المساعد الشخصي الرقمي

مشاهدة النسخة كاملة : *()~ هـدرزة رمـضـانـيـة ~()*



الصفحات : [1] 2 3 4

ليبي متغرب
19-09-2005, 02:18 PM
السلام عليكم و روحمة الله و بركاته..
كيف نبي نحط هوا في العام كيف ما وصت أم محمد ** الشيماء **
لأن الجماعة غادي ناشطة أكتر من أي مكان تاني..
لقيت عمو السلفر http://www.alhandasa.net/forum/images/icons/icon10.gif بارك الله فيه فتح منتدى جديد هو لمة رمضان 2005...
و الموضوع هو ببساطة...هادي مربوعة مفتوحة ليكم...نهدرزو على رمضان و جو رمضان...
كل واحد شنو يدير في رمضان كل يوم.. وشنو صار و شنو توقعاتك للأيام الرمضانية الجاية..
و حتى خوتنا المغتربين معانا إن شاء الله يحكونا على رمضان في الغربة كيف أمورهم معاه...
هادا هو الموضوع ببساطة...
هدرزة رمضانية.....

غزالة
19-09-2005, 03:25 PM
السلام عليكم

موضوع حلو أخوي ليبي متغرب

إصبر لما يجي رمضان ،، بنقولك إيش يصير معانا :lol:

SteelBoy
19-09-2005, 03:58 PM
فكرة جيدة وموضوع سيلاقي نجاح


لقيت عمو السلفر بارك الله فيه فتح منتدى جديد هو لمة رمضان 2005

في الواقع القسم هدا قديم ولكن يفتتح في شهر رمضان من كل عام ثم يغلق وينقل مكانه كأرشيف الى أسفل ترتيب الاقسام

صلاح سويسي
19-09-2005, 05:32 PM
أن شاء الله موفقين ...يارب

عمرو دياب
19-09-2005, 05:36 PM
رمضان جاااااااااااااااااااانا وفرحنا أهو ...بعد غيابوووو ...أهلا رمضان ....رمضان جاااااااااااااااااااااااانا


قصشن

المهووس
20-09-2005, 01:24 AM
رمضان جاااااااااااااااااااانا وفرحنا أهو ...بعد غيابوووو ...أهلا رمضان ....رمضان جاااااااااااااااااااااااانا


قصشن

اهلا رمضان ....... رمضان جاااانا اهلالالا رمضان .......



حتى خوتنا المغتربين معانا إن شاء الله يحكونا على رمضان في الغربة كيف أمورهم معاه...


قصدك انت مش متغرب


نراكم ...................

ليبي متغرب
20-09-2005, 05:53 PM
السلام عليكم

موضوع حلو أخوي ليبي متغرب

إصبر لما يجي رمضان ،، بنقولك إيش يصير معانا :lol:


بارك الله فيك يا غزالة
الحلو متأصل فيكم أهل الإمارات
نبدو حتى قبل رمضان مش مشكلة...
المهم نبدوا ;)

ليبي متغرب
20-09-2005, 05:57 PM
فكرة جيدة وموضوع سيلاقي نجاح



في الواقع القسم هدا قديم ولكن يفتتح في شهر رمضان من كل عام ثم يغلق وينقل مكانه كأرشيف الى أسفل ترتيب الاقسام


إن شاء الله يلاقي نجاح خوي ليموني http://www.alhandasa.net/forum/images/icons/icon10.gif
بارك الله فيك على التوضيح :good:

ليبي متغرب
20-09-2005, 06:10 PM
أن شاء الله موفقين ...يارب


تي وينك يا صلوحة بالله هكي اديرها غيبة و معادش تبين؟؟؟
التوفيق يجي بالتفاعل مع الموضوع يا ولد سويسي ;)

ليبي متغرب
20-09-2005, 06:59 PM
رمضان جاااااااااااااااااااانا وفرحنا أهو ...بعد غيابوووو ...أهلا رمضان ....رمضان جاااااااااااااااااااااااانا


قصشن


أهلا عمرووو
نورتنا
يا عبد الطلب دياب :devilsmil

نراجو في رمضانياتك

ليبي متغرب
20-09-2005, 07:05 PM
اهلا رمضان ....... رمضان جاااانا اهلالالا رمضان .......





قصدك انت مش متغرب


نراكم ...................

:confused:

:q: :q: :q:

المتنقل
20-09-2005, 08:35 PM
حيا وقرب برمضان
والله فرحانين بقدومه

hakem
20-09-2005, 10:11 PM
يا جماعه كل واحد المفروض يرقى فوق الحوش و يطيح الطبق !!!!!

عندكم علم ادا شفتم أى شىء غير شرعى أو غير مباح فى الدين فان الصيام يكون مشكوك ؟؟؟؟؟؟؟؟

و الجماعه ملهلقه تستنى غر آمتا ايجى الرمضان
هاداكا ساهر للمسلسل و التانى ساهر لفيم فى( تو) و برا عاد معاش تحـــــــــــــــــــــــــــــــــــــــز !!!!!!!

**joker**
21-09-2005, 01:40 PM
ديما عيد وديما عيد فرحه فرحه ولبس جديد




كخخخخخخخخخخخخخخخخخخخ

toptoto
22-09-2005, 11:57 AM
ان شاء الله رمضان هذا نقدروا نستفيدوا من خيراته وافضاله اكثر من اللي سبقه وان شاء الله ربي يهدينا ومانديروش حاجة تخلي صيامنا مشكوك فيه.
سلام

Dr.Malek
22-09-2005, 02:03 PM
السلام عليكم

إيه جي وقت رمضان كل واحد يوتي روحه .....

وكل عام وأنتم بألف خير ..

سوبرانو
22-09-2005, 02:31 PM
إيه جي وقت رمضان كل واحد يوتي روحه .....

خاش على بزنس بوريك منو يخش معاي؟

.

ليبي متغرب
23-09-2005, 09:42 AM
حيا وقرب برمضان
والله فرحانين بقدومه


ومنو مش فرحان
شهر ليس كباقي الشهور :good:

ليبي متغرب
23-09-2005, 09:46 AM
يا جماعه كل واحد المفروض يرقى فوق الحوش و يطيح الطبق !!!!!

عندكم علم ادا شفتم أى شىء غير شرعى أو غير مباح فى الدين فان الصيام يكون مشكوك ؟؟؟؟؟؟؟؟

و الجماعه ملهلقه تستنى غر آمتا ايجى الرمضان
هاداكا ساهر للمسلسل و التانى ساهر لفيم فى( تو) و برا عاد معاش تحـــــــــــــــــــــــــــــــــــــــز !!!!!!!


مش ضروري الستالايت زي النت
تقدر تتحكم فيه يا تمشي يا يمين يا يسار

هو شَـهَــيِّـر واحد كان الواحد ما يقدرش يشد روحه فيهم معناها على الدنيا السلام...
و بعدين اللي ميت على المسلسلات توا يعادودوهم بعد رمضان.. :devilsmil

ليبي متغرب
23-09-2005, 09:47 AM
ان شاء الله رمضان هذا نقدروا نستفيدوا من خيراته وافضاله اكثر من اللي سبقه وان شاء الله ربي يهدينا ومانديروش حاجة تخلي صيامنا مشكوك فيه.
سلام


إن شاء الله ربي يقدم اللي فيه الخير .. رمضان إلى رمضان كفارة لما بينهما :good:

ليبي متغرب
23-09-2005, 09:49 AM
السلام عليكم

إيه جي وقت رمضان كل واحد يوتي روحه .....

وكل عام وأنتم بألف خير ..


و كل سنة و إنت طيب

التجهيز لهذا الشهر يكون بشد الهمم.. :good:

hakem
23-09-2005, 06:53 PM
مش ضروري الستالايت زي النت
تقدر تتحكم فيه يا تمشي يا يمين يا يسار

هو شَـهَــيِّـر واحد كان الواحد ما يقدرش يشد روحه فيهم معناها على الدنيا السلام...
و بعدين اللي ميت على المسلسلات توا يعادودوهم بعد رمضان.. :devilsmil
لا يا خوى الليبي كان ريت أغنيه أو دعايه على مسلسل جديد تقدر تغير؟؟؟؟؟
بشرفك تقدر؟؟؟؟؟

خلاص !!!!!

ماهو الباب اللى ايجيك منه الريح سده و استريح!!!!!!!!

و بعدين المسلسل لازم تشوفه و هوا جديد كيف نازل مش لن يقدم و الغبره تنزلا عليــــــــــــــــــــه

ليبي متغرب
24-09-2005, 09:23 AM
لا يا خوى الليبي كان ريت أغنيه أو دعايه على مسلسل جديد تقدر تغير؟؟؟؟؟
بشرفك تقدر؟؟؟؟؟

خلاص !!!!!

ماهو الباب اللى ايجيك منه الريح سده و استريح!!!!!!!!

و بعدين المسلسل لازم تشوفه و هوا جديد كيف نازل مش لن يقدم و الغبره تنزلا عليــــــــــــــــــــه


صدقني نقدر
و ندير فيها فعلا و مش دوة بس
و رمضان السنة بنخلليه للهندسة نت و المسجد و بس ;)
و المسلسلات يجو بعدين هو شهر ما نقدروش نصبرو عليه :good:

franco
24-09-2005, 09:28 AM
ان شاء الله الف مبرووك عليكم قدووم الشهر الكريم وجماعتنا اللي في الغربه ربي يصبركم وتمشي الامور وماشاء الله خوتك الليبيين تلقاهم نفس الجو في ليبيا قروبات وكارطه وسهر وقرايه ..يعني ما فيش فرق بكل ممكن الفرق بعاد عن العائله وجو البلاد لا اكثر ولا اقل



سلام خوكم فرانكو

ليبي متغرب
24-09-2005, 09:33 AM
ان شاء الله الف مبرووك عليكم قدووم الشهر الكريم وجماعتنا اللي في الغربه ربي يصبركم وتمشي الامور وماشاء الله خوتك الليبيين تلقاهم نفس الجو في ليبيا قروبات وكارطه وسهر وقرايه ..يعني ما فيش فرق بكل ممكن الفرق بعاد عن العائله وجو البلاد لا اكثر ولا اقل



سلام خوكم فرانكو


تي وينهم جيبهم نلعبو حتى خربقة
غر جيبهم بس
و هو شوية البعد عن البلد و الأهل
:(

زهرة الجبل الاخضر
24-09-2005, 05:06 PM
سلام عليكم

انشاله كل عام والجميع بخير بحلول شهر رمضان

نشكرك اخى اليبى المغترب

اختكم

زهرة الجبل الاخضر

The darkest night
24-09-2005, 05:17 PM
السلام عليكم ورحمة الله وبركاته ..

ارجوكم خوتي في الهندسة .. انتم ناس واعيين .. ما تضيعوا شهر رمضان في السهر والكارطه ..
وشدوا ارواحكم اشوية .. والي فيها كيف ما يجيش للكلية يقعد خير ,,
لان البناويت مش حيرحموكم ..

وانتم يا بناويت اتقوا الله .. كيف ترضى البنت تطلع شبه عريانة .. وهي مكرمة في ديننا الاسلمي الحنيف افضل التكريم .. واعلى شأنها .. بان جعلها لؤلؤة لا يستطيع رؤيتها الا شخص واحد .. فلمادا لبس الملابس الضيقة ؟؟ ارجوكم ارحمونا يرحمكم الله ..

والسلام عليكم

ليبي متغرب
24-09-2005, 06:06 PM
سلام عليكم

انشاله كل عام والجميع بخير بحلول شهر رمضان

نشكرك اخى اليبى المغترب

اختكم

زهرة الجبل الاخضر


كل سنة و إنت طيبة يا حنـــة
شنو ما صارش منو الإسم الأول :lol:

ليبي كاتبتها غلط شوفي إنت كيف كاتبتيها
اليبى
و هي هكي تنكتب ** ليبي ** ول حبيتي تضيفي ألف لام التعريف تنكتب ** الليبي **
بعدين معرفي ** ليبي مــ((تــــ)) ـــغرب....التاء قبل الغين يا ناس يا عالم يا هوووووو :lol:

البحبوح
24-09-2005, 10:41 PM
يستر الله رمضان هدا الواحد بيداوم في سوق الخضرة يوميا وربي يستر

Man Of Death
24-09-2005, 10:52 PM
كل عام وانتو بالف خير خوتي


وتوا يبدا رمضان ويبدا الدق وربي يستر


رمضااااااااااااااااااااان كرررررررررررررررررريم


148.174

ليبي متغرب
25-09-2005, 01:27 AM
يستر الله رمضان هدا الواحد بيداوم في سوق الخضرة يوميا وربي يستر


إحكيلنا على المواقف اليومية اللي بتصير معاك في السوق ;)

ليبي متغرب
25-09-2005, 01:29 AM
كل عام وانتو بالف خير خوتي


وتوا يبدا رمضان ويبدا الدق وربي يستر


رمضااااااااااااااااااااان كرررررررررررررررررريم


148.174


ربي يعاونك خوي المان لكن المفروض برنامج العمرة تم
عندنا هني تم خلاص حتى التأشيرات متاع العمرة معادش يعطو فيها
توا بدي برنامج السفر بس ....
سلملي على سلطان :lol:

folla1985
30-09-2005, 06:40 AM
السلام عليكم و روحمة الله و بركاته..
كيف نبي نحط هوا في العام كيف ما وصت أم محمد ** الشيماء **
لأن الجماعة غادي ناشطة أكتر من أي مكان تاني..
لقيت عمو السلفر http://www.alhandasa.net/forum/images/icons/icon10.gif بارك الله فيه فتح منتدى جديد هو لمة رمضان 2005...
و الموضوع هو ببساطة...هادي مربوعة مفتوحة ليكم...نهدرزو على رمضان و جو رمضان...
كل واحد شنو يدير في رمضان كل يوم.. وشنو صار و شنو توقعاتك للأيام الرمضانية الجاية..
و حتى خوتنا المغتربين معانا إن شاء الله يحكونا على رمضان في الغربة كيف أمورهم معاه...
هادا هو الموضوع ببساطة...
هدرزة رمضانية.....

السلام عليكم يا متغرب ، حاضر من عيونا الزوز نعطوك تقرير مفصل عن كل يوم في رمضان لكن زعمة مربوعتك هذه يخشولها البناويت ;)

ليبي متغرب
01-10-2005, 09:56 PM
السلام عليكم يا متغرب ، حاضر من عيونا الزوز نعطوك تقرير مفصل عن كل يوم في رمضان لكن زعمة مربوعتك هذه يخشولها البناويت ;)


أكيد مفتوحة للجميع
أصلا هكي ينص قانون الأحوال الشخصية الليبي إن ما فيش فرق بين الإثنين..
مربوعة مفتوحة للجميع :)

petsampras
02-10-2005, 09:19 AM
السلام عليكم

يا خوى متغرب فكرتك مش عاديه و الله روعة و الواحد على الاقل يهدرز على يومياته و شن صارله
و ان شاء الله انكونوا فى الموعد مع بداية رمضان ستنوا بس
و كل سنه و انتم طيبين

omar25
02-10-2005, 10:27 AM
كل عام وانتم بخير
رمضان كريم

الشيماء
03-10-2005, 12:38 AM
http://www.asmilies.com/smiliespic/islamic-s/rmdhanvb1.gif


اللهم يا ذا الجلال والاكرام بلغنا رمضان وتقبل منا صلاتنا وصيامنا واغفر لنا واعفوا عنا

اللهم قونا فيه على إقامة أمرك وأذقنا فيه حلاوة ذكرك وأحفظنا فيه بحفظك،،،،
اللهم إرزقنا فيه رحمة الأيتام وإطعام الطعام وإفشاء السلام وصحبة الكرام اللهم لا تحرمنا قبول حسناته وأفتح لنا فيه أبواب الجنان ووفقنا فيه لتلاوة القرآن،،،،
اللهم إرزقنا فضل ليلة القدر ويسر إمورنا من العسر الى اليسر ....

ليبي متغرب
03-10-2005, 04:51 AM
السلام عليكم

يا خوى متغرب فكرتك مش عاديه و الله روعة و الواحد على الاقل يهدرز على يومياته و شن صارله
و ان شاء الله انكونوا فى الموعد مع بداية رمضان ستنوا بس
و كل سنه و انتم طيبين


و عليكم السلام ورحمة الله و بركاته
تي إنت اللي مش عادي :devilsmil

و هادا هو المطلوب إثباته ;) .... يعني هدرزة رمضانية 200%..
و يلا وتو روحكم أنا قاعد في يوم الأحد توا .. و إنتو خشيتو في يوم الإثنين... :confused:

رمضان ما زال عليه يوم واحد فقط :good:

ليبي متغرب
03-10-2005, 04:52 AM
كل عام وانتم بخير
رمضان كريم


كل سنةو إنت طيب... إن شاء الله بالخير و البركة :good:

ليبي متغرب
03-10-2005, 04:55 AM
http://www.asmilies.com/smiliespic/islamic-s/rmdhanvb1.gif


اللهم يا ذا الجلال والاكرام بلغنا رمضان وتقبل منا صلاتنا وصيامنا واغفر لنا واعفوا عنا

اللهم قونا فيه على إقامة أمرك وأذقنا فيه حلاوة ذكرك وأحفظنا فيه بحفظك،،،،
اللهم إرزقنا فيه رحمة الأيتام وإطعام الطعام وإفشاء السلام وصحبة الكرام اللهم لا تحرمنا قبول حسناته وأفتح لنا فيه أبواب الجنان ووفقنا فيه لتلاوة القرآن،،،،
اللهم إرزقنا فضل ليلة القدر ويسر إمورنا من العسر الى اليسر ....



آآآمــــين يا أم محمد
بارك الله فيك و حفظك لأبنائك و حفظهم الله لك
و ما تنسيناش في كفتاية و لا مبطناية مرة مرة :devilsmil

نستنو في هدرزتك

Tornado_ly
05-10-2005, 05:26 AM
خير يا ولد عمي رمضان مبارك عليك وشنوا حالك إنشاء الله لاباس

oat
05-10-2005, 05:45 AM
اني اول نهار في رمضان امشي كله نوم تقريبا
ماهو امروح الصبح من العمل حدها نضت صليت وبعدين قريت جزئين قران
وبعد ماأذن المغرب وليت للعمل
اه نسيت الفطور شربة ليبية وبوريك وبيتسا وفاصوليا

Tornado_ly
05-10-2005, 07:09 AM
صحتيين ومعاش ترقد هذا كلة من السهور
لكن فطور مقوّم والله صحيحتين عليك

petsampras
05-10-2005, 09:11 AM
السلام عليكم
طبعا اول يوم رمضان زي كل مرة الواحد يصلي و يخش للمطبخ طبعا احنى الانسات و بعدين فى الفطور ما يقدرش ياكل هلبا و يتعب و تبدى الحكايه مخلطه عليه يا عينه يتفرج و الا يطلع و الا يرقد المهم ربح التفريج على التلفزيون و الطلوع و النوم لاحقين عليهم و الفطور عبارة عن شربة طبعا لازم و بوريك و بيتزا ضروري و فاصوليا و امبطن و ضولمه و اكيد ما تنسوش السلايط و اليوم ما فيشي شي غريب صار او حدث مضحك و السلام

oat
06-10-2005, 12:57 AM
اليوم التاني زي اليوم الاول بالظبط مع فارق بسيط

بدل الفاصوليا . امدايرين اكلة مشعارف اسمها ( زي الشاورما )

لكن المشكلة لما اتفرجت علي( مكتب مفتوح) جاني امساك ومعاش فيه شي يبي ينهضم

انشوفوكم غدوة

ليبي متغرب
07-10-2005, 09:06 AM
خير يا ولد عمي رمضان مبارك عليك وشنوا حالك إنشاء الله لاباس



أهلين يا ولد خالتي :lol:
مبروك عليك رمضان حتى إنت :devilsmil
الحمد لله حالي مليح المهم شنو حالك إنت ؟؟

لكن ما قلتليش إنت منو :eek:

ليبي متغرب
07-10-2005, 09:08 AM
اني اول نهار في رمضان امشي كله نوم تقريبا
ماهو امروح الصبح من العمل حدها نضت صليت وبعدين قريت جزئين قران
وبعد ماأذن المغرب وليت للعمل
اه نسيت الفطور شربة ليبية وبوريك وبيتسا وفاصوليا


لا حول و لا قوة إلا بالله توا رمضان للنوم بالله عليك.. و الصلوات شنو درت فيهم.. ولا كلهم دايركت مع بعضهم..
تي بالله يا خوي كان ما نشطناش في رمضان أمتى بننشطو مالا :q:

و صحة شريبتك ;)

ليبي متغرب
07-10-2005, 09:10 AM
السلام عليكم
طبعا اول يوم رمضان زي كل مرة الواحد يصلي و يخش للمطبخ طبعا احنى الانسات و بعدين فى الفطور ما يقدرش ياكل هلبا و يتعب و تبدى الحكايه مخلطه عليه يا عينه يتفرج و الا يطلع و الا يرقد المهم ربح التفريج على التلفزيون و الطلوع و النوم لاحقين عليهم و الفطور عبارة عن شربة طبعا لازم و بوريك و بيتزا ضروري و فاصوليا و امبطن و ضولمه و اكيد ما تنسوش السلايط و اليوم ما فيشي شي غريب صار او حدث مضحك و السلام


بالله أبعتيلنا بوركية...ما فيش ولا واحد حن علينا و بعتلنا بوريك
وااااااااااااااااااااااااااااك نبي بوريك :cry:
سعدودك حسني حاسدك... امبطن و ضولمة يميم .....
زيد هدرزي خودي راحتك

ليبي متغرب
07-10-2005, 09:12 AM
اليوم التاني زي اليوم الاول بالظبط مع فارق بسيط

بدل الفاصوليا . امدايرين اكلة مشعارف اسمها ( زي الشاورما )

لكن المشكلة لما اتفرجت علي( مكتب مفتوح) جاني امساك ومعاش فيه شي يبي ينهضم

انشوفوكم غدوة


ما سألتش قلت شنو إسمها هالأكلة و لا تاكل طول من غير ما تسأل :lol:

انا باهي مكتب مفتوح يجي العشرة الصبح يعني مسدودة من ربي ما تحتاجش شنو يسدها :devilsmil

ليبي متغرب
07-10-2005, 09:20 AM
بالنسبة لي انا بنبدا نجكي من الليلة اللي قبل رمضان بالزبط..
آديكا الليلة من بعد صلاة المغرب بالزبط ...قعدت في المسجد ... و بديت شادها تليفونات على المساجد في الولايات التانية للتحقق من رؤية الهلال...
حصلت أربعة مساجد شافو الهلال اتنين في فينيكس و واحد في كولورادو و واحد في آريزونا
بعد ما تأكدنا من رؤية الهلال..
بديت تقول سنترال.. التليفونات نازلة ترف على المسجد أكتر من 60 مكالمة..
شيخ المسجد قلق قاللي ليبي متغرب قعمز إنت بحدا التليفون و رد...
شدينا السنترال و بدينا نردو... التراويح اليوم الساعة 8:15 إإإييه غدوة رمضان....
أكتر من ستين مكالمة و نفس الكلام..
بعدها صلينا التراويح و المسجد تعبى تقول صلاة جمعة......
و بعجين شديناها لقني في المسجد لين وصلت الساعة 10:30 و بعدين مشينا لــلآلفا آلفا و هو مطعم كويس للبيتزا اللي يخدمو فيه مسلمين... تعشينا غادي.. بعدين كل واحد روح للحوش...
روحت مدقدق من الماكلة تقول كنت نحارب...
صليت ركعتين قبل النوم و قريت شوية قرآن و هاتك يا فراشي و نــــــــــوم على طول....

