2004, 10:07 PM
السؤال الاول و الثاني :cry:
ال3 اسم المسلسل ربيع تقريبا
و كان ملون يا سلفر;) و العباره
احذر انه يعض
4 واحد اسمه حش و الثاني :q:

مكتبنا ديمة مفتوح .. تلقانا في كل أوقات كان عندك حاجه خربانه ثلاجه و الا غساله و الا كان عندك .......;)

الشيماء
26-03-2004, 10:20 PM
شكلكم امقمعزين فى الموضوع هذا وامسيبين اشغالكم

1
- شن اسم المسلسل اللي قام ببطولته كل من: منى واصف في دور غادة وعبد المجيد المجذوب و محسنة توفيق؟؟

واظن هو مش عبد المجيد يمكن احمد
الزين
المسلسل اسمه زمن الحب
وكانت معاهم مادلين طبر

مسلسل وسيم نسيته للاسف

وثلاثه جاوب عليه ارتور

مكتب مفتوح
على العريبى كان اسمه عرفى
رجب اسماعيل اسمه حش

الاغنيه ما نذكرهاش

باهى كان فيه مسلسل فيه هند ابو اللمع تموت بالسرطان بعيد عنكم شنو اسمه

musrate
26-03-2004, 10:58 PM
دارين مازن هلال .. أبوها في سجن الظلام ... يايأمن هذا حرام ... :lol:

القلهود
26-03-2004, 11:21 PM
الله الله الله ..
شن هادا كله ؟؟
من آمتا انتوا هني ؟
الجماعة عايشين الطفولة لحظة بلحظة ..

آهو حاجة جديدة بتطلع تووا..



سأشتري رصاصة ...
وبأي ثمن...
اللي يكملها ياخد خمسين قرش ..:p

الشيماء
27-03-2004, 12:15 AM
- شن اسم المسلسل اللي أشتهر به الممثل اللبناني فادي إبراهيم بلعبه لشخصية (وسيم بكر آغا)؟

تفكرته لكن نين راسى وجعنى من العصر

اسمه وأمطرت ذات صيف
وبالاماره جاء عام 86

Spy Hunter
27-03-2004, 12:17 AM
سأشتري رصاصة ...
وبأي ثمن...

اني مش متفكرة مليح

لو متطلعتش غالط قبلها يكون المقطع هدا :- اخدو دميتي .

لكن لي نتفكرة انها بنت تقول فيها واقفة في الظلام .يجيبو فيها قبل الموجز متع الاخبار

hey friends
27-03-2004, 12:42 AM
لكن لي نتفكرة انها بنت تقول فيها واقفة في الظلام .يجيبو فيها قبل الموجز متع الاخبار

بنت وافقة بروحها في الظلام و لابسة قفطان اكحل
و صحيت عليها هده متع يجيبوا فيهاقبل موجز الاخبار

و باهي تتفكروا في مسلسل زمان كانوا يجيبوا فيه
عندهم ولد راح منهم في زردة العيلة و معادش لقوه

اللي يجيب اسمه انا متاكد انه قديم


و لا مسلسل متع( خالد فاضل )هدا اللي يجيبها بكل

و لا مسلسل متع (هبوب الريح )كان مسلسل اردني كان ما غلطش

مالك خلف
27-03-2004, 12:46 AM
سأشتري رصاصة ...
وبأي ثمن...
اللي يكملها ياخد خمسين قرش ..

سأمشي حافي القدم .. سأمشي تحت هطول المطر ............

حد يكمل :devilsmil

مالك خلف
27-03-2004, 12:53 AM
بنت وافقة بروحها في الظلام و لابسة قفطان اكحل
و صحيت عليها هده متع يجيبوا فيهاقبل موجز الاخبار

و باهي تتفكروا في مسلسل زمان كانوا يجيبوا فيه
عندهم ولد راح منهم في زردة العيلة و معادش لقوه

اللي يجيب اسمه انا متاكد انه قديم


و لا مسلسل متع( خالد فاضل )هدا اللي يجيبها بكل

و لا مسلسل متع (هبوب الريح )كان مسلسل اردني كان ما غلطش

البنت قفطانها كاني قاعد نتفكر أزرق كحلي ورقبته فيها راكام أبيض ;)

المسلسل متع الولد اللي رايح اسمه أصابع الزمن والولد اسمه هشام، المسلسل خليجي والولد راح لما كانت العيلة في زردة في تونس.

ومسلسل الأمانة (متع خالد فاضل) هدرزنا عليه في الردود اللي فاتوا ;)

هبوب الريح :rolleyes: نتفكر في لقطة دسان البنادق في الرملة، وكنا ثاني يوم في المدرسة نديروا زيهم فيه حديدات مكسرات من المقاعد دايرينهم على أساس بنادق ودايرين حرب بين صغار الصبح وصغار العشية، وحني ندسوا السلاح في الصبح ويجو جماعة العشية يطلعوه في استراحتهم ويردوا يردموه في مكان ثاني (عندي نية نعرف من كان يقوللهم على مكان أسلحتنا :devil: )

ولنا عودة :devilsmil

ولد العز
27-03-2004, 01:02 AM
عندهم ولد راح منهم في زردة العيلة و معادش لقوه
أصابع الزمن
ونتحدى أي واحد فيكم ما بكاش لما لقو الولد في الحلقة الاخيرة http://smilies.sofrayt.com/%5E/q/weep.gif

مالك خلف
27-03-2004, 01:03 AM
تفكرته لكن نين راسى وجعنى من العصر

اسمه وأمطرت ذات صيف
وبالاماره جاء عام 86

وبعدين قولينا أنا وأرتور الغلبان إنا بايتين في الموضوع ;)

بمناسبة ال86، شن ذكرياتكم مع الغارة؟؟؟؟

لنا رجعة :p

موندو
27-03-2004, 01:11 AM
الســـــلام عليكم ..

سلفر .. هذا شنو يا ولد .. و الله لن حليت فمي .. ما فيش حاجة مش خاطمة عليك .. شنو ما مسيب فيها شي الاذاعة !! :eek:


بي بي بي ..

باهي بلاش هي نقولوا ما شاء الله .. :lol:


.. قول الحق .. منو يسميلك ;)

مالك خلف
27-03-2004, 01:15 AM
الرسالة الأصلية كتبت بواسطة ولد العز

أصابع الزمن
ونتحدى أي واحد فيكم ما بكاش لما لقو الولد في الحلقة الاخيرة http://smilies.sofrayt.com/%5E/q/weep.gif
أنا مبكيتش :cool:

لكن تعرف الممثل المصري اللي دار دور هشام مشت فيه ديمة أنه الممثل التونسي مسكين ديمة لما نشوفوه نقولوا أهوه التونسي :lol:

Zeeroly
27-03-2004, 01:17 AM
.. قول الحق .. منو يسميلك

المصراتي شكله يسميله يا موندو :devil:


بمناسبة ال86، شن ذكرياتكم مع الغارة؟؟؟؟

من سنة 81 إلى سنة 91 أنا خارج الجماهيرية :devilsmil

جاوبه يا موندو بالله ;)

مالك خلف
27-03-2004, 01:20 AM
الرسالة الأصلية كتبت بواسطة موندو
الســـــلام عليكم ..

سلفر .. هذا شنو يا ولد .. و الله لن حليت فمي .. ما فيش حاجة مش خاطمة عليك .. شنو ما مسيب فيها شي الاذاعة !! :eek:


بي بي بي ..

باهي بلاش هي نقولوا ما شاء الله .. :lol:


.. قول الحق .. منو يسميلك ;)

قل أعوذ برب الفلق .. من شر ما خلق .. ومن شر غاسق إذا وقب .. ومن شر النفاثات في العقد .. ومن شر حاسد إذا حسد

قل أعوذ برب الناس .. ملك الناس .. إله الناس .. من شر الوسواس الخناس .. الذي يوسوس في صدور الناس .. من الجنة والناس

:cool:

موندو
27-03-2004, 01:24 AM
الســــــــلام عليكم ..

انا بالذات نكره الغارة جدا جدا جدا ..

بمناسبة ال86، شن ذكرياتكم مع الغارة؟؟؟؟

أهو نقوللك علاش ..

انا في الغارة كنت في حوش جدي .. كنت ما ندريش عليها منين زارقة (مريوح) .. جيت جنب مرت عمي قلتلها شنو فيه ؟ .. قالتلي معركة .. قلتلها .. منو و منو .. قالت .. حنا و امريكا ..

قعدت كل شوية نجيها نقوللها .. شنو انتصرنا و الا ما زال ؟ .. منو ربح .. قداش جيوشنا .. عندهم سيوف .. منو معانا .. في الاخير حصلت تكشيخة ثلاثية (تكشيخة ثلاثية = ثلاثة نفار يكشخوا عليك في نفس الوقت) .. و منها و انا نكره الغارة :devil:

:cry:

مالك خلف
27-03-2004, 01:33 AM
نحنا صغار .. تم تم تم

ونولوا كبار .. تم تم تم

ونحموا بلدنا بضرب النار .. نحنا صغار .. تم تم تم

ونولوا كبار .. تم تم تم

نحنا صغار

:lol: :lol: :lol:

hey friends
27-03-2004, 01:37 AM
سلام

باهي ترا قولي اسم المسلسل اللي انشهرت فيه جملة (كرستال عزوز)

هيا يا سلفر ورينا

مالك خلف
27-03-2004, 01:40 AM
حارة ناسيها الزمن ;)

وقصته على حارة مسيطرة عليها مجموعة زعران (أباضايات) وجاهم الأستاذ عادل ساكن جديد في الحارة وجو بيضربوه طلع بطل جودوا ودشدهم ;)

معادش تتحدوا :lol:

hisho22
27-03-2004, 01:40 AM
بسم الله الرحمن الرحيم....



الرسالة الأصلية كتبت بواسطة SilverBoy
بمناسبة ال86، شن ذكرياتكم مع الغارة؟؟؟؟

لنا رجعة :

الغارة...نذكر فيها نضت القيت خوتي فايقين...قلت شن في ...قالولي غارة ...

اذكر القرار الحاسم الذي اخده الوالد ....

والله ماطالع من الحوش ولو كان يطيح علينا....

لتوة ماعادش ننساه قسمه...

ومقعمز ولا على باله فاتح الراديو..وفيه مذيع..يخطب...سنحمهم ومش عارف كلام نسيته...واذكر انس اركبت فوق الحيط ...نزلتلهم قلتلهم السمي كلها مزينة بالالوان....ياشينك الوان وخلاص...

ولنا عودة...

والسلام عليكم ورحمة الله تعالى وبركاته...

موندو
27-03-2004, 01:40 AM
الســــــــلام عليكم ..


ونحموا بلدنا بضرب النار .. نحنا صغار .. تم تم تمو نحموا بلدنا من الغدار مش بضرب النار ..

.. و هذه مقلدها ياسر العظمة في مسلسل مرايا 86 كانوا يجيبوا فيه في ليبيا ..

أما غناية ياسر العظمة فتقول ..

عالموضة .. ياخي(يا أخي) عالموضة ..
مرتي بدا(تبي) تمشي و تلبس عالموضة .. عالموضة ..

و المقطع الأول ..
مرتي سمينة و وزنا(وزنها) بيطلع قد الفيل ..
خصره عرضه يمكن أكثر من برميل ..
بدا تلبس .. بنطلوووون .. و تقلد يلي .. في التلفزيووون ..

إلخ .. إلخ .. :lol:


باهي ترا قولي اسم المسلسل اللي انشهرت فيه جملة (كرستال عزوز)
هذه زابطها .. لكن توة رايحها .. عصرة للذاكرة و نجي :rolleyes:

مالك خلف
27-03-2004, 01:44 AM
طلعت ضعيف يا موندو :lol:

الكوبليه هذا يتعاود مرتين ..