ليبي متغرب
07-10-2005, 09:37 AM
نجو توا لأول يوم رمضان...
أول يوم رمضان نضت قبل الفجر بساعة.. صليت ما قدر الله لي أن أصلي ..
بعدين قريت قرآن....و مشيت لصلاة الفجر...
و دهشت لما رأيت في المسجد... تسجل في تاريخ مسجد الطلبة بستاكتون..أول مرة يوصل عدد الصفوف في الفجر لثلاثة صفوف ... وهذه من علامات بركة الشهر و تصفيد الشياطين ....
صلينا الفجر...بعدين أذكار الصباح و المساء ...
ولما طلعت الشمس صلينا ركعتين السنة... و قعمزنا حلقة... نهدرزو ونتناقشو في بعض الفتاوى الخاصة بهذا الشهر....
وصلت الساعة 9 الصبح... روحت الحوش... و قعدت نحاول نتصل بالعويلة...
المهم أخيرا شد الرقم...
ردت على وخيتي..... هنيتم بالشهر بعدين جت الغالية اللي هي أمي...
قريب قعدت نبكي... شديت روحي في الأخير...ديما لما نكلم أمي نرجع أداكا الوليد الصغير اللي ما ليشي إلا أمه....المهم قلتلها شنو مدايرين فطوركم.. قالتلي زي العادة أول يوم رمضان و المواسم...
رشتة.. و طبعا الشربة و البوريك أساسي كل يوم... و بعض المرفقات الأخرى من سلايط و مبطن و لا كفتة...بعدين و أنا نكلم فيها سمعت المغرب يأذن...لأن حوشنا لاصق في المسجد ....قلتلها خلاص بري حللي فطرك توا ... و ربي إن شاء الله يهون على هادا الشهر....
سكرت التليفون و كأني به أغلق أنفاسي كي أموت كمداً....
قعدت نتفرج على ليبيا و برامجها ... وقعدت نضحك و نبكي في نفس الوقت..
نضحك على البسباسي و تعليقاته.. والكاميرا الخفية و الحاج بيخشش الولد في المحل الداخل باش يطربق عليه.. و قريب تشركت من الضحك لما جبد المرتكة من تحت الكرسي في السيارة و لما جي بينطحه :lol:
و نبكي نتفكر في لمة العويلة.. و ليالي طرابلس في رمضان......آآآآه يا قلبي قداش ما تتحمل..
المهم بعد ما تميت البرامج و بدي الشيخ الدوكالي العالم في صلاة التراويح قلت خللي نرقد شوية
رقدت و نضت الساعة 12:30 ظهرا لقيته قاعد ما تمش :eek: ...
درت دوش و لبست و مشيت لصلاة الظهر...
صلينا و مشيت للخدمة..... تمنيت روحي أعمى من المناظر اللي يجو...
بعدها صلاة العصر.. روحت للحوش تفرجت على مسلسل الطريق الوعرة في أبو ظبي..
بعدين المغرب... و الإفطار الجماعي لأول يوم رمضان...
قعدنا بعد المغرب لصلاة العشاء و التراويح... و بعد التراويح زي كل ليلة هدرزة ساعة و لا ساعة و نص
و بعدين كل واحد يروح لحوشه...
و هادا أول يوم تم و الحمد لله

ليبي متغرب
07-10-2005, 09:47 AM
تاني و ثالث يوم نفس الشي
لكن في تاني يوم بعد الفجر روحو الولاد معاي للحوش باش يتفرجو على ليبيا من كتر ما هدرزت على ليبيا ... و عجبهم برنامج .. لهجتنا .. للأستاذ خشيــم...
و الفطور كان عبارة عن أكلات شامية ... من أكلة تسمى ** مسخن ** و هي عبارة عن خبز زي الفطيرة عندنا ... و دجاج مشوي .. و طحينة و سلايط ...
بعدها مشينا لساكرامنتو لمسجد النور غادي قلنا نصلو التراويح غادي ... و ساكرامنتو تبعد علينا 40 دقيقة بالسيارة و خيكم اللي يسوق.. الولد قاللي ليبي خود إنت تسوق باش نوصلو بسرعة...
100 ميل لعند ما وصلنا في ولد معانا أمريكي مسلم جديد قريب باض في السيارة من الخوف و أنا شادها زيق زاق بين السيارات..
قاللي راهو هني مش ليبيا ... قلتله كان ما تسكتش نقلب بيكم السيارة... مسيكين يحسابه حق
بلع لسانه و سكت..
وصلنا لمسجد النور قبل دقيقتين و حصلنا في أول صف كيف ما تعرفش..
المهم بعد الصلاة جونا جماعة المسجد في ساكرامنتو يسلو علينا..
لأن معروفين حني و الحمد لله شباب مسجد الطلبة بستاكتون وين ما نمشو ....
نسيت حاجة في أول يوم ....
على قد عشقي ليليبيا و ما يحصل داخل ليبيا.. قبل المغرب قلت و الله إلا ماندير روحي في ليبيا و ندير سباق الشربة :eek: ...
و فعلا درته و صار سباق بيني و بين بنت تحساب روحها بنت أمها ما تعرفنيش ليبي...
مسكينة قريب دارت حادث قي الهاي وي... قعدت نضحك في السيارة ....
بعدين خديت إكزيت و ماشي للمسجد في أول سيمافرو نتلفت جنبي نلقى نفس البنت
دارت بإيدها العلامة هادي :good: ...
رديت عليها بــــ :bad:

ضحكت و فتها بالطويل و مشيت للمسجد...
و توا أنا في ليل تالت يوم و بنخش نرقد... الساعة عندي 12:55 بعد منتصف الليل
نتلاقو غدوة إن شاء الله
سلاااامات

oat
07-10-2005, 09:29 PM
طبعا اليوم رابع يوم

روحت من العمل التمانية الصبح ... ونشدها نوم الى اذان الجمعة نضت غسلت وامشبت صليت

وبعدها طلعتبالسيارة بنشري خضرة احصلت في زحمة سوق الجمعة . تحت كوبري باب تاجوراء

واني نبي اندرس السيارة عاكستني بنت . مشي قلت في نفسي اللهم أني صائم .. وفتتها

المهم درت في السوق طلعت نص الخضرة رامضة .. طلعت خشيت لسوق تاني المهم في النهاية خديت الخضرة من دكان القيت خضرته كويسة

روحت .. صليت العصر .. قريت جزئين قرآن . بعدها اذن المغرب . فطرت وصليت
بعدين حطو الفطور .. شربة . سلاطة .. مكرونة بالصالصة .. وعصير ليمون طبيعي

بعدها وليت للعمل الساعة التمانية ونص

:good:

clark_kent850
08-10-2005, 06:18 AM
ahhhhhhhh elgorba bayka

petsampras
08-10-2005, 09:31 AM
السلام عليكم
و الله يا خوي متغرب ربي يعينك على الغربة وان شاء الله تكمل قرايتك و تروح لاميمتك
و كانك على البريكة تلقى هى جاياتك فى D H L سخونه ره رد بالك

و لحد الان اياماتي ماشية خطوه خطوة كالعادة بس اليوم جاي يفطر عندنا عمى لانه كيف روح من برطانيا و يبي الماكله البا هية باش يسمن لان راح زي الخلال المهم هذا مش موضوعنا
و ما صار شي مميز و لنا عوده

ليبي متغرب
08-10-2005, 09:43 AM
طبعا اليوم رابع يوم

روحت من العمل التمانية الصبح ... ونشدها نوم الى اذان الجمعة نضت غسلت وامشبت صليت

وبعدها طلعتبالسيارة بنشري خضرة احصلت في زحمة سوق الجمعة . تحت كوبري باب تاجوراء

واني نبي اندرس السيارة عاكستني بنت . مشي قلت في نفسي اللهم أني صائم .. وفتتها

المهم درت في السوق طلعت نص الخضرة رامضة .. طلعت خشيت لسوق تاني المهم في النهاية خديت الخضرة من دكان القيت خضرته كويسة

روحت .. صليت العصر .. قريت جزئين قرآن . بعدها اذن المغرب . فطرت وصليت
بعدين حطو الفطور .. شربة . سلاطة .. مكرونة بالصالصة .. وعصير ليمون طبيعي

بعدها وليت للعمل الساعة التمانية ونص

:good:


ربي يعينك على الخدمة اللي بعد المغرب ما نحبش فيتها بكل :devil:

ليبي متغرب
08-10-2005, 09:44 AM
ahhhhhhhh elgorba bayka


اللهم إني صائم :lol:
شنو مأثر عليك الصيام بديت تخترف ولا شنو :devilsmil

ليبي متغرب
08-10-2005, 09:47 AM
السلام عليكم
و الله يا خوي متغرب ربي يعينك على الغربة وان شاء الله تكمل قرايتك و تروح لاميمتك
و كانك على البريكة تلقى هى جاياتك فى D H L سخونه ره رد بالك

و لحد الان اياماتي ماشية خطوه خطوة كالعادة بس اليوم جاي يفطر عندنا عمى لانه كيف روح من برطانيا و يبي الماكله البا هية باش يسمن لان راح زي الخلال المهم هذا مش موضوعنا
و ما صار شي مميز و لنا عوده


خلاص خلليك بنداق و راهو مش عنكاش بكل أنا :devilsmil

و معادش تفكرني بالماكلة ربي يخلليك
تي الخلال اللي تحكي عليه بدي يزغرط لما يشبحني يقول لقيت واحد أرق مني...
تي رايح زي الظل أني من ماكلة التيك أوي :(

The GHOST
10-10-2005, 02:07 AM
تشن اتهدرز انتى وياه خوكم امس فاطر هامبوركا حاشه النعمه ياراجل :(
الله غالب هادي الغربه :cry:

الحشره ركن 511
10-10-2005, 03:09 AM
شماته



فاطره بازين

The GHOST
10-10-2005, 04:41 AM
هي من ناحيةاشماته . اشماته . عندك الحق. مافيش كيف اتحن اعلينا اشوا. بالله علك نبي صورة بازين . صوره بس خلي نفطر عليها غدوه

ليبي متغرب
10-10-2005, 08:43 AM
تشن اتهدرز انتى وياه خوكم امس فاطر هامبوركا حاشه النعمه ياراجل :(
الله غالب هادي الغربه :cry:


خلليك على البيتزا أحسن
تشبع :devilsmil

ليبي متغرب
10-10-2005, 08:45 AM
شماته



فاطره بازين


اللهم لا شماتــة :devilsmil

ليبي متغرب
10-10-2005, 08:48 AM
اللهم لك الحمد
آمس ولأول مرة في رمضان
كنت معزوم على فطور عند عائلة ليبية
و تلاقينا الليبين في ستاكتون
الحمد لله دقنا طعمة التطييب الليبي
لينا زمان عليه... و اللي أحسن من الماكلة السهرية بعد التراويح ..
بعد التروايح درنا سهرية ....طلعت اللي في قلبي كله..
استمرت السهرية للساعة 12 ليلا ...
و ما نحكيلكمش على الهدرزة و التقريـــم :lol:

الله عليك يا ليبيا و على ناسك :good:

petsampras
10-10-2005, 09:40 AM
السلام عليكم
توا يا وخي the ghost الواحد يجيبلك شريبة بلحم الخروف و فاصوليا و شوية بوريك و معاها ظولمة و امبطن
و بعدين القهيوة و معاها حاجة حلوة
بالله ربي يعينك على غربتك و ماكلتك الى متحسش بيها

و طبعا الى حد الان ماش رمضان معاي وحدة وحدة عادي و ما صار شي

يا خوي متغرب وصلاتك البوريك بعتها ره و الا زعمة هجمو عليها الامريكان يحسابوها حاجة ارهاب هههههههههههههه

روماتوتي
10-10-2005, 01:39 PM
السلام عليكم شباب شني الجوو ان شاء امليح مش مكسده توه عندي الساعه 1:45 ضهراا طبعا في عز القايله وتوه هادا وين نط من النوم وحتي القرايه فتها مقدرتش انوط الصبح وتوه فتحت صالة النت ومعكسيين فيها واهو حاشيين علي منتدي الهندسه تقبلو تحيات اخوكم الجنزوري من جنزور

ليبي متغرب
11-10-2005, 08:27 AM
السلام عليكم
توا يا وخي the ghost الواحد يجيبلك شريبة بلحم الخروف و فاصوليا و شوية بوريك و معاها ظولمة و امبطن
و بعدين القهيوة و معاها حاجة حلوة
بالله ربي يعينك على غربتك و ماكلتك الى متحسش بيها

و طبعا الى حد الان ماش رمضان معاي وحدة وحدة عادي و ما صار شي

يا خوي متغرب وصلاتك البوريك بعتها ره و الا زعمة هجمو عليها الامريكان يحسابوها حاجة ارهاب هههههههههههههه


ما وصلش لا بوريك لا بانكس ....
تي على أما عنوان بعتها :devilsmil

ليبي متغرب
11-10-2005, 08:29 AM
السلام عليكم شباب شني الجوو ان شاء امليح مش مكسده توه عندي الساعه 1:45 ضهراا طبعا في عز القايله وتوه هادا وين نط من النوم وحتي القرايه فتها مقدرتش انوط الصبح وتوه فتحت صالة النت ومعكسيين فيها واهو حاشيين علي منتدي الهندسه تقبلو تحيات اخوكم الجنزوري من جنزور



سلملي على الجنازرة بيني و بينهم عشرة فاصوليا :lol:

ليبي متغرب
11-10-2005, 08:36 AM
اليوم كنت مريض
بادية في اللوزتين حصلتها بردة مليحة البارح ...
قعدت راقد في فراشي طول اليوم ...صنتي فكس :devilsmil
دواء أمي المفضل ....
حتى كان وجعك صبع رجلك الصغير أدهن بالفيكس هادي نصائح الوالدة :confused:
بعدين الدكتور ساسي دارلي تليفون و قاللي معزوم عندي باش تتفضل على الفطور..
بديت نزغرط من .............. :devilsmil

و الحق كان فطور محرحد نسيت حتى المرضة..
بوريك و شربة و ضولمة و رز بالمكسرات...
و الأحسن منه القهيوة بعده و الحلويات...
قريب قلته برا جيب التلفزيون خللي نحضروه البسباسي باش تكمل الصورة :lol:
لكن للأسف فارق التوقيت ...
قاللي كمل من الساعة 10 الصبح :devilsmil

بعدين التروايح و الهدرزة المعتادة ما بعد الصلاة ...
بعدين المرواحة و تخنتيب في الهندسة ثم ولع فيلم مش باش نتفرج عليه
لا باش نرقد :devilsmil

ما فيش فيلم لتوا كملته اللقطتين الأولات و معادش نندري على شي
و مرات من الدعايات اللي على الأفلام اللي قبل الفيلم :lol:

petsampras
11-10-2005, 09:38 AM
السلام عليكم
تي شنو يا متغرب اماله حق هجموا عليه الامريكان اكيد طلع الجمرة الخبيته لان شافو فيه الجبنة بالهريسة انخلعوا منها
بعتها على اسهل عنوان الجامع الى تصلي فيه قلت لساعى البريد اوقف غادي لين ايجي وقت المغرب لان هو اكيد بيجي يصلي لكن للاسف ما وصلش ياله خيرها فى غيرها

و على فكرة سلامتك الف سلامة و دير بالك على روحك

روماتوتي
11-10-2005, 04:14 PM
سلملي على الجنازرة بيني و بينهم عشرة فاصوليا :lol:




يوصل يوصل ... ماقتليش الاسم الكريم .. ووين السكنه ..بالك نطلعو اقارب مرااا وحده وانت متدريش ..
لكن اليوم ياشباب الباين انه مش اوئي معاي تعرفو شني صار معاي اليوم ,,البارح ضارب في دماغي بنوض السحور .. عاد قبل مانرقد عدلة المنبه امتع النقال لاني مانحبش انوض علي فياق عادي صوته مزعج .. النقال دير نغمة نانسي عجرم والا اليسا اتنوض مستريح .. المهم عدلة الفياق امتع التليفون علي اساس بنوض .. شني يصير معاي النقال طاح تحت الفراش يالي راقد عليه شرين شرين مستقطش فات علي السحور وبعدها جيت العزيز الساعه 7 نوضيتني العزيز قاتلي براااا القرايه ... لابيين دويشت ووتيت روحي جيت الساعه 8 طلعت من الحوش خديت افيكو ووصلت الي .. طريق المطار الساعه 9:54 يعني قعدة ساعتيين الا ربع في الطريق .. ماهو عندي محاضره وحده اليوم تبداا الساعه ال10 تعرفو شني يصير من فيلم مشيت للقاعه الساعه 10:05 استنييت استنييت مهناك حد علي العموم جيت الساعه 12:00 طلعت من القاعه ومشيت للبوابه بروح طبعاا لقيت الشباب والبنوتات يالي يقرو معاي قتلهم ساعتيين وانا الراجي في القاعه ومجاش الدكتور قالولي وين كنت راقد جي الدكتور واخدينا المحاضره في القاعه يالي جمبها هههههههه تعرفو قريب شنقة روحي في اديكه اللحضه واجعني التشحيط .. وتوه الساعه عندي 3:15 انحس بروحي قلقت شكلي بنسكر الصاله وبروح نرقد :eek:

روماتوتي
11-10-2005, 04:15 PM
لكن خايق يجينا الشيبوووو يكسر الاجهزه فوق دماغي يقولي لاخدمه لا قرايه هههههههههه

روماتوتي
11-10-2005, 04:22 PM
وينكم شباب راقديين

the best girl
11-10-2005, 04:56 PM
[QUOTE]النقال دير نغمة نانس عجرم والا اليسا اتنوض مستريح

هذا في بدل ادير رنة اذان ولا قران ولا اي شئ تاني تقولي نانسي واليسا في رمضان في الايام عادية ممكن اها بس رمضان هذي يا ودي هاا :confused:
المهم عجبني الموضوع هلبة يا ليبي متغرب وانشاءالله اول ما نكمل غسل المعين العشاء انشاءالله نحكيلكم كيف عندنا رمضان توا باي وراي قلي الدجاج وبطاطة ;)
في امان الله توا

روماتوتي
11-10-2005, 05:00 PM
هذا في بدل ادير رنة اذان ولا قران ولا اي شئ تاني تقولي نانسي واليسا في رمضان في الايام




ههههههههههههههه متخافش نديروو فيها النغمات في الليل مش في الصيام هههه

روماتوتي
11-10-2005, 05:02 PM
[QUOTE]

هذا في بدل ادير رنة اذان ولا قران ولا اي شئ تاني تقولي نانسي واليسا في رمضان في الايام


ههههههههههههههه متخافش نديرو في النغمات في الليل في الافطار مش في الصبح هههه
والله حاله نقولوله فياق يقولينا ادان ,,,, خل برااا كمل غسل اماعينك وبعتالي نهدرزو

hisho22
11-10-2005, 10:48 PM
بسم الله الرحمن الرحيم..

أهلا ليبي متغرب ...

موضوع في وقته الواحد يفش شوية غل مكبوت قاعد..

خليتني نعيش مع كل رد ونتخايل في روحي بدل كل رد ...

بالتأكيد لشهر رمضان رونق خاص جدا يميزه عن باقي أشهر السنة ..

فهو شهر مبارك والواحد متفكي فيه من شوشو ولله الحمد...

جو الرمضان العام هذا متلخبط شوية معاي بسبب بعض الظروف...

اليوم الأول...

علي قولتك هاديكا رشدة الكسكاس... تبوخ ...والنية طايرة من الماكلة من أول يوم والترديدة ديما بعد نص الليل..

الجو سائد كورة أكثر شي...

يعني من دوري قبل الفطور لدوري بعد الفطور..

من نادي الوحدة لوريث لشارع النصر ( العياشي ) ولهذه اللحظة ماخسرناش في اي مباراة في اي دوري طلعنا بثلاثة تعادلات و اربعة ربحات لتوة ويستر الله كل ما تقدم الامور تصعاب...

العام هذا جي مختلف بسبب أنه أول رمضان يمر علي وانا في العمل الحكومي..يعني نوضان من الصباحات ...و باعتباري في المدينة معناها السهور من الاولويات وفي اي مجال كان المهم في سهور والنوم بكري مانعرفوشي طول السنة ....

الحمد لله الامور ماشية زي مايقولوا ...لتوة قاعدين انوضوا الصبح مقاومين مع وجود صداع في الراس وخاصة في الصبح من قلة النوم والا مش عارف شن القصة بالزبط ...وقالولي من الشرنقات اللي ضربتهم علي بعضهم .. :confused:

وقصة الشرنقات انهم ضد أمراض مستوطنة في أفريقيا زي التهاب السحايا والحمى الصفراء..مشينا دعكنا في الدرن باش حصلنا واستخرجنا كتيب تطعيمات دولي علي اساس انه موسم عمرة فالتطعيم بالدعاك واكيد كان حاجتك ما تأخذهاش بالتمزريط ما تتبننهاش..

والحلقة الأخيرة ان الأمور ماشية عالكيف...وعلي كيفي كيفي وخاصة مع الاجراءات اللي صايرة ..

فالحمد لله مقدم على سياحة في شهر رمضان غير عادية.. :confused:

فالعبد لله سفير فوق العادة...فان شاء الله بعد 15 رمضان من بنين الى الكونغو الى الكونغو برازافيل ويستر الله عالرحلة كان ما ينهشنا تمساح في الطريق..

منور ليبي محرار و ادعينا نمشوا وانجوا سالمين كان ما هذا راحت عليه الهيشو في معدة تمساح والا ضبع جيعان..

اما عن تأثير حبة اللاريام فحدث ولا حرج ...مانبيش انقولك شن تخليك تهلوث ..يعني اني متأكد من اني نهدرز مع الدودة مع انه عمرودياب و نضبح عليه واحد صقع ..يعني الهيشو يهذي الفترة هذي... :eek:

والسلام عليكم ورحمة الله تعالى وبركاته..

the best girl
11-10-2005, 10:57 PM
السلام عليكم ورحمة الله وبركاته

يا اخ روماتوتي اول شئ انا بنت كلمني بصغة بنت يعني قولي ما تخفيش مش متخافش :devil: المهم مش موضوعنا
بس الي نبي نقوله هو سوا في اليل ولا في نهار تكون صايم ولا تكون فاطر حاول انك ما تسمعش اغاني في هذا الشهر الفضيل من قال انا نصبر علي محطة روتانا كنت انموت لو ما نفتحش عليها بس الحمد الله توا لينا سبعة الايام في رمضان ما فتحتش عليها بكل ولا فتحت شريط انشاءالله ربي يعطيني عزم اكثر ونكمل شهر هذا وياريت يعطيني العزم اني معادش نسمعهم بكل


وتوا خليني نحكيلكم شني صار معاي في هذا اليوم العظيم المهم زي ما قلتلكم اليوم سابع يوم في رمضان يعني ليبيا سابقة بيوم عندكم ثمانية انتو اليوم اول شئ نوظت مش عارفة صح كتبتها ولا لا المهم مشاءالله علي صوت بوي وهو يقولي دا باست قيرل :eek: هو قالها مرة وحدة بس انا انحس في جيران سمعوه لما قالها المهم مشيت للقراية الساعة تسعة ونص ممكن وروحت مع السعة اتنين حاشاكم السواق ماجانيش :mad: شديتها علي رجليا ما وصلت للحوش لين قريب متت بصراحة المهم بعدها طول دوشت وخشيت للمطبخ مع امي وتينا هذاكة الفطور المهم مع ساعة ثلاثة ونص في مسلسل خليجي في دبي تفرجت علية بس صاحبتي جتني وماخلتنيش انكمله وبعدها فتحت الهندسة نت فشوفت الموضوع عجبني المهم بعدها علي طول طلعت جبت الخبزة من الكوشة علي خاطر يديرو في خبزة خاصة لشهر رمضان بس في باقي الايام ما يدروش فيها جبتها وخشيت ممكن مزال ممكن ساعة الا ربع ويدن المغرب خشينا وتيت الطاولة وكل شئ ياسلام الفطور هو شربة عدس و رز في الكوشة اكلة تركية مع بيتزا و الابواق وتشبس و سكالوب دجاج طبعا سلادا مايونيز وسلادا الخضرا توا كل شئ تمام وقعمزنا نستنو في المغرب يعني دقايق ويدن خلاص ناض خوي صغير يبي عصير فوستر قتله اوهو عصير متاع بكوات سكر راسه :devil: ويبي فوستر توا وخيتكم ناضت زي البنت الفاحة تخلط في العصير نسيت روحي ليبية ومن عادت اليبيين لازم يذوقو من كل شئ يديروه انا نسيت منعرفش كيف ذوقت العصير :confused: يعني ممكن ثواني معدودة والمغرب اذن بجديات تعصبت هلبة :devil: وانشاءالله ربي يسامحني وانشاءالله نرجع نصيمة بعدين المهم غسلت المعين وفتحت دبي تاني لانه فيها مسلسل مصري حلو متاع فيفي عبدو قصيت من المسلسل وتفرجت علي وسع بالك :lol: وبعدها رقدت لاني متعفلقة من الي صارلي قبل الفطور المهم نوظت العشرة بزبط تفرجت علي مسلسل :devilsmil ريا وسكينة وطوالي بعدها خشيت واهو توا قاعدة نكتبلكم علي صار معااااي طوال اليوم بتفصيل الممل انشاءالله بس ما طولتش عليكم :o

وتوا انخليكم في امان الله

The GHOST
12-10-2005, 06:51 PM
:cry: السلام عليكم
والله شن نبي انقوللكم. يا حسره وخلاص :cry: . كل يوم احرف من اليوم الي قبله :confused: . والله رمضان هدا محسيت بيه. امس على اساس اتجمعت مع شباب سعودييين وصهرنى لين اتسحرنا مع بعض :D . لكن اليوم عندي محاضره تبدا الساعه 9 الله غالب فاتتني بالقوة :confused: . ويومي حيكون كاللعاده :bad: . محاضرات وبعيد نرجع للحوش انقعمز نقرااشويه قران وبعدها نفطر وبعدين انقعمز لي اقرايتي.

petsampras
13-10-2005, 11:10 AM
السلام عليكم
كل يوم زي الي قبله و كل يوم اطير النيه فى الماكله اكتر و الواحد ما ينوض الصبح الا بالتيروات يعنى نوصل للخدمة و اني عيوني شوية و يطبقو و شادتهم كان باللصقة هههههههههههههه
المهم كالعادة قران بعده نتفرج على التلفزيون نوتي كان فى حويجة بنديرها و بعدها نفطرو و بعدين نصلى و نقرا قران و بعدها عكسة قدام التلفزيون لين نرقد
و السلام

sase
13-10-2005, 01:03 PM
.........بدون تعليق.........؟

ليبي متغرب
14-10-2005, 12:24 PM
السلام عليكم
تي شنو يا متغرب اماله حق هجموا عليه الامريكان اكيد طلع الجمرة الخبيته لان شافو فيه الجبنة بالهريسة انخلعوا منها
بعتها على اسهل عنوان الجامع الى تصلي فيه قلت لساعى البريد اوقف غادي لين ايجي وقت المغرب لان هو اكيد بيجي يصلي لكن للاسف ما وصلش ياله خيرها فى غيرها

و على فكرة سلامتك الف سلامة و دير بالك على روحك


صار قلتلي ساعي البريد ماهو :devilsmil

الباين إنه معلوماتك عن نظام البريد هنا زي معلوماتي على إنفلونزا الطيور :lol:
الله يسلمك ... كانت مرضة قوية و الله .. لكن الحمد لله طلعنا منها .. و ما فيش أصعب من المرضة و ما تلقاش حد في جنبك :(
منور خوي على البوريك الوهمي :devilsmil

ليبي متغرب
14-10-2005, 12:28 PM
يوصل يوصل ... ماقتليش الاسم الكريم .. ووين السكنه ..بالك نطلعو اقارب مرااا وحده وانت متدريش ..
لكن اليوم ياشباب الباين انه مش اوئي معاي تعرفو شني صار معاي اليوم ,,البارح ضارب في دماغي بنوض السحور .. عاد قبل مانرقد عدلة المنبه امتع النقال لاني مانحبش انوض علي فياق عادي صوته مزعج .. النقال دير نغمة نانسي عجرم والا اليسا اتنوض مستريح .. المهم عدلة الفياق امتع التليفون علي اساس بنوض .. شني يصير معاي النقال طاح تحت الفراش يالي راقد عليه شرين شرين مستقطش فات علي السحور وبعدها جيت العزيز الساعه 7 نوضيتني العزيز قاتلي براااا القرايه ... لابيين دويشت ووتيت روحي جيت الساعه 8 طلعت من الحوش خديت افيكو ووصلت الي .. طريق المطار الساعه 9:54 يعني قعدة ساعتيين الا ربع في الطريق .. ماهو عندي محاضره وحده اليوم تبداا الساعه ال10 تعرفو شني يصير من فيلم مشيت للقاعه الساعه 10:05 استنييت استنييت مهناك حد علي العموم جيت الساعه 12:00 طلعت من القاعه ومشيت للبوابه بروح طبعاا لقيت الشباب والبنوتات يالي يقرو معاي قتلهم ساعتيين وانا الراجي في القاعه ومجاش الدكتور قالولي وين كنت راقد جي الدكتور واخدينا المحاضره في القاعه يالي جمبها هههههههه تعرفو قريب شنقة روحي في اديكه اللحضه واجعني التشحيط .. وتوه الساعه عندي 3:15 انحس بروحي قلقت شكلي بنسكر الصاله وبروح نرقد :eek:


الإسم أوني في المعرف ** ليبي متغرب ** :devilsmil
و السكنة تحت المعرف :lol:

لا لا أكيد مش أقارب ..لأني طرابلسي أبا عن جد ;)
صار قلتلي نانسي عجرم ...لا حول و لا قوة إلا بالله ...ربي يهدي من خلق
بعدين ما حبتش كلمتك على أمك ....كلمة عزيز ...قداش ما نحبهاش هالكلمة ...يعني هل تنقص من قدرها لو قلت أمي :q:

تعيش و تاكل غيرها في المحاضرات
الصيام يأثر مرات ;)

ليبي متغرب
14-10-2005, 12:35 PM
بسم الله الرحمن الرحيم..

أهلا ليبي متغرب ...

موضوع في وقته الواحد يفش شوية غل مكبوت قاعد..

خليتني نعيش مع كل رد ونتخايل في روحي بدل كل رد ...

بالتأكيد لشهر رمضان رونق خاص جدا يميزه عن باقي أشهر السنة ..

فهو شهر مبارك والواحد متفكي فيه من شوشو ولله الحمد...

جو الرمضان العام هذا متلخبط شوية معاي بسبب بعض الظروف...

اليوم الأول...

علي قولتك هاديكا رشدة الكسكاس... تبوخ ...والنية طايرة من الماكلة من أول يوم والترديدة ديما بعد نص الليل..

الجو سائد كورة أكثر شي...

يعني من دوري قبل الفطور لدوري بعد الفطور..

من نادي الوحدة لوريث لشارع النصر ( العياشي ) ولهذه اللحظة ماخسرناش في اي مباراة في اي دوري طلعنا بثلاثة تعادلات و اربعة ربحات لتوة ويستر الله كل ما تقدم الامور تصعاب...

العام هذا جي مختلف بسبب أنه أول رمضان يمر علي وانا في العمل الحكومي..يعني نوضان من الصباحات ...و باعتباري في المدينة معناها السهور من الاولويات وفي اي مجال كان المهم في سهور والنوم بكري مانعرفوشي طول السنة ....

الحمد لله الامور ماشية زي مايقولوا ...لتوة قاعدين انوضوا الصبح مقاومين مع وجود صداع في الراس وخاصة في الصبح من قلة النوم والا مش عارف شن القصة بالزبط ...وقالولي من الشرنقات اللي ضربتهم علي بعضهم .. :confused:

وقصة الشرنقات انهم ضد أمراض مستوطنة في أفريقيا زي التهاب السحايا والحمى الصفراء..مشينا دعكنا في الدرن باش حصلنا واستخرجنا كتيب تطعيمات دولي علي اساس انه موسم عمرة فالتطعيم بالدعاك واكيد كان حاجتك ما تأخذهاش بالتمزريط ما تتبننهاش..

والحلقة الأخيرة ان الأمور ماشية عالكيف...وعلي كيفي كيفي وخاصة مع الاجراءات اللي صايرة ..

فالحمد لله مقدم على سياحة في شهر رمضان غير عادية.. :confused:

فالعبد لله سفير فوق العادة...فان شاء الله بعد 15 رمضان من بنين الى الكونغو الى الكونغو برازافيل ويستر الله عالرحلة كان ما ينهشنا تمساح في الطريق..

منور ليبي محرار و ادعينا نمشوا وانجوا سالمين كان ما هذا راحت عليه الهيشو في معدة تمساح والا ضبع جيعان..

اما عن تأثير حبة اللاريام فحدث ولا حرج ...مانبيش انقولك شن تخليك تهلوث ..يعني اني متأكد من اني نهدرز مع الدودة مع انه عمرودياب و نضبح عليه واحد صقع ..يعني الهيشو يهذي الفترة هذي... :eek:

والسلام عليكم ورحمة الله تعالى وبركاته..


ملك الملاعب الغالي هيشو

و أنا نقول سر التوقيع متاع الغوريلا الجديد :devilsmil
طلعت مش طرابلسي يا هيشو إسمها رشـــتـــــة مش رشــــدة :devilsmil

سلملي على العمل الحكومي :lol:

و ربي يهنيك في سفرتك يا سعادة السفير مع إن ما قلتلناش شنو بديت تخدم بالزبط ** واحد قصقاص **

مع إني مش معاك في سفرة في رمضان لا و مع هادا لبلاد الأهوال و الغوال :lol:

و ديما فش غلم هني
نراجو في فشة غلك الممتعة ;)

ليبي متغرب
14-10-2005, 12:40 PM
السلام عليكم ورحمة الله وبركاته


بس الي نبي نقوله هو سوا في اليل ولا في نهار تكون صايم ولا تكون فاطر حاول انك ما تسمعش اغاني في هذا الشهر الفضيل من قال انا نصبر علي محطة روتانا كنت انموت لو ما نفتحش عليها بس الحمد الله توا لينا سبعة الايام في رمضان ما فتحتش عليها بكل ولا فتحت شريط انشاءالله ربي يعطيني عزم اكثر ونكمل شهر هذا وياريت يعطيني العزم اني معادش نسمعهم بكل


وتوا خليني نحكيلكم شني صار معاي في هذا اليوم العظيم المهم زي ما قلتلكم اليوم سابع يوم في رمضان يعني ليبيا سابقة بيوم عندكم ثمانية انتو اليوم اول شئ نوظت مش عارفة صح كتبتها ولا لا المهم مشاءالله علي صوت بوي وهو يقولي دا باست قيرل هو قالها مرة وحدة بس انا انحس في جيران سمعوه لما قالها المهم مشيت للقراية الساعة تسعة ونص ممكن وروحت مع السعة اتنين حاشاكم السواق ماجانيش :mad: شديتها علي رجليا ما وصلت للحوش لين قريب متت بصراحة المهم بعدها طول دوشت وخشيت للمطبخ مع امي وتينا هذاكة الفطور المهم مع ساعة ثلاثة ونص في مسلسل خليجي في دبي تفرجت علية بس صاحبتي جتني وماخلتنيش انكمله وبعدها فتحت الهندسة نت فشوفت الموضوع عجبني المهم بعدها علي طول طلعت جبت الخبزة من الكوشة علي خاطر يديرو في خبزة خاصة لشهر رمضان بس في باقي الايام ما يدروش فيها جبتها وخشيت ممكن مزال ممكن ساعة الا ربع ويدن المغرب خشينا وتيت الطاولة وكل شئ ياسلام الفطور هو شربة عدس و رز في الكوشة اكلة تركية مع بيتزا و الابواق وتشبس و سكالوب دجاج طبعا سلادا مايونيز وسلادا الخضرا توا كل شئ تمام وقعمزنا نستنو في المغرب يعني دقايق ويدن خلاص ناض خوي صغير يبي عصير فوستر قتله اوهو عصير متاع بكوات سكر راسه ويبي فوستر توا وخيتكم ناضت زي البنت الفاحة تخلط في العصير نسيت روحي ليبية ومن عادت اليبيين لازم يذوقو من كل شئ يديروه انا نسيت منعرفش كيف ذوقت العصير :confused: يعني ممكن ثواني معدودة والمغرب اذن بجديات تعصبت هلبة :devil: وانشاءالله ربي يسامحني وانشاءالله نرجع نصيمة بعدين المهم غسلت المعين وفتحت دبي تاني لانه فيها مسلسل مصري حلو متاع فيفي عبدو قصيت من المسلسل وتفرجت علي وسع بالك :lol: وبعدها رقدت لاني متعفلقة من الي صارلي قبل الفطور المهم نوظت العشرة بزبط تفرجت علي مسلسل :devilsmil ريا وسكينة وطوالي بعدها خشيت واهو توا قاعدة نكتبلكم علي صار معااااي طوال اليوم بتفصيل الممل انشاءالله بس ما طولتش عليكم :o

وتوا انخليكم في امان الله

روتانا :confused: لا تعليق :confused:

صحة شريبتكم و مبروك غسل الماعين :lol:

المهم الدوقة متاع العصير على ما أعتقد ولا أفتي هنا..لا حرج عليك فيها لأنك نسيتي
و بعدين في حديث في معناه يقول اللي يغلط و ينسى ياكل و لا يشرب يكمل صومه عادي إنما أطعمه الله و سقاه..
لا لا ما طولتيش..ما دابيك اطولي أكتر من هكي :devilsmil

ليبي متغرب
14-10-2005, 12:41 PM
:cry: السلام عليكم
والله شن نبي انقوللكم. يا حسره وخلاص :cry: . كل يوم احرف من اليوم الي قبله :confused: . والله رمضان هدا محسيت بيه. امس على اساس اتجمعت مع شباب سعودييين وصهرنى لين اتسحرنا مع بعض :D . لكن اليوم عندي محاضره تبدا الساعه 9 الله غالب فاتتني بالقوة :confused: . ويومي حيكون كاللعاده :bad: . محاضرات وبعيد نرجع للحوش انقعمز نقرااشويه قران وبعدها نفطر وبعدين انقعمز لي اقرايتي.
عارفها التقعميزة هادي مجربها قبلك :devilsmil
ربي يعاونك في قرايتك :good:

ليبي متغرب
14-10-2005, 12:43 PM
السلام عليكم
كل يوم زي الي قبله و كل يوم اطير النيه فى الماكله اكتر و الواحد ما ينوض الصبح الا بالتيروات يعنى نوصل للخدمة و اني عيوني شوية و يطبقو و شادتهم كان باللصقة هههههههههههههه
المهم كالعادة قران بعده نتفرج على التلفزيون نوتي كان فى حويجة بنديرها و بعدها نفطرو و بعدين نصلى و نقرا قران و بعدها عكسة قدام التلفزيون لين نرقد
و السلام
العكسة قدام التلفزيون هلبة ما تنفعش يا خوي...
يعني هادا شهر لو ما انتهزتش كل فرصة فيه أمتى بتفيق لروحك مالا :confused:

ليبي متغرب
14-10-2005, 12:44 PM
.........بدون تعليق.........؟


اللهم إني صائم :devilsmil

ارادة
14-10-2005, 12:53 PM
السلام عليكم
عموما كل عام جميع بخير انشالله نستفيدومن هاالشهر وربى يغفرلنا جميعا
كا فترة بنسبة لىشهر مجرد مساله دينييه ايام نسالو فيها المغفرة خوفا من انا ما نحصلوش انحضروه السنة الى بعدة ونسالو فيها المغفرة للفقدناهم الحاضرين فى وجودنا الاغائبين بين يدى الله
فقط لاغير
مع احترامى

the best girl
16-10-2005, 10:06 PM
السلام عليكم

والله خشيت هنايا خاطري نهدرز ونطلع يالي في قلبي اامس طبعا عطلة وصغار معندهمش مدرسة قلنا يلا بعد الفطور نطلعو نمشو لي سلطان احمد وهذا المكان مشاااااااااااءالله بصراحة هو جامع كبير في مقابله كله خيمات رمضانية وماكلات تركية وحلوا بانواعها وهذاكة القصدل وهداكة السحلب والجو صقع للمليون وانا ديما وكلتها ومش لابسة هلبة ما توقعتش صقع هلبة :( المهم وزحمة مش عادية يعني ياريت تخايلتم المكان معاي اه قبل ما ننسا وهديكة الكتب الدينية وقصص الانبياء بجديات الجو حلو :cool: غيراتوا راهو وصفتلكم المكان بس توا حنا قاعدين ما وصلناش وحني ماشين طبعا لي سلطان احمد امي جتها فكرة جهنمية وقالت لي بوي في بدل ما نمشو لي غادي علاش ما درسش السيارة في جنب محطة الترين فاي ونركبو ويحطنا غادي في بدل ما تقعد ادور المكان لسيارة والمسافة الطريق طبعا قال بوي خلاص ودرس السيارة وركبنا في اول محطة المهم وصلنا في ظرف ممكن عشرة دقايق بس سرعة مش عادية ;) وخشينا في هديكة الزحمة وهداكة يقول تفضل انا فيه اتكلم عربي :rolleyes: وتاني فضل خاله انا اعرف عربي :confused: المهم توا ادهورنا وغيرنا جو وبعدين خشينا تسحرنا وحنا طالعين ترا شني لقينا :eek: يا سيدي لقينا ثلاثة شباب ليبين سبحان الله تقول عليهم مكتوب علي جبهتهم المهم هما عرفونا ليبيين خلاص بدو يمشو ورانا لين وصلنا لمحطة الترين فاي هما شدو مكانهم باش يروحو وحنا خذينا مكنا تصدقو اليبيين وين ما يمشو ما يتغيروش توا انا معاي امي ولاصقة في جنبها والله كله خوف من الشباب لواحد يقول كلمة هكي ولا هكي قلت خليني في جنب امي توا يتحشمو وما يتكلموش تصدقو هما مقعمزين مقابلينا :eek: ومصح وجه ويعطي في الرقم :o المهم توا جي اترين متعهم وركب وروحو وحنا قاعد ما جاش ستنينا اهو يجي اهو يجي الي هذا بدي ياخدو في تاكس يروحي بعدين جنا واد وقال راهو خلاص معاش يخطم بعد الساعة 12 يا شينك عمله بس ربي ستر والحمد الله خطم واحد يعرف بوي حطنا في جنب سيرتنا واهو اليوم كسدت قلت خلي نحكيلهم شني صار معاي امس ;)
طولت عليكم كالعادة خلاص توا تصبح علي الف خير

hisho22
16-10-2005, 10:37 PM
بسم الله الرحمن الرحيم....





طلعت مش طرابلسي يا هيشو إسمها رشـــتـــــة مش رشــــدة :devilsmil


زمن اختلط فيه الحابل بالنابل..