المرة الأولى نحموا بلدنا بضرب النار والمرة الثانية نحموا بلدنا من الغدار ;)

معليشي راجع دروسك أول بأول :lol: :devilsmil

**الدودة نت**
27-03-2004, 02:20 AM
مزقووو كتبي ..أحرقووو مش عارف شني .. http://alhandasa.net/vb/images/smilies/confused.gif
سأشتري رصاصة وبأي ثمن ( الطفوله )
سأشتري بلاي ستيشن وبأي ثمن ( المفرخ ) .... http://alhandasa.net/vb/images/smilies/icon_twisted.gif

كيف كان شكل البنت أو الولد ( حدد ) ,, والإضائة ,, وشن لابسة ,,, وشن لون شعرهاhttp://alhandasa.net/vb/images/smilies/biggrin.gif ..



ING

Spy Hunter
27-03-2004, 02:24 AM
تي هوا السلفر خلي حاجة ..يودي ما حصلنا معة شي ..

راجع الردود يا دودة ..السلفر عندة الاسئلة من قبل نوعة هكي ..:lol:

**الدودة نت**
27-03-2004, 02:31 AM
الباين إنه كملهم السلفر ..و لكن يا ويلكم ويا بياض ليلكم ..

شد عندك هدي .... http://alhandasa.net/vb/images/smilies/icon_twisted.gif

شنو هو القمبالي ..وشن هيا الألوان اللي كانت متوفرة ..؟؟؟

وشن هيا الخلطة الدامية اللي طلعت ..على أساس كريمة شعر ( دجل ) ؟؟؟

هههههههههههههه http://alhandasa.net/vb/images/smilies/biggrin.gif

Spy Hunter
27-03-2004, 02:36 AM
looooooooooooooooooooooooooooooooooool

القمبالي:-

فية هلبة انواع الاسواق نزلت نوع كانك مشيت بية في الصقع يتكسر .

بالنسبة للالوان


احمر.. اخضر ..كريمة اكحل


وكان القمبالي صبة متع نالون


اما الخلطة وراسك يا دودة متحشم نقولها :devil:

**الدودة نت**
27-03-2004, 02:39 AM
اما الخلطة وراسك يا دودة متحشم نقولها

http://alhandasa.net/vb/images/smilies/icon_lol.gifهههههههههههههههههههههه




ING

ARTOR
27-03-2004, 04:06 AM
الرسالة الأصلية كتبت بواسطة **الدودة نت** [/i]
مزقووو كتبي ..أحرقووو مش عارف شني .. http://alhandasa.net/vb/images/smilies/confused.gif
ساشتري رصاصه و باي ثمن
سامشي حافي القدم تحت زخات المطر
لاشتري رصاصه و باي ثمن
قتلو ابي مزقو كتبي
احرقو صوري سرقو بسمتي
ساشتري رصاصه و باي ثمن

;)

hey friends
29-03-2004, 01:12 AM
سلام


خلاص يا ولاد الموضوع من كترة الغبرة معادش قدرنا نتنفسوا

msms
29-03-2004, 04:07 AM
الله يرحم الباص ابرتقالية كنا نركب فيها ب خمس قروش ونكدبوا على البلطاى معنديش باش نروح ونقزوا فى السوانى الىبعدنا ويجرى فى جرتنا الكلب الاشهب ولما نركبوا فوق المشماشة تجى الحاجة(......)بالعرجون باش ماناكلوش المشماش اخضر وقداش منزلنا فى حفر السريع لما كانوا ايديروافيه وكداش (بالةوفاس ومطرقة ومصامييروبراويط) اخديناهامن العمال الاسيوين وقداش ماكنا نلعبوا على الحمارة(حاشكم)امتع الشابنى الى ايلم فى الخبزة اليابسة امتع المدرسة....................................................ولما والدك يعطيك 1دينار فى العيد كداش متتمناها السنة كلهااعياد.........ولمان الجلدفى العيد الكبيرة................اه كلها ايام حلوة :D

freestar
29-03-2004, 12:15 PM
والله ياموندو شنو انقول الموضوع يحكي علي روحة من ردودة

والسيلفر وارتور شكلكم من جيلي وماعقبتو شئ
تحكو علي حاجات الله الله

معليش حنا جينا متاخرين لكن كل توخيرة فيها خيرة

نبي نسال منو الي مذكر حلوة الديك والبنبالينه
الحمرة المغطيه بشكارة تقعد ساعة بيش تفتحها

وكلة من متاع كوشا كاتوشا
نصححلك ياموندو
اسمة فانتك
وحتي بالامارة
انه فانتك ذاهبو ليسقي الشوكة هههههههههههه
عليك غليظة الرسوم هذي
وجو اخري كانت اتجي معاها الي يسال في سوال
متاع ( هل خمس جوزات تكون كومة)هههههههههه
حالة والله الرسوم هذي
ومن مذكر اخري الرسوم متاع الكلب المبقع والي اخري جاو الكلاب وسرقو الراديو وتمو يرقصوا بعد مادارو شعرهم كيف جماعة البانكس
والاثنين الخوت الطويل والقصير والي فيها القصير قعد علي دحية يبيها تفقص يحسابها صقر وفي الاخير طلعتله بطة
الرسوم الي فاتت كانت اتجي في 82 وقعدو يجيبو فيها مرات حتي 85
الله الله
وكلا من يام الغارة نذكر كنا في سنة رابعة ابتدائي وسمعت امي تنوض في الحاج وتقولة غارة غارة
وخيك قعد يفكر شنو غارة؟؟؟؟؟
الله غالب اول مرة نسمعها الكلمة ههههههههه
قعدنا في الحوش والحاج قال ارقدو ارقدو وماحد يطلع
نذكر جيرانا كلهم الي طلع للجبل والي مشئ لمزرعته
ونحنا الصبح مشينا للمدرسة مش عارفين شنو في
هههههههه

والله ياسلفر ماخليت شي

ونذكر زمان ( هذي لجماعة بنغازي الي يوعي عليها) شنو كان مكان فندق تبيستي
هذي انخلوها للشيماء تقولها لنا

وزمان حي عل الانصاص كانت انصاص فاصوليا من حميدا فاصوليا وكانت الفاصوليا متاعة احسن فاصوليا في بنغازي
واعند توا قاعد مازال ايدير فيها وعلي كلام الناس الي اكبر منا كان يدير فيها من الستينات

غير خلونا نذكرو وتوا انردو عليكم

سلامات
وياسلفر هدي شوي كملت علينا الذكريات
ههههههه

مالك خلف
29-03-2004, 12:52 PM
حاضر :o

مع أنه مزال فيه :devilsmil

مالك خلف
29-03-2004, 01:03 PM
نسمعوا نسلموا من توشى هذا
شكلك خلطت بين توشا كتوشا وصابا مضمونه


المغنى اسمه الطاهر عمر بو كبيله ويدير فى كريمه لشعره وتسريحته كانت موضه فى السبعينات
نعرفه لانه كان جارنا الله يرحمه ويبشبش الطوبه اللى تحت راسه

يا شيماء أنا صار غلط في الطباعة كنت نقصد نوشي خليل لكن مش عارف هذا الاسم اللي تفكرته وزدت سألت نفس الشي، ياريت تزيدي تتأكدي بالكشي عنده اسم فني الراجل ;)

love and life
29-03-2004, 04:44 PM
مشكور اخي العزيز موندو

genius_boy
30-03-2004, 09:50 PM
شكرا علي هذا الموضوع عالم الطفولة و عالم المفرخ انة موضوع شيق وجميل جدا جدا جدا

TheSHARK
31-03-2004, 11:27 AM
والبنبالينه الحمرة المغطيه بشكارة تقعد ساعة بيش تفتحها

هذي بالشرقاوي يا فري ستار ...

البنبلينة معنا اللعبة متع البنت ( العروسة )

منور يا فري ستار :good:

astartelo
31-03-2004, 12:57 PM
السلام عليكم ورحمة الله:

مشكور جدا خوي موندو على موضوع في قمة الابداع والجمال...في الحقيقة ترددت كتيرا في الدخول لقراءة الموضوع فلم يعجني العنوان، وهدا مااخرني ومع هدا ارى من واجبي ان اشيد فعلا بقدرتك على الوصف...

بل و أرجح أن من يقول بأن الماس هو أصلب المواد .. سيغير رأيه إذا اختبر صلابة حلوى التحرر
من ناحية اخرى الموضوع يلمس واقع نعيشه وناسف عليه فمن منا لايتسائل للمادا لانرى في عيون اطفال اليوم مايسمونه البراءة؟؟
.......................................................

طبعا كعادتي لن اجاوب الا على الاسئلة الاجبارية:


.. مسلسل كرتوني إن أعيد بثه فستسر بإعادة مشاهدته.

رعد العملاق


.. مسلسل كرتوني كنت تكرهه و تكرهه و تكرهه

بشار


ماذا تفضل .. (شكلاطة ورد .. بشكطي التحرر .. يوقا المعمورة).

شكلاطة ورد البيضا


.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).

شدني و نشد معاك


.. تعليق أخير.

سأحرص على متابعة كل ماتكتبه....

الاسكوبر الاول
31-03-2004, 08:33 PM
السلام عليكم ورحمة الله

شنو الجو يا >>>>> ان شاء الله كويسين ورجعنا جدنا

موندو بعض الذكريات الرائعة

ومن الاخير الموضوع اقوى هلبه بجديات ندوى

والله مفروض يتبت هذا الموضوع الى اشعار اخر

ومشكور يا موندو


اتمنى التزام الادب عند المخاطبه... و يعتبر هذا انذار
ARTOR

البرفسور موريارتي
02-04-2004, 06:24 AM
السلام عليكم ورحمة الله تعالي وبركاته


ليا مدة طويلة نقراء بس في المواضيع ومانبيش نشارك لكن ضربتوا بالموضوع هذا علي الوتر اللي مش حساس(المخزززز)

الله يرحم ولديك يا موندو حركت المواجع كلها وذكرتنا بالذي مضي ومعادش يرجع الفترة الذهبية للطفولة الشقية سنين 80 وحتي 90 اييييه يادنيا أيام وقتها كان خوكم موريارتي شادها بقلب علي التلفزيون و الله مافيه حاجة مفوتها من الكساد الإذاعة الليبية الأولي وقتها كانت تفتح الساعة6 العشية وتسكر 11.30في الليل ياحسرة وإلا الليبية الثانية مانحكيلكش يا سلفر بوي شنو مدايرا حل لما تونس تشوش في الشتاء
(إذاعة تونس وقتها !!!!!حفظ حتي القراية مش زي هكي)
وشد روحك بعدها في الصيف لما تجي ايطاليا
وإلا الفرنسية الثانية اللي تبث من تونس إيام العز
مش زي توا الستالايت الأحرف اللي ماتلقي فية حاجة باهية بكل
خود الإجابات اللي تبيها يا موندو
الإجبارية
مسلسل كرتوي مش عادي بكل
الجائزة الكبرى (تكاياتدوروكي) على فكرة يقراء معانا واحد ياباني توا اسمه تاكايا حتي هوه

إلا خود عندك مسلسل شارلوك هلمز الكرتوني اللي جابوه في تونس عام 1987 قوي هلبة
مسلسل كرتوني تكره وتكره توشا كتوشا طبعا
لكن بعد سنيين شفع فيه قط البكتريا ونسيناه


العصير اللي مش عادي طبعا ( يوقا المعمورة ) وخصوصا لما تطلع من الفريز تقول بطاطا مرحية بس ما عنديش معاها الروح لتوا
اللعبة اللي مش مفوتها زمان شدني ونشد معاك
خوكم المورياتي كان واحد من صواريخ الشارع كان انطلق شنوا مازال يوقفه
تعليق اخير الله يهديك يا موندو ويعطيك بنت الحلال علي قيس نيتك

هيا شدوا عندكم توا من المخرت

المسلسل الكويتي يا خوي LoNgEr اسمه مبروكه ومحظوظة الممثلين قالولك الجماعة عليهم بس تتفكروا لمازوجة عمهم تأكل وهوه يصيح ويقول (تدمرون سياستسي لإقتصاديييييييييييهههه)
المسلسل كان في تونس قبل
ويا أختي مروة النمر البودري(البنك بانتر)
مش عادي بكل
والا الموسيقة متعه لليوم ترن في الدماغ
وبالله يا خوي musrate أما مسلسل بوليسي قصدك عليه في الإذاعة الثانية
chipis متع الزوز اللي عل الموطوات
وإلا قصدك اللي أقدم منه HAWAII FIVE O
اللي البطل متعه المحقق ستيف
وإلاقصدك المسلسل البوليسي اللي لابسين أسود
نسيت اسمه توا
علي فكرة ستيف مش نفسه ستيف متع مسلسل يوم الخميس اللي يجري بسرعة واللي عينه تقرب المسافات ويشوف من بعيد واللي يده قوية زي الحديد هاداكا اسمهthe six milion dollar man