زمن صار فيه أهل طرابلس برانية علي ليبيا واتقوله طرابلسي يشبحلك من فوق للوطا كيف طرابلسي ؟؟؟

مافيش حاجة اسمها طرابلسية واني معاهم لان الناس طلعوا فيها فجأة من العدم القوا روحهم في طرابلس..

مش موضوعنا توة ومش تقول عنصري لكن حاجة مفددتني تبي الحق..

اما قصة الرشتة والرشدة... فزي ماشرحتلك قبل هكي ....عارفها رشتة وتطق رشتة ولكن في لافتات المحلات رشدة.. :cool:

اما الخدمة..تبع جمعية الدعوة الاسلامية.. :)



منور ليبي متغرب ...

والسلام عليكم ورحمة الله تعالى وبركاته...

petsampras
18-10-2005, 10:37 AM
السلام عليكم
كيف الحال للجميع
و الله احداث رمضان قعدت ماشيه على حالها لين و فجاءة دون سابق اندار سمعنا ان خالتى سافرت و بعدين من غير احم و لا دستور سمعنا انها دارولها عملية لازاله حاجة مسلطنة(يعنى فيها السلطان )اللهم اعفينا و اعفى جميع الى يشوفو فى دوتي هاده و كل المسلمين المهم هذا الحدث دار شويت اكشن فى رمضان و تلاقينا مع ناس كنا منكلموش فيهم لكن رمضان يبيض القلوب و ينظفها باذن الله طبعا و بدينا يوم ورا يوم عادي و كانا مكناتش فى يوم متخاصمين و الحمد لله الذى هدانا لهذا و ما كنا لنهتدي لو لا ان هدانا الله
وفيما يتعلق بباقى الاشياء ماشيه عادية تمام و خطوه خطوه كالعادة
و السلام عليكم

ليبي متغرب
24-10-2005, 08:04 AM
بسم الله الرحمن الرحيم....





زمن اختلط فيه الحابل بالنابل..

زمن صار فيه أهل طرابلس برانية علي ليبيا واتقوله طرابلسي يشبحلك من فوق للوطا كيف طرابلسي ؟؟؟

مافيش حاجة اسمها طرابلسية واني معاهم لان الناس طلعوا فيها فجأة من العدم القوا روحهم في طرابلس..

مش موضوعنا توة ومش تقول عنصري لكن حاجة مفددتني تبي الحق..

اما قصة الرشتة والرشدة... فزي ماشرحتلك قبل هكي ....عارفها رشتة وتطق رشتة ولكن في لافتات المحلات رشدة.. :cool:

اما الخدمة..تبع جمعية الدعوة الاسلامية.. :)



منور ليبي متغرب ...

والسلام عليكم ورحمة الله تعالى وبركاته...


لكن يا هيشو هذا لا يعني أن ننسلخ من طرابلسيتنا العزيزة لدخول من دخل إليها
و اللي يشبحلك من فوق للوطة الحمد لله ربي عاطيك عشرة صوابع ما تبيش منهم غر زوز بس أنقبله عيونه بيهم :devilsmil
لا في حاجة إسمها طرابلسية ولاد باب بحر و المدينة القديمة و الظهرة و سوق الجمعة و النوفليين..
الحمد لله مازال ولاد البلاد ولاد طرابلس قاعدين و لن ينسلخوا عن طرابلسيتهم مهما اختلط الحابل بالنابل :devil:
و ما دخلنيش بلافتات المحلات فهؤلاء من أثر العولمة :devilsmil عولمة طرابلس ;)
و ربي يوفقك مع ولد الشريف في الدعوة الإسلامية ;) تبي أي حاجة منه قول ..الراجل معرفة قديمة من إيامات الوالد الله يرحمه... وخدوم على الآخر...
حسك فرحتني...فهذا ممكن الجهاز الوحيد اللي في الجماهيرية الواحد يفتخر إنه يخدم فيه
منور يا هيشو و ربي يوفقك في رحلتك و ما اطولش الغيبة علينا....

ليبي متغرب
24-10-2005, 08:06 AM
السلام عليكم
كيف الحال للجميع
و الله احداث رمضان قعدت ماشيه على حالها لين و فجاءة دون سابق اندار سمعنا ان خالتى سافرت و بعدين من غير احم و لا دستور سمعنا انها دارولها عملية لازاله حاجة مسلطنة(يعنى فيها السلطان )اللهم اعفينا و اعفى جميع الى يشوفو فى دوتي هاده و كل المسلمين المهم هذا الحدث دار شويت اكشن فى رمضان و تلاقينا مع ناس كنا منكلموش فيهم لكن رمضان يبيض القلوب و ينظفها باذن الله طبعا و بدينا يوم ورا يوم عادي و كانا مكناتش فى يوم متخاصمين و الحمد لله الذى هدانا لهذا و ما كنا لنهتدي لو لا ان هدانا الله
وفيما يتعلق بباقى الاشياء ماشيه عادية تمام و خطوه خطوه كالعادة
و السلام عليكم
أسمه سرطان يا دماغ بيت سامبراس مش سلطان :lol:
ربي يشفيها و يشفي جميع المسلمين من كل داء..
و ربي ينظف ديما القلوب إن شاء الله ..

ليبي متغرب
24-10-2005, 08:19 AM
آسف جدا على التأخيــر في الردود لكن رمضان و إنتو عارفين
يعني أغلب الوقت مقسوم بين الكلية و الخدمة و المسجد ....
يعني الوقت ما فيشي بركة بكل ...تصبح الصبح دورة تلقاه مغرب ...الواحد ما يحسش ببركة الوقت في البلاد هي...
لكن آمس صار شي غريب...إنه مشيت ندير في دورة في الداون تاون متاع ستاكتون..ندور في محل عربي غادي قالو فتح جديد ..قلت خللي نمشي نشوفه بالك نلقو حويجة باهية نروحو بيها..
المهم خطمت من بحدا سينما هوليدي...تراه شنو نلقى الفيلم اللي يعرضوه في القاعة رقم 4..
فيلم ** عمر المختار ** أسد الصحراء ** ما تعرفوش قداش فرحت إني ليبي آداكا الوقت ..قريب قعدت نعيط في الشارع و نقوللهم أني من نفس بلد المجاهد الشيخ ... و الله لين دمعت عيوني و أني نشوف في الصورة اللي عارضينها..قلت لازم نخش مع إني مقاطع للسينما منذ فترة ليست بالقصيرة
دخلت و صفقت مع المصفقين عندما إنقض المجاهدون الأشاوس من تحت الرمل على الغزاة الطليان..في خدعة أقل ما توصف عنها أنها عبقرية ...اللي مقعمزين لين قعدوا يصفقوا....
و خرجت من السينما و كلي شعور بالفخر ببلدي و مجاهدي بلدي ...
روحت للحوش ..و أني نقلب في المحطات لقيت محطة إسمها الشرق و هي مخصصة للمشاهدين في الولايات المتحدة جايبين نفس الفيلم ** عمر المختار ** أسد الصحراء :eek: ...
و قعمزت و تفرجت عليه مرة ثانية..
لكم أبدع أنطونيو كوين في تسجيد شخصية المجاهد البطل .. مع إني كنت أفضل أن يقوم ممثل ليبي بالدور لأنه لن يشعر بشعور أبناء البلد إلا ابن البلد نفسه...
فمن هنا أحيي علامة بلدنا البارزة المجاهد البطل ** عمر المختار ** رحمه الله

petsampras
24-10-2005, 11:48 AM
أسمه سرطان يا دماغ بيت سامبراس مش سلطان
عادي يا راجل تعدل زي بعضه المهم مرض يقتل و خلاص اللهم اعفينا اجمعين (قولو امييييييين)



المهم خطمت من بحدا سينما هوليدي...تراه شنو نلقى الفيلم اللي يعرضوه في القاعة رقم 4..
فيلم ** عمر المختار ** أسد الصحراء ** ما تعرفوش قداش فرحت إني ليبي آداكا الوقت ..قريب قعدت نعيط في الشارع و نقوللهم أني من نفس بلد المجاهد الشيخ ... و الله لين دمعت عيوني و أني نشوف في الصورة اللي عارضينها..قلت لازم نخش مع إني مقاطع للسينما منذ فترة ليست بالقصيرة
دخلت و صفقت مع المصفقين عندما إنقض المجاهدون الأشاوس من تحت الرمل على الغزاة الطليان..في خدعة أقل ما توصف عنها أنها عبقرية ...اللي مقعمزين لين قعدوا يصفقوا....
و خرجت من السينما و كلي شعور بالفخر ببلدي و مجاهدي بلدي ...

و الله صح كلامك فخر اكيد و علاش ما وقفتش و قلت للناس اسمعععععععععععوا اني راهو ليبي :D




روحت للحوش ..و أني نقلب في المحطات لقيت محطة إسمها الشرق و هي مخصصة للمشاهدين في الولايات المتحدة جايبين نفس الفيلم ** عمر المختار ** أسد الصحراء ...
و قعمزت و تفرجت عليه مرة ثانية..

و الله حتى اني تصرلي بدات لى فيلم الرساله و عمر المختار منلومكش فيها


لكم أبدع أنطونيو كوين في تسجيد شخصية المجاهد البطل .. مع إني كنت أفضل أن يقوم ممثل ليبي بالدور لأنه لن يشعر بشعور أبناء البلد إلا ابن البلد نفسه...
:eek: شنو من هذا الليبي الى بيطلع عليه خلينا نتكلموا بصراحة و لا حتى بالكدب
:rolleyes:

ليبي متغرب
25-10-2005, 04:58 AM
:eek: شنو من هذا الليبي الى بيطلع عليه خلينا نتكلموا بصراحة و لا حتى بالكدب
:rolleyes:

و علاش لا
تقدر تدور و تطلع من الليبين منو يقدر يمثل هذه الشخصية مش ضروري إنه يكون ممثل معروف..
ومع هذا أكرر أنطونيو كوين أبدع في تجسيده للشخصية ...

كيف قتلي نعيط في الشارع و نقول انا ليبي
جيت في جمل يا سي
إلا ما نديرها خوك خفيف للمليون :devilsmil
تحسابني نتحشم منها بالعكس أنا كل لحظة نفتخر و نحمد الله إني جيت ليبي ما جيتش ماليزي :lol:

الاسطورة
25-10-2005, 05:31 AM
السلام عليكم ورحمة الله وبركاته

يا اولاد شبشي راح فى الجامع ... زعما ما ....... ولا غير إتلخبطوا فيه :rolleyes:


والسلام عليكم ورحمة الله وبركاته

ليبي متغرب
25-10-2005, 05:36 AM
السلام عليكم ورحمة الله وبركاته

يا اولاد شبشي راح فى الجامع ... زعما ما ....... ولا غير إتلخبطوا فيه :rolleyes:


والسلام عليكم ورحمة الله وبركاته


تي برا صللي الفجر يا ولد
شنو ادير هني توا :devil:

الاسطورة
25-10-2005, 05:45 AM
السلام عليكم ورحمة الله وبركاته



شنو ادير هني توا
إنراجى في أمى بديرلى السحور ومن بكرى انوض فيها :cry: :cry:

والسلام عليكم ورحمة الله وبركاته

ليبي متغرب
25-10-2005, 05:54 AM
السلام عليكم ورحمة الله وبركاته



إنراجى في أمى بديرلى السحور ومن بكرى انوض فيها :cry: :cry:

والسلام عليكم ورحمة الله وبركاته


ما شاء الله على الزويل
وعلاش تتعب فيها
ولا يديك محنيات نوض فز دير سحور لروحك بلا دلع

الاسطورة
25-10-2005, 06:04 AM
السلام عليكم ورحمة الله وبركاته


ولا يديك محنيات نوض فز دير سحور لروحك بلا دلع
ماهو سحورنا مش زيكم .

تقدر أطيب مكرونة مبكبكة بلحم الراس بروحك :confused:


والسلام عليكم ورحمة الله وبركاته

الاسطورة
25-10-2005, 06:07 AM
السلام عليكم ورحمة الله وبركاته


يا ليبي متغرب ... أدمغنا بطرف بوريكة :lol:


والسلام عليكم ورحمة الله وبركاته

ليبي متغرب
25-10-2005, 06:11 AM
بالله عليك فكنا من سيرة البوريك
جايتني منه فوبيا
و كان عالتطييب دحية ما نعرفش نديرها
مبكبكة بلحم الراس سحور :eek:
قاللك رمضان و صيام
أما رمضان والله الواحد يعبيها لين ينبشم و يقولك بعدها صايم
تي تاكلو في ماكلة تسد لتلاتة أيام النهار المبارك
في مشروع بنفتحه هني تخش معاي شريك
بنفتح سنفاز :lol:

الطـــــير
25-10-2005, 12:02 PM
ان شااء الله موفق اخي الكريم

hisho22
25-10-2005, 12:35 PM
بسم الله الرحمن الرحيم...






و ربي يوفقك مع ولد الشريف في الدعوة الإسلامية ;) تبي أي حاجة منه قول ..الراجل معرفة قديمة من إيامات الوالد الله يرحمه... وخدوم على الآخر...
حسك فرحتني...فهذا ممكن الجهاز الوحيد اللي في الجماهيرية الواحد يفتخر إنه يخدم فيه
منور يا هيشو و ربي يوفقك في رحلتك و ما اطولش الغيبة علينا....

الله يبارك فيك..

سامحني هذا وين قريت ردك..

مزبوط كلامك ...لكن مرة الواحد يدوي بالرقريقي شوية ثقافة يعني...

والامور ماشية ان شاء الله ولله الحمد ...

اهو متواجدين في النت كل يوم ... :confused:

الى لقاء قريب جدا ان شاء الله..


اسطورة خيركم نحيتوا اللافتة امتاع محلكم ؟؟؟ :lol:

والسلام عليكم ورحمة الله تعالى وبركاته..

مسموم
25-10-2005, 03:39 PM
اهو جي رمضان و عاودو افتحو الموضوع و هدرزو الله يبارك فيك ليبي متغرب





6709

مالك خلف
25-10-2005, 03:41 PM
أما سحور اللي تتكلم عليه يا اسطورة بعد الإمساك؟ :rolleyes:

ليبي متغرب
25-10-2005, 11:11 PM
ان شااء الله موفق اخي الكريم
و أنت كذلك ;)

ليبي متغرب
25-10-2005, 11:14 PM
بسم الله الرحمن الرحيم...




الله يبارك فيك..

سامحني هذا وين قريت ردك..

مزبوط كلامك ...لكن مرة الواحد يدوي بالرقريقي شوية ثقافة يعني...

والامور ماشية ان شاء الله ولله الحمد ...

اهو متواجدين في النت كل يوم ... :confused:

الى لقاء قريب جدا ان شاء الله..


اسطورة خيركم نحيتوا اللافتة امتاع محلكم ؟؟؟ :lol:

والسلام عليكم ورحمة الله تعالى وبركاته..

مش مشكلة يا هيشو
شنو معنى ** رقريقي ** :devilsmil دورتها في القاموس ما لقيتش معناها :lol:
إن شاء الله شنو ما فيش بعتة لينا هني تآنسنا يا هيشو ;)

و الأسطورة نحو اللافتة متاع محلهم قال معادش نبو الشهدرة :lol:

ليبي متغرب
25-10-2005, 11:19 PM
اهو جي رمضان و عاودو افتحو الموضوع و هدرزو الله يبارك فيك ليبي متغرب





6709


صباح الخير تي رمضان قريب يتم و تقوللي آهو جي رمضان :lol:

شنو شكله الصيام مأثر عليك بالهلبة :devilsmil

ليبي متغرب
25-10-2005, 11:24 PM
أما سحور اللي تتكلم عليه يا اسطورة بعد الإمساك؟ :rolleyes:
:eek: :eek:



أومااااااا يا ولاااااد كبسة :lol:



الأسطورة سحوره مع أذان الفجر
يأذن الفجر يوقف الماكلة و الشراب ;)

hisho22
26-10-2005, 12:08 AM
بسم الله الرحمن الرحيم....






مش مشكلة يا هيشو
شنو معنى ** رقريقي ** :devilsmil دورتها في القاموس ما لقيتش معناها :lol:
إن شاء الله شنو ما فيش بعتة لينا هني تآنسنا يا هيشو ;)

و الأسطورة نحو اللافتة متاع محلهم قال معادش نبو الشهدرة :lol:


بالنسبة لكلمة رقريقي...فما تسألنيش عليها...

توة نسأل الوالد عليها...

هذي يا محترم الوالد ايام صغار ويبعتني مثلا لمكان نريح الخريطة وننسى شن قلت يقولي شني ندوي بالرقريقي مافهمتنيش؟؟؟ فمشت لليوم رقريقي.. :confused: لكن توة نسأله ان شاء الله..

بالنسبة للبعثة..هي اهني و في ناس قريب ياكلوني بعيونهم.. :cool:

غادي تعرف كان يطلع قرار بعثة لغادي ممكن يجوا يقصفوني في الحوش...


الاسطورة هذا حالته حاله مسيكين..

وانت ناسي روحك ومسيب النت علي اساس متواجد.والجهاز بروحه... :lol:

منور..

والسلام عليكم ورحمة الله تعالى وبركاته...

ليبي متغرب
26-10-2005, 02:15 AM
بالنسبة للبعثة..هي اهني و في ناس قريب ياكلوني بعيونهم.. :cool:

غادي تعرف كان يطلع قرار بعثة لغادي ممكن يجوا يقصفوني في الحوش...


الاسطورة هذا حالته حاله مسيكين..

وانت ناسي روحك ومسيب النت علي اساس متواجد.والجهاز بروحه... :lol:

منور..

والسلام عليكم ورحمة الله تعالى وبركاته...

و عليكم السلام ورحمة الله وبركاته
حاشاك من الحسد إن شاء الله اللي يحسدك يمشو عيونه
بالنسبة للنت عالق 24\24 ونسيت صفحة الهندسة نت فاتحة طول الليل ما فقتش عليها إلا اليوم
بالك يعطوني عليها وسام التواجد أطول فترة ممكنة داخل الهندسة نت :devilsmil

و معادش ادير إيميلين يا ولد :devilsmil

petsampras
29-10-2005, 12:49 PM
اهلا بيكم يا خوتي
بيتم رمضان بعد ثلاته ايام و بيرجع الجو اخى عليه زي ما كان قبل و الروتين الى يحرق الدم و ترجع الناس كل واحد فى حاله زي الاول و كان رمضان ما ستفادوش منه الا فى زيادة الوزن بس و كترت المصاريف

المهم يا اخواني رغم انها بكري شويه لكن كل عام و انتم بخير و معيدين فايزين و بالطرابلسي العقبة لداير

بنقول حاجة يا ليبي متغرب اني عرفت معنى كلمت الرقريقي الى يقول فيها هيشو سائلت الوالد فى الحوش و قال معناها اغريقي لان جدي يعرفها
و السلام عليكم و رحمة الله
و لا تنسوا قيام الليل لان هذه الايام مباركة ليلة القدر خير من الف شهر على الاقل اقروا قرءان

المتنقل
29-10-2005, 02:49 PM
رمضان سينتهي وهل فعلت الخير في هدا الشهر

الشيماء
29-10-2005, 05:06 PM
السلام عليكم

اهو يا ليبيى متغرب درتلك البوريك

http://emmohamed.jeeran.com/DSC00531.JPG

معليش جاء متأخر بس سامحنى مشغوله 24 ساعه


ما شاء الله عندنا فيه مركز اسلامى امدايرته جمعية الدعوه الاسلاميه الليبيه وجايين زوز اشيوخ من ليبيا ايصلوا بالناس فى صلاة القيام
ما شاء الله ولا قوة ألا بالله
والله كل ما يحكوا على ليبيا وجامع الليبيين نفرح الحاجات هذه هى اللى اتحسن سمعتنا برا.

أن شاء الله كل عام وانتوا طيبيين
ما تنسوش قيام الليل أكثروا من الدعاء وان شاء الله ربى يبلغنا ليلة القدر كانها مازالت وكانها فاتت أن شاء الله ياربى انكونوا من اللى اقدروا على قيامها وتقبلها ربى منهم
راهى خير من 82 سنه عباده.

الاسطورة
29-10-2005, 06:23 PM
السلام عليكم ورحمة الله وبركاته


http://emmohamed.jeeran.com/DSC00531.JPG

ماشاء الله بوريك معبي :| ... راحت لمة العيلة على الفطور :rolleyes:


والسلام عليكم ورحمة الله وبركاته

امواج الخير
31-10-2005, 09:30 AM
كل سنة وانتم طيبون بمناسبة عيد الفطر
ولعقبة لداير

petsampras
31-10-2005, 11:48 AM
احب ان اهنئ كل عضو من الاعضاء بمناسبة حلول عيد الفطر المبارك اعاده الله علينا و على الامة الاسلامية بالخير و اليمن و البركة
و كل عام و انتم بخير
http://www.arabcastle.net/vb/uploaded2/EED.jpg

الاسطورة
31-10-2005, 06:22 PM
السلام عليكم ورحمة الله وبركاته


كعبة تمر وحياتكم فاطرين برا الحوش :rolleyes:

والسلام عليكم ورحمة الله وبركاته

ليبي متغرب
06-11-2005, 05:03 PM
اهلا بيكم يا خوتي
بيتم رمضان بعد ثلاته ايام و بيرجع الجو اخى عليه زي ما كان قبل و الروتين الى يحرق الدم و ترجع الناس كل واحد فى حاله زي الاول و كان رمضان ما ستفادوش منه الا فى زيادة الوزن بس و كترت المصاريف

المهم يا اخواني رغم انها بكري شويه لكن كل عام و انتم بخير و معيدين فايزين و بالطرابلسي العقبة لداير

بنقول حاجة يا ليبي متغرب اني عرفت معنى كلمت الرقريقي الى يقول فيها هيشو سائلت الوالد فى الحوش و قال معناها اغريقي لان جدي يعرفها
و السلام عليكم و رحمة الله
و لا تنسوا قيام الليل لان هذه الايام مباركة ليلة القدر خير من الف شهر على الاقل اقروا قرءان
منور على التوضيح
و آسف على الإيام الأخيرة ما رديناش كنا شادينها إعتكاف في المسجد

و كل عام و إنتم بخير تقبل الله منا و منكم

ليبي متغرب
06-11-2005, 05:05 PM
السلام عليكم

اهو يا ليبيى متغرب درتلك البوريك

http://emmohamed.jeeran.com/DSC00531.JPG

معليش جاء متأخر بس سامحنى مشغوله 24 ساعه


ما شاء الله عندنا فيه مركز اسلامى امدايرته جمعية الدعوه الاسلاميه الليبيه وجايين زوز اشيوخ من ليبيا ايصلوا بالناس فى صلاة القيام
ما شاء الله ولا قوة ألا بالله
والله كل ما يحكوا على ليبيا وجامع الليبيين نفرح الحاجات هذه هى اللى اتحسن سمعتنا برا.