وهيا خودوا عندكم اللي عصرته من الدنقة رأسي

كاني قاعد نتفكر مسلسل مكتب مفتوح
بطولة علي العريبي (حش)المدير الله يرحمه
و رجب إسماعيل (بريدان) التابع متع المشاكل

والأغنية تقول
مكتبنا ديما مفتوح تلقانا في كل أوقات
ما يبقي بالك مشغول نحن نحل المشكلات
كن عندك حاجة خربانة ثلاجة وإلا سخانة
ولا كان زوجتك حرجانة تبي تشكي للجارات
مكتبنا ديما مفتوح تلقانا في كل أوقات
وكملوا الباقي يا هوووووه


ويا أختنا مروة راهو تحية حب اللي يجيبوا فيه في رمضان يعد الفطور هذا توا مش قديم
فى التسعينات ممكن 1993 وحتي 1997

والأغنية متعه بالأمارة يغني فيها محمد حسن

تحية حب تحية تحية حب تحية تحية حب عربية
لمن عاشق وطن واحد بدون حدود وهمية
تحية حب تحية تحية حب تحية تحية حب عربية
لمن حب الوطن بإيمان في قلبه وفي الوجدان
في الحلوة وفي المرة لمن يصنع حياة حلوة
لمن خلي الوطا خضراء لمن فارس وهب عمره
وجابنا الحرية وجابنا الحرية
تحية حب تحية تحية حب تحية تحية حب عربية
لمن واقف مواقف عز لمن شامخ وما يهتز
في السراء وفي الضراء لأمة خالدة كبرى
لجرح الثأر ما يبرأ
تحية حب تحية تحية حب تحية تحية حب عربية
لمن ثائر رمى حجرة علي قطعان همجية
تحية حب تحية تحية حب تحية تحية حب عربية

والباقي ما عاد نعرفه


سؤال أخير لخونا السلفر بوي ( تحدي) زعمة

شنو إسم أم (بانتا ) السمين التاعب صديق كوجي كابوتو اللي موجود في مزرعة دامبي وابنته هيكارو وأخوها قورو واللي صنع وحش غبي يبي يغلي بيه قوات فيقا ( بالأمارة هداك الوقت بلاكي مات و زوريل وقندال متريسسين علي الموضوع) في مسلسل قراندايزر
أم بانتا علي فكرة مضروبة غي دامبي وشواربها كبااار
ومسميين عليها واحدة من عزايز الشارع
في إنتظار الإجابة يا سلفر و الحضور الكريم معاك


وللحديث بقية إن شاء الله عن اغنية زرعتنا صابة مضمونة !!!!!!وهوه ما قال إن شاء الله و هي كل عام يابسة منها

والسلام عليكم
موريارتي

المرطة
02-04-2004, 11:18 PM
صحيت يا خوى لكن شكلى اقدم منك شوية خوك ملاحق شوية على ايام الابيض و الاسود ايام شاركم شمشاركم مقصكم منشاركم و بعدين جو الطبالينو او ما يسمى الرسوم المتحركة سندباد و قرنديزر و تكايا تودوروكى و كنا نلعبو فى الايرة و الرشقة قبل ما نتطورو شوية و تخش تكنولوجيا البتش و الزرابيط و غيرها من متع الحياة و وصل دق وهذه خاصة بى الزرابيط و الطمباريلى وهو مضرب يشبه البندير و كانت الباطاطا الحلوة ترف شتائى نعده من ولائم الملوك و كان التفاح فى الصور فقط و اذكر انه كان عندى كاترو فى غرفتى يحمل رسمة عرجون موز و اسف على عدم اجابتى لاسئلتك على خاطر انشوف فيها جديدة و زى السنافر ما كنتش نتفرج عليها على خاطر كنت هذاكا الوقت نقرى فى الثانوىهههههه عموما صحيت خوى

ger80e
03-04-2004, 09:04 PM
والله موضوعك مليح ونحييك عليه لكن مافيش وقت باش نرد

العقرب الاسود
01-07-2004, 05:32 PM
سلالالالالالالالالالالالالام والله الي خلاني نشترك في هالمنتدي الي بعثه صديق ليا علي الايميل هوا مشاركتك هادي صدقني خوووووووي حاجات واجدة تغيرت عندنا وعلي خاطر شرشبيل والسنافر نسيت شرهان انا جائع

LG-78
01-07-2004, 09:06 PM
السلام عليكم و رحمة الله و بركاته...
أيييييييييييه بالله... قالك.
أيامات زمان كان لما يجي حد أكبر منا حتى كان مانعرفوشي يقوللنا ديروا هذيكا الحاجة نسمعوا الكلام و نديروها. و كنا ما نردوش على الكبار.
توا أغلب "المفرخ" تلقى طوله شبرين و لسانه 3 ميترو ملفوف عليه لفان. و لا يخافو من كبير و لا يسمعوا الكلام و لا حتى يحترموه. تقعد غير تزلبح فيهم تزلبيح باش تخليهم يديروا الحاجة و إن شاء الله يمشي الحال.
أحسن رسوم عندي: مغامرات الفضاء (جريندايزر) و بيبيرو و فلونة و الحوت الأبيض و الغواصة الزرقاء و الجائزة الكبرى و كذلك المسلسل الرائع عدنان و لينا.

مسلسل كرتوني نكرهه: في هلبة منهم سنبل و ختوشا ختوشا و لا شن اسمه هذا

أحسن حاجة في الحلويات اللي قلتهم شكلاطة ورد و بالذات متاع الحليب (البيضاء)

أحسن لعبة فيهم البطش. و حتى الكورة خيرك انسيتها نقعدوا نلعبوا بالساعات.

موضوع صقعععععععععععععععع للمليون :lol:
منورين كلكم و بالذات موندو
و السلام عليكم و رحمة الله و بركاته.

LG-78
01-07-2004, 09:55 PM
السلام عليكم و رحمة الله و بركاته...
في رسوم قدييييييييم و بغبرته نسيت اسمه.
لكن كان الأبطال فيه كان اسمهم نبيل و صالح و نبيل لمل يحصل في مشكلة مع الشرير يقعد ينادي "النجدة النجدة يا صالح" يجيه صالح الشجاع يقوله "نبييييييييييل إنني قادم" هاهاهاها حالة و خلاص. تقريباً اسمه حسون الملعون اللس هو الشرير متاع الرسوم.
و رسوم نقار الخشب.

و هذي حاجة صقع:
يوم الخميس الساعة 8:00 أو 8:30 في قناة ليبيا كانوا يجيبوا في برنامج مش عادي و مرات كانوا يجيبوا فيه يوم الأثنين. عرفتوه؟
برنامج "من العالم" و مرات كانوا يسموا فيه "حول العالم" ماعنديش معاه روح يجيبوا فيه حاجات غريبة.
و رسوم سندباد نسيناها حتى هي.
مسلسل هبوب الريح صحيتوا عليها هادي.
و أصابع الزمن.
و الأمانة.
و مسلسل موسى بن نصير.
و مسلسل طارق بن زياد.
و فهيمة هاهاهاها رجعتولنا ذكريات قدييييمة.
باهي من يذكر في مسلسل "استاذ ممنوع"
و مسلسل ابراهيم افندي اللبناني تذكروا فيه حتى هو؟ "ظريفة يا ظريفة عئلاتك (عقلاتك أو عقلك) شو خفيفة ياللي امك صابون و ابوك ليفة" هاهاهاها
و مسلسل لبناني يمثل فيه ابراهيم افندي نفسه هذا متاع يخدم مدرس في مدرسة محو أمية...؟؟؟
و مسلسل ثاني كنت انحبه متاع "الطبيبة" حتى هو مليح.

أما بالنسبة للأغاني.
أغنية سيري يا مركبنا سيري. تذكروها
و أغنية جيتك لمحمد حسن.
و أغنية عارفتك زين تلعب على الحبلين. عرفت الهوى و الحب منك يابو وجهين.
و أغنية "جبرني الشوق"
"جبرني الشووووووووق جبرني.
يا، أعز الناس. يا، أغلى الناس. أقووولهاااالك بكل احساس. أحبك أحبك"
ماعنديش معاها روح توا قاعد اندور فيها على الأنترنت و مالقيتهاش.

و بالنسبة للأغاني الأجنبية مايكل جاكسون و أغانيه القديمة و أغاني البريك و البوب مارلي و فرقة أببا.
أيامات بغبرتهم.
زيدونا بالله عليكم.
و السلام عليكم و رحمة الله و بركاته.

VirGo
02-07-2004, 07:22 AM
LOoOoOoOoOoOoOoOoOoOL

اول مرة نشوفه الموضوع..:lol::lol:



لم نعرف من القنوات التلفزيونية إلا قناتنا العامرة بكل ما هو شيق .. بالاضافة لقناة تونس (في الصيف فقط) ..
لالالالالالالالا...نسيت المحطة الثانية كل اثنين يجيبوا في حلقات فار وقطوس...;)



.. مسلسل كرتوني إن أعيد بثه فستسر بإعادة مشاهدته.
عدنان ولينة..


.. مسلسل كرتوني كنت تكرهه و تكرهه و تكرهه.
مافيش...



.. ماذا تفضل .. (شكلاطة ورد .. بشكطي التحرر .. يوقا المعمورة).
التلاتة احسن من بعضهم


.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
يستيك

;)

شمس
02-07-2004, 10:05 AM
يا حسرة علي ايامات زمان ... رجعتنالذكريات حلوة عمرها ما تتعوض

ايامات ما كنا ناكلوا في شكلته الورد والحلوة الصوف ... تي امالينا فلسناهم غير من شكلة الورد كنت نحبها هلبي
والا البرامج الي في التلفزيون ما كنش يفوت عليه شيء الرسوم والمسلسلات والبرامج .... في برنامج كان يجيبو فيه في القناة اليبية اسمه عشرة علي عشرة
والرسوم نتفكر روسومات هلبي منهم : لبني السريعة ورعد العملاق والسندباد شن بنعد والا نعد لكن كانت شعبية رعد العملاق هلبي


.. مسلسل كرتوني إن أعيد بثه فستسر بإعادة مشاهدته.
علي ما اظن لبني السريعة او رعد العملاق مش متفكرة بالزبط
..
مسلسل كرتوني كنت تكرهه و تكرهه و تكرهه.
ما اظنش كنت نكره مسلسل كرتوني لان تقريبا كلهم نحضر فيهم
..شكلاطه
ماذا تفضل .. (شكلاطة ورد .. بشكطي التحرر .. يوقا المعمورة).
شكلاطة الورد ... احسن من شكلاطة مارس والا سنيكرس شن جاب لي جاب
..
لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
سبعة رشادات
موضوعك فعلا مميز ورائع جدا جدا .... اشكرك علي الموضوع الفريد من نوعه

;););):good::good:

alexis_zorba
02-07-2004, 11:15 AM
قوية منك عالم المفرخ..لا لا فى ليها بديل تانى اخى موندو وهو (عالم التشر ) :lol:
ههههههههه

ليك ذاكرة وحنين للماضى بشكل رهيب انهنيك عالموضوع الزنمى


مسلسل كرتوني إن أعيد بثه فستسر بإعادة مشاهدته. الحوت الابيض / الاميرة ياقوت / يقضان الفضاء

.. مسلسل كرتوني كنت تكرهه و تكرهه و تكرهه.
لست اذكر فمعظمها مممتعة..لصعوبة وجود بديل اخــــــــــــر ذلك الوقت :rolleyes:

.. ماذا تفضل .. (شكلاطة ورد .. بشكطي التحرر .. يوقا المعمورة).
شمعدان التحرر ( خصوصا لما تفترشه وهو قاعد فنايلوه )


لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك)
واااااااااابيس :cool:

ابدعت فى تفكيرى باللذى مضى

تحياتى وسلامى ليك.
;)

مالك خلف
02-07-2004, 12:56 PM
صارلك التلخبيط يا LG، مسلسل إبراهيم أفندي متع اللي يخدم شرطي مرور، وخدي زوز نساوين وحدة منهم بنت رئيس الكراكون، والأغنية اللي قلتها من مسلسل المعلمة والأستاذ، في الحلقة الأخيرة لما تزوج بوه (أبو برهوم) الناظرة ظريفة ودارلها برهوم وبيرو جو الرعب، متع ظريفة يا بنت ***** أفتحي الجارور .. أفتحي الجارور .. أرقصي أرقصي :lol: :devilsmil وتصحيح الأغنية ..