أن شاء الله كل عام وانتوا طيبيين
ما تنسوش قيام الليل أكثروا من الدعاء وان شاء الله ربى يبلغنا ليلة القدر كانها مازالت وكانها فاتت أن شاء الله ياربى انكونوا من اللى اقدروا على قيامها وتقبلها ربى منهم
راهى خير من 82 سنه عباده.

بالله عليك توا هادا كلام يا أم محمد توا كيف تفكرتي البوريك
مشغولة بالتطييب ماهو... :D
يلا مقبولة ناكلوهم في السقادات ...
تقبل الله منا و منكم العقبة الداير..كل سنة و إنتم طيبين

ليبي متغرب
06-11-2005, 05:07 PM
السلام عليكم ورحمة الله وبركاته


http://emmohamed.jeeran.com/DSC00531.JPG

ماشاء الله بوريك معبي :| ... راحت لمة العيلة على الفطور :rolleyes:


والسلام عليكم ورحمة الله وبركاته


نوض غادي من على البوريك يا هووو
حاسدينا حتى في بوريكة...
كل سنة و إنت طيب و العقبة الداير
تقبل الله منا و منكم

ليبي متغرب
06-11-2005, 05:08 PM
كل سنة وانتم طيبون بمناسبة عيد الفطر
ولعقبة لداير
تقبل الله منا و منكم
العقبة لداير

ليبي متغرب
06-11-2005, 05:09 PM
احب ان اهنئ كل عضو من الاعضاء بمناسبة حلول عيد الفطر المبارك اعاده الله علينا و على الامة الاسلامية بالخير و اليمن و البركة
و كل عام و انتم بخير
http://www.arabcastle.net/vb/uploaded2/EED.jpg
تقبل الله منا و منكم كل سنة و إنت طيب يا خوي

ليبي متغرب
12-09-2006, 07:21 AM
اليوم و أنا نقرا في ردود الموضوع هادا استعدت ذكرى أيام مشت بحلوها و مرها..
و هاهي ذات الأيام تعود إلينا من جديد..و آهو بنفتحو المربوعة من جديد..
و توا أقلامكم لرمضان..و الهدرزة بتكون على المفاصل ;)

the game taker
12-09-2006, 09:12 PM
رمضان قريب وانشاء الله حنهدوز الي صبح مع ذكر الله

petsampras
13-09-2006, 11:24 AM
اليوم و أنا نقرا في ردود الموضوع هادا استعدت ذكرى أيام مشت بحلوها و مرها..
و هاهي ذات الأيام تعود إلينا من جديد..و آهو بنفتحو المربوعة من جديد..
و توا أقلامكم لرمضان..و الهدرزة بتكون على المفاصل

أي بالله يا خوي ولا يهمك كل يوم بيومة



و السني ان شاء الله مش رح ننسى نبعتلك البوريك السخون باهيييييي

ليبي متغرب
13-09-2006, 11:31 AM
أي بالله يا خوي ولا يهمك كل يوم بيومة



و السني ان شاء الله مش رح ننسى نبعتلك البوريك السخون باهيييييي


بالك زي بوريك السنتة اللي فاتت يا بيت.. :devilsmil
كلمة في سرك .. عندك علم السنة اللي فاتت نحسابك ولد.. لو تلاحظي ردود السنة اللي فاتت تلقيهم كلهم نكلم فيك بصيغة المذكر.. لا و المشكلة إنك امشية الأمور و كان ما فيش شي صاير :lol:

petsampras
13-09-2006, 11:40 AM
بالك زي بوريك السنتة اللي فاتت يا بيت..
كلمة في سرك .. عندك علم السنة اللي فاتت نحسابك ولد.. لو تلاحظي ردود السنة اللي فاتت تلقيهم كلهم نكلم فيك بصيغة المذكر.. لا و المشكلة إنك امشية الأمور و كان ما فيش شي صاير

ماهو عادي يا خوي مفيش مشاكل ولد بيت زي بعض

توا بندير نوضوع من هذه المهم الكلمة الطيبة و المعاملة الكويسة و الاسلوب الكويس
بس مش مهم ان كان ولد او بنت :good: :good:



و بالنسبة للبوريك
انت غر قول بشنو تحبه بس ايجيك على البريد السريع
:D :eek:

امواج الخير
13-09-2006, 11:44 AM
بالك زي بوريك السنتة اللي فاتت يا بيت.. :devilsmil
كلمة في سرك .. عندك علم السنة اللي فاتت نحسابك ولد.. لو تلاحظي ردود السنة اللي فاتت تلقيهم كلهم نكلم فيك بصيغة المذكر.. لا و المشكلة إنك امشية الأمور و كان ما فيش شي صاير :lol:

ان شاء الله حتكون الهدرزة الرمضانية حتى السنة هادى حلوة زى السنة اللى فاتت لان انى حنشارك فيها :devilsmil .

وبالنسبة للبوريك ليبى متغرب ولا يهمك كان بيت سامبرس مابعتتهولكش انى نبعتهولك غرقوللى تبيه محشى بشنو؟ واختك امواج تديرهولك طلبية خاصة على شانك هيا بحبح ;) .

معليش معذور وكان تندرى العمايل يللى تدير فيها بيت اصلا هادى عوايدها بينى وبينك (عندك علم ان بيت سامبرس وعهد الحب وانى امواج الخير اخوات؟ ) هادى جديدة بالنسبالك صح :q:

امالا نتلاقوا فى رمضان سلامات

ليبي متغرب
13-09-2006, 11:48 AM
ماهو عادي يا خوي مفيش مشاكل ولد بيت زي بعض

توا بندير نوضوع من هذه المهم الكلمة الطيبة و المعاملة الكويسة و الاسلوب الكويس
بس مش مهم ان كان ولد او بنت :good: :good:



و بالنسبة للبوريك
انت غر قول بشنو تحبه بس ايجيك على البريد السريع
:D :eek:


ما هو حتى السنة اللي فاتت كان بالبريد السريع.. و طلع في آخر الحلقة ساعي البريد واكله.. :lol:
تعرفي السني هادي بندير أكبر مغامرة في حياتي..
بنخش المطبخ :eek:

إيه أنا عدو المطبخ بنخش المطبخ.. و ربك يستر على الإنفجارات اللي بتصير :devilsmil

petsampras
13-09-2006, 11:51 AM
ما هو حتى السنة اللي فاتت كان بالبريد السريع.. و طلع في آخر الحلقة ساعي البريد واكله..
تعرفي السني هادي بندير أكبر مغامرة في حياتي..
بنخش المطبخ

إيه أنا عدو المطبخ بنخش المطبخ.. و ربك يستر على الإنفجارات اللي بتصير


أني رح أنبلغ 911 من توا باش يوقفوا استعداد تحت العمارة لاي طارئ

ليبي متغرب
13-09-2006, 11:52 AM
ان شاء الله حتكون الهدرزة الرمضانية حتى السنة هادى حلوة زى السنة اللى فاتت لان انى حنشارك فيها :devilsmil .

وبالنسبة للبوريك ليبى متغرب ولا يهمك كان بيت سامبرس مابعتتهولكش انى نبعتهولك غرقوللى تبيه محشى بشنو؟ واختك امواج تديرهولك طلبية خاصة على شانك هيا بحبح ;) .

معليش معذور وكان تندرى العمايل يللى تدير فيها بيت اصلا هادى عوايدها بينى وبينك (عندك علم ان بيت سامبرس وعهد الحب وانى امواج الخير اخوات؟ ) هادى جديدة بالنسبالك صح :q:

امالا نتلاقوا فى رمضان سلامات


أكيد يا أمواج
نبيه محشي بالرز :devilsmil

أما بنسبة حكايات الخوات كنت متأكد إنكم خوات بنسبة 98% :devilsmil
و الـــ2% التانيين إنكم شخص واحد..لأنكم نفس الأسلوب .. لكن مرات يختلف من واحدة للتانية..
فعرفت بعدها إنكم خوات..
و اما على عمايل بيت أهي المربوعة مفتوحة على وسعها.. هري الشكارة.. وخيك ما عنداش الروح مع القصقصة بكل راهو..
و أهو من توا لو البوريك ما وصلش السنة هادي.. تحملو ما يجيكم :devilsmil

ليبي متغرب
13-09-2006, 11:57 AM
أني رح أنبلغ 911 من توا باش يوقفوا استعداد تحت العمارة لاي طارئ
المشكلة إني مش في عمارة يا بيت.. :confused:

لكن بالله عليك ما تبلغيهمش..مش ناقص مصايب..هي ياسر مصيبة خشوش المطبخ..
تعرفي مرة حاولت ندير مكرونة امبكبكة..بوصفة أحد الأخوات..المهم خوك الفالح خش.. و لبزت لين عرفته تلبيز :)
الشكل طلع صح..مكرونة امبكبكة على كيف كيفك..
لكن الطعم ما نحكيلكش شنيــــع..تصدقي حتى القطوسة ما بتش تاكلها..جت شمتها بعدين قامت خشمها و قالت هادا اللي ما زال .. أنا ناكل من هادي :devilsmil
عمرك ريتي مصيبة أكبر من هكي

petsampras
13-09-2006, 12:19 PM
المشكلة إني مش في عمارة يا بيت..

لكن بالله عليك ما تبلغيهمش..مش ناقص مصايب..هي ياسر مصيبة خشوش المطبخ..
تعرفي مرة حاولت ندير مكرونة امبكبكة..بوصفة أحد الأخوات..المهم خوك الفالح خش.. و لبزت لين عرفته تلبيز
الشكل طلع صح..مكرونة امبكبكة على كيف كيفك..
لكن الطعم ما نحكيلكش شنيــــع..تصدقي حتى القطوسة ما بتش تاكلها..جت شمتها بعدين قامت خشمها و قالت هادا اللي ما زال .. أنا ناكل من هادي
عمرك ريتي مصيبة أكبر من هكي

معليشي شوي شوية تتعلم


رد بالك على القطوسة تعطيها حاجة هكي و الا هكي
بعدين منظمة حقوق الحيوان اتجيك

امواج الخير
13-09-2006, 12:24 PM
أكيد يا أمواج
نبيه محشي بالرز :devilsmil

أما بنسبة حكايات الخوات كنت متأكد إنكم خوات بنسبة 98% :devilsmil
و الـــ2% التانيين إنكم شخص واحد..لأنكم نفس الأسلوب .. لكن مرات يختلف من واحدة للتانية..
فعرفت بعدها إنكم خوات..
و اما على عمايل بيت أهي المربوعة مفتوحة على وسعها.. هري الشكارة.. وخيك ما عنداش الروح مع القصقصة بكل راهو..
و أهو من توا لو البوريك ما وصلش السنة هادي.. تحملو ما يجيكم :devilsmil

رغم انى منعرفش ولا عمرى فحياتى كلها شفت او ضقت البوريك بالرز لكن ولا يهمك مادام هذا طلبك عادى نديروه لكن تاكله بروحك انت بس ومحدش ثانى غيرك :devilsmil وبعدين قوللى على بنته بالك نخترعوا بوريك جديد ونسموه (بوررزة متغرب) يعنى شنطة متغرب على اسمك :devilsmil :lol: :lol:

ولا يهمك غر جيب ودانك جاى وانى نحكيلك لكن تعرف خليها لرمضان احسن اهو حصلنا موضوع جديد.

ربى يستر من العواقب المهم متقولناش اقفوا وجهكم للحيط ويديكم فرق راسكم ورجلكم مرفوعة :lol: :eek:

ليبي متغرب
13-09-2006, 12:25 PM
معليشي شوي شوية تتعلم


رد بالك على القطوسة تعطيها حاجة هكي و الا هكي
بعدين منظمة حقوق الحيوان اتجيك


و الله مش باين.. الشي الوحيد اللي فشلت فيه في حياتي ... التطييب.. :(
أما على القطوسة.. نقتل روحي قبل ما يوصلها شي.. كله إلا ميشو ;)

ليبي متغرب
13-09-2006, 12:33 PM
رغم انى منعرفش ولا عمرى فحياتلا كلها شفت او ضقت البوريك بالرز لكن ولا يهمك مادام هذا طلبك عادى نديروه لكن تاكله بروحك انت بس ومحدش ثانى غيرك :devilsmil وبعدين قوللى على بنته بالك نخترعوا بوريك جديد ونسموه (بوررزة متغرب) يعنى شنطة متغرب على اسمك :devilsmil :lol: :lol:

ولا يهمك غر جيب ودانك جاى وانى نحكيلك لكن تعرف خليها لرمضان احسن اهو حصلنا موضوع جديد.

ربى يستر من العواقب المهم متقولناش اقفوا وجهكم للحيط ويديكم فرق راسكم ورجلكم مرفوعة :lol: :eek:
تي ناكله بروحي المهم ناكل بوريك يا ناس

بنته ما نعرفش لأني ما جربتاش قبل هكي :devilsmil
سمية حتى فسكية مش مشكلة :lol:
هاك ودني هاك..عمك ** كو ** حاسدني عليها ;)

لا لا العقاب زي هادا ما يمشيش معاي..خوك سادي النزعة :devilsmil

امواج الخير
13-09-2006, 12:35 PM
المشكلة إني مش في عمارة يا بيت.. :confused:

لكن بالله عليك ما تبلغيهمش..مش ناقص مصايب..هي ياسر مصيبة خشوش المطبخ..
تعرفي مرة حاولت ندير مكرونة امبكبكة..بوصفة أحد الأخوات..المهم خوك الفالح خش.. و لبزت لين عرفته تلبيز :)
الشكل طلع صح..مكرونة امبكبكة على كيف كيفك..
لكن الطعم ما نحكيلكش شنيــــع..تصدقي حتى القطوسة ما بتش تاكلها..جت شمتها بعدين قامت خشمها و قالت هادا اللي ما زال .. أنا ناكل من هادي :devilsmil
عمرك ريتي مصيبة أكبر من هكي

شوية شوية وتجيبها صح معليش كلنا فى البداية متجيناش الحاجة كويس بس المهم تحاول اكثر من مرة بس الخوف كل الخوف على معدتك ينارى قداش مابتتحمل من اكلات اشكال والوان.

مدام حتى القطوسة عافتها معناها ربك يستر وخلاص انت متاكد من المقادير يللى تحط فيها بالك تحط فى حاجة ثانية بدل الملح او الفلفل :devilsmil

ليبي متغرب
13-09-2006, 12:40 PM
شوية شوية وتجيبها صح معليش كلنا فى البداية متجيناش الحاجة كويس بس المهم تحاول اكثر من مرة بس الخوف كل الخوف على معدتك ينارى قداش مابتتحمل من اكلات اشكال والوان.

مدام حتى القطوسة عافتها معناها ربك يستر وخلاص انت متاكد من المقادير يللى تحط فيها بالك تحط فى حاجة ثانية بدل الملح او الفلفل :devilsmil
كانك على معدتي.. و الله مرات تسخف في على قداش ما تتحمل :lol:

لكن المقادير متأكد منها.. حاولت نحل المعادلة باش نعرف الغلط وين ما قدرتش..
شادينها ماكلة مطاعم بس..تعرفي شنو معنى الواحد ليه 4 سنوات ما ضاقش طعم التطييب إلا في المناسبات القومية بس..
شكلي بنقلبها تراجيديا توا..
المهم كيف حالك قلتيلي :lol:

امواج الخير
13-09-2006, 12:57 PM
لا لا العقاب زي هادا ما يمشيش معاي..خوك سادي النزعة :devilsmil

http://www.w6w.net/album/30/w6w_w6w_20050508155336262359f807ba.gif http://www.w6w.net/album/30/w6w_w6w_2005042720272258122e14.gif ربى يستر

امواج الخير
13-09-2006, 01:23 PM
كانك على معدتي.. و الله مرات تسخف في على قداش ما تتحمل :lol:

لكن المقادير متأكد منها.. حاولت نحل المعادلة باش نعرف الغلط وين ما قدرتش..
شادينها ماكلة مطاعم بس..تعرفي شنو معنى الواحد ليه 4 سنوات ما ضاقش طعم التطييب إلا في المناسبات القومية بس..
شكلي بنقلبها تراجيديا توا..
المهم كيف حالك قلتيلي :lol:

http://www.w6w.net/album/30/w6w_w6w_20050501182920262382c84e84.gif بكيتنى من كثر ما اثر فيا كلامك بس شن بدير هادى هى الحياة كان تبى تضمن مستقبل كويس وترتاح فى شيبتك لازم تتعب شوية تبى الحق هو تمرميط لكن معليش .

قلت تراجيديا هذا ولا فيلم هندى http://www.w6w.net/album/30/w6w_w6w_20050501183335262364f02764.gif

اه شنو سألتنى على حالى كويسة والحمد لله http://www.w6w.net/album/30/w6w_w6w_20050501011727262372e50613.gif

petsampras
13-09-2006, 01:35 PM
معليشي يا امواج الخير متبكيش متبكيش
بعدين بدل ما تبيكي طيبي و ابعتي للولد باش ياكل راهو ماكلت المطاعم مصيبة

ليبي متغرب
13-09-2006, 01:39 PM
http://www.w6w.net/album/30/w6w_w6w_20050501182920262382c84e84.gif بكيتنى من كثر ما اثر فيا كلامك بس شن بدير هادى هى الحياة كان تبى تضمن مستقبل كويس وترتاح فى شيبتك لازم تتعب شوية تبى الحق هو تمرميط لكن معليش .

قلت تراجيديا هذا ولا فيلم هندى http://www.w6w.net/album/30/w6w_w6w_20050501183335262364f02764.gif

اه شنو سألتنى على حالى كويسة والحمد لله http://www.w6w.net/album/30/w6w_w6w_20050501011727262372e50613.gif

و الله ما متغربين على خاطر باش نرتاح في شيبتي و لا مستقبل كويس..هادي القراية الحرفة الله لا تربحها هي اللي جايبتني هني,,
تي قاللك تمرميط..تي بهادل على ودنه تقول شيشباني :lol:
باهي اللي حالك كويس

ليبي متغرب
13-09-2006, 01:41 PM
معليشي يا امواج الخير متبكيش متبكيش
بعدين بدل ما تبيكي طيبي و ابعتي للولد باش ياكل راهو ماكلت المطاعم مصيبة
إيه إيه قوليلها بالله
و خيرك ما تبعتيش إنت ولا ايديك محنيات :devilsmil

petsampras
13-09-2006, 02:09 PM
إيه إيه قوليلها بالله
و خيرك ما تبعتيش إنت ولا ايديك محنيات

لا انديرلك عادي لكن من غير تعليق بتاكل و تسكت

اسمع حقه البازين و الله ما عندي فيه مش تطلبه

أي حاجة انديرها و نبعتها حتى العصيدة لكن البازين لا

امواج الخير
13-09-2006, 02:28 PM
معليشي يا امواج الخير متبكيش متبكيش
بعدين بدل ما تبيكي طيبي و ابعتي للولد باش ياكل راهو ماكلت المطاعم مصيبة
شن قصدك تدفيللى فى يبارى زعميتك http://www.w6w.net/album/30/w6w_w6w_200505011819342623b02ee9d1.gif


و خيرك ما تبعتيش إنت ولا ايديك محنيات
صحة ليك ياليبى هكى نبيك وريها تتفلح عليا مدايرة روحها زعميتك وهيا احرف منى. http://www.w6w.net/album/30/w6w_w6w_200505010116502623266b8868.gif


اسمع حقه البازين و الله ما عندي فيه مش تطلبه

أي حاجة انديرها و نبعتها حتى العصيدة لكن البازين لا

اهو البازين اللى على اصوله اختك فالحة وتعرف اديره صحتين وعافية على قلبك
http://alaamg.jeeran.com/بازين.jpg

والله فى الحوش انديروا فيه مرة فى الشهر لما نشوفه تقول انشوف فهلال العيد تعرف متعبينى على خاطره ماياكل فيه حد الا انى وبابا والباقى ميحبوشى حتى بيت متحباش .

angela_88
13-09-2006, 02:34 PM
السلام عليكم
ان شاء الله يجى رمضان بالبركة ومحبة الناس والاهل وان شاء الله تكون الامة العربية بخير

petsampras
13-09-2006, 03:26 PM
والله فى الحوش انديروا فيه مرة فى الشهر لما نشوفه تقول انشوف فهلال العيد تعرف متعبينى على خاطره ماياكل فيه حد الا انى وبابا والباقى ميحبوشى حتى بيت متحباش .

أي اصلا احلي بازين متع راس العام
ايهبل لانه بالقرقوش و الباقي لوح

سمراء
14-09-2006, 11:52 AM
السلام عليكم

مرحبا اصحاب كيف حالكم وشنى اخبار تجهيزات رمضان معاكم

نشوف فى دروس الطبخ ليه ليه :lol:

عل كل حال ان شاء الله رمضان مبارك عليكم

أما بالنسبة للمبكبكة يا ليبى فطبيعى انه القطوسة ما تاكلهاش

أيديات :cool:

رمضان هدا فى النو ربى يفوته على خير

على فكرة امواج وبيت كيف تقسيماتك فى المطبخ فى رمضان :rolleyes:

وعلىحد علمى انتو الزوز تشتغلو... :q:

sabbra_caddabra
14-09-2006, 03:13 PM
رمــــضان فى الغربة زى ما قلت فى رد ســـــابق بتــــقول اللهم انى صايم تسعمية مرة فى اليوم
و ما فيش شكون يحس بيك صـــــــــــــــايم
و رمـــــضان كأنه مش رمضــــأن
وين الحمــــاصة
وين الدوريات
وين الناس اللى تطلع بعد الفطور
وين قهــــوة الترديدة
وين الــــسحور
بالله خلــــيها فى سرك ما ادكرنيش

petsampras
14-09-2006, 03:45 PM
على فكرة امواج وبيت كيف تقسيماتك فى المطبخ فى رمضان

وعلىحد علمى انتو الزوز تشتغلو...

أي بالله يا سمراء منحكيلكش كله بيجي على الوالدة احنى انروحوا متاخر و كان لحقنا على حويجة او اتنين انديروها مزينا حد
يا الله نحاولوا انديروا حويجة لان المغرب متأخر انلحقوا


أما بالنسبة للمبكبكة يا ليبى فطبيعى انه القطوسة ما تاكلهاش

أيديات

و زي ما قلتي القطاطيش ميكلوش أي حاجة
خوي الليبي عابي عليها زي القطاطيش المتشردات اللي هني حتى البنادم قريب ياكلوه من الجوع

امواج الخير
16-09-2006, 12:15 PM
السلام عليكم

مرحبا اصحاب كيف حالكم وشنى اخبار تجهيزات رمضان معاكم

نشوف فى دروس الطبخ ليه ليه :lol:

عل كل حال ان شاء الله رمضان مبارك عليكم

أما بالنسبة للمبكبكة يا ليبى فطبيعى انه القطوسة ما تاكلهاش

أيديات :cool:

رمضان هدا فى النو ربى يفوته على خير

على فكرة امواج وبيت كيف تقسيماتك فى المطبخ فى رمضان :rolleyes:

وعلى حد علمى انتو الزوز تشتغلو... :q:

كيف حالك وخيتى سمراء والله ليك وحشة خليتى مكانك.

ايه امالا شنو نبو ليبى متغرب يتعلم بسرعة فن الطبخ قبل رمضان بيش ياكل كويس ياروحى ماعنده حد يطيبله مش زينا :devilsmil .

والله وخيتى شن تبينى نقولك بالنسبة ليا انى باهى اهو نروح مع 3 يعنى نلحق ندير حاجة مع الوالدة اما بيت فينارى عليها يادوب تدير البوريك وتقليه اصلا هذا تخصصها فى رمضان :lol: .

وتوة نقوللكم مبارك عليكم رمضان ;)

folla1985
16-09-2006, 06:41 PM
السلام عليكم و رحمة الله و بركاته
رمضان مبارك عليكم و على جميع المسلمين آمين يا رب
بالنسبة لاستعدادات رمضان،احنا النساوين نقضوا في 3/4 اليوم في المطبخ و الربع الأخير نرقدوا فيه باش نكسبوا قوة للتطييب في اليوم التالي و هذا كله و ان شاء الله يعجب تلقى الجالة لما يقعمزوا ع السفرة هذا خيره مالح ،هذا خيره حار مش تعرفي انه الحار يتعب في معدتي ،علاش القهوة مش واتية وووووووو......
لدرجة انه أصبح نشيد يومي المفروض انه نسجله ليهم على شريط و نفتحهولهم من غير ما يشيطوا ريقهم كل يوم.
و طبعا ليالي رمضان ما فيش أحلى منها في جو العيلة و الأحباب ياناري على المغتربين.
ليا عودة في هدرزة الهندسة نت الرمضانية هذا لو لقيت وقت بعد ما يخش رمضان

المتنقل
16-09-2006, 07:21 PM
مرحبا اصحاب كيف حالكم وشنى اخبار تجهيزات رمضان معاكم

نشوف فى دروس الطبخ ليه ليه

عل كل حال ان شاء الله رمضان مبارك عليكم

أما بالنسبة للمبكبكة يا ليبى فطبيعى انه القطوسة ما تاكلهاش بيش وتن روحكن يا طباخات الهندسة نت
الرمضان هذا عليكن
سمراء انتي ستترأسي طاقم الطباخات

out.

المتنقل
16-09-2006, 07:26 PM
رمضان هدا فى النو ربى يفوته على خير كان هذا الرمضان بتقولي في النو امال بعد سنتين شنو تقولي


out.

سمراء
17-09-2006, 02:04 PM
السلام عليكم


كيف حالك وخيتى سمراء والله ليك وحشة خليتى مكانك.

اهلا بك امواج وما تشوفى وحش ان شاء الله



ايه امالا شنو نبو ليبى متغرب يتعلم بسرعة فن الطبخ قبل رمضان بيش ياكل كويس ياروحى ماعنده حد يطيبله مش زينا

والله لو تديرى ما تديرى يا أمواج لو كان فيه أمل كانت المعجزة هادى حققتها امه المسكينة


يادوب تدير البوريك وتقليه اصلا هذا تخصصها فى رمضان

اكيد يطلع مش عادى مدام من ايدين بيت ;)

سمراء
17-09-2006, 02:16 PM
أي بالله يا سمراء منحكيلكش كله بيجي على الوالدة احنى انروحوا متاخر و كان لحقنا على حويجة او اتنين انديروها مزينا حد
يا الله نحاولوا انديروا حويجة لان المغرب متأخر انلحقوا



و زي ما قلتي القطاطيش ميكلوش أي حاجة
خوي الليبي عابي عليها زي القطاطيش المتشردات اللي هني حتى البنادم قريب ياكلوه من الجوع


والله ربى يكون فى عونها الوالدة وربى يحفظهالكم

وبالله يا بنات لو فيه وصفات جديدة قولولنا ;) :o

امواج الخير
17-09-2006, 02:18 PM
السلام عليكم

اهلا بك امواج وما تشوفى وحش ان شاء الله

والله لو تديرى ما تديرى يا أمواج لو كان فيه أمل كانت المعجزة هادى حققتها امه المسكينة


:lol: :lol: :lol: :lol: والله صدقتى وخيتى

ريت ياليبى متغرب معناها مفيش فايدة من تعليمك :devilsmil غر نتعبوا فى روحنا وخلاص.

سمراء
17-09-2006, 02:35 PM
السلام عليكم و رحمة الله و بركاته
رمضان مبارك عليكم و على جميع المسلمين آمين يا رب
بالنسبة لاستعدادات رمضان،احنا النساوين نقضوا في 3/4 اليوم في المطبخ و الربع الأخير نرقدوا فيه باش نكسبوا قوة للتطييب في اليوم التالي و هذا كله و ان شاء الله يعجب تلقى الجالة لما يقعمزوا ع السفرة هذا خيره مالح ،هذا خيره حار مش تعرفي انه الحار يتعب في معدتي ،علاش القهوة مش واتية وووووووو......
لدرجة انه أصبح نشيد يومي المفروض انه نسجله ليهم على شريط و نفتحهولهم من غير ما يشيطوا ريقهم كل يوم.
و طبعا ليالي رمضان ما فيش أحلى منها في جو العيلة و الأحباب ياناري على المغتربين.
ليا عودة في هدرزة الهندسة نت الرمضانية هذا لو لقيت وقت بعد ما يخش رمضان

وعليكم السلام ورحمة الله وبركاته

اهلا بيك فلة ورمضان مبارك ان شاء الله

اما حكاية الاستعدادات هادى على ما أظن انك مبالغة فيها شوية :rolleyes:

لانى نلقى فى وقت انى نقرأ قرأنى ونلقى فى وقت للتلفزيون ووقت للعيلة

بس الى أكيد انه المطبخ هو الاساسى :devilsmil

وتعرفو احلى شئ واكتر شئ نستحش فيه فى رمضان هى القهوة العربية وريحتها
يكون ليها طعم وريحة خاصة .... :cool: :cool:

petsampras
17-09-2006, 03:39 PM
اكيد يطلع مش عادى مدام من ايدين بيت

سلمك اوخيتي


والله ربى يكون فى عونها الوالدة وربى يحفظهالكم


و ان شاء الله ربي يقدرنا بس انساعدوها و انعاونوا حتى بالابوريك بس



على فكرة اني حشيشتي حتى كبة سورية و كبة الدجاج اندير فيهم في رمضان

و الهريسة العربية الحارة جهزتها من الاسبوع اللي فت منقدرش نفطر الا بيها

يا سلالللللللللللللللللللللللللللاااااااااااااااااااااااااامممممممممممممممممممممم

folla1985
17-09-2006, 07:01 PM
وعليكم السلام ورحمة الله وبركاته

اهلا بيك فلة ورمضان مبارك ان شاء الله

اما حكاية الاستعدادات هادى على ما أظن انك مبالغة فيها شوية :rolleyes:

لانى نلقى فى وقت انى نقرأ قرأنى ونلقى فى وقت للتلفزيون ووقت للعيلة

بس الى أكيد انه المطبخ هو الاساسى :devilsmil

وتعرفو احلى شئ واكتر شئ نستحش فيه فى رمضان هى القهوة العربية وريحتها
يكون ليها طعم وريحة خاصة .... :cool: :cool:
مرحبتين بيك غاليتي سمراء
رمضان مبارك عليك و على عائلتك
بالنسبة لقراءة القرآن و العبادات لو ما فرضتي وقتها على نفسك فرض في رمضان صدقيني ما تحصليش كيف تأديها بالأخص لما تبدي عندك دراسة أو تشتغلي و تطلعي ساعات من النهار خارج البيت أنا جربتها في القراية احيانا نطبق في اليوم كله برا نطلع من الساعة 8:30 و نروح للبيت الساعة 4:00 العشية يبدى حيلي مهدود لكن زيارة المطبخ للتبرك بيه فرض عين على كل بنت و مرأة :D
كالا التلفزيون هذا مطلقاته باثلاثة من حوالي 3 سنوات اللهم إلا برنامج ديني فقط لأنه بصراحة رمضان ربي داره لينا باش نسألوا الله في أوله الرحمة و وسطه المغفرة و آخره العتق من النار و البرامج و المسلسلات اللي تعرض في رمضان ما ينشبح فيها بكل و بعدين أنا أصلا حتى خاطي رمضان ما نتفرج على التلفزيون بكل إلا كان قالولي تعالي فيه خبر معين شوفيه بس
اخيرا شكلك من مدمنين القهوة يلطف بيك ربي ،انا من مدمنين الشاهي الأخضر عزوز سابقة وقتها ;)
طولت عليكم هذا لأني مستاحشتكم و نبي نقترح اقتراح و هو انه الأعضاء اللي يعرفوا يطيبوا يتبرع كل واحد منهم بأنه يشرح أكلة للي ما يعرفش يطيب زي خونا ليبي متغرب هذا اللي انا نشك انه عنده نية في انه يتعلم حتى كيف يقلي دحية :devil:

sabbra_caddabra
17-09-2006, 07:42 PM
صــــــــــــــــحة ليدكم

بتونة العصر
17-09-2006, 09:29 PM
مشكوووووورعلي الموضوع الحلو
....................سلام..................

غدامسي1
17-09-2006, 09:32 PM
منوووووووووور على الموضوع
رمضان الصبح تحس روحك قالق
وتبي تاكل والا تمشي الكساد
بالتقريم على الناس والا تقعد
جنب محل هذا داخل وهذاطالع
لين ياذن عليك المغرب

flower_90
17-09-2006, 10:04 PM
إن شاء الله كل عام و أنتم بخير
شكرا ليك عالموضوع
وليا رجعة بإذن الله

petsampras
18-09-2006, 02:17 PM
اني طبعا بنبدا بيكم بنقوللكم اهم حاجة في رمضان و منقدرش نتخيل السفرة بدونها الا و هي

الشربة الطرابلسية


مما تتكون الشربة { خاص لأخي ليبي متغرب}

المقادير :

1 – بصل .
2- معدنوس
3- حمص
4 – لحم { جمل أو خروف}
طبعا طبعا الدباير

اللي هما { فلفل احمر – ملح – بزار- حرارات التطيب – طماطم معجون }

و كاشيك سمن بلدي حيواني

نبدو توا

جيب الطنجرة و حط فيها كاشيك السمن {متع الماكلة العادي} مش تنسى الكاشيك { هههههههههههه}
طبعا قبل ما تولع النار
تكون مقرظ البصل شوية مش عرم
و مقرض المعدنوس شوية حتى هو
و موتي اللحم قصة صغيرون مش كبير متع بصلة
و أمصمص الحمص المنقع

تحط هذا كله مع بعض في الطنجرة و تولع النار { هادئة}
تخلية شوية لين ايدبل البصل و المعدنوس و بعدين اضيف كشيك و نص طماطم معجون { مش معبي } و نصف كاشيك فلفل احمر و شوية بزار و شوية حرارات التطييب و تخليها تشكشك شوية و اضيف عليها كوب ماء و تخليها شوية بعدين تصب عليها الماء زيادة باش اطيبوا المحتويات بس
و في الغلوة الاخيرة اضيف الشربة لسان العصفور
مش هلباا
قبضة ايد باش متجيش زي المكرونة

بعد الغلوة الاخيرة اللي و تتاكد من ان الشربة طابت مش بكل فوق التلت ارباع طياب بشوية
بعدها سكر عليها النار لما تتاكد انها رزنت شوية مش هلباا هلبااا شوية بس مش امية تلقلق و كل شئ طاب مزبوط تحط النعناع اليابس فوقها و تغطيها و تستنى المغرب باش تحركها و تصب و تاكل بالهنا و الصحة

خوي ليبي تبع الوصفة تمام متخيبش الاكلة بكل

و ان شاء الله تجيك صح

folla1985
18-09-2006, 06:08 PM
تسلم ايديك يا بيت و فعلا لا يمكن اننا نقعمزوا على سفرة ما فيهاش الشربة و في حاجة تانية مقترنة بسفرة رمضان و هيا الضولمة او ما يعرف بالبراك و اللي منه انواع اختلفت المحشيات و الحشوة وحدة.
و هذا طريقته كيف ما ندير فيه كالتالي:
المقادير:
ربطة معدنوس + ربطة كسبر + ربطة شبت + عدد 2 أو 3 روس بصل حجم متوسط او كبير + 4 قرون فلفل اخضر و ممكن اكثر حسب الرغبة + عدد 1 طماطم خضرة + طاسة رز مغسول و منقع + لحم (لحوم حمراء) مقرض قطع صغيرة + كم ورقة نعناع اخضر مقرضة صغييير (شبه مفرومة) + ملح (حسب الرغبة) + بهارات(فلفل احمر،كركم،بزار كاشيك كبير من كل حاجة) + 2 ملعقة كبيرة مليانة طماطم حكة + زيت
الطريقة : المعدنوس و الكسبر و الشبت يتنقوا و ينغسلوا و يتقرضوا تقريق رقيق و كذلك البصل يتقشر و ينغسل و يقرضوه رقيق و الفلفل و كذلك الطماطم الخضرة
نخلطوا المكونات السابقة كلها مع بعضها في صونية و لما نضيفوا الزيت ما يكونش هلبا لين مفسد و لا شوية باش ما تجينا الخلطة شاحة من الزيت.
و بعد ما تجهز الخلطة تقدر تحشيها في اوراق السلك أو اوراق الملفوف او المصارين(للجمل او الضأن) و ادير ما يعرف في طرابلس بالعصبان أو تحشي بيها كوسة ولا فلفل حلوة او اللي تبيه
و بعد ما تحشي اللي تبيه تحطه في كسكاس و تحط الكسكاس على طنجرته اللي تكون معبية ماء يغلي و فوق النار إلى أن يطيب و هذا ياخد مدة من 45 دقيقة الى ساعة و لازم تتأكد أنه البخار ما يتسرب من الكسكاس.
ان شاء الله تعجبكم الأكلة

petsampras
19-09-2006, 10:07 AM
ربطة معدنوس + ربطة كسبر + ربطة شبت + عدد 2 أو 3 روس بصل حجم متوسط او كبير + 4 قرون فلفل اخضر و ممكن اكثر حسب الرغبة + عدد 1 طماطم خضرة + طاسة رز مغسول و منقع + لحم (لحوم حمراء) مقرض قطع صغيرة + كم ورقة نعناع اخضر مقرضة صغييير (شبه مفرومة) + ملح (حسب الرغبة) + بهارات(فلفل احمر،كركم،بزار كاشيك كبير من كل حاجة) + 2 ملعقة كبيرة مليانة طماطم حكة + زيت

اختي العزيزة

صحيتي على الوصفة
بس احني الطرابلسية منستعملش في الكسبر و الشبت في الضولمة

و احسن انواع الضولمة بالنسبة لاهل طرابلس هي { السلك ، الكرنب ، و الفلفل }
بس الطريقة احني بطرابلس {لانه كل مدينة تطيب بشكل معين و بطريقة خاصة نعرفوا انتم }

احني مقاديرنا كا التالي :


- ربطة معدنوس
- 2 بصلات متوسطات
- نعناع يابس
- حبق
- لحم مقطع صغير جدا و مدابيكم ايكون خروف
- ارز مصمص كويس و ميكونش هلبا مقدار صغير باهي باش متجيش رز مبكبك
الدباير

فلفل احمر + ملح + بزار+ حرارات تطيب + طماطم معجون

كاشيك سمن حيواني بلدي

نفرم المعدنوس باليد جيدا و كذلك البصل و نقطع اللحم قطع صغيره جدا حتى يكاد ان يكون مفروم { واو درتوا مفروم عادي}
و نفرم الحبق الطازج و من تم نقوم بالخلط مع بعض
نضع الدباير
الطماطم المعجون كشيك ممسوح مش هلبا و الفلفل الاحمر و الحرارات و البزار القليل منه و كذلك الملح
من بعده نضع ملعقة سمن و النعناع اليابس و نخلطه و نبداء بالحشو في مكانه اما سلك الذي يكون مذبل بالماء الساخن ليلف او الفلفل الحلو او الكرنب المذبل كذلك
تم يرصف في طنجرة و توضع عليه كمية قليلة من الماء المخلوط بالقليل من الطماطم و الفلفل الاحمر و الحرارات
لا تملئ الطنجرة بالماء القليل
على نار هادئة حتى ينضج مع مرعاة تغطية الطنجرة

امواج الخير
19-09-2006, 12:55 PM
اشيه اشيه شكلكم بديتو ليه ليه فى الاكلات وماادراك ما الاكلات بالنسبة ليا انى تو نوتيلكم اكلة حلوة مش عادية طبعا انى تخصصى حلو باذن الله حنكتبلكم اكلة حلوة وبسيطة بيش اخوانا العزاب والمغتربين يقدروا يديروها من غير تعب.

اما توة فسلاماتى الحارة

سمراء
19-09-2006, 01:17 PM
وتقوليلى يا امواج انه تخصصها بوريك وبس

ماشاء الله طلعت فى كل شئ خبرة ....

abeer_salma
19-09-2006, 01:44 PM
السلام عليكم ورحمة اله وبركاته
تحية طيبة للجميع وانشاء الله ديمة موائدكم عامرة بالخيرات
وانشاء الله نقدر نفيد ونستفيد

folla1985
19-09-2006, 06:11 PM
اختي العزيزة

صحيتي على الوصفة
بس احني الطرابلسية منستعملش في الكسبر و الشبت في الضولمة

و احسن انواع الضولمة بالنسبة لاهل طرابلس هي { السلك ، الكرنب ، و الفلفل }
بس الطريقة احني بطرابلس {لانه كل مدينة تطيب بشكل معين و بطريقة خاصة نعرفوا انتم }


يسلمك يا حبوبة
و نبي نقولك انه حتى احنا الشربة ما نديروش فيها بنفس الطريقة اللي انت ذكرتيها زي ما قلتي الأكلة احيانا تحمل نفس الاسم لكن تختلف في طريقة التحضير من منطقة لأخرى
الشربة الليبية اللي انا نعرفها كالتالي:
بصلة + لحم مقطع قطع صغيرة + حمص منقع + جزر مقطع شرائح + معدنوس +كسبر + شبت هديم الثلاثة الاخيرة نقرضوهم ناعم +كاشيك كبير نعناع يابس و مطحون ناعم + الشربة + زيت التطييب + كاشيك طماطم حكة + البهارات(فلفل أحمر + كركم + بزيرة)+ملح + نص ليمة قارصة
نصبوا الزيت في الطنجرة و ما يكونش هلبا لأنه الشربة لما يكون زيتها هلبا تبدى مش طيبة
و نقرضوا البصلة صغير و نصبوها في الزيت تتحمس شوية بعدين نضيفوا اللحم و الحمص و الجزر و نخلوهم يقلوا مع بعضهم حاجة 5 دقايق مع التحريك
بعدين نضيفوا الملح حسب الرغبة و كاشيك مش معبي من الفلفل الأحمر و الكركم و كاشيك طماطم الحكة و نخلي المكونات تقلي مع بعضها شوية و بعدين نضيف عليها طاستين مية و نخلي الطنجرة على النار
نراقبها و نضيفلها المية كل ما احتاجت لين يطيب اللحم و الحمص بعدين نضيف مية للطنجرة بمقدار طاستين و نخليها لين تغلي و نضيف الشربة بالمقدار المناسب يعني باليد حفنة و نص بحيث ما نخلي الشربة هلبة لين تعجن و لا شوية لين تولي كيف المية نضيف كاشيك بزيرة و نضيف المعدنوس و الشبت و الكسبر و نطفي عنها النار و نضيف النعناع اليابس و تعصر عليها نص الليمة القارصة
و تكون هكي تمت الشربة

المتنقل
19-09-2006, 08:30 PM
شنو يا بيت سامبراس الباين عليك طباخة مش عادية
علميلنا بعض العضوات
ورمضان طيب عليكم

out.

astartelo
19-09-2006, 09:13 PM
الكلام كله مشي معاي تمــام وفهمته.. الا الــ


كركم
اقتبــاساً عن الاخت folla1985 فيــاريت تشرحيلنــا شوية عليهــا النقطة هده بالذات لانه عندي احساس انهــا نقطة جوهرية وعنصر فعــال في الشربة اللي وصفتيهــا. ;)

petsampras
20-09-2006, 09:02 AM
يسلمك يا حبوبة
و نبي نقولك انه حتى احنا الشربة ما نديروش فيها بنفس الطريقة اللي انت ذكرتيها زي ما قلتي الأكلة احيانا تحمل نفس الاسم لكن تختلف في طريقة التحضير من منطقة لأخرى
الشربة الليبية اللي انا نعرفها كالتالي:
اختي الكريمة شكرا جزيلا علمتيني حاجة جديدة مكنتش نعرفها

بس ساريت اتقولي اما منطقة اطيب في الشربة بالطريقة هذه لاني اول مرة نسبع بيها

لانك قلتي



الشربة الليبية اللي انا نعرفها كالتالي
و لما تقولي الشربة الليبية معناها كل الليبين ايديروا فيها هكي
لكن احني سكان طرابلس الاصليين و خاصتا من كانوا جدودة من المدينة القديمة مركز طرابلس و الاسر الطرابلسية لايستعملون في الشبت و الكسبر الا في اشياء معينة

مثل رشتة البرمة يحطولها في شبت

و بعض البرودو ايحطوله في كسبر بس

بس الوصفتين اللي اني كتبتهم طرابلسية 100 % من معجم الوالدة و جداتي من جهة امي اللي اصلهم من المدينة القديمة


اقتبــاساً عن الاخت folla1985 فيــاريت تشرحيلنــا شوية عليهــا النقطة هده بالذات لانه عندي احساس انهــا نقطة جوهرية وعنصر فعــال في الشربة اللي وصفتيهــا.
الكركم يا اخي هو البزار بس احني الليبين { الطرابلسيه} انقولو بزار و الله اعلم لو في ليبيين ايقولوا كركم لكن نعرف المشرق العربي مصر ، سوريا ، الاردن، الخليج ايقولوا للبزار كركم




شنو يا بيت سامبراس الباين عليك طباخة مش عادية
علميلنا بعض العضوات
ورمضان طيب عليكم

و الله يعني يا خوي

لكن متقدرش تحكم لين اضوق
انطلعوا في فنونا في رمضان

لكن الشربة الحاجة الوحيدة اللي لازم الوالدة اديرها

شربتها لا يعلى عليها بكل هذيكة الشربة الطربلسية الزمنية




يالله كل وحدة تكتب اكل منطقتها يالله



و يا ريت تسموا المنطقة اللي انتم منها باش نعرفوا كل اكله و وين امكانها

زي مثلا الاخت folla1985 اللي كتبت البراك الشرقاوي

folla1985
20-09-2006, 01:44 PM
زي مثلا الاخت folla1985 اللي كتبت البراك الشرقاوي [/CENTER] [/SIZE] [/COLOR]
يا غالية بيتسامبرس أنا مش شرقاوية أنا من سبها(سبهاوية)
و بالنسبة للشربة هكي انديروا فيها و حتى عندي زوجة خوي تاجورية ادير فيها كيف شربتنا ربما انت واخدة التطييب زي ما قالتي من والدتك ربي يخليهالك و من جداتك و علشان هكي في اختلاف
لكن على العموم اختلفت الطرق و الاكل الليبي واحد طيب و ما عندنا ما نقولوا فيه :D

امواج الخير
20-09-2006, 02:27 PM
وتقوليلى يا امواج انه تخصصها بوريك وبس

ماشاء الله طلعت فى كل شئ خبرة ....