ظريقة يا ظريفة .. عقلاتك شو خفيفة .. مدام أمك صابونة .. أكيد أبوك ليفة ;).

أيه يا حسرة على أيامات برهوم ولما فيه ورك منشانوه مكسور وجابوله الحكيم البيطري، وقصة أم يوسف، والعركة بين فصله وفصل هند، لما قعدوا يغنولها ..

يا معلمة الصف الثاني .. ضبي الطلاب الفلتانة ..

ومزال فيه الكثير والكثير ;)

نصيحة محدش يرد ع الموضوع لأني شاد روحي بالسيف وشوفوا شن حيسكتني بعدين :devilsmil

LG-78
02-07-2004, 01:51 PM
:eek: شن هذا ياسلفر؟
ماشاء الله عليك قاعد متفكر التفاصيل متاع المسلسل. :D
و صحيت على تصحيح الأغنية :good: أنا كنت عارف إنه كان فيها خطأ لكن ماكنتش عارف الصح شن هو بالظبط.
و منور عليها متاع "يامعلمة الصف الثاني ضُبي الطلاب الفلاتانة." هاهاها :lol:
خلاص في الجديد أنا نتفكر اسم المسلسل بس و أن تسمي الأبطال و باقي الشخصيات و الممثلين و كان تقدر المخرج و الكاتب و تحكيلنا القصة و تفكرنا بالأغاني كان في.:lol: لأن ماشاء الله ذاكرتك في الحاجات هذي ممتازة جداً زي واحد صاحبي.


الرد الأصلي ل SilverBoy
نصيحة محدش يرد ع الموضوع لأني شاد روحي بالسيف وشوفوا شن حيسكتني بعدين:devilsmil
حنا مانبوكش تسكت شكلك أكثر واحد قاعد تتفكر في التفاصيل نبوك تحكيلنا :cool:

مالك خلف
02-07-2004, 02:58 PM
الرسالة الأصلية كتبت بواسطة LG-78
حنا مانبوكش تسكت شكلك أكثر واحد قاعد تتفكر في التفاصيل نبوك تحكيلنا :cool:

ايه يا حسرة يا LG، شن الشيب هذا شوية، فكرتونا بأيام الشباب :p

nasser.uk
02-07-2004, 03:31 PM
الرسالة الأصلية كتبت بواسطة SilverBoy
ايه يا حسرة يا LG، شن الشيب هذا شوية، فكرتونا بأيام الشباب :p اللي يسمعك ياسلفر يقول في الاربعينات من عمرك مش مواليد 29-8-1978

مالك خلف
02-07-2004, 10:18 PM
متفضحناش يا ناصر :devilsmil

Ohiba
02-07-2004, 11:47 PM
السلام عليكم

بارك الله فيك يا خوى على الموضوع هده ومنور هلبه

فكرتنا فى ايامات البرائه كش جيل توة(اخ واااااااااااك)

مشكور يا خوى;)

HankyPanky
03-07-2004, 03:59 AM
أولا إن كنت من أبناء الجيل الجديد .. جيل البوكيمون و البلاي ستيشن
حتى في هذا العمر لا تستهويني ...


أما أنت يا من عشت طفولتك في العصر الذهبي للطفولة ..
تقدر تقول على من المؤسسين ;)


.. تحية لجيلي .. جيل شايب خلاص .. يالله حسن الخاتمة .. جيل تربى على قراندايزر و سنان .. بشار و ساسوكي .. سبانك و السنافر .. النسر الذهبي و ولد حرا .. إن رأيتنا يوما نعود من المدارس المسائية مشيا فاعلم أن المسلسل الكرتوني المعروض ماهو إلا بشار أو توشة كتوشة (كان ما عرفتهاش معناها مش من جيلي) .. و إلا فسيعود راكضا مخافة أن يفوت بطولات ساسوكي .. و مغامرات دايسكي .. جيل كان الأتاري حلما من أحلامه .. كنا نسهر إلى وقت متأخر جدا جدا جدا .. حتى العاشرة مساء .. ثم النوم .. لم نعرف من القنوات التلفزيونية إلا قناتنا العامرة بكل ما هو شيق .. بالاضافة لقناة تونس (في الصيف فقط) ..
جيل ربى نفسه بنفسه..وتعلم بالصخر والمثالي لين دهش .. من يوم يومي النوم عدوي وحبيبي السهور للفجر ..
بالله ما تنساش ميمونة ومسعود .. وحكيم الاقزام :good:...وزيد عليهم (SPECTORMAN ) واللي كنا ننطقوا فيه (سباكتومان) في القناة الليبية التانية(الانجليزية) ..وقنوات ايطاليا (راي اونو) و(دوي) وال(تري) وايطاليا اونو و(التشنكوي) وال(كواترو) والله كنت اني وخوي نروحوا من المدرسة جري باش ما يفوتناش برنامج اكتشاف المواهب اللي تقدم فيه (امبرا) و(فيوريللو) اييييه .. أيام ..يا حصرة..


.. أتذكرون ألعاب جيلنا .. ( البتش .. الزرابيط .. شدني و نشد معاك .. سبعة رشادات ) .. بل (أني من باب العلم بالشيء طبعا) لعبت (النقيزة و باكو ألوان) أيضا .. أتذكرون حلوى "التحرر" .. و منتجات المعمورة ؟ .. أذكر أن أحد جيراني بكى يوما لأن صديقي رماه بقطعة من حلوى التحرر (بل و أرجح أن من يقول بأن الماس هو أصلب المواد .. سيغير رأيه إذا اختبر صلابة حلوى التحرر) .. كنا نذهب للمعرض "مدينة الألعاب" كل عيد .. لا لشيء و لكنها لم تكن تفتح أبوابها إلا في العيد .. لا أدري تماما أكنا نلعب أم نحارب .. أذكر أني أقضي الساعات الطوال لأفوز بجولة أو اثنتين لشدة الزحام .. و لكننا كنا نصارع و نحن في قمة السعادة للحصول على فرصة للركوب في لعبة "سيارات يتقابو" .. لم نعرف من الكلام البذيء إلا ما صار مستساغا هذه الأيام.
ونذكرك بالخميسة..و(علليبرني قطوص يغني) ها ها ها ها .. يعطيك دعوة باهية يا موندو ..هاهاها
خليتني نقول (ليت الاطفال يعودوا يوما ..مش المفرخ :devilsmil:)..كنا ناكلوا في (بشكطي بشار) اللي على قد ما تاكل منه ما يتمش بكل ..أيام الطفولة الغائبة..


.. أتذكرون أفراحنا .. عندما كنا صبية كانت وظيفتنا الأولى في مأدبة الغذاء هي غسل أيادي المعازيم .. كانت مهمة شاقة و مقززة في آن .. خصوصا إذا كانت وجبة الغذاء "بازين" .. قلت .. حتى هذه المتعة حرم منها جيل البوكيمون .. فالآن انتشرت صنابير الغسيل .. و لم يعد للصبية عمل سوى الأكل .. أتذكرون عندما كنا نطوف بيوت الجيران لنوزع الغذاء عليهم .. و لا نسمح لهم بأن يأخذوا "المغطة" .. كنا نطبق الأوامر بحذافيرها.
لا..لا..لا..أني كنت مدلع هلبة ..


.. الدولاب المهني .. المخاد و المنادير فوق نفس الدولاب .. شاهي العالة بالكشكوشة .. بشكطي التحرر (هذا مليح مش زي الحلوى ) .. شكلاطة ورد .. حلوة صوف .. إلخ .. إلخ .. إلخ.
أسعد الايام كان لما (يطيبوا الغريبة) ولا يحلى أكلها الا وهي عجين ..ها ها ها ..كان دويت اني دور شكون يحزها...


.. مسلسل كرتوني إن أعيد بثه فستسر بإعادة مشاهدته.
(ساسوكي) ..بالترجمة القديمة مش الجديدة :confused:


.. مسلسل كرتوني كنت تكرهه و تكرهه و تكرهه.
في ذلك العصر ..لا..لكن الان هناك الكثير...:D


.. ماذا تفضل .. (شكلاطة ورد .. بشكطي التحرر .. يوقا المعمورة).
(الهاينز) ..الموز المخلوط (المعلب في علب صغيرة...;)


.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).
.. تعليق أخير.
(الوابيس)....


صحيت على الموضوع الزمني..ويا ليت الطفولة تعود يوما واحدا فقط..وأعدكم بأن لا أكبر ثانية..;):cool:


سلااااااام ;)

alexis_zorba
03-07-2004, 04:21 AM
علليبرني قطوص يغني
هههههههههههههه

باهى .وطاى طاى طايرين.........اكمل البيت ;)
اى نعم للبنات,لكن ليا فترة ماسمعتهاش...:devilsmil

HankyPanky
03-07-2004, 09:06 AM
تقريبا ..ورني رني يا زهرين... ولا مش عارف شني يقولوا البنتة...هاهاهاهاهاها
لعب محتونات (على قولت حناي- جدتي- ميمة ) هاهاها

زهرة الربيع
03-07-2004, 11:26 PM
والكورة طاحت فى البير طيحها ولد الخنزير
والمكرونة نية يخرب بيت ثريا
والمكرونة صالصة يخرب بيت فرنسا

HankyPanky
04-07-2004, 01:14 AM
والكورة طاحت فى البير طيحها ولد الخنزير
والمكرونة نية يخرب بيت ثريا
والمكرونة صالصة يخرب بيت فرنسا
يا قديمة انتي ;)..ويا كاس..كاس..كاس..
يا حافر تحت الساس..ومبارح جانا خانب..وطلعت له .... وراصها مليان بالق....والس.....هاهاهاها:lol:
ــــــــــــــــــــــــــــــــــــــــــــ

لكن في لعبة تانية هي البوقالا...ترى من يتذكرها...
وكيف كانوا يلعبوا فيها...;)

بالسلامة :cool:

alexis_zorba
04-07-2004, 01:57 AM
يا حافر تحت الساس..ومبارح جانا خانب..وطلعت له .... وراصها مليان بالق....والس.....

هههههههههههه
هانكى بانكى..طلعتله خدوجة وراسها مليان بالقمل والسيبان;)


لكن في لعبة تانية هي البوقالا
زيد وضح بالك نتدكروها

باهى وهادى... طباخ طباخ تاتم بن تاتم..لباس الخـ.................. ;)

سلامات

الشماين
04-07-2004, 12:33 PM
اللى يعرف معنى اسمى معناها واحد هدا واحد قدووووومى (للمليون)
وانتو ياولاد ماتردوش خير اللى يبرد معناها بنيه حاروره :lol:

انستوا بعضكم من خوكم الشماين..ومنورين عالموضوع :devilsmil

زهرة الربيع
04-07-2004, 10:52 PM
طباخ ..طباخ

تاتم بن تاتم
ولباس الخاتم
وسطى بلا غلة
لحاس القصعة
قصاع القملةةةةةةة


البو قالة

* إسمك على فى العلو عالى ياجوهرة فى القلب يانقيشة خلخالى دير روحك طبيب وتعالى شوف حالى ..

HankyPanky
05-07-2004, 12:36 AM
طباخ ..طباخ

تاتم بن تاتم
ولباس الخاتم
وسطى بلا غلة
لحاس القصعة
قصاع القملةةةةةةة
البو قالة
* إسمك على فى العلو عالى ياجوهرة فى القلب يانقيشة خلخالى دير روحك طبيب وتعالى شوف حالى ..
:good::good::good::good::good::good:

ماشاء الله عليك ... والبوقالا ...طريقة لعبها كالاتي:

تجتمع العائلة..وتقوم احدى النساء بأخذ (تسمال) هاهاها..وبحركات لفه التسمال على يديها وهي تردد كلمات اللعبة بعد أن تلقي اسم المراد معرفة بختها..وبعد الانتهاء من الطقوس تخبرها عن ما لها من خير قادم اليها..(ناس نية) :lol::lol::lol:

هيا بالسلامة ;)

HankyPanky
05-07-2004, 12:39 AM
بنيه حاروره
ها ها ها ها ها ها ...

مش عاديييييييييييييييية هادي يا زمني... هاهاها :lol::lol::lol:

زهرة الربيع
05-07-2004, 01:36 AM
سيدى سيدى أمتى إنلاقيك فى نهار سعيد نبى محبتك تنقص كل يوم تزيد:lol:

HankyPanky
05-07-2004, 06:05 AM
:eek::eek::eek: Excuse me

ARTOR
05-07-2004, 03:51 PM
It seems that
THE GAME OVER

HankyPanky
06-07-2004, 12:39 AM
NoT YeT aRtOr:devilsmil

جيب السبع ما يخلاش..:cool::cool::cool:

طقيت علي باب الجنان طقة على طقة..طلعلي سيد الرجال بوفرملة زرقة..قالي ياللتي خيرك محترقة..تطيب القلوب وترجع بعد الفرقة..;););)

بالسلامة :D

يزن _ الشبح
06-07-2004, 05:26 PM
شكرآ على الموضوع

LG-78
07-07-2004, 02:13 AM
السلام عليكم و رحمة الله و بركاته...
خوذولكم هذوا:
1- نحن صغار... تن تن تن. و نولوا كبار تن تن تن. و نحموا بلدنا من الغدار، نحن صغار تن تن تن و نولوا كبار تن تن تن نحن صغار.

2- هات الشنطة تعال وريني ايش خذيت اليوم ياحسين عارفك شاطر و تهنيني ديما مذاكر درسك زين...

3- ناجحين و فرحانين و شكراً لك ياياسين...

4- أمنيتي نقود الطيارة.... نحمي بيها جو بلادي... و عالعدوان نرد الغارة... نصون الأرض أنا و ندادي... نصون الأرض أنا و ندادي....

5- سأشتري رصاصة و بأي ثمن...

:lol: :lol: :lol: :lol: :lol:
انتظروا المزيد
و السلام عليكم و رحمة الله و بركاته.

alexis_zorba
07-07-2004, 02:26 AM
1- نحن صغار... تن تن تن. و نولوا كبار تن تن تن. و نحموا بلدنا من الغدار، نحن صغار تن تن تن و نولوا كبار تن تن تن نحن صغار.
لووووووووول :lol::lol:
صحيت يا زمنى..

باهى شد عندك هادى امالا....


منتصب القامة امشى مرفوع الهامة امشى..فى كفى قطفة زيتونِ وعلى كتفى نعشى..وانا امشى
وانا امشى وانا وانا وانا امشى :lol:


بالسلامة
;)

مالك خلف
07-07-2004, 01:16 PM
ارجعوا للصفحات الأولى تلقوه هذا كله مكتوب :lol:

ماعدش تعاودوا الدوة :devilsmil

الصخرة
08-07-2004, 03:12 AM
منووووووووووووووووووووووورررررررررررررررررر هلبا هلبا لكن فى واحد ناقله ومش عاطيك حقوق الطبع

:p:p:p

LG-78
08-04-2005, 12:06 AM
السلام عليكم و رحمة الله و بركاته...


صف أول / سالم وحليمة
صف ثاني / بدات الدرسة العطلة أنتهت .

-----------------------------------------
صغار الصبح يبوا الذبح ... صغار عشية يبوا طاسة كاكوية .

وهاذي عاد لما أروحوا يوم الخميس من المدرسة .

مرواحه غدوه راحه
بسلامة مقعدي غدوه مانبيش انجي

بالصدفة قريت الموضوع. و شفت الرد هذا لقيت أني قاعد نتفكر فيه الدرس هذا و حافظه لتوا. :lol:

بدأت الدراسة، العطلة انتهت، الدراسة بدأت في المدرسة.
وقف التلاميذ في صفوف كثيرة. أنا وقفت مع تلاميذ الصف الثاني.
قال المعلم للتلاميذ: كل عام و أنتم بخير.
و قال التلاميذ للمعلم: كل عام و أنت بخير.

:lol:
فعلاً أقتنعنا أن العلم في الصغر كالنقش على الحجر. أغلب دروس زمان قاعدين حافظينها لعند اليوم.

و السلام عليكم و رحمة الله و بركاته.

LG-78
08-04-2005, 12:09 AM
السلام عليكم و رحمة الله و بركاته...

و بالمرة نكملوا باقي القصيدة. مع أنها جديدة نسبياً.


بسم الله الرحمن الرحيم...


اصبح الصبح فلا السجن ولا السجان باقي واذا الفجر
جناحان يرفان عليك واذا الحزن الذي كحل ...
بعدين نسيتها..
فرحة نابعة من كل قلب يابلادي من كل قلب يابلادي وكل قلب ياااااااااااابلاااااااااااااادي.....

كان.....

ماكانش في شعار اصلا...


والسلام عليكم ورحمة الله تعالى وبركاته....

أصبح الصبح فلا السجن و لا السجان باقٍ
و إذا الفجر جناحانٍ يرفان عليك، و إذا الحزن الذي كحل هاتيك المآقي، و الذي شد وثاق لوثاقي، و الذي بعثرنا في كل وادي.
فرحة نابعة من كل قلب (*حزين) يابلادي.


* كلمة حزين غير موجودة في الأغنية و لكن موجودة في الأبيات الأصلية.


الله يمسيك بالخير ياموندو... مالقيت مااتدير حتى أنت....


و السلام عليكم و رحمة الله و بركاته.

abdo2010
08-04-2005, 02:51 AM
السلام عليكم:

الموضوع راد عليه او زى اللى حادفين الرد...
على المهم ال جى فكرنا فيه
..
شادها وريث ..كورة .او المصلة




بمناسبة ال86، شن ذكرياتكم مع الغارة؟؟؟؟

مواليد 86 ..اسوا مواليد واكثرهم فى البلاد ..
حطهم جاء ما شاء الله فى القر اية التخصوصية هما اول واحدين اطبقت عليهم.. :cry:
جت فى عروقهم..




وشكرا

AL PACINO
08-04-2005, 06:14 PM
اللللللللللللللللللللللللللللللله يا ولاد خطرتوا علينا الذكريات . جت عالدى ....اغنية just close your eyesوانى نقرى فى هالموضوع.
والله نين عيونى دمّعن ....يا حسرة على ايامات زمان .
ايامات بسيط وسريعة ......والفار والقطوس اللى بعد الفطور فى رمضان .....راهوا معاش منسكت ...
منور ياخوي موندو جبتها فى مكانها

NaWrAs BeNt LiByA
08-04-2005, 10:28 PM
:devil: :cry:

انت ما تتكلمش على جيل التمانينات صح ؟
ماهو حتى احني لحقنا على شوية براءة حتى احني لحقنا على بسيط ولبنة السريعة وغابة الاماني والنمر المقنع وقرانديزر ورعد العملاق وسبانك و سنان وفلونا ... وهلبة رسومات

وحتى اني لعبنا سبعة رشادات :)
ولعبنا بلاي ستييشن :p ولعبنا نسوينات :p
وكلينا شكلاطة الورد وحلوة الشكار متع زمان بس متع التحرير هادي مش عارفة واكلينها ولالا الحق :p


بعدين انت تقول بلايستيشن حتى الي من جيلكم السبعينات يعني بلعبو بيه ...

مسلسل كرتوني إن أعيد بثه فستسر بإعادة مشاهدته.

مغامرات بسيط لاني نحبها هلبة :waw:


.. مسلسل كرتوني كنت تكرهه و تكرهه و تكرهه.

قرانديزر


:
.. ماذا تفضل .. (شكلاطة ورد .. بشكطي التحرر .. يوقا المعمورة).


شكلاطة ورد :D



إقتباس:
لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك)


نحب اربعة ...
من هادو نقيزة ويستيك وصيادين سمك وسبعة رشادات



:)

اني مش عارفة اني من اما وحدين الي تتكلم عليهم بس اني نقول انو احني جيلنا هو بين جيلكم وجيل الجديد



شكرا



تحياتي



نورس

المهندس أشرف
08-04-2005, 11:16 PM
نبي نعرف وين كنت لم حطوا الموضوع أهو .....

نهار أحرف يا ناس الراجل اللي أسمه موندو تقول كان معاي في شارعنا القديم :confused:



قصدي مش عارف فيه يقضان الفضاء ...حتى هيا سمتي حركة قوية قبل :p .

hammid1979
08-04-2005, 11:34 PM
قصدي مش عارف فيه يقضان الفضاء ...حتى هيا سمتي حركة قوية قبل :p .[/QUOTE]
السلام عليكم ورحمة الله وبركاته
فيكم حد متفكر مخمخ ومشمش
ولا الجازة الكبره
ولا ببيرو والنسر الدهبي
وكانا على الحلوة
زمان فيه الحلوة الى فى حكة الحديد الى عليها الحصان بالكروسة
ولا الشمعدان الغريب المزيت متاع التحرير القديم
ولا حليب الزهرات حى عليكم حى
وكانكم على اللعب
كورة الشخاشير زمان والسبع حكك متاع الحليب
ولا النقيزة ولا النقوز من على الحبل شمس قمر
حى عليكم حى رديتونى ليام نجرى فى الشارع حفيان
وشكارة البطش فى ايدى ليبره ياولد
وحى على الخرمه متاع النشابا والجو القوى
واااااااك ياريت الطفولة تعود يوما كان هدا نكسر مراش سيارة جارنا الحاج على مرة تانيه ونعرف وين نلبد مش يحصل على زى المرة الاوله
الله يسمحكم وخلاص خطرتو على الجو متاع الخت فت
ســــــــــــــلامات[/SIZE][/CENTER]

hammid1979
08-04-2005, 11:35 PM
قصدي مش عارف فيه يقضان الفضاء ...حتى هيا سمتي حركة قوية قبل
السلام عليكم ورحمة الله وبركاته
فيكم حد متفكر مخمخ ومشمش
ولا الجازة الكبره
ولا ببيرو والنسر الدهبي
وكانا على الحلوة
زمان فيه الحلوة الى فى حكة الحديد الى عليها الحصان بالكروسة
ولا الشمعدان الغريب المزيت متاع التحرير القديم
ولا حليب الزهرات حى عليكم حى
وكانكم على اللعب
كورة الشخاشير زمان والسبع حكك متاع الحليب
ولا النقيزة ولا النقوز من على الحبل شمس قمر
حى عليكم حى رديتونى ليام نجرى فى الشارع حفيان
وشكارة البطش فى ايدى ليبره ياولد
وحى على الخرمه متاع النشابا والجو القوى
واااااااك ياريت الطفولة تعود يوما كان هدا نكسر مراش سيارة جارنا الحاج على مرة تانيه ونعرف وين نلبد مش يحصل على زى المرة الاوله
الله يسمحكم وخلاص خطرتو على الجو متاع الخت فت
ســــــــــــــلامات

LG-78
09-04-2005, 12:59 AM
السلام عليكم و رحمة الله و بركاته...

ريتوا الموضوع مازال سوقه ماشي. ماشاء الله. أنا قلت نرده و نشوف شن يصير.

هذي عمايل موندو الله يرحمه و يرحمنا و يمسيه بالخير.

و قبل لاتردوا ياأخوان شوفوا الردود اللي قبلكم لأنه في حاجات تقولوا فيها موجودة في ردود سابقة. زي ماكان صايرلي أنا. :|

و بالنسبة ليك يانورس أنتوا جيلكم جيل الفضائيات. عندكم أكثر من قناة متخصصة للأطفال. حنا في أيامات عزنا كان عندنا قناة وحدة و خيار واحد. و هي ليبيا. و كان في ليبيا الثانية أو ليبيا الأنجليزية. فيها رسومات جيدة حتى هي. و في الصيف و في الأيامات اللي الجو فيها صافي و 100% تطلع تونس و إيطاليا.
لكن أيامات القراية ليبيا بسسسسسسس. و كان في مئتمرات معناها مافيش رسوم. أسبوع أو اثنين بدون رسوم.
لكن حنا جيلنا صقع عليكم و (مش للضي). :p

و السلام عليكم و رحمة الله و بركاته.

موندو
09-04-2005, 03:38 AM
ولعبنا نسوينات.. نعرف قبل يقولولها "خويلات" .. و يبدوا يمثلوا في مسلسل .. وحدة ام و واحد خال و واحد مش عارف شنو .. لاعبها زمان حتى هيا :cool:




واااااااك ياريت الطفولة تعود يوما كان هدا نكسر مراش سيارة جارنا الحاج على مرة تانيه ونعرف وين نلبد مش يحصل على زى المرة الاوله
:eek: .. :lol: :lol: .. هذه عجبتني !



.. منورين كل الشبيبة و الشبيبات .. اللي مروا .. :D

مالك خلف
09-04-2005, 10:20 AM
ايوه ايوه .. شن يا شباب فيها تشميرة درعان ورجعة للموضوع ولا كيف؟؟؟

شن قال الموندو؟

فلفول
09-04-2005, 12:23 PM
ياااااااااه.فكرتونا باحاى ايامنا والله
ايام ايام نروحو نتجارو من المدرسة و نلوحو الشنطة على طول ايدينا و نطلعو للشارع .
ايام نصنعو في سيارة تكايا تيدروكي بحكاك زيت السيارات,و ايام الكروسة و ايام الكشنيتني.
و ايام الفليتشات و النشابات و مسدسات المية
ايام تبعتنا امي نجيبو الخبزة نقولولها القينا الكوشة مسكرة و نمشو نشرو بالفلوس حلوة لحاسة كانت على شكل عصفور و شجرة .
و ايام يعطونا المدرسات و اجب عطلة نص السنة و كانو يشرطو علينا نتبو كل درس تلاتة مرات و نروح نتنو ركابنا نكتبوه الواجب من اول يوم باش نفضو في العطلة للعب.
و ايام ندور في الشوارع نلقطو في عكاشي الدخان و ندخنوهم في حوش جيرانا لي كيف يبنو فيه
و نكبشو في سيارات العكاري منتالي و ايام وين نلقو كدس كزة نمشوله و نحفر فيه بيدينا
والله قريب نبكي على الايام هدي

LG-78
09-04-2005, 05:09 PM
السلام عليكم و رحمة الله و بركاته...


ياااااااااه.فكرتونا باحاى ايامنا والله
ايام ايام نروحو نتجارو من المدرسة و نلوحو الشنطة على طول ايدينا و نطلعو للشارع .
ايام نصنعو في سيارة تكايا تيدروكي بحكاك زيت السيارات,و ايام الكروسة و ايام الكشنيتني.
و ايام الفليتشات و النشابات و مسدسات المية
ايام تبعتنا امي نجيبو الخبزة نقولولها القينا الكوشة مسكرة و نمشو نشرو بالفلوس حلوة لحاسة كانت على شكل عصفور و شجرة .
و ايام يعطونا المدرسات و اجب عطلة نص السنة و كانو يشرطو علينا نتبو كل درس تلاتة مرات و نروح نتنو ركابنا نكتبوه الواجب من اول يوم باش نفضو في العطلة للعب.
و ايام ندور في الشوارع نلقطو في عكاشي الدخان و ندخنوهم في حوش جيرانا لي كيف يبنو فيه
و نكبشو في سيارات العكاري منتالي و ايام وين نلقو كدس كزة نمشوله و نحفر فيه بيدينا
والله قريب نبكي على الايام هدي


و لا يهمك يافلفول فضفض فضفض....
:)
لكن آخر لقطة متاع عكاشي الدخان :confused: من الشارع يافلفول :rolleyes:

أنا أيامات الطفولة لما ندير عملة أنا و خوي اللي أصغر مني بسنة و نص يمشي يجري خوي لأمي يقوللها "ماما راهو حنا مادرناش هكي و هكي" و يسميلها كل شيء درناه :| . قعدت بعدين بعد كل عملة لازم انديرله غسيل مخ. لين تعلم كيف يسكت. :lol:

و السلام عليكم و رحمة الله و بركاته.

novembr-rain
09-04-2005, 06:04 PM
السلام عليكم:

تعرف كلمتين خفيفتين تحيه كبيره مني (يا موندو) رديت فيا الروح كنت نحسابه حلم لكن ما اعتقدش لان الشباب ماشاء الله كلهم زي مشتاقين للايام الخوالي ايام كنا مفرخ :p قصدي اطفال :eek: :D

المهندس أشرف
11-04-2005, 01:11 AM
هي ليبيا. و كان في ليبيا الثانية أو ليبيا الأنجليزية. فيها رسومات جيدة حتى هي. و في الصيف و في الأيامات اللي الجو فيها صافي و 100% تطلع تونس و إيطاليا.


آآآآآخ لو تتكلم الإنتينا ..بس أيطاليا قعدت تشكي منا قبل يا إل دجي ...صار حتى أنت طلعت جماعة الطليان في الصيف :| .


يا خوي الليبين ....أضرب في 2 وقسم على 2 ...كلنا نفس الشئ . :devilsmil

مع الإختلاف في فترات ووأقات المشاهدة :devilsmil .


وبالمناسبة والله مافيه لعبة مدكورة في الموضوع إلا ولعبتها ...ختى لعبة الخويلات .,..باالله إلا كلهم يا والله نهار سعيد وخلاص :confused: ...شباب وين السكنة بالله :cool: .

**الدودة نت**
11-04-2005, 01:15 AM
عالم الطفولة .. و عالم المفرخ.

انا رديت عل الموضوع اكتر من مرة لكن ما كحلتنش على العنوان مزبوط الا توا

من الاخير توا عالم مفرخ وكمشة مفرخ و ام اخت بنت عم المفرخ و اللي ما ايوليش ( مفرخ ) يا كلوه المفرخ

ويا يا ولا عليك وقت مفرخ وخلاص ,,

معليش شباب جايتني شباشب مفرخ Ing

abdalkrem hamed
11-04-2005, 06:36 PM
.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.



شكلاتة وارد




.. مسلسل كرتوني إن أعيد بثه فستسر بإعادة مشاهدته.


سندباد _ عدنان ولينا _ رعد العملاق


لعبتك المضلة ؟

زرابيط

freestar
11-04-2005, 07:09 PM
ايوه ايوه .. شن يا شباب فيها تشميرة درعان ورجعة للموضوع ولا كيف؟؟؟

شن قال الموندو؟

السلفر يبي يطلع الغبرة الي عندة احترسو
الملك يبي يتحرك :devilsmil

طفلة الحشرة 5
11-04-2005, 09:31 PM
نبي نقولك حاجة نسيت ليبيا2


ديما كانوا يجيبوا فيها رسومات مليحة


بعد المغرب بشوية

زي فاندر كاتس

موندو
12-04-2005, 02:16 PM
ايوه ايوه .. شن يا شباب فيها تشميرة درعان ورجعة للموضوع ولا كيف؟؟؟

شن قال الموندو؟.. و انت مازال عندك ما تشمر ؟!! .. تي انا فلست من ثالث صفحة و قعدت متفرج بس .. مازال فيها بعد بنت الميداح ؟! http://www.alhandasa.net/forum/images/icons/icon10.gif


.. عالعموم مستوى المنافسة ما يشجعش يا سلفر .. الجماعة يعاودوا راهوا (يبرة حماس). http://www.alhandasa.net/forum/images/icons/icon7.gif

210
12-04-2005, 08:54 PM
شكرا اخى موندو على هدا الموضوع والله دكرتنا بايام الطفوله
والسلام عليكم

Man Of Death
12-04-2005, 09:46 PM
واااااااااااااااااااااااااااااااااااك
اقسم بالله يامندو قوى والقوة الا بالله

شنو ياخوى تعرف رديتني 23 عام التالي


مقدمك

وعلى فكرة ماعندي مانظيف الشباب كفو مشاء الله وكان تفكرت حاجة توا انولي

منورين
يامفرخ












زمان

عاشق المطر
13-04-2005, 03:39 PM
الله يبارك فيك ياخوي الميندو ...... فكرتنا بأيام العز
أيام قرندايزر و تكايا تودوروكي و سبكتو مان في الأذاعة الثانية :)
أيام لا في لا شكلاطة ولا حلوة من غير الشمعدان اللي يبي مرتيلا بيش تكسره و حلوة التحرر اللي ما دوبش لين اطيبللك لسانك و حلوة الحليب عديمة الذوبان :D
و البلاد كانت من قبل المغرب معاش تلقى فيها حد تاكلك فيها الغولة و لا محلات و لا ملاهي و في الشتي ما فيش الا قناة ليبيا و رسوم وحدة وبس وكان في مؤتمرات انسى لبعد شهر لين يتموا لكن احني نغيروا عل الاذاعة الثانية بعدين الجماعة ورقولنا :devil: و نقلوا المؤتمرات حتى في الاداعة الثانية :mad: ......
ياحسرة على هذيك الايام

ابو الكرشة
14-04-2005, 01:29 AM
السلام عليكم
مع انه معندنا مانزيدو لكن نرجعو شوية الدكرلايات
انا مازلت نتفكر في الامير ياقوت اميرقلعة الذهب و امير قلعة الفضة اللي يحب الاميرة ياقوت اللي هيا رابطة شعرها و مدايرة روحها الامير ياقوت باش اتدافع على القلعة متعها

نسيتو السنتب{عصير في علب مربعة كان فيه منه برتقال لون العلبة اخضر و العنب لون علبته وفي ويخي مرات ماتلقاش المصاصة لاصقة عالباكو و بعد مانشربوه ننفخو الباكو و نطربقوه و كانا نشوفو في الرقم لعل الباكو و انا كنت ديمة نلقى في رقم 8

فلفول
14-04-2005, 02:10 AM
السلام عليكم

مع انه معندنا مانزيدو لكن نرجعو شوية الدكرايات
انا مازلت نتفكر في الامير ياقوت اميرقلعة الذهب و امير قلعة الفضة اللي يحب الاميرة ياقوتة اللي هيا رابطة شعرها و مدايرة روحها الامير ياقوت باش اتدافع على القلعة متعها

نسيتو السنتب{عصير في علب مربعة كان فيه منه برتقال لون العلبة اخضر و العنب لون علبته موفي ويخي مرات ماتلقاش المصاصة لاصقة عالباكو و بعد مانشربوه ننفخو الباكو و نطربقوه و كنا نشوفو في الرقم لعل الباكو و انا كنت ديمة نلقى في رقم 8

وشباشب الصبع متع البنات لونه مخضب ,وشناطي اللي مكتوب عليها الفاتح, وسراويل ربع جني اللي مخططات بالعرض و مافيش حد منكم مالبسهمش...و المسترو متع البنات...و فنيليات المرسوم على ظهرها راس حصان..فكرتوني كان عندي زبون لونه برتقالي لبست معاه سبيدرو ومشيت بيه المدرسة و ضحكو عليا كلهم.

و الالعاب البطة البلستك اللي نخششو فيها للبانيو معانا في الحمام..و جندي البلاستك الاخضر و مسدسات مية و مسدسات الطابة..و صورات الحج.و البجعة و الزرافة متع الزواية ..و العداد اللي بدل ما نقرو بيه نكسروه و نلعبو بيه بطش...و الطرطوري البلاستك الاصفر...


مسلسل مياسة و ميساء التوامة مسلسل لبناني وحدة شريرة و حدة طيبة.. واااااااااااااااااااااااااااك كم كنت نكره مسلسل حرب السنوات الاربع..و مسلسل دكان الدنيا لفيه مونى واصف خطفت ولد جيانا عيد...و المسلسل التونسي ام تراكي ناس ملاح

و كرسات الفاتح ابدا,,ومواضيع الرسم اللي هيا اول موضوع اختياري..تاني موضوع بداية العام الدراسي الجديد و بعدها جني البرتقال و فصل الربيع..

انا كنت نخاف من انجنجو اللي في توم سوير..و نخاف من كعكي اللي في افتح ياسمسم و الضفضع كامل.
تتفكرو في هذي
لو قلت واحد...اقول بم
لو قلت اثنبن ..اقول بم بم
لو قلت ثلاتة...اقول بم بم بم
و اللي فاضي يكمل
ومن كان يقول فيها؟

و رسوم كلوروفيلا والله اكره رسوم عرفتها

باهي من يذكر مسلسل المد و الجزر لبناني,و مسلسل القاهرة و الناس مصري.
ومنو يذكر في دخان اطلس

و البنات يلعبو في النقيزة و يقولو ارانجي ليبيرا لاموني منداريللا... السيدة نعيمة طاحت في الكو جينة و اللي مازال يذكر فيها يكمل باقيها
و 10
20
30
40
50
60
70
80
90
100
اهي جتنا البلدية و غطتنا بالبطانية حيه علينا محبوسين قزقيزة غلب اسماعيل و السادات خنب قرشين و .............طلع سكين

1 2 3 جدي بشنباته...ياكل في المكرونة...وهكي كبر عيونه....و مقعمز في الدكان...ياكل في العصبان...و العصبان ني...فيه الدود الحي..و يدربك بالدربوكة و ينادي يا مبروكة ..مبروكة فسط الدار ..تتسنط في الاخبار و كملو باقيها

و كنا نغمسو في بشكتي التحرير في الشاهي و الخبزة حتى هيا نغسوها في الشاهي...و نديرو في الاسكيمو بروحنا...

و زمان البنت اللي معندهاش قفطان ماكسي معناها اتعرفش تلبس...و العفريتا ياما لبسناها حنا الاولاد... انتم تكلمتو عالقنبالي نسيتو القنباليات الملونات...

خلووووود يا خلووود قتلوك ياخلووود
و عمي حبيقة جي جي..يبي فلوسه و الكرى.......... على خير يامجاااااارة

كان تفكرت تاني تو نكمل....

Kawther
15-04-2005, 02:14 AM
نسيت:
صبحكم بالخير يا عمال العمالية
مسيكم بالخير يا عمال العمالية
هاتو عطونا بنتكم الحلوة و(مش مذكرة)
والله مانعطوها الا بالف ومية
نهجم على دياركم ونكسر( مش عارفة شنى)
وهادي هي عروستنا
............ويجبدو بنت من الفريق التاني وكل وحدة تبدا تستنى في دورها وتغمز لصاحباتها باش ياخدوها هي زعميتا عروستهم :D

وخيركم نسيتو المنااااااهل: ابو الحروف ....اقوى من الشدة واطول من المدة..احد من السين واهدا من السكون واسرع من لمح العين انه الرجل الطائر انه الرجل العجيب انه ابو الحروف
وزيد وعمرو...كنت نحب حتى فلونة و هايتي..والا سالي ياما بكتني هي وسوار العسل نين كرهتهم


والا هذاك البرنامج العراقي متاع مدينة النحو نسيت اسمه كنت نكرهه في الدم: في اغنية البداية متاعه بنية تغني:
هيا ارسمني رسما حلوا حلوا مثلي(وبعد ما يرسمها) تبكي وتقول: هذا شكلي هذا شكلي مممممممممم :cry: :cry: :cry:

عموما اني مش من الشيابين والعزايز لكن تقدر تعتبرني من اللي طفولتهم كانت بين 89 الى 96 بعدها وليت فرخة :devilsmil :devilsmil يعني بصراحة تبعت مدرسة الكونغ فو وبعدها المحقق كونان وبعدين البوكيمون وتوة يوغي يو :cool: والفروخية مستمرة معايا للان

موضوع شيق جدا وحبيت نشارك فيه رغم اني فر_طفلة!!!

Kawther
15-04-2005, 02:27 AM
مواليد 86حطهم جاء ما شاء الله فى القر اية التخصوصية هما اول واحدين اطبقت عليهم..
ظلمتهم لان اول من طبقوا فيهم النظام هذا هم مواليد 84 يعني مواليدي وكانت اجباري على اللي طالعين من الاعدادي ممتاز وجيد جدا

ياريت تفكروني باغنية كانت تجي ديما في ليبيا نهار الجمعة في الضحى ماندكرش شن كانت كلماتها لكن كان يغني فيها راجل في المسرح طول ماهو يغني مبتسم عالاخير وكان بقول في الاغنية كلمة ( كوثـــــر) هذا علاش كنت نحبها ونستنى فيها كل جمعة(نحسابه يغني عليا) :lol:
من من الشيابين يتفكرها تره؟؟؟؟انا للان منعرفش على شن كانت الاغنية اصلا كنت صغيرة بكل

مالك خلف
15-04-2005, 03:28 PM
رسمي يا موندو مفيش منافسة، الشباب يلطعوا في ذكرياتهم متع أواخر الثمانينات وبدايات التسعينات التسعينات، نستنى في واحد قديم ينزل للساحة :devilsmil

bint_alhandasa
21-04-2005, 12:03 PM
أول شي: شكرا علي موضوعك الرائع :good:
و تاني شي و قبل ما ننسى : تفضلت و قلت إن حلوة التحرر أصلب من الماس علي أساس الماس أصلب المواد
و نبي نقولك شنو جاب الماس لموضوع الصلابة ؟ :rolleyes:
و المعلومة الصح : إن الـــــــــمـــــــــــــاس أصـــــــلـــــــــــد الــــمــــــــواد مش أصلب المواد
و فرق كبيـــــــــــــــــر ما بين الصلابة و الصلادة
و خلينا توا نرجعو لموضوعنا الأهم

بالله يا خوي موندو تعرف لين معاش عرفت شنو بنكتب
طفولتنا كانت يا محلاها و مابيخ طفولة صغار الأيام هادي
هدا لو كان ما زال فيه صغار، حقا فكرتني هما وينهم الصغار ؟؟؟؟؟؟؟
و بالنسبة للأسئلة الإجبارية
مسلسل كرتوني إن أعيد بثه فستسر بإعادة مشاهدته؟
سبــــــــــانك
مسلسل كرتوني كنت تكرهه و تكرهه و تكرهه؟
سندباد و اللي مكرهني فيه الشيباني اللي في واحد من الحلقات علق علي ظهر سندباد و ما باش ينزل من عليه
ماذا تفضل .. (شكلاطة ورد .. بشكطي التحرر .. يوقا المعمورة)
يوقا المعمورة

لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك )
بالنسبة للبتش و الزرابيط مش لينا حني البنات
و شدني و نشد معاك أحلى لعبة و بعدها صيادين سمك
و سبعة رشادت ما عمري خديت فرصتي فيها يعني ما زال عندي نية نلعبها
و النقيزة واليستيك هادي دوري البنات


.. تعليق أخير
شنو بنقول يا حسرة علي ايامات كنا فتاريش ما نعرفوا شي من الدنيا و تلخبيطها
كان كل همنا:
لما بيطلعو إمالينا كيف بنعنكشوا فيهم باش يطلعونا معاهم مع العلم إن ما كانش لينا في جو التلخبيط
نعرفو نقولوا كلمتنا بالعربية يعني من الأخير نيتنا بيـــــــــــــــــــضــا
ولا كان جونا ضيوف و معاهم صغارهم كيف بنورو ندادنا فن اللعب الحقاني، و غبارة كان روحوا و مخليينا مغلوبين و ما نرتاحوش لين نردوا الغلبة هدا لو جت فرصة و تلاقينا معاهم تاني بعد حوالي سنة هدا على أقل تقدير
و في الأخير نقوللكم دمتم في حفظ الله و رعايته
bintcom

نبيل علي محمد
21-04-2005, 12:28 PM
منور على الموضو ع ومشكو ر خوي موندو

the_one
21-04-2005, 01:59 PM
ماشاء الله عليك وعلى الموضوع الجميل.
والله انى دهشت وانى نقرا فى ردود الاعضاء وردونا الى الايام الحلوة
الاداعة التانية ابتاع الافلام ايمات الافلام كانت فيهم بنة
ويم الخميس فيلم الرعب نقعدو نستنو فيه

ماجدة
23-04-2005, 02:28 PM
شكرا أخي علي الموضوع التحفة :good: والله رجعتنا إلي أيام العز والبراءة والي ما نعرفوا شي في هذا الدنيا .........

بالنسبة لنا إحنا البنات أولا : ( الرسوم المتحركة) : :good:
في ليبيا وكنت بنهبل عليهم كانوا يجيبوا في قصص عالمية مرات يوم الجمعة أو في الأعياد وخاصة :

علاء الدين , وعلي بابا , والبجعات (11) والي يجبوه فيه في العيد الصغيرة أنسيت اسمه كانوا كل عام يجيبوا فيه
وهو قصة فتاة تاتي إلي قرية جديدة فيحل عليها الدمار وتغزوها الجرذان ان شاء ذكرتموه ..

(وحورية البحر ), ومتاع الفصول الأربعة الي تبعتها مرة بوها باش تجيب الزنبق الربيعي فتلقاا شهور السنة يحققون لها أمنيتها ,,,,,,,,,,, اييييه,,,,,,, يحسرة معاش لقيتهم حتى الفضائيات معاش تبت فيهم معا ذا ايمات العراق كانت القناة العراقية تجيب فيهم مرة بعد قدا ش .

(والحوت الأبيض) .( وبسمة وعبدو )( وبيرو وارض الالدرادو )... وطمطم ( طمطم انا ) .
وفلونة وها يدي كنت الجبنة الي دير فيها علي النار تهبل وتجي في خاطرنا ولا كيف ترقد علي القش الله احلي نومة ( علي اساس ما ينخصش ) .
وعدنان ولينا .... وساسوكي ...وسبانك وأغانيهم قداش نحبهم .....وسندي بل وسندباد وليدي وزهرة الجبل ,
الغواصة الزرقاء ,,,,,رغيف وسنبل وجازوراء و قريندايزر وكاتولي واحلي مسلسل متاع صغار وتمثل فيه أخت الرائعة فيروز (هدي ) والي يحكي عن أطفال مشاغبين جتهم ابله يحبوها في الاخير وعندهم اغنية (

(رجعت الصيفية ورجعت أيام اللعب وخلصنا من الوقت الصعب والفحص والمديرة ) ,,,كنت نحبه هلبة وتمني ابلتنا تكون زييها .......
والمناهل و ( مدينة الابواب ) أغنيتها ( باب باب باب مدينة الابواب مدينة الغرائب مدينة الابواب ) ......
والأمير ياقوت ....وكان يا مكان الي تروي فيه الجدة القصص لاحفادها .....

ومازال ,,,,,,,
بالنسبة للقصص ( كانت مجلة سامر ومجلة ماجد ناخد فيها كل يوم اربعاء من بحدا المدرسة ومجلة امل ....
وبعدين الإلغاز تختخ وغيره انسيت اسمه .....وبعدين لحقنا علي رويات رجل المستحيل ورجل المستقبل متاع نبيل فاروق .....واجاثا كريستي علي فكرة قاعدة نقرا فيهم لي توا .....

وكانت القناة الليبية تفتح الساعة 6 وكان هوا هذاك وقت التلفزيون وفي الصيف كان مسلسل الساعة 8.5 وكان المسلسلات الأردنية تغزو الشاشة الليبية وخاصة في رمضان متع مبروك واشهر جملة ( هو أي طريق بيوذي علي فين ) كانو يجيبوه فيه بعد المغرب ومحلا ايامات رمضان زمان كنا تتفرجوا علي فوازير شر يهان ونيلي في تونس يامات رمضان في الصيف وبعدين نمشي للمدينة القديمة ايمات لا كرنتيا ولا ذات العماد منصوبات قدام المدينة كنا نقعمزو علي السور مع العويلة وتتفرجوا علي البحر وناكلوا حلوة الصوف ,,,

الألعاب ؛ علي ليبرة ( شدني وشد معاك ) ... وفتح حية يا وردة ( صياد السمك ) ولستيك , والكارطة والنقيزة
وشطرنج )ولودو (والبتش مع خوتي نلعب فيه ..... ولعبة الفرجار ....(.وياحرقوقش يا مرقوقش جاك الذيب ينقش ينقش لا حزار ولا مزار تبي حنة ولا زعفران ) ونبدو نقرصو في يدين بعض ....
ولعبة النقط ناخدو ورقة الحساب ونقعدوا نقطوا فيها للي يكمل الاول .... وجماد حيوان ........

ايه يحصرة قعدت نعصر في دماغي باش كتبت هال كلمات .....
وكانت في الصيف فيه ايطاليا ( راي اونوا وراي دوي ) كانو يجيبوا في رسوم متحركة حلوة ونبدأ غير نشبح في دعايات الالعاب وخاصة باربي قلبت الدنيا عليها بالعياط والعفار ومعاش بديت نقرا لين زلبحوني بوحدة شكلها مش هيا ...... ولعبة بين وبون ..
والباتني ....... سالي وزهرة الجبل وليدي ولحن الحياة كلها تفرجنا عليها في ايطاليا وباتمان ,,,,,,,,,,,,,,

وكانو يجيبوا في افلام كانوا العائلة ما يخلوناش نتفرجوا عليهم في الليل ......

ويوم الجمعة تونس تجيب في فيلم مصري الضهرية ,,,,,,

ليت الطفولة تعود يوما مش زي صغار توا ما تعرف حتي كيف تزلبحهم هما الي يزلبحوك .................... :p :p :eek:

freestar
23-04-2005, 10:07 PM
ماشاء الله عليك ياماجدة وماشاء الله علي ذاكرتك ماعقبتي شي
شكلك دفعة قديمة زينا ;)

{بالنسبة للقصص ( كانت مجلة سامر ومجلة ماجد ناخد فيها كل يوم اربعاء من بحدا المدرسة ومجلة امل ....
وبعدين الإلغاز تختخ وغيره انسيت اسمه .....وبعدين لحقنا علي رويات رجل المستحيل ورجل المستقبل متاع نبيل فاروق .....واجاثا كريستي علي فكرة قاعدة نقرا فيهم لي توا .....}

الله الله ليا زمان عليهن مجلة ماجد وسامر ورجل المستحيل وعقاب الشلة متاع نبيل فاروق وفي اخري مجلة صغيرة طلعت معاهن في وقتها الي هيا فلاش كانك تذكريها والا قريتها اقوي شخصية فيها المواطن المطحون والبحار الغبي ههههههههههه
الله يذكرك بالايام الحلوة ويمسيك بالخير

سلامات

الحشره الجد
23-04-2005, 10:41 PM
بعض الأسئلة لتنشيط الذاكرة .. و نفض الغبار عنها .. (الإجابة اختيارية
.. ما هي الأكلة المفضلة للسنافر
هلبهلكن اهمها الزعرور السنفرى ..
و ما هو اسم الشريرة في المسلسل الكرتوني السنافر.
شردوخه و شرشبيل وشعره من ديل هرهور
.. ما هو اسم الشكلاطة الشهيرة التي دأبت أمهاتنا على تناقلها بين البيوت في زياراتهم.
هادى ماعندناش منها لان امى ديمه متعاركه معاهم قبل
.. ما اسم الفيل الطيب في مسلسل توشة كتوشة .. و ما الذي كان يريد فعله قبل ظهور توشا كتوشة .. و هل تمكن من ذلك ؟
الفيل اسمه فانتك ويبى ياكل الورده باش يكبر ( و الفكرونه اش لا تقاطعنى )
.. عندما يعاد الصحن لأهل الفرح .. (هي عادة ليبية أن يقوم أهل الفرح بتوزيع الأكل على الجيران) .. لا يعاد الصحن فارغا .. فماذا يوضع به في الغالب ؟ .. و ما هي الكمية ؟
حاره دحى(والحاره اربع دحيات)
.. أغنية تتكرر في صباح الخير أول جماهيرية كللللللل جمعة .. تسبب صداعا في الرأس .. يقول أحد مقاطعها .. (يا منسيني الحرمااااان .. يا نبع الحنان .. ) .. أكمل منها مقطعا آخر.
اهى قاعده اللى توا افتح ليبيا يوم الجمعه الصبح تلقاها


أسئلة اجبارية
.. مسلسل كرتوني إن أعيد بثه فستسر بإعادة مشاهدته.
جازورا وسندباد والشناكل
.. مسلسل كرتوني كنت تكرهه و تكرهه و تكرهه.
انها خمسة قروشى
.. ماذا تفضل .. (شكلاطة ورد .. بشكطي التحرر .. يوقا المعمورة).
التلاته والله ماعندك فيهم ما تقول
.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك)
زرابيط والله ماعندى معاهم الروح حتى منايميلى امدايره زربوط.
.. تعليق أخير.
اللى قاهرتنى الزرابيط معاش يلعبو بيهم توا بي بليد
باهى سؤال ليك انت اما ريسوم هادى متع اللى ايقولو فيها(يويو بلل فراشه)
ومنور والله الا رديتنى شورك 20سنه فلتو ونحس فى روحى عطلت وبوى يستنا فيا
اقوى المسلسلا ت حبيقه غشه عليك
دمتم بخير .. الحشره الجد

الحشره الجد
23-04-2005, 10:44 PM
منور موضوع صقع خصاره مالحقتش من الاول كنت مشغول قبل

night_shadow
24-09-2005, 02:13 PM
منور بالهلبه يا موندو موضوع مش عادي بكل خش بيه لتحدي الأقلام وأنت الأول و ما تحكش فيها ودنك

ويزي نت
24-09-2005, 03:05 PM
برافوووووووووو موضوع ممتع ورائع

.. مسلسل كرتوني إن أعيد بثه فستسر بإعادة مشاهدته.

اكيد عدنان ولينا وطمطم

.. مسلسل كرتوني كنت تكرهه و تكرهه و تكرهه.

كلهم حلويين
.. ماذا تفضل .. (شكلاطة ورد .. بشكطي التحرر .. يوقا المعمورة).

وردة العريضة
.. لعبتك المضلة .. (بتش .. زرابيط .. شدني و نشد معاك .. صيادين سمك .. سبعة رشادات .. نقيزة .. يستيك .. غير ذلك).

بتش وزرابيط
في امان الله

النار
24-09-2005, 07:43 PM
السلام عليكم

مع انه معندنا مانزيدو لكن نرجعو شوية الدكرايات
انا مازلت نتفكر في الامير ياقوت اميرقلعة الذهب و امير قلعة الفضة اللي يحب الاميرة ياقوتة اللي هيا رابطة شعرها و مدايرة روحها الامير ياقوت باش اتدافع على القلعة متعها

نسيتو السنتب{عصير في علب مربعة كان فيه منه برتقال لون العلبة اخضر و العنب لون علبته موفي ويخي مرات ماتلقاش المصاصة لاصقة عالباكو و بعد مانشربوه ننفخو الباكو و نطربقوه و كنا نشوفو في الرقم لعل الباكو و انا كنت ديمة نلقى في رقم 8

وشباشب الصبع متع البنات لونه مخضب ,وشناطي اللي مكتوب عليها الفاتح, وسراويل ربع جني اللي مخططات بالعرض و مافيش حد منكم مالبسهمش...و المسترو متع البنات...و فنيليات المرسوم على ظهرها راس حصان..فكرتوني كان عندي زبون لونه برتقالي لبست معاه سبيدرو ومشيت بيه المدرسة و ضحكو عليا كلهم.

و الالعاب البطة البلستك اللي نخششو فيها للبانيو معانا في الحمام..و جندي البلاستك الاخضر و مسدسات مية و مسدسات الطابة..و صورات الحج.و البجعة و الزرافة متع الزواية ..و العداد اللي بدل ما نقرو بيه نكسروه و نلعبو بيه بطش...و الطرطوري البلاستك الاصفر...


مسلسل مياسة و ميساء التوامة مسلسل لبناني وحدة شريرة و حدة طيبة.. واااااااااااااااااااااااااااك كم كنت نكره مسلسل حرب السنوات الاربع..و مسلسل دكان الدنيا لفيه مونى واصف خطفت ولد جيانا عيد...و المسلسل التونسي ام تراكي ناس ملاح

و كرسات الفاتح ابدا,,ومواضيع الرسم اللي هيا اول موضوع اختياري..تاني موضوع بداية العام الدراسي الجديد و بعدها جني البرتقال و فصل الربيع..

انا كنت نخاف من انجنجو اللي في توم سوير..و نخاف من كعكي اللي في افتح ياسمسم و الضفضع كامل.
تتفكرو في هذي
لو قلت واحد...اقول بم
لو قلت اثنبن ..اقول بم بم
لو قلت ثلاتة...اقول بم بم بم
و اللي فاضي يكمل
ومن كان يقول فيها؟

و رسوم كلوروفيلا والله اكره رسوم عرفتها

باهي من يذكر مسلسل المد و الجزر لبناني,و مسلسل القاهرة و الناس مصري.
ومنو يذكر في دخان اطلس

و البنات يلعبو في النقيزة و يقولو ارانجي ليبيرا لاموني منداريللا... السيدة نعيمة طاحت في الكو جينة و اللي مازال يذكر فيها يكمل باقيها
و 10
20
30
40
50
60
70
80
90
100
اهي جتنا البلدية و غطتنا بالبطانية حيه علينا محبوسين قزقيزة غلب اسماعيل و السادات خنب قرشين و .............طلع سكين

1 2 3 جدي بشنباته...ياكل في المكرونة...وهكي كبر عيونه....و مقعمز في الدكان...ياكل في العصبان...و العصبان ني...فيه الدود الحي..و يدربك بالدربوكة و ينادي يا مبروكة ..مبروكة فسط الدار ..تتسنط في الاخبار و كملو باقيها

و كنا نغمسو في بشكتي التحرير في الشاهي و الخبزة حتى هيا نغسوها في الشاهي...و نديرو في الاسكيمو بروحنا...

و زمان البنت اللي معندهاش قفطان ماكسي معناها اتعرفش تلبس...و العفريتا ياما لبسناها حنا الاولاد... انتم تكلمتو عالقنبالي نسيتو القنباليات الملونات...

خلووووود يا خلووود قتلوك ياخلووود
و عمي حبيقة جي جي..يبي فلوسه و الكرى.......... على خير يامجاااااارة

كان تفكرت تاني تو نكمل....


فلفول منين جايب الكلام هدا قول الحق ما مشيتش جبت ابو الكرشة من الحوش وقعدت تزن على راسه باش يتفكرلك حاجة وندكر لما درهتلى كبدى وانت تقولى سجل معاهم

على فكرة من يطلع ابو الكرشة هدا


لو نخش معاكم ناكدلكم ما فيش حد يتحدانى
اكتر واحد كنت مخروم تلفزيون و رسوم ومسلسلات

المتنقل
24-09-2005, 08:08 PM
شن اموركم ياولاد
بالله خبروني بالحق افضل رسوم شنو

sunnyday
25-09-2005, 01:07 AM
السلام عليكم
أول مشاركة ليا قررت انها تكون علي موضوع رائع زي هدا
المهم خليني نرد علي شوية أسئلة قبلا ما الذاكرة تريح مرة واحدة:
المسلسل اللي نبيه يتعاود هو : أولا...تاكيا تادوروكي (تفكرتوه و الا تبوا تطلعوني قديمة هلبة)
ثانيا....طمطم (ما ليشي اى علاقة بالطماطم)
تالتا....فلوووووووووونة (معبودة الجماهير)
رابعا....زينة و نحول ( معلمة سلمى أريد أن أرى العالم الخارجي)
الباين نبي spacetoon
الرسوم الي ما فهمتاش و خفت منه هو.....ميمونة و مسعود (كان فيه جبال علي هيئة ناس و يقعدوا يتكلموا)
بالنسبةلليوقة و الشكلاطة ..في الحقيقة كنت نفضلا بشكوطي بشار و منتهى الفلاحة لما تحاول تقسمه طوليا لنصفين مثساويين باستخدام أسنانك الامامية فقط( نيمه خود الشكل البيضاوي لآنه أسهل حاجة)
و الالعاب كلهم باهيات لكن نفضل سبعة رشادات
وشكرا على الموضوع الحلو