اى ريتى ماهو انى قبل منبيهاش تتخد بالعين معليش ;)

واهو جبتلكم صورة للشربة الليبية لشهيرة والله طلعت روحى بيش قدرت نوفركم صورة ليها شكلها الاكلات الليبية مش متوفرة على النت يعنى عملة صعبة :lol:
http://www.ljbc.net/sections/women/image/2004_02/li2.jpg

شوفوها واعولنا :lol:

folla1985
20-09-2006, 03:18 PM
هذا موقع في أكلات ليبية ياسرة و بالصور شوفوه ممكن يعجبكم
http://www.libyanboyscout.com/muntada/showthread.php?t=6328
تحياتي لكم

petsampras
20-09-2006, 03:29 PM
يا غالية بيتسامبرس أنا مش شرقاوية أنا من سبها(سبهاوية)

اهلين بيك و بكل السبهاوية
اصلا عندنا هلبا اصدقاء من سبها


و بالنسبة للشربة هكي انديروا فيها و حتى عندي زوجة خوي تاجورية ادير فيها كيف شربتنا ربما انت واخدة التطييب زي ما قالتي من والدتك ربي يخليهالك و من جداتك و علشان هكي في اختلاف
لكن على العموم اختلفت الطرق و الاكل الليبي واحد طيب و ما عندنا ما نقولوا فيه

أي عارفة هي تختلف هلباااا بين منطقة و التانية


للعلم ان التواجير مش اصلا الطرابلسية

الاسر الطرابلسية الاصليين هم الذين كانو يعيشون بمدينة طرابلس أي في محيط مدينة طرابلس القديمة أي حدود الصور الذي كان يحد مدينة طرابلس

وانقولك ان امي طربلسية اصلية سواء من جيهة بوها او امها

بس تاجوراء و سوق الجمعة اعتبروا الطرابلسيين الان و ذلك لان سكان طرابلس الاصليين متع قبل اللي قلتك على حدودها شبة اندتروا من فترة

يا ريت تراجعوا تاريخ ليبيا و تاريخ كل مدينة فيها


بس مش هذا موضوعنا
موضوعنا الاكلات و رمضان

المتنقل
20-09-2006, 07:54 PM
يسلمك يا حبوبة
و نبي نقولك انه حتى احنا الشربة ما نديروش فيها بنفس الطريقة اللي انت ذكرتيها زي ما قلتي الأكلة احيانا تحمل نفس الاسم لكن تختلف في طريقة التحضير من منطقة لأخرى
الشربة الليبية اللي انا نعرفها كالتالي:
بصلة + لحم مقطع قطع صغيرة + حمص منقع + جزر مقطع شرائح + معدنوس +كسبر + شبت هديم الثلاثة الاخيرة نقرضوهم ناعم +كاشيك كبير نعناع يابس و مطحون ناعم + الشربة + زيت التطييب + كاشيك طماطم حكة + البهارات(فلفل أحمر + كركم + بزيرة)+ملح + نص ليمة قارصة
نصبوا الزيت في الطنجرة و ما يكونش هلبا لأنه الشربة لما يكون زيتها هلبا تبدى مش طيبة
و نقرضوا البصلة صغير و نصبوها في الزيت تتحمس شوية بعدين نضيفوا اللحم و الحمص و الجزر و نخلوهم يقلوا مع بعضهم حاجة 5 دقايق مع التحريك
بعدين نضيفوا الملح حسب الرغبة و كاشيك مش معبي من الفلفل الأحمر و الكركم و كاشيك طماطم الحكة و نخلي المكونات تقلي مع بعضها شوية و بعدين نضيف عليها طاستين مية و نخلي الطنجرة على النار
نراقبها و نضيفلها المية كل ما احتاجت لين يطيب اللحم و الحمص بعدين نضيف مية للطنجرة بمقدار طاستين و نخليها لين تغلي و نضيف الشربة بالمقدار المناسب يعني باليد حفنة و نص بحيث ما نخلي الشربة هلبة لين تعجن و لا شوية لين تولي كيف المية نضيف كاشيك بزيرة و نضيف المعدنوس و الشبت و الكسبر و نطفي عنها النار و نضيف النعناع اليابس و تعصر عليها نص الليمة القارصة
و تكون هكي تمت الشربة

ما شاء الله الباين انها شوربة صح

لكن حاجة اول مرة نسمع بيها انهم يضيفوها مع الشربة وهي
جزر مقطع شرائح

petsampras
21-09-2006, 03:05 PM
خوي المتنقل اني نفسي اول مرة نسمع ان الشربة فيها سفناري قصدي جزر

هذاكة البرودو

و على فكرة ان الشربة اكلة طربلسية 100 % انتقلت للمدن الاخرى

لان اهل بوي كانو زمان ميعرفوهاش اللي هما تراهنة طبعا و ترهونة لعلمكم اقرب منطقة لطرابلس من حيث العادات

folla1985
22-09-2006, 10:53 PM
خوي المتنقل اني نفسي اول مرة نسمع ان الشربة فيها سفناري قصدي جزر

و على فكرة ان الشربة اكلة طربلسية 100 % انتقلت للمدن الاخرى


تعيشي و تسمعي اختي الكريمة

و معليش حنا هانا في المنتدى أغلبنا ليبيين فلما و تسمية الأكلات عندنا وحدة مع اختلاف طرق التحضير و مش هداكا الاختلاف الكبير زي ما قلت من قبل فمعليش ياريت منك اختي بيت انك لما تكتبي اكلة اكتبي اكلة ليبية بلاش التعصب المبالغ فيه :bad:
ارجو انك تتقبلي كلامي بروح رياضية و رمضان مبارك على الجميع تقبل الله طاعتنا و طاعتكم :D

المتنقل
22-09-2006, 11:01 PM
و على فكرة ان الشربة اكلة طربلسية 100 % انتقلت للمدن الاخرى ما بتش تخش لراسي هالمعلومة

out.

ليبي متغرب
23-09-2006, 02:52 AM
لا انديرلك عادي لكن من غير تعليق بتاكل و تسكت

اسمع حقه البازين و الله ما عندي فيه مش تطلبه

أي حاجة انديرها و نبعتها حتى العصيدة لكن البازين لا
المهم ديري..
و دوة مش حنتكلم المهم أبعتي
تي ما نبوش بازين نبي بورييييييييييك يا عالم بوريك

و خلليك عند كلمتك و أبعتي :devilsmil

راني قاعد نستنى

ليبي متغرب
23-09-2006, 03:01 AM
شن قصدك تدفيللى فى يبارى زعميتك http://www.w6w.net/album/30/w6w_w6w_200505011819342623b02ee9d1.gif


صحة ليك ياليبى هكى نبيك وريها تتفلح عليا مدايرة روحها زعميتك وهيا احرف منى. http://www.w6w.net/album/30/w6w_w6w_200505010116502623266b8868.gif



اهو البازين اللى على اصوله اختك فالحة وتعرف اديره صحتين وعافية على قلبك
http://alaamg.jeeran.com/بازين.jpg

والله فى الحوش انديروا فيه مرة فى الشهر لما نشوفه تقول انشوف فهلال العيد تعرف متعبينى على خاطره ماياكل فيه حد الا انى وبابا والباقى ميحبوشى حتى بيت متحباش .


زعميتك إيه. :lol:

حتى حنى في حوشنا كان أمي دارت بازين ..نجي و نقوللها عرس منو اليومhttp://www.alhandasa.net/forum/images/icons/icon10.gif

تقوللي برا طيح سعدك :devilsmil تقوللي البازين يبي وقت و تعبه هلبة
لكن بالنسبة لوخيك معدتي طاحونة اللي هناك حطيه ما فيش حاجة ما ناكلش فيها..إلا حاجة واحدة بس ** رز بالبصلـة **

ليبي متغرب
23-09-2006, 03:02 AM
السلام عليكم
ان شاء الله يجى رمضان بالبركة ومحبة الناس والاهل وان شاء الله تكون الامة العربية بخير


إن شاء الله خوي و رمضانك مبروك

ليبي متغرب
23-09-2006, 03:08 AM
السلام عليكم

مرحبا اصحاب كيف حالكم وشنى اخبار تجهيزات رمضان معاكم

نشوف فى دروس الطبخ ليه ليه :lol:

عل كل حال ان شاء الله رمضان مبارك عليكم

أما بالنسبة للمبكبكة يا ليبى فطبيعى انه القطوسة ما تاكلهاش

أيديات :cool:

رمضان هدا فى النو ربى يفوته على خير

على فكرة امواج وبيت كيف تقسيماتك فى المطبخ فى رمضان :rolleyes:

وعلىحد علمى انتو الزوز تشتغلو... :q:

لا يديات لا مكاسيــر

على فكرة امواج وبيت كيف تقسيماتك فى المطبخ فى رمضان


علاش التقصقيص http://www.alhandasa.net/forum/images/icons/icon10.gif

والله لو تديرى ما تديرى يا أمواج لو كان فيه أمل كانت المعجزة هادى حققتها امه المسكينة

عارف ما فيش أمل .. نراجي فيك إنت بالك تحققي هالمعجزةhttp://us.i1.yimg.com/us.yimg.com/i/mesg/emoticons7/4.gif

ليبي متغرب
23-09-2006, 03:09 AM
رمــــضان فى الغربة زى ما قلت فى رد ســـــابق بتــــقول اللهم انى صايم تسعمية مرة فى اليوم
و ما فيش شكون يحس بيك صـــــــــــــــايم
و رمـــــضان كأنه مش رمضــــأن
وين الحمــــاصة
وين الدوريات
وين الناس اللى تطلع بعد الفطور
وين قهــــوة الترديدة
وين الــــسحور
بالله خلــــيها فى سرك ما ادكرنيش

إييييييييه بالله تقلب علينا في المواجع علاش

و نسيت السفنز نهارك المبارك

ليبي متغرب
23-09-2006, 03:18 AM
أي بالله يا سمراء منحكيلكش كله بيجي على الوالدة احنى انروحوا متاخر و كان لحقنا على حويجة او اتنين انديروها مزينا حد
يا الله نحاولوا انديروا حويجة لان المغرب متأخر انلحقوا



و زي ما قلتي القطاطيش ميكلوش أي حاجة
خوي الليبي عابي عليها زي القطاطيش المتشردات اللي هني حتى البنادم قريب ياكلوه من الجوع


و الله عبت عليك أمك إنت و ياها.. خودو إجازة في رمضان .. مش مشكلة جت في شهر إجازة تقيموا على أمكم شوية...

بعدين تعالو هني http://us.i1.yimg.com/us.yimg.com/i/mesg/emoticons7/70.gif

ما نحساب روحي إلا خاش منتدى صواني هي هني و صياحها في الوادي ... نحساب روحي غالط و ليت التالي لقيته هو الموضوع نفسه..
تي بالله يا بيت راك تنفخي في قربة مقطوعة.. التطييب مشكلة المشاكل عندي..
تعرفي عارف روحي الشربة حتى لو بنديرها زي ما كتبتيها بتطلع مكرونة صالصة :lol:

المهم أي حاجة تانية غير الشربة

بعدين خيرك إنت و فلة خاشين في بعضكم تقول صراع الديكة :devilsmil واحد يزيد يشعلل فيها :devilsmil

طرابلسية و سبهاوية و مش عارف شنو.. هيا هدو اللعب شوية :devilsmil :devilsmil

ليبي متغرب
23-09-2006, 03:23 AM
كيف حالك وخيتى سمراء والله ليك وحشة خليتى مكانك.

ايه امالا شنو نبو ليبى متغرب يتعلم بسرعة فن الطبخ قبل رمضان بيش ياكل كويس ياروحى ماعنده حد يطيبله مش زينا :devilsmil .

والله وخيتى شن تبينى نقولك بالنسبة ليا انى باهى اهو نروح مع 3 يعنى نلحق ندير حاجة مع الوالدة اما بيت فينارى عليها يادوب تدير البوريك وتقليه اصلا هذا تخصصها فى رمضان :lol: .

وتوة نقوللكم مبارك عليكم رمضان ;)


مبارك عليك رمضان أمواج
اما على الماكلة فخلليها في سرك بالله..بعدين بروحك قلتيها فن الطبخ..و هادا الفن أنا لا أجيده..و زيك ما قتلك خودي إجازة في رمضان ...تي هو شهير قيمي فيه على أمك شوية..


ريت ياليبى متغرب معناها مفيش فايدة من تعليمك غر نتعبوا فى روحنا وخلاص

مش قتلك أنا ما نبيش من يعلمني لأن التعليم مفقود منه الأمل خلاص.
انا نبي من يبعتلي :devilsmil

ليبي متغرب
23-09-2006, 03:30 AM
السلام عليكم و رحمة الله و بركاته
رمضان مبارك عليكم و على جميع المسلمين آمين يا رب
بالنسبة لاستعدادات رمضان،احنا النساوين نقضوا في 3/4 اليوم في المطبخ و الربع الأخير نرقدوا فيه باش نكسبوا قوة للتطييب في اليوم التالي و هذا كله و ان شاء الله يعجب تلقى الجالة لما يقعمزوا ع السفرة هذا خيره مالح ،هذا خيره حار مش تعرفي انه الحار يتعب في معدتي ،علاش القهوة مش واتية وووووووو......
لدرجة انه أصبح نشيد يومي المفروض انه نسجله ليهم على شريط و نفتحهولهم من غير ما يشيطوا ريقهم كل يوم.
و طبعا ليالي رمضان ما فيش أحلى منها في جو العيلة و الأحباب ياناري على المغتربين.
ليا عودة في هدرزة الهندسة نت الرمضانية هذا لو لقيت وقت بعد ما يخش رمضان

و عليك حتى إنت
و مش كل الرجالة هكي يا فلة ..صوابع ايديك مش زي بعضهم

زي خونا ليبي متغرب هذا اللي انا نشك انه عنده نية في انه يتعلم حتى كيف يقلي دحية

مش حكاية نية هي .. كان على النية موجودة :devilsmil

لكن دماغ مسكر الله غالب... و نقصي العراك شوية.. الحكاية رمضان :devilsmil

ليبي متغرب
23-09-2006, 03:33 AM
بيش وتن روحكن يا طباخات الهندسة نت
الرمضان هذا عليكن
سمراء انتي ستترأسي طاقم الطباخات

out.

شنو حالك باهي.. شنو تبي تصيرلنا حالات تسمم و لا كيف..http://us.i1.yimg.com/us.yimg.com/i/mesg/emoticons7/31.gif

ليبي متغرب
23-09-2006, 03:34 AM
مشكوووووورعلي الموضوع الحلو
....................سلام..................
العــفـــو

ليبي متغرب
23-09-2006, 03:36 AM
منوووووووووور على الموضوع
رمضان الصبح تحس روحك قالق
وتبي تاكل والا تمشي الكساد
بالتقريم على الناس والا تقعد
جنب محل هذا داخل وهذاطالع
لين ياذن عليك المغرب


و الله دورت عليه هادا اللي اسمه كساد معادش لقيته..
شنو شكله ما يطلعش إلا في ليبيا بسhttp://www.alhandasa.net/forum/images/icons/icon10.gif

ليبي متغرب
23-09-2006, 03:37 AM
إن شاء الله كل عام و أنتم بخير
شكرا ليك عالموضوع
وليا رجعة بإذن الله



كل سنة و إنت طيبة
أهو نستنوا

ليبي متغرب
23-09-2006, 03:38 AM
السلام عليكم ورحمة اله وبركاته
تحية طيبة للجميع وانشاء الله ديمة موائدكم عامرة بالخيرات
وانشاء الله نقدر نفيد ونستفيد


خود راحتك تخيل روحك في مربوعة حوشكم هدرز ما تشد شي في خاطرك

ليبي متغرب
23-09-2006, 03:47 AM
ة

الاسر الطرابلسية الاصليين هم الذين كانو يعيشون بمدينة طرابلس أي في محيط مدينة طرابلس القديمة أي حدود الصور الذي كان يحد مدينة طرابلس


مش هادا موضوعنا .. لكن بجديات معلومة غلط :devilsmil

سور مدينة طرابلس أكبر من حدود المدينة القديمة

معاك في إن الطرابلسية الأصليين هم أهل المدينة القديمة .. لكن ما تنسيش إن في منهم في الظهرة و سوق الجمعة و النوفليين..


لان اهل بوي كانو زمان ميعرفوهاش اللي هما تراهنة طبعا و ترهونة لعلمكم اقرب منطقة لطرابلس من حيث العادات

صار طلعتي ترهونية :devilsmil عيلة منو قلتيلي :devilsmil

بجديات أمك من عيلة منو :q:

ليبي متغرب
23-09-2006, 03:51 AM
نهاية بنقوللكم حتى حنى هني في أمريكا رمضان عندنا السبت..
فكل عام و أنتم بخير و رمضانكم مبروك إن شاء الله

petsampras
23-09-2006, 08:56 AM
و حتى احني رمضانا السبت اليوم يعني و كل عام و انتم بخير و كل الأمة الإسلامية

المتنقل
23-09-2006, 02:17 PM
بجديات أمك من عيلة منوليش الفضايح

out.

المتنقل
23-09-2006, 02:18 PM
نهاية بنقوللكم حتى حنى هني في أمريكا رمضان عندنا السبت..
فكل عام و أنتم بخير و رمضانكم مبروك إن شاء اللهكل عام وانت بخير

petsampras
23-09-2006, 02:44 PM
ليش الفضايح

والله يا خوي مش فضايح عادي يعني مش مشكلة
بالك نطلعوا عويلة والا معارف
هههههههههههههههه




ان شاء الله المرة الجاية انجيبلكم طريقة المبطن بالصور

عمل ايديه و حيات عينيه

القلب المجروح
23-09-2006, 03:17 PM
السلام عليكم ورحمة الله وبركاته

كل عام والجميع بألف خير

رمضان مبارك علينا وعليكم


ان شاء الله المرة الجاية انجيبلكم طريقة المبطن بالصور

ونحنا هنى ننتظر يا اختى بيت :lol:

والسلام عليكم ورحمة الله وبركاته

honest4u2000
23-09-2006, 04:19 PM
اللللله على رمضان
مااحلى رمضان فى ليبيا
ومااصعبه لو كنت زي حالاتى متغرب

miss_vampire
23-09-2006, 04:20 PM
السلام عليكم

كل عام والجميع بخير

folla1985
24-09-2006, 12:00 AM
السلام عليكم و رحمة الله و بركاته
تقبل الله صيامكم و صح شريبتكم، اليوم بنحط صور بعض الأطباق اللي تعتبر من الأكلات الرمضانية المشهورة نبدوها بسفرة التمر و الحليب (زي برنامج بسباسي )
http://www.moq3.com/pics/up/f_13_09_06/615cc8c424.jpg (www.moq3.com)
http://www3.0zz0.com/2006/09/23/20/750865082.jpg
و الثاني هو سيدة السفرة أكيد عرفتوها و هيا شربة هانم
http://www.moq3.com/pics/up/f_13_09_06/661832e4ba.jpg (www.moq3.com)
و الثالث عريس السفرة و اللي هو البراك (ضولمة)
http://www.moq3.com/pics/up/f_13_09_06/471cb79df2.jpg (www.moq3.com)
و البيتزا
http://www.moq3.com/pics/up/f_13_09_06/2a79949a5a.jpg (www.moq3.com)
و هذا مخصوص لليبي متغرب و هو البوريك
http://www.moq3.com/pics/up/f_13_09_06/6fc177a14e.jpg (www.moq3.com)
معليش حتى خيط الكاميرا عنده حصة فيه :D
و أخيرا الحلو و اللي هو الكيكة
http://www3.0zz0.com/2006/09/23/20/737723882.jpg
هذا نموذج لبعض المأكولات اللي تكون في أغلب الأحيان متواجدة على السفرة الرمضانية
و بالهنا و الشفا

folla1985
24-09-2006, 12:04 AM
و توا تصبحوا على خير لأني بديت نشوف في الواحد زوز و حاسة روحي بنرقد على الكيبورد
و نستى في خواتي في المنتدى باش يحطوا حتى هما صور لأكلات رمضانية باش نخلوا ليبي متغرب يندم على كل لحظة ضيعها من غير ما يتعلم كيف يقلي دحية
السلام عليكم

المتنقل
24-09-2006, 12:07 AM
بالك نطلعوا عويلة والا معارف مادامه يسأل اكيد معرفه

out.

المتنقل
24-09-2006, 12:20 AM
الثالث عريس السفرة شفتو هالعريس شو محلاه


هذا مخصوص لليبي متغرب و هو البوريكما يجيش علينا احني

الباين عليك طباخة صح

out.

folla1985
24-09-2006, 05:54 AM
ما يجيش علينا احني

الباين عليك طباخة صح

out.
لا الأكل يا متنقل هذا يجي على كل حد لأنه مقاسه استاندر :D
و أنا خصيت ليبي متغرب لأنه ياناري ما عنده من يطيبله فخليه على الأقل يشوف ولا يذوق و أنا بصراحة قلبي مع كل المغتربين لأني متليعة بنار الغربة

و من ناحية أني طباخة فالحمد لله مخطمة روحي لكن مش لدرجة أنك تسميني طباخة :o

المتنقل
24-09-2006, 02:35 PM
لا الأكل يا متنقل هذا يجي على كل حد لأنه مقاسه استاندرما يمشيش معاي استاندر

out.

majin_aymen2001
24-09-2006, 03:04 PM
كل عام و انتم بألف خير و صحة بمناسبة حلول شهر رمضان المبارك


شني رايكم ايديروا يوم أعضاء الهندسة نت يفطروا مع بعضهم

البنات عليهم الفطور

و الولاد عليهم العوالة

القلب المجروح
24-09-2006, 04:40 PM
السلام عليكم و رحمة الله و بركاته
تقبل الله صيامكم و صح شريبتكم، اليوم بنحط صور بعض الأطباق اللي تعتبر من الأكلات الرمضانية المشهورة نبدوها بسفرة التمر و الحليب (زي برنامج بسباسي )
http://www.moq3.com/pics/up/f_13_09_06/615cc8c424.jpg (www.moq3.com)
http://www3.0zz0.com/2006/09/23/20/750865082.jpg
و الثاني هو سيدة السفرة أكيد عرفتوها و هيا شربة هانم
http://www.moq3.com/pics/up/f_13_09_06/661832e4ba.jpg (www.moq3.com)
و الثالث عريس السفرة و اللي هو البراك (ضولمة)
http://www.moq3.com/pics/up/f_13_09_06/471cb79df2.jpg (www.moq3.com)
و البيتزا
http://www.moq3.com/pics/up/f_13_09_06/2a79949a5a.jpg (www.moq3.com)
و هذا مخصوص لليبي متغرب و هو البوريك
http://www.moq3.com/pics/up/f_13_09_06/6fc177a14e.jpg (www.moq3.com)
معليش حتى خيط الكاميرا عنده حصة فيه :D
و أخيرا الحلو و اللي هو الكيكة
http://www3.0zz0.com/2006/09/23/20/737723882.jpg
هذا نموذج لبعض المأكولات اللي تكون في أغلب الأحيان متواجدة على السفرة الرمضانية
و بالهنا و الشفا

السلام عليكم ورحمة الله وبركاته

الصور حلوات كثير يا اختى فلونا

ان شاء الله بالهنا والشفاء

وتاكلوا بالصحة

ونستنوا فى الصور الجدد :good:

والسلام عليكم ورحمة الله وبركاته

العالم الصغير
24-09-2006, 06:11 PM
السلام عليكم

كل العام و انتم بخير

اهم حاجة البازين يا جماعة..............

folla1985
24-09-2006, 06:43 PM
السلام عليكم و رحمة الله و بركاته
تقبل الله صيامكم و صح شريبتكم، اليوم في أكلات جديدة من مطبخي مطبخ فلة(و الله منال اللي في التلفزيون مش أحسن مني باش هيا يديرولها مطبخ و أنا لا) و علشان ما تزعلش خوي متنقل اليوم جبتلك صورة الشربة بالجزر اللي قلت عمرك ما سمعت بيها و خلي الصورة تتكلم :
http://www2.0zz0.com/2006/09/24/16/678889244.jpg
و الطبق الثاني هو طاجين (طاجين البطاطا باللحم و هذا أكلة مشهورة في ليبيا )
http://www2.0zz0.com/2006/09/24/16/571353644.jpg
و أخيراً طبق الفاكهة اللي نعتبره هو و العصير أهم الأطباق خصوصا في هالجو الحار، و هذا مش أنا مطيبته لكن أنا اللي جبته من دكان الخضرة :
http://www3.0zz0.com/2006/09/24/16/290819728.jpg
و مازال في مطبخنا الكثيييييييييييييييير و اللي يبي حاجة محددة يقول و ما يتحشمش و بالنسبة للعالم الصغير اللي قال يبي البازين فهذا نقوله و الله ما عندي جهد على رياضة الجودو الليبية هذه امتاع التعصييد لكن ان شاء الله نبعثلك صورة لما يسخر ربي ،نحييكم من مطبخ فلة

folla1985
24-09-2006, 06:47 PM
كل عام و انتم بألف خير و صحة بمناسبة حلول شهر رمضان المبارك


شني رايكم ايديروا يوم أعضاء الهندسة نت يفطروا مع بعضهم

البنات عليهم الفطور

و الولاد عليهم العوالة
و أنت بألف خير
هيا دونك بيه هالاقتراح ،لكن سؤال كيف بنوصلولكم الأكل :rolleyes: و لا تبي نظام شوف و لا اذوق هذا نقدر عليه :good: و كان في اختراع يخلي الأكلة تخش للجهاز و توصلك عن طريق الشاشة قولي عليه خلي اليوم نمشي نشريه الله كان يديروا حاجة زي هذه :D

folla1985
24-09-2006, 08:38 PM
شكلكم مازال ما تعودتوا على الصيام و قاعد دماغكم مقلوب و ينكم لا حس و خبر قاعدة نكلم في روحي هيا خشوا و احكولنا عن يومكم الرمضاني

العالم الصغير
24-09-2006, 10:44 PM
السلام عليكم ورحمة الله

شكرا اختي وصحة فطوركم جميعا ..............

لا يوجد شي يضاهي فنجان الشاي الخضرة الي بعد صلاة الترويح ..... نتمنى منكم مشاركتي فيها

المتنقل
24-09-2006, 11:25 PM
شكلكم مازال ما تعودتوا على الصيام و قاعد دماغكم مقلوب و ينكم لا حس و خبر قاعدة نكلم في روحي هيا خشوا و احكولنا عن يومكم الرمضاني
ماهو انتي شكلك اول ما تكملي من اعتماد الرد ماعندكش صبر " متستنيش خمس دقائق وتكتبي الرد التاني "

وشن اخبار الطبخ معاك قالو اليوم الطاجين انحررق منك

out.

dora
25-09-2006, 01:13 AM
احنى مازال مافطرناش :(

flower_90
25-09-2006, 01:27 AM
كل سنة و إنت طيبة
أهو نستنوا


وأنتو طيبين إن شاء الله
شكرا ليك على احترامك

شكله موضوع أكلات مش هدرزة رمضانية
:lol:
انخشو في الهدرزة
شن جوكم في رمضان؟
شكلكم جيعانين
لانه كله الدوة على الماكلة
:lol:
والله ضحكتوني
تسخفوا
:lol:
ليا رجعة
السلام عليكم

مروان المتكنطى
25-09-2006, 01:40 AM
شن جوكم في رمضان؟
شكلكم جيعانين
ماك انت عارف الواحد شنو جوه فى رمضان وبالدات الساعه اللى قبل المغرب

شكلكم جيعانين
ياودى الجوع لا لاكن العطش بس

flower_90
25-09-2006, 01:55 AM
ماك انت عارف[line] الواحد شنو جوه فى رمضان وبالدات الساعه اللى قبل المغرب
:lol:
لالالا
بالعكس
بالنسبة ليا الساعة اللي قبل المغرب بالذات انكون شبعانة واتقول اعليا فاطرة
صح وقت الظهر هداكا هو وقت الجوع:lol:

ياودى الجوع لا لاكن العطش بس
عكسك
العطش لا
الجوع بس
*النتيجة*
انت مختلف عني تماما
السلام عليكم

folla1985
25-09-2006, 09:57 AM
توا علاش هكي يا متنقل و الله الطاجين مش محروق هو هكي لما يطيب

folla1985
25-09-2006, 01:18 PM
ماهو انتي شكلك اول ما تكملي من اعتماد الرد ماعندكش صبر " متستنيش خمس دقائق وتكتبي الرد التاني "

وشن اخبار الطبخ معاك قالو اليوم الطاجين انحررق منك

out.
أنت عارفني عادة و عارف مقدار الصبر عندي و كلماله و هو في العد التنازلي ;)
و أخبار الطبخ معايا 100% ما قلتليش شن رايك في الشربة بالجزر :q:

folla1985
25-09-2006, 01:21 PM
السلام عليكم ورحمة الله

شكرا اختي وصحة فطوركم جميعا ..............

لا يوجد شي يضاهي فنجان الشاي الخضرة الي بعد صلاة الترويح ..... نتمنى منكم مشاركتي فيها
العفو الشكر لله وحده ،يسلمك و صحة فطورك حتى أنت

و الله من ناحية الشاهي صدقت بالذات عالة الشاهي هديكا اللي شكلها يرد الروح و بالأخص لما تاخذ طويسة شاهي أخضر مرة(زي ما نشرب فيه أنا)ليها طعم تاني :D
و بالنسبة لطاسة الشاهي غالي و الطلب صورة اليوم تكون محطوطة في الموضوع ادلل يا العالم الصغير و ابهرنا باختراعاتك :good:

folla1985
25-09-2006, 01:28 PM
وأنتو طيبين إن شاء الله
شكرا ليك على احترامك

شكله موضوع أكلات مش هدرزة رمضانية
:lol:
انخشو في الهدرزة
شن جوكم في رمضان؟
شكلكم جيعانين
لانه كله الدوة على الماكلة
:lol:
والله ضحكتوني
تسخفوا
:lol:
ليا رجعة
السلام عليكم



وينك يا فلور طيب فينا جت وحدة من البناويت تنور موضوعنا و انتن من نهار بدي رمضان فص ملح و ذاب
و بعدين قولي من هو اللي في رمضان ما يخدمش على بطنه،الرجالة تلقيهم يزاحموا في سوق الخضرة و السوبرماركات وينك يا حاجة جايبها و جاي يجري بيها،و النساوين قاعدات في هذاكا المطبخ وينك يا تخليط يخلطن فيه و تقولي خيره دوتكم كلها على الماكلة :rolleyes:

و بعدين في رمضان هذا أنا ما نحسش بالجوع و لكن اللي هاد حيلي هو العطش و الجو الجار جدا جدا جدا لين الواحد يولي كيف اللفتة الرامضة من الجو السخون :(
و انت بروحك قلتي ليا رجعة و اهوا انا اول وحدة نستنى في رجعتك :D
السلام عليكم

folla1985
25-09-2006, 01:29 PM
بصراحة تبوا رشة فلفل تنشطكم شوية

المتنقل
25-09-2006, 03:16 PM
أنت عارفني عادة و عارف مقدار الصبر عندي و كلماله و هو في العد التنازلي
و أخبار الطبخ معايا 100% ما قلتليش شن رايك في الشربة بالجزر الشربة مليحة كتري من الاكلات الرنضانية

out.

folla1985
25-09-2006, 06:26 PM
السلام عليكم و رحمة الله و بركاته
تقبل الله صيامكم و صحة شريبتكم، اليوم عندي صورتين الأولى لأكلة شامية(من بلاد الشام) 100% و اسمها الكبة أكيد سامعين بيها و من أهم مكوناتها البرغل و اللحم (و أنا شخصياً نحب هذه الأكلة) و خذيت طريقتها من الشيف صلاح و هو شيف سوري كان عنده برنامج طبخ يعرض على قناة عجمان (باش ما ننسب لنفسي براءة الاختراع) و الصورة كالتالي:

http://www2.0zz0.com/2006/09/25/15/295296341.jpg

أما الصورة الثانية و اللي هيا لطاستين شاهي بالنسبة للطاسة اللي على اليمين فهيا طاسة شاهي أخضر و اللي على اليسار طاسة شاهي أحمر،و الطاسة الخضرة واحد يقربها نهاره هاللي يدور فيه هذه للعالم الصغير أنا واعدته بيها،آه لكن المكسرات عليك يا عالم:

http://www3.0zz0.com/2006/09/25/15/534702560.jpg

و حقا ما قلتولي الحمد على سلامتك،قولوها و بعدين إن شاء الله نخبركم علاش ، و توا ذوقوا و قولولي شن رايكم،بنصبر روحي يا متنقل.

عطر ليبيا
25-09-2006, 10:07 PM
هااااااااااااااااااااااااااااي
كل عام وانتم بخير
شكرا علي فتح الموضوع

المتنقل
26-09-2006, 12:25 AM
الحمد لله على سلامتك " شن فيه "

وان شاء الله لا باس

اليوم اكلك 100% :good: لما سألت قالولي لما يأتر فيك رمضان تطبخي مزبوط :lol: ويطلع الاكل 100% :devilsmil

انا مانشربش فيه الشاهي :devil: شنو مانحصلوش كستردر بشرائح الموز يا لي نا :q:

out.

المتنقل
26-09-2006, 12:32 AM
بالنسبة للطاسة اللي على اليمين فهيا طاسة شاهي أخضر و اللي على اليسار طاسة شاهي أحمرالباين انه الاتنين فيهم رغوة :q:

ولا انا غلطان

out.

العالم الصغير
26-09-2006, 01:51 AM
بارك الله فيك ......... وصحة فطورك

folla1985
26-09-2006, 05:11 AM
شكرا للجميع على ردودهم
و عطر ليبيا نورتي أنا نقول علاش لما خشيت للموضوع شميت صنة حلوة لأنك أنت فيه
و بالنسبة علاش قلت قولولي الحمد لله ع السلامة لأنه أمس السيارة من كثر ما كبدتها شايطة من النو(حتى هيا صايمة)سخنت فتحت بنصبلها مية بعد ما هديت شوي و مازال أنا مافتحت خزان المية يادوب حطيت ايدي علية و يتنطر هداكا المغطى و تطلع منه براكين لولا ستر ربي كان هذا وجهي مشي فيها جتني في ملابسي يتعوضوا ما نحكيلكمش هدوكا الحوايش كيف ولا شكلهم حالة،هذا علاش قلت قولولي الحمد لله ع السلامة

folla1985
26-09-2006, 05:16 AM
الحمد لله على سلامتك " شن فيه "

وان شاء الله لا باس

اليوم اكلك 100% :good: لما سألت قالولي لما يأتر فيك رمضان تطبخي مزبوط :lol: ويطلع الاكل 100% :devilsmil

انا مانشربش فيه الشاهي :devil: شنو مانحصلوش كستردر بشرائح الموز يا لي نا :q:

out.
مايورك ربي باس
و بعدين رمضان مش مأثر فيا من ناحية الجوع ،لأني ما نعدلش على الماكلة لكن العطش :eek:

و بعدين ما تشربش في الشاهي مشكلتك هذه،حتى أنا الكستردر اهو ما نحباش عندي خط معين في الأكل نمشي عليه زي مصممين الأزياء بالزبط
و بعدين كان ما تركح خيرلك راهو يا متنقل :devil:

petsampras
26-09-2006, 12:03 PM
السلام عليكم

خوي ليبي وينك
مخلينا نهدرزوا بروحنا وين يومياتك الرمضانية و الله الك وحشة

اختي folla1985 صحيتي على الكبة اني انموت فيهاعلى فكرة و خاصة لما ناكلها بهريسة الحوش الحارة المحماطي

طبعا اكيد بتقولوا كيف بهريسة

هههههههههههه

في الحلقة القادمة

folla1985
26-09-2006, 01:14 PM
السلام عليكم

خوي ليبي وينك
مخلينا نهدرزوا بروحنا وين يومياتك الرمضانية و الله الك وحشة

اختي folla1985 صحيتي على الكبة اني انموت فيهاعلى فكرة و خاصة لما ناكلها بهريسة الحوش الحارة المحماطي

طبعا اكيد بتقولوا كيف بهريسة

هههههههههههه

في الحلقة القادمة
بتبوتة مرحبتين و الله كانا مش في رابع يوم رمضان راني قلت أنه العيد جاي وينك و أنت كيف هلال العيد،و تعالى جاي وين المبطن اللي قلتي بتجيبيه ماراينا منك شي لتوا أكثر ميزة فيا هيا أني ما ننسى :devilsmil
و بالنسبة للكبة يسلمك أنت اللي تأكليها بألف صحة و عافية،و كان على الهريسة و الفلفل فأنا أحرف منك الماكلة عندي مش ماكلة كانها مش مالحة و حارة ;)

و الليبي متغرب هذا شوره يا أما هارب من الزردة أو أنه رافع خشمه علينا بعد ما ولى مشرف ،و أنا نبيه يحكيلنا عن قصة الأئمة المصريين اللي الحكومة الأمريكية ردتهم و ما خلتهم يخشوا من المطار مش هو مراسلنا في أمريكا تعالى و احكيلنا و نستنى في زردة الاشراف و أنا زردتي بروحي مش مع باقي الأعضاء :D ايوه

petsampras
26-09-2006, 03:09 PM
بتبوتة مرحبتين و الله كانا مش في رابع يوم رمضان راني قلت أنه العيد جاي وينك و أنت كيف هلال العيد،و تعالى جاي وين المبطن اللي قلتي بتجيبيه ماراينا منك شي لتوا أكثر ميزة فيا هيا أني ما ننسى
و بالنسبة للكبة يسلمك أنت اللي تأكليها بألف صحة و عافية،و كان على الهريسة و الفلفل فأنا أحرف منك الماكلة عندي مش ماكلة كانها مش مالحة و حارة


ولا يهمك المبطن ان شاء الله انديره لكن بس ماقعمزتش لتوه في الحوش
ان شاء الله الجمعة انديره و انصورة و السبت انزلهولكم
كان حيانا ربي
و الحارة مشكله والله ما نفطر الا على الهريسة و الشربة بس

عطر ليبيا
26-09-2006, 10:43 PM
هاااااااااااااااااااااااااااااااااااااااااااااااااااي
كيف حالكم ؟

folla1985
27-09-2006, 09:54 AM
مابلاش هاي دي يا عطر ليبيا
على العموم حالنا باهي الحمد لله كيف حالك أنت يا عطر و شني جو رمضان معاك

ليبي متغرب
27-09-2006, 12:13 PM
و الليبي متغرب هذا شوره يا أما هارب من الزردة أو أنه رافع خشمه علينا بعد ما ولى مشرف ،و أنا نبيه يحكيلنا عن قصة الأئمة المصريين اللي الحكومة الأمريكية ردتهم و ما خلتهم يخشوا من المطار مش هو مراسلنا في أمريكا تعالى و احكيلنا و نستنى في زردة الاشراف و أنا زردتي بروحي مش مع باقي الأعضاء :D ايوه


أولا يا فلة مش ليبي متغرب اللي يرفع خشمه على حد .. أي صحيح عندي النعرة.. و نشوف في روحي .. و ثقتي بنفسي مالهاش حدود..بل تقدري تقولي إني أعشق نفسي حد الهيــام :devilsmil ..
لكن عمري ما شفت روحي على حد :devilsmil ...
لكن السبب إني في حالة نفسية أرثى لها..و السبب سيأتي في الأيام القادمة..
و إن غداً لناظره لقريــب ;)

petsampras
27-09-2006, 12:43 PM
يروروروروروروروروروروري

وين وين يا ليبي وين الغيبة يا راجل
نحسابه رمضان اثر فيك هلباااا

تي وين الحكي و التهدريز متع رمضان اللي فات

شنو مصار معاك شي شنو اخبار التطييب معاك

babow 5-13
27-09-2006, 01:06 PM
جيت بنتكلم ما صارش نستنى الأيام القادمة وبنعث مسج فيه حل الفزورة

folla1985
27-09-2006, 01:14 PM
أولا يا فلة مش ليبي متغرب اللي يرفع خشمه على حد .. أي صحيح عندي النعرة.. و نشوف في روحي .. و ثقتي بنفسي مالهاش حدود..بل تقدري تقولي إني أعشق نفسي حد الهيــام :devilsmil ..
لكن عمري ما شفت روحي على حد :devilsmil ...
هذا كله نعرفه و مش غابية فيه،غير حبيت نبصر عليك زي ما أنت تبصر علينا :D



لكن السبب إني في حالة نفسية أرثى لها..و السبب سيأتي في الأيام القادمة..
و إن غداً لناظره لقريــب ;)
فعلا و غدا لناظره قريب لكن إن شاء الله :good: ،أصلاً لما تغيب مدة و بشكل فجائي مش عارفة نحس أنه غيبتك وراها إن تتعبلك في نفسيتك ،نولي و نقول إن شاء الله خير :D

ليبي متغرب
27-09-2006, 01:17 PM
يروروروروروروروروروروري

وين وين يا ليبي وين الغيبة يا راجل
نحسابه رمضان اثر فيك هلباااا

تي وين الحكي و التهدريز متع رمضان اللي فات

شنو مصار معاك شي شنو اخبار التطييب معاك


ما شاء الله تزغريطك قريب نوضت الجيران
تي هلبة و بس
التهدريز جاي إن شاء الله خللي نستريح شوية بس
أما التطييب أنسي ميؤوس منها حالتي :devilsmil

folla1985
27-09-2006, 01:17 PM
يروروروروروروروروروروري

شنو مصار معاك شي شنو اخبار التطييب معاك
أما تطييب يا بيت تي غير نعرفوا شني مشكلته قبل،و كان ع التطييب حتى حكة تن يفتحها و يصبها في وسك الخبز الأمريكي السمين ،تسكله جوعه و تفوته :q: